תנ״ך
Tanaj (Biblia)
beneyisrael.com
Inicio
Portada
Apoyar
Biblioteca
Opciones de lectura
עברית
Fonética
Español
Taamim
Nikud
Letras
A−
100%
A+
Comentarios
Neviim · 1 Reyes
מלכים א יא
1 Reyes · Capítulo 11
43 versículos
41 comentarios
1
וְהַמֶּ֣לֶךְ שְׁלֹמֹ֗ה אָהַ֞ב נָשִׁ֧ים נָכְרִיּ֛וֹת רַבּ֖וֹת וְאֶת־בַּת־פַּרְעֹ֑ה מוֹאֲבִיּ֤וֹת עַמֳּנִיּוֹת֙ אֲדֹ֣מִיֹּ֔ת צֵדְנִיֹּ֖ת חִתִּיֹּֽת׃
Vehamélej Shlomoh ahav nashim nojriot rabot ve’et-bat-par’ó mo’aviot amoniot adomiyot tsedniyot jitiyot
Y el rey Shlomó, amó a muchas mujeres extranjeras: a la hija de Faraón, a moabitas, a amonitas, a edomitas, a Tzidonitas y a Jiteas,
2
מִן־הַגּוֹיִ֗ם אֲשֶׁ֣ר אָֽמַר־יְהוָה֩ אֶל־בְּנֵ֨י יִשְׂרָאֵ֜ל לֹֽא־תָבֹ֣אוּ בָהֶ֗ם וְהֵם֙ לֹא־יָבֹ֣אוּ בָכֶ֔ם אָכֵן֙ יַטּ֣וּ אֶת־לְבַבְכֶ֔ם אַחֲרֵ֖י אֱלֹהֵיהֶ֑ם בָּהֶ֛ם דָּבַ֥ק שְׁלֹמֹ֖ה לְאַהֲבָֽה׃
Min-hagoyim asher amar-Adonai el-benéi Yisrael lo-tavóu vahem vehem lo-yavóu vajem ajen yatú et-levavjem ajaréi Eloheihem bahem davak Shlomoh le’ahavá
de las naciones acerca de las cuales el Señor había dicho a los hijos de Israel: No os uniréis a ellas, ni ellas se unirán a vosotros, porque ciertamente desviarán vuestro corazón tras sus dioses. Pero Shlomó se apegó a ellas con amor.
3
וַיְהִי־ל֣וֹ נָשִׁ֗ים שָׂרוֹת֙ שְׁבַ֣ע מֵא֔וֹת וּפִֽלַגְשִׁ֖ים שְׁלֹ֣שׁ מֵא֑וֹת וַיַּטּ֥וּ נָשָׁ֖יו אֶת־לִבּֽוֹ׃
Vayhi-lo nashim sarot shevá meot ufilagshim shelosh meot vayatú nashav et-libó
Y tuvo setecientas mujeres que eran princesas y trescientas concubinas, y sus mujeres desviaron su corazón.
4
וַיְהִ֗י לְעֵת֙ זִקְנַ֣ת שְׁלֹמֹ֔ה נָשָׁיו֙ הִטּ֣וּ אֶת־לְבָב֔וֹ אַחֲרֵ֖י אֱלֹהִ֣ים אֲחֵרִ֑ים וְלֹא־הָיָ֨ה לְבָב֤וֹ שָׁלֵם֙ עִם־יְהוָ֣ה אֱלֹהָ֔יו כִּלְבַ֖ב דָּוִ֥יד אָבִֽיו׃
Vayhí le’et ziknat Shlomoh nashav hitú et-levavó ajaréi Elohim ajerim velo-hayá levavó shalem im-Adonai Elohav kilvav david aviv
Y sucedió que cuando Shlomó era ya anciano, sus mujeres desviaron su corazón tras otros dioses, y su corazón no estuvo dedicado por entero al Señor su Dios, como había estado el corazón de David su padre.
5
וַיֵּ֣לֶךְ שְׁלֹמֹ֔ה אַחֲרֵ֣י עַשְׁתֹּ֔רֶת אֱלֹהֵ֖י צִדֹנִ֑ים וְאַחֲרֵ֣י מִלְכֹּ֔ם שִׁקֻּ֖ץ עַמֹּנִֽים׃
Vayélej Shlomoh ajaréi ashtóret Elohéi tsidonim ve’ajaréi milkom shikúts amonim
Porque Shlomó fue tras las Ashtoret, diosas de los Tzidonim, y a Milcom, ídolo abominable de los amonitas.
