תנ״ך
Tanaj (Biblia)
beneyisrael.com
Inicio
Portada
Apoyar
Biblioteca
Opciones de lectura
עברית
Fonética
Español
Taamim
Nikud
Letras
A−
100%
A+
Comentarios
Neviim · 1 Samuel
שמואל א כח
1 Samuel · Capítulo 28
25 versículos
24 comentarios
1
וַֽיְהִי֙ בַּיָּמִ֣ים הָהֵ֔ם וַיִּקְבְּצ֨וּ פְלִשְׁתִּ֤ים אֶת־מַֽחֲנֵיהֶם֙ לַצָּבָ֔א לְהִלָּחֵ֖ם בְּיִשְׂרָאֵ֑ל וַיֹּ֤אמֶר אָכִישׁ֙ אֶל־דָּוִ֔ד יָדֹ֣עַ תֵּדַ֗ע כִּ֤י אִתִּי֙ תֵּצֵ֣א בַֽמַּחֲנֶ֔ה אַתָּ֖ה וַאֲנָשֶֽׁיךָ׃
Vayhi bayamim hahem vayikbetsú felishtim et-majaneihem latsavá lehilajem beyisra’el vayómer ajish el-David yadóa tedá ki iti tetsé vamajané atá va’anasheja
Aconteció en aquellos días que los Pelishtím reunieron sus ejércitos para la guerra, para pelear contra Israel. Y dijo Ajish a David: saber sabrás que saldrás conmigo a campaña, tú y tus hombres.
2
וַיֹּ֤אמֶר דָּוִד֙ אֶל־אָכִ֔ישׁ לָכֵן֙ אַתָּ֣ה תֵדַ֔ע אֵ֥ת אֲשֶׁר־יַעֲשֶׂ֖ה עַבְדֶּ֑ךָ וַיֹּ֤אמֶר אָכִישׁ֙ אֶל־דָּוִ֔ד לָכֵ֗ן שֹׁמֵ֧ר לְרֹאשִׁ֛י אֲשִֽׂימְךָ֖ כָּל־הַיָּמִֽים׃ (פ)
Vayómer David el-ajish lajen atá tedá et asher-ya’asé avdeja vayómer ajish el-David lajén shomer leroshí asimjá kol-hayamim
Respondió David a Ajish: de seguro sabrás lo que hará tu siervo. Y Ajish dijo a David: Es por eso que te haré mi guarda personal de por vida.
3
וּשְׁמוּאֵ֣ל מֵ֔ת וַיִּסְפְּדוּ־לוֹ֙ כָּל־יִשְׂרָאֵ֔ל וַיִּקְבְּרֻ֥הוּ בָרָמָ֖ה וּבְעִיר֑וֹ וְשָׁא֗וּל הֵסִ֛יר הָאֹב֥וֹת וְאֶת־הַיִּדְּעֹנִ֖ים מֵהָאָֽרֶץ׃
Ushemu’el met vayispedu-lo kol-Yisrael vayikberuhu varamá uve’iró veshaul hesir ha’ovot ve’et-hayide’onim meha’arets
Shmuel había muerto, y todo Israel lo había llorado, y lo habían sepultado en Ramá, su ciudad. Y Shaul había quitado de la tierra a los médium y espiritistas.
4
וַיִּקָּבְצ֣וּ פְלִשְׁתִּ֔ים וַיָּבֹ֖אוּ וַיַּחֲנ֣וּ בְשׁוּנֵ֑ם וַיִּקְבֹּ֤ץ שָׁאוּל֙ אֶת־כָּל־יִשְׂרָאֵ֔ל וַֽיַּחֲנ֖וּ בַּגִּלְבֹּֽעַ׃
Vayikavtsú felishtim vayavóu vayajanú veshunem vayikbóts Shaul et-kol-Yisrael vayajanú bagilbóa
Y se reunieron los Pelishtím y fueron y acamparon en Shunem; y Shaul reunió a todo Israel y acamparon en Guilboa.
5
וַיַּ֥רְא שָׁא֖וּל אֶת־מַחֲנֵ֣ה פְלִשְׁתִּ֑ים וַיִּרָ֕א וַיֶּחֱרַ֥ד לִבּ֖וֹ מְאֹֽד׃
Vayar Shaul et-majané felishtim vayirá vayejerad libó me’od
Al ver Shaul el campamento de los Pelishtím, temió y un gran pánico embargó su corazón.
