תנ״ך
Tanaj (Biblia)
Portada
Apoyar
Biblioteca
beneyisrael.com
Inicio
OPCIONES DE LECTURA
Capas de lectura
עברית
Fonética
Español
Hebreo
Taamim
Nikud
Letras
Tamaño de letra
A−
100%
A+
Comentarios
Mostrar
Ocultar
Torá · Deuteronomio
דברים ז
Deuteronomio · Capítulo 7
26 versículos
9 comentarios
1
כִּ֤י יְבִֽיאֲךָ֙ יְהוָ֣ה אֱלֹהֶ֔יךָ אֶל־הָאָ֕רֶץ אֲשֶׁר־אַתָּ֥ה בָא־שָׁ֖מָּה לְרִשְׁתָּ֑הּ וְנָשַׁ֣ל גּֽוֹיִם־רַבִּ֣ים ׀ מִפָּנֶ֡יךָ הַֽחִתִּי֩ וְהַגִּרְגָּשִׁ֨י וְהָאֱמֹרִ֜י וְהַכְּנַעֲנִ֣י וְהַפְּרִזִּ֗י וְהַֽחִוִּי֙ וְהַיְבוּסִ֔י שִׁבְעָ֣ה גוֹיִ֔ם רַבִּ֥ים וַעֲצוּמִ֖ים מִמֶּֽךָּ׃
Ki yevi’aja Adonai Eloheja el-ha’arets asher-atá va-shama lerishtah venashal goyim-rabim mipaneja hajiti vehagirgashí veha’emorí vehakena’aní vehaperizí vehajivi vehayvusí shiv’á goyim rabim va’atsumim mimeka
Cuando te traiga HaShem tu Elohim a la tierra adonde tú entras para poseerla, y desaloje naciones numerosas de delante de ti, al jití y al guirgashí y al emorí y al kenaaní y al perizí y al jiví y al yevusí, siete naciones más numerosas y más poderosas que tú,
2
וּנְתָנָ֞ם יְהוָ֧ה אֱלֹהֶ֛יךָ לְפָנֶ֖יךָ וְהִכִּיתָ֑ם הַחֲרֵ֤ם תַּחֲרִים֙ אֹתָ֔ם לֹא־תִכְרֹ֥ת לָהֶ֛ם בְּרִ֖ית וְלֹ֥א תְחָנֵּֽם׃
Unetanam Adonai Eloheja lefaneja vehikitam hajarem tajarim otam lo-tijrot lahem berit veló tejonem
y los entregue HaShem tu Elohim delante de ti y los derrotes, destruir los destruirás; no pactarás con ellos alianza y no les tendrás compasión.
3
וְלֹ֥א תִתְחַתֵּ֖ן בָּ֑ם בִּתְּךָ֙ לֹא־תִתֵּ֣ן לִבְנ֔וֹ וּבִתּ֖וֹ לֹא־תִקַּ֥ח לִבְנֶֽךָ׃
Veló titjatén bam biteja lo-titén livnó uvitó lo-tikaj livneja
Y no emparentarás con ellos; tu hija no darás a su hijo, y su hija no tomarás para tu hijo.
4
כִּֽי־יָסִ֤יר אֶת־בִּנְךָ֙ מֵֽאַחֲרַ֔י וְעָבְד֖וּ אֱלֹהִ֣ים אֲחֵרִ֑ים וְחָרָ֤ה אַף־יְהוָה֙ בָּכֶ֔ם וְהִשְׁמִידְךָ֖ מַהֵֽר׃
Ki-yasir et-binja me’ajarái ve’avdú Elohim ajerim vejará af-Adonai bajem vehishmidjá maher
Porque apartará a tu hijo de en pos de mí, y servirán a elohim ajenos, y se encenderá la ira de HaShem contra ustedes y te destruirá pronto.
5
כִּֽי־אִם־כֹּ֤ה תַעֲשׂוּ֙ לָהֶ֔ם מִזְבְּחֹתֵיהֶ֣ם תִּתֹּ֔צוּ וּמַצֵּבֹתָ֖ם תְּשַׁבֵּ֑רוּ וַאֲשֵֽׁירֵהֶם֙ תְּגַדֵּע֔וּן וּפְסִילֵיהֶ֖ם תִּשְׂרְפ֥וּן בָּאֵֽשׁ׃
Ki-im-ko ta’asu lahem mizbejoteihem titotsu umatsevotam teshaberu va’asheirehem tegadeún ufesileihem tisrefún ba’esh
Sino así harán con ellos: sus altares derribarán y sus estelas quebrarán y sus asherás cortarán y sus ídolos quemarán en el fuego.
