תנ״ך
Tanaj (Biblia)
beneyisrael.com
Inicio
Portada
Apoyar
Biblioteca
Opciones de lectura
עברית
Fonética
Español
Taamim
Nikud
Letras
A−
100%
A+
Comentarios
Ketuvim · 1 Crónicas
דברי הימים א כא
1 Crónicas · Capítulo 21
30 versículos
0 comentarios
1
וַיַּֽעֲמֹ֥ד שָׂטָ֖ן עַל־יִשְׂרָאֵ֑ל וַיָּ֙סֶת֙ אֶת־דָּוִ֔יד לִמְנ֖וֹת אֶת־יִשְׂרָאֵֽל׃
Vaya’amod satán al-Yisrael vayaset et-david limnot et-Yisrael
Entonces se levantó Satán contra Israel, e incitó a David a que hiciese el censo de Israel.
2
וַיֹּ֨אמֶר דָּוִ֤יד אֶל־יוֹאָב֙ וְאֶל־שָׂרֵ֣י הָעָ֔ם לְכ֗וּ סִפְרוּ֙ אֶת־יִשְׂרָאֵ֔ל מִבְּאֵ֥ר שֶׁ֖בַע וְעַד־דָּ֑ן וְהָבִ֣יאוּ אֵלַ֔י וְאֵדְעָ֖ה אֶת־מִסְפָּרָֽם׃
Vayómer david el-yo’av ve’el-saréi ha’am lejú sifru et-Yisrael mibe’er sheva ve’ad-Dan vehavíu elái ve’ed’á et-misparam
Dijo, pues, David a Yoav y a los príncipes del pueblo: "Id, contad a Israel, desde BerSheva hasta Dan; y traedme (el resultado), para que yo sepa su número."
3
וַיֹּ֣אמֶר יוֹאָ֗ב יוֹסֵף֩ יְהוָ֨ה עַל־עַמּ֤וֹ ׀ כָּהֵם֙ מֵאָ֣ה פְעָמִ֔ים הֲלֹא֙ אֲדֹנִ֣י הַמֶּ֔לֶךְ כֻּלָּ֥ם לַאדֹנִ֖י לַעֲבָדִ֑ים לָ֣מָּה יְבַקֵּ֥שׁ זֹאת֙ אֲדֹנִ֔י לָ֛מָּה יִהְיֶ֥ה לְאַשְׁמָ֖ה לְיִשְׂרָאֵֽל׃
Vayómer yo’av Yosef Adonai al-amó kahem me’á fe’amim halo Adonai hamélej kulam ladoní la’avadim lama yevakesh zot Adonai lama yihyé le’ashmá leyisra’el
Entonces dijo Yoav: "Añada el Señor a Su pueblo cien tantos (de lo que son) ¿acaso no son, oh rey, señor mío, todos ellos los siervos de mi señor? ¿Para qué, pues, se empeña mi señor en exigir esto? Para qué ha de hacerse esto motivo de delito para Israel?
4
וּדְבַר־הַמֶּ֖לֶךְ חָזַ֣ק עַל־יוֹאָ֑ב וַיֵּצֵ֣א יוֹאָ֗ב וַיִּתְהַלֵּךְ֙ בְּכָל־יִשְׂרָאֵ֔ל וַיָּבֹ֖א יְרוּשָׁלִָֽם׃
Udevar-hamélej jazak al-yo’av vayetsé yo’av vayithalej bejol-Yisrael vayavó Yerushaláyim
Sin embargo la palabra del rey pudo más que Yoav, de manera que salió Yoav y recorrió todo Israel, y volvió a Yerushaláim.
