תנ״ך
Tanaj (Biblia)
beneyisrael.com
Inicio
Portada
Apoyar
Biblioteca
Opciones de lectura
עברית
Fonética
Español
Taamim
Nikud
Letras
A−
100%
A+
Comentarios
Neviim · 2 Samuel
שמואל ב יד
2 Samuel · Capítulo 14
33 versículos
32 comentarios
1
וַיֵּ֖דַע יוֹאָ֣ב בֶּן־צְרֻיָ֑ה כִּֽי־לֵ֥ב הַמֶּ֖לֶךְ עַל־אַבְשָׁלֽוֹם׃
Vayeda yo’av ben-tseruyá ki-lev hamélej al-avshalom
Y supo Yoab, hijo de Tzeruiá, que el corazón del rey estaba aún con Abshalom.
2
וַיִּשְׁלַ֤ח יוֹאָב֙ תְּק֔וֹעָה וַיִּקַּ֥ח מִשָּׁ֖ם אִשָּׁ֣ה חֲכָמָ֑ה וַיֹּ֣אמֶר אֵ֠לֶיהָ הִֽתְאַבְּלִי־נָ֞א וְלִבְשִׁי־נָ֣א בִגְדֵי־אֵ֗בֶל וְאַל־תָּס֙וּכִי֙ שֶׁ֔מֶן וְהָיִ֕ית כְּאִשָּׁ֗ה זֶ֚ה יָמִ֣ים רַבִּ֔ים מִתְאַבֶּ֖לֶת עַל־מֵֽת׃
Vayishlaj yo’av teko’a vayikaj misham ishá jajamá vayómer eleiha hit’abeli-na velivshi-na vigdei-ével ve’al-tasuji shemen vehayit ke’ishá ze yamim rabim mit’abélet al-met
Y Yoab envió a Tekoa a traer a una mujer sabia de allí, y le dijo: Te ruego que finjas estar de duelo, te pongas ahora ropas de luto y no te unjas con óleo, sino pórtate como una mujer que por muchos días ha estado de luto por un muerto;
3
וּבָאת֙ אֶל־הַמֶּ֔לֶךְ וְדִבַּ֥רְתְּ אֵלָ֖יו כַּדָּבָ֣ר הַזֶּ֑ה וַיָּ֧שֶׂם יוֹאָ֛ב אֶת־הַדְּבָרִ֖ים בְּפִֽיהָ׃
Uvat el-hamélej vedibarte elav kadavar hazé vayásem yo’av et-hadevarim befiha
y vendrás al rey y hablarás con él acorde a estas palabras. Y Yoab puso las palabras en su boca.
4
וַ֠תֹּאמֶר הָאִשָּׁ֤ה הַתְּקֹעִית֙ אֶל־הַמֶּ֔לֶךְ וַתִּפֹּ֧ל עַל־אַפֶּ֛יהָ אַ֖רְצָה וַתִּשְׁתָּ֑חוּ וַתֹּ֖אמֶר הוֹשִׁ֥עָה הַמֶּֽלֶךְ׃ (ס)
Vatomer ha’ishá hateko’it el-hamélej vatipol al-apeiha artsa vatishtaju vatómer hoshi’a hamélej
Y dijo la mujer de Tekoa al rey, y cayó sobre su rostro en tierra, y se postró. Y dijo: ¡Sálvame, oh rey!
5
וַיֹּֽאמֶר־לָ֥הּ הַמֶּ֖לֶךְ מַה־לָּ֑ךְ וַתֹּ֗אמֶר אֲבָ֛ל אִשָּֽׁה־אַלְמָנָ֥ה אָ֖נִי וַיָּ֥מָת אִישִֽׁי׃
Vayomer-lah hamélej ma-laj vatómer aval isha-almaná ani vayámot ishí
Y el rey le dijo: ¿Qué tienes? Y dijo: Ciertamente soy viuda, mi marido ha muerto.
