תנ״ך
Tanaj (Biblia)
beneyisrael.com
Inicio
Portada
Apoyar
Biblioteca
Opciones de lectura
עברית
Fonética
Español
Taamim
Nikud
Letras
A−
100%
A+
Comentarios
Torá · Deuteronomio
דברים ה
Deuteronomio · Capítulo 5
30 versículos
15 comentarios
1
וַיִּקְרָ֣א מֹשֶׁה֮ אֶל־כָּל־יִשְׂרָאֵל֒ וַיֹּ֣אמֶר אֲלֵהֶ֗ם שְׁמַ֤ע יִשְׂרָאֵל֙ אֶת־הַחֻקִּ֣ים וְאֶת־הַמִּשְׁפָּטִ֔ים אֲשֶׁ֧ר אָנֹכִ֛י דֹּבֵ֥ר בְּאָזְנֵיכֶ֖ם הַיּ֑וֹם וּלְמַדְתֶּ֣ם אֹתָ֔ם וּשְׁמַרְתֶּ֖ם לַעֲשֹׂתָֽם׃
Vayikrá Moshé el-kol-Yisrael vayómer Alehem shemá Yisrael et-hajukim ve’et-hamishpatim asher anojí dover be’ozneijem hayom ulemadtem otam ushemartem la’asotam
Convocó Moshéh a todo Israel y les dijo a ellos: Escucha Israel los fueros y las leyes, lo que yo hablo a vuestros oídos hoy. Los aprenderéis y los cuidaréis para cumplirlos.
2
יְהוָ֣ה אֱלֹהֵ֗ינוּ כָּרַ֥ת עִמָּ֛נוּ בְּרִ֖ית בְּחֹרֵֽב׃
Adonai Eloheinu karat imanu berit bejorev
Adonai, nuestro D’s., concertó con nosotros un pacto en Joreb.
3
לֹ֣א אֶת־אֲבֹתֵ֔ינוּ כָּרַ֥ת יְהוָ֖ה אֶת־הַבְּרִ֣ית הַזֹּ֑את כִּ֣י אִתָּ֗נוּ אֲנַ֨חְנוּ אֵ֥לֶּה פֹ֛ה הַיּ֖וֹם כֻּלָּ֥נוּ חַיִּֽים׃
Lo et-avoteinu karat Adonai et-haberit hazot ki itanu anajnu ele fo hayom kulanu jayim
No solamente con nuestros padres había concertado Adonai este pacto, sino con nosotros: nosotros los que estamos aquí hoy, todos nosotros vivientes.
4
פָּנִ֣ים ׀ בְּפָנִ֗ים דִּבֶּ֨ר יְהוָ֧ה עִמָּכֶ֛ם בָּהָ֖ר מִתּ֥וֹךְ הָאֵֽשׁ׃
Panim befanim diber Adonai imajem bahar mitoje ha’esh
Rostro frente a rostro, había hablado Adonai con vosotros, en la montaña, de en medio del fuego.
5
אָ֠נֹכִי עֹמֵ֨ד בֵּין־יְהוָ֤ה וּבֵֽינֵיכֶם֙ בָּעֵ֣ת הַהִ֔וא לְהַגִּ֥יד לָכֶ֖ם אֶת־דְּבַ֣ר יְהוָ֑ה כִּ֤י יְרֵאתֶם֙ מִפְּנֵ֣י הָאֵ֔שׁ וְלֹֽא־עֲלִיתֶ֥ם בָּהָ֖ר לֵאמֹֽר׃ (ס)
Anoji omed bein-Adonai uveineijem ba’et hahiv lehagid lajem et-devar Adonai ki yeretem mipenéi ha’esh velo-alitem bahar lemor
Yo estuve firme entre Adonai y entre vosotros en aquel tiempo, para anunciaros a vosotros la Palabra de Adonai -ya que habíais temido por causa del fuego y no habíais ascendido a la montaña- diciendo:
6
אָֽנֹכִי֙ יְהוָ֣ה אֱלֹהֶ֔יךָ אֲשֶׁ֧ר הוֹצֵאתִ֛יךָ מֵאֶ֥רֶץ מִצְרַ֖יִם מִבֵּ֣֥ית עֲבָדִֽ֑ים׃
Anojí Adonai Eloheja asher hotsetija me’erets Mitsraim mibeit avadim
Yo Soy Adonai, tu D’s., que te he sacado de la tierra de Egipto, de la casa de servidumbre.
