תנ״ך
Tanaj (Biblia)
beneyisrael.com
Inicio
Portada
Apoyar
Biblioteca
Opciones de lectura
עברית
Fonética
Español
Taamim
Nikud
Letras
A−
100%
A+
Comentarios
Neviim · 1 Reyes
מלכים א טז
1 Reyes · Capítulo 16
34 versículos
33 comentarios
1
וַיְהִ֤י דְבַר־יְהוָה֙ אֶל־יֵה֣וּא בֶן־חֲנָ֔נִי עַל־בַּעְשָׁ֖א לֵאמֹֽר׃
Vayhí devar-Adonai el-yehú ven-janani al-bashá lemor
Y la palabra del Señor vino a Yehú, hijo de Jananí, contra Baashá, diciendo:
2
יַ֗עַן אֲשֶׁ֤ר הֲרִימֹתִ֙יךָ֙ מִן־הֶ֣עָפָ֔ר וָאֶתֶּנְךָ֣ נָגִ֔יד עַ֖ל עַמִּ֣י יִשְׂרָאֵ֑ל וַתֵּ֣לֶךְ ׀ בְּדֶ֣רֶךְ יָרָבְעָ֗ם וַֽתַּחֲטִא֙ אֶת־עַמִּ֣י יִשְׂרָאֵ֔ל לְהַכְעִיסֵ֖נִי בְּחַטֹּאתָֽם׃
Ya’an asher harimotija min-he’afar va’etenjá nagid al amí Yisrael vatélej bedérej yarov’am vatajati et-amí Yisrael lehaj’iseni bejatotam
Por cuanto te levanté del polvo y te hice príncipe sobre mi pueblo Israel, y has andado en el camino de Yerobam, y has hecho pecar a Mi pueblo Israel provocándome a ira con sus pecados,
3
הִנְנִ֥י מַבְעִ֛יר אַחֲרֵ֥י בַעְשָׁ֖א וְאַחֲרֵ֣י בֵית֑וֹ וְנָֽתַתִּי֙ אֶת־בֵּ֣יתְךָ֔ כְּבֵ֖ית יָרָבְעָ֥ם בֶּן־נְבָֽט׃
Hinení mav’ir ajaréi vashá ve’ajaréi veitó venatati et-beitjá keveit yarov’am ben-nevat
he aquí, haré consumir a Baashá y a su casa, y haré tu casa como la casa de Yerobam, hijo de Nabat.
4
הַמֵּ֤ת לְבַעְשָׁא֙ בָּעִ֔יר יֹֽאכְל֖וּ הַכְּלָבִ֑ים וְהַמֵּ֥ת לוֹ֙ בַּשָּׂדֶ֔ה יֹאכְל֖וּ ע֥וֹף הַשָּׁמָֽיִם׃
Hamet levasha ba’ir yojlú hakelavim vehamet lo basadé yojlú of hashamáyim
El que muera de Baashá en la ciudad, se lo comerán los perros, y el que de él muera en el campo, se lo comerán las aves del cielo.
5
וְיֶ֨תֶר דִּבְרֵ֥י בַעְשָׁ֛א וַאֲשֶׁ֥ר עָשָׂ֖ה וּגְבֽוּרָת֑וֹ הֲלֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃
Veyéter divréi vashá va’asher asá ugevurató halo-hem ketuvim al-séfer divréi hayamim lemaljéi Yisrael
Y los demás hechos de Baashá, lo que hizo y su poderío, ¿Acaso no están escritos en el libro de las Crónicas de los reyes de Israel?
6
וַיִּשְׁכַּ֤ב בַּעְשָׁא֙ עִם־אֲבֹתָ֔יו וַיִּקָּבֵ֖ר בְּתִרְצָ֑ה וַיִּמְלֹ֛ךְ אֵלָ֥ה בְנ֖וֹ תַּחְתָּֽיו׃
Vayishkav basha im-avotav vayikaver betirtsá vayimloj elá venó tajtav
Y yació Baashá con sus padres y fue sepultado en Tirtzá; y su hijo Ela reinó en su lugar.
