תנ״ך
Tanaj (Biblia)
beneyisrael.com
Inicio
Portada
Apoyar
Biblioteca
Opciones de lectura
עברית
Fonética
Español
Taamim
Nikud
Letras
A−
100%
A+
Comentarios
Neviim · 1 Reyes
מלכים א ג
1 Reyes · Capítulo 3
28 versículos
27 comentarios
1
וַיִּתְחַתֵּ֣ן שְׁלֹמֹ֔ה אֶת־פַּרְעֹ֖ה מֶ֣לֶךְ מִצְרָ֑יִם וַיִּקַּ֣ח אֶת־בַּת־פַּרְעֹ֗ה וַיְבִיאֶ֙הָ֙ אֶל־עִ֣יר דָּוִ֔ד עַ֣ד כַּלֹּת֗וֹ לִבְנ֤וֹת אֶת־בֵּיתוֹ֙ וְאֶת־בֵּ֣ית יְהוָ֔ה וְאֶת־חוֹמַ֥ת יְרוּשָׁלִַ֖ם סָבִֽיב׃
Vayitjatén Shlomoh et-par’ó mélej Mitsraim vayikaj et-bat-par’ó vayvi’eha el-ir David ad kalotó livnot et-beito ve’et-beit Adonai ve’et-jomat Yerushaláyim saviv
Shlomó se emparentó con Faraón, rey de Egipto, y tomó a la hija de Faraón y la trajo a la ciudad de David, hasta que acabase de edificar su casa, la casa del Señor y la muralla alrededor de Jerusalén.
2
רַ֣ק הָעָ֔ם מְזַבְּחִ֖ים בַּבָּמ֑וֹת כִּ֠י לֹא־נִבְנָ֥ה בַ֙יִת֙ לְשֵׁ֣ם יְהוָ֔ה עַ֖ד הַיָּמִ֥ים הָהֵֽם׃ (פ)
Rak ha’am mezabejim babamot ki lo-nivná vayit leshem Adonai ad hayamim hahem
Sólo que el pueblo ofrendaba en altares, porque no se había edificado casa al Nombre del Señor hasta aquellos días.
3
וַיֶּאֱהַ֤ב שְׁלֹמֹה֙ אֶת־יְהוָ֔ה לָלֶ֕כֶת בְּחֻקּ֖וֹת דָּוִ֣ד אָבִ֑יו רַ֚ק בַּבָּמ֔וֹת ה֥וּא מְזַבֵּ֖חַ וּמַקְטִֽיר׃
Vaye’ehav Shlomoh et-Adonai laléjet bejukot David aviv rak babamot hu mezabeaj umaktir
Y amó Shlomó al Señor, andando en los estatutos de su padre David, aunque ofrendaba y quemaba incienso en los altares.
4
וַיֵּ֨לֶךְ הַמֶּ֤לֶךְ גִּבְעֹ֙נָה֙ לִזְבֹּ֣חַ שָׁ֔ם כִּ֥י הִ֖יא הַבָּמָ֣ה הַגְּדוֹלָ֑ה אֶ֤לֶף עֹלוֹת֙ יַעֲלֶ֣ה שְׁלֹמֹ֔ה עַ֖ל הַמִּזְבֵּ֥חַ הַהֽוּא׃
Vayélej hamélej giv’ona lizboaj sham ki-hi habamá hagedolá élef olot ya’alé Shlomoh al hamizbeaj hahú
Y el rey fue a Guibón a ofrendar allí, porque ese era el gran altar. Mil ofrendas consagró Shlomó sobre ese altar.
5
בְּגִבְע֗וֹן נִרְאָ֧ה יְהֹוָ֛ה אֶל־שְׁלֹמֹ֖ה בַּחֲל֣וֹם הַלָּ֑יְלָה וַיֹּ֣אמֶר אֱלֹהִ֔ים שְׁאַ֖ל מָ֥ה אֶתֶּן־לָֽךְ׃
Begivón nir’á Adonai el-Shlomoh bajalom halayla vayómer Elohim she’al ma eten-laj
Y en Guibón el Señor se le apareció a Shlomó en un sueño de noche, y Dios le dijo: Pide lo que quieras que Yo te conceda.
