תנ״ך
Tanaj (Biblia)
beneyisrael.com
Inicio
Portada
Apoyar
Biblioteca
Opciones de lectura
עברית
Fonética
Español
Taamim
Nikud
Letras
A−
100%
A+
Comentarios
Neviim · 1 Reyes
מלכים א טו
1 Reyes · Capítulo 15
34 versículos
33 comentarios
1
וּבִשְׁנַת֙ שְׁמֹנֶ֣ה עֶשְׂרֵ֔ה לַמֶּ֖לֶךְ יָרָבְעָ֣ם בֶּן־נְבָ֑ט מָלַ֥ךְ אֲבִיָּ֖ם עַל־יְהוּדָֽה׃
Uvishnat shemoné esré lamélej yarov’am ben-nevat malaj aviyam al-Yehudá
En el año dieciocho del rey Yerobam, hijo de Nebat, Abiam reinó sobre Yehudá.
2
שָׁלֹ֣שׁ שָׁנִ֔ים מָלַ֖ךְ בִּירוּשָׁלִָ֑ם וְשֵׁ֣ם אִמּ֔וֹ מַעֲכָ֖ה בַּת־אֲבִישָׁלֽוֹם׃
Shalosh shanim malaj birushalam veshem imó ma’ajá bat-avishalom
Reinó tres años en Jerusalén; y el nombre de su madre era Maajá, hija de Abshalom.
3
וַיֵּ֕לֶךְ בְּכָל־חַטֹּ֥אות אָבִ֖יו אֲשֶׁר־עָשָׂ֣ה לְפָנָ֑יו וְלֹא־הָיָ֨ה לְבָב֤וֹ שָׁלֵם֙ עִם־יְהוָ֣ה אֱלֹהָ֔יו כִּלְבַ֖ב דָּוִ֥ד אָבִֽיו׃
Vayélej bejol-jatovt aviv asher-asá lefanav velo-hayá levavó shalem im-Adonai Elohav kilvav David aviv
Y anduvo en todas las transgresiones que su padre había cometido antes de él; y su corazón no estuvo dedicado por entero al Señor su Dios, como el corazón de su padre David.
4
כִּ֚י לְמַ֣עַן דָּוִ֔ד נָתַן֩ יְהוָ֨ה אֱלֹהָ֥יו ל֛וֹ נִ֖יר בִּירוּשָׁלִָ֑ם לְהָקִ֤ים אֶת־בְּנוֹ֙ אַחֲרָ֔יו וּֽלְהַעֲמִ֖יד אֶת־יְרוּשָׁלִָֽם׃
Ki lema’an David natan Adonai Elohav lo nir birushalam lehakim et-beno ajarav uleha’amid et-Yerushaláyim
Pero por amor a David, el Señor su Dios le dio una lámpara en Jerusalén, levantando a su hijo después de él y sosteniendo a Jerusalén;
5
אֲשֶׁ֨ר עָשָׂ֥ה דָוִ֛ד אֶת־הַיָּשָׁ֖ר בְּעֵינֵ֣י יְהוָ֑ה וְלֹֽא־סָ֞ר מִכֹּ֣ל אֲשֶׁר־צִוָּ֗הוּ כֹּ֚ל יְמֵ֣י חַיָּ֔יו רַ֕ק בִּדְבַ֖ר אוּרִיָּ֥ה הַחִתִּֽי׃
Asher asá David et-hayashar be’einéi Adonai velo-sar mikol asher-tsivahu kol yeméi jayav rak bidvar uriyá hajití
porque David había hecho lo recto ante los ojos del Señor, y no se había apartado de nada de lo que Él le había ordenado durante todos los días de su vida, excepto en el caso de Uriáh el Jití.
6
וּמִלְחָמָ֨ה הָיְתָ֧ה בֵין־רְחַבְעָ֛ם וּבֵ֥ין יָרָבְעָ֖ם כָּל־יְמֵ֥י חַיָּֽיו׃
Umiljamá haytá vein-rejav’am uvéin yarov’am kol-yeméi jayav
Y hubo guerra entre Rejabam y Yerobam todos los días de su vida.
