תנ״ך
Tanaj (Biblia)
beneyisrael.com
Inicio
Portada
Apoyar
Biblioteca
Opciones de lectura
עברית
Fonética
Español
Taamim
Nikud
Letras
A−
100%
A+
Comentarios
Neviim · 2 Samuel
שמואל ב טז
2 Samuel · Capítulo 16
23 versículos
22 comentarios
1
וְדָוִ֗ד עָבַ֤ר מְעַט֙ מֵֽהָרֹ֔אשׁ וְהִנֵּ֥ה צִיבָ֛א נַ֥עַר מְפִי־בֹ֖שֶׁת לִקְרָאת֑וֹ וְצֶ֨מֶד חֲמֹרִ֜ים חֲבֻשִׁ֗ים וַעֲלֵיהֶם֩ מָאתַ֨יִם לֶ֜חֶם וּמֵאָ֧ה צִמּוּקִ֛ים וּמֵ֥אָה קַ֖יִץ וְנֵ֥בֶל יָֽיִן׃
Vedavid avar me’at meharosh vehiné tsivá ná’ar mefivóshet likrató vetsémed jamorim javushim va’aleihem matáyim léjem ume’á tsimukim ume’a kayits venével yayin
Cuando David pasó un poco más allá de la cumbre, he aquí que Tziba, el criado de Mefiboshet, salió a su encuentro con asnos aparejados, y sobre ellos había doscientos panes, cien racimos de uvas pasas, cien frutas de verano y un odre de vino.
2
וַיֹּ֧אמֶר הַמֶּ֛לֶךְ אֶל־צִיבָ֖א מָה־אֵ֣לֶּה לָּ֑ךְ וַיֹּ֣אמֶר צִ֠יבָא הַחֲמוֹרִ֨ים לְבֵית־הַמֶּ֜לֶךְ לִרְכֹּ֗ב ולהלחם [וְהַלֶּ֤חֶם] וְהַקַּ֙יִץ֙ לֶאֱכ֣וֹל הַנְּעָרִ֔ים וְהַיַּ֕יִן לִשְׁתּ֥וֹת הַיָּעֵ֖ף בַּמִּדְבָּֽר׃
Vayómer hamélej el-tsivá ma-ele laj vayómer tsiva hajamorim leveit-hamélej lirkov vehaléjem vehakayits le’ejol hane’arim vehayayin lishtot haya’ef bamidbar
Y el rey dijo a Tziba: ¿Para qué tienes esto? Y Tziba respondió: Los asnos son para que la familia del rey monte, y el pan y la fruta de verano para que los jóvenes coman, y el vino para que beba cualquiera que se fatigue en el desierto.
3
וַיֹּ֣אמֶר הַמֶּ֔לֶךְ וְאַיֵּ֖ה בֶּן־אֲדֹנֶ֑יךָ וַיֹּ֨אמֶר צִיבָ֜א אֶל־הַמֶּ֗לֶךְ הִנֵּה֙ יוֹשֵׁ֣ב בִּירוּשָׁלִַ֔ם כִּ֣י אָמַ֔ר הַיּ֗וֹם יָשִׁ֤יבוּ לִי֙ בֵּ֣ית יִשְׂרָאֵ֔ל אֵ֖ת מַמְלְכ֥וּת אָבִֽי׃
Vayómer hamélej ve’ayé ben-adoneja vayómer tsivá el-hamélej hine yoshev birushalam ki amar hayom yashivu li beit Yisrael et mamlejut aví
Entonces el rey dijo: ¿Y dónde está el hijo de tu señor? Y Tziba respondió al rey: He aquí, está en Jerusalem, pues ha dicho: “Hoy la casa de Israel me devolverá el reino de mi padre.”
