תנ״ך
Tanaj (Biblia)
beneyisrael.com
Inicio
Portada
Apoyar
Biblioteca
Opciones de lectura
עברית
Fonética
Español
Taamim
Nikud
Letras
A−
100%
A+
Comentarios
Neviim · 1 Reyes
מלכים א ב
1 Reyes · Capítulo 2
46 versículos
45 comentarios
1
וַיִּקְרְב֥וּ יְמֵֽי־דָוִ֖ד לָמ֑וּת וַיְצַ֛ו אֶת־שְׁלֹמֹ֥ה בְנ֖וֹ לֵאמֹֽר׃
Vayikrevú yemei-David lamut vaytsav et-Shlomoh venó lemor
Y se acercaron los días de la muerte de David, y ordenó a su hijo Shlomó, diciendo:
2
אָנֹכִ֣י הֹלֵ֔ךְ בְּדֶ֖רֶךְ כָּל־הָאָ֑רֶץ וְחָזַקְתָּ֖ וְהָיִ֥יתָֽ לְאִֽישׁ׃
Anojí holej bedérej kol-ha’arets vejazaktá vehayita le’ish
Yo voy por el camino de todos en la tierra. Sé, pues, fuerte y sé hombre.
3
וְשָׁמַרְתָּ֞ אֶת־מִשְׁמֶ֣רֶת ׀ יְהוָ֣ה אֱלֹהֶ֗יךָ לָלֶ֤כֶת בִּדְרָכָיו֙ לִשְׁמֹ֨ר חֻקֹּתָ֤יו מִצְוֺתָיו֙ וּמִשְׁפָּטָ֣יו וְעֵדְוֺתָ֔יו כַּכָּת֖וּב בְּתוֹרַ֣ת מֹשֶׁ֑ה לְמַ֣עַן תַּשְׂכִּ֗יל אֵ֚ת כָּל־אֲשֶׁ֣ר תַּֽעֲשֶׂ֔ה וְאֵ֛ת כָּל־אֲשֶׁ֥ר תִּפְנֶ֖ה שָֽׁם׃
Veshamartá et-mishméret Adonai Eloheja laléjet bidrajav lishmor jukotav mitsotav umishpatav ve’edotav kakatuv betorat Moshé lema’an taskil et kol-asher ta’asé ve’et kol-asher tifné sham
Guarda los mandatos del Señor tu Dios, andando en Sus caminos, guardando Sus estatutos, Sus mandamientos, Sus leyes y Sus testimonios, conforme a lo que está escrito en la ley de Moshé, para que prosperes en todo lo que hagas y dondequiera que vayas,
4
לְמַעַן֩ יָקִ֨ים יְהוָ֜ה אֶת־דְּבָר֗וֹ אֲשֶׁ֨ר דִּבֶּ֣ר עָלַי֮ לֵאמֹר֒ אִם־יִשְׁמְר֨וּ בָנֶ֜יךָ אֶת־דַּרְכָּ֗ם לָלֶ֤כֶת לְפָנַי֙ בֶּאֱמֶ֔ת בְּכָל־לְבָבָ֖ם וּבְכָל־נַפְשָׁ֑ם לֵאמֹ֕ר לֹֽא־יִכָּרֵ֤ת לְךָ֙ אִ֔ישׁ מֵעַ֖ל כִּסֵּ֥א יִשְׂרָאֵֽל׃
Lema’an yakim Adonai et-devaró asher diber alai lemor im-yishmerú vaneja et-darkam laléjet lefanai be’emet bejol-levavam uvejol-nafsham lemor lo-yikaret leja ish me’al kisé Yisrael
para que el Señor cumpla Su palabra que me dijo a mí: "Si tus hijos guardan su camino, andando delante Mio con fidelidad, con todo su corazón y con toda su alma, no te faltará hombre sobre el trono de Israel."
5
וְגַ֣ם אַתָּ֣ה יָדַ֡עְתָּ אֵת֩ אֲשֶׁר־עָ֨שָׂה לִ֜י יוֹאָ֣ב בֶּן־צְרוּיָ֗ה אֲשֶׁ֣ר עָשָׂ֣ה לִשְׁנֵֽי־שָׂרֵ֣י צִבְא֣וֹת יִ֠שְׂרָאֵל לְאַבְנֵ֨ר בֶּן־נֵ֜ר וְלַעֲמָשָׂ֤א בֶן־יֶ֙תֶר֙ וַיַּ֣הַרְגֵ֔ם וַיָּ֥שֶׂם דְּמֵֽי־מִלְחָמָ֖ה בְּשָׁלֹ֑ם וַיִּתֵּ֞ן דְּמֵ֣י מִלְחָמָ֗ה בַּחֲגֹֽרָתוֹ֙ אֲשֶׁ֣ר בְּמָתְנָ֔יו וּֽבְנַעֲל֖וֹ אֲשֶׁ֥ר בְּרַגְלָֽיו׃
Vegam atá yadata et asher-asa li yo’av ben-tseruyá asher asá lishnei-saréi tsivot Yisrael le’avner ben-ner vela’amasá ven-yeter vayahargem vayásem demei-miljamá beshalom vayitén deméi miljamá bajagorato asher bemotnav uvena’aló asher beraglav
También sabes lo que me hizo Yoab, hijo de Tzerruiá, lo que hizo a los dos jefes de los ejércitos de Israel, a Abner, hijo de Ner, y a Amasa, hijo de Ieter, a los cuales mató; derramando sangre de guerra en tiempo de paz. Y puso sangre de guerra en el cinturón que le ceñía y en las sandalias que tenía en sus pies.
