תנ״ך
Tanaj (Biblia)
beneyisrael.com
Inicio
Portada
Apoyar
Biblioteca
Opciones de lectura
עברית
Fonética
Español
Taamim
Nikud
Letras
A−
100%
A+
Comentarios
Neviim · 2 Samuel
שמואל ב ג
2 Samuel · Capítulo 3
39 versículos
11 comentarios
1
וַתְּהִ֤י הַמִּלְחָמָה֙ אֲרֻכָּ֔ה בֵּ֚ין בֵּ֣ית שָׁא֔וּל וּבֵ֖ין בֵּ֣ית דָּוִ֑ד וְדָוִד֙ הֹלֵ֣ךְ וְחָזֵ֔ק וּבֵ֥ית שָׁא֖וּל הֹלְכִ֥ים וְדַלִּֽים׃ (ס)
Vatehí hamiljama aruká bein beit Shaul uvéin beit David vedavid holej vejazek uveit Shaul holjim vedalim
Hubo larga guerra entre la casa de Shaul y la casa de David; y David se iba fortaleciendo, mientras que la casa de Shaul se iba debilitando.
2
וילדו [וַיִּוָּלְד֧וּ] לְדָוִ֛ד בָּנִ֖ים בְּחֶבְר֑וֹן וַיְהִ֤י בְכוֹרוֹ֙ אַמְנ֔וֹן לַאֲחִינֹ֖עַם הַיִּזְרְעֵאלִֽת׃
Vayivaldú ledavid banim bejevrón vayhí vejoro amnón la’ajinó’am hayizre’elit
A David le nacieron hijos en Hebrón; su primogénito fue Amnón, hijo de Ajinoam de Izreel;
3
וּמִשְׁנֵ֣הוּ כִלְאָ֔ב לאביגל [לַאֲֽבִיגַ֕יִל] אֵ֖שֶׁת נָבָ֣ל הַֽכַּרְמְלִ֑י וְהַשְּׁלִשִׁי֙ אַבְשָׁל֣וֹם בֶּֽן־מַעֲכָ֔ה בַּת־תַּלְמַ֖י מֶ֥לֶךְ גְּשֽׁוּר׃
Umishnehu jil’av la’avigáyil éshet naval hakarmelí vehashelishi avshalom ben-ma’ajá bat-talmái mélej geshur
el segundo, Quileab, de Abigail, esposa de Nabal de Carmel; el tercero, Abshalom, hijo de Maaja, hija de Talmai, rey de Geshur;
4
וְהָרְבִיעִ֖י אֲדֹנִיָּ֣ה בֶן־חַגִּ֑ית וְהַחֲמִישִׁ֖י שְׁפַטְיָ֥ה בֶן־אֲבִיטָֽל׃
Veharvi’í adoniyá ven-jagit vehajamishí shefatyá ven-avital
el cuarto, Adoniá, hijo de Jaguit; el quinto, Shefatiá, hijo de Abital,
5
וְהַשִּׁשִּׁ֣י יִתְרְעָ֔ם לְעֶגְלָ֖ה אֵ֣שֶׁת דָּוִ֑ד אֵ֛לֶּה יֻלְּד֥וּ לְדָוִ֖ד בְּחֶבְרֽוֹן׃ (פ)
Vehashishí yitre’am le’eglá éshet David ele yuledú ledavid bejevrón
y el sexto, Itream, de Egla, mujer de David. Estos le nacieron a David en Hebrón.
6
וַיְהִ֗י בִּֽהְיוֹת֙ הַמִּלְחָמָ֔ה בֵּ֚ין בֵּ֣ית שָׁא֔וּל וּבֵ֖ין בֵּ֣ית דָּוִ֑ד וְאַבְנֵ֛ר הָיָ֥ה מִתְחַזֵּ֖ק בְּבֵ֥ית שָׁאֽוּל׃
Vayhí bihyot hamiljamá bein beit Shaul uvéin beit David ve’avner hayá mitjazek beveit Shaul
Sucedió que durante la guerra que había entre la casa de Shaul y la casa de David, Abner se fortaleció en la casa de Shaul.
