תנ״ך
Tanaj (Biblia)
Portada
Apoyar
Biblioteca
beneyisrael.com
Inicio
OPCIONES DE LECTURA
Capas de lectura
עברית
Fonética
Español
Hebreo
Taamim
Nikud
Letras
Tamaño de letra
A−
100%
A+
Comentarios
Mostrar
Ocultar
Neviim · 1 Samuel
שמואל א יט
1 Samuel · Capítulo 19
24 versículos
23 comentarios
1
וַיְדַבֵּ֣ר שָׁא֗וּל אֶל־יוֹנָתָ֤ן בְּנוֹ֙ וְאֶל־כָּל־עֲבָדָ֔יו לְהָמִ֖ית אֶת־דָּוִ֑ד וִיהֽוֹנָתָן֙ בֶּן־שָׁא֔וּל חָפֵ֥ץ בְּדָוִ֖ד מְאֹֽד׃
Vaydaber Shaul el-yonatán beno ve’el-kol-avadav lehamit et-David vihonatan ben-Shaul jaféts bedavid me’od
Y habló Shaul a Yonatán su hijo y a todos sus siervos para dar muerte a David; pero Yonatán hijo de Shaul se complacía mucho en David.
2
וַיַּגֵּ֤ד יְהוֹנָתָן֙ לְדָוִ֣ד לֵאמֹ֔ר מְבַקֵּ֛שׁ שָׁא֥וּל אָבִ֖י לַהֲמִיתֶ֑ךָ וְעַתָּה֙ הִשָּֽׁמֶר־נָ֣א בַבֹּ֔קֶר וְיָשַׁבְתָּ֥ בַסֵּ֖תֶר וְנַחְבֵּֽאתָ׃
Vayaged yehonatan ledavid lemor mevakesh Shaul aví lahamiteja ve’ata hishamer-na vabóker veyashavtá vaséter venajbeta
Y avisó Yonatán a David diciendo: «Shaul mi padre busca darte muerte; y ahora, guárdate, por favor, por la mañana, y quédate en lugar oculto y escóndete.
3
וַאֲנִ֨י אֵצֵ֜א וְעָמַדְתִּ֣י לְיַד־אָבִ֗י בַּשָּׂדֶה֙ אֲשֶׁ֣ר אַתָּ֣ה שָׁ֔ם וַאֲנִ֕י אֲדַבֵּ֥ר בְּךָ֖ אֶל־אָבִ֑י וְרָאִ֥יתִי מָ֖ה וְהִגַּ֥דְתִּי לָֽךְ׃ (ס)
Va’aní etsé ve’amadtí leyad-aví basade asher atá sham va’aní adaber bejá el-aví vera’iti ma vehigadti laj
Y yo saldré y me pondré junto a mi padre en el campo donde tú estés, y yo hablaré de ti a mi padre, y veré qué hay y te lo haré saber».
4
וַיְדַבֵּ֨ר יְהוֹנָתָ֤ן בְּדָוִד֙ ט֔וֹב אֶל־שָׁא֖וּל אָבִ֑יו וַיֹּ֣אמֶר אֵ֠לָיו אַל־יֶחֱטָ֨א הַמֶּ֜לֶךְ בְּעַבְדּ֣וֹ בְדָוִ֗ד כִּ֣י ל֤וֹא חָטָא֙ לָ֔ךְ וְכִ֥י מַעֲשָׂ֖יו טוֹב־לְךָ֥ מְאֹֽד׃
Vaydaber yehonatán bedavid tov el-Shaul aviv vayómer elav al-yejetá hamélej be’avdó vedavid ki lo jata laj vejí ma’asav tov-lejá me’od
Y habló Yonatán bien de David a Shaul su padre, y le dijo: «Que no peque el rey contra su siervo David, pues él no ha pecado contra ti, y pues sus obras han sido muy buenas para ti.