6
וְעָשִׂ֖יתָ כְּחָכְמָתֶ֑ךָ וְלֹֽא־תוֹרֵ֧ד שֵׂיבָת֛וֹ בְּשָׁלֹ֖ם שְׁאֹֽל׃ (ס)
Ve’asita kejojmateja velo-tored seivató beshalom she’ol
Haz, pues, conforme a tu sabiduría, y no permitas que sus canas desciendan en paz al Sheol.
7
וְלִבְנֵ֨י בַרְזִלַּ֤י הַגִּלְעָדִי֙ תַּֽעֲשֶׂה־חֶ֔סֶד וְהָי֖וּ בְּאֹכְלֵ֣י שֻׁלְחָנֶ֑ךָ כִּי־כֵן֙ קָרְב֣וּ אֵלַ֔י בְּבָרְחִ֕י מִפְּנֵ֖י אַבְשָׁל֥וֹם אָחִֽיךָ׃
Velivnéi varzilái hagil’adi ta’ase-jésed vehayú be’ojléi shuljaneja ki-jen karvú elái bevorjí mipenéi avshalom ajija
Con los hijos de Barzilai de Guilad, obra bondad y que estén entre los que comen a tu mesa; porque ellos me ayudaron cuando huía de tu hermano Abshalom.
8
וְהִנֵּ֣ה עִ֠מְּךָ שִֽׁמְעִ֨י בֶן־גֵּרָ֥א בֶן־הַיְמִינִי֮ מִבַּחֻרִים֒ וְה֤וּא קִֽלְלַ֙נִי֙ קְלָלָ֣ה נִמְרֶ֔צֶת בְּי֖וֹם לֶכְתִּ֣י מַחֲנָ֑יִם וְהֽוּא־יָרַ֤ד לִקְרָאתִי֙ הַיַּרְדֵּ֔ן וָאֶשָּׁ֨בַֽע ל֤וֹ בַֽיהוָה֙ לֵאמֹ֔ר אִם־אֲמִֽיתְךָ֖ בֶּחָֽרֶב׃
Vehiné imeja shim’í ven-gerá ven-haymini mibajurim vehú kilelani kelalá nimrétset beiom lejtí majanáyim vehu-yarad likrati hayardén va’eshava lo baAdonai lemor im-amitjá bejárev
Y he aquí, está contigo Shimhí, hijo de Guerá, de Biniamín, de Bajurim; él fue el que me maldijo con una terrible maldición el día que yo iba a Majanaim. Mas cuando descendió a mí en el Jordán, le juré por el Señor, diciendo: "No te mataré a espada."
9
וְעַתָּה֙ אַל־תְּנַקֵּ֔הוּ כִּ֛י אִ֥ישׁ חָכָ֖ם אָ֑תָּה וְיָֽדַעְתָּ֙ אֵ֣ת אֲשֶׁ֣ר תַּֽעֲשֶׂה־לּ֔וֹ וְהוֹרַדְתָּ֧ אֶת־שֵׂיבָת֛וֹ בְּדָ֖ם שְׁאֽוֹל׃
Ve’ata al-tenakehu ki ish jajam ata veyadata et asher ta’ase-lo vehoradtá et-seivató bedam sheol
Pero ahora, no lo dejes sin castigo, porque tú eres un hombre sabio; sabrás lo que debes hacer con él y harás que desciendan sus canas con sangre al Sheol.
10
וַיִּשְׁכַּ֥ב דָּוִ֖ד עִם־אֲבֹתָ֑יו וַיִּקָּבֵ֖ר בְּעִ֥יר דָּוִֽד׃ (פ)
Vayishkav David im-avotav vayikaver be’ir David
Y yació David con sus padres y fue sepultado en la ciudad de David.
11
וְהַיָּמִ֗ים אֲשֶׁ֨ר מָלַ֤ךְ דָּוִד֙ עַל־יִשְׂרָאֵ֔ל אַרְבָּעִ֖ים שָׁנָ֑ה בְּחֶבְר֤וֹן מָלַךְ֙ שֶׁ֣בַע שָׁנִ֔ים וּבִירוּשָׁלִַ֣ם מָלַ֔ךְ שְׁלֹשִׁ֥ים וְשָׁלֹ֖שׁ שָׁנִֽים׃
Vehayamim asher malaj David al-Yisrael arba’im shaná bejevrón malaj sheva shanim uvirushalam malaj sheloshim veshalosh shanim
Los días que David reinó sobre Israel fueron cuarenta años: siete años reinó en Hebrón, y treinta y tres años reinó en Jerusalén.