6
וַיַּ֧עַשׂ שְׁלֹמֹ֛ה הָרַ֖ע בְּעֵינֵ֣י יְהוָ֑ה וְלֹ֥א מִלֵּ֛א אַחֲרֵ֥י יְהוָ֖ה כְּדָוִ֥ד אָבִֽיו׃ (ס)
Vaya’as Shlomoh hará be’einéi Adonai veló milé ajaréi Adonai kedavid aviv
Shlomó hizo lo malo a los ojos del Señor, y no siguió plenamente al Señor, como le había seguido su padre David.
7
אָז֩ יִבְנֶ֨ה שְׁלֹמֹ֜ה בָּמָ֗ה לִכְמוֹשׁ֙ שִׁקֻּ֣ץ מוֹאָ֔ב בָּהָ֕ר אֲשֶׁ֖ר עַל־פְּנֵ֣י יְרוּשָׁלִָ֑ם וּלְמֹ֕לֶךְ שִׁקֻּ֖ץ בְּנֵ֥י עַמּֽוֹן׃
Az yivné Shlomoh bamá lijmosh shikúts Moav bahar asher al-penéi Yerushaláyim ulemólej shikúts benéi Amón
Entonces Shlomó edificó un altar a Kemosh, ídolo abominable de Moab, en el monte que está frente a Jerusalén, y a Molej, ídolo abominable de los hijos de Amón.
8
וְכֵ֣ן עָשָׂ֔ה לְכָל־נָשָׁ֖יו הַנָּכְרִיּ֑וֹת מַקְטִיר֥וֹת וּֽמְזַבְּח֖וֹת לֵאלֹהֵיהֶֽן׃
Vején asá lejol-nashav hanojriot maktirot umezabejot leloheihén
Así hizo también para todas sus mujeres extranjeras, las cuales quemaban incienso y ofrecían sacrificios a sus dioses.
9
וַיִּתְאַנַּ֥ף יְהוָ֖ה בִּשְׁלֹמֹ֑ה כִּֽי־נָטָ֣ה לְבָב֗וֹ מֵעִ֤ם יְהוָה֙ אֱלֹהֵ֣י יִשְׂרָאֵ֔ל הַנִּרְאָ֥ה אֵלָ֖יו פַּעֲמָֽיִם׃
Vayit’anaf Adonai bishlomó ki-natá levavó me’im Adonai Elohéi Yisrael hanir’á elav pa’amáyim
Y el Señor se enojó con Shlomó porque su corazón se había apartado del Señor, Dios de Israel, que se le había aparecido dos veces,
10
וְצִוָּ֤ה אֵלָיו֙ עַל־הַדָּבָ֣ר הַזֶּ֔ה לְבִ֨לְתִּי־לֶ֔כֶת אַחֲרֵ֖י אֱלֹהִ֣ים אֲחֵרִ֑ים וְלֹ֣א שָׁמַ֔ר אֵ֥ת אֲשֶׁר־צִוָּ֖ה יְהוָֽה׃ (פ)
Vetsivá elav al-hadavar hazé levilti-léjet ajaréi Elohim ajerim veló shamar et asher-tsivá Adonai
y le había ordenado en cuanto a esto que no siguiera a otros dioses, pero él no guardó lo que el Señor le había ordenado.
11
וַיֹּ֨אמֶר יְהוָ֜ה לִשְׁלֹמֹ֗ה יַ֚עַן אֲשֶׁ֣ר הָֽיְתָה־זֹּ֣את עִמָּ֔ךְ וְלֹ֤א שָׁמַ֙רְתָּ֙ בְּרִיתִ֣י וְחֻקֹּתַ֔י אֲשֶׁ֥ר צִוִּ֖יתִי עָלֶ֑יךָ קָרֹ֨עַ אֶקְרַ֤ע אֶת־הַמַּמְלָכָה֙ מֵֽעָלֶ֔יךָ וּנְתַתִּ֖יהָ לְעַבְדֶּֽךָ׃
Vayómer Adonai lishlomó ya’an asher hayta-zot imaj veló shamarta berití vejukotái asher tsiviti aleja karóa ekrá et-hamamlaja me’aleja unetatiha le’avdeja
Y el Señor dijo a Shlomó: Por cuanto esto ha sucedido contigo, y no has guardado Mi pacto y Mis estatutos que te he ordenado, ciertamente cortaré el reino de ti, y lo daré a tu siervo.
