תנ״ך
Tanaj (Biblia)
beneyisrael.com
Inicio
Portada
Apoyar
Biblioteca
Opciones de lectura
עברית
Fonética
Español
Taamim
Nikud
Letras
A−
100%
A+
Comentarios
Torá · Génesis
בראשית כה
Génesis · Capítulo 25
34 versículos
23 comentarios
1
וַיֹּ֧סֶף אַבְרָהָ֛ם וַיִּקַּ֥ח אִשָּׁ֖ה וּשְׁמָ֥הּ קְטוּרָֽה׃
Vayósef Avraham vayikaj ishá ushemah keturá
Abraham había tomado otra mujer más, que se llamaba Keturáh.
2
וַתֵּ֣לֶד ל֗וֹ אֶת־זִמְרָן֙ וְאֶת־יָקְשָׁ֔ן וְאֶת־מְדָ֖ן וְאֶת־מִדְיָ֑ן וְאֶת־יִשְׁבָּ֖ק וְאֶת־שֽׁוּחַ׃
Vatéled lo et-zimran ve’et-yokshán ve’et-medán ve’et-midyán ve’et-yishbak ve’et-shuaj
Ella dio a luz- para él - a: Zimrán, Iokshán, Medán, Midián, Ishbak y a Shúah.
3
וְיָקְשָׁ֣ן יָלַ֔ד אֶת־שְׁבָ֖א וְאֶת־דְּדָ֑ן וּבְנֵ֣י דְדָ֔ן הָי֛וּ אַשּׁוּרִ֥ם וּלְטוּשִׁ֖ים וּלְאֻמִּֽים׃
Veyokshán yalad et-shevá ve’et-dedán uvenéi dedán hayú ashurim uletushim ule’umim
Iokshán engendró a Shebá y a Dedán. Los hijos de Dedán fueron: Ashurim, Letushim y Leumim.
4
וּבְנֵ֣י מִדְיָ֗ן עֵיפָ֤ה וָעֵ֙פֶר֙ וַחֲנֹ֔ךְ וַאֲבִידָ֖ע וְאֶלְדָּעָ֑ה כָּל־אֵ֖לֶּה בְּנֵ֥י קְטוּרָֽה׃
Uvenéi midyán eifá va’efer vajanoj va’avidá ve’elda’á kol-ele benéi keturá
Los hijos de Midián: Hefáh, Jefer, Janoj, Avidáh y Eldaáh; todos estos fueron descendientes de Keturáh.
5
וַיִּתֵּ֧ן אַבְרָהָ֛ם אֶת־כָּל־אֲשֶׁר־ל֖וֹ לְיִצְחָֽק׃
Vayitén Avraham et-kol-asher-lo leyitsjak
Abraham había dado todos sus bienes a Itsjak.
6
וְלִבְנֵ֤י הַפִּֽילַגְשִׁים֙ אֲשֶׁ֣ר לְאַבְרָהָ֔ם נָתַ֥ן אַבְרָהָ֖ם מַתָּנֹ֑ת וַֽיְשַׁלְּחֵ֞ם מֵעַ֨ל יִצְחָ֤ק בְּנוֹ֙ בְּעוֹדֶ֣נּוּ חַ֔י קֵ֖דְמָה אֶל־אֶ֥רֶץ קֶֽדֶם׃
Velivnéi hapilagshim asher le’avraham natán Avraham matanot vayshalejem me’al Itzjak beno beodenu jai kedma el-erets kédem
Mas, a los hijos de las concubinas que tenía Abraham, había dado Abraham regalos y los alejó de Itsjak, su hijo - mientras él vivía - hacia el este a la Tierra de Oriente.
7
וְאֵ֗לֶּה יְמֵ֛י שְׁנֵֽי־חַיֵּ֥י אַבְרָהָ֖ם אֲשֶׁר־חָ֑י מְאַ֥ת שָׁנָ֛ה וְשִׁבְעִ֥ים שָׁנָ֖ה וְחָמֵ֥שׁ שָׁנִֽים׃
Ve’ele yeméi shenei-jayéi Avraham asher-jai me’at shaná veshiv’im shaná vejamesh shanim
Estos son los días de los años de la vida de Abraham, los cuales vivió: cien años y setenta años y cinco años.