4
וַיֹּ֤אמֶר הַמֶּ֙לֶךְ֙ לְצִבָ֔א הִנֵּ֣ה לְךָ֔ כֹּ֖ל אֲשֶׁ֣ר לִמְפִי־בֹ֑שֶׁת וַיֹּ֤אמֶר צִיבָא֙ הִֽשְׁתַּחֲוֵ֔יתִי אֶמְצָא־חֵ֥ן בְּעֵינֶ֖יךָ אֲדֹנִ֥י הַמֶּֽלֶךְ׃
Vayómer hamelej letsivá hiné lejá kol asher limfivóshet vayómer tsiva hishtajaveiti emtsa-jen be’eineja Adonai hamélej
Y el rey dijo a Tziba: He aquí, todo lo que pertenece a Mefiboset es tuyo. Y Tziba dijo: Me prosterno; que halle yo gracia ante tus ojos, oh rey, mi señor.
5
וּבָ֛א הַמֶּ֥לֶךְ דָּוִ֖ד עַד־בַּֽחוּרִ֑ים וְהִנֵּ֣ה מִשָּׁם֩ אִ֨ישׁ יוֹצֵ֜א מִמִּשְׁפַּ֣חַת בֵּית־שָׁא֗וּל וּשְׁמוֹ֙ שִׁמְעִ֣י בֶן־גֵּרָ֔א יֹצֵ֥א יָצ֖וֹא וּמְקַלֵּֽל׃
Uvá hamélej David ad-bajurim vehiné misham ish yotsé mimishpájat beit-Shaul ushemo shim’í ven-gerá yotsé yatsó umekalel
Y llegó el rey David hasta Bajurim; y he aquí, salió de allí un hombre de la familia de la casa de Shaul que se llamaba Shimhi, hijo de Guerá. Salir, salía, maldiciendo
6
וַיְסַקֵּ֤ל בָּֽאֲבָנִים֙ אֶת־דָּוִ֔ד וְאֶת־כָּל־עַבְדֵ֖י הַמֶּ֣לֶךְ דָּוִ֑ד וְכָל־הָעָם֙ וְכָל־הַגִּבֹּרִ֔ים מִימִינ֖וֹ וּמִשְּׂמֹאלֽוֹ׃
Vaysakel ba’avanim et-David ve’et-kol-avdéi hamélej David vejol-ha’am vejol-hagiborim miminó umisemoló
y tiraba piedras a David y a todos los siervos del rey David, y a todo el pueblo y todos los hombres valientes que estaban a su derecha y a su izquierda.
7
וְכֹֽה־אָמַ֥ר שִׁמְעִ֖י בְּקַֽלְל֑וֹ צֵ֥א צֵ֛א אִ֥ישׁ הַדָּמִ֖ים וְאִ֥ישׁ הַבְּלִיָּֽעַל׃
Vejo-amar shim’í bekaleló tse tse ish hadamim ve’ish habeliyá’al
Así decía Shimhi mientras maldecía: ¡Fuera, fuera, hombre sanguinario e indigno!
8
הֵשִׁיב֩ עָלֶ֨יךָ יְהוָ֜ה כֹּ֣ל ׀ דְּמֵ֣י בֵית־שָׁא֗וּל אֲשֶׁ֤ר מָלַ֙כְתָּ֙ תחתו [תַּחְתָּ֔יו] וַיִּתֵּ֤ן יְהוָה֙ אֶת־הַמְּלוּכָ֔ה בְּיַ֖ד אַבְשָׁל֣וֹם בְּנֶ֑ךָ וְהִנְּךָ֙ בְּרָ֣עָתֶ֔ךָ כִּ֛י אִ֥ישׁ דָּמִ֖ים אָֽתָּה׃
Heshiv aleja Adonai kol deméi veit-Shaul asher malajta tajtav vayitén Adonai et-hamelujá beyad avshalom beneja vehineja bera’ateja ki ish damim ata
El Señor ha hecho volver sobre ti toda la sangre derramada de la casa de Shaul, en cuyo lugar has reinado; el Señor ha entregado el reino en mano de tu hijo Abshalom. He aquí, estás prendido en tu propia maldad, porque eres hombre sanguinario.
