תנ״ך
Tanaj (Biblia)
beneyisrael.com
Inicio
Portada
Apoyar
Biblioteca
Opciones de lectura
עברית
Fonética
Español
Taamim
Nikud
Letras
A−
100%
A+
Comentarios
Torá · Éxodo
שמות כז
Éxodo · Capítulo 27
21 versículos
4 comentarios
1
וְעָשִׂ֥יתָ אֶת־הַמִּזְבֵּ֖חַ עֲצֵ֣י שִׁטִּ֑ים חָמֵשׁ֩ אַמּ֨וֹת אֹ֜רֶךְ וְחָמֵ֧שׁ אַמּ֣וֹת רֹ֗חַב רָב֤וּעַ יִהְיֶה֙ הַמִּזְבֵּ֔חַ וְשָׁלֹ֥שׁ אַמּ֖וֹת קֹמָתֽוֹ׃
Ve’asita et-hamizbeaj atséi shitim jamesh amot órej vejamesh amot rójav ravúa yihye hamizbeaj veshalosh amot komató
Harás el altar de madera de acacias, cinco codos de longitud y cinco codos de anchura -cuadrado será el altar- y tres codos su altura,
2
וְעָשִׂ֣יתָ קַרְנֹתָ֗יו עַ֚ל אַרְבַּ֣ע פִּנֹּתָ֔יו מִמֶּ֖נּוּ תִּהְיֶ֣יןָ קַרְנֹתָ֑יו וְצִפִּיתָ֥ אֹת֖וֹ נְחֹֽשֶׁת׃
Ve’asita karnotav al arbá pinotav mimenu tihyeina karnotav vetsipitá otó nejóshet
Y harás sus cuernos sobre sus cuatro rincones; de él mismo saldrán sus cuernos Y lo revestirás de cobre.
3
וְעָשִׂ֤יתָ סִּֽירֹתָיו֙ לְדַשְּׁנ֔וֹ וְיָעָיו֙ וּמִזְרְקֹתָ֔יו וּמִזְלְגֹתָ֖יו וּמַחְתֹּתָ֑יו לְכָל־כֵּלָ֖יו תַּעֲשֶׂ֥ה נְחֹֽשֶׁת׃
Ve’asita sirotav ledashenó veya’av umizrekotav umizlegotav umajtotav lejol-kelav ta’asé nejóshet
Y harás sus pailas para recoger su ceniza y sus palas y sus aspersorios, sus trinchantes y sus platillos y todos sus utensilios habrás de hacer de cobre,
4
וְעָשִׂ֤יתָ לּוֹ֙ מִכְבָּ֔ר מַעֲשֵׂ֖ה רֶ֣שֶׁת נְחֹ֑שֶׁת וְעָשִׂ֣יתָ עַל־הָרֶ֗שֶׁת אַרְבַּע֙ טַבְּעֹ֣ת נְחֹ֔שֶׁת עַ֖ל אַרְבַּ֥ע קְצוֹתָֽיו׃
Ve’asita lo mijbar ma’asé réshet nejóshet ve’asita al-haréshet arba tabe’ot nejóshet al arbá ketsotav
y le harás un enrejado: a manera de red de cobre; y harás sobre la red cuatro anillas de cobre sobre sus cuatro extremidades.
5
וְנָתַתָּ֣ה אֹתָ֗הּ תַּ֛חַת כַּרְכֹּ֥ב הַמִּזְבֵּ֖חַ מִלְּמָ֑טָּה וְהָיְתָ֣ה הָרֶ֔שֶׁת עַ֖ד חֲצִ֥י הַמִּזְבֵּֽחַ׃
Venatatá otah tájat karkov hamizbeaj milemata vehaytá haréshet ad jatsí hamizbeaj
Y la pondrás bajo el contorno del altar, por debajo, y que llegue la red hasta la mitad del altar.
6
וְעָשִׂ֤יתָ בַדִּים֙ לַמִּזְבֵּ֔חַ בַּדֵּ֖י עֲצֵ֣י שִׁטִּ֑ים וְצִפִּיתָ֥ אֹתָ֖ם נְחֹֽשֶׁת׃
Ve’asita vadim lamizbeaj badéi atséi shitim vetsipitá otam nejóshet
y harás varales para el altar, varales de madera de acacia s y los recubrirás de cobre.
7
וְהוּבָ֥א אֶת־בַּדָּ֖יו בַּטַּבָּעֹ֑ת וְהָי֣וּ הַבַּדִּ֗ים עַל־שְׁתֵּ֛י צַלְעֹ֥ת הַמִּזְבֵּ֖חַ בִּשְׂאֵ֥ת אֹתֽוֹ׃
Vehuvá et-badav bataba’ot vehayú habadim al-shetéi tsal’ot hamizbeaj bis’et otó
Y que sean insertados sus varales en las anillas, y que estén los varales sobre los dos costados del altar cuando sea portado.