6
וַיֹּ֣אמֶר שְׁלֹמֹ֗ה אַתָּ֨ה עָשִׂ֜יתָ עִם־עַבְדְּךָ֙ דָוִ֣ד אָבִי֮ חֶ֣סֶד גָּדוֹל֒ כַּאֲשֶׁר֩ הָלַ֨ךְ לְפָנֶ֜יךָ בֶּאֱמֶ֧ת וּבִצְדָקָ֛ה וּבְיִשְׁרַ֥ת לֵבָ֖ב עִמָּ֑ךְ וַתִּשְׁמָר־ל֗וֹ אֶת־הַחֶ֤סֶד הַגָּדוֹל֙ הַזֶּ֔ה וַתִּתֶּן־ל֥וֹ בֵ֛ן יֹשֵׁ֥ב עַל־כִּסְא֖וֹ כַּיּ֥וֹם הַזֶּֽה׃
Vayómer Shlomoh atá asita im-avdejá David avi jésed gadol ka’asher halaj lefaneja be’emet uvitsdaká uveyishrat levav imaj vatishmor-lo et-hajésed hagadol hazé vatiten-lo ven yoshev al-kisó kayom hazé
Y dijo Shlomó: Tú has obrado gran misericordia con tu siervo David mi padre, según él anduvo delante de Ti con verdad, justicia y rectitud de corazón hacia Ti; y has guardado para él esta gran misericordia, y le has concedido un hijo que se siente en su trono, como sucede hoy en día.
7
וְעַתָּה֙ יְהוָ֣ה אֱלֹהָ֔י אַתָּה֙ הִמְלַ֣כְתָּ אֶֽת־עַבְדְּךָ֔ תַּ֖חַת דָּוִ֣ד אָבִ֑י וְאָֽנֹכִי֙ נַ֣עַר קָטֹ֔ן לֹ֥א אֵדַ֖ע צֵ֥את וָבֹֽא׃
Ve’ata Adonai Elohái ata himlajta et-avdejá tájat David aví ve’anoji ná’ar katón lo edá tset vavó
Y ahora, Señor Dios mío, Tú has hecho rey a Tu siervo en lugar de mi padre David, y yo soy joven y no sé cómo salir ni entrar.
8
וְעַ֨בְדְּךָ֔ בְּת֥וֹךְ עַמְּךָ֖ אֲשֶׁ֣ר בָּחָ֑רְתָּ עַם־רָ֕ב אֲשֶׁ֧ר לֹֽא־יִמָּנֶ֛ה וְלֹ֥א יִסָּפֵ֖ר מֵרֹֽב׃
Ve’avdejá betoje amejá asher bajarta am-rav asher lo-yimané veló yisafer merov
Tu siervo está en medio de Tu pueblo al cual escogiste, un pueblo inmenso que no se puede numerar ni contar de tantos que son.
9
וְנָתַתָּ֨ לְעַבְדְּךָ֜ לֵ֤ב שֹׁמֵ֙עַ֙ לִשְׁפֹּ֣ט אֶֽת־עַמְּךָ֔ לְהָבִ֖ין בֵּֽין־ט֣וֹב לְרָ֑ע כִּ֣י מִ֤י יוּכַל֙ לִשְׁפֹּ֔ט אֶת־עַמְּךָ֥ הַכָּבֵ֖ד הַזֶּֽה׃
Venatatá le’avdejá lev shomea lishpot et-amejá lehavín bein-tov lerá ki mi yujal lishpot et-amejá hakaved hazé
concede, a Tu siervo un corazón sabio para juzgar a Tu pueblo y para discernir entre el bien y el mal. Pues ¿quién puede juzgar a este pueblo tuyo tan grande?
10
וַיִּיטַ֥ב הַדָּבָ֖ר בְּעֵינֵ֣י אֲדֹנָ֑י כִּ֚י שָׁאַ֣ל שְׁלֹמֹ֔ה אֶת־הַדָּבָ֖ר הַזֶּֽה׃
Vayitav hadavar be’einéi Adonai ki sha’al Shlomoh et-hadavar hazé
Y fue grato a los ojos del Señor que Shlomó pidiera esto.