9
וַיֹּ֨אמֶר אֲבִישַׁ֤י בֶּן־צְרוּיָה֙ אֶל־הַמֶּ֔לֶךְ לָ֣מָּה יְקַלֵּ֞ל הַכֶּ֤לֶב הַמֵּת֙ הַזֶּ֔ה אֶת־אֲדֹנִ֖י הַמֶּ֑לֶךְ אֶעְבְּרָה־נָּ֖א וְאָסִ֥ירָה אֶת־רֹאשֽׁוֹ׃ (ס)
Vayómer avishái ben-tseruya el-hamélej lama yekalel hakélev hamet hazé et-Adonai hamélej ebera-na ve’asira et-roshó
Entonces Abishay, hijo de Tzeruyá, dijo al rey: ¿Por qué ha de maldecir este perro muerto a mi señor el rey? Déjame que vaya ahora y le corte la cabeza.
10
וַיֹּ֣אמֶר הַמֶּ֔לֶךְ מַה־לִּ֥י וְלָכֶ֖ם בְּנֵ֣י צְרֻיָ֑ה כי [כֹּ֣ה] יְקַלֵּ֗ל וכי [כִּ֤י] יְהוָה֙ אָ֤מַר לוֹ֙ קַלֵּ֣ל אֶת־דָּוִ֔ד וּמִ֣י יֹאמַ֔ר מַדּ֖וּעַ עָשִׂ֥יתָה כֵּֽן׃ (ס)
Vayómer hamélej ma-li velajem benéi tseruyá ko yekalel ki Adonai ámar lo kalel et-David umí yomar madúa asita ken
Pero el rey dijo: ¿Qué tengo yo que ver con vosotros, hijos de Tzeruyá? Si él maldice, y si el Señor le ha dicho: “Maldice a David", ¿quién, pues, le dirá: ¿Por qué has hecho esto?”
11
וַיֹּ֨אמֶר דָּוִ֤ד אֶל־אֲבִישַׁי֙ וְאֶל־כָּל־עֲבָדָ֔יו הִנֵּ֥ה בְנִ֛י אֲשֶׁר־יָצָ֥א מִמֵּעַ֖י מְבַקֵּ֣שׁ אֶת־נַפְשִׁ֑י וְאַ֨ף כִּֽי־עַתָּ֜ה בֶּן־הַיְמִינִ֗י הַנִּ֤חוּ לוֹ֙ וִֽיקַלֵּ֔ל כִּ֥י אָֽמַר־ל֖וֹ יְהוָֽה׃
Vayómer David el-avishai ve’el-kol-avadav hiné vení asher-yatsá mime’ái mevakesh et-nafshí ve’af ki-atá ben-hayminí haniju lo vikalel ki amar-lo Adonai
Y David dijo a Abishay y a todos sus siervos: He aquí, mi hijo que salió de mis entrañas busca mi vida; ¿cuánto más entonces este hombre de Biniamín? Dejadlo, que siga maldiciendo, porque el Señor se lo ha dicho.
12
אוּלַ֛י יִרְאֶ֥ה יְהוָ֖ה בעוני [בְּעֵינִ֑י] וְהֵשִׁ֨יב יְהוָ֥ה לִי֙ טוֹבָ֔ה תַּ֥חַת קִלְלָת֖וֹ הַיּ֥וֹם הַזֶּֽה׃
Ulái yir’é Adonai be’einí veheshiv Adonai li tová tájat kilelató hayom hazé
Quizá el Señor vea mi aflicción y me devuelva bien por su maldición de hoy.