5
וַיָּשֶׂם֩ אֶת־נַפְשׁ֨וֹ בְכַפּ֜וֹ וַיַּ֣ךְ אֶת־הַפְּלִשְׁתִּ֗י וַיַּ֨עַשׂ יְהוָ֜ה תְּשׁוּעָ֤ה גְדוֹלָה֙ לְכָל־יִשְׂרָאֵ֔ל רָאִ֖יתָ וַתִּשְׂמָ֑ח וְלָ֤מָּה תֶֽחֱטָא֙ בְּדָ֣ם נָקִ֔י לְהָמִ֥ית אֶת־דָּוִ֖ד חִנָּֽם׃
Vayasem et-nafshó vejapó vayaj et-hapelishtí vaya’as Adonai teshu’á gedola lejol-Yisrael ra’ita vatismaj velama tejeta bedam nakí lehamit et-David jinam
Y puso su vida en su palma e hirió al pelishti, y HaShem obró una gran salvación para todo Yisrael; tú lo viste y te alegraste. ¿Por qué, pues, pecarás con sangre inocente, dando muerte a David sin causa?»
6
וַיִּשְׁמַ֥ע שָׁא֖וּל בְּק֣וֹל יְהוֹנָתָ֑ן וַיִּשָּׁבַ֣ע שָׁא֔וּל חַי־יְהוָ֖ה אִם־יוּמָֽת׃
Vayishmá Shaul bekol yehonatán vayishavá Shaul jai-Adonai im-yumat
Y escuchó Shaul la voz de Yonatán, y juró Shaul: «¡Vive HaShem, que no será muerto!»
7
וַיִּקְרָ֤א יְהוֹנָתָן֙ לְדָוִ֔ד וַיַּגֶּד־לוֹ֙ יְה֣וֹנָתָ֔ן אֵ֥ת כָּל־הַדְּבָרִ֖ים הָאֵ֑לֶּה וַיָּבֵ֨א יְהוֹנָתָ֤ן אֶת־דָּוִד֙ אֶל־שָׁא֔וּל וַיְהִ֥י לְפָנָ֖יו כְּאֶתְמ֥וֹל שִׁלְשֽׁוֹם׃ (ס)
Vayikrá yehonatan ledavid vayaged-lo yehonatán et kol-hadevarim ha’ele vayavé yehonatán et-David el-Shaul vayhí lefanav ke’etmol shilshom
Y llamó Yonatán a David, y le hizo saber Yonatán todas estas palabras; y trajo Yonatán a David ante Shaul, y estuvo delante de él como antes.
8
וַתּ֥וֹסֶף הַמִּלְחָמָ֖ה לִֽהְי֑וֹת וַיֵּצֵ֨א דָוִ֜ד וַיִּלָּ֣חֶם בַּפְּלִשְׁתִּ֗ים וַיַּ֤ךְ בָּהֶם֙ מַכָּ֣ה גְדוֹלָ֔ה וַיָּנֻ֖סוּ מִפָּנָֽיו׃
Vatósef hamiljamá lihyot vayetsé David vayilájem bapelishtim vayaj bahem maká gedolá vayanusu mipanav
Y volvió a haber guerra, y salió David y combatió contra los pelishtim, y les infligió una gran derrota, y huyeron de delante de él.
9
וַתְּהִי֩ ר֨וּחַ יְהוָ֤ה ׀ רָעָה֙ אֶל־שָׁא֔וּל וְהוּא֙ בְּבֵית֣וֹ יוֹשֵׁ֔ב וַחֲנִית֖וֹ בְּיָד֑וֹ וְדָוִ֖ד מְנַגֵּ֥ן בְּיָֽד׃
Vatehi ruaj Adonai ra’a el-Shaul vehu beveitó yoshev vajanitó beyadó vedavid menagén beyad
Y fue un espíritu malo de parte de HaShem sobre Shaul; y él estaba sentado en su casa con su lanza en su mano, y David tañía con su mano.