12
וּשְׁלֹמֹ֕ה יָשַׁ֕ב עַל־כִּסֵּ֖א דָּוִ֣ד אָבִ֑יו וַתִּכֹּ֥ן מַלְכֻת֖וֹ מְאֹֽד׃
Ushelomó yashav al-kisé David aviv vatikón maljutó me’od
Y Shlomó se sentó en el trono de David su padre y su reino se afianzó en gran manera.
13
וַיָּבֹ֞א אֲדֹנִיָּ֣הוּ בֶן־חַגֵּ֗ית אֶל־בַּת־שֶׁ֙בַע֙ אֵם־שְׁלֹמֹ֔ה וַתֹּ֖אמֶר הֲשָׁל֣וֹם בֹּאֶ֑ךָ וַיֹּ֖אמֶר שָׁלֽוֹם׃
Vayavó adoniyahu ven-jagit el-bat-sheva em-Shlomoh vatómer hashalom bo’eja vayómer shalom
Entonces Adoniá, hijo de Jaguit, vino a Batsheba, madre de Shlomó; y ella le dijo: ¿Vienes en son de paz? Y él respondió: En paz.
14
וַיֹּ֕אמֶר דָּבָ֥ר לִ֖י אֵלָ֑יִךְ וַתֹּ֖אמֶר דַּבֵּֽר׃
Vayómer davar li eláyij vatómer daber
Y dijo: Tengo algo que decirte. Y ella dijo: Habla.
15
וַיֹּ֗אמֶר אַ֤תְּ יָדַ֙עַתְּ֙ כִּי־לִי֙ הָיְתָ֣ה הַמְּלוּכָ֔ה וְעָלַ֞י שָׂ֧מוּ כָֽל־יִשְׂרָאֵ֛ל פְּנֵיהֶ֖ם לִמְלֹ֑ךְ וַתִּסֹּ֤ב הַמְּלוּכָה֙ וַתְּהִ֣י לְאָחִ֔י כִּ֥י מֵיְהוָ֖ה הָ֥יְתָה לּֽוֹ׃
Vayómer ate yada’ate ki-li haytá hamelujá ve’alái samu jol-Yisrael peneihem limloj vatisov hameluja vatehí le’ají ki meAdonai hayta lo
Y él dijo: Tú sabes que el reino era mío y que los ojos de todo Israel estaban puestos en mí para que yo reinase; pero el reino ha venido a ser de mi hermano, porque por voluntad del Señor era suyo.
16
וְעַתָּ֗ה שְׁאֵלָ֤ה אַחַת֙ אָֽנֹכִי֙ שֹׁאֵ֣ל מֵֽאִתָּ֔ךְ אַל־תָּשִׁ֖בִי אֶת־פָּנָ֑י וַתֹּ֥אמֶר אֵלָ֖יו דַּבֵּֽר׃
Ve’atá she’elá ajat anoji sho’el me’itaj al-tashivi et-panái vatómer elav daber
Ahora una petición yo te hago, no me la niegues. Y ella le dijo a él: Habla.
17
וַיֹּ֗אמֶר אִמְרִי־נָא֙ לִשְׁלֹמֹ֣ה הַמֶּ֔לֶךְ כִּ֥י לֹֽא־יָשִׁ֖יב אֶת־פָּנָ֑יִךְ וְיִתֶּן־לִ֛י אֶת־אֲבִישַׁ֥ג הַשּׁוּנַמִּ֖ית לְאִשָּֽׁה׃
Vayómer imri-na lishlomó hamélej ki lo-yashiv et-panáyij veyiten-li et-avishag hashunamit le’ishá
Y dijo: Te ruego que hables a Shlomó, el rey, pues él no te lo negará, para que me dé por esposa a Abishag sunamita.
18
וַתֹּ֥אמֶר בַּת־שֶׁ֖בַע ט֑וֹב אָנֹכִ֕י אֲדַבֵּ֥ר עָלֶ֖יךָ אֶל־הַמֶּֽלֶךְ׃
Vatómer bat-sheva tov anojí adaber aleja el-hamélej
Y dijo Batsheba: Está bien; hablaré por ti al rey.