12
אַךְ־בְּיָמֶ֙יךָ֙ לֹ֣א אֶעֱשֶׂ֔נָּה לְמַ֖עַן דָּוִ֣ד אָבִ֑יךָ מִיַּ֥ד בִּנְךָ֖ אֶקְרָעֶֽנָּה׃
Aj-beyameja lo e’esena lema’an David avija miyad binjá ekra’ena
Sin embargo, no lo haré en tus días, por amor a tu padre David, sino que lo cortaré de la mano de tu hijo.
13
רַ֤ק אֶת־כָּל־הַמַּמְלָכָה֙ לֹ֣א אֶקְרָ֔ע שֵׁ֥בֶט אֶחָ֖ד אֶתֵּ֣ן לִבְנֶ֑ךָ לְמַ֙עַן֙ דָּוִ֣ד עַבְדִּ֔י וּלְמַ֥עַן יְרוּשָׁלִַ֖ם אֲשֶׁ֥ר בָּחָֽרְתִּי׃
Rak et-kol-hamamlaja lo ekrá shévet ejad etén livneja lema’an David avdí ulema’an Yerushaláyim asher bajarti
Tampoco arrancaré todo el reino, sino que daré una tribu a tu hijo por amor a Mi siervo David y por amor a Jerusalén la cual he escogido.
14
וַיָּ֨קֶם יְהוָ֤ה שָׂטָן֙ לִשְׁלֹמֹ֔ה אֵ֖ת הֲדַ֣ד הָאֲדֹמִ֑י מִזֶּ֧רַע הַמֶּ֛לֶךְ ה֖וּא בֶּאֱדֽוֹם׃
Vayákem Adonai satan lishlomó et hadad ha’adomí mizera hamélej hu be’edom
Entonces el Señor levantó un adversario a Shlomó, Hadad edomita; éste era de linaje real en Edom.
15
וַיְהִ֗י בִּֽהְי֤וֹת דָּוִד֙ אֶת־אֱד֔וֹם בַּעֲל֗וֹת יוֹאָב֙ שַׂ֣ר הַצָּבָ֔א לְקַבֵּ֖ר אֶת־הַחֲלָלִ֑ים וַיַּ֥ךְ כָּל־זָכָ֖ר בֶּאֱדֽוֹם׃
Vayhí bihyot David et-Edom ba’alot yo’av sar hatsavá lekaber et-hajalalim vayaj kol-zajar be’edom
Sucedió que cuando David estaba en Edom, y Yoab, el jefe del ejército, subió a enterrar a los muertos y mató a todos los varones de Edom
16
כִּ֣י שֵׁ֧שֶׁת חֳדָשִׁ֛ים יָֽשַׁב־שָׁ֥ם יוֹאָ֖ב וְכָל־יִשְׂרָאֵ֑ל עַד־הִכְרִ֥ית כָּל־זָכָ֖ר בֶּאֱדֽוֹם׃
Ki shéshet jodashim yashav-sham yo’av vejol-Yisrael ad-hijrit kol-zajar be’edom
pues Yoab y todo Israel permanecieron allí seis meses hasta que dieron muerte a todos los varones en Edom,
17
וַיִּבְרַ֣ח אֲדַ֡ד הוּא֩ וַאֲנָשִׁ֨ים אֲדֹמִיִּ֜ים מֵעַבְדֵ֥י אָבִ֛יו אִתּ֖וֹ לָב֣וֹא מִצְרָ֑יִם וַהֲדַ֖ד נַ֥עַר קָטָֽן׃
Vayivraj adad hu va’anashim adomiyim me’avdéi aviv itó lavó Mitsraim vahadad ná’ar katán
Hadad huyó a Egipto, él y algunos edomitas de los siervos de su padre con él, siendo Hadad aún un muchacho.