6
וַיִּשְׁאַ֤ל שָׁאוּל֙ בַּֽיהוָ֔ה וְלֹ֥א עָנָ֖הוּ יְהוָ֑ה גַּ֧ם בַּחֲלֹמ֛וֹת גַּ֥ם בָּאוּרִ֖ים גַּ֥ם בַּנְּבִיאִֽם׃
Vayish’al Shaul baAdonai veló anahu Adonai gam bajalomot gam baurim gam banevi’im
Y Shaul consultó al Señor, pero el Señor no le respondió ni por sueños, ni por Urim, ni por profetas.
7
וַיֹּ֨אמֶר שָׁא֜וּל לַעֲבָדָ֗יו בַּקְּשׁוּ־לִי֙ אֵ֣שֶׁת בַּעֲלַת־א֔וֹב וְאֵלְכָ֥ה אֵלֶ֖יהָ וְאֶדְרְשָׁה־בָּ֑הּ וַיֹּאמְר֤וּ עֲבָדָיו֙ אֵלָ֔יו הִנֵּ֛ה אֵ֥שֶׁת בַּֽעֲלַת־א֖וֹב בְּעֵ֥ין דּֽוֹר׃
Vayómer Shaul la’avadav bakeshu-li éshet ba’alat-ov ve’eljá eleiha ve’edresha-bah vayomrú avadav elav hiné éshet ba’alat-ov be’éin dor
Entonces Shaul dijo a sus siervos: Buscadme una mujer que sea médium para ir a consultarla. Y sus siervos le dijeron: He aquí, hay una mujer en Ein Dor que es médium.
8
וַיִּתְחַפֵּ֣שׂ שָׁא֗וּל וַיִּלְבַּשׁ֙ בְּגָדִ֣ים אֲחֵרִ֔ים וַיֵּ֣לֶךְ ה֗וּא וּשְׁנֵ֤י אֲנָשִׁים֙ עִמּ֔וֹ וַיָּבֹ֥אוּ אֶל־הָאִשָּׁ֖ה לָ֑יְלָה וַיֹּ֗אמֶר קסומי־[קָֽסֳמִי־] נָ֥א לִי֙ בָּא֔וֹב וְהַ֣עֲלִי לִ֔י אֵ֥ת אֲשֶׁר־אֹמַ֖ר אֵלָֽיִךְ׃
Vayitjapés Shaul vayilbash begadim ajerim vayélej hu ushenéi anashim imó vayavóu el-ha’ishá layla vayómer kosomi-na li baov vehá’ali li et asher-omar eláyij
Shaul se disfrazó poniéndose otras ropas y fue con dos hombres; llegaron a la mujer de noche, y él dijo: Te ruego que evoques por mí a un espíritu, y que hagas subir al que yo te diga.
9
וַתֹּ֨אמֶר הָֽאִשָּׁ֜ה אֵלָ֗יו הִנֵּ֨ה אַתָּ֤ה יָדַ֙עְתָּ֙ אֵ֣ת אֲשֶׁר־עָשָׂ֣ה שָׁא֔וּל אֲשֶׁ֥ר הִכְרִ֛ית אֶת־הָאֹב֥וֹת וְאֶת־הַיִּדְּעֹנִ֖י מִן־הָאָ֑רֶץ וְלָמָ֥ה אַתָּ֛ה מִתְנַקֵּ֥שׁ בְּנַפְשִׁ֖י לַהֲמִיתֵֽנִי׃
Vatómer ha’ishá elav hiné atá yadata et asher-asá Shaul asher hijrit et-ha’ovot ve’et-hayide’oní min-ha’arets velamá atá mitnakesh benafshí lahamiteni
Y la mujer le dijo: He aquí, tú sabes lo que Shaul ha hecho, cómo ha echado de la tierra a los que son médium y espiritistas. ¿Por qué, pues, pones trampa contra mi vida para hacerme morir?
10
וַיִּשָּׁ֤בַֽע לָהּ֙ שָׁא֔וּל בַּֽיהוָ֖ה לֵאמֹ֑ר חַי־יְהוָ֕ה אִֽם־יִקְּרֵ֥ךְ עָוֺ֖ן בַּדָּבָ֥ר הַזֶּֽה׃
Vayishava lah Shaul baAdonai lemor jai-Adonai im-yikerej aon badavar hazé
Y Shaul le juró por el Señor diciendo: Vive el Señor que ningún pecado vendrá sobre ti por esto.