7
וְיֶ֨תֶר דִּבְרֵ֤י אֲבִיָּם֙ וְכָל־אֲשֶׁ֣ר עָשָׂ֔ה הֲלֽוֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֣י יְהוּדָ֑ה וּמִלְחָמָ֥ה הָיְתָ֛ה בֵּ֥ין אֲבִיָּ֖ם וּבֵ֥ין יָרָבְעָֽם׃
Veyéter divréi aviyam vejol-asher asá halo-hem ketuvim al-séfer divréi hayamim lemaljéi Yehudá umiljamá haytá bein aviyam uvéin yarov’am
Los demás hechos de Abiam y todo lo que hizo, ¿Acaso no están escritos en el libro de las Crónicas de los reyes de Yehudá? Y hubo guerra entre Abiam y Yerobam.
8
וַיִּשְׁכַּ֤ב אֲבִיָּם֙ עִם־אֲבֹתָ֔יו וַיִּקְבְּר֥וּ אֹת֖וֹ בְּעִ֣יר דָּוִ֑ד וַיִּמְלֹ֛ךְ אָסָ֥א בְנ֖וֹ תַּחְתָּֽיו׃ (פ)
Vayishkav aviyam im-avotav vayikberú otó be’ir David vayimloj asá venó tajtav
Y yació Abiam con sus padres y lo sepultaron en la ciudad de David; y su hijo Asá reinó en su lugar.
9
וּבִשְׁנַ֣ת עֶשְׂרִ֔ים לְיָרָבְעָ֖ם מֶ֣לֶךְ יִשְׂרָאֵ֑ל מָלַ֥ךְ אָסָ֖א מֶ֥לֶךְ יְהוּדָֽה׃
Uvishnat esrim leyarov’am mélej Yisrael malaj asá mélej Yehudá
En el año veinte de Yerobam, rey de Israel, Asá comenzó a reinar sobre Yehudá.
10
וְאַרְבָּעִ֤ים וְאַחַת֙ שָׁנָ֔ה מָלַ֖ךְ בִּירוּשָׁלִָ֑ם וְשֵׁ֣ם אִמּ֔וֹ מַעֲכָ֖ה בַּת־אֲבִישָׁלֽוֹם׃
Ve’arba’im ve’ajat shaná malaj birushalam veshem imó ma’ajá bat-avishalom
Reinó cuarenta y un años en Jerusalén; y el nombre de su madre era Maajá, hija de Abshalom.
11
וַיַּ֧עַשׂ אָסָ֛א הַיָּשָׁ֖ר בְּעֵינֵ֣י יְהוָ֑ה כְּדָוִ֖ד אָבִֽיו׃
Vaya’as asá hayashar be’einéi Adonai kedavid aviv
Y Asá hizo lo recto ante los ojos del Señor, como David su padre.
12
וַיַּעֲבֵ֥ר הַקְּדֵשִׁ֖ים מִן־הָאָ֑רֶץ וַיָּ֙סַר֙ אֶת־כָּל־הַגִּלֻּלִ֔ים אֲשֶׁ֥ר עָשׂ֖וּ אֲבֹתָֽיו׃
Vaya’aver hakedeshim min-ha’arets vayasar et-kol-hagilulim asher asú avotav
También expulsó de la tierra a los prostitutos, y quitó todos los ídolos que sus padres habían hecho.
13
וְגַ֣ם ׀ אֶת־מַעֲכָ֣ה אִמּ֗וֹ וַיְסִרֶ֙הָ֙ מִגְּבִירָ֔ה אֲשֶׁר־עָשְׂתָ֥ה מִפְלֶ֖צֶת לָאֲשֵׁרָ֑ה וַיִּכְרֹ֤ת אָסָא֙ אֶת־מִפְלַצְתָּ֔הּ וַיִּשְׂרֹ֖ף בְּנַ֥חַל קִדְרֽוֹן׃
Vegam et-ma’ajá imó vaysireha migevirá asher-astá miflétset la’asherá vayijrot asa et-miflatstah vayisrof benájal kidrón
También a Maajá su madre, despojó de ser reina madre, porque ella había hecho una cosa horrible para la Asherá. Y derribó Asá esa cosa horrible y la quemó en el arroyo Kidrón.