18
וַיָּקֻ֙מוּ֙ מִמִּדְיָ֔ן וַיָּבֹ֖אוּ פָּארָ֑ן וַיִּקְחוּ֩ אֲנָשִׁ֨ים עִמָּ֜ם מִפָּארָ֗ן וַיָּבֹ֤אוּ מִצְרַ֙יִם֙ אֶל־פַּרְעֹ֣ה מֶֽלֶךְ־מִצְרַ֔יִם וַיִּתֶּן־ל֣וֹ בַ֗יִת וְלֶ֙חֶם֙ אָ֣מַר ל֔וֹ וְאֶ֖רֶץ נָ֥תַן לֽוֹ׃
Vayakumu mimidyán vayavóu parán vayikju anashim imam miparán vayavóu Mitsraim el-par’ó melej-Mitsraim vayiten-lo váyit velejem ámar lo ve’erets natan lo
Salieron de Madián y fueron a Parán; tomaron consigo hombres de Parán y fueron a Egipto, a Faraón, rey de Egipto, que dio a Hadad una casa, le asignó alimentos y le dio tierra.
19
וַיִּמְצָא֙ הֲדַ֥ד חֵ֛ן בְּעֵינֵ֥י פַרְעֹ֖ה מְאֹ֑ד וַיִּתֶּן־ל֤וֹ אִשָּׁה֙ אֶת־אֲח֣וֹת אִשְׁתּ֔וֹ אֲח֖וֹת תַּחְפְּנֵ֥יס הַגְּבִירָֽה׃
Vayimtsá hadad jen be’einéi far’ó me’od vayiten-lo isha et-ajot ishtó ajot tajpenéis hagevirá
Y halló Hadad gran favor ante los ojos de Faraón, que le dio por mujer a la hermana de su esposa, la hermana de la reina Tajpeneis.
20
וַתֵּ֨לֶד ל֜וֹ אֲח֣וֹת תַּחְפְּנֵ֗יס אֵ֚ת גְּנֻבַ֣ת בְּנ֔וֹ וַתִּגְמְלֵ֣הוּ תַחְפְּנֵ֔ס בְּת֖וֹךְ בֵּ֣ית פַּרְעֹ֑ה וַיְהִ֤י גְנֻבַת֙ בֵּ֣ית פַּרְעֹ֔ה בְּת֖וֹךְ בְּנֵ֥י פַרְעֹֽה׃
Vatéled lo ajot tajpenéis et genuvat benó vatigmelehu tajpenés betoje beit par’ó vayhí genuvat beit par’ó betoje benéi far’ó
Y la hermana de Tajpeneis le dio a luz a su hijo Guenubat, a quien Tajpeneis destetó en casa de Faraón; y Guenubat permaneció en casa de Faraón entre los hijos de Faraón.
21
וַהֲדַ֞ד שָׁמַ֣ע בְּמִצְרַ֗יִם כִּֽי־שָׁכַ֤ב דָּוִד֙ עִם־אֲבֹתָ֔יו וְכִי־מֵ֖ת יוֹאָ֣ב שַֽׂר־הַצָּבָ֑א וַיֹּ֤אמֶר הֲדַד֙ אֶל־פַּרְעֹ֔ה שַׁלְּחֵ֖נִי וְאֵלֵ֥ךְ אֶל־אַרְצִֽי׃
Vahadad shamá bemitsráyim ki-shajav David im-avotav veji-met yo’av sar-hatsavá vayómer hadad el-par’ó shalejeni ve’elej el-artsí
Pero cuando Hadad oyó en Egipto que David había yacido con sus padres, y que Yoab, jefe del ejército, había muerto, Hadad dijo a Faraón: Despídeme para que vaya a mi tierra.
22
וַיֹּ֧אמֶר ל֣וֹ פַרְעֹ֗ה כִּ֠י מָה־אַתָּ֤ה חָסֵר֙ עִמִּ֔י וְהִנְּךָ֥ מְבַקֵּ֖שׁ לָלֶ֣כֶת אֶל־אַרְצֶ֑ךָ וַיֹּ֣אמֶר ׀ לֹ֔א כִּ֥י שַׁלֵּ֖חַ תְּשַׁלְּחֵֽנִי׃
Vayómer lo far’ó ki ma-atá jaser imí vehinejá mevakesh laléjet el-artseja vayómer lo ki shaleaj teshalejeni
Entonces el Faraón le dijo: ¿Qué te ha faltado junto a mí, que ahora procuras irte a tu tierra? Y él respondió: Nada; dejar dejame ir.