6
כִּ֣י עַ֤ם קָדוֹשׁ֙ אַתָּ֔ה לַיהוָ֖ה אֱלֹהֶ֑יךָ בְּךָ֞ בָּחַ֣ר ׀ יְהוָ֣ה אֱלֹהֶ֗יךָ לִהְי֥וֹת לוֹ֙ לְעַ֣ם סְגֻלָּ֔ה מִכֹּל֙ הָֽעַמִּ֔ים אֲשֶׁ֖ר עַל־פְּנֵ֥י הָאֲדָמָֽה׃ (ס)
Ki am kadosh atá laAdonai Eloheja bejá bajar Adonai Eloheja lihyot lo le’am segulá mikol ha’amim asher al-penéi ha’adamá
Porque pueblo santo eres tú para HaShem tu Elohim; en ti eligió HaShem tu Elohim para ser para Él pueblo preciado, de entre todos los pueblos que están sobre la faz de la tierra.
7
לֹ֣א מֵֽרֻבְּכֶ֞ם מִכָּל־הָֽעַמִּ֗ים חָשַׁ֧ק יְהוָ֛ה בָּכֶ֖ם וַיִּבְחַ֣ר בָּכֶ֑ם כִּֽי־אַתֶּ֥ם הַמְעַ֖ט מִכָּל־הָעַמִּֽים׃
Lo merubejem mikol-ha’amim jashak Adonai bajem vayivjar bajem ki-atem ham’at mikol-ha’amim
No por ser ustedes más numerosos que todos los pueblos se apegó HaShem a ustedes y los eligió, pues ustedes son el más pequeño de todos los pueblos,
8
כִּי֩ מֵֽאַהֲבַ֨ת יְהוָ֜ה אֶתְכֶ֗ם וּמִשָּׁמְר֤וּ אֶת־הַשְּׁבֻעָה֙ אֲשֶׁ֤ר נִשְׁבַּע֙ לַאֲבֹ֣תֵיכֶ֔ם הוֹצִ֧יא יְהוָ֛ה אֶתְכֶ֖ם בְּיָ֣ד חֲזָקָ֑ה וַֽיִּפְדְּךָ֙ מִבֵּ֣ית עֲבָדִ֔ים מִיַּ֖ד פַּרְעֹ֥ה מֶֽלֶךְ־מִצְרָֽיִם׃
Ki me’ahavat Adonai etjem umishomró et-hashevu’a asher nishba la’avoteijem hotsí Adonai etjem beyad jazaká vayifdeja mibeit avadim miyad par’ó melej-Mitsraim
sino por el amor de HaShem a ustedes y por guardar Él el juramento que juró a sus padres, los sacó HaShem con mano fuerte y te redimió de casa de esclavos, de la mano de Paró rey de Mitsráyim.
9
וְיָ֣דַעְתָּ֔ כִּֽי־יְהוָ֥ה אֱלֹהֶ֖יךָ ה֣וּא הָֽאֱלֹהִ֑ים הָאֵל֙ הַֽנֶּאֱמָ֔ן שֹׁמֵ֧ר הַבְּרִ֣ית וְהַחֶ֗סֶד לְאֹהֲבָ֛יו וּלְשֹׁמְרֵ֥י מצותו [מִצְוֺתָ֖יו] לְאֶ֥לֶף דּֽוֹר׃
Veyadatá ki-Adonai Eloheja hu ha’elohim ha’el hane’emán shomer haberit vehajésed le’ohavav uleshomréi mitsotav le’élef dor
Y sabrás que HaShem tu Elohim, Él es el Elohim, el Dios fiel, que guarda el pacto y la bondad a los que lo aman y a los que guardan sus mandamientos, por mil generaciones,
10
וּמְשַׁלֵּ֧ם לְשֹׂנְאָ֛יו אֶל־פָּנָ֖יו לְהַאֲבִיד֑וֹ לֹ֤א יְאַחֵר֙ לְשֹׂ֣נְא֔וֹ אֶל־פָּנָ֖יו יְשַׁלֶּם־לֽוֹ׃
Umeshalem leson’av el-panav leha’avidó lo ye’ajer lesonó el-panav yeshalem-lo
y que retribuye a los que lo aborrecen en su faz, para destruirlo; no tardará con el que lo aborrece, en su faz le retribuirá.