8
וַיִּגְוַ֨ע וַיָּ֧מָת אַבְרָהָ֛ם בְּשֵׂיבָ֥ה טוֹבָ֖ה זָקֵ֣ן וְשָׂבֵ֑עַ וַיֵּאָ֖סֶף אֶל־עַמָּֽיו׃
Vayigvá vayámot Avraham beseivá tová zakén vesavéa vaye’ásef el-amav
Feneció y murió Abraham en buena vejez, - anciano y colmado - y se reunió con sus gentes.
9
וַיִּקְבְּר֨וּ אֹת֜וֹ יִצְחָ֤ק וְיִשְׁמָעֵאל֙ בָּנָ֔יו אֶל־מְעָרַ֖ת הַמַּכְפֵּלָ֑ה אֶל־שְׂדֵ֞ה עֶפְרֹ֤ן בֶּן־צֹ֙חַר֙ הַֽחִתִּ֔י אֲשֶׁ֖ר עַל־פְּנֵ֥י מַמְרֵֽא׃
Vayikberú otó Itzjak veyishma’el banav el-me’arat hamajpelá el-sedé efrón ben-tsojar hajití asher al-penéi mamré
Lo sepultaron, Itsjak e Ishmahel - sus hijos - en la cueva de Majpeláh, en el campo de Hefrón hijo de Tsohar, el Jittita, que estaba situado frente a Mamré.
10
הַשָּׂדֶ֛ה אֲשֶׁר־קָנָ֥ה אַבְרָהָ֖ם מֵאֵ֣ת בְּנֵי־חֵ֑ת שָׁ֛מָּה קֻבַּ֥ר אַבְרָהָ֖ם וְשָׂרָ֥ה אִשְׁתּֽוֹ׃
Hasadé asher-kaná Avraham me’et benei-jet shama kubar Avraham vesará ishtó
El campo que había comprado Abraham de los hijos de Jet. Allí fue enterrado Abraham y Saráh su esposa.
11
וַיְהִ֗י אַחֲרֵי֙ מ֣וֹת אַבְרָהָ֔ם וַיְבָ֥רֶךְ אֱלֹהִ֖ים אֶת־יִצְחָ֣ק בְּנ֑וֹ וַיֵּ֣שֶׁב יִצְחָ֔ק עִם־בְּאֵ֥ר לַחַ֖י רֹאִֽי׃ (ס)
Vayhí ajarei mot Avraham vayvárej Elohim et-Itzjak benó vayéshev Itzjak im-be’er lajái ro’í
Y fue que después del deceso de Abraham, Elohim bendijo a Itsjak, su hijo, e Itsjak se asentó junto a Beer-Lajai Roí.
12
וְאֵ֛לֶּה תֹּלְדֹ֥ת יִשְׁמָעֵ֖אל בֶּן־אַבְרָהָ֑ם אֲשֶׁ֨ר יָלְדָ֜ה הָגָ֧ר הַמִּצְרִ֛ית שִׁפְחַ֥ת שָׂרָ֖ה לְאַבְרָהָֽם׃
Ve’ele toldot yishma’el ben-Avraham asher yaldá hagar hamitsrit shifjat sará le’avraham
Estas son las generaciones de Ishmahel, hijo de Abraham - que le había dado Hagar la egipcia, esclava de Saráh - a Abraham.
13
וְאֵ֗לֶּה שְׁמוֹת֙ בְּנֵ֣י יִשְׁמָעֵ֔אל בִּשְׁמֹתָ֖ם לְתוֹלְדֹתָ֑ם בְּכֹ֤ר יִשְׁמָעֵאל֙ נְבָיֹ֔ת וְקֵדָ֥ר וְאַדְבְּאֵ֖ל וּמִבְשָֽׂם׃
Ve’ele shemot benéi yishma’el bishmotam letoledotam bejor yishma’el nevayot vekedar ve’adbe’el umivsam
Estos son los nombres de los hijos de Ishmahel y estos sus nombres de acuerdo a su nacimiento: El primogénito de Ishmahel: Nevaiot, Kedar, Adbeel y Mivsam.