7
וּלְשָׁא֣וּל פִּלֶ֔גֶשׁ וּשְׁמָ֖הּ רִצְפָּ֣ה בַת־אַיָּ֑ה וַיֹּ֙אמֶר֙ אֶל־אַבְנֵ֔ר מַדּ֥וּעַ בָּ֖אתָה אֶל־פִּילֶ֥גֶשׁ אָבִֽי׃
Uleshaul pilégesh ushemah ritspá vat-ayá vayomer el-avner madúa bata el-pilégesh aví
Y Shaul había tenido una concubina cuyo nombre era Ritzpa, hija de Aja; y dijo a Abner: ¿Por qué te has allegado a la concubina de mi padre?
8
וַיִּחַר֩ לְאַבְנֵ֨ר מְאֹ֜ד עַל־דִּבְרֵ֣י אִֽישׁ־בֹּ֗שֶׁת וַיֹּ֙אמֶר֙ הֲרֹ֨אשׁ כֶּ֥לֶב אָנֹ֘כִי֮ אֲשֶׁ֣ר לִֽיהוּדָה֒ הַיּ֨וֹם אֶֽעֱשֶׂה־חֶ֜סֶד עִם־בֵּ֣ית ׀ שָׁא֣וּל אָבִ֗יךָ אֶל־אֶחָיו֙ וְאֶל־מֵ֣רֵעֵ֔הוּ וְלֹ֥א הִמְצִיתִ֖ךָ בְּיַד־דָּוִ֑ד וַתִּפְקֹ֥ד עָלַ֛י עֲוֺ֥ן הָאִשָּׁ֖ה הַיּֽוֹם׃
Vayijar le’avner me’od al-divréi ish-bóshet vayomer harosh kélev anoji asher lihudá hayom e’ese-jésed im-beit Shaul avija el-ejav ve’el-mere’ehu veló himtsitija beyad-David vatifkod alái aon ha’ishá hayom
Y Abner se enojó mucho por las palabras de Ishboshet, y dijo: ¿Acaso soy yo la cabeza de un perro de Yehudá? Hoy he mostrado bondad hacia la casa de tu padre Shaul, hacia sus hermanos y hacia sus amigos, y no te he entregado en manos de David; sin embargo, tú me recriminas hoy por una falta con esta mujer.
9
כֹּֽה־יַעֲשֶׂ֤ה אֱלֹהִים֙ לְאַבְנֵ֔ר וְכֹ֖ה יֹסִ֣יף ל֑וֹ כִּ֗י כַּאֲשֶׁ֨ר נִשְׁבַּ֤ע יְהוָה֙ לְדָוִ֔ד כִּֽי־כֵ֖ן אֶֽעֱשֶׂה־לּֽוֹ׃
Ko-ya’asé Elohim le’avner vejó yosif lo ki ka’asher nishbá Adonai ledavid ki-jen e’ese-lo
¡Así haga Dios a Abner, y más aún! Lo que el Señor ha jurado a David así haré para él
10
לְהַֽעֲבִ֥יר הַמַּמְלָכָ֖ה מִבֵּ֣ית שָׁא֑וּל וּלְהָקִ֞ים אֶת־כִּסֵּ֣א דָוִ֗ד עַל־יִשְׂרָאֵל֙ וְעַל־יְהוּדָ֔ה מִדָּ֖ן וְעַד־בְּאֵ֥ר שָֽׁבַע׃
Leha’avir hamamlajá mibeit Shaul ulehakim et-kisé David al-Yisrael ve’al-Yehudá midán ve’ad-be’er shava
transferiré el reino de la casa de Shaul y estableceré el trono de David sobre Israel y sobre Yehudá desde Dan hasta Beer Sheba.