19
וַתָּבֹ֤א בַת־שֶׁ֙בַע֙ אֶל־הַמֶּ֣לֶךְ שְׁלֹמֹ֔ה לְדַבֶּר־ל֖וֹ עַל־אֲדֹנִיָּ֑הוּ וַיָּקָם֩ הַמֶּ֨לֶךְ לִקְרָאתָ֜הּ וַיִּשְׁתַּ֣חוּ לָ֗הּ וַיֵּ֙שֶׁב֙ עַל־כִּסְא֔וֹ וַיָּ֤שֶׂם כִּסֵּא֙ לְאֵ֣ם הַמֶּ֔לֶךְ וַתֵּ֖שֶׁב לִֽימִינֽוֹ׃
Vatavó vat-sheva el-hamélej Shlomoh ledaber-lo al-adoniyahu vayakom hamélej likratah vayishtaju lah vayeshev al-kisó vayásem kise le’em hamélej vatéshev liminó
Y vino Batsheba al rey Shlomó para hablarle por Adoniá. El rey se levantó a recibirla, se inclinó delante de ella, y se sentó en su trono; e hizo colocar un asiento para la madre del rey y ella se sentó a su diestra.
20
וַתֹּ֗אמֶר שְׁאֵלָ֨ה אַחַ֤ת קְטַנָּה֙ אָֽנֹכִי֙ שֹׁאֶ֣לֶת מֵֽאִתָּ֔ךְ אַל־תָּ֖שֶׁב אֶת־פָּנָ֑י וַיֹּֽאמֶר־לָ֤הּ הַמֶּ֙לֶךְ֙ שַׁאֲלִ֣י אִמִּ֔י כִּ֥י לֹֽא־אָשִׁ֖יב אֶת־פָּנָֽיִךְ׃
Vatómer she’elá ajat ketana anoji sho’élet me’itaj al-táshev et-panái vayomer-lah hamelej sha’alí imí ki lo-ashiv et-panáyij
Entonces ella dijo: un pequeño pedido tengo; no me la niegues. Y el rey le dijo: Pide, madre mía, porque no te la negaré.
21
וַתֹּ֕אמֶר יֻתַּ֖ן אֶת־אֲבִישַׁ֣ג הַשֻּׁנַמִּ֑ית לַאֲדֹנִיָּ֥הוּ אָחִ֖יךָ לְאִשָּֽׁה׃
Vatómer yután et-avishag hashunamit la’adoniyahu ajija le’ishá
Y ella dijo: Que le sea dada Abishag sunamita por esposa a tu hermano Adoniá.
22
וַיַּעַן֩ הַמֶּ֨לֶךְ שְׁלֹמֹ֜ה וַיֹּ֣אמֶר לְאִמּ֗וֹ וְלָמָה֩ אַ֨תְּ שֹׁאֶ֜לֶת אֶת־אֲבִישַׁ֤ג הַשֻּׁנַמִּית֙ לַאֲדֹ֣נִיָּ֔הוּ וְשַֽׁאֲלִי־לוֹ֙ אֶת־הַמְּלוּכָ֔ה כִּ֛י ה֥וּא אָחִ֖י הַגָּד֣וֹל מִמֶּ֑נִּי וְלוֹ֙ וּלְאֶבְיָתָ֣ר הַכֹּהֵ֔ן וּלְיוֹאָ֖ב בֶּן־צְרוּיָֽה׃ (פ)
Vaya’an hamélej Shlomoh vayómer le’imó velama ate sho’élet et-avishag hashunamit la’adoniyahu vesha’ali-lo et-hamelujá ki hu ají hagadol mimeni velo ule’evyatar hakohén uleio’av ben-tseruyá
Y respondió el rey Shlomó, y dijo a su madre: ¿Por qué pides a Abishag sunamita para Adoniá? Pide para él también el reino, pues es mi hermano mayor, y con él están el sacerdote Ebiatar y Yoab, hijo de Tzerruiá.
23
וַיִּשָּׁבַע֙ הַמֶּ֣לֶךְ שְׁלֹמֹ֔ה בַּֽיהוָ֖ה לֵאמֹ֑ר כֹּ֣ה יַֽעֲשֶׂה־לִּ֤י אֱלֹהִים֙ וְכֹ֣ה יוֹסִ֔יף כִּ֣י בְנַפְשׁ֔וֹ דִּבֶּר֙ אֲדֹ֣נִיָּ֔הוּ אֶת־הַדָּבָ֖ר הַזֶּֽה׃
Vayishava hamélej Shlomoh baAdonai lemor ko ya’ase-li Elohim vejó yosif ki venafshó diber adoniyahu et-hadavar hazé
Y juró el rey Shlomó por el Señor, diciendo: Así me haga Dios y aun más, si Adoniá no ha hablado esta cosa contra su propia vida
24
וְעַתָּ֗ה חַי־יְהוָה֙ אֲשֶׁ֣ר הֱכִינַ֗נִי ויושיביני [וַיּֽוֹשִׁיבַ֙נִי֙] עַל־כִּסֵּא֙ דָּוִ֣ד אָבִ֔י וַאֲשֶׁ֧ר עָֽשָׂה־לִ֛י בַּ֖יִת כַּאֲשֶׁ֣ר דִּבֵּ֑ר כִּ֣י הַיּ֔וֹם יוּמַ֖ת אֲדֹנִיָּֽהוּ׃
Ve’atá jai-Adonai asher hejinani vayoshivani al-kise David aví va’asher asa-li báyit ka’asher diber ki hayom yumat adoniyahu
Ahora pues, vive el Señor que me ha confirmado y me ha puesto en el trono de mi padre David, y que me ha hecho una casa como había prometido, que Adoniá morirá hoy mismo.