14
וּמִשְׁמָ֥ע וְדוּמָ֖ה וּמַשָּֽׂא׃
Umishmá vedumá umasá
Mishmáh, Dumáh y Massá.
15
חֲדַ֣ד וְתֵימָ֔א יְט֥וּר נָפִ֖ישׁ וָקֵֽדְמָה׃
Jadad veteimá yetur nafish vakedma
Hadad, Temá, Ietur, Nafish y Kedmah.
16
אֵ֣לֶּה הֵ֞ם בְּנֵ֤י יִשְׁמָעֵאל֙ וְאֵ֣לֶּה שְׁמֹתָ֔ם בְּחַצְרֵיהֶ֖ם וּבְטִֽירֹתָ֑ם שְׁנֵים־עָשָׂ֥ר נְשִׂיאִ֖ם לְאֻמֹּתָֽם׃
Ele hem benéi yishma’el ve’ele shemotam bejatsreihem uvetirotam sheneim-asar nesi’im le’umotam
Estos son los hijos de Ishmahel y estos son sus nombres, en sus poblados y en sus fuertes: Doce príncipes según sus naciones.
17
וְאֵ֗לֶּה שְׁנֵי֙ חַיֵּ֣י יִשְׁמָעֵ֔אל מְאַ֥ת שָׁנָ֛ה וּשְׁלֹשִׁ֥ים שָׁנָ֖ה וְשֶׁ֣בַע שָׁנִ֑ים וַיִּגְוַ֣ע וַיָּ֔מָת וַיֵּאָ֖סֶף אֶל־עַמָּֽיו׃
Ve’ele shenei jayéi yishma’el me’at shaná usheloshim shaná vesheva shanim vayigvá vayámot vaye’ásef el-amav
Estos son los años de vida de Ishmahel: Cien años y treinta años y siete años; feneció y murió y se reunió con sus gentes.
18
וַיִּשְׁכְּנ֨וּ מֵֽחֲוִילָ֜ה עַד־שׁ֗וּר אֲשֶׁר֙ עַל־פְּנֵ֣י מִצְרַ֔יִם בֹּאֲכָ֖ה אַשּׁ֑וּרָה עַל־פְּנֵ֥י כָל־אֶחָ֖יו נָפָֽל׃ (פ)
Vayishkenú mejavilá ad-shur asher al-penéi Mitsraim bo’ajá ashura al-penéi jol-ejav nafal
Ellos residieron desde Javiláh hasta Shur situada frente a Egipto - todo el camino hasta Ashur, sobre la faz de todos sus hermanos él acampó.
19
וְאֵ֛לֶּה תּוֹלְדֹ֥ת יִצְחָ֖ק בֶּן־אַבְרָהָ֑ם אַבְרָהָ֖ם הוֹלִ֥יד אֶת־יִצְחָֽק׃
Ve’ele toledot Itzjak ben-Avraham Avraham holid et-Itzjak
Y estos son los eventos de Itsjak, hijo de Abraham, Abraham había engendrado a Itsjak.
20
וַיְהִ֤י יִצְחָק֙ בֶּן־אַרְבָּעִ֣ים שָׁנָ֔ה בְּקַחְתּ֣וֹ אֶת־רִבְקָ֗ה בַּת־בְּתוּאֵל֙ הָֽאֲרַמִּ֔י מִפַּדַּ֖ן אֲרָ֑ם אֲח֛וֹת לָבָ֥ן הָאֲרַמִּ֖י ל֥וֹ לְאִשָּֽׁה׃
Vayhí Itzjak ben-arba’im shaná bekajtó et-rivká bat-betu’el ha’aramí mipadán aram ajot laván ha’aramí lo le’ishá
Era Itsjak de edad de cuarenta años, cuando tomó a Rivkáh hija de Betuel, el arameo - de Paddán-Aram - hermana de Labán, el arameo - para él como esposa.