8
נְב֥וּב לֻחֹ֖ת תַּעֲשֶׂ֣ה אֹת֑וֹ כַּאֲשֶׁ֨ר הֶרְאָ֥ה אֹתְךָ֛ בָּהָ֖ר כֵּ֥ן יַעֲשֽׂוּ׃ (ס)
Nevuv lujot ta’asé otó ka’asher her’á otjá bahar ken ya’asú
Hueco, con planchas lo habrás de hacer; como te hizo ver a ti, en la montaña, así habrán de hacer.
9
וְעָשִׂ֕יתָ אֵ֖ת חֲצַ֣ר הַמִּשְׁכָּ֑ן לִפְאַ֣ת נֶֽגֶב־תֵּ֠ימָנָה קְלָעִ֨ים לֶחָצֵ֜ר שֵׁ֣שׁ מָשְׁזָ֗ר מֵאָ֤ה בָֽאַמָּה֙ אֹ֔רֶךְ לַפֵּאָ֖ה הָאֶחָֽת׃
Ve’asita et jatsar hamishkán lif’at negev-teimana kela’im lejatser shesh moshzar me’á va’ama órej lape’á ha’ejat
Y harás el atrio del Tabernáculo: por el lado del Neguev, al sur; lienzos para el atrio, de lino fino de hilo torzal, cien codos de longitud, para un lado.
10
וְעַמֻּדָ֣יו עֶשְׂרִ֔ים וְאַדְנֵיהֶ֥ם עֶשְׂרִ֖ים נְחֹ֑שֶׁת וָוֵ֧י הָעַמֻּדִ֛ים וַחֲשֻׁקֵיהֶ֖ם כָּֽסֶף׃
Ve’amudav esrim ve’adneihem esrim nejóshet vavéi ha’amudim vajashukeihem kásef
y sus postes serán veinte y sus zócalos serán veinte, de cobre. Las alcayatas de los postes y sus filetes, de plata.
11
וְכֵ֨ן לִפְאַ֤ת צָפוֹן֙ בָּאֹ֔רֶךְ קְלָעִ֖ים מֵ֣אָה אֹ֑רֶךְ ועמדו [וְעַמּוּדָ֣יו] עֶשְׂרִ֗ים וְאַדְנֵיהֶ֤ם עֶשְׂרִים֙ נְחֹ֔שֶׁת וָוֵ֧י הָֽעַמֻּדִ֛ים וַחֲשֻׁקֵיהֶ֖ם כָּֽסֶף׃
Vején lif’at tsafon ba’órej kela’im me’a órej ve’amudav esrim ve’adneihem esrim nejóshet vavéi ha’amudim vajashukeihem kásef
y así por el lado norte; a lo largo, lienzos en cien codos de longitud. Y sus postes serán veinte y sus zócalos serán veinte, de cobre; las alcayatas de los postes y sus filetes, de plata.
12
וְרֹ֤חַב הֶֽחָצֵר֙ לִפְאַת־יָ֔ם קְלָעִ֖ים חֲמִשִּׁ֣ים אַמָּ֑ה עַמֻּדֵיהֶ֣ם עֲשָׂרָ֔ה וְאַדְנֵיהֶ֖ם עֲשָׂרָֽה׃
Verójav hejatser lif’at-yam kela’im jamishim amá amudeihem asará ve’adneihem asará
y la anchura del atrio, por el lado oeste, lienzos de cincuenta codos. Sus postes serán diez y sus zócalos, diez.
13
וְרֹ֣חַב הֶֽחָצֵ֗ר לִפְאַ֛ת קֵ֥דְמָה מִזְרָ֖חָה חֲמִשִּׁ֥ים אַמָּֽה׃
Verójav hejatser lif’at kedma mizraja jamishim amá
y la anchura del atrio del lado del frente, al este, cincuenta codos.
14
וַחֲמֵ֨שׁ עֶשְׂרֵ֥ה אַמָּ֛ה קְלָעִ֖ים לַכָּתֵ֑ף עַמֻּדֵיהֶ֣ם שְׁלֹשָׁ֔ה וְאַדְנֵיהֶ֖ם שְׁלֹשָֽׁה׃
Vajamesh esré amá kela’im lakatef amudeihem sheloshá ve’adneihem sheloshá
y quince codos de lienzos para un flanco; sus postes serán tres y sus zócalos, tres.
15
וְלַכָּתֵף֙ הַשֵּׁנִ֔ית חְמֵ֥שׁ עֶשְׂרֵ֖ה קְלָעִ֑ים עַמֻּדֵיהֶ֣ם שְׁלֹשָׁ֔ה וְאַדְנֵיהֶ֖ם שְׁלֹשָֽׁה׃
Velakatef hashenit jamesh esré kela’im amudeihem sheloshá ve’adneihem sheloshá
Y para el otro flanco, quince codos de lienzos; sus postes serán tres y sus zócalos, tres.
