תנ״ך
Tanaj (Biblia)
beneyisrael.com
Inicio
Portada
Apoyar
Biblioteca
Opciones de lectura
עברית
Fonética
Español
Taamim
Nikud
Letras
A−
100%
A+
Comentarios
Neviim · 2 Samuel
שמואל ב כד
2 Samuel · Capítulo 24
25 versículos
24 comentarios
1
וַיֹּ֙סֶף֙ אַף־יְהוָ֔ה לַחֲר֖וֹת בְּיִשְׂרָאֵ֑ל וַיָּ֨סֶת אֶת־דָּוִ֤ד בָּהֶם֙ לֵאמֹ֔ר לֵ֛ךְ מְנֵ֥ה אֶת־יִשְׂרָאֵ֖ל וְאֶת־יְהוּדָֽה׃
Vayosef af-Adonai lajarot beyisra’el vayáset et-David bahem lemor lej mené et-Yisrael ve’et-Yehudá
Nuevamente la ira del Señor se encendió contra Israel, e incitó a David contra ellos, diciendo: Ve, haz un censo de Israel y de Yehudá.
2
וַיֹּ֨אמֶר הַמֶּ֜לֶךְ אֶל־יוֹאָ֣ב ׀ שַׂר־הַחַ֣יִל אֲשֶׁר־אִתּ֗וֹ שֽׁוּט־נָ֞א בְּכָל־שִׁבְטֵ֤י יִשְׂרָאֵל֙ מִדָּן֙ וְעַד־בְּאֵ֣ר שֶׁ֔בַע וּפִקְד֖וּ אֶת־הָעָ֑ם וְיָ֣דַעְתִּ֔י אֵ֖ת מִסְפַּ֥ר הָעָֽם׃ (ס)
Vayómer hamélej el-yo’av sar-hajáyil asher-itó shut-na bejol-shivtéi Yisrael midan ve’ad-be’er sheva ufikdú et-ha’am veyadatí et mispar ha’am
Y el rey dijo a Yoab, jefe del ejército, que estaba con él: Recorre todas las tribus de Israel, desde Dan hasta Beersheba, y hagan un censo del pueblo para que yo sepa el número de la gente.
3
וַיֹּ֨אמֶר יוֹאָ֜ב אֶל־הַמֶּ֗לֶךְ וְיוֹסֵ֣ף יְהוָה֩ אֱלֹהֶ֨יךָ אֶל־הָעָ֜ם כָּהֵ֤ם ׀ וְכָהֵם֙ מֵאָ֣ה פְעָמִ֔ים וְעֵינֵ֥י אֲדֹנִֽי־הַמֶּ֖לֶךְ רֹא֑וֹת וַאדֹנִ֣י הַמֶּ֔לֶךְ לָ֥מָּה חָפֵ֖ץ בַּדָּבָ֥ר הַזֶּֽה׃
Vayómer yo’av el-hamélej veiosef Adonai Eloheja el-ha’am kahem vejahem me’á fe’amim ve’einéi Adonai-hamélej root vadoní hamélej lama jaféts badavar hazé
Pero Yoab respondió al rey: Que el Señor tu Dios añada al pueblo cien veces más de lo que son, y que los ojos de mi señor el rey lo vean; pero, mi señor el rey: ¿por qué se complace en esto?
4
וַיֶּחֱזַ֤ק דְּבַר־הַמֶּ֙לֶךְ֙ אֶל־יוֹאָ֔ב וְעַ֖ל שָׂרֵ֣י הֶחָ֑יִל וַיֵּצֵ֨א יוֹאָ֜ב וְשָׂרֵ֤י הַחַ֙יִל֙ לִפְנֵ֣י הַמֶּ֔לֶךְ לִפְקֹ֥ד אֶת־הָעָ֖ם אֶת־יִשְׂרָאֵֽל׃
Vayejezak devar-hamelej el-yo’av ve’al saréi hejáyil vayetsé yo’av vesaréi hajayil lifnéi hamélej lifkod et-ha’am et-Yisrael
Sin embargo, la palabra del rey prevaleció contra Yoab y contra los jefes del ejército. Salieron, pues, Yoab y los jefes del ejército de la presencia del rey para contar al pueblo, a Israel.