5
וַיִּתֵּ֥ן יוֹאָ֛ב אֶת־מִסְפַּ֥ר מִפְקַד־הָעָ֖ם אֶל־דָּוִ֑יד וַיְהִ֣י כָֽל־יִשְׂרָאֵ֡ל אֶ֣לֶף אֲלָפִים֩ וּמֵאָ֨ה אֶ֤לֶף אִישׁ֙ שֹׁ֣לֵֽף חֶ֔רֶב וִֽיהוּדָ֕ה אַרְבַּע֩ מֵא֨וֹת וְשִׁבְעִ֥ים אֶ֛לֶף אִ֖ישׁ שֹׁ֥לֵֽף חָֽרֶב׃
Vayitén yo’av et-mispar mifkad-ha’am el-david vayhí jol-Yisrael élef alafim ume’á élef ish shólef jérev vihudá arba meot veshiv’im élef ish shólef-járev
Y Yoav dio la suma del censo del pueblo a David; y era todo Israel mil millares y cien mil hombres que sacaban espada; y de Yehudá había cuatrocientos setenta mil hombres que sacaban espada.
6
וְלֵוִי֙ וּבִנְיָמִ֔ן לֹ֥א פָקַ֖ד בְּתוֹכָ֑ם כִּֽי־נִתְעַ֥ב דְּבַר־הַמֶּ֖לֶךְ אֶת־יוֹאָֽב׃
Velevi uvinyamín lo fakad betojam ki-nit’av devar-hamélej et-yo’av
Mas a Leví y a Biniamín no contó entre ellos, porque le era detestable a Yoav la orden del rey.
7
וַיֵּ֙רַע֙ בְּעֵינֵ֣י הָאֱלֹהִ֔ים עַל־הַדָּבָ֖ר הַזֶּ֑ה וַיַּ֖ךְ אֶת־יִשְׂרָאֵֽל׃ (פ)
Vayera be’einéi ha’elohim al-hadavar hazé vayaj et-Yisrael
A Dios (también) le desagradó esto, por lo cual hirió a Israel.
8
וַיֹּ֤אמֶר דָּוִיד֙ אֶל־הָ֣אֱלֹהִ֔ים חָטָ֣אתִֽי מְאֹ֔ד אֲשֶׁ֥ר עָשִׂ֖יתִי אֶת־הַדָּבָ֣ר הַזֶּ֑ה וְעַתָּ֗ה הַֽעֲבֶר־נָא֙ אֶת־עֲו֣וֹן עַבְדְּךָ֔ כִּ֥י נִסְכַּ֖לְתִּי מְאֹֽד׃ (פ)
Vayómer david el-ha’elohim jatati me’od asher asiti et-hadavar hazé ve’atá ha’aver-na et-avón avdejá ki niskalti me’od
Entonces dijo David a Dios: "¡Yo he pecado gravemente en hacer esto; ahora, pues, perdona, Te lo ruego, la iniquidad de Tu siervo; porque he obrado muy insensatamente!"
9
וַיְדַבֵּ֤ר יְהוָה֙ אֶל־גָּ֔ד חֹזֵ֥ה דָוִ֖יד לֵאמֹֽר׃
Vaydaber Adonai el-Gad jozé david lemor
Y habló el Señor a Gad, el vidente de David, diciendo:
10
לֵךְ֩ וְדִבַּרְתָּ֨ אֶל־דָּוִ֜יד לֵאמֹ֗ר כֹּ֚ה אָמַ֣ר יְהוָ֔ה שָׁל֕וֹשׁ אֲנִ֖י נֹטֶ֣ה עָלֶ֑יךָ בְּחַר־לְךָ֛ אַחַ֥ת מֵהֵ֖נָּה וְאֶֽעֱשֶׂה־לָּֽךְ׃
Lej vedibartá el-david lemor ko amar Adonai shalosh aní noté aleja bejar-lejá ajat mehena ve’e’ese-laj
"Ve y habla a David, diciendo: Así dice el Señor: Tres (cosas) te propongo; escoge para ti una de ellas, para que Yo te haga así."
