תנ״ך
Tanaj (Biblia)
Portada
Apoyar
Biblioteca
beneyisrael.com
Inicio
OPCIONES DE LECTURA
Capas de lectura
עברית
Fonética
Español
Hebreo
Taamim
Nikud
Letras
Tamaño de letra
A−
100%
A+
Comentarios
Mostrar
Ocultar
Torá · Deuteronomio
דברים ל
Deuteronomio · Capítulo 30
20 versículos
13 comentarios
1
וְהָיָה֩ כִֽי־יָבֹ֨אוּ עָלֶ֜יךָ כָּל־הַדְּבָרִ֣ים הָאֵ֗לֶּה הַבְּרָכָה֙ וְהַקְּלָלָ֔ה אֲשֶׁ֥ר נָתַ֖תִּי לְפָנֶ֑יךָ וַהֲשֵׁבֹתָ֙ אֶל־לְבָבֶ֔ךָ בְּכָל־הַגּוֹיִ֔ם אֲשֶׁ֧ר הִדִּיחֲךָ֛ יְהוָ֥ה אֱלֹהֶ֖יךָ שָֽׁמָּה׃
Vehaya ji-yavóu aleja kol-hadevarim ha’ele haberaja vehakelalá asher natati lefaneja vahashevota el-levaveja bejol-hagoyim asher hidijajá Adonai Eloheja shama
Y sucederá que cuando vengan sobre ti todas estas cosas, la bendición y la maldición, que he puesto delante de ti, y las harás volver a tu corazón entre todas las naciones adonde te haya desterrado HaShem tu Elohim,
2
וְשַׁבְתָּ֞ עַד־יְהוָ֤ה אֱלֹהֶ֙יךָ֙ וְשָׁמַעְתָּ֣ בְקֹל֔וֹ כְּכֹ֛ל אֲשֶׁר־אָנֹכִ֥י מְצַוְּךָ֖ הַיּ֑וֹם אַתָּ֣ה וּבָנֶ֔יךָ בְּכָל־לְבָבְךָ֖ וּבְכָל־נַפְשֶֽׁךָ׃
Veshavtá ad-Adonai Eloheja veshamatá vekoló kejol asher-anojí metsavejá hayom atá uvaneja bejol-levavjá uvejol-nafsheja
y retornarás hasta HaShem tu Elohim y escucharás su voz, conforme a todo lo que yo te ordeno hoy, tú y tus hijos, con todo tu corazón y con toda tu alma,
3
וְשָׁ֨ב יְהוָ֧ה אֱלֹהֶ֛יךָ אֶת־שְׁבוּתְךָ֖ וְרִחֲמֶ֑ךָ וְשָׁ֗ב וְקִבֶּצְךָ֙ מִכָּל־הָ֣עַמִּ֔ים אֲשֶׁ֧ר הֱפִֽיצְךָ֛ יְהוָ֥ה אֱלֹהֶ֖יךָ שָֽׁמָּה׃
Veshav Adonai Eloheja et-shevutejá verijameja veshav vekibetsja mikol-ha’amim asher hefitsjá Adonai Eloheja shama
entonces HaShem tu Elohim hará volver tu cautividad y tendrá misericordia de ti, y volverá y te reunirá de entre todos los pueblos adonde te haya dispersado HaShem tu Elohim.
4
אִם־יִהְיֶ֥ה נִֽדַּחֲךָ֖ בִּקְצֵ֣ה הַשָּׁמָ֑יִם מִשָּׁ֗ם יְקַבֶּצְךָ֙ יְהוָ֣ה אֱלֹהֶ֔יךָ וּמִשָּׁ֖ם יִקָּחֶֽךָ׃
Im-yihyé nidajajá biktsé hashamáyim misham yekabetsja Adonai Eloheja umisham yikajeja
Si estuviere tu desterrado en el extremo de los cielos, de allí te reunirá HaShem tu Elohim y de allí te tomará.
5
וֶהֱבִֽיאֲךָ֞ יְהוָ֣ה אֱלֹהֶ֗יךָ אֶל־הָאָ֛רֶץ אֲשֶׁר־יָרְשׁ֥וּ אֲבֹתֶ֖יךָ וִֽירִשְׁתָּ֑הּ וְהֵיטִֽבְךָ֥ וְהִרְבְּךָ֖ מֵאֲבֹתֶֽיךָ׃
Vehevi’ajá Adonai Eloheja el-ha’arets asher-yarshú avoteja virishtah veheitivjá vehirbejá me’avoteja
Y te traerá HaShem tu Elohim a la tierra que poseyeron tus padres y la poseerás; y te hará bien y te multiplicará más que a tus padres.