7
וְגַ֡ם בְּיַד־יֵה֨וּא בֶן־חֲנָ֜נִי הַנָּבִ֗יא דְּבַר־יְהוָ֡ה הָיָה֩ אֶל־בַּעְשָׁ֨א וְאֶל־בֵּית֜וֹ וְעַ֥ל כָּל־הָרָעָ֣ה ׀ אֲשֶׁר־עָשָׂ֣ה ׀ בְּעֵינֵ֣י יְהוָ֗ה לְהַכְעִיסוֹ֙ בְּמַעֲשֵׂ֣ה יָדָ֔יו לִהְי֖וֹת כְּבֵ֣ית יָרָבְעָ֑ם וְעַ֥ל אֲשֶׁר־הִכָּ֖ה אֹתֽוֹ׃ (פ)
Vegam beyad-yehú ven-janani hanaví devar-Adonai haya el-bashá ve’el-beitó ve’al kol-hara’á asher-asá be’einéi Adonai lehaj’iso bema’asé yadav lihyot keveit yarov’am ve’al asher-hiká otó
Y también por medio del profeta Yehú, hijo de Jananí,fue la palabra del Señor contra Baashá y su casa, y contra todo el mal que hizo ante los ojos del Señor, provocándole a ira con la obra de sus manos, siendo como la casa de Jeroboam, y cómo lo hirió.
8
בִּשְׁנַ֨ת עֶשְׂרִ֤ים וָשֵׁשׁ֙ שָׁנָ֔ה לְאָסָ֖א מֶ֣לֶךְ יְהוּדָ֑ה מָ֠לַךְ אֵלָ֨ה בֶן־בַּעְשָׁ֧א עַל־יִשְׂרָאֵ֛ל בְּתִרְצָ֖ה שְׁנָתָֽיִם׃
Bishnat esrim vashesh shaná le’asá mélej Yehudá malaj elá ven-bashá al-Yisrael betirtsá shenatáyim
En el año vigesimosexto año de Asa, rey de Yehudá, Ela, hijo de Baashá, comenzó a reinar sobre Israel en Tirtzá y reinó dos años.
9
וַיִּקְשֹׁ֤ר עָלָיו֙ עַבְדּ֣וֹ זִמְרִ֔י שַׂ֖ר מַחֲצִ֣ית הָרָ֑כֶב וְה֤וּא בְתִרְצָה֙ שֹׁתֶ֣ה שִׁכּ֔וֹר בֵּ֣ית אַרְצָ֔א אֲשֶׁ֥ר עַל־הַבַּ֖יִת בְּתִרְצָֽה׃
Vayikshor alav avdó zimrí sar majatsit harájev vehú vetirtsa shoté shikor beit artsá asher al-habáyit betirtsá
Y su siervo Zimrí, jefe de la mitad de sus carros, conspiró contra él. Y Ela estaba en Tirtzá bebiendo hasta emborracharse en la casa de Artza, que era mayordomo de la casa en Tirtzá.
10
וַיָּבֹ֤א זִמְרִי֙ וַיַּכֵּ֣הוּ וַיְמִיתֵ֔הוּ בִּשְׁנַת֙ עֶשְׂרִ֣ים וָשֶׁ֔בַע לְאָסָ֖א מֶ֣לֶךְ יְהוּדָ֑ה וַיִּמְלֹ֖ךְ תַּחְתָּֽיו׃
Vayavó zimri vayakehu vaymitehu bishnat esrim vasheva le’asá mélej Yehudá vayimloj tajtav
Entonces Zimrí entró, lo hirió y le dio muerte, en el año veintisiete de Asa, rey de Yehudá, y reinó en su lugar.
11
וַיְהִ֨י בְמָלְכ֜וֹ כְּשִׁבְתּ֣וֹ עַל־כִּסְא֗וֹ הִכָּה֙ אֶת־כָּל־בֵּ֣ית בַּעְשָׁ֔א לֹֽא־הִשְׁאִ֥יר ל֖וֹ מַשְׁתִּ֣ין בְּקִ֑יר וְגֹאֲלָ֖יו וְרֵעֵֽהוּ׃
Vayhí vemoljó keshivtó al-kisó hika et-kol-beit bashá lo-hish’ir lo mashtín bekir vego’alav vere’ehu
Y sucedió que cuando comenzó a reinar, tan pronto como se sentó en su trono, mató a toda la casa de Baashá; no dejó a nadie que orine contra la pared, ni parientes ni amigos.