7
לֹ֣א יִהְיֶ֥ה־לְךָ֛֩ אֱלֹהִ֥֨ים אֲחֵרִ֖֜ים עַל־פָּנָֽ֗יַ׃
Lo-yihyé-lejá Elohim ajerim al-panái
No tendrás otros dioses ante Mí.
8
לֹֽ֣א־תַעֲשֶׂ֥ה־לְךָ֥֣ פֶ֣֙סֶל֙ ׀ כָּל־תְּמוּנָ֔֡ה אֲשֶׁ֤֣ר בַּשָּׁמַ֣֙יִם֙ ׀ מִמַּ֔֡עַל וַאֲשֶׁ֥ר֩ בָּאָ֖֨רֶץ מִתָּ֑֜חַת וַאֲשֶׁ֥ר בַּמַּ֖֣יִם ׀ מִתַּ֥֣חַת לָאָֽ֗רֶץ׃
Lo-ta’asé-lejá fésel kol-temuná asher bashamáyim mimá’al va’asher ba’arets mitájat va’asher bamáyim mitájat la’arets
No te harás escultura, ni imagen alguna que se halle en los cielos arriba, en la tierra abajo, o en las aguas bajo la tierra.
9
לֹא־תִשְׁתַּחֲוֶ֥֣ה לָהֶ֖ם֮ וְלֹ֣א תָעָבְדֵ֑ם֒ כִּ֣י אָנֹכִ֞י יְהוָ֤ה אֱלֹהֶ֙יךָ֙ אֵ֣ל קַנָּ֔א פֹּ֠קֵד עֲוֺ֨ן אָב֧וֹת עַל־בָּנִ֛ים וְעַל־שִׁלֵּשִׁ֥ים וְעַל־רִבֵּעִ֖ים לְשֹׂנְאָֽ֑י׃
Lo-tishtajavé lahem veló to’ovdem ki anojí Adonai Eloheja El kaná poked aon avot al-banim ve’al-shileshim ve’al-ribe’im leson’ái
No te prosternarás ante ellos ni los sirvas, porque Yo Soy Adonai, tu D’s.; D’s. que con celo hago recordar la iniquidad de los padres sobre los hijos, sobre la tercera y la cuarta generación, para aquellos que Me aborrecen.
10
וְעֹ֤֥שֶׂה חֶ֖֙סֶד֙ לַֽאֲלָפִ֑֔ים לְאֹהֲבַ֖י וּלְשֹׁמְרֵ֥י מצותו [מִצְוֺתָֽי׃] (ס)
Ve’ose jésed la’alafim le’ohavái uleshomréi mitsotái
Mas manifiesto benevolencia para miles de generaciones, para los que Me aman y para los que observan Mis mandamientos.
11
לֹ֥א תִשָּׂ֛א אֶת־שֵֽׁם־יְהוָ֥ה אֱלֹהֶ֖יךָ לַשָּׁ֑וְא כִּ֣י לֹ֤א יְנַקֶּה֙ יְהוָ֔ה אֵ֛ת אֲשֶׁר־יִשָּׂ֥א אֶת־שְׁמ֖וֹ לַשָּֽׁוְא׃ (ס)
Lo tisá et-shem-Adonai Eloheja lashav ki lo yenake Adonai et asher-yisá et-shemó lashav
No jures en Nombre de Adonai, tu D’s., en vano; pues no eximirá Adonai a aquél que jure por Su Nombre en vano.
12
שָׁמ֣֛וֹר אֶת־י֥וֹם֩ הַשַׁבָּ֖֨ת לְקַדְּשׁ֑֜וֹ כַּאֲשֶׁ֥ר צִוְּךָ֖֣ ׀ יְהוָ֥֣ה אֱלֹהֶֽ֗יךָ
Shamor et-yom hashabat lekadeshó ka’asher tsivejá Adonai Eloheja
Observa el día de Shabbat para consagrarlo, como te ha ordenado Adonai, tu D’s.