10
וַיְבַקֵּ֨שׁ שָׁא֜וּל לְהַכּ֤וֹת בַּֽחֲנִית֙ בְּדָוִ֣ד וּבַקִּ֔יר וַיִּפְטַר֙ מִפְּנֵ֣י שָׁא֔וּל וַיַּ֥ךְ אֶֽת־הַחֲנִ֖ית בַּקִּ֑יר וְדָוִ֛ד נָ֥ס וַיִּמָּלֵ֖ט בַּלַּ֥יְלָה הֽוּא׃ (פ)
Vayvakesh Shaul lehakot bajanit bedavid uvakir vayiftar mipenéi Shaul vayaj et-hajanit bakir vedavid nas vayimalet balayla hu
Y buscó Shaul clavar con la lanza a David y en la pared, pero él se apartó de delante de Shaul, y clavó la lanza en la pared; y David huyó y escapó aquella noche.
11
וַיִּשְׁלַח֩ שָׁא֨וּל מַלְאָכִ֜ים אֶל־בֵּ֤ית דָּוִד֙ לְשָׁמְר֔וֹ וְלַהֲמִית֖וֹ בַּבֹּ֑קֶר וַתַּגֵּ֣ד לְדָוִ֗ד מִיכַ֤ל אִשְׁתּוֹ֙ לֵאמֹ֔ר אִם־אֵ֨ינְךָ֜ מְמַלֵּ֤ט אֶֽת־נַפְשְׁךָ֙ הַלַּ֔יְלָה מָחָ֖ר אַתָּ֥ה מוּמָֽת׃
Vayishlaj Shaul mal’ajim el-beit David leshomró velahamitó babóker vataged ledavid mijal ishto lemor im-einjá memalet et-nafsheja halayla majar atá mumat
Y envió Shaul mensajeros a la casa de David para vigilarlo y darle muerte por la mañana; y avisó a David Mijal su mujer diciendo: «Si no salvas tu vida esta noche, mañana serás muerto».
12
וַתֹּ֧רֶד מִיכַ֛ל אֶת־דָּוִ֖ד בְּעַ֣ד הַחַלּ֑וֹן וַיֵּ֥לֶךְ וַיִּבְרַ֖ח וַיִּמָּלֵֽט׃
Vatóred mijal et-David be’ad hajalón vayélej vayivraj vayimalet
Y descolgó Mijal a David por la ventana, y él se fue y huyó y escapó.
13
וַתִּקַּ֨ח מִיכַ֜ל אֶת־הַתְּרָפִ֗ים וַתָּ֙שֶׂם֙ אֶל־הַמִּטָּ֔ה וְאֵת֙ כְּבִ֣יר הָֽעִזִּ֔ים שָׂ֖מָה מְרַֽאֲשֹׁתָ֑יו וַתְּכַ֖ס בַּבָּֽגֶד׃ (ס)
Vatikaj mijal et-haterafim vatasem el-hamitá ve’et kevir ha’izim sama mera’ashotav vatejás babáged
Y tomó Mijal los terafim y los puso sobre la cama, y puso una almohada de pelo de cabra a su cabecera, y los cubrió con la ropa.
14
וַיִּשְׁלַ֥ח שָׁא֛וּל מַלְאָכִ֖ים לָקַ֣חַת אֶת־דָּוִ֑ד וַתֹּ֖אמֶר חֹלֶ֥ה הֽוּא׃ (פ)
Vayishlaj Shaul mal’ajim lakájat et-David vatómer jolé hu
Y envió Shaul mensajeros para tomar a David, y ella dijo: «Está enfermo».
15
וַיִּשְׁלַ֤ח שָׁאוּל֙ אֶת־הַמַּלְאָכִ֔ים לִרְא֥וֹת אֶת־דָּוִ֖ד לֵאמֹ֑ר הַעֲל֨וּ אֹת֧וֹ בַמִּטָּ֛ה אֵלַ֖י לַהֲמִתֽוֹ׃
Vayishlaj Shaul et-hamal’ajim lirot et-David lemor ha’alú otó vamitá elái lahamitó
Y envió Shaul a los mensajeros para ver a David, diciendo: «Súbanlo a mí en la cama para darle muerte».