11
וְלֹֽא־יָכֹ֣ל ע֔וֹד לְהָשִׁ֥יב אֶת־אַבְנֵ֖ר דָּבָ֑ר מִיִּרְאָת֖וֹ אֹתֽוֹ׃ (ס)
Velo-yajol od lehashiv et-avner davar miyir’ató otó
Y él ya no pudo responder a Abner ni una palabra, porque le temía.
12
וַיִּשְׁלַח֩ אַבְנֵ֨ר מַלְאָכִ֧ים ׀ אֶל־דָּוִ֛ד תחתו [תַּחְתָּ֥יו] לֵאמֹ֖ר לְמִי־אָ֑רֶץ לֵאמֹ֗ר כָּרְתָ֤ה בְרִֽיתְךָ֙ אִתִּ֔י וְהִנֵּה֙ יָדִ֣י עִמָּ֔ךְ לְהָסֵ֥ב אֵלֶ֖יךָ אֶת־כָּל־יִשְׂרָאֵֽל׃
Vayishlaj avner mal’ajim el-David tajtav lemor lemi-arets lemor kortá veritja ití vehine yadí imaj lehasev eleja et-kol-Yisrael
Entonces Abner envió mensajeros, a David de su parte, diciendo: ¿De quién es la tierra? Y que dijeran también: Haz tu pacto conmigo, y he aquí, mi mano será contigo para traer a ti a todo Israel.
13
וַיֹּ֣אמֶר ט֔וֹב אֲנִ֕י אֶכְרֹ֥ת אִתְּךָ֖ בְּרִ֑ית אַ֣ךְ דָּבָ֣ר אֶחָ֡ד אָנֹכִי֩ שֹׁאֵ֨ל מֵאִתְּךָ֤ לֵאמֹר֙ לֹא־תִרְאֶ֣ה אֶת־פָּנַ֔י כִּ֣י ׀ אִם־לִפְנֵ֣י הֱבִיאֲךָ֗ אֵ֚ת מִיכַ֣ל בַּת־שָׁא֔וּל בְּבֹאֲךָ֖ לִרְא֥וֹת אֶת־פָּנָֽי׃ (ס)
Vayómer tov aní ejrot itejá berit aj davar ejad anoji sho’el me’itejá lemor lo-tir’é et-panái ki im-lifnéi hevi’ajá et mijal bat-Shaul bevo’ajá lirot et-panái
Y él respondió: Muy bien. Haré pacto contigo, pero una cosa demando de ti: No verás mi rostro a menos que, cuando vengas a verme, traigas a Mijal, la hija de Shaul.
14
וַיִּשְׁלַ֤ח דָּוִד֙ מַלְאָכִ֔ים אֶל־אִֽישׁ־בֹּ֥שֶׁת בֶּן־שָׁא֖וּל לֵאמֹ֑ר תְּנָ֤ה אֶת־אִשְׁתִּי֙ אֶת־מִיכַ֔ל אֲשֶׁר֙ אֵרַ֣שְׂתִּי לִ֔י בְּמֵאָ֖ה עָרְל֥וֹת פְּלִשְׁתִּֽים׃
Vayishlaj David mal’ajim el-ish-bóshet ben-Shaul lemor tená et-ishti et-mijal asher erasti li beme’á orlot pelishtim
Y David envió mensajeros a Ishboshet, el hijo de Shaul, diciendo: Dame a mi mujer Mijal, con la cual me desposé por cien prepucios de los Pelishtim.
15
וַיִּשְׁלַח֙ אִ֣ישׁ בֹּ֔שֶׁת וַיִּקָּחֶ֖הָ מֵ֣עִֽם אִ֑ישׁ מֵעִ֖ם פַּלְטִיאֵ֥ל בֶּן־לוש [לָֽיִשׁ׃]
Vayishlaj ish bóshet vayikajeha mé’im ish me’im palti’el ben-láyish
Y envió Ishboshet, y la tomó del hombre, de Paltiel, hijo de Laish.