11
וַיֹּ֨אמֶר אֱלֹהִ֜ים אֵלָ֗יו יַעַן֩ אֲשֶׁ֨ר שָׁאַ֜לְתָּ אֶת־הַדָּבָ֣ר הַזֶּ֗ה וְלֹֽא־שָׁאַ֨לְתָּ לְּךָ֜ יָמִ֣ים רַבִּ֗ים וְלֹֽא־שָׁאַ֤לְתָּ לְּךָ֙ עֹ֔שֶׁר וְלֹ֥א שָׁאַ֖לְתָּ נֶ֣פֶשׁ אֹיְבֶ֑יךָ וְשָׁאַ֧לְתָּ לְּךָ֛ הָבִ֖ין לִשְׁמֹ֥עַ מִשְׁפָּֽט׃
Vayómer Elohim elav ya’an asher sha’alta et-hadavar hazé velo-sha’alta lejá yamim rabim velo-sha’alta leja ósher veló sha’alta néfesh oyveja vesha’alta lejá havín lishmóa mishpat
Y Dios le dijo: Por cuanto que has pedido esto y no has pedido para ti larga vida, ni has pedido para ti riquezas, ni has pedido la vida de tus enemigos, sino que has pedido para ti entendimiento para administrar justicia,
12
הִנֵּ֥ה עָשִׂ֖יתִי כִּדְבָרֶ֑יךָ הִנֵּ֣ה ׀ נָתַ֣תִּי לְךָ֗ לֵ֚ב חָכָ֣ם וְנָב֔וֹן אֲשֶׁ֤ר כָּמ֙וֹךָ֙ לֹא־הָיָ֣ה לְפָנֶ֔יךָ וְאַחֲרֶ֖יךָ לֹא־יָק֥וּם כָּמֽוֹךָ׃
Hiné asiti kidvareja hiné natati lejá lev jajam venavón asher kamoja lo-hayá lefaneja ve’ajareja lo-yakum kamoja
he aquí, he hecho conforme a tus palabras. He aquí, te he dado un corazón sabio e inteligente, de modo que no ha habido ninguno como tú antes de ti, ni se levantará ninguno como tú después de ti.
13
וְגַ֨ם אֲשֶׁ֤ר לֹֽא־שָׁאַ֙לְתָּ֙ נָתַ֣תִּי לָ֔ךְ גַּם־עֹ֖שֶׁר גַּם־כָּב֑וֹד אֲ֠שֶׁר לֹא־הָיָ֨ה כָמ֥וֹךָ אִ֛ישׁ בַּמְּלָכִ֖ים כָּל־יָמֶֽיךָ׃
Vegam asher lo-sha’alta natati laj gam-ósher gam-kavod asher lo-hayá jamoja ish bamelajim kol-yameja
También lo que no has pedido te he dado, también riquezas también gloria, de modo que no habrá entre los reyes ninguno como tú en todos tus días.
14
וְאִ֣ם ׀ תֵּלֵ֣ךְ בִּדְרָכַ֗י לִשְׁמֹ֤ר חֻקַּי֙ וּמִצְוֺתַ֔י כַּאֲשֶׁ֥ר הָלַ֖ךְ דָּוִ֣יד אָבִ֑יךָ וְהַאַרַכְתִּ֖י אֶת־יָמֶֽיךָ׃ (ס)
Ve’im telej bidrajái lishmor jukai umitsotái ka’asher halaj david avija veha’arajtí et-yameja
Y si anduvieres en Mis caminos, guardando Mis estatutos y Mis mandamientos como tu padre David anduvo, entonces prolongaré tus días.
15
וַיִּקַ֥ץ שְׁלֹמֹ֖ה וְהִנֵּ֣ה חֲל֑וֹם וַיָּב֨וֹא יְרוּשָׁלִַ֜ם וַֽיַּעֲמֹ֣ד ׀ לִפְנֵ֣י ׀ אֲר֣וֹן בְּרִית־אֲדֹנָ֗י וַיַּ֤עַל עֹלוֹת֙ וַיַּ֣עַשׂ שְׁלָמִ֔ים וַיַּ֥עַשׂ מִשְׁתֶּ֖ה לְכָל־עֲבָדָֽיו׃ (פ)
Vayikáts Shlomoh vehiné jalom vayavó Yerushaláyim vaya’amod lifnéi arón berit-Adonai vayá’al olot vaya’as shelamim vaya’as mishté lejol-avadav
Y se despertó Shlomó y he aquí que había sido un sueño. Y vino a Jerusalén y se puso delante del arca del pacto del Señor; brindó sacrificios e hizo ofrendas de paz, y también dio un banquete para todos sus siervos.
16
אָ֣ז תָּבֹ֗אנָה שְׁתַּ֛יִם נָשִׁ֥ים זֹנ֖וֹת אֶל־הַמֶּ֑לֶךְ וַֽתַּעֲמֹ֖דְנָה לְפָנָֽיו׃
Az tavona shetáyim nashim zonot el-hamélej vata’amodna lefanav
Entonces vinieron dos mujeres que eran rameras, vinieron al rey y se presentaron delante de él.