13
שֵׁ֤֣שֶׁת יָמִ֣ים֙ תַּֽעֲבֹ֔ד֮ וְעָשִׂ֖֣יתָ כָּֿל־מְלַאכְתֶּֽךָ֒׃
Shéshet yamim ta’avod ve’asita kol-melajtejá
Seis días trabajarás y harás todo tu trabajo.
14
וְי֙וֹם֙ הַשְּׁבִיעִ֜֔י שַׁבָּ֖֣ת ׀ לַיהוָ֖֣ה אֱלֹהֶ֑֗יךָ לֹ֣א תַעֲשֶׂ֣ה כָל־מְלָאכָ֡ה אַתָּ֣ה וּבִנְךָֽ־וּבִתֶּ֣ךָ וְעַבְדְּךָֽ־וַ֠אֲמָתֶךָ וְשׁוֹרְךָ֨ וַחֲמֹֽרְךָ֜ וְכָל־בְּהֶמְתֶּ֗ךָ וְגֵֽרְךָ֙ אֲשֶׁ֣ר בִּשְׁעָרֶ֔יךָ לְמַ֗עַן יָנ֛וּחַ עַבְדְּךָ֥ וַאֲמָתְךָ֖ כָּמֽ֑וֹךָ׃
Veiom hashevi’í shabat laAdonai Eloheja lo ta’asé jol-melajá atá uvinja-uviteja ve’avdeja-va’amateja veshorejá vajamorjá vejol-behemteja vegerja asher bish’areja lema’an yanuaj avdejá va’amatjá kamoja
Empero el día séptimo es Shabbat, para Adonai, tu D’s.; no harás trabajo alguno, ni tú ni tu hijo ni tu hija, ni tu siervo ni tu sierva, ni tu buey ni tu as no ni ninguna de tus bestias, ni tu extranjero que mora en tus ciudades; para que repose tu siervo y tu sierva, como tú.
15
וְזָכַרְתָּ֞֗ כִּ֣י־עֶ֤֥בֶד הָיִ֣֙יתָ֙ ׀ בְּאֶ֣רֶץ מִצְרַ֔֗יִם וַיֹּצִ֨אֲךָ֜֩ יְהוָ֤֨ה אֱלֹהֶ֤֙יךָ֙ מִשָּׁ֔ם֙ בְּיָ֤֥ד חֲזָקָ֖ה֙ וּבִזְרֹ֣עַ נְטוּיָ֑֔ה עַל־כֵּ֗ן צִוְּךָ֙ יְהוָ֣ה אֱלֹהֶ֔יךָ לַעֲשׂ֖וֹת אֶת־י֥וֹם הַשַׁבָּֽת׃ (ס)
Vezajartá ki-éved hayita be’erets Mitsraim vayotsi’ajá Adonai Eloheja misham beyad jazaká uvizróa netuyá al-ken tsiveja Adonai Eloheja la’asot et-yom hashabat
Habrás de recordar que esclavo fuiste en la tierra de Egipto y que te Sacó Adonai, tu D’s., de allí con poder fuerte y brazo tendido; por esto te ha ordenado Adonai, tu D’s., observar el día de Shabbat.
16
כַּבֵּ֤ד אֶת־אָבִ֙יךָ֙ וְאֶת־אִמֶּ֔ךָ כַּאֲשֶׁ֥ר צִוְּךָ֖ יְהוָ֣ה אֱלֹהֶ֑יךָ לְמַ֣עַן ׀ יַאֲרִיכֻ֣ן יָמֶ֗יךָ וּלְמַ֙עַן֙ יִ֣יטַב לָ֔ךְ עַ֚ל הָֽאֲדָמָ֔ה אֲשֶׁר־יְהוָ֥ה אֱלֹהֶ֖יךָ נֹתֵ֥ן לָֽךְ׃ (ס)
Kabed et-avija ve’et-imeja ka’asher tsivejá Adonai Eloheja lema’an ya’arijún yameja ulema’an yítav laj al ha’adamá asher-Adonai Eloheja notén laj
Honra a tu padre y a tu madre -como te ha ordenado Adonai, tu D’s.- ya que se habrán de prolongar tus días, y para que sea bien para ti sobre la tierra, que Adonai, tu D’s., te da a ti.