5
וַיַּעַבְר֖וּ אֶת־הַיַּרְדֵּ֑ן וַיַּחֲנ֣וּ בַעֲרוֹעֵ֗ר יְמִ֥ין הָעִ֛יר אֲשֶׁ֛ר בְּתוֹךְ־הַנַּ֥חַל הַגָּ֖ד וְאֶל־יַעְזֵֽר׃
Vaya’avrú et-hayardén vayajanú va’aro’er yemín ha’ir asher betoje-hanájal hagad ve’el-yazer
Pasaron el Jordán y acamparon en Aroer, a la derecha de la ciudad que está en medio del arroyo de Gad, y en dirección a Iazer.
6
וַיָּבֹ֙אוּ֙ הַגִּלְעָ֔דָה וְאֶל־אֶ֥רֶץ תַּחְתִּ֖ים חָדְשִׁ֑י וַיָּבֹ֙אוּ֙ דָּ֣נָה יַּ֔עַן וְסָבִ֖יב אֶל־צִידֽוֹן׃
Vayavou hagil’ada ve’el-erets tajtim jodshí vayavou dana ya’an vesaviv el-tsidón
Y fueron a Guilad y a la tierra de Tajtim Jodshi; fueron a Dan Iaán y los alrededores de Tzidón;
7
וַיָּבֹ֙אוּ֙ מִבְצַר־צֹ֔ר וְכָל־עָרֵ֥י הַחִוִּ֖י וְהַֽכְּנַעֲנִ֑י וַיֵּֽצְא֛וּ אֶל־נֶ֥גֶב יְהוּדָ֖ה בְּאֵ֥ר שָֽׁבַע׃
Vayavou mivtsar-tsor vejol-aréi hajiví vehakena’aní vayetsú el-négev Yehudá be’er shava
fueron a la fortaleza de Tzor y a todas las ciudades de los Jivim y de los Cananeos, saliendo hacia el desierto de Yehudá, a Beersheba.
8
וַיָּשֻׁ֖טוּ בְּכָל־הָאָ֑רֶץ וַיָּבֹ֜אוּ מִקְצֵ֨ה תִשְׁעָ֧ה חֳדָשִׁ֛ים וְעֶשְׂרִ֥ים י֖וֹם יְרוּשָׁלִָֽם׃
Vayashutu bejol-ha’arets vayavóu miktsé tish’á jodashim ve’esrim yom Yerushaláyim
Recorrieron todo el país, y volvieron a Jerusalem al cabo de nueve meses y veinte días.
9
וַיִּתֵּ֥ן יוֹאָ֛ב אֶת־מִסְפַּ֥ר מִפְקַד־הָעָ֖ם אֶל־הַמֶּ֑לֶךְ וַתְּהִ֣י יִשְׂרָאֵ֡ל שְׁמֹנֶה֩ מֵא֨וֹת אֶ֤לֶף אִֽישׁ־חַ֙יִל֙ שֹׁ֣לֵֽף חֶ֔רֶב וְאִ֣ישׁ יְהוּדָ֔ה חֲמֵשׁ־מֵא֥וֹת אֶ֖לֶף אִֽישׁ׃
Vayitén yo’av et-mispar mifkad-ha’am el-hamélej vatehí Yisrael shemone meot élef ish-jayil shólef jérev ve’ish Yehudá jamesh-meot élef ish
Yoab dio al rey la cifra del censo del pueblo: había en Israel ochocientos mil hombres valientes que sacaban espada, y los de Yehudá eran quinientos mil hombres.
10
וַיַּ֤ךְ לֵב־דָּוִד֙ אֹת֔וֹ אַחֲרֵי־כֵ֖ן סָפַ֣ר אֶת־הָעָ֑ם (ס) וַיֹּ֨אמֶר דָּוִ֜ד אֶל־יְהוָ֗ה חָטָ֤אתִי מְאֹד֙ אֲשֶׁ֣ר עָשִׂ֔יתִי וְעַתָּ֣ה יְהוָ֔ה הַֽעֲבֶר־נָא֙ אֶת־עֲוֺ֣ן עַבְדְּךָ֔ כִּ֥י נִסְכַּ֖לְתִּי מְאֹֽד׃
Vayaj lev-David otó ajarei-jen safar et-ha’am vayómer David el-Adonai jatati me’od asher asiti ve’atá Adonai ha’aver-na et-aon avdejá ki niskalti me’od
Después que David contó el pueblo le pesó en su corazón. Y dijo David al Señor: He pecado en gran manera por lo que he hecho. Pero ahora, oh Señor, te ruego que quites la iniquidad de tu siervo, porque he obrado muy neciamente.