23
וַיָּ֨קֶם אֱלֹהִ֥ים לוֹ֙ שָׂטָ֔ן אֶת־רְז֖וֹן בֶּן־אֶלְיָדָ֑ע אֲשֶׁ֣ר בָּרַ֗ח מֵאֵ֛ת הֲדַדְעֶ֥זֶר מֶֽלֶךְ־צוֹבָ֖ה אֲדֹנָֽיו׃
Vayákem Elohim lo satán et-rezón ben-elyadá asher baraj me’et hadad’ézer melej-tsová adonav
Dios también le levantó otro adversario a Shlomó, a Rezón, hijo de Eliada, el cual había huido de su señor Hadadezer, rey de Tzoba;
24
וַיִּקְבֹּ֤ץ עָלָיו֙ אֲנָשִׁ֔ים וַיְהִ֣י שַׂר־גְּד֔וּד בַּהֲרֹ֥ג דָּוִ֖ד אֹתָ֑ם וַיֵּלְכ֤וּ דַמֶּ֙שֶׂק֙ וַיֵּ֣שְׁבוּ בָ֔הּ וַֽיִּמְלְכ֖וּ בְּדַמָּֽשֶׂק׃
Vayikbóts alav anashim vayhí sar-gedud baharog David otam vayeljú damesek vayeshvu vah vayimlejú bedamásek
y había reunido consigo hombres y se había hecho jefe de una banda de merodeadores, después que David mató a los de Tzoba; y fueron a Damasco y permanecieron allí, y reinaron en Damasco.
25
וַיְהִ֨י שָׂטָ֤ן לְיִשְׂרָאֵל֙ כָּל־יְמֵ֣י שְׁלֹמֹ֔ה וְאֶת־הָרָעָ֖ה אֲשֶׁ֣ר הֲדָ֑ד וַיָּ֙קָץ֙ בְּיִשְׂרָאֵ֔ל וַיִּמְלֹ֖ךְ עַל־אֲרָֽם׃ (פ)
Vayhí satán leyisra’el kol-yeméi Shlomoh ve’et-hara’á asher hadad vayakats beyisra’el vayimloj al-aram
Fue adversario de Israel durante todos los días de Shlomó, además de la maldad hecha por Hadad; y aborreció a Israel y reinó sobre Aram.
26
וְיָרָבְעָם֩ בֶּן־נְבָ֨ט אֶפְרָתִ֜י מִן־הַצְּרֵדָ֗ה וְשֵׁ֤ם אִמּוֹ֙ צְרוּעָה֙ אִשָּׁ֣ה אַלְמָנָ֔ה עֶ֖בֶד לִשְׁלֹמֹ֑ה וַיָּ֥רֶם יָ֖ד בַּמֶּֽלֶךְ׃
Veyarov’am ben-nevat efratí min-hatseredá veshem imo tseru’a ishá almaná éved lishlomó vayárem yad bamélej
Y Yerobam, hijo de Nebat, de Efrat de Tzereda, cuya madre, una mujer viuda, se llamaba Tzerúa, era siervo de Shlomó y se rebeló contra el rey.
27
וְזֶ֣ה הַדָּבָ֔ר אֲשֶׁר־הֵרִ֥ים יָ֖ד בַּמֶּ֑לֶךְ שְׁלֹמֹה֙ בָּנָ֣ה אֶת־הַמִּלּ֔וֹא סָגַ֕ר אֶת־פֶּ֕רֶץ עִ֖יר דָּוִ֥ד אָבִֽיו׃
Vezé hadavar asher-herim yad bamélej Shlomoh baná et-hamiló sagar et-perets ir David aviv
Y esta fue la causa por la cual se rebeló contra el rey: Shlomó había edificado el Milo y cerrado la brecha de la ciudad de su padre David.
28
וְהָאִ֥ישׁ יָרָבְעָ֖ם גִּבּ֣וֹר חָ֑יִל וַיַּ֨רְא שְׁלֹמֹ֜ה אֶת־הַנַּ֗עַר כִּֽי־עֹשֵׂ֤ה מְלָאכָה֙ ה֔וּא וַיַּפְקֵ֣ד אֹת֔וֹ לְכָל־סֵ֖בֶל בֵּ֥ית יוֹסֵֽף׃ (ס)
Veha’ish yarov’am gibor jáyil vayar Shlomoh et-haná’ar ki-osé melaja hu vayafked otó lejol-sével beit Yosef
Este Yerobam era guerrero valiente, y cuando Shlomó vio que el joven era laborioso, lo puso al frente de todo el trabajo forzado de la casa de Yosef.