16
וּלְשַׁ֨עַר הֶֽחָצֵ֜ר מָסָ֣ךְ ׀ עֶשְׂרִ֣ים אַמָּ֗ה תְּכֵ֨לֶת וְאַרְגָּמָ֜ן וְתוֹלַ֧עַת שָׁנִ֛י וְשֵׁ֥שׁ מָשְׁזָ֖ר מַעֲשֵׂ֣ה רֹקֵ֑ם עַמֻּֽדֵיהֶם֙ אַרְבָּעָ֔ה וְאַדְנֵיהֶ֖ם אַרְבָּעָֽה׃
Uleshá’ar hejatser masaj esrim amá tejélet ve’argamán vetolá’at shaní veshesh moshzar ma’asé rokem amudeihem arba’á ve’adneihem arba’á
y para la puerta del atrio, una cortina de veinte codos, de púrpura violacea, púrpura escarlata y carmesí y lino fino de. hilo torzal, labor de bordador. Sus postes serán cuatro y sus zócalos, cuatro .
17
כָּל־עַמּוּדֵ֨י הֶֽחָצֵ֤ר סָבִיב֙ מְחֻשָּׁקִ֣ים כֶּ֔סֶף וָוֵיהֶ֖ם כָּ֑סֶף וְאַדְנֵיהֶ֖ם נְחֹֽשֶׁת׃
Kol-amudéi hejatser saviv mejushakim késef vaveihem kásef ve’adneihem nejóshet
Todos los postes del atrio, en derredor, habrán de ser fileteados con plata, sus alcayatas de plata y sus zócalos de cobre.
18
אֹ֣רֶךְ הֶֽחָצֵר֩ מֵאָ֨ה בָֽאַמָּ֜ה וְרֹ֣חַב ׀ חֲמִשִּׁ֣ים בַּחֲמִשִּׁ֗ים וְקֹמָ֛ה חָמֵ֥שׁ אַמּ֖וֹת שֵׁ֣שׁ מָשְׁזָ֑ר וְאַדְנֵיהֶ֖ם נְחֹֽשֶׁת׃
Órej hejatser me’á va’amá verójav jamishim bajamishim vekomá jamesh amot shesh moshzar ve’adneihem nejóshet
La longitud del atrio será de cien codos y la anchura de cincuenta codos por cincuenta y la altura cinco codos, de lino fino de hilo torzal y sus zócalos de cobre.
19
לְכֹל֙ כְּלֵ֣י הַמִּשְׁכָּ֔ן בְּכֹ֖ל עֲבֹדָת֑וֹ וְכָל־יְתֵדֹתָ֛יו וְכָל־יִתְדֹ֥ת הֶחָצֵ֖ר נְחֹֽשֶׁת׃ (ס)
Lejol keléi hamishkán bejol avodató vejol-yetedotav vejol-yitdot hejatser nejóshet
Para todos los utensilios del Tabernáculo, en todo su trabajo. Y todas sus estacas y todas las estacas del atrio, de cobre.
20
וְאַתָּ֞ה תְּצַוֶּ֣ה ׀ אֶת־בְּנֵ֣י יִשְׂרָאֵ֗ל וְיִקְח֨וּ אֵלֶ֜יךָ שֶׁ֣מֶן זַ֥יִת זָ֛ךְ כָּתִ֖ית לַמָּא֑וֹר לְהַעֲלֹ֥ת נֵ֖ר תָּמִֽיד׃
Ve’atá tetsavé et-benéi Yisrael veyikjú eleja shemen záyit zaj katit lamaor leha’alot ner tamid
Y tú habrás de ordenar a los hijos de Israel y que te traigan aceite de olivas machacadas, puro, para. el alumbrado. Para encender lámparas, siempre.
21
בְּאֹ֣הֶל מוֹעֵד֩ מִח֨וּץ לַפָּרֹ֜כֶת אֲשֶׁ֣ר עַל־הָעֵדֻ֗ת יַעֲרֹךְ֩ אֹת֨וֹ אַהֲרֹ֧ן וּבָנָ֛יו מֵעֶ֥רֶב עַד־בֹּ֖קֶר לִפְנֵ֣י יְהוָ֑ה חֻקַּ֤ת עוֹלָם֙ לְדֹ֣רֹתָ֔ם מֵאֵ֖ת בְּנֵ֥י יִשְׂרָאֵֽל׃ (ס)
Be’óhel mo’ed mijúts laparójet asher al-ha’edut ya’aroj otó Aharón uvanav me’érev ad-bóker lifnéi Adonai jukat olam ledorotam me’et benéi Yisrael
En la Tienda de la Reunión, del lado de afuera del velo que está ante el Testimonio (tablas del Pacto) -lo ordenará Aharon y sus hijos- desde la noche hasta la mañana, ante Adonai: Ley perpetua por sus generaciones de con los hijos de Israel.
Éxodo
26
Éxodo
28