13
וַיֵּ֧לֶךְ דָּוִ֛ד וַאֲנָשָׁ֖יו בַּדָּ֑רֶךְ (ס) וְשִׁמְעִ֡י הֹלֵךְ֩ בְּצֵ֨לַע הָהָ֜ר לְעֻמָּת֗וֹ הָלוֹךְ֙ וַיְקַלֵּ֔ל וַיְסַקֵּ֤ל בָּֽאֲבָנִים֙ לְעֻמָּת֔וֹ וְעִפַּ֖ר בֶּעָפָֽר׃ (פ)
Vayélej David va’anashav badárej veshim’í holej betsela hahar le’umató haloje vaykalel vaysakel ba’avanim le’umató ve’ipar be’afar
Así pues, David y sus hombres siguieron su camino; y Shimhi iba por el lado del monte paralelo a él, y mientras iba lo maldecía, le tiraba piedras y le arrojaba tierra.
14
וַיָּבֹ֥א הַמֶּ֛לֶךְ וְכָל־הָעָ֥ם אֲשֶׁר־אִתּ֖וֹ עֲיֵפִ֑ים וַיִּנָּפֵ֖שׁ שָֽׁם׃
Vayavó hamélej vejol-ha’am asher-itó ayefim vayinafesh sham
Y llegaron fatigados, el rey y todo el pueblo que iba con él y allí descansaron.
15
וְאַבְשָׁל֗וֹם וְכָל־הָעָם֙ אִ֣ישׁ יִשְׂרָאֵ֔ל בָּ֖אוּ יְרוּשָׁלִָ֑ם וַאֲחִיתֹ֖פֶל אִתּֽוֹ׃
Ve’avshalom vejol-ha’am ish Yisrael bau Yerushaláyim va’ajitófel itó
Entonces Abshalom y todo el pueblo, los hombres de Israel, entraron en Jerusalem, y Ajitofel con él.
16
וַיְהִ֗י כַּֽאֲשֶׁר־בָּ֞א חוּשַׁ֧י הָאַרְכִּ֛י רֵעֶ֥ה דָוִ֖ד אֶל־אַבְשָׁל֑וֹם וַיֹּ֤אמֶר חוּשַׁי֙ אֶל־אַבְשָׁלֹ֔ם יְחִ֥י הַמֶּ֖לֶךְ יְחִ֥י הַמֶּֽלֶךְ׃
Vayhí ka’asher-ba jushái ha’arkí re’é David el-avshalom vayómer jushai el-avshalom yejí hamélej yejí hamélej
Sucedió que cuando Jushai de Arquí, amigo de David, vino a Abshalom, Jushai dijo a Abshalom: ¡Viva el rey! ¡Viva el rey!
17
וַיֹּ֤אמֶר אַבְשָׁלוֹם֙ אֶל־חוּשַׁ֔י זֶ֥ה חַסְדְּךָ֖ אֶת־רֵעֶ֑ךָ לָ֥מָּה לֹֽא־הָלַ֖כְתָּ אֶת־רֵעֶֽךָ׃
Vayómer avshalom el-jushái ze jasdejá et-re’eja lama lo-halajta et-re’eja
Y Abshalom dijo a Jushai: ¿Es esta tu lealtad para con tu amigo? ¿Por qué no fuiste con tu amigo?
18
וַיֹּ֣אמֶר חוּשַׁי֮ אֶל־אַבְשָׁלֹם֒ לֹ֕א כִּי֩ אֲשֶׁ֨ר בָּחַ֧ר יְהוָ֛ה וְהָעָ֥ם הַזֶּ֖ה וְכָל־אִ֣ישׁ יִשְׂרָאֵ֑ל לא [ל֥וֹ] אֶהְיֶ֖ה וְאִתּ֥וֹ אֵשֵֽׁב׃
Vayómer jushai el-avshalom lo ki asher bajar Adonai veha’am hazé vejol-ish Yisrael lo ehyé ve’itó eshev
Respondió Jushai a Abshalom: No, pues a quien ha escogido el Señor, y este pueblo y todos los hombres de Israel, de él seré, y con él me quedaré.