6
וּלְשִׁפְחָֽתְךָ֙ שְׁנֵ֣י בָנִ֔ים וַיִּנָּצ֤וּ שְׁנֵיהֶם֙ בַּשָּׂדֶ֔ה וְאֵ֥ין מַצִּ֖יל בֵּֽינֵיהֶ֑ם וַיַּכּ֧וֹ הָאֶחָ֛ד אֶת־הָאֶחָ֖ד וַיָּ֥מֶת אֹתֽוֹ׃
Uleshifjatja shenéi vanim vayinatsú sheneihem basadé ve’éin matsil beineihem vayakó ha’ejad et-ha’ejad vayámet otó
Tu sierva tenía dos hijos; lucharon entre sí en el campo, y no habiendo quien los separara, uno hirió al otro y lo mató.
7
וְהִנֵּה֩ קָ֨מָה כָֽל־הַמִּשְׁפָּחָ֜ה עַל־שִׁפְחָתֶ֗ךָ וַיֹּֽאמְרוּ֙ תְּנִ֣י ׀ אֶת־מַכֵּ֣ה אָחִ֗יו וּנְמִתֵ֙הוּ֙ בְּנֶ֤פֶשׁ אָחִיו֙ אֲשֶׁ֣ר הָרָ֔ג וְנַשְׁמִ֖ידָה גַּ֣ם אֶת־הַיּוֹרֵ֑שׁ וְכִבּ֗וּ אֶת־גַּֽחַלְתִּי֙ אֲשֶׁ֣ר נִשְׁאָ֔רָה לְבִלְתִּ֧י שום־[שִׂים־] לְאִישִׁ֛י שֵׁ֥ם וּשְׁאֵרִ֖ית עַל־פְּנֵ֥י הָאֲדָמָֽה׃ (פ)
Vehine kama jol-hamishpajá al-shifjateja vayomru tení et-maké ajiv unemitehu benéfesh ajiv asher harag venashmida gam et-hayoresh vejibú et-gajalti asher nish’ara leviltí sim-le’ishí shem ushe’erit al-penéi ha’adamá
Y he aquí que toda la familia se ha levantado contra tu sierva, y dijeron: “Entrega al que hirió a su hermano, para que le demos muerte por el alma de su hermano que mató”, y destruirán también al heredero. Así extinguirán la braza que me queda, no dejando a mi marido nombre ni remanente sobre la faz de la tierra.
8
וַיֹּ֧אמֶר הַמֶּ֛לֶךְ אֶל־הָאִשָּׁ֖ה לְכִ֣י לְבֵיתֵ֑ךְ וַאֲנִ֖י אֲצַוֶּ֥ה עָלָֽיִךְ׃
Vayómer hamélej el-ha’ishá lejí leveitej va’aní atsavé aláyij
Respondió el rey a la mujer: Ve a tu casa, y yo dictaminaré con respecto a ti.
9
וַתֹּ֜אמֶר הָאִשָּׁ֤ה הַתְּקוֹעִית֙ אֶל־הַמֶּ֔לֶךְ עָלַ֞י אֲדֹנִ֥י הַמֶּ֛לֶךְ הֶעָוֺ֖ן וְעַל־בֵּ֣ית אָבִ֑י וְהַמֶּ֥לֶךְ וְכִסְא֖וֹ נָקִֽי׃ (ס)
Vatómer ha’ishá hateko’it el-hamélej alái Adonai hamélej he’aón ve’al-beit aví vehamélej vejisó nakí
Y la mujer de Tekoa dijo al rey: Oh rey mi señor, la iniquidad sea sobre mí y sobre la casa de mi padre, pero el rey y su trono sean sin culpa.
10
וַיֹּ֖אמֶר הַמֶּ֑לֶךְ הַֽמְדַבֵּ֤ר אֵלַ֙יִךְ֙ וַֽהֲבֵאת֣וֹ אֵלַ֔י וְלֹֽא־יֹסִ֥יף ע֖וֹד לָגַ֥עַת בָּֽךְ׃
Vayómer hamélej hamdaber elayij vahavetó elái velo-yosif od lagá’at baj
Y dijo el rey: Cualquiera que te hable, tráemelo, y no te molestará más.