16
וַיָּבֹ֙אוּ֙ הַמַּלְאָכִ֔ים וְהִנֵּ֥ה הַתְּרָפִ֖ים אֶל־הַמִּטָּ֑ה וּכְבִ֥יר הָעִזִּ֖ים מְרַאֲשֹׁתָֽיו׃
Vayavou hamal’ajim vehiné haterafim el-hamitá ujevir ha’izim mera’ashotav
Y vinieron los mensajeros, y he aquí los terafim sobre la cama, y la almohada de pelo de cabra a su cabecera.
17
וַיֹּ֨אמֶר שָׁא֜וּל אֶל־מִיכַ֗ל לָ֤מָּה כָּ֙כָה֙ רִמִּיתִ֔נִי וַתְּשַׁלְּחִ֥י אֶת־אֹיְבִ֖י וַיִּמָּלֵ֑ט וַתֹּ֤אמֶר מִיכַל֙ אֶל־שָׁא֔וּל הוּא־אָמַ֥ר אֵלַ֛י שַׁלְּחִ֖נִי לָמָ֥ה אֲמִיתֵֽךְ׃
Vayómer Shaul el-mijal lama kaja rimitini vateshalejí et-oyví vayimalet vatómer mijal el-Shaul hu-amar elái shalejini lamá amitej
Y dijo Shaul a Mijal: «¿Por qué me has engañado así, y has dejado ir a mi enemigo y ha escapado?» Y dijo Mijal a Shaul: «Él me dijo: "Déjame ir; ¿por qué habría de matarte?"»
18
וְדָוִ֨ד בָּרַ֜ח וַיִּמָּלֵ֗ט וַיָּבֹ֤א אֶל־שְׁמוּאֵל֙ הָרָמָ֔תָה וַיַּ֨גֶּד־ל֔וֹ אֵ֛ת כָּל־אֲשֶׁ֥ר עָֽשָׂה־ל֖וֹ שָׁא֑וּל וַיֵּ֤לֶךְ הוּא֙ וּשְׁמוּאֵ֔ל וַיֵּשְׁב֖וּ בנוית [בְּנָֽיוֹת׃]
Vedavid baraj vayimalet vayavó el-Shemuel haramata vayáged-lo et kol-asher asa-lo Shaul vayélej hu ushemu’el vayeshvú benayot
Y David huyó y escapó, y vino a Shemuel en Ramá, y le contó todo lo que Shaul le había hecho; y fueron él y Shemuel, y se quedaron en Nayot.
19
וַיֻּגַּ֥ד לְשָׁא֖וּל לֵאמֹ֑ר הִנֵּ֣ה דָוִ֔ד בנוית [בְּנָי֖וֹת] בָּרָמָֽה׃
Vayugad leshaul lemor hiné David benayot baramá
Y fue dicho a Shaul diciendo: «He aquí que David está en Nayot, en Ramá».
20
וַיִּשְׁלַ֨ח שָׁא֣וּל מַלְאָכִים֮ לָקַ֣חַת אֶת־דָּוִד֒ וַיַּ֗רְא אֶֽת־לַהֲקַ֤ת הַנְּבִיאִים֙ נִבְּאִ֔ים וּשְׁמוּאֵ֕ל עֹמֵ֥ד נִצָּ֖ב עֲלֵיהֶ֑ם וַתְּהִ֞י עַֽל־מַלְאֲכֵ֤י שָׁאוּל֙ ר֣וּחַ אֱלֹהִ֔ים וַיִּֽתְנַבְּא֖וּ גַּם־הֵֽמָּה׃
Vayishlaj Shaul mal’ajim lakájat et-David vayar et-lahakat hanevi’im nibe’im ushemu’el omed nitsav aleihem vatehí al-mal’ajéi Shaul ruaj Elohim vayitnabeú gam-hema
Y envió Shaul mensajeros para tomar a David, y vieron la congregación de los neviím profetizando, y a Shemuel de pie presidiendo sobre ellos; y vino el espíritu de Elohim sobre los mensajeros de Shaul, y profetizaron también ellos.