17
וַתֹּ֜אמֶר הָאִשָּׁ֤ה הָֽאַחַת֙ בִּ֣י אֲדֹנִ֔י אֲנִי֙ וְהָאִשָּׁ֣ה הַזֹּ֔את יֹשְׁבֹ֖ת בְּבַ֣יִת אֶחָ֑ד וָאֵלֵ֥ד עִמָּ֖הּ בַּבָּֽיִת׃
Vatómer ha’ishá ha’ajat bi Adonai ani veha’ishá hazot yoshvot beváyit ejad va’eled imah babáyit
Y una de las mujeres dijo: Oh, mi señor, yo y esta mujer vivimos en la misma casa; y yo di a luz estando con ella en la casa.
18
וַיְהִ֞י בַּיּ֤וֹם הַשְּׁלִישִׁי֙ לְלִדְתִּ֔י וַתֵּ֖לֶד גַּם־הָאִשָּׁ֣ה הַזֹּ֑את וַאֲנַ֣חְנוּ יַחְדָּ֗ו אֵֽין־זָ֤ר אִתָּ֙נוּ֙ בַּבַּ֔יִת זוּלָתִ֥י שְׁתַּֽיִם־אֲנַ֖חְנוּ בַּבָּֽיִת׃
Vayhí bayom hashelishi lelidtí vatéled gam-ha’ishá hazot va’anajnu yajdav ein-zar itanu babáyit zulatí shetayim-anajnu babáyit
Y sucedió que al tercer día de haber dado yo a luz yo, esta mujer también dio a luz; estábamos juntas, nadie de fuera estaba con nosotras en la casa, solamente nosotras dos.
19
וַיָּ֛מָת בֶּן־הָאִשָּׁ֥ה הַזֹּ֖את לָ֑יְלָה אֲשֶׁ֥ר שָׁכְבָ֖ה עָלָֽיו׃
Vayámot ben-ha’ishá hazot layla asher shajvá alav
Y murió el hijo de esta mujer durante la noche, al acostarse ella sobre él.
20
וַתָּקָם֩ בְּת֨וֹךְ הַלַּ֜יְלָה וַתִּקַּ֧ח אֶת־בְּנִ֣י מֵֽאֶצְלִ֗י וַאֲמָֽתְךָ֙ יְשֵׁנָ֔ה וַתַּשְׁכִּיבֵ֖הוּ בְּחֵיקָ֑הּ וְאֶת־בְּנָ֥הּ הַמֵּ֖ת הִשְׁכִּ֥יבָה בְחֵיקִֽי׃
Vatakom betoje halayla vatikaj et-bení me’etslí va’amatja yeshená vatashkivehu bejeikah ve’et-benah hamet hishkiva vejeikí
Y ella se levantó entrada la noche, tomó a mi hijo de mi lado mientras tu sierva estaba dormida y lo puso en su regazo, y a su hijo muerto lo puso en mi regazo.
21
וָאָקֻ֥ם בַּבֹּ֛קֶר לְהֵינִ֥יק אֶת־בְּנִ֖י וְהִנֵּה־מֵ֑ת וָאֶתְבּוֹנֵ֤ן אֵלָיו֙ בַּבֹּ֔קֶר וְהִנֵּ֛ה לֹֽא־הָיָ֥ה בְנִ֖י אֲשֶׁ֥ר יָלָֽדְתִּי׃
Va’akum babóker leheinik et-bení vehine-met va’etbonén elav babóker vehiné lo-hayá vení asher yaladti
Al levantarme por la mañana para amamantar a mi hijo, he aquí que estaba muerto; pero cuando lo observé con cuidado por la mañana, vi que no era mi hijo, el que yo había parido.
22
וַתֹּאמֶר֩ הָאִשָּׁ֨ה הָאַחֶ֜רֶת לֹ֣א כִ֗י בְּנִ֤י הַחַי֙ וּבְנֵ֣ךְ הַמֵּ֔ת וְזֹ֤את אֹמֶ֙רֶת֙ לֹ֣א כִ֔י בְּנֵ֥ךְ הַמֵּ֖ת וּבְנִ֣י הֶחָ֑י וַתְּדַבֵּ֖רְנָה לִפְנֵ֥י הַמֶּֽלֶךְ׃
Vatomer ha’ishá ha’ajéret lo ji bení hajai uvenej hamet vezot omeret lo ji benej hamet uvení hejái vatedaberna lifnéi hamélej
Entonces la otra mujer dijo: ¡No, pues mi hijo es el que vive y tu hijo es el muerto! Y la otra decía: ¡No, tu hijo es el muerto y mi hijo es el que vive! Así hablaban ellas delante del rey.