14
וְהַבָּמ֖וֹת לֹא־סָ֑רוּ רַ֣ק לְבַב־אָסָ֗א הָיָ֥ה שָׁלֵ֛ם עִם־יְהוָ֖ה כָּל־יָמָֽיו׃
Vehabamot lo-saru rak levav-asá hayá shalem im-Adonai kol-yamav
Pero los altares no fueron quitados; solo el corazón de Asá estuvo dedicado por entero al Señor todos sus días.
15
וַיָּבֵא֙ אֶת־קָדְשֵׁ֣י אָבִ֔יו וקדשו [וְקָדְשֵׁ֖י] בֵּ֣ית יְהוָ֑ה כֶּ֥סֶף וְזָהָ֖ב וְכֵלִֽים׃
Vayave et-kodshéi aviv vekodshéi beit Adonai késef vezahav vejelim
Y trajo a la casa del Señor las cosas consagradas por su padre y sus propias cosas consagradas: plata, oro y utensilios.
16
וּמִלְחָמָ֨ה הָיְתָ֜ה בֵּ֣ין אָסָ֗א וּבֵ֛ין בַּעְשָׁ֥א מֶֽלֶךְ־יִשְׂרָאֵ֖ל כָּל־יְמֵיהֶֽם׃
Umiljamá haytá bein asá uvéin bashá melej-Yisrael kol-yemeihem
Y hubo guerra entre Asá y Baashá, rey de Israel, todos sus días.
17
וַיַּ֨עַל בַּעְשָׁ֤א מֶֽלֶךְ־יִשְׂרָאֵל֙ עַל־יְהוּדָ֔ה וַיִּ֖בֶן אֶת־הָרָמָ֑ה לְבִלְתִּ֗י תֵּ֚ת יֹצֵ֣א וָבָ֔א לְאָסָ֖א מֶ֥לֶךְ יְהוּדָֽה׃
Vayá’al bashá melej-Yisrael al-Yehudá vayiven et-haramá leviltí tet yotsé vavá le’asá mélej Yehudá
Y Baashá, rey de Israel, subió contra Yehudá y fortificó Ramá para prevenir que nadie saliera o entrara en ayuda de Asá, rey de Yehudá.
18
וַיִּקַּ֣ח אָ֠סָא אֶת־כָּל־הַכֶּ֨סֶף וְהַזָּהָ֜ב הַֽנּוֹתָרִ֣ים ׀ בְּאוֹצְר֣וֹת בֵּית־יְהוָ֗ה וְאֶת־אֽוֹצְרוֹת֙ בֵּ֣ית מלך [הַמֶּ֔לֶךְ] וַֽיִּתְּנֵ֖ם בְּיַד־עֲבָדָ֑יו וַיִּשְׁלָחֵ֞ם הַמֶּ֣לֶךְ אָסָ֗א אֶל־בֶּן־הֲ֠דַד בֶּן־טַבְרִמֹּ֤ן בֶּן־חֶזְיוֹן֙ מֶ֣לֶךְ אֲרָ֔ם הַיֹּשֵׁ֥ב בְּדַמֶּ֖שֶׂק לֵאמֹֽר׃
Vayikaj asa et-kol-hakésef vehazahav hanotarim beotserot beit-Adonai ve’et-otserot beit hamélej vayitenem beyad-avadav vayishlajem hamélej asá el-ben-hadad ben-tavrimón ben-jezyon mélej aram hayoshev bedamések lemor
Entonces Asá tomó toda la plata y el oro que había quedado en los tesoros de la casa del Señor y en los tesoros de la casa del rey, y los entregó en manos de sus siervos. Y el rey Asá los envió a Ben Hadad, hijo de Tabrimón, hijo de Jezión, rey de Aram, que habitaba en Damasco, diciendo:
19
בְּרִית֙ בֵּינִ֣י וּבֵינֶ֔ךָ בֵּ֥ין אָבִ֖י וּבֵ֣ין אָבִ֑יךָ הִנֵּה֩ שָׁלַ֨חְתִּֽי לְךָ֥ שֹׁ֙חַד֙ כֶּ֣סֶף וְזָהָ֔ב לֵ֣ךְ הָפֵ֗רָה אֶת־בְּרִֽיתְךָ֙ אֶת־בַּעְשָׁ֣א מֶֽלֶךְ־יִשְׂרָאֵ֔ל וְיַעֲלֶ֖ה מֵעָלָֽי׃
Berit beiní uveineja bein aví uvéin avija hine shalajti lejá shojad késef vezahav lej hafera et-beritja et-bashá melej-Yisrael veya’alé me’alái
Haya alianza entre tú y yo, como hubo entre mi padre y tu padre. He aquí, te he enviado un soborno de plata y de oro; ve, rompe tu alianza con Baashá, rey de Israel, para que se aparte de mí.