11
וַתֹּ֙אמֶר֙ הָֽאִשָּׁ֔ה אֶת־מִ֖י אַֽעֲלֶה־לָּ֑ךְ וַיֹּ֕אמֶר אֶת־שְׁמוּאֵ֖ל הַֽעֲלִי־לִֽי׃
Vatomer ha’ishá et-mi a’ale-laj vayómer et-Shemuel ha’ali-li
Entonces la mujer dijo: ¿A quién debo hacerte subir? Y él respondió: Tráeme a Shmuel.
12
וַתֵּ֤רֶא הָֽאִשָּׁה֙ אֶת־שְׁמוּאֵ֔ל וַתִּזְעַ֖ק בְּק֣וֹל גָּד֑וֹל וַתֹּאמֶר֩ הָאִשָּׁ֨ה אֶל־שָׁא֧וּל לֵאמֹ֛ר לָ֥מָּה רִמִּיתָ֖נִי וְאַתָּ֥ה שָׁאֽוּל׃
Vatere ha’isha et-Shemuel vatiz’ak bekol gadol vatomer ha’ishá el-Shaul lemor lama rimitani ve’atá Shaul
Cuando la mujer vio a Shmuel, gritó a viva voz; y le habló la mujer a Shaul diciendo: ¿Por qué me has engañado? ¡Tú eres Shaul!
13
וַיֹּ֨אמֶר לָ֥הּ הַמֶּ֛לֶךְ אַל־תִּֽירְאִ֖י כִּ֣י מָ֣ה רָאִ֑ית וַתֹּ֤אמֶר הָֽאִשָּׁה֙ אֶל־שָׁא֔וּל אֱלֹהִ֥ים רָאִ֖יתִי עֹלִ֥ים מִן־הָאָֽרֶץ׃
Vayómer lah hamélej al-tir’í ki ma ra’it vatómer ha’isha el-Shaul Elohim ra’iti olim min-ha’arets
Y el rey le dijo: No temas; pero, ¿qué visteis? Y la mujer respondió a Shaul: Veo a un ser divino subiendo de la tierra.
14
וַיֹּ֤אמֶר לָהּ֙ מַֽה־תָּאֳר֔וֹ וַתֹּ֗אמֶר אִ֤ישׁ זָקֵן֙ עֹלֶ֔ה וְה֥וּא עֹטֶ֖ה מְעִ֑יל וַיֵּ֤דַע שָׁאוּל֙ כִּֽי־שְׁמוּאֵ֣ל ה֔וּא וַיִּקֹּ֥ד אַפַּ֛יִם אַ֖רְצָה וַיִּשְׁתָּֽחוּ׃ (ס)
Vayómer lah ma-to’oró vatómer ish zaken olé vehú oté me’il vayeda Shaul ki-Shemuel hu vayikod apáyim artsa vayishtaju
Y él le dijo: ¿Cómo es? Y ella dijo: Un anciano sube, y está envuelto en un manto. Y supo Shaul que era Shmuel, e inclinando su rostro a tierra, se postró ante él.
15
וַיֹּ֤אמֶר שְׁמוּאֵל֙ אֶל־שָׁא֔וּל לָ֥מָּה הִרְגַּזְתַּ֖נִי לְהַעֲל֣וֹת אֹתִ֑י וַיֹּ֣אמֶר שָׁ֠אוּל צַר־לִ֨י מְאֹ֜ד וּפְלִשְׁתִּ֣ים ׀ נִלְחָמִ֣ים בִּ֗י וֵֽאלֹהִ֞ים סָ֤ר מֵֽעָלַי֙ וְלֹֽא־עָנָ֣נִי ע֗וֹד גַּ֤ם בְּיַֽד־הַנְּבִיאִם֙ גַּם־בַּ֣חֲלֹמ֔וֹת וָאֶקְרָאֶ֣ה לְךָ֔ לְהוֹדִיעֵ֖נִי מָ֥ה אֶעֱשֶֽׂה׃ (ס)
Vayómer Shemuel el-Shaul lama hirgaztani leha’alot otí vayómer Shaul tsar-li me’od ufelishtim niljamim bi velohim sar me’alai velo-anani od gam beyad-hanevi’im gam-bajalomot va’ekra’é lejá lehodi’eni ma e’esé
Entonces Shmuel dijo a Shaul: ¿Por qué me has perturbado haciéndome subir? Y Shaul respondió: Estoy en gran angustia, pues los Pelishtím guerrean contra mí; Dios se ha apartado de mí y ya no me responde ni por los profetas ni por sueños; por esto te he llamado, para que me reveles lo que debo hacer.