17
לֹ֥֖א תִּֿרְצָֽח׃ (ס) וְלֹ֖֣א תִּֿנְאָֽ֑ף׃ (ס) וְלֹ֖֣א תִּֿגְנֹֽ֔ב׃ (ס) וְלֹֽא־תַעֲנֶ֥ה בְרֵֽעֲךָ֖ עֵ֥ד שָֽׁוְא׃ (ס)
Lo tirtsaj veló tin’af veló tignov velo-ta’ané vere’ajá ed shav
No asesines; y no cometas adulterio; y no robes; y no prestes testimonio vano contra tu prójimo.
18
וְלֹ֥א תַחְמֹ֖ד אֵ֣שֶׁת רֵעֶ֑ךָ (ס) וְלֹ֨א תִתְאַוֶּ֜ה בֵּ֣ית רֵעֶ֗ךָ שָׂדֵ֜הוּ וְעַבְדּ֤וֹ וַאֲמָתוֹ֙ שׁוֹר֣וֹ וַחֲמֹר֔וֹ וְכֹ֖ל אֲשֶׁ֥ר לְרֵעֶֽךָ׃ (ס)
Veló tajmod éshet re’eja veló tit’avé beit re’eja sadehu ve’avdó va’amato shoró vajamoró vejol asher lere’eja
Y no desees la esposa de tu prójimo; y no codicies la casa de tu prójimo, ni su campo, ni su siervo ni su sierva, ni su buey ni su asno, ni nada de lo que es de tu prójimo.
19
אֶֽת־הַדְּבָרִ֣ים הָאֵ֡לֶּה דִּבֶּר֩ יְהוָ֨ה אֶל־כָּל־קְהַלְכֶ֜ם בָּהָ֗ר מִתּ֤וֹךְ הָאֵשׁ֙ הֶֽעָנָ֣ן וְהָֽעֲרָפֶ֔ל ק֥וֹל גָּד֖וֹל וְלֹ֣א יָסָ֑ף וַֽיִּכְתְּבֵ֗ם עַל־שְׁנֵי֙ לֻחֹ֣ת אֲבָנִ֔ים וַֽיִּתְּנֵ֖ם אֵלָֽי׃
Et-hadevarim ha’ele diber Adonai el-kol-kehaljem bahar mitoje ha’esh he’anán veha’arafel kol gadol veló yasaf vayijtevem al-shenei lujot avanim vayitenem elái
Las Palabras estas había hablado Adonai a toda vuestra congregación en la montaña, de en medio del fuego, la nube y la densa nube; una Voz poderosa, y no se interrumpió Las escribió sobre dos tablas de piedras y me las entregó a mi.
20
וַיְהִ֗י כְּשָׁמְעֲכֶ֤ם אֶת־הַקּוֹל֙ מִתּ֣וֹךְ הַחֹ֔שֶׁךְ וְהָהָ֖ר בֹּעֵ֣ר בָּאֵ֑שׁ וַתִּקְרְב֣וּן אֵלַ֔י כָּל־רָאשֵׁ֥י שִׁבְטֵיכֶ֖ם וְזִקְנֵיכֶֽם׃
Vayhí keshom’ajem et-hakol mitoje hajóshej vehahar bo’er ba’esh vatikrevún elái kol-rashéi shivteijem vezikneijem
Y ocurrió que al oír vosotros la Voz de en medio de la oscuridad y mientras la montaña ardía en fuego, os acercasteis a mi, todos los jefes de vuestras tribus y vuestros ancianos.
