תנ״ך
Tanaj (Biblia)
beneyisrael.com
Inicio
Portada
Apoyar
Biblioteca
Opciones de lectura
עברית
Fonética
Español
Taamim
Nikud
Letras
A−
100%
A+
Comentarios
Neviim · 1 Reyes
מלכים א ה
1 Reyes · Capítulo 5
32 versículos
30 comentarios
1
וּשְׁלֹמֹ֗ה הָיָ֤ה מוֹשֵׁל֙ בְּכָל־הַמַּמְלָכ֔וֹת מִן־הַנָּהָר֙ אֶ֣רֶץ פְּלִשְׁתִּ֔ים וְעַ֖ד גְּב֣וּל מִצְרָ֑יִם מַגִּשִׁ֥ים מִנְחָ֛ה וְעֹבְדִ֥ים אֶת־שְׁלֹמֹ֖ה כָּל־יְמֵ֥י חַיָּֽיו׃ (פ)
Ushelomó hayá moshel bejol-hamamlajot min-hanahar erets pelishtim ve’ad gevul Mitsraim magishim minjá ve’ovdim et-Shlomoh kol-yeméi jayav
Shlomó gobernaba todos los reinos desde el río hasta la tierra de los Pelishtim y hasta el límite con Egipto; ellos traían tributo y servían a Shlomó todos los días de su vida.
2
וַיְהִ֥י לֶֽחֶם־שְׁלֹמֹ֖ה לְי֣וֹם אֶחָ֑ד שְׁלֹשִׁ֥ים כֹּר֙ סֹ֔לֶת וְשִׁשִּׁ֥ים כֹּ֖ר קָֽמַח׃
Vayhí lejem-Shlomoh leiom ejad sheloshim kor sólet veshishim kor kámaj
La provisión de Shlomó para un día era de treinta coros de flor de harina y sesenta coros de harina,
3
עֲשָׂרָ֨ה בָקָ֜ר בְּרִאִ֗ים וְעֶשְׂרִ֥ים בָּקָ֛ר רְעִ֖י וּמֵ֣אָה צֹ֑אן לְ֠בַד מֵֽאַיָּ֤ל וּצְבִי֙ וְיַחְמ֔וּר וּבַרְבֻּרִ֖ים אֲבוּסִֽים׃
Asará vakar beri’im ve’esrim bakar re’í ume’a tson levad me’ayal utsevi veyajmur uvarburim avusim
diez bueyes cebados, veinte bueyes de pastoreo y cien ovejas, sin contar los ciervos, gacelas, alces y aves cebadas.
4
כִּי־ה֞וּא רֹדֶ֣ה ׀ בְּכָל־עֵ֣בֶר הַנָּהָ֗ר מִתִּפְסַח֙ וְעַד־עַזָּ֔ה בְּכָל־מַלְכֵ֖י עֵ֣בֶר הַנָּהָ֑ר וְשָׁל֗וֹם הָ֥יָה ל֛וֹ מִכָּל־עֲבָרָ֖יו מִסָּבִֽיב׃
Ki-hu rodé bejol-éver hanahar mitifsaj ve’ad-azá bejol-maljéi éver hanahar veshalom haya lo mikol-avarav misaviv
Porque él tenía señorío sobre todo el occidente del río, desde Tifsaj hasta Gaza, sobre todos los reyes al occidente del río; y tuvo paz por todos lados a su alrededor.
5
וַיֵּשֶׁב֩ יְהוּדָ֨ה וְיִשְׂרָאֵ֜ל לָבֶ֗טַח אִ֣ישׁ תַּ֤חַת גַּפְנוֹ֙ וְתַ֣חַת תְּאֵֽנָת֔וֹ מִדָּ֖ן וְעַד־בְּאֵ֣ר שָׁ֑בַע כֹּ֖ל יְמֵ֥י שְׁלֹמֹֽה׃ (ס)
Vayeshev Yehudá veyisra’el lavétaj ish tájat gafno vetájat te’enató midán ve’ad-be’er shava kol yeméi Shlomoh
Yehudá e Israel vivieron seguros, cada uno bajo su parra y bajo su higuera, desde Dan hasta Beer Sheba, todos los días de Shlomó.
