תנ״ך
Tanaj (Biblia)
beneyisrael.com
Inicio
Portada
Apoyar
Biblioteca
Opciones de lectura
עברית
Fonética
Español
Taamim
Nikud
Letras
A−
100%
A+
Comentarios
Torá · Deuteronomio
דברים י
Deuteronomio · Capítulo 10
22 versículos
11 comentarios
1
בָּעֵ֨ת הַהִ֜וא אָמַ֧ר יְהוָ֣ה אֵלַ֗י פְּסָל־לְךָ֞ שְׁנֵֽי־לֻוחֹ֤ת אֲבָנִים֙ כָּרִ֣אשֹׁנִ֔ים וַעֲלֵ֥ה אֵלַ֖י הָהָ֑רָה וְעָשִׂ֥יתָ לְּךָ֖ אֲר֥וֹן עֵֽץ׃
Ba’et hahiv amar Adonai elái pesol-lejá shenei-lujot avanim karishonim va’alé elái hahara ve’asita lejá arón ets
En aquel tiempo me dijo Adonai a mí: Talla tú, dos tablas de piedras, como las primeras y asciende hacia Mí, hacia la montaña; y habrás de hacerte un arca de madera.
2
וְאֶכְתֹּב֙ עַל־הַלֻּחֹ֔ת אֶת־הַדְּבָרִ֔ים אֲשֶׁ֥ר הָי֛וּ עַל־הַלֻּחֹ֥ת הָרִאשֹׁנִ֖ים אֲשֶׁ֣ר שִׁבַּ֑רְתָּ וְשַׂמְתָּ֖ם בָּאָרֽוֹן׃
Ve’ejtov al-halujot et-hadevarim asher hayú al-halujot harishonim asher shibarta vesamtam ba’arón
Y Yo escribiré sobre las tablas las Palabras -que estaban sobre las Tablas primeras- que habías quebrado, y las colocarás en el Arca.
3
וָאַ֤עַשׂ אֲרוֹן֙ עֲצֵ֣י שִׁטִּ֔ים וָאֶפְסֹ֛ל שְׁנֵי־לֻחֹ֥ת אֲבָנִ֖ים כָּרִאשֹׁנִ֑ים וָאַ֣עַל הָהָ֔רָה וּשְׁנֵ֥י הַלֻּחֹ֖ת בְּיָדִֽי׃
Va’a’as aron atséi shitim va’efsol shenei-lujot avanim karishonim va’á’al hahara ushenéi halujot beyadí
Hice un Arca de madera de acacias, tallé dos tablas de piedras como las primeras, ascendí a la montaña y las dos tablas en mi mano.
4
וַיִּכְתֹּ֨ב עַֽל־הַלֻּחֹ֜ת כַּמִּכְתָּ֣ב הָרִאשׁ֗וֹן אֵ֚ת עֲשֶׂ֣רֶת הַדְּבָרִ֔ים אֲשֶׁ֣ר דִּבֶּר֩ יְהוָ֨ה אֲלֵיכֶ֥ם בָּהָ֛ר מִתּ֥וֹךְ הָאֵ֖שׁ בְּי֣וֹם הַקָּהָ֑ל וַיִּתְּנֵ֥ם יְהוָ֖ה אֵלָֽי׃
Vayijtov al-halujot kamijtav harishón et aséret hadevarim asher diber Adonai aleijem bahar mitoje ha’esh beiom hakahal vayitenem Adonai elái
Escribió El sobre las tablas, como la escritura primera: las diez palabras que había hablado Adonai a vosotros en la montaña, de en medio del fuego, en el día de la Asamblea, y me las dio Adonai a mí.
5
וָאֵ֗פֶן וָֽאֵרֵד֙ מִן־הָהָ֔ר וָֽאָשִׂם֙ אֶת־הַלֻּחֹ֔ת בָּאָר֖וֹן אֲשֶׁ֣ר עָשִׂ֑יתִי וַיִּ֣הְיוּ שָׁ֔ם כַּאֲשֶׁ֥ר צִוַּ֖נִי יְהוָֽה׃
Va’efen va’ered min-hahar va’asim et-halujot ba’arón asher asiti vayihyu sham ka’asher tsivani Adonai
Me trasladé y descendí de la montaña y puse las Tablas en el Arca que había hecho; y quedaron allí, como me había ordenado Adonai.