11
וַיָּ֥בֹא גָ֖ד אֶל־דָּוִ֑יד וַיֹּ֥אמֶר ל֛וֹ כֹּֽה־אָמַ֥ר יְהוָ֖ה קַבֶּל־לָֽךְ׃
Vayavo Gad el-david vayómer lo ko-amar Adonai kabel-laj
Entonces vino Gad a David, y le dijo: "Así dice el Señor: Escógete:
12
אִם־שָׁל֨וֹשׁ שָׁנִ֜ים רָעָ֗ב וְאִם־שְׁלֹשָׁ֨ה חֳדָשִׁ֜ים נִסְפֶּ֥ה מִפְּנֵי־צָרֶיךָ֮ וְחֶ֣רֶב אוֹיְבֶ֣ךָ ׀ לְמַשֶּׂגֶת֒ וְאִם־שְׁלֹ֣שֶׁת יָ֠מִים חֶ֣רֶב יְהוָ֤ה וְדֶ֙בֶר֙ בָּאָ֔רֶץ וּמַלְאַ֣ךְ יְהוָ֔ה מַשְׁחִ֖ית בְּכָל־גְּב֣וּל יִשְׂרָאֵ֑ל וְעַתָּ֣ה רְאֵ֔ה מָֽה־אָשִׁ֥יב אֶת־שֹׁלְחִ֖י דָּבָֽר׃ (פ)
Im-shalosh shanim ra’av ve’im-sheloshá jodashim nispé mipenei-tsareja vejérev oyeveja lemaséget ve’im-shelóshet yamim jérev Adonai vedever ba’arets umal’aj Adonai mashjit bejol-gevul Yisrael ve’atá re’é ma-ashiv et-sholjí davar
o tres años de hambre; o que por tres meses seas destruído delante de tus adversarios, en tanto que la espada de tus enemigos (te) vaya alcanzando; o que por tres días la espada del Señor, es decir, la peste en la tierra, y un ángel del Señor haga estragos en todo el territorio de Israel. Ahora bien, considera qué respuesta he de llevar al que me envió."
13
וַיֹּ֧אמֶר דָּוִ֛יד אֶל־גָּ֖ד צַר־לִ֣י מְאֹ֑ד אֶפְּלָה־נָּ֣א בְיַד־יְהוָ֗ה כִּֽי־רַבִּ֤ים רַחֲמָיו֙ מְאֹ֔ד וּבְיַד־אָדָ֖ם אַל־אֶפֹּֽל׃
Vayómer david el-Gad tsar-li me’od epela-na veyad-Adonai ki-rabim rajamav me’od uveyad-adam al-epol
Y David dijo a Gad: "Me veo en grande estrecho. ¡Caiga, pues, yo en la mano del Señor, porque muy grandes son Sus compasiones; pero no caiga yo en mano de los hombres!"
14
וַיִּתֵּ֧ן יְהוָ֛ה דֶּ֖בֶר בְּיִשְׂרָאֵ֑ל וַיִּפֹּל֙ מִיִּשְׂרָאֵ֔ל שִׁבְעִ֥ים אֶ֖לֶף אִֽישׁ׃
Vayitén Adonai déver beyisra’el vayipol miyisra’el shiv’im élef ish
Por lo cual envió el Señor la peste en medio de Israel; y cayeron de Israel setenta mil hombres.
15
וַיִּשְׁלַח֩ הָאֱלֹהִ֨ים ׀ מַלְאָ֥ךְ ׀ לִֽירוּשָׁלִַם֮ לְהַשְׁחִיתָהּ֒ וּכְהַשְׁחִ֗ית רָאָ֤ה יְהוָה֙ וַיִּנָּ֣חֶם עַל־הָֽרָעָ֔ה וַיֹּ֨אמֶר לַמַּלְאָ֤ךְ הַמַּשְׁחִית֙ רַ֔ב עַתָּ֖ה הֶ֣רֶף יָדֶ֑ךָ וּמַלְאַ֤ךְ יְהוָה֙ עֹמֵ֔ד עִם־גֹּ֖רֶן אָרְנָ֥ן הַיְבוּסִֽי׃ (ס)
Vayishlaj ha’elohim mal’aj lirushalam lehashjitah ujehashjit ra’á Adonai vayinájem al-hara’á vayómer lamal’aj hamashjit rav atá héref yadeja umal’aj Adonai omed im-goren ornán hayvusí
Y Dios envió un ángel contra Yerushaláim para destruirla; mas como la iba a destruir, miró el Señor, y se arrepintió del mal, y dijo al ángel destruidor: "¡Basta: detén ahora tu mano!" Y el ángel del Señor se paró cerca de la era de Ornán el yevusita.