29
וַֽיְהִי֙ בָּעֵ֣ת הַהִ֔יא וְיָֽרָבְעָ֖ם יָצָ֣א מִירוּשָׁלִָ֑ם וַיִּמְצָ֣א אֹת֡וֹ אֲחִיָּה֩ הַשִּׁילֹנִ֨י הַנָּבִ֜יא בַּדֶּ֗רֶךְ וְה֤וּא מִתְכַּסֶּה֙ בְּשַׂלְמָ֣ה חֲדָשָׁ֔ה וּשְׁנֵיהֶ֥ם לְבַדָּ֖ם בַּשָּׂדֶֽה׃
Vayhi ba’et hahí veyarov’am yatsá mirushalam vayimtsá otó ajiya hashiloní hanaví badérej vehú mitkase besalmá jadashá usheneihem levadam basadé
Y sucedió en aquel tiempo que cuando Yerobam salió de Jerusalén, el profeta Ajiáh Hashiloní lo encontró en el camino. Ajiáh se había puesto un manto nuevo y los dos estaban solos en el campo.
30
וַיִּתְפֹּ֣שׂ אֲחִיָּ֔ה בַּשַּׂלְמָ֥ה הַחֲדָשָׁ֖ה אֲשֶׁ֣ר עָלָ֑יו וַיִּ֨קְרָעֶ֔הָ שְׁנֵ֥ים עָשָׂ֖ר קְרָעִֽים׃
Vayitpós ajiyá basalmá hajadashá asher alav vayikra’eha sheneim asar kera’im
Entonces Ajiáh tomó el manto nuevo que llevaba sobre sí, lo rasgó en doce pedazos,
31
וַיֹּ֙אמֶר֙ לְיָֽרָבְעָ֔ם קַח־לְךָ֖ עֲשָׂרָ֣ה קְרָעִ֑ים כִּ֣י כֹה֩ אָמַ֨ר יְהוָ֜ה אֱלֹהֵ֣י יִשְׂרָאֵ֗ל הִנְנִ֨י קֹרֵ֤עַ אֶת־הַמַּמְלָכָה֙ מִיַּ֣ד שְׁלֹמֹ֔ה וְנָתַתִּ֣י לְךָ֔ אֵ֖ת עֲשָׂרָ֥ה הַשְּׁבָטִֽים׃
Vayomer leyarov’am kaj-lejá asará kera’im ki jo amar Adonai Elohéi Yisrael hinení koréa et-hamamlaja miyad Shlomoh venatatí lejá et asará hashevatim
y dijo a Yerobam: Toma para ti diez pedazos; porque así dice el Señor, Dios de Israel: "He aquí, arrancaré el reino de la mano de Shlomó y a ti te daré diez tribus
32
וְהַשֵּׁ֥בֶט הָאֶחָ֖ד יִֽהְיֶה־לּ֑וֹ לְמַ֣עַן ׀ עַבְדִּ֣י דָוִ֗ד וּלְמַ֙עַן֙ יְר֣וּשָׁלִַ֔ם הָעִיר֙ אֲשֶׁ֣ר בָּחַ֣רְתִּי בָ֔הּ מִכֹּ֖ל שִׁבְטֵ֥י יִשְׂרָאֵֽל׃
Vehashévet ha’ejad yihye-lo lema’an avdí David ulema’an Yerushaláyim ha’ir asher bajarti vah mikol shivtéi Yisrael
pero él tendrá una tribu, por amor a mi siervo David y por amor a Jerusalén, la ciudad que he escogido de entre todas las tribus de Israel,
33
יַ֣עַן ׀ אֲשֶׁ֣ר עֲזָב֗וּנִי וַיִּֽשְׁתַּחֲווּ֮ לְעַשְׁתֹּרֶת֮ אֱלֹהֵ֣י צִֽדֹנִין֒ לִכְמוֹשׁ֙ אֱלֹהֵ֣י מוֹאָ֔ב וּלְמִלְכֹּ֖ם אֱלֹהֵ֣י בְנֵֽי־עַמּ֑וֹן וְלֹֽא־הָלְכ֣וּ בִדְרָכַ֗י לַעֲשׂ֨וֹת הַיָּשָׁ֧ר בְּעֵינַ֛י וְחֻקֹּתַ֥י וּמִשְׁפָּטַ֖י כְּדָוִ֥ד אָבִֽיו׃
Ya’an asher azavuni vayishtajavu le’ashtóret Elohéi tsidonin lijmosh Elohéi Moav ulemilkom Elohéi venei-Amón velo-haljú vidrajái la’asot hayashar be’einái vejukotái umishpatái kedavid aviv
porque Me han abandonado, y han adorado a Ashtoret, diosa de los Tzidonim, a Kemosh, dios de Moab, y a Milcom, dios de los hijos de Amón, y no han andado en Mis caminos, para hacer lo recto delante de Mis ojos y guardar Mis estatutos y Mis ordenanzas, como lo hizo su padre David.