6
וּבְנֵ֣י יִשְׂרָאֵ֗ל נָֽסְע֛וּ מִבְּאֵרֹ֥ת בְּנֵי־יַעֲקָ֖ן מוֹסֵרָ֑ה שָׁ֣ם מֵ֤ת אַהֲרֹן֙ וַיִּקָּבֵ֣ר שָׁ֔ם וַיְכַהֵ֛ן אֶלְעָזָ֥ר בְּנ֖וֹ תַּחְתָּֽיו׃
Uvenéi Yisrael nasú mibe’erot benei-ya’akán moserá sham met Aharón vayikaver sham vayjahén el’azar benó tajtav
Y los hijos de Israel partieron desde Beerot-Bené- Iahakán a Moseráh; allí murió Aharón y fue sepultado allí; y fue investido Elhazar su hijo, en su reemplazo.
7
מִשָּׁ֥ם נָסְע֖וּ הַגֻּדְגֹּ֑דָה וּמִן־הַגֻּדְגֹּ֣דָה יָטְבָ֔תָה אֶ֖רֶץ נַ֥חֲלֵי מָֽיִם׃
Misham nasú hagudgoda umin-hagudgoda yotvata erets najaleí máyim
Desde allí se trasladaron a Gudgod; y desde Gudgod a Iotbat, tierra de torrentes de agua.
8
בָּעֵ֣ת הַהִ֗וא הִבְדִּ֤יל יְהוָה֙ אֶת־שֵׁ֣בֶט הַלֵּוִ֔י לָשֵׂ֖את אֶת־אֲר֣וֹן בְּרִית־יְהוָ֑ה לַעֲמֹד֩ לִפְנֵ֨י יְהוָ֤ה לְשָֽׁרְתוֹ֙ וּלְבָרֵ֣ךְ בִּשְׁמ֔וֹ עַ֖ד הַיּ֥וֹם הַזֶּֽה׃
Ba’et hahiv hivdil Adonai et-shévet haleví laset et-arón berit-Adonai la’amod lifnéi Adonai lesharto ulevarej bishmó ad hayom hazé
En aquel tiempo separó Adonai a la tribu de Leví, para portar el Arca del Pacto de Adonai, para permanecer ante Adonai para servir ante El, y para bendecir en Su Nombre, hasta el día este.
9
עַל־כֵּ֞ן לֹֽא־הָיָ֧ה לְלֵוִ֛י חֵ֥לֶק וְנַחֲלָ֖ה עִם־אֶחָ֑יו יְהוָה֙ ה֣וּא נַחֲלָת֔וֹ כַּאֲשֶׁ֥ר דִּבֶּ֛ר יְהוָ֥ה אֱלֹהֶ֖יךָ לֽוֹ׃
Al-ken lo-hayá leleví jélek venajalá im-ejav Adonai hu najalató ka’asher diber Adonai Eloheja lo
Por eso, no hubo para Leví ni parte ni heredad con sus hermanos. Adonai es su heredad, como le había hablado Adonai tu D’s. a él.
10
וְאָנֹכִ֞י עָמַ֣דְתִּי בָהָ֗ר כַּיָּמִים֙ הָרִ֣אשֹׁנִ֔ים אַרְבָּעִ֣ים י֔וֹם וְאַרְבָּעִ֖ים לָ֑יְלָה וַיִּשְׁמַ֨ע יְהוָ֜ה אֵלַ֗י גַּ֚ם בַּפַּ֣עַם הַהִ֔וא לֹא־אָבָ֥ה יְהוָ֖ה הַשְׁחִיתֶֽךָ׃
Ve’anojí amadti vahar kayamim harishonim arba’im yom ve’arba’im layla vayishmá Adonai elái gam bapá’am hahiv lo-avá Adonai hashjiteja
Empero yo permanecí en la montaña como los días primeros: cuarenta dí as y cuarenta noches; y me escuchó Adonai a mí también aquella vez; no quiso Adonai dañarte.