21
וַתֹּאמְר֗וּ הֵ֣ן הֶרְאָ֜נוּ יְהוָ֤ה אֱלֹהֵ֙ינוּ֙ אֶת־כְּבֹד֣וֹ וְאֶת־גָּדְל֔וֹ וְאֶת־קֹל֥וֹ שָׁמַ֖עְנוּ מִתּ֣וֹךְ הָאֵ֑שׁ הַיּ֤וֹם הַזֶּה֙ רָאִ֔ינוּ כִּֽי־יְדַבֵּ֧ר אֱלֹהִ֛ים אֶת־הָֽאָדָ֖ם וָחָֽי׃
Vatomrú hen her’anu Adonai Eloheinu et-kevodó ve’et-godló ve’et-koló shamanu mitoje ha’esh hayom haze ra’inu ki-yedaber Elohim et-ha’adam vajái
Dijisteis: He aquí que nos ha manifestado Adonai, nuestro D’s., Su Gloria y Su Grandeza, y Su Voz hemos oído de en medio del fuego; ¡en el día este hemos visto que habla Elohim con el ser humano; y éste permanece en vida!
22
וְעַתָּה֙ לָ֣מָּה נָמ֔וּת כִּ֣י תֹֽאכְלֵ֔נוּ הָאֵ֥שׁ הַגְּדֹלָ֖ה הַזֹּ֑את אִם־יֹסְפִ֣ים ׀ אֲנַ֗חְנוּ לִ֠שְׁמֹעַ אֶת־ק֨וֹל יְהוָ֧ה אֱלֹהֵ֛ינוּ ע֖וֹד וָמָֽתְנוּ׃
Ve’ata lama namut ki tojlenu ha’esh hagedolá hazot im-yosfim anajnu lishmoa et-kol Adonai Eloheinu od vamatnu
Y ahora, ¿por qué habremos de morir? -Ya que nos va a consumir el fuego grande este-; si seguimos nosotros es cuchando la Voz de Adonai nuestro D’s., más, ¡vamos a morir!
23
כִּ֣י מִ֣י כָל־בָּשָׂ֡ר אֲשֶׁ֣ר שָׁמַ֣ע קוֹל֩ אֱלֹהִ֨ים חַיִּ֜ים מְדַבֵּ֧ר מִתּוֹךְ־הָאֵ֛שׁ כָּמֹ֖נוּ וַיֶּֽחִי׃
Ki mi jol-basar asher shamá kol Elohim jayim medaber mitoje-ha’esh kamonu vayeji
Pues, ¿quién es -creatura alguna- que ha oído la Voz de Elohím Eterno que habla de en medio del fuego, como nosotros, y ha permanecido en vida?
24
קְרַ֤ב אַתָּה֙ וּֽשֲׁמָ֔ע אֵ֛ת כָּל־אֲשֶׁ֥ר יֹאמַ֖ר יְהוָ֣ה אֱלֹהֵ֑ינוּ וְאַ֣תְּ ׀ תְּדַבֵּ֣ר אֵלֵ֗ינוּ אֵת֩ כָּל־אֲשֶׁ֨ר יְדַבֵּ֜ר יְהוָ֧ה אֱלֹהֵ֛ינוּ אֵלֶ֖יךָ וְשָׁמַ֥עְנוּ וְעָשִֽׂינוּ׃
Kerav ata ushemá et kol-asher yomar Adonai Eloheinu ve’ate tedaber eleinu et kol-asher yedaber Adonai Eloheinu eleja veshamanu ve’asinu
Acércate tú y escucha todo lo que haya de decir Adonai, nuestro D’s.; y tú hablarás con nosotros todo lo que haya de hablar Adonai nuestro D’s. contigo: lo aceptaremos y lo haremos.
25
וַיִּשְׁמַ֤ע יְהוָה֙ אֶת־ק֣וֹל דִּבְרֵיכֶ֔ם בְּדַבֶּרְכֶ֖ם אֵלָ֑י וַיֹּ֨אמֶר יְהוָ֜ה אֵלַ֗י שָׁ֠מַעְתִּי אֶת־ק֨וֹל דִּבְרֵ֜י הָעָ֤ם הַזֶּה֙ אֲשֶׁ֣ר דִּבְּר֣וּ אֵלֶ֔יךָ הֵיטִ֖יבוּ כָּל־אֲשֶׁ֥ר דִּבֵּֽרוּ׃
Vayishmá Adonai et-kol divreijem bedaberjem elái vayómer Adonai elái shamati et-kol divréi ha’am haze asher diberú eleja heitivu kol-asher diberu
Escuchó Adonai la voz de vuestras palabras -al hablar vosotros a mí- y me dijo Adonai: He oído la voz de las palabras de este pueblo -lo que te hablaron a ti-, han hecho bien, todo lo que te han hablado.