11
וַיָּ֥קָם דָּוִ֖ד בַּבֹּ֑קֶר (פ) וּדְבַר־יְהוָ֗ה הָיָה֙ אֶל־גָּ֣ד הַנָּבִ֔יא חֹזֵ֥ה דָוִ֖ד לֵאמֹֽר׃
Vayákom David babóker udevar-Adonai haya el-Gad hanaví jozé David lemor
y se levantó David por la mañana, y la palabra del Señor vino al profeta Gad, vidente de David, diciendo:
12
הָל֞וֹךְ וְדִבַּרְתָּ֣ אֶל־דָּוִ֗ד כֹּ֚ה אָמַ֣ר יְהוָ֔ה שָׁלֹ֕שׁ אָנֹכִ֖י נוֹטֵ֣ל עָלֶ֑יךָ בְּחַר־לְךָ֥ אַֽחַת־מֵהֶ֖ם וְאֶֽעֱשֶׂה־לָּֽךְ׃
Haloje vedibartá el-David ko amar Adonai shalosh anojí notel aleja bejar-lejá ajat-mehem ve’e’ese-laj
Ve y di a David: Así dice el Señor: Te ofrezco tres cosas; escoge para ti una de ellas, para que Yo la haga.
13
וַיָּבֹא־גָ֥ד אֶל־דָּוִ֖ד וַיַּגֶּד־ל֑וֹ וַיֹּ֣אמֶר ל֡וֹ הֲתָב֣וֹא לְךָ֣ שֶֽׁבַע שָׁנִ֣ים ׀ רָעָ֣ב ׀ בְּאַרְצֶ֡ךָ אִם־שְׁלֹשָׁ֣ה חֳ֠דָשִׁים נֻסְךָ֨ לִפְנֵֽי־צָרֶ֜יךָ וְה֣וּא רֹדְפֶ֗ךָ וְאִם־הֱ֠יוֹת שְׁלֹ֨שֶׁת יָמִ֥ים דֶּ֙בֶר֙ בְּאַרְצֶ֔ךָ עַתָּה֙ דַּ֣ע וּרְאֵ֔ה מָה־אָשִׁ֥יב שֹׁלְחִ֖י דָּבָֽר׃ (ס)
Vayavo-Gad el-David vayaged-lo vayómer lo hatavó lejá sheva-shanim ra’av be’artseja im-sheloshá jodashim nusjá lifnei-tsareja vehú rodfeja ve’im-heiot shelóshet yamim dever be’artseja ata da ure’é ma-ashiv sholjí davar
Y vino Gad a David y le habló y le dijo: ¿Quieres que te vengan siete años de hambre en tu tierra, o que huyas por tres meses delante de tus enemigos mientras te persiguen, o que haya tres días de pestilencia en tu tierra? Considera ahora, y mira qué respuesta he de dar al que me envió con esto.
14
וַיֹּ֧אמֶר דָּוִ֛ד אֶל־גָּ֖ד צַר־לִ֣י מְאֹ֑ד נִפְּלָה־נָּ֤א בְיַד־יְהוָה֙ כִּֽי־רַבִּ֣ים רחמו [רַֽחֲמָ֔יו] וּבְיַד־אָדָ֖ם אַל־אֶפֹּֽלָה׃
Vayómer David el-Gad tsar-li me’od nipela-na veyad-Adonai ki-rabim rajamav uveyad-adam al-epola
Respondió David a Gad: Estoy muy angustiado. Te ruego que nos dejes caer en manos del Señor porque grandes son sus misericordias, pero no caiga yo en manos de hombre.
15
וַיִּתֵּ֨ן יְהוָ֥ה דֶּ֙בֶר֙ בְּיִשְׂרָאֵ֔ל מֵהַבֹּ֖קֶר וְעַד־עֵ֣ת מוֹעֵ֑ד וַיָּ֣מָת מִן־הָעָ֗ם מִדָּן֙ וְעַד־בְּאֵ֣ר שֶׁ֔בַע שִׁבְעִ֥ים אֶ֖לֶף אִֽישׁ׃
Vayitén Adonai dever beyisra’el mehabóker ve’ad-et mo’ed vayámot min-ha’am midan ve’ad-be’er sheva shiv’im élef ish
Y el Señor envió pestilencia sobre Israel desde la mañana hasta el tiempo señalado; y murieron del pueblo desde Dan hasta Beersheba, setenta mil hombres.