6
וַיְהִ֣י לִשְׁלֹמֹ֗ה אַרְבָּעִ֥ים אֶ֛לֶף אֻרְוֺ֥ת סוּסִ֖ים לְמֶרְכָּב֑וֹ וּשְׁנֵים־עָשָׂ֥ר אֶ֖לֶף פָּרָשִֽׁים׃
Vayhí lishlomó arba’im élef urot susim lemerkavó usheneim-asar élef parashim
Shlomó tenía cuarenta mil establos de caballos para sus carros y doce mil jinetes.
7
וְכִלְכְּלוּ֩ הַנִּצָּבִ֨ים הָאֵ֜לֶּה אֶת־הַמֶּ֣לֶךְ שְׁלֹמֹ֗ה וְאֵ֧ת כָּל־הַקָּרֵ֛ב אֶל־שֻׁלְחַ֥ן הַמֶּֽלֶךְ־שְׁלֹמֹ֖ה אִ֣ישׁ חָדְשׁ֑וֹ לֹ֥א יְעַדְּר֖וּ דָּבָֽר׃
Vejilkelu hanitsavim ha’ele et-hamélej Shlomoh ve’et kol-hakarev el-shulján hamelej-Shlomoh ish jodshó lo ye’aderú davar
Y los oficiales abastecían, cada uno un mes, al rey Shlomó y a todos los que venían a la mesa del rey Shlomó; no dejaban que faltara nada.
8
וְהַשְּׂעֹרִ֣ים וְהַתֶּ֔בֶן לַסּוּסִ֖ים וְלָרָ֑כֶשׁ יָבִ֗אוּ אֶל־הַמָּקוֹם֙ אֲשֶׁ֣ר יִֽהְיֶה־שָּׁ֔ם אִ֖ישׁ כְּמִשְׁפָּטֽוֹ׃ (ס)
Vehase’orim vehateven lasusim velarájesh yavíu el-hamakom asher yihye-sham ish kemishpató
También llevaban, cada uno según su obligación, cebada y paja para los caballos de tiro y los corceles al lugar en donde estuvieren.
9
וַיִּתֵּן֩ אֱלֹהִ֨ים חָכְמָ֧ה לִשְׁלֹמֹ֛ה וּתְבוּנָ֖ה הַרְבֵּ֣ה מְאֹ֑ד וְרֹ֣חַב לֵ֔ב כַּח֕וֹל אֲשֶׁ֖ר עַל־שְׂפַ֥ת הַיָּֽם׃
Vayiten Elohim jojmá lishlomó utevuná harbé me’od verójav lev kajol asher al-sefat hayam
Dios dio a Shlomó sabiduría, gran discernimiento y amplitud de corazón como la arena que está a la orilla del mar.
10
וַתֵּ֙רֶב֙ חָכְמַ֣ת שְׁלֹמֹ֔ה מֵֽחָכְמַ֖ת כָּל־בְּנֵי־קֶ֑דֶם וּמִכֹּ֖ל חָכְמַ֥ת מִצְרָֽיִם׃
Vaterev jojmat Shlomoh mejojmat kol-benei-kédem umikol jojmat Mitsraim
Y la sabiduría de Shlomó sobrepasó la sabiduría de todos los hijos del oriente y toda la sabiduría de Egipto.
11
וַיֶּחְכַּם֮ מִכָּל־הָֽאָדָם֒ מֵאֵיתָ֣ן הָאֶזְרָחִ֗י וְהֵימָ֧ן וְכַלְכֹּ֛ל וְדַרְדַּ֖ע בְּנֵ֣י מָח֑וֹל וַיְהִֽי־שְׁמ֥וֹ בְכָֽל־הַגּוֹיִ֖ם סָבִֽיב׃
Vayejkam mikol-ha’adam me’eitán ha’ezrají veheimán vejalkol vedardá benéi majol vayhi-shemó vejol-hagoyim saviv
Porque era más sabio que todos los hombres, más que Etán el Ezrají, Hemán, Jalcol y Darda, hijos de Majol; y su fama fue conocida por todas las naciones de alrededor.