21
וַיַּגִּ֣דוּ לְשָׁא֗וּל וַיִּשְׁלַח֙ מַלְאָכִ֣ים אֲחֵרִ֔ים וַיִּֽתְנַבְּא֖וּ גַּם־הֵ֑מָּה וַיֹּ֣סֶף שָׁא֗וּל וַיִּשְׁלַח֙ מַלְאָכִ֣ים שְׁלִשִׁ֔ים וַיִּֽתְנַבְּא֖וּ גַּם־הֵֽמָּה׃
Vayagidu leshaul vayishlaj mal’ajim ajerim vayitnabeú gam-hema vayósef Shaul vayishlaj mal’ajim shelishim vayitnabeú gam-hema
Y lo hicieron saber a Shaul, y envió otros mensajeros, y profetizaron también ellos; y volvió Shaul a enviar mensajeros por tercera vez, y profetizaron también ellos.
22
וַיֵּ֨לֶךְ גַּם־ה֜וּא הָרָמָ֗תָה וַיָּבֹא֙ עַד־בּ֤וֹר הַגָּדוֹל֙ אֲשֶׁ֣ר בַּשֶּׂ֔כוּ וַיִּשְׁאַ֣ל וַיֹּ֔אמֶר אֵיפֹ֥ה שְׁמוּאֵ֖ל וְדָוִ֑ד וַיֹּ֕אמֶר הִנֵּ֖ה בנוית [בְּנָי֥וֹת] בָּרָמָֽה׃
Vayélej gam-hu haramata vayavo ad-bor hagadol asher baseju vayish’al vayómer eifó Shemuel vedavid vayómer hiné benayot baramá
Y fue también él mismo a Ramá, y llegó hasta el gran pozo que está en Sejú, y preguntó y dijo: «¿Dónde están Shemuel y David?» Y le dijeron: «He aquí, en Nayot, en Ramá».
23
וַיֵּ֣לֶךְ שָׁ֔ם אֶל־נוית [נָי֖וֹת] בָּרָמָ֑ה וַתְּהִי֩ עָלָ֨יו גַּם־ה֜וּא ר֣וּחַ אֱלֹהִ֗ים וַיֵּ֤לֶךְ הָלוֹךְ֙ וַיִּתְנַבֵּ֔א עַד־בֹּא֖וֹ בנוית [בְּנָי֥וֹת] בָּרָמָֽה׃
Vayélej sham el-nayot baramá vatehi alav gam-hu ruaj Elohim vayélej haloje vayitnabé ad-boo benayot baramá
Y fue allí, a Nayot en Ramá, y vino también sobre él el espíritu de Elohim, y fue caminando y profetizando hasta llegar a Nayot en Ramá.
24
וַיִּפְשַׁ֨ט גַּם־ה֜וּא בְּגָדָ֗יו וַיִּתְנַבֵּ֤א גַם־הוּא֙ לִפְנֵ֣י שְׁמוּאֵ֔ל וַיִּפֹּ֣ל עָרֹ֔ם כָּל־הַיּ֥וֹם הַה֖וּא וְכָל־הַלָּ֑יְלָה עַל־כֵּן֙ יֹֽאמְר֔וּ הֲגַ֥ם שָׁא֖וּל בַּנְּבִיאִֽם׃ (פ)
Vayifshat gam-hu begadav vayitnabé gam-hu lifnéi Shemuel vayipol arom kol-hayom hahú vejol-halayla al-ken yomrú hagam Shaul banevi’im
Y se despojó también él de sus vestiduras, y profetizó también él delante de Shemuel, y cayó desnudo todo aquel día y toda aquella noche; por eso dicen: «¿También Shaul entre los neviím?»
1 Samuel
18
1 Samuel
20