16
וַיִּשְׁלַח֩ יָד֨וֹ הַמַּלְאָ֥ךְ ׀ יְרֽוּשָׁלִַם֮ לְשַׁחֲתָהּ֒ וַיִּנָּ֤חֶם יְהוָה֙ אֶל־הָ֣רָעָ֔ה וַ֠יֹּאמֶר לַמַּלְאָ֞ךְ הַמַּשְׁחִ֤ית בָּעָם֙ רַ֔ב עַתָּ֖ה הֶ֣רֶף יָדֶ֑ךָ וּמַלְאַ֤ךְ יְהוָה֙ הָיָ֔ה עִם־גֹּ֖רֶן האורנה [הָאֲרַ֥וְנָה] הַיְבֻסִֽי׃ (ס)
Vayishlaj yadó hamal’aj Yerushaláyim leshajatah vayinájem Adonai el-hara’á vayomer lamal’aj hamashjit ba’am rav atá héref yadeja umal’aj Adonai hayá im-goren ha’aravna hayvusí
Cuando el ángel extendió su mano hacia Jerusalem para destruirla, el Señor se arrepintió del mal, y dijo al ángel que destruía al pueblo: Suficiente, detén ahora tu mano. Y el ángel del Señor estaba junto al campo de Arabná el Iebusí.
17
וַיֹּאמֶר֩ דָּוִ֨ד אֶל־יְהוָ֜ה בִּרְאֹת֣וֹ ׀ אֶֽת־הַמַּלְאָ֣ךְ ׀ הַמַּכֶּ֣ה בָעָ֗ם וַיֹּ֙אמֶר֙ הִנֵּ֨ה אָנֹכִ֤י חָטָ֙אתִי֙ וְאָנֹכִ֣י הֶעֱוֵ֔יתִי וְאֵ֥לֶּה הַצֹּ֖אן מֶ֣ה עָשׂ֑וּ תְּהִ֨י נָ֥א יָדְךָ֛ בִּ֖י וּבְבֵ֥ית אָבִֽי׃ (פ)
Vayomer David el-Adonai bir’otó et-hamal’aj hamaké va’am vayomer hiné anojí jatati ve’anojí he’eveiti ve’ele hatsón me asú tehí na yadjá bi uveveit aví
y dijo David al Señor, cuando vio al ángel que hería al pueblo, y dijo: He aquí, yo soy el que ha pecado, y yo soy el que ha hecho mal; pero estas ovejas, ¿qué han hecho? Te ruego que tu mano caiga sobre mí y sobre la casa de mi padre.
18
וַיָּבֹא־גָ֥ד אֶל־דָּוִ֖ד בַּיּ֣וֹם הַה֑וּא וַיֹּ֣אמֶר ל֗וֹ עֲלֵה֙ הָקֵ֤ם לַֽיהוָה֙ מִזְבֵּ֔חַ בְּגֹ֖רֶן ארניה [אֲרַ֥וְנָה] הַיְבֻסִֽי׃
Vayavo-Gad el-David bayom hahú vayómer lo ale hakem laAdonai mizbeaj begoren aravna hayvusí
Y vino Gad a David aquel día y le dijo: Sube, edifica un altar al Señor en el campo de Arabná el Iebusí.
19
וַיַּ֤עַל דָּוִד֙ כִּדְבַר־גָּ֔ד כַּאֲשֶׁ֖ר צִוָּ֥ה יְהוָֽה׃
Vayá’al David kidvar-Gad ka’asher tsivá Adonai
David subió conforme a la palabra de Gad, tal como el Señor había ordenado.
20
וַיַּשְׁקֵ֣ף אֲרַ֗וְנָה וַיַּ֤רְא אֶת־הַמֶּ֙לֶךְ֙ וְאֶת־עֲבָדָ֔יו עֹבְרִ֖ים עָלָ֑יו וַיֵּצֵ֣א אֲרַ֔וְנָה וַיִּשְׁתַּ֧חוּ לַמֶּ֛לֶךְ אַפָּ֖יו אָֽרְצָה׃
Vayashkef aravna vayar et-hamelej ve’et-avadav ovrim alav vayetsé aravna vayishtaju lamélej apav artsa
Y Arabná miró y vio al rey y a sus siervos que venían hacia él; y saliendo Arabná, se postró rostro en tierra delante del rey.