12
וַיַּשְׁמֵ֣ד זִמְרִ֔י אֵ֖ת כָּל־בֵּ֣ית בַּעְשָׁ֑א כִּדְבַ֤ר יְהוָה֙ אֲשֶׁ֣ר דִּבֶּ֣ר אֶל־בַּעְשָׁ֔א בְּיַ֖ד יֵה֥וּא הַנָּבִֽיא׃
Vayashmed zimrí et kol-beit bashá kidvar Adonai asher diber el-bashá beyad yehú hanaví
Y destruyó Zimrí a toda la casa de Baashá, conforme a la palabra que el Señor había hablado contra Baashá por medio de Yehú el profeta,
13
אֶ֚ל כָּל־חַטֹּ֣אות בַּעְשָׁ֔א וְחַטֹּ֖אות אֵלָ֣ה בְנ֑וֹ אֲשֶׁ֣ר חָטְא֗וּ וַאֲשֶׁ֤ר הֶחֱטִ֙יאוּ֙ אֶת־יִשְׂרָאֵ֔ל לְהַכְעִ֗יס אֶת־יְהוָ֛ה אֱלֹהֵ֥י יִשְׂרָאֵ֖ל בְּהַבְלֵיהֶֽם׃
El kol-jatovt bashá vejatovt elá venó asher jatú va’asher hejetiu et-Yisrael lehaj’ís et-Adonai Elohéi Yisrael behavleihem
por todos los pecados de Baashá y por los pecados de su hijo Ela, que pecaron y con los que hicieron pecar a Israel, provocando a ira al Señor, Dios de Israel con sus vanidades.
14
וְיֶ֛תֶר דִּבְרֵ֥י אֵלָ֖ה וְכָל־אֲשֶׁ֣ר עָשָׂ֑ה הֲלֽוֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃ (פ)
Veyéter divréi elá vejol-asher asá halo-hem ketuvim al-séfer divréi hayamim lemaljéi Yisrael
Los demás hechos de Ela y todo lo que hizo, ¿Acaso no están escritos en el libro de las Crónicas de los reyes de Israel?
15
בִּשְׁנַת֩ עֶשְׂרִ֨ים וָשֶׁ֜בַע שָׁנָ֗ה לְאָסָא֙ מֶ֣לֶךְ יְהוּדָ֔ה מָלַ֥ךְ זִמְרִ֛י שִׁבְעַ֥ת יָמִ֖ים בְּתִרְצָ֑ה וְהָעָ֣ם חֹנִ֔ים עַֽל־גִּבְּת֖וֹן אֲשֶׁ֥ר לַפְּלִשְׁתִּֽים׃
Bishnat esrim vasheva shaná le’asa mélej Yehudá malaj zimrí shiv’at yamim betirtsá veha’am jonim al-gibetón asher lapelishtim
En el año veintisiete de Asa, rey de Yehudá, Zimrí reinó siete días en Tirtzá. Y el pueblo estaba acampado contra Guibetón, que pertenecía a los Pelishtim.
16
וַיִּשְׁמַ֤ע הָעָם֙ הַחֹנִ֣ים לֵאמֹ֔ר קָשַׁ֣ר זִמְרִ֔י וְגַ֖ם הִכָּ֣ה אֶת־הַמֶּ֑לֶךְ וַיַּמְלִ֣כוּ כָֽל־יִ֠שְׂרָאֵל אֶת־עָמְרִ֨י שַׂר־צָבָ֧א עַל־יִשְׂרָאֵ֛ל בַּיּ֥וֹם הַה֖וּא בַּֽמַּחֲנֶֽה׃
Vayishmá ha’am hajonim lemor kashar zimrí vegam hiká et-hamélej vayamliju jol-Yisrael et-omrí sar-tsavá al-Yisrael bayom hahú bamajané
Y oyó el pueblo que estaba acampado decir: Zimrí ha conspirado y también ha matado al rey. Todo Israel coronó a Omrí, jefe del ejército, rey sobre Israel, ese mismo día en el campamento.
17
וַיַּעֲלֶ֥ה עָמְרִ֛י וְכָל־יִשְׂרָאֵ֥ל עִמּ֖וֹ מִֽגִּבְּת֑וֹן וַיָּצֻ֖רוּ עַל־תִּרְצָֽה׃
Vaya’alé omrí vejol-Yisrael imó migibetón vayatsuru al-tirtsá
Entonces Omrí subió desde Guibetón, y todo Israel con él, y sitiaron a Tirtzá.