16
וַיִּשָּׂ֨א דָוִ֜יד אֶת־עֵינָ֗יו וַיַּ֞רְא אֶת־מַלְאַ֤ךְ יְהוָה֙ עֹמֵ֗ד בֵּ֤ין הָאָ֙רֶץ֙ וּבֵ֣ין הַשָּׁמַ֔יִם וְחַרְבּ֤וֹ שְׁלוּפָה֙ בְּיָד֔וֹ נְטוּיָ֖ה עַל־יְרוּשָׁלִָ֑ם וַיִּפֹּ֨ל דָּוִ֧יד וְהַזְּקֵנִ֛ים מְכֻסִּ֥ים בַּשַּׂקִּ֖ים עַל־פְּנֵיהֶֽם׃
Vayisá david et-einav vayar et-mal’aj Adonai omed bein ha’arets uvéin hashamáyim vejarbó shelufa beyadó netuyá al-Yerushaláyim vayipol david vehazekenim mejusim basakim al-peneihem
Entonces David alzó sus ojos y vio al ángel del Señor que estaba entre la tierra y el cielo, y con la espada desenvainada en su mano, extendida sobre Yerushaláim; y David, juntamente con los ancianos, cubiertos de sacos, cayeron sobre sus rostros.
17
וַיֹּ֣אמֶר דָּוִ֣יד אֶֽל־הָאֱלֹהִ֡ים הֲלֹא֩ אֲנִ֨י אָמַ֜רְתִּי לִמְנ֣וֹת בָּעָ֗ם וַאֲנִי־ה֤וּא אֲשֶׁר־חָטָ֙אתִי֙ וְהָרֵ֣עַ הֲרֵע֔וֹתִי וְאֵ֥לֶּה הַצֹּ֖אן מֶ֣ה עָשׂ֑וּ יְהוָ֣ה אֱלֹהַ֗י תְּהִ֨י נָ֤א יָֽדְךָ֙ בִּ֚י וּבְבֵ֣ית אָבִ֔י וּֽבְעַמְּךָ֖ לֹ֥א לְמַגֵּפָֽה׃ (ס)
Vayómer david el-ha’elohim halo aní amarti limnot ba’am va’ani-hu asher-jatati veharéa hareoti ve’ele hatsón me asú Adonai Elohái tehí na yadja bi uveveit aví uve’amejá lo lemagefá
Y dijo David a Dios: "¿No fui yo quien mandé hacer el censo del pueblo? Y yo mismo soy quien pequé, y yo he obrado muy inicuamente; mas estas ovejas, ¿qué han hecho? Oh Señor, Dios Mío, ruégote que sea Tu mano contra mí y contra la casa de mi padre, mas no contra Tu pueblo, para que haya plaga entre ellos."
18
וּמַלְאַ֧ךְ יְהוָ֛ה אָמַ֥ר אֶל־גָּ֖ד לֵאמֹ֣ר לְדָוִ֑יד כִּ֣י ׀ יַעֲלֶ֣ה דָוִ֗יד לְהָקִ֤ים מִזְבֵּ֙חַ֙ לַיהוָ֔ה בְּגֹ֖רֶן אָרְנָ֥ן הַיְבֻסִֽי׃
Umal’aj Adonai amar el-Gad lemor ledavid ki ya’alé david lehakim mizbeaj laAdonai begoren ornán hayvusí
Entonces el ángel del Señor mandó a Gad que dijera a David que subiese y levantase altar al Señor en la era de Ornan el yevusita.
19
וַיַּ֤עַל דָּוִיד֙ בִּדְבַר־גָּ֔ד אֲשֶׁ֥ר דִּבֶּ֖ר בְּשֵׁ֥ם יְהוָֽה׃
Vayá’al david bidvar-Gad asher diber beshem Adonai
Subió, pues, David, según la palabra que Gad le había hablado en nombre del Señor.