6
וּמָ֨ל יְהוָ֧ה אֱלֹהֶ֛יךָ אֶת־לְבָבְךָ֖ וְאֶת־לְבַ֣ב זַרְעֶ֑ךָ לְאַהֲבָ֞ה אֶת־יְהוָ֧ה אֱלֹהֶ֛יךָ בְּכָל־לְבָבְךָ֥ וּבְכָל־נַפְשְׁךָ֖ לְמַ֥עַן חַיֶּֽיךָ׃
Umal Adonai Eloheja et-levavjá ve’et-levav zar’eja le’ahavá et-Adonai Eloheja bejol-levavjá uvejol-nafshejá lema’an jayeja
Y circuncidará HaShem tu Elohim tu corazón y el corazón de tu descendencia, para amar a HaShem tu Elohim con todo tu corazón y con toda tu alma, a fin de que vivas.
7
וְנָתַן֙ יְהוָ֣ה אֱלֹהֶ֔יךָ אֵ֥ת כָּל־הָאָל֖וֹת הָאֵ֑לֶּה עַל־אֹיְבֶ֥יךָ וְעַל־שֹׂנְאֶ֖יךָ אֲשֶׁ֥ר רְדָפֽוּךָ׃
Venatan Adonai Eloheja et kol-ha’alot ha’ele al-oyveja ve’al-son’eja asher redafuja
Y pondrá HaShem tu Elohim todas estas maldiciones sobre tus enemigos y sobre quienes te aborrecen, que te persiguieron.
8
וְאַתָּ֣ה תָשׁ֔וּב וְשָׁמַעְתָּ֖ בְּק֣וֹל יְהוָ֑ה וְעָשִׂ֙יתָ֙ אֶת־כָּל־מִצְוֺתָ֔יו אֲשֶׁ֛ר אָנֹכִ֥י מְצַוְּךָ֖ הַיּֽוֹם׃
Ve’atá tashuv veshamatá bekol Adonai ve’asita et-kol-mitsotav asher anojí metsavejá hayom
Y tú volverás y escucharás la voz de HaShem, y cumplirás todos sus mandamientos que yo te ordeno hoy.
9
וְהוֹתִֽירְךָ֩ יְהוָ֨ה אֱלֹהֶ֜יךָ בְּכֹ֣ל ׀ מַעֲשֵׂ֣ה יָדֶ֗ךָ בִּפְרִ֨י בִטְנְךָ֜ וּבִפְרִ֧י בְהֶמְתְּךָ֛ וּבִפְרִ֥י אַדְמָתְךָ֖ לְטוֹבָ֑ה כִּ֣י ׀ יָשׁ֣וּב יְהוָ֗ה לָשׂ֤וּשׂ עָלֶ֙יךָ֙ לְט֔וֹב כַּאֲשֶׁר־שָׂ֖שׂ עַל־אֲבֹתֶֽיךָ׃
Vehotirja Adonai Eloheja bejol ma’asé yadeja bifrí vitnejá uvifrí vehemtejá uvifrí admatjá letová ki yashuv Adonai lasús aleja letov ka’asher-sas al-avoteja
Y te hará abundar HaShem tu Elohim en toda obra de tus manos, en el fruto de tu vientre y en el fruto de tu ganado y en el fruto de tu tierra, para bien; porque volverá HaShem a gozarse sobre ti para bien, como se gozó sobre tus padres.
10
כִּ֣י תִשְׁמַ֗ע בְּקוֹל֙ יְהוָ֣ה אֱלֹהֶ֔יךָ לִשְׁמֹ֤ר מִצְוֺתָיו֙ וְחֻקֹּתָ֔יו הַכְּתוּבָ֕ה בְּסֵ֥פֶר הַתּוֹרָ֖ה הַזֶּ֑ה כִּ֤י תָשׁוּב֙ אֶל־יְהוָ֣ה אֱלֹהֶ֔יךָ בְּכָל־לְבָבְךָ֖ וּבְכָל־נַפְשֶֽׁךָ׃ (פ)
Ki tishmá bekol Adonai Eloheja lishmor mitsotav vejukotav haketuvá beséfer hatorá hazé ki tashuv el-Adonai Eloheja bejol-levavjá uvejol-nafsheja
Cuando escuches la voz de HaShem tu Elohim, para guardar sus mandamientos y sus estatutos, lo escrito en este libro de la Torá; cuando vuelvas a HaShem tu Elohim con todo tu corazón y con toda tu alma.