16
וַיֵּ֨לֶךְ אִתָּ֜הּ אִישָׁ֗הּ הָל֧וֹךְ וּבָכֹ֛ה אַחֲרֶ֖יהָ עַד־בַּֽחֻרִ֑ים וַיֹּ֨אמֶר אֵלָ֥יו אַבְנֵ֛ר לֵ֥ךְ שׁ֖וּב וַיָּשֹֽׁב׃
Vayélej itah ishah haloje uvajó ajareiha ad-bajurim vayómer elav avner lej shuv vayashov
Pero su marido fue con ella, llorando mientras iba tras ella, hasta Bajurim. Entonces Abner le dijo: Ve, vuélvete. Y él se volvió.
17
וּדְבַר־אַבְנֵ֣ר הָיָ֔ה עִם־זִקְנֵ֥י יִשְׂרָאֵ֖ל לֵאמֹ֑ר גַּם־תְּמוֹל֙ גַּם־שִׁלְשֹׁ֔ם הֱיִיתֶ֞ם מְבַקְשִׁ֧ים אֶת־דָּוִ֛ד לְמֶ֖לֶךְ עֲלֵיכֶֽם׃
Udevar-avner hayá im-ziknéi Yisrael lemor gam-temol gam-shilshom heyitem mevakshim et-David lemélej aleijem
Y la palabra de Abner fue con los ancianos de Israel, diciendo: desde ayer y antes también que pedís a David para que fuera rey sobre vosotros.
18
וְעַתָּ֖ה עֲשׂ֑וּ כִּ֣י יְהוָ֗ה אָמַ֤ר אֶל־דָּוִד֙ לֵאמֹ֔ר בְּיַ֣ד ׀ דָּוִ֣ד עַבְדִּ֗י הוֹשִׁ֜יעַ אֶת־עַמִּ֤י יִשְׂרָאֵל֙ מִיַּ֣ד פְּלִשְׁתִּ֔ים וּמִיַּ֖ד כָּל־אֹיְבֵיהֶֽם׃
Ve’atá asú ki Adonai amar el-David lemor beyad David avdí hoshía et-amí Yisrael miyad pelishtim umiyad kol-oyveihem
Ahora pues, hacedlo. Porque el Señor ha hablado acerca de David, diciendo: “Por mano de Mi siervo David salvaré a Mi pueblo Israel de mano de los Pelishtím y de mano de todos sus enemigos.”
19
וַיְדַבֵּ֥ר גַּם־אַבְנֵ֖ר בְּאָזְנֵ֣י בִנְיָמִ֑ין וַיֵּ֣לֶךְ גַּם־אַבְנֵ֗ר לְדַבֵּ֞ר בְּאָזְנֵ֤י דָוִד֙ בְּחֶבְר֔וֹן אֵ֤ת כָּל־אֲשֶׁר־טוֹב֙ בְּעֵינֵ֣י יִשְׂרָאֵ֔ל וּבְעֵינֵ֖י כָּל־בֵּ֥ית בִּנְיָמִֽן׃
Vaydaber gam-avner be’oznéi Binyamín vayélej gam-avner ledaber be’oznéi David bejevrón et kol-asher-tov be’einéi Yisrael uve’einéi kol-beit binyamín
Habló también Abner a oídos de los de Biniamín. Y además Abner fue a hablar a oídos de David en Hebrón de todo lo que parecía bien a ojos de Israel y a ojos de toda la casa de Biniamín.
20
וַיָּבֹ֨א אַבְנֵ֤ר אֶל־דָּוִד֙ חֶבְר֔וֹן וְאִתּ֖וֹ עֶשְׂרִ֣ים אֲנָשִׁ֑ים וַיַּ֨עַשׂ דָּוִ֧ד לְאַבְנֵ֛ר וְלַאֲנָשִׁ֥ים אֲשֶׁר־אִתּ֖וֹ מִשְׁתֶּֽה׃
Vayavó avner el-David jevrón ve’itó esrim anashim vaya’as David le’avner vela’anashim asher-itó mishté
Llegó Abner adonde estaba David, en Hebrón, y con él veinte hombres. Y David preparó un banquete para Abner y los hombres que le acompañaban.