21
וַיֶּעְתַּ֨ר יִצְחָ֤ק לַֽיהוָה֙ לְנֹ֣כַח אִשְׁתּ֔וֹ כִּ֥י עֲקָרָ֖ה הִ֑וא וַיֵּעָ֤תֶר לוֹ֙ יְהוָ֔ה וַתַּ֖הַר רִבְקָ֥ה אִשְׁתּֽוֹ׃
Vayetar Itzjak laAdonai lenójaj ishtó ki akará hiv vaye’áter lo Adonai vatáhar rivká ishtó
Imploró Itsjak a Adonai, frente a su mujer, pues ella era estéril y accedió a él Adonai, y concibió Rivkáh su mujer.
22
וַיִּתְרֹֽצֲצ֤וּ הַבָּנִים֙ בְּקִרְבָּ֔הּ וַתֹּ֣אמֶר אִם־כֵּ֔ן לָ֥מָּה זֶּ֖ה אָנֹ֑כִי וַתֵּ֖לֶךְ לִדְרֹ֥שׁ אֶת־יְהוָֽה׃
Vayitrotsetsú habanim bekirbah vatómer im-ken lama ze anoji vatélej lidrosh et-Adonai
Mas los hijos se agitaban en su seno y dijo ella: Si es así, ¿para qué estoy yo? Y ella fue a pedir ante Adonai.
23
וַיֹּ֨אמֶר יְהוָ֜ה לָ֗הּ שְׁנֵ֤י גיים [גוֹיִם֙] בְּבִטְנֵ֔ךְ וּשְׁנֵ֣י לְאֻמִּ֔ים מִמֵּעַ֖יִךְ יִפָּרֵ֑דוּ וּלְאֹם֙ מִלְאֹ֣ם יֶֽאֱמָ֔ץ וְרַ֖ב יַעֲבֹ֥ד צָעִֽיר׃
Vayómer Adonai lah shenéi goyim bevitnej ushenéi le’umim mime’áyij yiparedu ule’om mil’om ye’emáts verav ya’avod tsa’ir
Le dijo Adonai a ella: Dos pueblos hay en tu vientre, y dos naciones desde tus entrañas se han de bifurcar; mas una nación será más vigorosa que la otra. Y el mayor servirá al menor.
24
וַיִּמְלְא֥וּ יָמֶ֖יהָ לָלֶ֑דֶת וְהִנֵּ֥ה תוֹמִ֖ם בְּבִטְנָֽהּ׃
Vayimleú yameiha lalédet vehiné tomim bevitnah
Cumpliéronse sus días para alumbrar y he aquí que había mellizos en su vientre.
25
וַיֵּצֵ֤א הָרִאשׁוֹן֙ אַדְמוֹנִ֔י כֻּלּ֖וֹ כְּאַדֶּ֣רֶת שֵׂעָ֑ר וַיִּקְרְא֥וּ שְׁמ֖וֹ עֵשָֽׂו׃
Vayetsé harishon admoní kuló ke’adéret se’ar vayikreú shemó esav
Salió el primero, rojizo, todo él cual manto de vello, y llamaron su nombre: Hesav.
26
וְאַֽחֲרֵי־כֵ֞ן יָצָ֣א אָחִ֗יו וְיָד֤וֹ אֹחֶ֙זֶת֙ בַּעֲקֵ֣ב עֵשָׂ֔ו וַיִּקְרָ֥א שְׁמ֖וֹ יַעֲקֹ֑ב וְיִצְחָ֛ק בֶּן־שִׁשִּׁ֥ים שָׁנָ֖ה בְּלֶ֥דֶת אֹתָֽם׃
Ve’ajarei-jen yatsá ajiv veyadó ojezet ba’akev esav vayikrá shemó Yaakov veyitsjak ben-shishim shaná belédet otam
Y después salió su hermano y su mano se asía en el calcañal de Hesav y llamó su nombre: Iahacov. E Itsjak era de edad de sesenta años cuando ella los tuvo.
27
וַֽיִּגְדְּלוּ֙ הַנְּעָרִ֔ים וַיְהִ֣י עֵשָׂ֗ו אִ֛ישׁ יֹדֵ֥עַ צַ֖יִד אִ֣ישׁ שָׂדֶ֑ה וְיַעֲקֹב֙ אִ֣ישׁ תָּ֔ם יֹשֵׁ֖ב אֹהָלִֽים׃
Vayigdelu hane’arim vayhí esav ish yodéa tsáyid ish sadé veya’akov ish tam yoshev ohalim
Crecieron los jóvenes y Hesav se hizo hombre que sabía cazar, hombre de campo; mientras que Iahacov era hombre íntegro, morador en tiendas.