12
וַיְדַבֵּ֕ר שְׁלֹ֥שֶׁת אֲלָפִ֖ים מָשָׁ֑ל וַיְהִ֥י שִׁיר֖וֹ חֲמִשָּׁ֥ה וָאָֽלֶף׃
Vaydaber shelóshet alafim mashal vayhí shiró jamishá va’álef
También pronunció tres mil proverbios, y sus cantares fueron mil cinco.
13
וַיְדַבֵּר֮ עַל־הָֽעֵצִים֒ מִן־הָאֶ֙רֶז֙ אֲשֶׁ֣ר בַּלְּבָנ֔וֹן וְעַד֙ הָאֵז֔וֹב אֲשֶׁ֥ר יֹצֵ֖א בַּקִּ֑יר וַיְדַבֵּר֙ עַל־הַבְּהֵמָ֣ה וְעַל־הָע֔וֹף וְעַל־הָרֶ֖מֶשׂ וְעַל־הַדָּגִֽים׃
Vaydaber al-ha’etsim min-ha’erez asher balevanón ve’ad ha’ezov asher yotsé bakir vaydaber al-habehemá ve’al-haof ve’al-haremes ve’al-hadagim
Disertó sobre los árboles, desde el cedro que está en el Líbano hasta el hisopo que crece en la pared; también habló de ganados, aves, reptiles y peces.
14
וַיָּבֹ֙אוּ֙ מִכָּל־הָ֣עַמִּ֔ים לִשְׁמֹ֕עַ אֵ֖ת חָכְמַ֣ת שְׁלֹמֹ֑ה מֵאֵת֙ כָּל־מַלְכֵ֣י הָאָ֔רֶץ אֲשֶׁ֥ר שָׁמְע֖וּ אֶת־חָכְמָתֽוֹ׃ (ס)
Vayavou mikol-ha’amim lishmóa et jojmat Shlomoh me’et kol-maljéi ha’arets asher shamú et-jojmató
Y venían de todos los pueblos para oír la sabiduría de Shlomó, de parte de todos los reyes de la tierra que habían oído de su sabiduría.
15
וַ֠יִּשְׁלַח חִירָ֨ם מֶֽלֶךְ־צ֤וֹר אֶת־עֲבָדָיו֙ אֶל־שְׁלֹמֹ֔ה כִּ֣י שָׁמַ֔ע כִּ֥י אֹת֛וֹ מָשְׁח֥וּ לְמֶ֖לֶךְ תַּ֣חַת אָבִ֑יהוּ כִּ֣י אֹהֵ֗ב הָיָ֥ה חִירָ֛ם לְדָוִ֖ד כָּל־הַיָּמִֽים׃ (ס)
Vayishlaj jiram melej-Tsur et-avadav el-Shlomoh ki shamá ki otó mashjú lemélej tájat avihu ki ohev hayá jiram ledavid kol-hayamim
Jiram, rey de Tiro, envió sus siervos a Shlomó, cuando oyó que le habían ungido rey en lugar de su padre, pues Jiram siempre había sido amigo de David.
16
וַיִּשְׁלַ֣ח שְׁלֹמֹ֔ה אֶל־חִירָ֖ם לֵאמֹֽר׃
Vayishlaj Shlomoh el-jiram lemor
Y envió Shlomó a Jiram, diciendo:
17
אַתָּ֨ה יָדַ֜עְתָּ אֶת־דָּוִ֣ד אָבִ֗י כִּ֣י לֹ֤א יָכֹל֙ לִבְנ֣וֹת בַּ֗יִת לְשֵׁם֙ יְהוָ֣ה אֱלֹהָ֔יו מִפְּנֵ֥י הַמִּלְחָמָ֖ה אֲשֶׁ֣ר סְבָבֻ֑הוּ עַ֤ד תֵּת־יְהוָה֙ אֹתָ֔ם תַּ֖חַת כַּפּ֥וֹת רגלו [רַגְלָֽי׃]
Atá yadata et-David aví ki lo yajol livnot báyit leshem Adonai Elohav mipenéi hamiljamá asher sevavuhu ad tet-Adonai otam tájat kapot raglái
Tú sabes que mi padre David no pudo edificar una casa al nombre del Señor su Dios a causa de las guerras en que se vio envuelto, hasta que el Señor puso a sus enemigos bajo las plantas de sus pies.