25
וַיִּשְׁלַח֙ הַמֶּ֣לֶךְ שְׁלֹמֹ֔ה בְּיַ֖ד בְּנָיָ֣הוּ בֶן־יְהוֹיָדָ֑ע וַיִּפְגַּע־בּ֖וֹ וַיָּמֹֽת׃ (ס)
Vayishlaj hamélej Shlomoh beyad benayahu ven-yehoyadá vayifga-bo vayamot
El rey Shlomó envió a Benaía, hijo de Iehoiada, y éste arremetió contra Adoniá y lo mató.
26
וּלְאֶבְיָתָ֨ר הַכֹּהֵ֜ן אָמַ֣ר הַמֶּ֗לֶךְ עֲנָתֹת֙ לֵ֣ךְ עַל־שָׂדֶ֔יךָ כִּ֛י אִ֥ישׁ מָ֖וֶת אָ֑תָּה וּבַיּ֨וֹם הַזֶּ֜ה לֹ֣א אֲמִיתֶ֗ךָ כִּֽי־נָשָׂ֜אתָ אֶת־אֲר֨וֹן אֲדֹנָ֤י יְהֹוִה֙ לִפְנֵי֙ דָּוִ֣ד אָבִ֔י וְכִ֣י הִתְעַנִּ֔יתָ בְּכֹ֥ל אֲשֶֽׁר־הִתְעַנָּ֖ה אָבִֽי׃
Ule’evyatar hakohén amar hamélej anatot lej al-sadeja ki ish mávet ata uvayom hazé lo amiteja ki-nasata et-arón Adonai Adonai lifnei David aví vejí hit’anita bejol asher-hit’aná aví
Entonces dijo el rey al sacerdote Ebiatar: Vete a Anatot, a tu campo, porque mereces morir; pero no te daré muerte en esta ocasión porque llevaste el arca del Señor Eterno delante de mi padre David, y porque fuiste afligido con todas las cosas con que mi padre fue afligido.
27
וַיְגָ֤רֶשׁ שְׁלֹמֹה֙ אֶת־אֶבְיָתָ֔ר מִהְי֥וֹת כֹּהֵ֖ן לַֽיהוָ֑ה לְמַלֵּא֙ אֶת־דְּבַ֣ר יְהוָ֔ה אֲשֶׁ֥ר דִּבֶּ֛ר עַל־בֵּ֥ית עֵלִ֖י בְּשִׁלֹֽה׃ (פ)
Vaygáresh Shlomoh et-evyatar mihyot kohén laAdonai lemale et-devar Adonai asher diber al-beit elí beshiló
Así Shlomó privó a Ebiatar de ser sacerdote del Señor, para que se cumpliera la palabra que el Señor había hablado acerca de la casa de Elí en Shiló.
28
וְהַשְּׁמֻעָה֙ בָּ֣אָה עַד־יוֹאָ֔ב כִּ֣י יוֹאָ֗ב נָטָה֙ אַחֲרֵ֣י אֲדֹנִיָּ֔ה וְאַחֲרֵ֥י אַבְשָׁל֖וֹם לֹ֣א נָטָ֑ה וַיָּ֤נָס יוֹאָב֙ אֶל־אֹ֣הֶל יְהוָ֔ה וַֽיַּחֲזֵ֖ק בְּקַרְנ֥וֹת הַמִּזְבֵּֽחַ׃
Vehashemu’a ba’a ad-yo’av ki yo’av nata ajaréi adoniyá ve’ajaréi avshalom lo natá vayanos yo’av el-óhel Adonai vayajazek bekarnot hamizbeaj
Cuando las noticias llegaron a Yoab porque Yoab había seguido a Adoniá, aunque no había seguido a Abshalom, Yoab huyó a la tienda del Señor y se asió a los bordes del altar.
29
וַיֻּגַּ֞ד לַמֶּ֣לֶךְ שְׁלֹמֹ֗ה כִּ֣י נָ֤ס יוֹאָב֙ אֶל־אֹ֣הֶל יְהוָ֔ה וְהִנֵּ֖ה אֵ֣צֶל הַמִּזְבֵּ֑חַ וַיִּשְׁלַ֨ח שְׁלֹמֹ֜ה אֶת־בְּנָיָ֧הוּ בֶן־יְהוֹיָדָ֛ע לֵאמֹ֖ר לֵ֥ךְ פְּגַע־בּֽוֹ׃
Vayugad lamélej Shlomoh ki nas yo’av el-óhel Adonai vehiné étsel hamizbeaj vayishlaj Shlomoh et-benayahu ven-yehoyadá lemor lej pega-bo
Y se le informó al rey Shlomó que Yoab había huido a la tienda del Señor, y que estaba junto al altar. Entonces Shlomó envió a Benaía, hijo de Iehoiada, diciendo: Ve y arremete contra él.