34
וְלֹֽא־אֶקַּ֥ח אֶת־כָּל־הַמַּמְלָכָ֖ה מִיָּד֑וֹ כִּ֣י ׀ נָשִׂ֣יא אֲשִׁתֶ֗נּוּ כֹּ֚ל יְמֵ֣י חַיָּ֔יו לְמַ֨עַן דָּוִ֤ד עַבְדִּי֙ אֲשֶׁ֣ר בָּחַ֣רְתִּי אֹת֔וֹ אֲשֶׁ֥ר שָׁמַ֖ר מִצְוֺתַ֥י וְחֻקֹּתָֽי׃
Velo-ekaj et-kol-hamamlajá miyadó ki nasí ashitenu kol yeméi jayav lema’an David avdi asher bajarti otó asher shamar mitsotái vejukotái
"Sin embargo, no quitaré todo el reino de su mano, sino que lo haré príncipe todos los días de su vida, por amor a Mi siervo David a quien escogí, el cual guardó Mis mandamientos y Mis estatutos;
35
וְלָקַחְתִּ֥י הַמְּלוּכָ֖ה מִיַּ֣ד בְּנ֑וֹ וּנְתַתִּ֣יהָ לְּךָ֔ אֵ֖ת עֲשֶׂ֥רֶת הַשְּׁבָטִֽים׃
Velakajtí hamelujá miyad benó unetatiha lejá et aséret hashevatim
pero quitaré el reino de mano de su hijo y te lo daré a ti, es decir, las diez tribus.
36
וְלִבְנ֖וֹ אֶתֵּ֣ן שֵֽׁבֶט־אֶחָ֑ד לְמַ֣עַן הֱיֽוֹת־נִ֣יר לְדָֽוִיד־עַ֠בְדִּי כָּֽל־הַיָּמִ֤ים ׀ לְפָנַי֙ בִּיר֣וּשָׁלִַ֔ם הָעִיר֙ אֲשֶׁ֣ר בָּחַ֣רְתִּי לִ֔י לָשׂ֥וּם שְׁמִ֖י שָֽׁם׃
Velivnó etén shevet-ejad lema’an heiot-nir ledavid-avdi kol-hayamim lefanai birushalam ha’ir asher bajarti li lasum shemí sham
"Y a su hijo daré una tribu, para que Mi siervo David tenga siempre una lámpara delante de Mí en Jerusalén, la ciudad que Yo he escogido para poner allí Mi Nombre.
37
וְאֹתְךָ֣ אֶקַּ֔ח וּמָ֣לַכְתָּ֔ בְּכֹ֥ל אֲשֶׁר־תְּאַוֶּ֖ה נַפְשֶׁ֑ךָ וְהָיִ֥יתָ מֶּ֖לֶךְ עַל־יִשְׂרָאֵֽל׃
Ve’otjá ekaj umalajtá bejol asher-te’avé nafsheja vehayita mélej al-Yisrael
"Y a ti te tomaré, y reinarás sobre todo lo que deseas, y serás rey sobre Israel.