18
וְעַתָּ֕ה הֵנִ֨יחַ יְהוָ֧ה אֱלֹהַ֛י לִ֖י מִסָּבִ֑יב אֵ֣ין שָׂטָ֔ן וְאֵ֖ין פֶּ֥גַע רָֽע׃
Ve’atá heniaj Adonai Elohái li misaviv ein satán ve’éin pega ra
Mas ahora el Señor, mi Dios, me ha dado paz por todas partes; no hay adversario ni calamidad.
19
וְהִנְנִ֣י אֹמֵ֔ר לִבְנ֣וֹת בַּ֔יִת לְשֵׁ֖ם יְהוָ֣ה אֱלֹהָ֑י כַּאֲשֶׁ֣ר ׀ דִּבֶּ֣ר יְהוָ֗ה אֶל־דָּוִ֤ד אָבִי֙ לֵאמֹ֔ר בִּנְךָ֗ אֲשֶׁ֨ר אֶתֵּ֤ן תַּחְתֶּ֙יךָ֙ עַל־כִּסְאֶ֔ךָ הֽוּא־יִבְנֶ֥ה הַבַּ֖יִת לִשְׁמִֽי׃
Vehinení omer livnot báyit leshem Adonai Elohái ka’asher diber Adonai el-David avi lemor binjá asher etén tajteja al-kis’eja hu-yivné habáyit lishmí
Y he aquí, pienso edificar una casa al nombre del Señor, mi Dios, tal como el Señor habló a mi padre David, diciendo: "Tu hijo, a quien pondré sobre el trono en tu lugar, él edificará la casa a Mi Nombre."
20
וְעַתָּ֡ה צַוֵּה֩ וְיִכְרְתוּ־לִ֨י אֲרָזִ֜ים מִן־הַלְּבָנ֗וֹן וַֽעֲבָדַי֙ יִהְי֣וּ עִם־עֲבָדֶ֔יךָ וּשְׂכַ֤ר עֲבָדֶ֙יךָ֙ אֶתֵּ֣ן לְךָ֔ כְּכֹ֖ל אֲשֶׁ֣ר תֹּאמֵ֑ר כִּ֣י ׀ אַתָּ֣ה יָדַ֗עְתָּ כִּ֣י אֵ֥ין בָּ֛נוּ אִ֛ישׁ יֹדֵ֥עַ לִכְרָת־עֵצִ֖ים כַּצִּדֹנִֽים׃
Ve’atá tsave veyijretu-li arazim min-halevanón va’avadai yihyú im-avadeja usejar avadeja etén lejá kejol asher tomer ki atá yadata ki ein banu ish yodéa lijrot-etsim katsidonim
Ahora pues, ordena que me corten cedros del Líbano, y mis siervos estarán con tus siervos; y te daré salarios para tus siervos conforme a todo lo que tú digas, pues sabes que no hay nadie entre nosotros que sepa labrar madera como los Tzidonim.
21
וַיְהִ֞י כִּשְׁמֹ֧עַ חִירָ֛ם אֶת־דִּבְרֵ֥י שְׁלֹמֹ֖ה וַיִּשְׂמַ֣ח מְאֹ֑ד וַיֹּ֗אמֶר בָּר֤וּךְ יְהוָה֙ הַיּ֔וֹם אֲשֶׁ֨ר נָתַ֤ן לְדָוִד֙ בֵּ֣ן חָכָ֔ם עַל־הָעָ֥ם הָרָ֖ב הַזֶּֽה׃
Vayhí kishmóa jiram et-divréi Shlomoh vayismaj me’od vayómer baruje Adonai hayom asher natán ledavid ben jajam al-ha’am harav hazé
Y sucedió que cuando Jiram oyó las palabras de Shlomó, se alegró mucho y dijo: Bendito es hoy el Señor, que ha dado a David un hijo sabio sobre este pueblo tan numeroso.