28
וַיֶּאֱהַ֥ב יִצְחָ֛ק אֶת־עֵשָׂ֖ו כִּי־צַ֣יִד בְּפִ֑יו וְרִבְקָ֖ה אֹהֶ֥בֶת אֶֽת־יַעֲקֹֽב׃
Vaye’ehav Itzjak et-esav ki-tsáyid befiv verivká ohévet et-Yaakov
Amó Itsjak a Hesav, pues había caza en su boca; mientras que Rivkáh amaba a Iahacov
29
וַיָּ֥זֶד יַעֲקֹ֖ב נָזִ֑יד וַיָּבֹ֥א עֵשָׂ֛ו מִן־הַשָּׂדֶ֖ה וְה֥וּא עָיֵֽף׃
Vayázed Yaakov nazid vayavó esav min-hasadé vehú ayef
Había cocido Iahacov un guiso y vino Hesav del campo y él estaba extenuado.
30
וַיֹּ֨אמֶר עֵשָׂ֜ו אֶֽל־יַעֲקֹ֗ב הַלְעִיטֵ֤נִי נָא֙ מִן־הָאָדֹ֤ם הָאָדֹם֙ הַזֶּ֔ה כִּ֥י עָיֵ֖ף אָנֹ֑כִי עַל־כֵּ֥ן קָרָֽא־שְׁמ֖וֹ אֱדֽוֹם׃
Vayómer esav el-Yaakov hal’iteni na min-ha’adom ha’adom hazé ki ayef anoji al-ken kara-shemó Edom
Dijo Hesav a Iahacov: Dame de comer — ahora — de lo rojo, el rojo éste, pues estoy extenuado. Por eso llamó su nombre Edom — Rojo.
31
וַיֹּ֖אמֶר יַעֲקֹ֑ב מִכְרָ֥ה כַיּ֛וֹם אֶת־בְּכֹֽרָתְךָ֖ לִֽי׃
Vayómer Yaakov mijrá jayom et-bejoratjá li
Dijo Iahacov: Véndeme — como el día — tu primogenitura, para mí.
32
וַיֹּ֣אמֶר עֵשָׂ֔ו הִנֵּ֛ה אָנֹכִ֥י הוֹלֵ֖ךְ לָמ֑וּת וְלָמָּה־זֶּ֥ה לִ֖י בְּכֹרָֽה׃
Vayómer esav hiné anojí holej lamut velama-ze li bejorá
Dijo Hesav: he aquí que yo voy a morir, y para qué, pues, ha de ser para mí la primogenitura?
33
וַיֹּ֣אמֶר יַעֲקֹ֗ב הִשָּׁ֤בְעָה לִּי֙ כַּיּ֔וֹם וַיִּשָּׁבַ֖ע ל֑וֹ וַיִּמְכֹּ֥ר אֶת־בְּכֹרָת֖וֹ לְיַעֲקֹֽב׃
Vayómer Yaakov hishav’a li kayom vayishavá lo vayimkor et-bejorató leya’akov
Dijo Iahacov ¡Júramelo, como el día! Y él le juró y vendió su primogenitura a Iahacov
34
וְיַעֲקֹ֞ב נָתַ֣ן לְעֵשָׂ֗ו לֶ֚חֶם וּנְזִ֣יד עֲדָשִׁ֔ים וַיֹּ֣אכַל וַיֵּ֔שְׁתְּ וַיָּ֖קָם וַיֵּלַ֑ךְ וַיִּ֥בֶז עֵשָׂ֖ו אֶת־הַבְּכֹרָֽה׃ (ס)
Veya’akov natán le’esav léjem unezid adashim vayójal vayeshte vayákom vayelaj vayívez esav et-habejorá
Y Iahacov había dado a Hesav, pan y guiso de lentejas y éste comió y bebió y se levantó y se fu y menospreció Hesav la primogenitura.
Génesis
24
Génesis
26