11
וְשָׁמַרְתָּ֨ אֶת־הַמִּצְוָ֜ה וְאֶת־הַֽחֻקִּ֣ים וְאֶת־הַמִּשְׁפָּטִ֗ים אֲשֶׁ֨ר אָנֹכִ֧י מְצַוְּךָ֛ הַיּ֖וֹם לַעֲשׂוֹתָֽם׃ (פ)
Veshamartá et-hamitsvá ve’et-hajukim ve’et-hamishpatim asher anojí metsavejá hayom la’asotam
Y guardarás el mandamiento y los estatutos y las leyes que yo te ordeno hoy, para cumplirlos.
12
וְהָיָ֣ה ׀ עֵ֣קֶב תִּשְׁמְע֗וּן אֵ֤ת הַמִּשְׁפָּטִים֙ הָאֵ֔לֶּה וּשְׁמַרְתֶּ֥ם וַעֲשִׂיתֶ֖ם אֹתָ֑ם וְשָׁמַר֩ יְהוָ֨ה אֱלֹהֶ֜יךָ לְךָ֗ אֶֽת־הַבְּרִית֙ וְאֶת־הַחֶ֔סֶד אֲשֶׁ֥ר נִשְׁבַּ֖ע לַאֲבֹתֶֽיךָ׃
Vehayá ékev tishmeún et hamishpatim ha’ele ushemartem va’asitem otam veshamar Adonai Eloheja lejá et-haberit ve’et-hajésed asher nishbá la’avoteja
Y será que por cuanto escuchen estas leyes y las guarden y las cumplan, guardará HaShem tu Elohim para ti el pacto y la bondad que juró a tus padres.
13
וַאֲהֵ֣בְךָ֔ וּבֵרַכְךָ֖ וְהִרְבֶּ֑ךָ וּבֵרַ֣ךְ פְּרִֽי־בִטְנְךָ֣ וּפְרִֽי־אַ֠דְמָתֶךָ דְּגָ֨נְךָ֜ וְתִֽירֹשְׁךָ֣ וְיִצְהָרֶ֗ךָ שְׁגַר־אֲלָפֶ֙יךָ֙ וְעַשְׁתְּרֹ֣ת צֹאנֶ֔ךָ עַ֚ל הָֽאֲדָמָ֔ה אֲשֶׁר־נִשְׁבַּ֥ע לַאֲבֹתֶ֖יךָ לָ֥תֶת לָֽךְ׃
Va’ahevjá uverajjá vehirbeja uveraj peri-vitnejá uferi-admateja deganjá vetiroshjá veyitshareja shegar-alafeja ve’ashterot tsoneja al ha’adamá asher-nishbá la’avoteja látet laj
Y te amará y te bendecirá y te multiplicará, y bendecirá el fruto de tu vientre y el fruto de tu tierra, tu grano y tu mosto y tu aceite, las crías de tus vacas y los rebaños de tu ganado menor, sobre la tierra que juró a tus padres darte.
14
בָּר֥וּךְ תִּֽהְיֶ֖ה מִכָּל־הָעַמִּ֑ים לֹא־יִהְיֶ֥ה בְךָ֛ עָקָ֥ר וַֽעֲקָרָ֖ה וּבִבְהֶמְתֶּֽךָ׃
Baruje tihyé mikol-ha’amim lo-yihyé vejá akar va’akará uvivhemteja
Bendito serás más que todos los pueblos; no habrá en ti hombre estéril ni mujer estéril, ni en tu ganado.
15
וְהֵסִ֧יר יְהוָ֛ה מִמְּךָ֖ כָּל־חֹ֑לִי וְכָל־מַדְוֵי֩ מִצְרַ֨יִם הָרָעִ֜ים אֲשֶׁ֣ר יָדַ֗עְתָּ לֹ֤א יְשִׂימָם֙ בָּ֔ךְ וּנְתָנָ֖ם בְּכָל־שֹׂנְאֶֽיךָ׃
Vehesir Adonai mimejá kol-joli vejol-madvei Mitsraim hara’im asher yadata lo yesimam baj unetanam bejol-son’eja
Y apartará HaShem de ti toda enfermedad, y todas las dolencias malignas de Mitsráyim que conociste no las pondrá sobre ti, sino que las pondrá sobre todos los que te aborrecen.