18
וַיְהִ֞י כִּרְא֤וֹת זִמְרִי֙ כִּֽי־נִלְכְּדָ֣ה הָעִ֔יר וַיָּבֹ֖א אֶל־אַרְמ֣וֹן בֵּית־הַמֶּ֑לֶךְ וַיִּשְׂרֹ֨ף עָלָ֧יו אֶת־בֵּֽית־מֶ֛לֶךְ בָּאֵ֖שׁ וַיָּמֹֽת׃
Vayhí kirot zimri ki-nilkedá ha’ir vayavó el-armón beit-hamélej vayisrof alav et-beit-mélej ba’esh vayamot
Y sucedió que cuando Zimrí vio que la ciudad era tomada, entró en el palacio en la casa del rey, prendió fuego sobre él a la casa del rey y murió,
19
עַל־חטאתו [חַטֹּאתָיו֙] אֲשֶׁ֣ר חָטָ֔א לַעֲשׂ֥וֹת הָרַ֖ע בְּעֵינֵ֣י יְהוָ֑ה לָלֶ֙כֶת֙ בְּדֶ֣רֶךְ יָרָבְעָ֔ם וּבְחַטָּאתוֹ֙ אֲשֶׁ֣ר עָשָׂ֔ה לְהַחֲטִ֖יא אֶת־יִשְׂרָאֵֽל׃
Al-jatotav asher jatá la’asot hará be’einéi Adonai lalejet bedérej yarov’am uvejatato asher asá lehajatí et-Yisrael
a causa de los pecados que había cometido, haciendo lo malo ante los ojos del Señor, andando en el camino de Yerobam, y por el pecado que cometió, haciendo pecar a Israel.
20
וְיֶ֙תֶר֙ דִּבְרֵ֣י זִמְרִ֔י וְקִשְׁר֖וֹ אֲשֶׁ֣ר קָשָׁ֑ר הֲלֹֽא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃ (פ)
Veyeter divréi zimrí vekishró asher kashar halo-hem ketuvim al-séfer divréi hayamim lemaljéi Yisrael
Los demás hechos de Zimrí, y la conspiración que llevó a cabo, ¿Acaso no están escritos en el libro de las Crónicas de los reyes de Israel?
21
אָ֧ז יֵחָלֵ֛ק הָעָ֥ם יִשְׂרָאֵ֖ל לַחֵ֑צִי חֲצִ֨י הָעָ֜ם הָ֠יָה אַחֲרֵ֨י תִבְנִ֤י בֶן־גִּינַת֙ לְהַמְלִיכ֔וֹ וְהַחֲצִ֖י אַחֲרֵ֥י עָמְרִֽי׃
Az yejalek ha’am Yisrael lajetsi jatsí ha’am haya ajaréi tivní ven-ginat lehamlijó vehajatsí ajaréi omrí
Entonces el pueblo de Israel se dividió en dos partes: la mitad del pueblo siguió a Tibní, hijo de Guinat, para hacerle rey; la otra mitad siguió a Omrí.
22
וַיֶּחֱזַ֤ק הָעָם֙ אֲשֶׁ֣ר אַחֲרֵ֣י עָמְרִ֔י אֶת־הָעָ֕ם אֲשֶׁ֥ר אַחֲרֵ֖י תִּבְנִ֣י בֶן־גִּינַ֑ת וַיָּ֣מָת תִּבְנִ֔י וַיִּמְלֹ֖ךְ עָמְרִֽי׃ (פ)
Vayejezak ha’am asher ajaréi omrí et-ha’am asher ajaréi tivní ven-ginat vayámot tivní vayimloj omrí
Pero el pueblo que siguió a Omrí prevaleció sobre el pueblo que siguió a Tibní, hijo de Guinat. Y Tibní murió, y reinó Omrí.
23
בִּשְׁנַת֩ שְׁלֹשִׁ֨ים וְאַחַ֜ת שָׁנָ֗ה לְאָסָא֙ מֶ֣לֶךְ יְהוּדָ֔ה מָלַ֤ךְ עָמְרִי֙ עַל־יִשְׂרָאֵ֔ל שְׁתֵּ֥ים עֶשְׂרֵ֖ה שָׁנָ֑ה בְּתִרְצָ֖ה מָלַ֥ךְ שֵׁשׁ־שָׁנִֽים׃
Bishnat sheloshim ve’ajat shaná le’asa mélej Yehudá malaj omri al-Yisrael sheteim esré shaná betirtsá malaj shesh-shanim
En el año treinta y uno de Asa, rey de Yehudá, reinó Omrí sobre Israel, y reinó doce años; en Tirtzá reinó seis años.