11
וַתֹּאמֶר֩ יִזְכָּר־נָ֨א הַמֶּ֜לֶךְ אֶת־יְהוָ֣ה אֱלֹהֶ֗יךָ מהרבית [מֵהַרְבַּ֞ת] גֹּאֵ֤ל הַדָּם֙ לְשַׁחֵ֔ת וְלֹ֥א יַשְׁמִ֖ידוּ אֶת־בְּנִ֑י וַיֹּ֙אמֶר֙ חַי־יְהוָ֔ה אִם־יִפֹּ֛ל מִשַּׂעֲרַ֥ת בְּנֵ֖ךְ אָֽרְצָה׃
Vatomer yizkor-na hamélej et-Adonai Eloheja meharbat go’el hadam leshajet veló yashmidu et-bení vayomer jai-Adonai im-yipol misa’arat benej artsa
Y ella dijo: Te ruego, oh rey, que te acuerdes del Señor tu Dios, para que el vengador de sangre no aumente el daño, y no destruya a mi hijo. Y él dijo: Vive el Señor, que ni un pelo de tu hijo caerá a tierra.
12
וַתֹּ֙אמֶר֙ הָֽאִשָּׁ֔ה תְּדַבֶּר־נָ֧א שִׁפְחָתְךָ֛ אֶל־אֲדֹנִ֥י הַמֶּ֖לֶךְ דָּבָ֑ר וַיֹּ֖אמֶר דַּבֵּֽרִי׃ (ס)
Vatomer ha’ishá tedaber-na shifjatjá el-Adonai hamélej davar vayómer daberi
Y dijo la mujer: Permite que tu sierva diga una palabra a mi señor el rey. Y él dijo: Habla.
13
וַתֹּ֙אמֶר֙ הָֽאִשָּׁ֔ה וְלָ֧מָּה חָשַׁ֛בְתָּה כָּזֹ֖את עַל־עַ֣ם אֱלֹהִ֑ים וּמִדַּבֵּ֨ר הַמֶּ֜לֶךְ הַדָּבָ֤ר הַזֶּה֙ כְּאָשֵׁ֔ם לְבִלְתִּ֛י הָשִׁ֥יב הַמֶּ֖לֶךְ אֶֽת־נִדְּחֽוֹ׃
Vatomer ha’ishá velama jashavta kazot al-am Elohim umidaber hamélej hadavar haze ke’ashem leviltí hashiv hamélej et-nidejó
Y la mujer dijo: ¿Por qué, pues, has pensado tal cosa contra el pueblo de Dios? Porque al decir esta palabra, el rey se hace como uno que es culpable, ya que el rey no hace volver a su desterrado.
14
כִּי־מ֣וֹת נָמ֔וּת וְכַמַּ֙יִם֙ הַנִּגָּרִ֣ים אַ֔רְצָה אֲשֶׁ֖ר לֹ֣א יֵאָסֵ֑פוּ וְלֹֽא־יִשָּׂ֤א אֱלֹהִים֙ נֶ֔פֶשׁ וְחָשַׁב֙ מַֽחֲשָׁב֔וֹת לְבִלְתִּ֛י יִדַּ֥ח מִמֶּ֖נּוּ נִדָּֽח׃
Ki-mot namut vejamayim hanigarim artsa asher lo ye’asefu velo-yisá Elohim néfesh vejashav majashavot leviltí yidaj mimenu nidaj
Pues ciertamente moriremos; somos como el agua derramada en tierra que no se vuelve a recoger. Pero Dios no deja sin castigar, sino designa medios para que el desterrado no sea alejado de él.
15
וְ֠עַתָּה אֲשֶׁר־בָּ֜אתִי לְדַבֵּ֨ר אֶל־הַמֶּ֤לֶךְ אֲדֹנִי֙ אֶת־הַדָּבָ֣ר הַזֶּ֔ה כִּ֥י יֵֽרְאֻ֖נִי הָעָ֑ם וַתֹּ֤אמֶר שִׁפְחָֽתְךָ֙ אֲדַבְּרָה־נָּ֣א אֶל־הַמֶּ֔לֶךְ אוּלַ֛י יַעֲשֶׂ֥ה הַמֶּ֖לֶךְ אֶת־דְּבַ֥ר אֲמָתֽוֹ׃
Ve’ata asher-bati ledaber el-hamélej Adonai et-hadavar hazé ki yer’uni ha’am vatómer shifjatja adabera-na el-hamélej ulái ya’asé hamélej et-devar amató
Ahora, la razón por la cual he venido a decir esta palabra a mi señor el rey, es porque el pueblo me ha atemorizado; por eso tu sierva se dijo: “Hablaré ahora al rey, tal vez el rey cumpla la petición de su sierva.