21
וַיֹּ֣אמֶר אַבְנֵ֣ר אֶל־דָּוִ֡ד אָק֣וּמָה ׀ וְֽאֵלֵ֡כָה וְאֶקְבְּצָה֩ אֶל־אֲדֹנִ֨י הַמֶּ֜לֶךְ אֶת־כָּל־יִשְׂרָאֵ֗ל וְיִכְרְת֤וּ אִתְּךָ֙ בְּרִ֔ית וּמָ֣לַכְתָּ֔ בְּכֹ֥ל אֲשֶׁר־תְּאַוֶּ֖ה נַפְשֶׁ֑ךָ וַיְּשַׁלַּ֥ח דָּוִ֛ד אֶת־אַבְנֵ֖ר וַיֵּ֥לֶךְ בְּשָׁלֽוֹם׃
Vayómer avner el-David akuma ve’eleja ve’ekbetsa el-Adonai hamélej et-kol-Yisrael veyijretú iteja berit umalajtá bejol asher-te’avé nafsheja vayshalaj David et-avner vayélej beshalom
Y Abner dijo a David: Me levantaré e iré a reunir a todo Israel junto a mi señor el rey para que hagan un pacto contigo, y seas rey sobre todo lo que tu corazón desea. Entonces David despidió a Abner, y se fue en paz.
22
וְהִנֵּה֩ עַבְדֵ֨י דָוִ֤ד וְיוֹאָב֙ בָּ֣א מֵֽהַגְּד֔וּד וְשָׁלָ֥ל רָ֖ב עִמָּ֣ם הֵבִ֑יאוּ וְאַבְנֵ֗ר אֵינֶ֤נּוּ עִם־דָּוִד֙ בְּחֶבְר֔וֹן כִּ֥י שִׁלְּח֖וֹ וַיֵּ֥לֶךְ בְּשָׁלֽוֹם׃
Vehine avdéi David veio’av ba mehagedud veshalal rav imam hevíu ve’avner einenu im-David bejevrón ki shilejó vayélej beshalom
He aquí, los siervos de David y Yoab vinieron del campamento militar, trayendo consigo mucho botín; pero Abner no estaba con David en Hebrón, porque él lo había despedido y se había ido en paz.
23
וְיוֹאָ֛ב וְכָל־הַצָּבָ֥א אֲשֶׁר־אִתּ֖וֹ בָּ֑אוּ וַיַּגִּ֤דוּ לְיוֹאָב֙ לֵאמֹ֔ר בָּֽא־אַבְנֵ֤ר בֶּן־נֵר֙ אֶל־הַמֶּ֔לֶךְ וַֽיְשַׁלְּחֵ֖הוּ וַיֵּ֥לֶךְ בְּשָׁלֽוֹם׃
Veio’av vejol-hatsavá asher-itó bau vayagidu leio’av lemor ba-avner ben-ner el-hamélej vayshalejehu vayélej beshalom
Y Yoab y todo el ejército que estaba con él llegaron, y le dijeron a Yoab, diciendo: Abner, hijo de Ner, vino al rey, y él lo ha despedido y se fue en paz.
24
וַיָּבֹ֤א יוֹאָב֙ אֶל־הַמֶּ֔לֶךְ וַיֹּ֖אמֶר מֶ֣ה עָשִׂ֑יתָה הִנֵּה־בָ֤א אַבְנֵר֙ אֵלֶ֔יךָ לָמָּה־זֶּ֥ה שִׁלַּחְתּ֖וֹ וַיֵּ֥לֶךְ הָלֽוֹךְ׃
Vayavó yo’av el-hamélej vayómer me asita hine-va avner eleja lama-ze shilajtó vayélej haloje
Entonces vino Yoab al rey y dijo: ¿Qué has hecho? He aquí, Abner vino a ti; ¿por qué, pues, lo has despedido y él ya se ha ido?