11
כִּ֚י הַמִּצְוָ֣ה הַזֹּ֔את אֲשֶׁ֛ר אָנֹכִ֥י מְצַוְּךָ֖ הַיּ֑וֹם לֹֽא־נִפְלֵ֥את הִוא֙ מִמְּךָ֔ וְלֹ֥א רְחֹקָ֖ה הִֽוא׃
Ki hamitsvá hazot asher anojí metsavejá hayom lo-niflet hiv mimejá veló rejoká hiv
Porque esta mitsvá que yo te ordeno hoy, no es demasiado difícil para ti, ni está lejos.
12
לֹ֥א בַשָּׁמַ֖יִם הִ֑וא לֵאמֹ֗ר מִ֣י יַעֲלֶה־לָּ֤נוּ הַשָּׁמַ֙יְמָה֙ וְיִקָּחֶ֣הָ לָּ֔נוּ וְיַשְׁמִעֵ֥נוּ אֹתָ֖הּ וְנַעֲשֶֽׂנָּה׃
Lo vashamáyim hiv lemor mi ya’ale-lanu hashamayma veyikajeha lanu veyashmi’enu otah vena’asena
No está en los cielos, para decir: «¿Quién subirá por nosotros a los cielos y la tomará para nosotros y nos la hará oír, y la cumpliremos?».
13
וְלֹֽא־מֵעֵ֥בֶר לַיָּ֖ם הִ֑וא לֵאמֹ֗ר מִ֣י יַעֲבָר־לָ֜נוּ אֶל־עֵ֤בֶר הַיָּם֙ וְיִקָּחֶ֣הָ לָּ֔נוּ וְיַשְׁמִעֵ֥נוּ אֹתָ֖הּ וְנַעֲשֶֽׂנָּה׃
Velo-me’éver layam hiv lemor mi ya’avor-lanu el-éver hayam veyikajeha lanu veyashmi’enu otah vena’asena
Y no está al otro lado del mar, para decir: «¿Quién cruzará por nosotros al otro lado del mar y la tomará para nosotros y nos la hará oír, y la cumpliremos?».
14
כִּֽי־קָר֥וֹב אֵלֶ֛יךָ הַדָּבָ֖ר מְאֹ֑ד בְּפִ֥יךָ וּבִֽלְבָבְךָ֖ לַעֲשֹׂתֽוֹ׃ (ס)
Ki-karov eleja hadavar me’od befija uvilvavjá la’asotó
Porque muy cercana está a ti la palabra, en tu boca y en tu corazón, para cumplirla.
15
רְאֵ֨ה נָתַ֤תִּי לְפָנֶ֙יךָ֙ הַיּ֔וֹם אֶת־הַֽחַיִּ֖ים וְאֶת־הַטּ֑וֹב וְאֶת־הַמָּ֖וֶת וְאֶת־הָרָֽע׃
Re’é natati lefaneja hayom et-hajayim ve’et-hatov ve’et-hamávet ve’et-hará
Mira, he puesto delante de ti hoy la vida y el bien, y la muerte y el mal.
16
אֲשֶׁ֨ר אָנֹכִ֣י מְצַוְּךָ֮ הַיּוֹם֒ לְאַהֲבָ֞ה אֶת־יְהוָ֤ה אֱלֹהֶ֙יךָ֙ לָלֶ֣כֶת בִּדְרָכָ֔יו וְלִשְׁמֹ֛ר מִצְוֺתָ֥יו וְחֻקֹּתָ֖יו וּמִשְׁפָּטָ֑יו וְחָיִ֣יתָ וְרָבִ֔יתָ וּבֵֽרַכְךָ֙ יְהוָ֣ה אֱלֹהֶ֔יךָ בָּאָ֕רֶץ אֲשֶׁר־אַתָּ֥ה בָא־שָׁ֖מָּה לְרִשְׁתָּֽהּ׃
Asher anojí metsaveja hayom le’ahavá et-Adonai Eloheja laléjet bidrajav velishmor mitsotav vejukotav umishpatav vejayita veravita uverajja Adonai Eloheja ba’arets asher-atá va-shama lerishtah
Lo que yo te ordeno hoy: amar a HaShem tu Elohim, andar en Sus caminos y guardar Sus mandamientos, Sus estatutos y Sus juicios; y vivirás y te multiplicarás, y te bendecirá HaShem tu Elohim en la tierra a la que tú entras para poseerla.