16
כִּ֚י יִשְׁמַ֣ע הַמֶּ֔לֶךְ לְהַצִּ֥יל אֶת־אֲמָת֖וֹ מִכַּ֣ף הָאִ֑ישׁ לְהַשְׁמִ֨יד אֹתִ֤י וְאֶת־בְּנִי֙ יַ֔חַד מִֽנַּחֲלַ֖ת אֱלֹהִֽים׃
Ki yishmá hamélej lehatsil et-amató mikaf ha’ish lehashmid otí ve’et-beni yájad minajalat Elohim
Pues el rey oirá y librará a su sierva de mano del hombre que destruiría a mí y a mi hijo juntamente, de la heredad de Dios”
17
וַתֹּ֙אמֶר֙ שִׁפְחָ֣תְךָ֔ יִֽהְיֶה־נָּ֛א דְּבַר־אֲדֹנִ֥י הַמֶּ֖לֶךְ לִמְנוּחָ֑ה כִּ֣י ׀ כְּמַלְאַ֣ךְ הָאֱלֹהִ֗ים כֵּ֣ן אֲדֹנִ֤י הַמֶּ֙לֶךְ֙ לִשְׁמֹ֙עַ֙ הַטּ֣וֹב וְהָרָ֔ע וַֽיהוָ֥ה אֱלֹהֶ֖יךָ יְהִ֥י עִמָּֽךְ׃ (פ)
Vatomer shifjatjá yihye-na devar-Adonai hamélej limnujá ki kemal’aj ha’elohim ken Adonai hamelej lishmoa hatov vehará vaAdonai Eloheja yehí imaj
Se dijo tu sierva: “Sea consuelo la palabra de mi señor el rey, pues como el ángel de Dios, así es mi señor el rey para discernir el bien y el mal. Y que el Señor tu Dios sea contigo”
18
וַיַּ֣עַן הַמֶּ֗לֶךְ וַיֹּ֙אמֶר֙ אֶל־הָ֣אִשָּׁ֔ה אַל־נָ֨א תְכַחֲדִ֤י מִמֶּ֙נִּי֙ דָּבָ֔ר אֲשֶׁ֥ר אָנֹכִ֖י שֹׁאֵ֣ל אֹתָ֑ךְ וַתֹּ֙אמֶר֙ הָֽאִשָּׁ֔ה יְדַבֶּר־נָ֖א אֲדֹנִ֥י הַמֶּֽלֶךְ׃
Vaya’an hamélej vayomer el-ha’ishá al-na tejajadí mimeni davar asher anojí sho’el otaj vatomer ha’ishá yedaber-na Adonai hamélej
E inquirió el rey y dijo a la mujer: Te ruego que no me ocultes nada de lo que voy a preguntarte. Y la mujer dijo: Hable mi señor el rey.