20
וַיָּ֣שָׁב אָרְנָ֗ן וַיַּרְא֙ אֶת־הַמַּלְאָ֔ךְ וְאַרְבַּ֧עַת בָּנָ֛יו עִמּ֖וֹ מִֽתְחַבְּאִ֑ים וְאָרְנָ֖ן דָּ֥שׁ חִטִּֽים׃
Vayáshov ornán vayar et-hamal’aj ve’arbá’at banav imó mitjabe’im ve’ornán dash jitim
Entretanto Ornán, que estaba trillando el trigo, volviéndose vio al ángel; y Ornán con los cuatro hijos suyos se escondieron.
21
וַיָּבֹ֥א דָוִ֖יד עַד־אָרְנָ֑ן וַיַּבֵּ֤ט אָרְנָן֙ וַיַּ֣רְא אֶת־דָּוִ֔יד וַיֵּצֵא֙ מִן־הַגֹּ֔רֶן וַיִּשְׁתַּ֧חוּ לְדָוִ֛יד אַפַּ֖יִם אָֽרְצָה׃
Vayavó david ad-ornán vayabet ornan vayar et-david vayetse min-hagoren vayishtaju ledavid apáyim artsa
Y como iba llegando David a donde estaba Ornán, miró Ornán, y viendo a David, salió de la era, y se postró ante David, rostro a tierra.
22
וַיֹּ֨אמֶר דָּוִ֜יד אֶל־אָרְנָ֗ן תְּנָה־לִּי֙ מְק֣וֹם הַגֹּ֔רֶן וְאֶבְנֶה־בּ֥וֹ מִזְבֵּ֖חַ לַיהוָ֑ה בְּכֶ֤סֶף מָלֵא֙ תְּנֵ֣הוּ לִ֔י וְתֵעָצַ֥ר הַמַּגֵּפָ֖ה מֵעַ֥ל הָעָֽם׃
Vayómer david el-ornán tena-li mekom hagoren ve’evne-bo mizbeaj laAdonai bejésef male tenehu li vete’atsar hamagefá me’al ha’am
Entonces dijo David a Ornán: "Dame el recinto de la era para que edifique en él un altar al Señor (por su pleno valor me lo darás), para que se detenga la plaga de sobre el pueblo."
23
וַיֹּ֨אמֶר אָרְנָ֤ן אֶל־דָּוִיד֙ קַֽח־לָ֔ךְ וְיַ֛עַשׂ אֲדֹנִ֥י הַמֶּ֖לֶךְ הַטּ֣וֹב בְּעֵינָ֑יו רְאֵה֩ נָתַ֨תִּי הַבָּקָ֜ר לָֽעֹל֗וֹת וְהַמּוֹרִגִּ֧ים לָעֵצִ֛ים וְהַחִטִּ֥ים לַמִּנְחָ֖ה הַכֹּ֥ל נָתָֽתִּי׃
Vayómer ornán el-david kaj-laj veya’as Adonai hamélej hatov be’einav re’e natati habakar la’olot vehamorigim la’etsim vehajitim laminjá hakol natati
Entonces dijo Ornán a David: "¡Tómatelo, y haga mi señor el rey lo que sea bueno en su vista! Mira que doy los bueyes para los holocaustos, y los trillos para la leña, y el trigo para la ofrenda vegetal; todo lo doy."
24
וַיֹּ֨אמֶר הַמֶּ֤לֶךְ דָּוִיד֙ לְאָרְנָ֔ן לֹ֕א כִּֽי־קָנֹ֥ה אֶקְנֶ֖ה בְּכֶ֣סֶף מָלֵ֑א כִּ֠י לֹא־אֶשָּׂ֤א אֲשֶׁר־לְךָ֙ לַיהוָ֔ה וְהַעֲל֥וֹת עוֹלָ֖ה חִנָּֽם׃
Vayómer hamélej david le’ornán lo ki-kanó ekné bejésef malé ki lo-esá asher-leja laAdonai veha’alot olá jinam
Mas el rey David le contestó a Ornán: "No, sino que ciertamente lo compraré por su pleno valor, porque no tomaré lo que es tuyo para el Señor, ni sacrificaré holocausto sin costo."