38
וְהָיָ֗ה אִם־תִּשְׁמַע֮ אֶת־כָּל־אֲשֶׁ֣ר אֲצַוֶּךָ֒ וְהָלַכְתָּ֣ בִדְרָכַ֗י וְעָשִׂ֨יתָ הַיָּשָׁ֤ר בְּעֵינַי֙ לִשְׁמ֤וֹר חֻקּוֹתַי֙ וּמִצְוֺתַ֔י כַּאֲשֶׁ֥ר עָשָׂ֖ה דָּוִ֣ד עַבְדִּ֑י וְהָיִ֣יתִי עִמָּ֗ךְ וּבָנִ֨יתִי לְךָ֤ בַֽיִת־נֶאֱמָן֙ כַּאֲשֶׁ֣ר בָּנִ֣יתִי לְדָוִ֔ד וְנָתַתִּ֥י לְךָ֖ אֶת־יִשְׂרָאֵֽל׃
Vehayá im-tishma et-kol-asher atsavejá vehalajtá vidrajái ve’asita hayashar be’einai lishmor jukotai umitsotái ka’asher asá David avdí vehayiti imaj uvaniti lejá vayit-ne’eman ka’asher baniti ledavid venatatí lejá et-Yisrael
"Y sucederá que si escuchas todo lo que te ordeno y andas en Mis caminos, y haces lo recto delante de Mis ojos, guardando Mis estatutos y Mis mandamientos, como hizo David Mi siervo, entonces estaré contigo y te edificaré una casa perdurable como la que edifiqué a David, y Yo te entregaré Israel,
39
וַֽאעַנֶּ֛ה אֶת־זֶ֥רַע דָּוִ֖ד לְמַ֣עַן זֹ֑את אַ֖ךְ לֹ֥א כָל־הַיָּמִֽים׃ (ס)
Va’ané et-zera David lema’an zot aj lo jol-hayamim
y rebajaré a la descendencia de David por esto, mas no para siempre."
40
וַיְבַקֵּ֥שׁ שְׁלֹמֹ֖ה לְהָמִ֣ית אֶת־יָרָבְעָ֑ם וַיָּ֣קָם יָרָבְעָ֗ם וַיִּבְרַ֤ח מִצְרַ֙יִם֙ אֶל־שִׁישַׁ֣ק מֶֽלֶךְ־מִצְרַ֔יִם וַיְהִ֥י בְמִצְרַ֖יִם עַד־מ֥וֹת שְׁלֹמֹֽה׃
Vayvakesh Shlomoh lehamit et-yarov’am vayákom yarov’am vayivraj Mitsraim el-shishak melej-Mitsraim vayhí vemitsráyim ad-mot Shlomoh
Shlomó procuró dar muerte a Yerobam, pero Yerobam se levantó y huyó a Egipto, a Shishac, rey de Egipto, y estuvo allí hasta la muerte de Shlomó.
41
וְיֶ֨תֶר דִּבְרֵ֧י שְׁלֹמֹ֛ה וְכָל־אֲשֶׁ֥ר עָשָׂ֖ה וְחָכְמָת֑וֹ הֲלֽוֹא־הֵ֣ם כְּתֻבִ֔ים עַל־סֵ֖פֶר דִּבְרֵ֥י שְׁלֹמֹֽה׃
Veyéter divréi Shlomoh vejol-asher asá vejojmató halo-hem ketuvim al-séfer divréi Shlomoh
Los demás hechos de Shlomó, todo lo que hizo y su sabiduría, ¿no están escritos en el libro de los hechos de Shlomó?
42
וְהַיָּמִ֗ים אֲשֶׁר֩ מָלַ֨ךְ שְׁלֹמֹ֤ה בִירוּשָׁלִַ֙ם֙ עַל־כָּל־יִשְׂרָאֵ֔ל אַרְבָּעִ֖ים שָׁנָֽה׃
Vehayamim asher malaj Shlomoh virushalam al-kol-Yisrael arba’im shaná
El tiempo que Shlomó reinó en Jerusalén sobre todo Israel fue de cuarenta años.
43
וַיִּשְׁכַּ֤ב שְׁלֹמֹה֙ עִם־אֲבֹתָ֔יו וַיִּ֨קָּבֵ֔ר בְּעִ֖יר דָּוִ֣ד אָבִ֑יו וַיִּמְלֹ֛ךְ רְחַבְעָ֥ם בְּנ֖וֹ תַּחְתָּֽיו׃ (ס)
Vayishkav Shlomoh im-avotav vayikaver be’ir David aviv vayimloj rejav’am benó tajtav
Y yació Shlomó con sus padres, y fue sepultado en la ciudad de su padre David; y su hijo Rejabam reinó en su lugar.
1 Reyes
10
1 Reyes
12