19
וַיֹּ֣אמֶר הַמֶּ֔לֶךְ הֲיַ֥ד יוֹאָ֛ב אִתָּ֖ךְ בְּכָל־זֹ֑את וַתַּ֣עַן הָאִשָּׁ֣ה וַתֹּ֡אמֶר חֵֽי־נַפְשְׁךָ֩ אֲדֹנִ֨י הַמֶּ֜לֶךְ אִם־אִ֣שׁ ׀ לְהֵמִ֣ין וּלְהַשְׂמִ֗יל מִכֹּ֤ל אֲשֶׁר־דִּבֶּר֙ אֲדֹנִ֣י הַמֶּ֔לֶךְ כִּֽי־עַבְדְּךָ֤ יוֹאָב֙ ה֣וּא צִוָּ֔נִי וְה֗וּא שָׂ֚ם בְּפִ֣י שִׁפְחָֽתְךָ֔ אֵ֥ת כָּל־הַדְּבָרִ֖ים הָאֵֽלֶּה׃
Vayómer hamélej hayad yo’av itaj bejol-zot vata’an ha’ishá vatómer jei-nafsheja Adonai hamélej im-ish lehemín ulehasmil mikol asher-diber Adonai hamélej ki-avdejá yo’av hu tsivani vehú sam befí shifjatjá et kol-hadevarim ha’ele
Y el rey dijo: ¿Está contigo la mano de Yoab en todo esto? Y la mujer respondió y dijo: Vive tu alma, mi señor el rey, nadie puede desviarse ni a la derecha ni a la izquierda de todo lo que mi señor el rey ha hablado, pues en verdad fue tu siervo Yoab quien me mandó, y fue él quien puso todas estas palabras en boca de tu sierva;
20
לְבַעֲב֤וּר סַבֵּב֙ אֶת־פְּנֵ֣י הַדָּבָ֔ר עָשָׂ֛ה עַבְדְּךָ֥ יוֹאָ֖ב אֶת־הַדָּבָ֣ר הַזֶּ֑ה וַאדֹנִ֣י חָכָ֗ם כְּחָכְמַת֙ מַלְאַ֣ךְ הָאֱלֹהִ֔ים לָדַ֖עַת אֶֽת־כָּל־אֲשֶׁ֥ר בָּאָֽרֶץ׃ (ס)
Leva’avur sabev et-penéi hadavar asá avdejá yo’av et-hadavar hazé vadoní jajam kejojmat mal’aj ha’elohim ladá’at et-kol-asher ba’arets
tu siervo Yoab ha hecho esto con el fin de cambiar el aspecto de las cosas. Pero mi señor es sabio, como la sabiduría del ángel de Dios, para saber todo lo que hay en la tierra.
21
וַיֹּ֤אמֶר הַמֶּ֙לֶךְ֙ אֶל־יוֹאָ֔ב הִנֵּה־נָ֥א עָשִׂ֖יתִי אֶת־הַדָּבָ֣ר הַזֶּ֑ה וְלֵ֛ךְ הָשֵׁ֥ב אֶת־הַנַּ֖עַר אֶת־אַבְשָׁלֽוֹם׃
Vayómer hamelej el-yo’av hine-na asiti et-hadavar hazé velej hashev et-haná’ar et-avshalom
Entonces el rey dijo a Yoab: He aquí, ciertamente ahora lo haré; ve y trae al joven, a Abshalom.
22
וַיִּפֹּל֩ יוֹאָ֨ב אֶל־פָּנָ֥יו אַ֛רְצָה וַיִּשְׁתַּ֖חוּ וַיְבָ֣רֶךְ אֶת־הַמֶּ֑לֶךְ וַיֹּ֣אמֶר יוֹאָ֡ב הַיּוֹם֩ יָדַ֨ע עַבְדְּךָ֜ כִּי־מָצָ֨אתִי חֵ֤ן בְּעֵינֶ֙יךָ֙ אֲדֹנִ֣י הַמֶּ֔לֶךְ אֲשֶׁר־עָשָׂ֥ה הַמֶּ֖לֶךְ אֶת־דְּבַ֥ר עבדו [עַבְדֶּֽךָ׃]
Vayipol yo’av el-panav artsa vayishtaju vayvárej et-hamélej vayómer yo’av hayom yadá avdejá ki-matsati jen be’eineja Adonai hamélej asher-asá hamélej et-devar avdeja
Yoab cayó rostro en tierra, y postrándose, bendijo al rey; y dijo Yoab: Hoy tu siervo sabe que he hallado gracia ante tus ojos, oh mi señor rey, puesto que el rey ha hecho la petición de su siervo.
23
וַיָּ֥קָם יוֹאָ֖ב וַיֵּ֣לֶךְ גְּשׁ֑וּרָה וַיָּבֵ֥א אֶת־אַבְשָׁל֖וֹם יְרוּשָׁלִָֽם׃ (פ)
Vayákom yo’av vayélej geshura vayavé et-avshalom Yerushaláyim
Yoab se levantó, fue a Geshur y trajo a Abshalom a Jerusalem.