20
וַיִּשְׁמַ֨ע בֶּן־הֲדַ֜ד אֶל־הַמֶּ֣לֶךְ אָסָ֗א וַ֠יִּשְׁלַח אֶת־שָׂרֵ֨י הַחֲיָלִ֤ים אֲשֶׁר־לוֹ֙ עַל־עָרֵ֣י יִשְׂרָאֵ֔ל וַיַּךְ֙ אֶת־עִיּ֣וֹן וְאֶת־דָּ֔ן וְאֵ֖ת אָבֵ֣ל בֵּֽית־מַעֲכָ֑ה וְאֵת֙ כָּל־כִּנְר֔וֹת עַ֖ל כָּל־אֶ֥רֶץ נַפְתָּלִֽי׃
Vayishmá ben-hadad el-hamélej asá vayishlaj et-saréi hajayalim asher-lo al-aréi Yisrael vayaj et-ion ve’et-Dan ve’et avel beit-ma’ajá ve’et kol-kinrot al kol-erets Naftali
Y escuchó Ben Hadad al rey Asá y envió a los jefes de sus ejércitos contra las ciudades de Israel, y arrasó Ihón, Dan, Abel-bet-Maajá, y toda Kinerot, sobre toda la tierra de Neftalí.
21
וַֽיְהִי֙ כִּשְׁמֹ֣עַ בַּעְשָׁ֔א וַיֶּחְדַּ֕ל מִבְּנ֖וֹת אֶת־הָֽרָמָ֑ה וַיֵּ֖שֶׁב בְּתִרְצָֽה׃
Vayhi kishmóa bashá vayejdal mibenot et-haramá vayéshev betirtsá
Y cuando oyó Baashá, dejó de fortificar Ramá, y se quedó en Tirtzá.
22
וְהַמֶּ֨לֶךְ אָסָ֜א הִשְׁמִ֤יעַ אֶת־כָּל־יְהוּדָה֙ אֵ֣ין נָקִ֔י וַיִּשְׂא֞וּ אֶת־אַבְנֵ֤י הָֽרָמָה֙ וְאֶת־עֵצֶ֔יהָ אֲשֶׁ֥ר בָּנָ֖ה בַּעְשָׁ֑א וַיִּ֤בֶן בָּם֙ הַמֶּ֣לֶךְ אָסָ֔א אֶת־גֶּ֥בַע בִּנְיָמִ֖ן וְאֶת־הַמִּצְפָּֽה׃
Vehamélej asá hishmía et-kol-Yehudá ein nakí vayisú et-avnéi harama ve’et-etseiha asher baná bashá vayiven bam hamélej asá et-geva binyamín ve’et-hamitspá
Entonces el rey Asá hizo proclamación a todo Yehudá, sin excepción, y se llevaron las piedras de Ramá y la madera con que Baashá había estado edificando. Y con ellas el rey Asá fortificó Guebá de Benjamín y Mitzpa.
23
וְיֶ֣תֶר כָּל־דִּבְרֵֽי־אָ֠סָא וְכָל־גְּב֨וּרָת֜וֹ וְכָל־אֲשֶׁ֣ר עָשָׂ֗ה וְהֶֽעָרִים֙ אֲשֶׁ֣ר בָּנָ֔ה הֲלֹֽא־הֵ֣מָּה כְתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֣י יְהוּדָ֑ה רַ֚ק לְעֵ֣ת זִקְנָת֔וֹ חָלָ֖ה אֶת־רַגְלָֽיו׃
Veyéter kol-divrei-asa vejol-gevurató vejol-asher asá vehe’arim asher baná halo-hema jetuvim al-séfer divréi hayamim lemaljéi Yehudá rak le’et ziknató jalá et-raglav
Los demás hechos de Asá y todo su poderío, todo lo que hizo y las ciudades que edificó, ¿no están escritos en el libro de las Crónicas de los reyes de Yehudá? Sólo que en el tiempo de su vejez se enfermó de los pies.