25
יָדַ֙עְתָּ֙ אֶת־אַבְנֵ֣ר בֶּן־נֵ֔ר כִּ֥י לְפַתֹּתְךָ֖ בָּ֑א וְלָדַ֜עַת אֶת־מוֹצָֽאֲךָ֙ וְאֶת־מבואך [מ֣וֹבָאֶ֔ךָ] וְלָדַ֕עַת אֵ֛ת כָּל־אֲשֶׁ֥ר אַתָּ֖ה עֹשֶֽׂה׃
Yadata et-avner ben-ner ki lefatotjá ba veladá’at et-motsa’aja ve’et-mova’eja veladá’at et kol-asher atá osé
Conoces a Abner, hijo de Ner, ha venido a engañarte y saber de tus salidas y de tus entradas, y a enterarse de todo lo que haces.
26
וַיֵּצֵ֤א יוֹאָב֙ מֵעִ֣ם דָּוִ֔ד וַיִּשְׁלַ֤ח מַלְאָכִים֙ אַחֲרֵ֣י אַבְנֵ֔ר וַיָּשִׁ֥בוּ אֹת֖וֹ מִבּ֣וֹר הַסִּרָ֑ה וְדָוִ֖ד לֹ֥א יָדָֽע׃
Vayetsé yo’av me’im David vayishlaj mal’ajim ajaréi avner vayashivu otó mibor hasirá vedavid lo yadá
Y salió Yoab de donde estaba David, envió mensajeros tras Abner, y lo hicieron volver desde el pozo de Sira; pero David no lo sabía.
27
וַיָּ֤שָׁב אַבְנֵר֙ חֶבְר֔וֹן וַיַּטֵּ֤הוּ יוֹאָב֙ אֶל־תּ֣וֹךְ הַשַּׁ֔עַר לְדַבֵּ֥ר אִתּ֖וֹ בַּשֶּׁ֑לִי וַיַּכֵּ֤הוּ שָׁם֙ הַחֹ֔מֶשׁ וַיָּ֕מָת בְּדַ֖ם עֲשָׂה־אֵ֥ל אָחִֽיו׃
Vayáshov avner jevrón vayatehu yo’av el-toje hashá’ar ledaber itó basheli vayakehu sham hajómesh vayámot bedam asah’el ajiv
Y regresó Abner a Hebrón, y lo desvió Yoab hacia los portones para hablarle en privado, y allí lo hirió en el vientre y murió, a causa de la sangre de Asael su hermano.
28
וַיִּשְׁמַ֤ע דָּוִד֙ מֵאַ֣חֲרֵי כֵ֔ן וַיֹּ֗אמֶר נָקִ֨י אָנֹכִ֧י וּמַמְלַכְתִּ֛י מֵעִ֥ם יְהוָ֖ה עַד־עוֹלָ֑ם מִדְּמֵ֖י אַבְנֵ֥ר בֶּן־נֵֽר׃
Vayishmá David me’ájarei jen vayómer nakí anojí umamlajtí me’im Adonai ad-olam mideméi avner ben-ner
y después David lo supo y dijo: Yo y mi reino somos inocentes delante del Señor de la sangre de Abner, hijo de Ner, para siempre
29
יָחֻ֙לוּ֙ עַל־רֹ֣אשׁ יוֹאָ֔ב וְאֶ֖ל כָּל־בֵּ֣ית אָבִ֑יו וְֽאַל־יִכָּרֵ֣ת מִבֵּ֣ית יוֹאָ֡ב זָ֠ב וּמְצֹרָ֞ע וּמַחֲזִ֥יק בַּפֶּ֛לֶךְ וְנֹפֵ֥ל בַּחֶ֖רֶב וַחֲסַר־לָֽחֶם׃
Yajulu al-rosh yo’av ve’el kol-beit aviv ve’al-yikaret mibeit yo’av zav umetsorá umajazik bapélej venofel bajérev vajasar-lájem
Sobre la cabeza de Yoab y sobre toda la casa de su padre, y nunca falte en la casa de Yoab quien padezca flujo, ni quien sea leproso, ni quien se sostenga con báculo, ni quien muera a espada, ni quien carezca de pan.