24
וַיֹּ֤אמֶר הַמֶּ֙לֶךְ֙ יִסֹּ֣ב אֶל־בֵּית֔וֹ וּפָנַ֖י לֹ֣א יִרְאֶ֑ה וַיִּסֹּ֤ב אַבְשָׁלוֹם֙ אֶל־בֵּית֔וֹ וּפְנֵ֥י הַמֶּ֖לֶךְ לֹ֥א רָאָֽה׃ (ס)
Vayómer hamelej yisov el-beitó ufanái lo yir’é vayisov avshalom el-beitó ufenéi hamélej lo ra’á
Pero el rey dijo: Que se vuelva a su casa y no vea mi rostro. Y Abshalom volvió a su casa, y no vio el rostro del rey.
25
וּכְאַבְשָׁל֗וֹם לֹא־הָיָ֧ה אִישׁ־יָפֶ֛ה בְּכָל־יִשְׂרָאֵ֖ל לְהַלֵּ֣ל מְאֹ֑ד מִכַּ֤ף רַגְלוֹ֙ וְעַ֣ד קָדְקֳד֔וֹ לֹא־הָ֥יָה ב֖וֹ מֽוּם׃
Uje’avshalom lo-hayá ish-yafé bejol-Yisrael lehalel me’od mikaf raglo ve’ad kodkodó lo-haya vo mum
En todo Israel no había nadie tan lindo ni tan elogiado como Abshalom; desde la planta de su pie, hasta su coronilla, no había defecto en él.
26
וּֽבְגַלְּחוֹ֮ אֶת־רֹאשׁוֹ֒ וְֽ֠הָיָה מִקֵּ֨ץ יָמִ֤ים ׀ לַיָּמִים֙ אֲשֶׁ֣ר יְגַלֵּ֔חַ כִּֽי־כָבֵ֥ד עָלָ֖יו וְגִלְּח֑וֹ וְשָׁקַל֙ אֶת־שְׂעַ֣ר רֹאשׁ֔וֹ מָאתַ֥יִם שְׁקָלִ֖ים בְּאֶ֥בֶן הַמֶּֽלֶךְ׃
Uvegalejo et-roshó vehaya mikéts yamim layamim asher yegaleaj ki-javed alav vegilejó veshakal et-se’ar roshó matáyim shekalim be’even hamélej
Cuando se cortaba el cabello, y era de año en año que se lo cortaba, pues le pesaba mucho y por eso se lo cortaba, el cabello pesaba doscientos siclos según la pesa real.
27
וַיִּֽוָּלְד֤וּ לְאַבְשָׁלוֹם֙ שְׁלוֹשָׁ֣ה בָנִ֔ים וּבַ֥ת אַחַ֖ת וּשְׁמָ֣הּ תָּמָ֑ר הִ֣יא הָיְתָ֔ה אִשָּׁ֖ה יְפַ֥ת מַרְאֶֽה׃ (פ)
Vayivaldú le’avshalom sheloshá vanim uvat ajat ushemah tamar hi haytá ishá yefat mar’é
Y a Abshalom le nacieron tres hijos y una hija que se llamaba Tamar; una mujer de hermosa apariencia.
28
וַיֵּ֧שֶׁב אַבְשָׁל֛וֹם בִּירוּשָׁלִַ֖ם שְׁנָתַ֣יִם יָמִ֑ים וּפְנֵ֥י הַמֶּ֖לֶךְ לֹ֥א רָאָֽה׃
Vayéshev avshalom birushalam shenatáyim yamim ufenéi hamélej lo ra’á
Abshalom residió dos años en Jerusalem, y el rostro del rey no vio.
29
וַיִּשְׁלַ֨ח אַבְשָׁל֜וֹם אֶל־יוֹאָ֗ב לִשְׁלֹ֤חַ אֹתוֹ֙ אֶל־הַמֶּ֔לֶךְ וְלֹ֥א אָבָ֖ה לָב֣וֹא אֵלָ֑יו וַיִּשְׁלַ֥ח עוֹד֙ שֵׁנִ֔ית וְלֹ֥א אָבָ֖ה לָבֽוֹא׃
Vayishlaj avshalom el-yo’av lishloaj oto el-hamélej veló avá lavó elav vayishlaj od shenit veló avá lavó
Entonces Abshalom mandó a buscar a Yoab para enviarlo al rey, pero él no quiso venir. Y por segunda vez envió por él, pero no quiso venir.