21
וַיֹּ֣אמֶר אֲרַ֔וְנָה מַדּ֛וּעַ בָּ֥א אֲדֹנִֽי־הַמֶּ֖לֶךְ אֶל־עַבְדּ֑וֹ וַיֹּ֨אמֶר דָּוִ֜ד לִקְנ֧וֹת מֵעִמְּךָ֣ אֶת־הַגֹּ֗רֶן לִבְנ֤וֹת מִזְבֵּ֙חַ֙ לַֽיהוָ֔ה וְתֵעָצַ֥ר הַמַּגֵּפָ֖ה מֵעַ֥ל הָעָֽם׃
Vayómer aravna madúa ba Adonai-hamélej el-avdó vayómer David liknot me’imejá et-hagoren livnot mizbeaj laAdonai vete’atsar hamagefá me’al ha’am
Entonces Arabná dijo: ¿Por qué ha venido mi señor el rey a su siervo? Y David respondió: A comprarte el campo para edificar un altar al Señor, a fin de detener la plaga del pueblo.
22
וַיֹּ֤אמֶר אֲרַ֙וְנָה֙ אֶל־דָּוִ֔ד יִקַּ֥ח וְיַ֛עַל אֲדֹנִ֥י הַמֶּ֖לֶךְ הַטּ֣וֹב בעינו [בְּעֵינָ֑יו] רְאֵה֙ הַבָּקָ֣ר לָעֹלָ֔ה וְהַמֹּרִגִּ֛ים וּכְלֵ֥י הַבָּקָ֖ר לָעֵצִֽים׃
Vayómer aravna el-David yikaj veyá’al Adonai hamélej hatov be’einav re’e habakar la’olá vehamorigim ujeléi habakar la’etsim
Y Arabná dijo a David: Tome y ofrezca mi señor el rey lo que parezca bien a sus ojos. Mira, los bueyes para la ofrenda, y los rastrillos y los yugos de los bueyes para la leña.
23
הַכֹּ֗ל נָתַ֛ן אֲרַ֥וְנָה הַמֶּ֖לֶךְ לַמֶּ֑לֶךְ (ס) וַיֹּ֤אמֶר אֲרַ֙וְנָה֙ אֶל־הַמֶּ֔לֶךְ יְהוָ֥ה אֱלֹהֶ֖יךָ יִרְצֶֽךָ׃
Hakol natán aravna hamélej lamélej vayómer aravna el-hamélej Adonai Eloheja yirtseja
Todo lo da Arabná el rey al rey. Y Arabná dijo al rey: Que el Señor tu Dios te sea propicio.
24
וַיֹּ֨אמֶר הַמֶּ֜לֶךְ אֶל־אֲרַ֗וְנָה לֹ֚א כִּֽי־קָנ֨וֹ אֶקְנֶ֤ה מֵאֽוֹתְךָ֙ בִּמְחִ֔יר וְלֹ֧א אַעֲלֶ֛ה לַיהוָ֥ה אֱלֹהַ֖י עֹל֣וֹת חִנָּ֑ם וַיִּ֨קֶן דָּוִ֤ד אֶת־הַגֹּ֙רֶן֙ וְאֶת־הַבָּקָ֔ר בְּכֶ֖סֶף שְׁקָלִ֥ים חֲמִשִּֽׁים׃
Vayómer hamélej el-aravna lo ki-kanó ekné meoteja bimjir veló a’alé laAdonai Elohái olot jinam vayiken David et-hagoren ve’et-habakar bejésef shekalim jamishim
Pero el rey dijo a Arabná: No, sino que ciertamente por precio te lo compraré, pues no brindaré al Señor mi Dios ofrenda que no me cueste nada. Y David compró el campo y los bueyes por cincuenta siclos de plata.
25
וַיִּבֶן֩ שָׁ֨ם דָּוִ֤ד מִזְבֵּ֙חַ֙ לַֽיהוָ֔ה וַיַּ֥עַל עֹל֖וֹת וּשְׁלָמִ֑ים וַיֵּעָתֵ֤ר יְהוָה֙ לָאָ֔רֶץ וַתֵּעָצַ֥ר הַמַּגֵּפָ֖ה מֵעַ֥ל יִשְׂרָאֵֽל׃
Vayiven sham David mizbeaj laAdonai vayá’al olot ushelamim vaye’ater Adonai la’arets vate’atsar hamagefá me’al Yisrael
Y allí edificó David un altar al Señor, y brindó ofrendas y holocaustos. Y el Señor aceptó la súplica por la tierra y la plaga fue detenida en Israel.
2 Samuel
23
1 Reyes
1