30
וְיוֹאָב֙ וַאֲבִישַׁ֣י אָחִ֔יו הָרְג֖וּ לְאַבְנֵ֑ר עַל֩ אֲשֶׁ֨ר הֵמִ֜ית אֶת־עֲשָׂהאֵ֧ל אֲחִיהֶ֛ם בְּגִבְע֖וֹן בַּמִּלְחָמָֽה׃ (פ)
Veio’av va’avishái ajiv hargú le’avner al asher hemit et-asah’el ajihem begivón bamiljamá
Así pues, Yoab y su hermano Abishay asesinaron a Abner porque él había matado a Asael, hermano de ellos, en Guibón, en la guerra.
31
וַיֹּאמֶר֩ דָּוִ֨ד אֶל־יוֹאָ֜ב וְאֶל־כָּל־הָעָ֣ם אֲשֶׁר־אִתּ֗וֹ קִרְע֤וּ בִגְדֵיכֶם֙ וְחִגְר֣וּ שַׂקִּ֔ים וְסִפְד֖וּ לִפְנֵ֣י אַבְנֵ֑ר וְהַמֶּ֣לֶךְ דָּוִ֔ד הֹלֵ֖ךְ אַחֲרֵ֥י הַמִּטָּֽה׃
Vayomer David el-yo’av ve’el-kol-ha’am asher-itó kirú vigdeijem vejigrú sakim vesifdú lifnéi avner vehamélej David holej ajaréi hamitá
Y dijo David a Yoab y a todo el pueblo que estaba con él: Rasgad vuestros vestidos, y ceñíos de arapos, y haced duelo delante de Abner. Y el rey David iba detrás del féretro.
32
וַיִּקְבְּר֥וּ אֶת־אַבְנֵ֖ר בְּחֶבְר֑וֹן וַיִשָּׂ֧א הַמֶּ֣לֶךְ אֶת־קוֹל֗וֹ וַיֵּבְךְּ֙ אֶל־קֶ֣בֶר אַבְנֵ֔ר וַיִּבְכּ֖וּ כָּל־הָעָֽם׃ (פ)
Vayikberú et-avner bejevrón vayisá hamélej et-koló vayevke el-kéver avner vayivkú kol-ha’am
Sepultaron, pues, a Abner en Hebrón; y el rey alzó su voz y lloró junto al sepulcro de Abner, y lloró todo el pueblo.
33
וַיְקֹנֵ֥ן הַמֶּ֛לֶךְ אֶל־אַבְנֵ֖ר וַיֹּאמַ֑ר הַכְּמ֥וֹת נָבָ֖ל יָמ֥וּת אַבְנֵֽר׃
Vaykonén hamélej el-avner vayomar hakemot naval yamut avner
Y entonó el rey una lamentación por Abner, y dijo: ¿Había de morir Abner como muere un malvado?
34
יָדֶ֣ךָ לֹֽא־אֲסֻר֗וֹת וְרַגְלֶ֙יךָ֙ לֹא־לִנְחֻשְׁתַּ֣יִם הֻגָּ֔שׁוּ כִּנְפ֛וֹל לִפְנֵ֥י בְנֵֽי־עַוְלָ֖ה נָפָ֑לְתָּ וַיֹּסִ֥פוּ כָל־הָעָ֖ם לִבְכּ֥וֹת עָלָֽיו׃
Yadeja lo-asurot veragleja lo-linjushtáyim hugashu kinfol lifnéi venei-avlá nafalta vayosifu jol-ha’am livkot alav
Tus manos no estaban atadas, ni tus pies puestos en grillos; como el que cae delante de los malvados, has caído. Y todo el pueblo volvió a llorar por él.