11
וַיֹּ֤אמֶר יְהוָה֙ אֵלַ֔י ק֛וּם לֵ֥ךְ לְמַסַּ֖ע לִפְנֵ֣י הָעָ֑ם וְיָבֹ֙אוּ֙ וְיִֽרְשׁ֣וּ אֶת־הָאָ֔רֶץ אֲשֶׁר־נִשְׁבַּ֥עְתִּי לַאֲבֹתָ֖ם לָתֵ֥ת לָהֶֽם׃ (פ)
Vayómer Adonai elái kum lej lemasá lifnéi ha’am veyavou veyirshú et-ha’arets asher-nishbati la’avotam latet lahem
Me dijo Adonai a mí: Levántate, ve -para partir- delante del pueblo; y que vengan y que posean la tierra que prometí a sus patriarcas, a darles a ellos.
12
וְעַתָּה֙ יִשְׂרָאֵ֔ל מָ֚ה יְהוָ֣ה אֱלֹהֶ֔יךָ שֹׁאֵ֖ל מֵעִמָּ֑ךְ כִּ֣י אִם־לְ֠יִרְאָה אֶת־יְהוָ֨ה אֱלֹהֶ֜יךָ לָלֶ֤כֶת בְּכָל־דְּרָכָיו֙ וּלְאַהֲבָ֣ה אֹת֔וֹ וְלַֽעֲבֹד֙ אֶת־יְהוָ֣ה אֱלֹהֶ֔יךָ בְּכָל־לְבָבְךָ֖ וּבְכָל־נַפְשֶֽׁךָ׃
Ve’ata Yisrael ma Adonai Eloheja sho’el me’imaj ki im-leyir’a et-Adonai Eloheja laléjet bejol-derajav ule’ahavá otó vela’avod et-Adonai Eloheja bejol-levavjá uvejol-nafsheja
Y ahora, Israel: ¿Qué es lo que Adonai tu D’s. demanda de ti? Sino que: venerar a Adonai tu D’s., encaminarte por todas Sus Sendas, y amarlo, y servir a Adonai tu D’s., con todo tu corazón y con todo tu ser.
13
לִשְׁמֹ֞ר אֶת־מִצְוֺ֤ת יְהוָה֙ וְאֶת־חֻקֹּתָ֔יו אֲשֶׁ֛ר אָנֹכִ֥י מְצַוְּךָ֖ הַיּ֑וֹם לְט֖וֹב לָֽךְ׃
Lishmor et-mitsot Adonai ve’et-jukotav asher anojí metsavejá hayom letov laj
Observar los Mandamientos de Adonai y Sus Leyes -que yo te ordeno hoy- para tu bien.
14
הֵ֚ן לַיהוָ֣ה אֱלֹהֶ֔יךָ הַשָּׁמַ֖יִם וּשְׁמֵ֣י הַשָּׁמָ֑יִם הָאָ֖רֶץ וְכָל־אֲשֶׁר־בָּֽהּ׃
Hen laAdonai Eloheja hashamáyim usheméi hashamáyim ha’arets vejol-asher-bah
He aquí que de Adonai tu D’s., son los cielos, y los cielos de los cielos, la tierra y todo lo que hay en ella.
15
רַ֧ק בַּאֲבֹתֶ֛יךָ חָשַׁ֥ק יְהוָ֖ה לְאַהֲבָ֣ה אוֹתָ֑ם וַיִּבְחַ֞ר בְּזַרְעָ֣ם אַחֲרֵיהֶ֗ם בָּכֶ֛ם מִכָּל־הָעַמִּ֖ים כַּיּ֥וֹם הַזֶּה׃
Rak ba’avoteja jashak Adonai le’ahavá otam vayivjar bezar’am ajareihem bajem mikol-ha’amim kayom hazé
Pero solamente a tus patriarcas ha deseado Adonai para amarlos; y eligió a su descendencia en pos de ellos -a vosotros- de entre todos los pueblos, como el día este.