16
וְאָכַלְתָּ֣ אֶת־כָּל־הָֽעַמִּ֗ים אֲשֶׁ֨ר יְהוָ֤ה אֱלֹהֶ֙יךָ֙ נֹתֵ֣ן לָ֔ךְ לֹא־תָחֹ֥ס עֵֽינְךָ֖ עֲלֵיהֶ֑ם וְלֹ֤א תַעֲבֹד֙ אֶת־אֱלֹ֣הֵיהֶ֔ם כִּֽי־מוֹקֵ֥שׁ ה֖וּא לָֽךְ׃ (ס)
Ve’ajaltá et-kol-ha’amim asher Adonai Eloheja notén laj lo-tajós einjá aleihem veló ta’avod et-Eloheihem ki-mokesh hu laj
Y consumirás a todos los pueblos que HaShem tu Elohim te entrega; no se apiadará tu ojo de ellos, y no servirás a sus elohim, pues trampa sería eso para ti.
17
כִּ֤י תֹאמַר֙ בִּלְבָ֣בְךָ֔ רַבִּ֛ים הַגּוֹיִ֥ם הָאֵ֖לֶּה מִמֶּ֑נִּי אֵיכָ֥ה אוּכַ֖ל לְהוֹרִישָֽׁם׃
Ki tomar bilvavjá rabim hagoyim ha’ele mimeni eijá ujal lehorisham
Si dijeres en tu corazón: «Numerosas son estas naciones más que yo, ¿cómo podré desposeerlas?»,
18
לֹ֥א תִירָ֖א מֵהֶ֑ם זָכֹ֣ר תִּזְכֹּ֗ר אֵ֤ת אֲשֶׁר־עָשָׂה֙ יְהוָ֣ה אֱלֹהֶ֔יךָ לְפַרְעֹ֖ה וּלְכָל־מִצְרָֽיִם׃
Lo tirá mehem zajor tizkor et asher-asa Adonai Eloheja lefar’ó ulejol-Mitsraim
no temerás de ellas; recordar recordarás lo que hizo HaShem tu Elohim a Paró y a todo Mitsráyim:
19
הַמַּסֹּ֨ת הַגְּדֹלֹ֜ת אֲשֶׁר־רָא֣וּ עֵינֶ֗יךָ וְהָאֹתֹ֤ת וְהַמֹּֽפְתִים֙ וְהַיָּ֤ד הַחֲזָקָה֙ וְהַזְּרֹ֣עַ הַנְּטוּיָ֔ה אֲשֶׁ֥ר הוֹצִֽאֲךָ֖ יְהוָ֣ה אֱלֹהֶ֑יךָ כֵּֽן־יַעֲשֶׂ֞ה יְהוָ֤ה אֱלֹהֶ֙יךָ֙ לְכָל־הָ֣עַמִּ֔ים אֲשֶׁר־אַתָּ֥ה יָרֵ֖א מִפְּנֵיהֶֽם׃
Hamasot hagedolot asher-rau eineja veha’otot vehamoftim vehayad hajazaka vehazeróa hanetuyá asher hotsi’ajá Adonai Eloheja ken-ya’asé Adonai Eloheja lejol-ha’amim asher-atá yaré mipeneihem
las grandes pruebas que vieron tus ojos, y las señales y los prodigios, y la mano fuerte y el brazo extendido con que te sacó HaShem tu Elohim; así hará HaShem tu Elohim con todos los pueblos de cuya presencia tú temes.
20
וְגַם֙ אֶת־הַצִּרְעָ֔ה יְשַׁלַּ֛ח יְהוָ֥ה אֱלֹהֶ֖יךָ בָּ֑ם עַד־אֲבֹ֗ד הַנִּשְׁאָרִ֛ים וְהַנִּסְתָּרִ֖ים מִפָּנֶֽיךָ׃
Vegam et-hatsir’á yeshalaj Adonai Eloheja bam ad-avod hanish’arim vehanistarim mipaneja
Y también la avispa enviará HaShem tu Elohim contra ellos, hasta que perezcan los que queden y los que se escondan de delante de ti.