30
וַיָּבֹ֨א בְנָיָ֜הוּ אֶל־אֹ֣הֶל יְהוָ֗ה וַיֹּ֨אמֶר אֵלָ֜יו כֹּֽה־אָמַ֤ר הַמֶּ֙לֶךְ֙ צֵ֔א וַיֹּ֥אמֶר ׀ לֹ֖א כִּ֣י פֹ֣ה אָמ֑וּת וַיָּ֨שֶׁב בְּנָיָ֤הוּ אֶת־הַמֶּ֙לֶךְ֙ דָּבָ֣ר לֵאמֹ֔ר כֹּֽה־דִבֶּ֥ר יוֹאָ֖ב וְכֹ֥ה עָנָֽנִי׃
Vayavó venayahu el-óhel Adonai vayómer elav ko-amar hamelej tse vayómer lo ki fo amut vayáshev benayahu et-hamelej davar lemor ko-diber yo’av vejó anani
Benaía entró en la tienda del Señor y le dijo: Así ha dicho el rey: "Sal de ahí." Pero él dijo: No, pues moriré aquí. Benaía llevó la respuesta al rey, diciendo: Así habló Yoab y así me respondió.
31
וַיֹּ֧אמֶר ל֣וֹ הַמֶּ֗לֶךְ עֲשֵׂה֙ כַּאֲשֶׁ֣ר דִּבֶּ֔ר וּפְגַע־בּ֖וֹ וּקְבַרְתּ֑וֹ וַהֲסִירֹ֣תָ ׀ דְּמֵ֣י חִנָּ֗ם אֲשֶׁר֙ שָׁפַ֣ךְ יוֹאָ֔ב מֵעָלַ֕י וּמֵעַ֖ל בֵּ֥ית אָבִֽי׃
Vayómer lo hamélej ase ka’asher diber ufega-bo ukevartó vahasirota deméi jinam asher shafaj yo’av me’alái ume’al beit aví
Y el rey le dijo: Haz como él ha dicho; arremete contra él, mátalo y entiérralo, para que quites de mí y de la casa de mi padre la sangre que Yoab derramó sin causa.
32
וְהֵשִׁיב֩ יְהוָ֨ה אֶת־דָּמ֜וֹ עַל־רֹאשׁ֗וֹ אֲשֶׁ֣ר פָּגַ֣ע בִּשְׁנֵֽי־אֲ֠נָשִׁים צַדִּקִ֨ים וְטֹבִ֤ים מִמֶּ֙נּוּ֙ וַיַּהַרְגֵ֣ם בַּחֶ֔רֶב וְאָבִ֥י דָוִ֖ד לֹ֣א יָדָ֑ע אֶת־אַבְנֵ֤ר בֶּן־נֵר֙ שַׂר־צְבָ֣א יִשְׂרָאֵ֔ל וְאֶת־עֲמָשָׂ֥א בֶן־יֶ֖תֶר שַׂר־צְבָ֥א יְהוּדָֽה׃
Veheshiv Adonai et-damó al-roshó asher pagá bishnei-anashim tsadikim vetovim mimenu vayahargem bajérev ve’aví David lo yadá et-avner ben-ner sar-tsevá Yisrael ve’et-amasá ven-yéter sar-tsevá Yehudá
El Señor hará volver su sangre sobre su propia cabeza, porque él arremetió contra dos hombres más justos y mejores que él y los mató a espada sin que mi padre David lo supiera: a Abner, hijo de Ner, jefe del ejército de Israel, y a Amasa, hijo de Ieter, jefe del ejército de Iehudá.
33
וְשָׁ֤בוּ דְמֵיהֶם֙ בְּרֹ֣אשׁ יוֹאָ֔ב וּבְרֹ֥אשׁ זַרְע֖וֹ לְעֹלָ֑ם וּלְדָוִ֡ד וּ֠לְזַרְעוֹ וּלְבֵית֨וֹ וּלְכִסְא֜וֹ יִהְיֶ֥ה שָׁל֛וֹם עַד־עוֹלָ֖ם מֵעִ֥ם יְהוָֽה׃
Veshavu demeihem berosh yo’av uverosh zaró le’olam uledavid ulezaro uleveitó ulejisó yihyé shalom ad-olam me’im Adonai
Su sangre, pues, recaerá sobre la cabeza de Yoab y sobre la cabeza de su descendencia para siempre; pero para David y su descendencia, para su casa y su trono, haya paz de parte del Señor para siempre.
34
וַיַּ֗עַל בְּנָיָ֙הוּ֙ בֶּן־יְה֣וֹיָדָ֔ע וַיִּפְגַּע־בּ֖וֹ וַיְמִתֵ֑הוּ וַיִּקָּבֵ֥ר בְּבֵית֖וֹ בַּמִּדְבָּֽר׃
Vayá’al benayahu ben-yehoyadá vayifga-bo vaymitehu vayikaver beveitó bamidbar
Entonces subió Benaía, hijo de Iehoiada, arremetió contra él y lo mató; y fue sepultado en su casa en el desierto.