26
מִֽי־יִתֵּ֡ן וְהָיָה֩ לְבָבָ֨ם זֶ֜ה לָהֶ֗ם לְיִרְאָ֥ה אֹתִ֛י וְלִשְׁמֹ֥ר אֶת־כָּל־מִצְוֺתַ֖י כָּל־הַיָּמִ֑ים לְמַ֨עַן יִיטַ֥ב לָהֶ֛ם וְלִבְנֵיהֶ֖ם לְעֹלָֽם׃
Mi-yitén vehaya levavam ze lahem leyir’á otí velishmor et-kol-mitsotái kol-hayamim lema’an yitav lahem velivneihem le’olam
Quien lo diera que les perdure (el sentir de) su corazón, este, para venerarMe y para observar todos Mis Preceptos, todos los días; para que sea bien para ellos y para sus hijos por siempre.
27
לֵ֖ךְ אֱמֹ֣ר לָהֶ֑ם שׁ֥וּבוּ לָכֶ֖ם לְאָהֳלֵיכֶֽם׃
Lej emor lahem shuvu lajem le’oholeijem
Ve, dile a ellos: Volved vosotros a vuestras moradas
28
וְאַתָּ֗ה פֹּה֮ עֲמֹ֣ד עִמָּדִי֒ וַאֲדַבְּרָ֣ה אֵלֶ֗יךָ אֵ֧ת כָּל־הַמִּצְוָ֛ה וְהַחֻקִּ֥ים וְהַמִּשְׁפָּטִ֖ים אֲשֶׁ֣ר תְּלַמְּדֵ֑ם וְעָשׂ֣וּ בָאָ֔רֶץ אֲשֶׁ֧ר אָנֹכִ֛י נֹתֵ֥ן לָהֶ֖ם לְרִשְׁתָּֽהּ׃
Ve’atá po amod imadí va’adaberá eleja et kol-hamitsvá vehajukim vehamishpatim asher telamedem ve’asú va’arets asher anojí notén lahem lerishtah
Empero tú, aquí, permanece ante Mí: y te revelaré a ti: todos los Mandamientos y los fueros y las leyes que les habrás de enseñar a ellos; para que lo cumplan en la tierra que Yo les concedo a ellos, para heredarla.
29
וּשְׁמַרְתֶּ֣ם לַעֲשׂ֔וֹת כַּאֲשֶׁ֥ר צִוָּ֛ה יְהוָ֥ה אֱלֹהֵיכֶ֖ם אֶתְכֶ֑ם לֹ֥א תָסֻ֖רוּ יָמִ֥ין וּשְׂמֹֽאל׃
Ushemartem la’asot ka’asher tsivá Adonai Eloheijem etjem lo tasuru yamín usemol
Y cuidaréis para cumplir -como ha ordenado Adonai vuestro D’s. a vosotros- no os apartéis, ni a derecha ni a izquierda.
30
בְּכָל־הַדֶּ֗רֶךְ אֲשֶׁ֨ר צִוָּ֜ה יְהוָ֧ה אֱלֹהֵיכֶ֛ם אֶתְכֶ֖ם תֵּלֵ֑כוּ לְמַ֤עַן תִּֽחְיוּן֙ וְט֣וֹב לָכֶ֔ם וְהַאֲרַכְתֶּ֣ם יָמִ֔ים בָּאָ֖רֶץ אֲשֶׁ֥ר תִּֽירָשֽׁוּן׃
Bejol-hadérej asher tsivá Adonai Eloheijem etjem teleju lema’an tijyun vetov lajem veha’arajtem yamim ba’arets asher tirashún
En toda la senda que ha ordenado Adonai vuestro D’s. a vosotros, os habréis de encaminar; para que viváis, y sea el bien para vosotros, y prolonguéis vuestros días en la tierra que habréis de poseer.
Deuteronomio
4
Deuteronomio
6