30
וַיֹּ֨אמֶר אֶל־עֲבָדָ֜יו רְאוּ֩ חֶלְקַ֨ת יוֹאָ֤ב אֶל־יָדִי֙ וְלוֹ־שָׁ֣ם שְׂעֹרִ֔ים לְכ֖וּ והוצתיה [וְהַצִּית֣וּהָ] בָאֵ֑שׁ וַיַּצִּ֜תוּ עַבְדֵ֧י אַבְשָׁל֛וֹם אֶת־הַחֶלְקָ֖ה בָּאֵֽשׁ׃ (פ)
Vayómer el-avadav reu jelkat yo’av el-yadi velo-sham se’orim lejú vehatsituha va’esh vayatsitu avdéi avshalom et-hajelká ba’esh
Dijo a sus siervos: Mirad, el campo de Yoab está junto al mío, y allí él tiene cebada; id y prendedle fuego. Y los siervos de Abshalom prendieron fuego al campo.
31
וַיָּ֣קָם יוֹאָ֔ב וַיָּבֹ֥א אֶל־אַבְשָׁל֖וֹם הַבָּ֑יְתָה וַיֹּ֣אמֶר אֵלָ֔יו לָ֣מָּה הִצִּ֧יתוּ עֲבָדֶ֛ךָ אֶת־הַחֶלְקָ֥ה אֲשֶׁר־לִ֖י בָּאֵֽשׁ׃
Vayákom yo’av vayavó el-avshalom habayta vayómer elav lama hitsitu avadeja et-hajelká asher-li ba’esh
Entonces Yoab se levantó, vino a la casa de Abshalom y le dijo: ¿Por qué tus siervos han prendido fuego a mi campo?
32
וַיֹּ֣אמֶר אַבְשָׁל֣וֹם אֶל־יוֹאָ֡ב הִנֵּ֣ה שָׁלַ֣חְתִּי אֵלֶ֣יךָ ׀ לֵאמֹ֡ר בֹּ֣א הֵ֠נָּה וְאֶשְׁלְחָה֩ אֹתְךָ֨ אֶל־הַמֶּ֜לֶךְ לֵאמֹ֗ר לָ֤מָּה בָּ֙אתִי֙ מִגְּשׁ֔וּר ט֥וֹב לִ֖י עֹ֣ד אֲנִי־שָׁ֑ם וְעַתָּ֗ה אֶרְאֶה֙ פְּנֵ֣י הַמֶּ֔לֶךְ וְאִם־יֶשׁ־בִּ֥י עָוֺ֖ן וֶהֱמִתָֽנִי׃
Vayómer avshalom el-yo’av hiné shalajti eleja lemor bo hena ve’eshleja otjá el-hamélej lemor lama bati migeshur tov li od ani-sham ve’atá er’e penéi hamélej ve’im-yesh-bi aon vehemitani
Y Abshalom respondió a Yoab: He aquí, envié por ti, diciendo: “Ven acá, para enviarte al rey a decirle: ¿Para qué vine de Gueshur? Mejor me hubiera sido estar aún allá” Ahora pues, vea yo el rostro del rey; y si hay iniquidad en mí, que me dé muerte.
33
וַיָּבֹ֨א יוֹאָ֣ב אֶל־הַמֶּלֶךְ֮ וַיַּגֶּד־לוֹ֒ וַיִּקְרָ֤א אֶל־אַבְשָׁלוֹם֙ וַיָּבֹ֣א אֶל־הַמֶּ֔לֶךְ וַיִּשְׁתַּ֨חוּ ל֧וֹ עַל־אַפָּ֛יו אַ֖רְצָה לִפְנֵ֣י הַמֶּ֑לֶךְ וַיִּשַּׁ֥ק הַמֶּ֖לֶךְ לְאַבְשָׁלֽוֹם׃ (פ)
Vayavó yo’av el-hamélej vayaged-lo vayikrá el-avshalom vayavó el-hamélej vayishtaju lo al-apav artsa lifnéi hamélej vayishak hamélej le’avshalom
Y Yoab vino al rey y se lo hizo saber. Y llamó a Abshalom, y éste vino ante el rey y se postró sobre su rostro en tierra delante del rey. Y el rey lo besó a Abshalom.
2 Samuel
13
2 Samuel
15