24
וַיִּשְׁכַּ֤ב אָסָא֙ עִם־אֲבֹתָ֔יו וַיִּקָּבֵר֙ עִם־אֲבֹתָ֔יו בְּעִ֖יר דָּוִ֣ד אָבִ֑יו וַיִּמְלֹ֛ךְ יְהוֹשָׁפָ֥ט בְּנ֖וֹ תַּחְתָּֽיו׃ (פ)
Vayishkav asa im-avotav vayikaver im-avotav be’ir David aviv vayimloj yehoshafat benó tajtav
Y yació Asá con sus padres y fue sepultado con sus padres en la ciudad de David su padre; y su hijo Ioshafat reinó en su lugar.
25
וְנָדָ֣ב בֶּן־יָרָבְעָ֗ם מָלַךְ֙ עַל־יִשְׂרָאֵ֔ל בִּשְׁנַ֣ת שְׁתַּ֔יִם לְאָסָ֖א מֶ֣לֶךְ יְהוּדָ֑ה וַיִּמְלֹ֥ךְ עַל־יִשְׂרָאֵ֖ל שְׁנָתָֽיִם׃
Venadav ben-yarov’am malaj al-Yisrael bishnat shetáyim le’asá mélej Yehudá vayimloj al-Yisrael shenatáyim
Y Nadab, hijo de Yerobam, comenzó a reinar sobre Israel en el segundo año de Asá, rey de Yehudá, y reinó sobre Israel dos años.
26
וַיַּ֥עַשׂ הָרַ֖ע בְּעֵינֵ֣י יְהוָ֑ה וַיֵּ֙לֶךְ֙ בְּדֶ֣רֶךְ אָבִ֔יו וּ֨בְחַטָּאת֔וֹ אֲשֶׁ֥ר הֶחֱטִ֖יא אֶת־יִשְׂרָאֵֽל׃
Vaya’as hará be’einéi Adonai vayelej bedérej aviv uvejatató asher hejetí et-Yisrael
E hizo lo malo ante los ojos del Señor, y anduvo en el camino de su padre y en el pecado con que hizo pecar a Israel.
27
וַיִּקְשֹׁ֨ר עָלָ֜יו בַּעְשָׁ֤א בֶן־אֲחִיָּה֙ לְבֵ֣ית יִשָּׂשכָ֔ר וַיַּכֵּ֣הוּ בַעְשָׁ֔א בְּגִבְּת֖וֹן אֲשֶׁ֣ר לַפְּלִשְׁתִּ֑ים וְנָדָב֙ וְכָל־יִשְׂרָאֵ֔ל צָרִ֖ים עַֽל־גִּבְּתֽוֹן׃
Vayikshor alav bashá ven-ajiya leveit yisashjar vayakehu vashá begibetón asher lapelishtim venadav vejol-Yisrael tsarim al-gibetón
Y conspiró contra él Baashá hijo de Ajiáh, de la casa de Isajar, y Baashá lo hirió en Guibetón, que pertenecía a los pelishtim, mientras Nadab y todo Israel sitiaban a Guibetón.
28
וַיְמִתֵ֣הוּ בַעְשָׁ֔א בִּשְׁנַ֣ת שָׁלֹ֔שׁ לְאָסָ֖א מֶ֣לֶךְ יְהוּדָ֑ה וַיִּמְלֹ֖ךְ תַּחְתָּֽיו׃
Vaymitehu vashá bishnat shalosh le’asá mélej Yehudá vayimloj tajtav
Baashá lo mató en el tercer año de Asá, rey de Yehudá, y reinó en su lugar.