16
וּמַלְתֶּ֕ם אֵ֖ת עָרְלַ֣ת לְבַבְכֶ֑ם וְעָ֨רְפְּכֶ֔ם לֹ֥א תַקְשׁ֖וּ עֽוֹד׃
Umaltem et orlat levavjem ve’orpejem lo takshú od
Y habréis de abrir el atasco de vuestro corazón, y vuestra cerviz no habréis de endurecer más.
17
כִּ֚י יְהוָ֣ה אֱלֹֽהֵיכֶ֔ם ה֚וּא אֱלֹהֵ֣י הָֽאֱלֹהִ֔ים וַאֲדֹנֵ֖י הָאֲדֹנִ֑ים הָאֵ֨ל הַגָּדֹ֤ל הַגִּבֹּר֙ וְהַנּוֹרָ֔א אֲשֶׁר֙ לֹא־יִשָּׂ֣א פָנִ֔ים וְלֹ֥א יִקַּ֖ח שֹֽׁחַד׃
Ki Adonai Eloheijem hu Elohéi ha’elohim va’adonéi ha’adonim ha’el hagadol hagibor vehanorá asher lo-yisá fanim veló yikaj shójad
Pues Adonai vuestro D’s., es D’s. de los dioses y Señor de los señores; El D’s. Magno, Poderoso y Temible, ante quien no hay favoritismo, ni acepta soborno.
18
עֹשֶׂ֛ה מִשְׁפַּ֥ט יָת֖וֹם וְאַלְמָנָ֑ה וְאֹהֵ֣ב גֵּ֔ר לָ֥תֶת ל֖וֹ לֶ֥חֶם וְשִׂמְלָֽה׃
Osé mishpat yatom ve’almaná ve’ohev ger látet lo léjem vesimlá
El vindica la causa del huérfano y la viuda, y ama al prosélito, para darle pan y vestimenta.
19
וַאֲהַבְתֶּ֖ם אֶת־הַגֵּ֑ר כִּֽי־גֵרִ֥ים הֱיִיתֶ֖ם בְּאֶ֥רֶץ מִצְרָֽיִם׃
Va’ahavtem et-hager ki-gerim heyitem be’erets Mitsraim
Amad al prosélito, ya que extranjeros habéis sido en la tierra de Egipto.
20
אֶת־יְהוָ֧ה אֱלֹהֶ֛יךָ תִּירָ֖א אֹת֣וֹ תַעֲבֹ֑ד וּב֣וֹ תִדְבָּ֔ק וּבִשְׁמ֖וֹ תִּשָּׁבֵֽעַ׃
Et-Adonai Eloheja tirá otó ta’avod uvó tidbak uvishmó tishavéa
A Adonai tu D’s. habrás de venerar, a El habrás de servir; y a El habrás de adherirte y por Su Nombre podrás jurar.
21
ה֥וּא תְהִלָּתְךָ֖ וְה֣וּא אֱלֹהֶ֑יךָ אֲשֶׁר־עָשָׂ֣ה אִתְּךָ֗ אֶת־הַגְּדֹלֹ֤ת וְאֶת־הַנּֽוֹרָאֹת֙ הָאֵ֔לֶּה אֲשֶׁ֥ר רָא֖וּ עֵינֶֽיךָ׃
Hu tehilatjá vehú Eloheja asher-asá itejá et-hagedolot ve’et-hanora’ot ha’ele asher rau eineja
Con El te loarás y El es tu D’s. El que ha hecho contigo los prodigios y los portentos estos, que han visto tus ojos.
22
בְּשִׁבְעִ֣ים נֶ֔פֶשׁ יָרְד֥וּ אֲבֹתֶ֖יךָ מִצְרָ֑יְמָהּ וְעַתָּ֗ה שָֽׂמְךָ֙ יְהוָ֣ה אֱלֹהֶ֔יךָ כְּכוֹכְבֵ֥י הַשָּׁמַ֖יִם לָרֹֽב׃
Beshiv’im néfesh yardú avoteja mitsrayma ve’atá samja Adonai Eloheja kejojevéi hashamáyim larov
Con setenta personas descendieron tus patriarcas a Egipto; empero ahora te ha convertido Adonai tu D’s., cual estrellas de los cielos, en profusión.
Deuteronomio
9
Deuteronomio
11