16
וַיֹּ֣אמֶר שְׁמוּאֵ֔ל וְלָ֖מָּה תִּשְׁאָלֵ֑נִי וַיהוָ֛ה סָ֥ר מֵעָלֶ֖יךָ וַיְהִ֥י עָרֶֽךָ׃
Vayómer Shemuel velama tish’aleni vaAdonai sar me’aleja vayhí areja
Y Shmuel dijo: ¿Por qué me preguntas a mí, ya que el Señor se ha apartado de ti y se ha hecho tu enemigo?
17
וַיַּ֤עַשׂ יְהוָה֙ ל֔וֹ כַּאֲשֶׁ֖ר דִּבֶּ֣ר בְּיָדִ֑י וַיִּקְרַ֨ע יְהוָ֤ה אֶת־הַמַּמְלָכָה֙ מִיָּדֶ֔ךָ וַֽיִּתְּנָ֖הּ לְרֵעֲךָ֥ לְדָוִֽד׃
Vaya’as Adonai lo ka’asher diber beyadí vayikrá Adonai et-hamamlaja miyadeja vayitenah lere’ajá ledavid
El Señor ha hecho conforme a lo que dijo por medio de mí; y ha truncado el Señor el reino de tu mano, y se lo ha dado a tu prójimo, a David.
18
כַּאֲשֶׁ֤ר לֹֽא־שָׁמַ֙עְתָּ֙ בְּק֣וֹל יְהוָ֔ה וְלֹֽא־עָשִׂ֥יתָ חֲרוֹן־אַפּ֖וֹ בַּעֲמָלֵ֑ק עַל־כֵּן֙ הַדָּבָ֣ר הַזֶּ֔ה עָשָֽׂה־לְךָ֥ יְהוָ֖ה הַיּ֥וֹם הַזֶּֽה׃
Ka’asher lo-shamata bekol Adonai velo-asita jaron-apó ba’amalek al-ken hadavar hazé asa-lejá Adonai hayom hazé
Porque tú no has oído la voz del Señor, ni llevaste a cabo Su gran ira contra Amalek, es por eso que te sucede esto que el Señor te hizo hoy.
19
וְיִתֵּ֣ן יְ֠הוָה גַּ֣ם אֶת־יִשְׂרָאֵ֤ל עִמְּךָ֙ בְּיַד־פְּלִשְׁתִּ֔ים וּמָחָ֕ר אַתָּ֥ה וּבָנֶ֖יךָ עִמִּ֑י גַּ֚ם אֶת־מַחֲנֵ֣ה יִשְׂרָאֵ֔ל יִתֵּ֥ן יְהוָ֖ה בְּיַד־פְּלִשְׁתִּֽים׃
Veyitén Adonai gam et-Yisrael imeja beyad-pelishtim umajar atá uvaneja imí gam et-majané Yisrael yitén Adonai beyad-pelishtim
Y el Señor entregará a Israel contigo en manos de los Pelishtím; y mañana tú y tus hijos estaréis conmigo. También, el Señor entregará el campamento de Israel en manos de los Pelishtím.
20
וַיְמַהֵ֣ר שָׁא֗וּל וַיִּפֹּ֤ל מְלֹא־קֽוֹמָתוֹ֙ אַ֔רְצָה וַיִּרָ֥א מְאֹ֖ד מִדִּבְרֵ֣י שְׁמוּאֵ֑ל גַּם־כֹּ֙חַ֙ לֹא־הָ֣יָה ב֔וֹ כִּ֣י לֹ֤א אָכַל֙ לֶ֔חֶם כָּל־הַיּ֖וֹם וְכָל־הַלָּֽיְלָה׃
Vaymaher Shaul vayipol melo-komato artsa vayirá me’od midivréi Shemuel gam-koaj lo-haya vo ki lo ajal léjem kol-hayom vejol-halayla
Y se apresuró Shaul y cayó por tierra cuan largo era, y tuvo gran temor por las palabras de Shmuel; además estaba sin fuerzas, porque no había comido nada en todo el día y toda la noche.