22
וַיִּשְׁלַ֤ח חִירָם֙ אֶל־שְׁלֹמֹ֣ה לֵאמֹ֔ר שָׁמַ֕עְתִּי אֵ֥ת אֲשֶׁר־שָׁלַ֖חְתָּ אֵלָ֑י אֲנִ֤י אֶֽעֱשֶׂה֙ אֶת־כָּל־חֶפְצְךָ֔ בַּעֲצֵ֥י אֲרָזִ֖ים וּבַעֲצֵ֥י בְרוֹשִֽׁים׃
Vayishlaj jiram el-Shlomoh lemor shamati et asher-shalajta elái aní e’ese et-kol-jeftsejá ba’atséi arazim uva’atséi veroshim
Y envió Jiram respuesta a Shlomó, diciendo: He oído el mensaje que me enviaste; haré lo que tú quieras en cuanto a las maderas de cedro y de ciprés.
23
עֲ֠בָדַי יֹרִ֨דוּ מִן־הַלְּבָנ֜וֹן יָ֗מָּה וַ֠אֲנִי אֲשִׂימֵ֨ם דֹּבְר֤וֹת בַּיָּם֙ עַֽד־הַמָּק֞וֹם אֲשֶׁר־תִּשְׁלַ֥ח אֵלַ֛י וְנִפַּצְתִּ֥ים שָׁ֖ם וְאַתָּ֣ה תִשָּׂ֑א וְאַתָּה֙ תַּעֲשֶׂ֣ה אֶת־חֶפְצִ֔י לָתֵ֖ת לֶ֥חֶם בֵּיתִֽי׃
Avadai yoridu min-halevanón yama va’ani asimem dovrot bayam ad-hamakom asher-tishlaj elái venipatstim sham ve’atá tisá ve’ata ta’asé et-jeftsí latet léjem beití
Mis siervos las bajarán desde el Líbano hasta el mar, y yo haré de ellas balsas para ir por mar hasta el lugar adonde me indiques y allí haré que las desaten y tú te las llevarás. Entonces cumplirás mi deseo dando alimento a mi casa.
24
וַיְהִ֨י חִיר֜וֹם נֹתֵ֣ן לִשְׁלֹמֹ֗ה עֲצֵ֧י אֲרָזִ֛ים וַעֲצֵ֥י בְרוֹשִׁ֖ים כָּל־חֶפְצֽוֹ׃
Vayhí jirom notén lishlomó atséi arazim va’atséi veroshim kol-jeftsó
Dio, pues, Jiram a Shlomó todo lo que deseaba de las maderas de cedro y de ciprés.
25
וּשְׁלֹמֹה֩ נָתַ֨ן לְחִירָ֜ם עֶשְׂרִים֩ אֶ֨לֶף כֹּ֤ר חִטִּים֙ מַכֹּ֣לֶת לְבֵית֔וֹ וְעֶשְׂרִ֥ים כֹּ֖ר שֶׁ֣מֶן כָּתִ֑ית כֹּֽה־יִתֵּ֧ן שְׁלֹמֹ֛ה לְחִירָ֖ם שָׁנָ֥ה בְשָׁנָֽה׃ (פ)
Ushelomo natán lejiram esrim élef kor jitim makólet leveitó ve’esrim kor shemen katit ko-yitén Shlomoh lejiram shaná veshaná
Y Shlomó daba a Jiram veinte mil coros de trigo como alimento para su casa, y veinte coros de aceite extra virgen; esto daba Shlomó a Jiram año tras año.
26
וַיהוָ֗ה נָתַ֤ן חָכְמָה֙ לִשְׁלֹמֹ֔ה כַּאֲשֶׁ֖ר דִּבֶּר־ל֑וֹ וַיְהִ֣י שָׁלֹ֗ם בֵּ֤ין חִירָם֙ וּבֵ֣ין שְׁלֹמֹ֔ה וַיִּכְרְת֥וּ בְרִ֖ית שְׁנֵיהֶֽם׃
VaAdonai natán jojma lishlomó ka’asher diber-lo vayhí shalom bein jiram uvéin Shlomoh vayijretú verit sheneihem
El Señor dio sabiduría a Shlomó, tal como le había prometido, y hubo paz entre Jiram y Shlomó, y los dos hicieron un pacto.