19
וְהַשֵּׁנִ֗ית לְמִי֙ אֲנִ֣י אֶֽעֱבֹ֔ד הֲל֖וֹא לִפְנֵ֣י בְנ֑וֹ כַּאֲשֶׁ֤ר עָבַ֙דְתִּי֙ לִפְנֵ֣י אָבִ֔יךָ כֵּ֖ן אֶהְיֶ֥ה לְפָנֶֽיךָ׃ (פ)
Vehashenit lemi aní e’evod haló lifnéi venó ka’asher avadti lifnéi avija ken ehyé lefaneja
Además, ¿a quién debería yo servir? ¿No habría de ser en la presencia de su hijo? Tal como he servido delante de tu padre, así seré delante de ti.
20
וַיֹּ֥אמֶר אַבְשָׁל֖וֹם אֶל־אֲחִיתֹ֑פֶל הָב֥וּ לָכֶ֛ם עֵצָ֖ה מַֽה־נַּעֲשֶֽׂה׃
Vayómer avshalom el-ajitófel havú lajem etsá ma-na’asé
Entonces Abshalom dijo a Ajitofel: Dad vuestro consejo. ¿Qué debemos hacer?
21
וַיֹּ֤אמֶר אֲחִיתֹ֙פֶל֙ אֶל־אַבְשָׁלֹ֔ם בּ֚וֹא אֶל־פִּלַגְשֵׁ֣י אָבִ֔יךָ אֲשֶׁ֥ר הִנִּ֖יחַ לִשְׁמ֣וֹר הַבָּ֑יִת וְשָׁמַ֤ע כָּל־יִשְׂרָאֵל֙ כִּֽי־נִבְאַ֣שְׁתָּ אֶת־אָבִ֔יךָ וְחָ֣זְק֔וּ יְדֵ֖י כָּל־אֲשֶׁ֥ר אִתָּֽךְ׃
Vayómer ajitofel el-avshalom bo el-pilagshéi avija asher hiniaj lishmor habáyit veshamá kol-Yisrael ki-niv’ashta et-avija vejazkú yedéi kol-asher itaj
Y Ajitofel respondió a Abshalom: Llégate a las concubinas de tu padre, a quienes él ha dejado para guardar la casa; entonces todo Israel sabrá que te has hecho odioso a tu padre, y las manos de todos los que están contigo se fortalecerán.
22
וַיַּטּ֧וּ לְאַבְשָׁל֛וֹם הָאֹ֖הֶל עַל־הַגָּ֑ג וַיָּבֹ֤א אַבְשָׁלוֹם֙ אֶל־פִּֽלַגְשֵׁ֣י אָבִ֔יו לְעֵינֵ֖י כָּל־יִשְׂרָאֵֽל׃
Vayatú le’avshalom ha’óhel al-hagag vayavó avshalom el-pilagshéi aviv le’einéi kol-Yisrael
Entonces erigieron la tienda, para Abshalom en la terraza, y Abshalom se allegó a las concubinas de su padre a la vista de todo Israel.
23
וַעֲצַ֣ת אֲחִיתֹ֗פֶל אֲשֶׁ֤ר יָעַץ֙ בַּיָּמִ֣ים הָהֵ֔ם כַּאֲשֶׁ֥ר יִשְׁאַל־[אִ֖ישׁ] בִּדְבַ֣ר הָאֱלֹהִ֑ים כֵּ֚ן כָּל־עֲצַ֣ת אֲחִיתֹ֔פֶל גַּם־לְדָוִ֖ד גַּ֥ם לְאַבְשָׁלֹֽם׃ (ס)
Va’atsat ajitófel asher ya’ats bayamim hahem ka’asher yish’al-ish bidvar ha’elohim ken kol-atsat ajitófel gam-ledavid gam le’avshalom
El consejo que Ajitofel daba en aquellos días era como si uno consultara la palabra de Dios; así era considerado todo consejo de Ajitofel tanto por David como por Abshalom.
2 Samuel
15
2 Samuel
17