21
וַתָּב֤וֹא הָֽאִשָּׁה֙ אֶל־שָׁא֔וּל וַתֵּ֖רֶא כִּי־נִבְהַ֣ל מְאֹ֑ד וַתֹּ֣אמֶר אֵלָ֗יו הִנֵּ֨ה שָׁמְעָ֤ה שִׁפְחָֽתְךָ֙ בְּקוֹלֶ֔ךָ וָאָשִׂ֤ים נַפְשִׁי֙ בְּכַפִּ֔י וָֽאֶשְׁמַע֙ אֶת־דְּבָרֶ֔יךָ אֲשֶׁ֥ר דִּבַּ֖רְתָּ אֵלָֽי׃
Vatavó ha’isha el-Shaul vatere ki-nivhal me’od vatómer elav hiné sham’á shifjatja bekoleja va’asim nafshi bejapí va’eshma et-devareja asher dibarta elái
Y vino la mujer a Shaul, y viendo que estaba aterrorizado, le dijo: He aquí, tu sierva te ha obedecido y he puesto mi vida en peligro al oír las palabras que tú me hablaste.
22
וְעַתָּ֗ה שְׁמַֽע־נָ֤א גַם־אַתָּה֙ בְּק֣וֹל שִׁפְחָתֶ֔ךָ וְאָשִׂ֧מָה לְפָנֶ֛יךָ פַּת־לֶ֖חֶם וֶאֱכ֑וֹל וִיהִ֤י בְךָ֙ כֹּ֔חַ כִּ֥י תֵלֵ֖ךְ בַּדָּֽרֶךְ׃
Ve’atá shema-na gam-ata bekol shifjateja ve’asima lefaneja pat-léjem ve’ejol vihí veja koaj ki telej badárej
Ahora pues, te ruego que también escuches la voz de tu sierva, y me permitas poner delante de ti un bocado de pan para que comas y tengas fuerzas cuando sigas tu camino.
23
וַיְמָאֵ֗ן וַיֹּ֙אמֶר֙ לֹ֣א אֹכַ֔ל וַיִּפְרְצוּ־ב֤וֹ עֲבָדָיו֙ וְגַם־הָ֣אִשָּׁ֔ה וַיִּשְׁמַ֖ע לְקֹלָ֑ם וַיָּ֙קָם֙ מֵֽהָאָ֔רֶץ וַיֵּ֖שֶׁב אֶל־הַמִּטָּֽה׃
Vayma’én vayomer lo ojal vayifretsu-vo avadav vegam-ha’ishá vayishmá lekolam vayakom meha’arets vayéshev el-hamitá
Pero él se rehusó, y dijo: No comeré. Sin embargo, sus siervos juntamente con la mujer le insistieron, y él los escuchó. Se levantó, pues, del suelo y se sentó en la cama.
24
וְלָאִשָּׁ֤ה עֵֽגֶל־מַרְבֵּק֙ בַּבַּ֔יִת וַתְּמַהֵ֖ר וַתִּזְבָּחֵ֑הוּ וַתִּקַּח־קֶ֣מַח וַתָּ֔לָשׁ וַתֹּפֵ֖הוּ מַצּֽוֹת׃
Vela’ishá egel-marbek babáyit vatemaher vatizbajehu vatikaj-kémaj vatálash vatofehu matsot
La mujer tenía en casa un ternero engordado y se apresuró a matarlo; y tomando harina, la amasó y coció de ella pan ácimo.
25
וַתַּגֵּ֧שׁ לִפְנֵֽי־שָׁא֛וּל וְלִפְנֵ֥י עֲבָדָ֖יו וַיֹּאכֵ֑לוּ וַיָּקֻ֥מוּ וַיֵּלְכ֖וּ בַּלַּ֥יְלָה הַהֽוּא׃ (פ)
Vatagesh lifnei-Shaul velifnéi avadav vayojelu vayakumu vayeljú balayla hahú
Y lo trajo delante de Shaul y de sus siervos, y comieron. Y se levantaron y se fueron esa misma noche.
1 Samuel
27
1 Samuel
29