21
לֹ֥א תַעֲרֹ֖ץ מִפְּנֵיהֶ֑ם כִּֽי־יְהוָ֤ה אֱלֹהֶ֙יךָ֙ בְּקִרְבֶּ֔ךָ אֵ֥ל גָּד֖וֹל וְנוֹרָֽא׃
Lo ta’aróts mipeneihem ki-Adonai Eloheja bekirbeja El gadol venorá
No te aterrorices de delante de ellos, porque HaShem tu Elohim está en medio de ti, Dios grande y temible.
22
וְנָשַׁל֩ יְהוָ֨ה אֱלֹהֶ֜יךָ אֶת־הַגּוֹיִ֥ם הָאֵ֛ל מִפָּנֶ֖יךָ מְעַ֣ט מְעָ֑ט לֹ֤א תוּכַל֙ כַּלֹּתָ֣ם מַהֵ֔ר פֶּן־תִּרְבֶּ֥ה עָלֶ֖יךָ חַיַּ֥ת הַשָּׂדֶֽה׃
Venashal Adonai Eloheja et-hagoyim ha’el mipaneja me’at me’at lo tujal kalotam maher pen-tirbé aleja jayat hasadé
Y desalojará HaShem tu Elohim a estas naciones de delante de ti poco a poco; no podrás acabar con ellas pronto, para que no se multiplique contra ti la bestia del campo.
23
וּנְתָנָ֛ם יְהוָ֥ה אֱלֹהֶ֖יךָ לְפָנֶ֑יךָ וְהָמָם֙ מְהוּמָ֣ה גְדֹלָ֔ה עַ֖ד הִשָּׁמְדָֽם׃
Unetanam Adonai Eloheja lefaneja vehamam mehumá gedolá ad hishamdam
Y los entregará HaShem tu Elohim delante de ti, y los confundirá con confusión grande, hasta destruirlos.
24
וְנָתַ֤ן מַלְכֵיהֶם֙ בְּיָדֶ֔ךָ וְהַאֲבַדְתָּ֣ אֶת־שְׁמָ֔ם מִתַּ֖חַת הַשָּׁמָ֑יִם לֹֽא־יִתְיַצֵּ֥ב אִישׁ֙ בְּפָנֶ֔יךָ עַ֥ד הִשְׁמִֽדְךָ֖ אֹתָֽם׃
Venatán maljeihem beyadeja veha’avadtá et-shemam mitájat hashamáyim lo-yityatsev ish befaneja ad hishmidjá otam
Y entregará a sus reyes en tu mano, y harás perecer su nombre de debajo de los cielos; no se sostendrá hombre alguno ante ti, hasta que los destruyas.
25
פְּסִילֵ֥י אֱלֹהֵיהֶ֖ם תִּשְׂרְפ֣וּן בָּאֵ֑שׁ לֹֽא־תַחְמֹד֩ כֶּ֨סֶף וְזָהָ֤ב עֲלֵיהֶם֙ וְלָקַחְתָּ֣ לָ֔ךְ פֶּ֚ן תִּוָּקֵ֣שׁ בּ֔וֹ כִּ֧י תוֹעֲבַ֛ת יְהוָ֥ה אֱלֹהֶ֖יךָ הֽוּא׃
Pesiléi Eloheihem tisrefún ba’esh lo-tajmod késef vezahav aleihem velakajtá laj pen tivakesh bo ki to’avat Adonai Eloheja hu
Los ídolos de sus elohim quemarán en el fuego; no codiciarás la plata ni el oro que hay sobre ellos ni lo tomarás para ti, para que no seas atrapado por ello, porque abominación de HaShem tu Elohim es.
26
וְלֹא־תָבִ֤יא תֽוֹעֵבָה֙ אֶל־בֵּיתֶ֔ךָ וְהָיִ֥יתָ חֵ֖רֶם כָּמֹ֑הוּ שַׁקֵּ֧ץ ׀ תְּשַׁקְּצֶ֛נּוּ וְתַעֵ֥ב ׀ תְּֽתַעֲבֶ֖נּוּ כִּי־חֵ֥רֶם הֽוּא׃ (פ)
Velo-taví to’eva el-beiteja vehayita jérem kamohu shakéts teshaketsenu veta’ev teta’avenu ki-jérem hu
Y no traerás abominación a tu casa y serás anatema como ella; aborrecer la aborrecerás y abominar la abominarás, porque anatema es.
Deuteronomio
6
Deuteronomio
8