35
וַיָּבֹ֣א כָל־הָעָ֗ם לְהַבְר֧וֹת אֶת־דָּוִ֛ד לֶ֖חֶם בְּע֣וֹד הַיּ֑וֹם וַיִּשָּׁבַ֨ע דָּוִ֜ד לֵאמֹ֗ר כֹּ֣ה יַעֲשֶׂה־לִּ֤י אֱלֹהִים֙ וְכֹ֣ה יֹסִ֔יף כִּ֣י אִם־לִפְנֵ֧י בֽוֹא־הַשֶּׁ֛מֶשׁ אֶטְעַם־לֶ֖חֶם א֥וֹ כָל־מְאֽוּמָה׃
Vayavó jol-ha’am lehavrot et-David léjem beod hayom vayishavá David lemor ko ya’ase-li Elohim vejó yosif ki im-lifnéi vo-hashémesh et’am-léjem o jol-meuma
Entonces todo el pueblo se llegó a David para persuadirlo a que comiera pan mientras aún era de día; pero David juró,diciendo: Así me haga Dios y aún más, si pruebo pan o cosa alguna antes de ponerse el sol.
36
וְכָל־הָעָ֣ם הִכִּ֔ירוּ וַיִּיטַ֖ב בְּעֵֽינֵיהֶ֑ם כְּכֹל֙ אֲשֶׁ֣ר עָשָׂ֣ה הַמֶּ֔לֶךְ בְּעֵינֵ֥י כָל־הָעָ֖ם טֽוֹב׃
Vejol-ha’am hikiru vayitav be’eineihem kejol asher asá hamélej be’einéi jol-ha’am tov
Y todo el pueblo reparó en ello, y les agradó, pues todo lo que el rey hacía agradaba a todo el pueblo.
37
וַיֵּדְע֧וּ כָל־הָעָ֛ם וְכָל־יִשְׂרָאֵ֖ל בַּיּ֣וֹם הַה֑וּא כִּ֣י לֹ֤א הָיְתָה֙ מֵֽהַמֶּ֔לֶךְ לְהָמִ֖ית אֶת־אַבְנֵ֥ר בֶּן־נֵֽר׃ (פ)
Vayedú jol-ha’am vejol-Yisrael bayom hahú ki lo hayta mehamélej lehamit et-avner ben-ner
Y aquel día supo todo el pueblo y todo Israel que no había sido el deseo del rey de que se diera muerte a Abner, hijo de Ner.
38
וַיֹּ֥אמֶר הַמֶּ֖לֶךְ אֶל־עֲבָדָ֑יו הֲל֣וֹא תֵדְע֔וּ כִּי־שַׂ֣ר וְגָד֗וֹל נָפַ֛ל הַיּ֥וֹם הַזֶּ֖ה בְּיִשְׂרָאֵֽל׃
Vayómer hamélej el-avadav haló tedú ki-sar vegadol nafal hayom hazé beyisra’el
Y dijo el rey a sus siervos: ¿Acaso no sabéis que un príncipe y un gran hombre ha caído hoy en Israel?
39
וְאָנֹכִ֨י הַיּ֥וֹם רַךְ֙ וּמָשׁ֣וּחַ מֶ֔לֶךְ וְהָאֲנָשִׁ֥ים הָאֵ֛לֶּה בְּנֵ֥י צְרוּיָ֖ה קָשִׁ֣ים מִמֶּ֑נִּי יְשַׁלֵּ֧ם יְהוָ֛ה לְעֹשֵׂ֥ה הָרָעָ֖ה כְּרָעָתֽוֹ׃ (פ)
Ve’anojí hayom raj umashuaj mélej veha’anashim ha’ele benéi tseruyá kashim mimeni yeshalem Adonai le’osé hara’á kera’ató
Hoy soy débil, aunque ungido rey; y estos hombres, hijos de Tzeruiá, son más duros que yo. Que el Señor pague al malhechor conforme a su maldad.
2 Samuel
2
2 Samuel
4