35
וַיִּתֵּ֨ן הַמֶּ֜לֶךְ אֶת־בְּנָיָ֧הוּ בֶן־יְהוֹיָדָ֛ע תַּחְתָּ֖יו עַל־הַצָּבָ֑א וְאֶת־צָד֤וֹק הַכֹּהֵן֙ נָתַ֣ן הַמֶּ֔לֶךְ תַּ֖חַת אֶבְיָתָֽר׃
Vayitén hamélej et-benayahu ven-yehoyadá tajtav al-hatsavá ve’et-tsadok hakohen natán hamélej tájat evyatar
En su lugar el rey nombró sobre el ejército a Benaía, hijo de Iehoiada, y el rey nombró al sacerdote Tzadok en lugar de Ebiatar.
36
וַיִּשְׁלַ֤ח הַמֶּ֙לֶךְ֙ וַיִּקְרָ֣א לְשִׁמְעִ֔י וַיֹּ֣אמֶר ל֗וֹ בְּֽנֵה־לְךָ֥ בַ֙יִת֙ בִּיר֣וּשָׁלִַ֔ם וְיָשַׁבְתָּ֖ שָׁ֑ם וְלֹֽא־תֵצֵ֥א מִשָּׁ֖ם אָ֥נֶה וָאָֽנָה׃
Vayishlaj hamelej vayikrá leshim’í vayómer lo bene-lejá vayit birushalam veyashavtá sham velo-tetsé misham ane va’ana
Después el rey envió a llamar a Shimhí, y le dijo: Edifícate una casa en Jerusalén, vive ahí y no salgas de allí a ninguna parte.
37
וְהָיָ֣ה ׀ בְּי֣וֹם צֵאתְךָ֗ וְעָֽבַרְתָּ֙ אֶת־נַ֣חַל קִדְר֔וֹן יָדֹ֥עַ תֵּדַ֖ע כִּ֣י מ֣וֹת תָּמ֑וּת דָּמְךָ֖ יִהְיֶ֥ה בְרֹאשֶֽׁךָ׃
Vehayá beiom tsetjá ve’avarta et-nájal kidrón yadóa tedá ki mot tamut damjá yihyé verosheja
Porque el día que salgas y pases el torrente Kidrón, ten por cierto que sin duda morir, morirás; tu sangre recaerá sobre tu cabeza.
38
וַיֹּ֨אמֶר שִׁמְעִ֤י לַמֶּ֙לֶךְ֙ ט֣וֹב הַדָּבָ֔ר כַּאֲשֶׁ֤ר דִּבֶּר֙ אֲדֹנִ֣י הַמֶּ֔לֶךְ כֵּ֖ן יַעֲשֶׂ֣ה עַבְדֶּ֑ךָ וַיֵּ֧שֶׁב שִׁמְעִ֛י בִּירוּשָׁלִַ֖ם יָמִ֥ים רַבִּֽים׃ (ס)
Vayómer shim’í lamelej tov hadavar ka’asher diber Adonai hamélej ken ya’asé avdeja vayéshev shim’í birushalam yamim rabim
Entonces Shimhí dijo al rey: La palabra es buena; como ha dicho el rey mi señor, así lo hará tu siervo. Y vivió Shimhí en Jerusalén muchos días.
39
וַיְהִ֗י מִקֵּץ֙ שָׁלֹ֣שׁ שָׁנִ֔ים וַיִּבְרְח֤וּ שְׁנֵֽי־עֲבָדִים֙ לְשִׁמְעִ֔י אֶל־אָכִ֥ישׁ בֶּֽן־מַעֲכָ֖ה מֶ֣לֶךְ גַּ֑ת וַיַּגִּ֤ידוּ לְשִׁמְעִי֙ לֵאמֹ֔ר הִנֵּ֥ה עֲבָדֶ֖יךָ בְּגַֽת׃
Vayhí mikets shalosh shanim vayivrejú shenei-avadim leshim’í el-ajish ben-ma’ajá mélej gat vayagidu leshim’i lemor hiné avadeja begat
Pero aconteció al cabo de tres años, que dos de los siervos de Shimhí huyeron a Ajish, hijo de Maajá, rey de Gat. Le avisaron a Shimhí, diciéndole: He aquí, tus siervos están en Gat.
40
וַיָּ֣קָם שִׁמְעִ֗י וַֽיַּחֲבֹשׁ֙ אֶת־חֲמֹר֔וֹ וַיֵּ֤לֶךְ גַּ֙תָה֙ אֶל־אָכִ֔ישׁ לְבַקֵּ֖שׁ אֶת־עֲבָדָ֑יו וַיֵּ֣לֶךְ שִׁמְעִ֔י וַיָּבֵ֥א אֶת־עֲבָדָ֖יו מִגַּֽת׃
Vayákom shim’í vayajavosh et-jamoró vayélej gata el-ajish levakesh et-avadav vayélej shim’í vayavé et-avadav migat
Shimhí se levantó, ensilló su asno y fue a Gat a ver a Ajish para buscar a sus siervos. Fue, pues, Shimhí y trajo sus siervos de Gat.