17
וְאִם־יִפְנֶ֥ה לְבָבְךָ֖ וְלֹ֣א תִשְׁמָ֑ע וְנִדַּחְתָּ֗ וְהִֽשְׁתַּחֲוִ֛יתָ לֵאלֹהִ֥ים אֲחֵרִ֖ים וַעֲבַדְתָּֽם׃
Ve’im-yifné levavjá veló tishmá venidajtá vehishtajavita lelohim ajerim va’avadtam
Y si se desvía tu corazón y no escuchas, y eres arrastrado y te postras ante dioses ajenos y los sirves,
18
הִגַּ֤דְתִּי לָכֶם֙ הַיּ֔וֹם כִּ֥י אָבֹ֖ד תֹּאבֵד֑וּן לֹא־תַאֲרִיכֻ֤ן יָמִים֙ עַל־הָ֣אֲדָמָ֔ה אֲשֶׁ֨ר אַתָּ֤ה עֹבֵר֙ אֶת־הַיַּרְדֵּ֔ן לָבֹ֥א שָׁ֖מָּה לְרִשְׁתָּֽהּ׃
Higadti lajem hayom ki avod tovedún lo-ta’arijún yamim al-ha’adamá asher atá over et-hayardén lavó shama lerishtah
les he declarado hoy que ciertamente perecerán; no prolongarán los días sobre la tierra a la que tú cruzas el Yardén para entrar allí a poseerla.
19
הַעִידֹ֨תִי בָכֶ֣ם הַיּוֹם֮ אֶת־הַשָּׁמַ֣יִם וְאֶת־הָאָרֶץ֒ הַחַיִּ֤ים וְהַמָּ֙וֶת֙ נָתַ֣תִּי לְפָנֶ֔יךָ הַבְּרָכָ֖ה וְהַקְּלָלָ֑ה וּבָֽחַרְתָּ֙ בַּֽחַיִּ֔ים לְמַ֥עַן תִּחְיֶ֖ה אַתָּ֥ה וְזַרְעֶֽךָ׃
Ha’idoti vajem hayom et-hashamáyim ve’et-ha’arets hajayim vehamavet natati lefaneja haberajá vehakelalá uvajarta bajayim lema’an tijyé atá vezar’eja
Pongo por testigos contra ustedes hoy a los cielos y a la tierra: la vida y la muerte he puesto delante de ti, la bendición y la maldición; y escogerás la vida, para que vivas tú y tu descendencia,
20
לְאַֽהֲבָה֙ אֶת־יְהוָ֣ה אֱלֹהֶ֔יךָ לִשְׁמֹ֥עַ בְּקֹל֖וֹ וּלְדָבְקָה־ב֑וֹ כִּ֣י ה֤וּא חַיֶּ֙יךָ֙ וְאֹ֣רֶךְ יָמֶ֔יךָ לָשֶׁ֣בֶת עַל־הָאֲדָמָ֗ה אֲשֶׁר֩ נִשְׁבַּ֨ע יְהוָ֧ה לַאֲבֹתֶ֛יךָ לְאַבְרָהָ֛ם לְיִצְחָ֥ק וּֽלְיַעֲקֹ֖ב לָתֵ֥ת לָהֶֽם׃ (פ)
Le’ahava et-Adonai Eloheja lishmóa bekoló uledovka-vo ki hu jayeja ve’órej yameja lashévet al-ha’adamá asher nishbá Adonai la’avoteja le’avraham leyitsjak uleya’akov latet lahem
para amar a HaShem tu Elohim, para escuchar Su voz y para apegarte a Él, pues Él es tu vida y la prolongación de tus días, para habitar sobre la tierra que juró HaShem a tus padres, a Avraham, a Yitsjak y a Yaakov, para darles.
Deuteronomio
29
Deuteronomio
31