24
וַיִּ֜קֶן אֶת־הָהָ֥ר שֹׁמְר֛וֹן מֵ֥אֶת שֶׁ֖מֶר בְּכִכְּרַ֣יִם כָּ֑סֶף וַיִּ֙בֶן֙ אֶת־הָהָ֔ר וַיִּקְרָ֗א אֶת־שֵׁ֤ם הָעִיר֙ אֲשֶׁ֣ר בָּנָ֔ה עַ֣ל שֶׁם־שֶׁ֔מֶר אֲדֹנֵ֖י הָהָ֥ר שֹׁמְרֽוֹן׃
Vayiken et-hahar shomrón mé’et shémer bejikeráyim kásef vayiven et-hahar vayikrá et-shem ha’ir asher baná al shem-shémer Adonai hahar shomrón
Y compró el monte Shomrón a Shemer por dos talentos de plata; edificó el monte, y a la ciudad que edificó puso por nombre Shomrón, en nombre de Shemer, dueño del monte.
25
וַיַּעֲשֶׂ֥ה עָמְרִ֛י הָרַ֖ע בְּעֵינֵ֣י יְהוָ֑ה וַיָּ֕רַע מִכֹּ֖ל אֲשֶׁ֥ר לְפָנָֽיו׃
Vaya’asé omrí hará be’einéi Adonai vayara mikol asher lefanav
Y Omrí hizo lo malo ante los ojos del Señor, y obró el mal más que todos los que fueron antes que él;
26
וַיֵּ֗לֶךְ בְּכָל־דֶּ֙רֶךְ֙ יָרָבְעָ֣ם בֶּן־נְבָ֔ט ובחטאתיו [וּבְחַטָּאת֔וֹ] אֲשֶׁ֥ר הֶחֱטִ֖יא אֶת־יִשְׂרָאֵ֑ל לְהַכְעִ֗יס אֶת־יְהוָ֛ה אֱלֹהֵ֥י יִשְׂרָאֵ֖ל בְּהַבְלֵיהֶֽם׃
Vayélej bejol-derej yarov’am ben-nevat uvejatató asher hejetí et-Yisrael lehaj’ís et-Adonai Elohéi Yisrael behavleihem
pues anduvo en todos los caminos de Yerobam, hijo de Nabat, y en los pecados con que hizo pecar a Israel, provocando al Señor, Dios de Israel, con sus vanidades.
27
וְיֶ֨תֶר דִּבְרֵ֤י עָמְרִי֙ אֲשֶׁ֣ר עָשָׂ֔ה וּגְבוּרָת֖וֹ אֲשֶׁ֣ר עָשָׂ֑ה הֲלֹֽא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃
Veyéter divréi omri asher asá ugevurató asher asá halo-hem ketuvim al-séfer divréi hayamim lemaljéi Yisrael
Los demás hechos que Omrí hizo y el poderío que mostró ¿Acaso no están escritos en el libro de las Crónicas de los reyes de Israel?
28
וַיִּשְׁכַּ֤ב עָמְרִי֙ עִם־אֲבֹתָ֔יו וַיִּקָּבֵ֖ר בְּשֹׁמְר֑וֹן וַיִּמְלֹ֛ךְ אַחְאָ֥ב בְּנ֖וֹ תַּחְתָּֽיו׃ (פ)
Vayishkav omri im-avotav vayikaver beshomrón vayimloj aj’av benó tajtav
Y yació Omrí con sus padres y fue sepultado en Shomrón; y su hijo Ajab reinó en su lugar.
29
וְאַחְאָ֣ב בֶּן־עָמְרִ֗י מָלַךְ֙ עַל־יִשְׂרָאֵ֔ל בִּשְׁנַ֨ת שְׁלֹשִׁ֤ים וּשְׁמֹנֶה֙ שָׁנָ֔ה לְאָסָ֖א מֶ֣לֶךְ יְהוּדָ֑ה וַ֠יִּמְלֹךְ אַחְאָ֨ב בֶּן־עָמְרִ֤י עַל־יִשְׂרָאֵל֙ בְּשֹׁ֣מְר֔וֹן עֶשְׂרִ֥ים וּשְׁתַּ֖יִם שָׁנָֽה׃
Ve’aj’av ben-omrí malaj al-Yisrael bishnat sheloshim ushemone shaná le’asá mélej Yehudá vayimloj aj’av ben-omrí al-Yisrael beshomrón esrim ushetáyim shaná
Ajab, hijo de Omrí, comenzó a reinar sobre Israel en el año treinta y ocho de Asa, rey de Yehudá, y reinó Ajab, hijo de Omrí, sobre Israel en Shomrón veintidós años.