23
וַיֹּ֣אמֶר הַמֶּ֔לֶךְ זֹ֣את אֹמֶ֔רֶת זֶה־בְּנִ֥י הַחַ֖י וּבְנֵ֣ךְ הַמֵּ֑ת וְזֹ֤את אֹמֶ֙רֶת֙ לֹ֣א כִ֔י בְּנֵ֥ךְ הַמֵּ֖ת וּבְנִ֥י הֶחָֽי׃ (פ)
Vayómer hamélej zot oméret ze-bení hajái uvenej hamet vezot omeret lo ji benej hamet uvení hejái
Entonces el rey dijo: Esta dice: "Este es mi hijo el que está vivo y tu hijo es el muerto"; y la otra dice: "No, porque tu hijo es el muerto y mi hijo es el que vive."
24
וַיֹּ֥אמֶר הַמֶּ֖לֶךְ קְח֣וּ לִי־חָ֑רֶב וַיָּבִ֥אוּ הַחֶ֖רֶב לִפְנֵ֥י הַמֶּֽלֶךְ׃
Vayómer hamélej kejú li-járev vayavíu hajérev lifnéi hamélej
Y el rey dijo: Traedme una espada. Y trajeron una espada al rey.
25
וַיֹּ֣אמֶר הַמֶּ֔לֶךְ גִּזְר֛וּ אֶת־הַיֶּ֥לֶד הַחַ֖י לִשְׁנָ֑יִם וּתְנ֤וּ אֶֽת־הַחֲצִי֙ לְאַחַ֔ת וְאֶֽת־הַחֲצִ֖י לְאֶחָֽת׃
Vayómer hamélej gizrú et-hayéled hajái lishnáyim utenú et-hajatsi le’ajat ve’et-hajatsí le’ejat
Entonces el rey dijo: Partid al niño vivo en dos, y dad la mitad a una y la otra mitad a la otra.
26
וַתֹּ֣אמֶר הָאִשָּׁה֩ אֲשֶׁר־בְּנָ֨הּ הַחַ֜י אֶל־הַמֶּ֗לֶךְ כִּֽי־נִכְמְר֣וּ רַחֲמֶיהָ֮ עַל־בְּנָהּ֒ וַתֹּ֣אמֶר ׀ בִּ֣י אֲדֹנִ֗י תְּנוּ־לָהּ֙ אֶת־הַיָּל֣וּד הַחַ֔י וְהָמֵ֖ת אַל־תְּמִיתֻ֑הוּ וְזֹ֣את אֹמֶ֗רֶת גַּם־לִ֥י גַם־לָ֛ךְ לֹ֥א יִהְיֶ֖ה גְּזֹֽרוּ׃
Vatómer ha’isha asher-benah hajái el-hamélej ki-nijmerú rajameiha al-benah vatómer bi Adonai tenu-lah et-hayalud hajái vehamet al-temituhu vezot oméret gam-li gam-laj lo yihyé gezoru
Entonces la mujer de quien era el niño vivo habló al rey, pues estaba profundamente conmovida por su hijo, y dijo: Oh, mi señor, dale a ella el niño vivo, y matar no lo mates. Pero la otra decía: No será ni mío ni tuyo; partidlo.
27
וַיַּ֨עַן הַמֶּ֜לֶךְ וַיֹּ֗אמֶר תְּנוּ־לָהּ֙ אֶת־הַיָּל֣וּד הַחַ֔י וְהָמֵ֖ת לֹ֣א תְמִיתֻ֑הוּ הִ֖יא אִמּֽוֹ׃
Vaya’an hamélej vayómer tenu-lah et-hayalud hajái vehamet lo temituhu hi imó
Entonces el rey respondió y dijo: Dadle el niño vivo, y matar no lo matéis. ¡Ella es la madre!
28
וַיִּשְׁמְע֣וּ כָל־יִשְׂרָאֵ֗ל אֶת־הַמִּשְׁפָּט֙ אֲשֶׁ֣ר שָׁפַ֣ט הַמֶּ֔לֶךְ וַיִּֽרְא֖וּ מִפְּנֵ֣י הַמֶּ֑לֶךְ כִּ֣י רָא֔וּ כִּֽי־חָכְמַ֧ת אֱלֹהִ֛ים בְּקִרְבּ֖וֹ לַעֲשׂ֥וֹת מִשְׁפָּֽט׃ (ס)
Vayishmeú jol-Yisrael et-hamishpat asher shafat hamélej vayirú mipenéi hamélej ki rau ki-jojmat Elohim bekirbó la’asot mishpat
Cuando todo Israel oyó del juicio que el rey había pronunciado, temieron al rey, porque vieron que la sabiduría de Dios estaba en él para administrar justicia.
1 Reyes
2
1 Reyes
4