27
וַיַּ֨עַל הַמֶּ֧לֶךְ שְׁלֹמֹ֛ה מַ֖ס מִכָּל־יִשְׂרָאֵ֑ל וַיְהִ֣י הַמַּ֔ס שְׁלֹשִׁ֥ים אֶ֖לֶף אִֽישׁ׃
Vayá’al hamélej Shlomoh mas mikol-Yisrael vayhí hamás sheloshim élef ish
El rey Shlomó impuso un tributo a todo Israel, y el tributo fue de treinta mil hombres.
28
וַיִּשְׁלָחֵ֣ם לְבָנ֗וֹנָה עֲשֶׂ֨רֶת אֲלָפִ֤ים בַּחֹ֙דֶשׁ֙ חֲלִיפ֔וֹת חֹ֚דֶשׁ יִהְי֣וּ בַלְּבָנ֔וֹן שְׁנַ֥יִם חֳדָשִׁ֖ים בְּבֵית֑וֹ וַאֲדֹנִירָ֖ם עַל־הַמַּֽס׃ (ס)
Vayishlajem levanona aséret alafim bajodesh jalifot jódesh yihyú valevanón shenáyim jodashim beveitó va’adoniram al-hamás
Y los envió al Líbano, en relevos de diez mil cada mes; y se quedaban un mes en el Líbano y dos meses en su casa. Y Adoniram estaba al frente del tributo.
29
וַיְהִ֧י לִשְׁלֹמֹ֛ה שִׁבְעִ֥ים אֶ֖לֶף נֹשֵׂ֣א סַבָּ֑ל וּשְׁמֹנִ֥ים אֶ֖לֶף חֹצֵ֥ב בָּהָֽר׃
Vayhí lishlomó shiv’im élef nosé sabal ushemonim élef jotsev bahar
Shlomó tenía setenta mil hombres que llevaban las cargas, y ochenta mil canteros en las montañas,
30
לְ֠בַד מִשָּׂרֵ֨י הַנִּצָּבִ֤ים לִשְׁלֹמֹה֙ אֲשֶׁ֣ר עַל־הַמְּלָאכָ֔ה שְׁלֹ֥שֶׁת אֲלָפִ֖ים וּשְׁלֹ֣שׁ מֵא֑וֹת הָרֹדִ֣ים בָּעָ֔ם הָעֹשִׂ֖ים בַּמְּלָאכָֽה׃
Levad misaréi hanitsavim lishlomo asher al-hamelajá shelóshet alafim ushelosh meot harodim ba’am ha’osim bamelajá
además de los tres mil trescientos oficiales de Shlomó que estaban al frente de la obra y que gobernaban la gente que hacía el trabajo.
31
וַיְצַ֣ו הַמֶּ֡לֶךְ וַיַּסִּעוּ֩ אֲבָנִ֨ים גְּדֹל֜וֹת אֲבָנִ֧ים יְקָר֛וֹת לְיַסֵּ֥ד הַבָּ֖יִת אַבְנֵ֥י גָזִֽית׃
Vaytsav hamélej vayasiu avanim gedolot avanim yekarot leyased habáyit avnéi gazit
Entonces el rey dio órdenes, y sacaron grandes piedras, piedras costosas, para echar los cimientos de la casa con piedras labradas.
32
וַֽיִּפְסְל֞וּ בֹּנֵ֧י שְׁלֹמֹ֛ה וּבֹנֵ֥י חִיר֖וֹם וְהַגִּבְלִ֑ים וַיָּכִ֛ינוּ הָעֵצִ֥ים וְהָאֲבָנִ֖ים לִבְנ֥וֹת הַבָּֽיִת׃ (פ)
Vayifselú bonéi Shlomoh uvonéi jirom vehagivlim vayajinu ha’etsim veha’avanim livnot habáyit
Y los constructores de Shlomó, los constructores de Jiram y los Guiblim cortaron y prepararon las maderas y las piedras para edificar la casa.
1 Reyes
4
1 Reyes
6