30
וַיַּ֨עַשׂ אַחְאָ֧ב בֶּן־עָמְרִ֛י הָרַ֖ע בְּעֵינֵ֣י יְהוָ֑ה מִכֹּ֖ל אֲשֶׁ֥ר לְפָנָֽיו׃
Vaya’as aj’av ben-omrí hará be’einéi Adonai mikol asher lefanav
Y Ajab, hijo de Omrí, hizo lo malo a los ojos del Señor más que todos los que fueron antes que él.
31
וַיְהִי֙ הֲנָקֵ֣ל לֶכְתּ֔וֹ בְּחַטֹּ֖אות יָרָבְעָ֣ם בֶּן־נְבָ֑ט וַיִּקַּ֨ח אִשָּׁ֜ה אֶת־אִיזֶ֗בֶל בַּת־אֶתְבַּ֙עַל֙ מֶ֣לֶךְ צִידֹנִ֔ים וַיֵּ֙לֶךְ֙ וַֽיַּעֲבֹ֣ד אֶת־הַבַּ֔עַל וַיִּשְׁתַּ֖חוּ לֽוֹ׃
Vayhi hanakel lejtó bejatovt yarov’am ben-nevat vayikaj ishá et-izével bat-etba’al mélej tsidonim vayelej vaya’avod et-habá’al vayishtaju lo
Y como si fuera poco el andar en los pecados de Yerobam, hijo de Nabat, tomó por mujer a Izebel, hija de Et-baal, rey de los Tzidonim, y fue a servir a Baal y lo adoró.
32
וַיָּ֥קֶם מִזְבֵּ֖חַ לַבָּ֑עַל בֵּ֣ית הַבַּ֔עַל אֲשֶׁ֥ר בָּנָ֖ה בְּשֹׁמְרֽוֹן׃
Vayákem mizbeaj labá’al beit habá’al asher baná beshomrón
Y edificó un altar a Baal en la casa de Baal que edificó en Shomrón.
33
וַיַּ֥עַשׂ אַחְאָ֖ב אֶת־הָאֲשֵׁרָ֑ה וַיּ֨וֹסֶף אַחְאָ֜ב לַעֲשׂ֗וֹת לְהַכְעִיס֙ אֶת־יְהֹוָה֙ אֱלֹהֵ֣י יִשְׂרָאֵ֔ל מִכֹּ֨ל מַלְכֵ֣י יִשְׂרָאֵ֔ל אֲשֶׁ֥ר הָי֖וּ לְפָנָֽיו׃
Vaya’as aj’av et-ha’asherá vayósef aj’av la’asot lehaj’is et-Adonai Elohéi Yisrael mikol maljéi Yisrael asher hayú lefanav
Ajab hizo también una Asherá. Y aun más obró Ajab para provocar al Señor, Dios de Israel, más que todos los reyes de Israel que fueron antes que él.
34
בְּיָמָ֞יו בָּנָ֥ה חִיאֵ֛ל בֵּ֥ית הָאֱלִ֖י אֶת־יְרִיחֹ֑ה בַּאֲבִירָ֨ם בְּכֹר֜וֹ יִסְּדָ֗הּ ובשגיב [וּבִשְׂג֤וּב] צְעִירוֹ֙ הִצִּ֣יב דְּלָתֶ֔יהָ כִּדְבַ֣ר יְהוָ֔ה אֲשֶׁ֣ר דִּבֶּ֔ר בְּיַ֖ד יְהוֹשֻׁ֥עַ בִּן־נֽוּן׃ (ס)
Beyamav baná ji’el beit ha’elí et-yerijó ba’aviram bejoró yisedah uvisguv tse’iro hitsiv delateiha kidvar Adonai asher diber beyad yehoshúa bin-nun
En su tiempo Jiel de Betel reedificó Yericó; a costa de la vida de Abiram su primogénito puso sus cimientos, y a costa de la vida de su hijo menor Segub levantó sus puertas, conforme a la palabra que el Señor había hablado por Yehoshúa, hijo de Nun.
1 Reyes
15
1 Reyes
17
