תנ״ך
Tanaj (Biblia)
beneyisrael.com
Inicio
Portada
Apoyar
Biblioteca
Opciones de lectura
עברית
Fonética
Español
Taamim
Nikud
Letras
A−
100%
A+
Comentarios
Ketuvim · 2 Crónicas
דברי הימים ב כז
2 Crónicas · Capítulo 27
9 versículos
0 comentarios
1
בֶּן־עֶשְׂרִ֨ים וְחָמֵ֤שׁ שָׁנָה֙ יוֹתָ֣ם בְּמָלְכ֔וֹ וְשֵׁשׁ־עֶשְׂרֵ֣ה שָׁנָ֔ה מָלַ֖ךְ בִּֽירוּשָׁלִָ֑ם וְשֵׁ֣ם אִמּ֔וֹ יְרוּשָׁ֖ה בַּת־צָדֽוֹק׃
Ben-esrim vejamesh shana yotam bemoljó veshesh-esré shaná malaj birushalam veshem imó yerushá bat-tsadok
De edad de veinticinco años era Yotam cuando comenzó a reinar, y dieciséis años reinó en Yerushaláim; y el nombre de su madre era Yerushá, hija de Tsadok.
2
וַיַּ֨עַשׂ הַיָּשָׁ֜ר בְּעֵינֵ֣י יְהוָ֗ה כְּכֹ֤ל אֲשֶׁר־עָשָׂה֙ עֻזִּיָּ֣הוּ אָבִ֔יו רַ֕ק לֹא־בָ֖א אֶל־הֵיכַ֣ל יְהוָ֑ה וְע֥וֹד הָעָ֖ם מַשְׁחִיתִֽים׃
Vaya’as hayashar be’einéi Adonai kejol asher-asa uziyahu aviv rak lo-va el-heijal Adonai veod ha’am mashjitim
E hizo lo recto a los ojos del Señor, conforme a todo lo que había hecho su padre Uziahu, bien que no entró en el templo del Señor. Esto no obstante, el pueblo seguía aun corrompiéndose.
3
ה֗וּא בָּנָ֛ה אֶת־שַׁ֥עַר בֵּית־יְהוָ֖ה הָעֶלְי֑וֹן וּבְחוֹמַ֥ת הָעֹ֛פֶל בָּנָ֖ה לָרֹֽב׃
Hu baná et-shá’ar beit-Adonai ha’elyón uvejomat ha’ófel baná larov
Edificó él la puerta superior de la casa del Señor; asimismo sobre el muro (de la colina de) Ófel edificó mucho.
4
וְעָרִ֥ים בָּנָ֖ה בְּהַר־יְהוּדָ֑ה וּבֶחֳרָשִׁ֣ים בָּנָ֔ה בִּֽירָנִיּ֖וֹת וּמִגְדָּלִֽים׃
Ve’arim baná behar-Yehudá uvejorashim baná biraniot umigdalim
Edificó ciudades también en la serranía de Yehudá; y en los bosques edificó castillos y torres.
5
וְ֠הוּא נִלְחַ֞ם עִם־מֶ֣לֶךְ בְּנֵי־עַמּוֹן֮ וַיֶּחֱזַ֣ק עֲלֵיהֶם֒ וַיִּתְּנוּ־ל֨וֹ בְנֵֽי־עַמּ֜וֹן בַּשָּׁנָ֣ה הַהִ֗יא מֵאָה֙ כִּכַּר־כֶּ֔סֶף וַעֲשֶׂ֨רֶת אֲלָפִ֤ים כֹּרִים֙ חִטִּ֔ים וּשְׂעוֹרִ֖ים עֲשֶׂ֣רֶת אֲלָפִ֑ים זֹ֗את הֵשִׁ֤יבוּ לוֹ֙ בְּנֵ֣י עַמּ֔וֹן (ס) וּבַשָּׁנָ֥ה הַשֵּׁנִ֖ית וְהַשְּׁלִשִֽׁית׃
Vehu niljam im-mélej benei-Amón vayejezak aleihem vayitenu-lo venei-Amón bashaná hahí me’a kikar-késef va’aséret alafim korim jitim useorim aséret alafim zot heshivu lo benéi Amón uvashaná hashenit vehashelishit
Y tuvo guerra con el rey de los hijos de Ammón, y los venció; y los hijos de Ammón le dieron aquel año cien talentos de plata, y diez mil coros de trigo, y otros diez mil de cebada. Esto le trajeron los hijos de Ammón el año segundo también y el tercero.
6
וַיִּתְחַזֵּ֖ק יוֹתָ֑ם כִּ֚י הֵכִ֣ין דְּרָכָ֔יו לִפְנֵ֖י יְהוָ֥ה אֱלֹהָֽיו׃
Vayitjazek yotam ki hejín derajav lifnéi Adonai Elohav
De manera que Yotam se hizo poderoso, por cuanto ordenó sus caminos delante del Señor, su Dios.
7
וְיֶתֶר֙ דִּבְרֵ֣י יוֹתָ֔ם וְכָל־מִלְחֲמֹתָ֖יו וּדְרָכָ֑יו הִנָּ֣ם כְּתוּבִ֔ים עַל־סֵ֥פֶר מַלְכֵֽי־יִשְׂרָאֵ֖ל וִיהוּדָֽה׃
Veyeter divréi yotam vejol-miljamotav uderajav hinam ketuvim al-séfer maljei-Yisrael vihudá
Y las demás cosas de Yotam, y todas sus guerras y sus empresas, he aquí que están escritas en el libro de los reyes de Israel y de Yehudá.
8
בֶּן־עֶשְׂרִ֧ים וְחָמֵ֛שׁ שָׁנָ֖ה הָיָ֣ה בְמָלְכ֑וֹ וְשֵׁשׁ־עֶשְׂרֵ֣ה שָׁנָ֔ה מָלַ֖ךְ בִּירוּשָׁלִָֽם׃
Ben-esrim vejamesh shaná hayá vemoljó veshesh-esré shaná malaj birushalam
De edad de veinticinco años era cuando comenzó a reinar, y reinó dieciséis años en Yerushaláim.
9
וַיִּשְׁכַּ֤ב יוֹתָם֙ עִם־אֲבֹתָ֔יו וַיִּקְבְּר֥וּ אֹת֖וֹ בְּעִ֣יר דָּוִ֑יד וַיִּמְלֹ֛ךְ אָחָ֥ז בְּנ֖וֹ תַּחְתָּֽיו׃ (פ)
Vayishkav yotam im-avotav vayikberú otó be’ir david vayimloj ajaz benó tajtav
Y yació Yotam con sus padres, y le sepultaron en la ciudad de David; y reinó Ajaz, su hijo, en su lugar.
2 Crónicas
26
2 Crónicas
28