25
וַיִּתֵּ֥ן דָּוִ֛יד לְאָרְנָ֖ן בַּמָּק֑וֹם שִׁקְלֵ֣י זָהָ֔ב מִשְׁקָ֖ל שֵׁ֥שׁ מֵאֽוֹת׃
Vayitén david le’ornán bamakom shikléi zahav mishkal shesh meot
David, pues, dio a Ornán por el sitio seiscientos siclos de oro, por peso.
26
וַיִּבֶן֩ שָׁ֨ם דָּוִ֤יד מִזְבֵּ֙חַ֙ לַיהוָ֔ה וַיַּ֥עַל עֹל֖וֹת וּשְׁלָמִ֑ים וַיִּקְרָא֙ אֶל־יְהוָ֔ה וַיַּֽעֲנֵ֤הוּ בָאֵשׁ֙ מִן־הַשָּׁמַ֔יִם עַ֖ל מִזְבַּ֥ח הָעֹלָֽה׃ (פ)
Vayiven sham david mizbeaj laAdonai vayá’al olot ushelamim vayikra el-Adonai vaya’anehu va’esh min-hashamáyim al mizbaj ha’olá
Entonces edificó David allí un altar al Señor, y sacrificó holocaustos y ofrendas pacíficas, e invocó al Señor, el cual respondió con fuego, (enviado) desde el cielo sobre el altar del holocausto.
27
וַיֹּ֤אמֶר יְהוָה֙ לַמַּלְאָ֔ךְ וַיָּ֥שֶׁב חַרְבּ֖וֹ אֶל־נְדָנָֽהּ׃
Vayómer Adonai lamal’aj vayáshev jarbó el-nedanah
Entonces el Señor mandó al ángel; y éste volvió su espada a la vaina.
28
בָּעֵ֣ת הַהִ֔יא בִּרְא֤וֹת דָּוִיד֙ כִּי־עָנָ֣הוּ יְהוָ֔ה בְּגֹ֖רֶן אָרְנָ֣ן הַיְבוּסִ֑י וַיִּזְבַּ֖ח שָֽׁם׃
Ba’et hahí birot david ki-anahu Adonai begoren ornán hayvusí vayizbaj sham
En aquel tiempo, cuando vio David que el Señor le había respondido en la era de Ornán, el yevusita, ofreció allí sacrificios.
29
וּמִשְׁכַּ֣ן יְ֠הוָה אֲשֶׁר־עָשָׂ֨ה מֹשֶׁ֧ה בַמִּדְבָּ֛ר וּמִזְבַּ֥ח הָעוֹלָ֖ה בָּעֵ֣ת הַהִ֑יא בַּבָּמָ֖ה בְּגִבְעֽוֹן׃
Umishkán Adonai asher-asá Moshé vamidbar umizbaj haolá ba’et hahí babamá begivón
Pues el tabernáculo del Señor que había hecho Moshé en el desierto, y el altar del holocausto, estaban a la sazón en el alto, en el lugar alto de Guivón,
30
וְלֹא־יָכֹ֥ל דָּוִ֛יד לָלֶ֥כֶת לְפָנָ֖יו לִדְרֹ֣שׁ אֱלֹהִ֑ים כִּ֣י נִבְעַ֔ת מִפְּנֵ֕י חֶ֖רֶב מַלְאַ֥ךְ יְהוָֽה׃ (ס)
Velo-yajol david laléjet lefanav lidrosh Elohim ki niv’at mipenéi jérev mal’aj Adonai
mas no pudo David presentarse delante de él, para acudir a Dios, porque estaba aterrado a causa de la espada del ángel del Señor.
1 Crónicas
20
1 Crónicas
22