41
וַיֻּגַּ֖ד לִשְׁלֹמֹ֑ה כִּי־הָלַ֨ךְ שִׁמְעִ֧י מִירוּשָׁלִַ֛ם גַּ֖ת וַיָּשֹֽׁב׃
Vayugad lishlomó ki-halaj shim’í mirushalam gat vayashov
Y le fue dicho a Shlomó que Shimhí había ido de Jerusalén hasta Gat y había vuelto.
42
וַיִּשְׁלַ֨ח הַמֶּ֜לֶךְ וַיִּקְרָ֣א לְשִׁמְעִ֗י וַיֹּ֨אמֶר אֵלָ֜יו הֲל֧וֹא הִשְׁבַּעְתִּ֣יךָ בַֽיהוָ֗ה וָאָעִ֤ד בְּךָ֙ לֵאמֹ֔ר בְּי֣וֹם צֵאתְךָ֗ וְהָֽלַכְתָּ֙ אָ֣נֶה וָאָ֔נָה יָדֹ֥עַ תֵּדַ֖ע כִּ֣י מ֣וֹת תָּמ֑וּת וַתֹּ֧אמֶר אֵלַ֛י ט֥וֹב הַדָּבָ֖ר שָׁמָֽעְתִּי׃
Vayishlaj hamélej vayikrá leshim’í vayómer elav haló hishbatija baAdonai va’a’id beja lemor beiom tsetjá vehalajta ane va’ana yadóa tedá ki mot tamut vatómer elái tov hadavar shamati
Entonces el rey envió a llamar a Shimhí y le dijo: ¿Acaso no te he hecho jurar por el Señor y te he advertido seriamente, diciendo: "El día que salgas y vayas a cualquier parte, ten por seguro que ciertamente morir morirás"? Y tú me dijiste: "La palabra que he oído es buena."
43
וּמַדּ֕וּעַ לֹ֣א שָׁמַ֔רְתָּ אֵ֖ת שְׁבֻעַ֣ת יְהוָ֑ה וְאֶת־הַמִּצְוָ֖ה אֲשֶׁר־צִוִּ֥יתִי עָלֶֽיךָ׃
Umadúa lo shamarta et shevu’at Adonai ve’et-hamitsvá asher-tsiviti aleja
¿Por qué, entonces, no guardaste el juramento del Señor y el mandamiento que te impuse?
44
וַיֹּ֨אמֶר הַמֶּ֜לֶךְ אֶל־שִׁמְעִ֗י אַתָּ֤ה יָדַ֙עְתָּ֙ אֵ֣ת כָּל־הָרָעָ֗ה אֲשֶׁ֤ר יָדַע֙ לְבָ֣בְךָ֔ אֲשֶׁ֥ר עָשִׂ֖יתָ לְדָוִ֣ד אָבִ֑י וְהֵשִׁ֧יב יְהוָ֛ה אֶת־רָעָתְךָ֖ בְּרֹאשֶֽׁךָ׃
Vayómer hamélej el-shim’í atá yadata et kol-hara’á asher yada levavjá asher asita ledavid aví veheshiv Adonai et-ra’atjá berosheja
Dijo además el rey a Shimhí: Tú eres consciente de todo el mal que había en tu corazón, que le hiciste a mi padre David, e hizo recaer el Señor, tu mal sobre tu propia cabeza.
45
וְהַמֶּ֥לֶךְ שְׁלֹמֹ֖ה בָּר֑וּךְ וְכִסֵּ֣א דָוִ֗ד יִהְיֶ֥ה נָכ֛וֹן לִפְנֵ֥י יְהוָ֖ה עַד־עוֹלָֽם׃
Vehamélej Shlomoh baruje vejisé David yihyé najón lifnéi Adonai ad-olam
Pero el rey Shlomó será bendito, y el trono de David será firme delante del Señor para siempre.
46
וַיְצַ֣ו הַמֶּ֗לֶךְ אֶת־בְּנָיָ֙הוּ֙ בֶּן־יְה֣וֹיָדָ֔ע וַיֵּצֵ֕א וַיִּפְגַּע־בּ֖וֹ וַיָּמֹ֑ת וְהַמַּמְלָכָ֥ה נָכ֖וֹנָה בְּיַד־שְׁלֹמֹֽה׃
Vaytsav hamélej et-benayahu ben-yehoyadá vayetsé vayifga-bo vayamot vehamamlajá najona beyad-Shlomoh
Entonces el rey mandó a Benaía, hijo de Iehoiada, y éste salió y arremetió contra Shimhí y lo mató. Así fue confirmado el reino en las manos de Shlomó.
1 Reyes
1
1 Reyes
3