29
וַיְהִ֣י כְמָלְכ֗וֹ הִכָּה֙ אֶת־כָּל־בֵּ֣ית יָרָבְעָ֔ם לֹֽא־הִשְׁאִ֧יר כָּל־נְשָׁמָ֛ה לְיָרָבְעָ֖ם עַד־הִשְׁמִד֑וֹ כִּדְבַ֣ר יְהוָ֔ה אֲשֶׁ֣ר דִּבֶּ֔ר בְּיַד־עַבְדּ֖וֹ אֲחִיָּ֥ה הַשִּׁילֹנִֽי׃
Vayhí jemoljó hika et-kol-beit yarov’am lo-hish’ir kol-neshamá leyarov’am ad-hishmidó kidvar Adonai asher diber beyad-avdó ajiyá hashiloní
Y fue cuando reinó, hirió a toda la casa de Yerobam. No dejó con vida a ninguno de los de Yerobam, hasta destruirlos, conforme a la palabra que el Señor había hablado por medio de su siervo Ajiáh de Shiló,
30
עַל־חַטֹּ֤אות יָרָבְעָם֙ אֲשֶׁ֣ר חָטָ֔א וַאֲשֶׁ֥ר הֶחֱטִ֖יא אֶת־יִשְׂרָאֵ֑ל בְּכַעְס֕וֹ אֲשֶׁ֣ר הִכְעִ֔יס אֶת־יְהוָ֖ה אֱלֹהֵ֥י יִשְׂרָאֵֽל׃
Al-jatovt yarov’am asher jatá va’asher hejetí et-Yisrael bejasó asher hij’ís et-Adonai Elohéi Yisrael
por los pecados que Yerobam había cometido, y con los cuales había hecho pecar a Israel, y por la provocación con que provocó al Señor, Dios de Israel.
31
וְיֶ֛תֶר דִּבְרֵ֥י נָדָ֖ב וְכָל־אֲשֶׁ֣ר עָשָׂ֑ה הֲלֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃
Veyéter divréi nadav vejol-asher asá halo-hem ketuvim al-séfer divréi hayamim lemaljéi Yisrael
Los demás hechos de Nadab y todo lo que hizo, ¿no están escritos en el libro de las Crónicas de los reyes de Israel?
32
וּמִלְחָמָ֨ה הָיְתָ֜ה בֵּ֣ין אָסָ֗א וּבֵ֛ין בַּעְשָׁ֥א מֶֽלֶךְ־יִשְׂרָאֵ֖ל כָּל־יְמֵיהֶֽם׃ (פ)
Umiljamá haytá bein asá uvéin bashá melej-Yisrael kol-yemeihem
Hubo guerra entre Asá y Baashá, rey de Israel, todos sus días.
33
בִּשְׁנַ֣ת שָׁלֹ֔שׁ לְאָסָ֖א מֶ֣לֶךְ יְהוּדָ֑ה מָ֠לַךְ בַּעְשָׁ֨א בֶן־אֲחִיָּ֤ה עַל־כָּל־יִשְׂרָאֵל֙ בְּתִרְצָ֔ה עֶשְׂרִ֥ים וְאַרְבַּ֖ע שָׁנָֽה׃
Bishnat shalosh le’asá mélej Yehudá malaj bashá ven-ajiyá al-kol-Yisrael betirtsá esrim ve’arbá shaná
En el tercer año de Asá, rey de Yehudá, Baashá, hijo de Ajiáh, comenzó a reinar sobre todo Israel en Tirsa, y reinó veinticuatro años.
34
וַיַּ֥עַשׂ הָרַ֖ע בְּעֵינֵ֣י יְהוָ֑ה וַיֵּ֙לֶךְ֙ בְּדֶ֣רֶךְ יָרָבְעָ֔ם וּ֨בְחַטָּאת֔וֹ אֲשֶׁ֥ר הֶחֱטִ֖יא אֶת־יִשְׂרָאֵֽל׃ (ס)
Vaya’as hará be’einéi Adonai vayelej bedérej yarov’am uvejatató asher hejetí et-Yisrael
E hizo lo malo ante los ojos del Señor, y anduvo en el camino de Yerobam y en el pecado con que hizo pecar a Israel.
1 Reyes
14
1 Reyes
16
