תנ״ך
Tanaj (Biblia)
Portada
Apoyar
Biblioteca
beneyisrael.com
Inicio
OPCIONES DE LECTURA
Capas de lectura
עברית
Fonética
Español
Hebreo
Taamim
Nikud
Letras
Tamaño de letra
A−
100%
A+
Comentarios
Mostrar
Ocultar
Torá · Génesis
בראשית מא
Génesis · Capítulo 41
57 versículos
20 comentarios
1
וַיְהִ֕י מִקֵּ֖ץ שְׁנָתַ֣יִם יָמִ֑ים וּפַרְעֹ֣ה חֹלֵ֔ם וְהִנֵּ֖ה עֹמֵ֥ד עַל־הַיְאֹֽר׃
Vayhí mikéts shenatáyim yamim ufar’ó jolem vehiné omed al-hay’or
Y sucedió al cabo de dos años de días, que Paró soñaba, y he aquí que estaba de pie junto al río.
2
וְהִנֵּ֣ה מִן־הַיְאֹ֗ר עֹלֹת֙ שֶׁ֣בַע פָּר֔וֹת יְפ֥וֹת מַרְאֶ֖ה וּבְרִיאֹ֣ת בָּשָׂ֑ר וַתִּרְעֶ֖ינָה בָּאָֽחוּ׃
Vehiné min-hay’or olot sheva parot yefot mar’é uveri’ot basar vatir’eina ba’aju
Y he aquí que del río subían siete vacas, hermosas de aspecto y gordas de carne, y pacían en el ajú.
3
וְהִנֵּ֞ה שֶׁ֧בַע פָּר֣וֹת אֲחֵר֗וֹת עֹל֤וֹת אַחֲרֵיהֶן֙ מִן־הַיְאֹ֔ר רָע֥וֹת מַרְאֶ֖ה וְדַקּ֣וֹת בָּשָׂ֑ר וַֽתַּעֲמֹ֛דְנָה אֵ֥צֶל הַפָּר֖וֹת עַל־שְׂפַ֥ת הַיְאֹֽר׃
Vehiné sheva parot ajerot olot ajareihen min-hay’or raot mar’é vedakot basar vata’amodna étsel haparot al-sefat hay’or
Y he aquí que siete vacas otras subían tras ellas del río, feas de aspecto y flacas de carne, y se pararon junto a las vacas a la orilla del río.
4
וַתֹּאכַ֣לְנָה הַפָּר֗וֹת רָע֤וֹת הַמַּרְאֶה֙ וְדַקֹּ֣ת הַבָּשָׂ֔ר אֵ֚ת שֶׁ֣בַע הַפָּר֔וֹת יְפֹ֥ת הַמַּרְאֶ֖ה וְהַבְּרִיאֹ֑ת וַיִּיקַ֖ץ פַּרְעֹֽה׃
Vatojalna haparot raot hamar’e vedakot habasar et sheva haparot yefot hamar’é vehaberi’ot vayikáts par’ó
Y devoraron las vacas feas de aspecto y flacas de carne a las siete vacas hermosas de aspecto y gordas; y despertó Paró.
5
וַיִּישָׁ֕ן וַֽיַּחֲלֹ֖ם שֵׁנִ֑ית וְהִנֵּ֣ה ׀ שֶׁ֣בַע שִׁבֳּלִ֗ים עֹל֛וֹת בְּקָנֶ֥ה אֶחָ֖ד בְּרִיא֥וֹת וְטֹבֽוֹת׃
Vayishán vayajalom shenit vehiné sheva shibolim olot bekané ejad beriot vetovot
Y se durmió y soñó por segunda vez, y he aquí que siete espigas subían en un solo tallo, gruesas y buenas.
6
וְהִנֵּה֙ שֶׁ֣בַע שִׁבֳּלִ֔ים דַּקּ֖וֹת וּשְׁדוּפֹ֣ת קָדִ֑ים צֹמְח֖וֹת אַחֲרֵיהֶֽן׃
Vehine sheva shibolim dakot ushedufot kadim tsomjot ajareihén
Y he aquí que siete espigas delgadas y abrasadas por el viento del este brotaban tras ellas.
7
וַתִּבְלַ֙עְנָה֙ הַשִּׁבֳּלִ֣ים הַדַּקּ֔וֹת אֵ֚ת שֶׁ֣בַע הַֽשִּׁבֳּלִ֔ים הַבְּרִיא֖וֹת וְהַמְּלֵא֑וֹת וַיִּיקַ֥ץ פַּרְעֹ֖ה וְהִנֵּ֥ה חֲלֽוֹם׃
Vativlana hashibolim hadakot et sheva hashibolim haberiot vehameleot vayikáts par’ó vehiné jalom
Y tragaron las espigas delgadas a las siete espigas gruesas y llenas; y despertó Paró, y he aquí que era un sueño.
8
וַיְהִ֤י בַבֹּ֙קֶר֙ וַתִּפָּ֣עֶם רוּח֔וֹ וַיִּשְׁלַ֗ח וַיִּקְרָ֛א אֶת־כָּל־חַרְטֻמֵּ֥י מִצְרַ֖יִם וְאֶת־כָּל־חֲכָמֶ֑יהָ וַיְסַפֵּ֨ר פַּרְעֹ֤ה לָהֶם֙ אֶת־חֲלֹמ֔וֹ וְאֵין־פּוֹתֵ֥ר אוֹתָ֖ם לְפַרְעֹֽה׃
Vayhí vaboker vatipá’em rujó vayishlaj vayikrá et-kol-jartuméi Mitsraim ve’et-kol-jajameiha vaysaper par’ó lahem et-jalomó ve’ein-poter otam lefar’ó
Y sucedió por la mañana que se agitó su espíritu, y envió y llamó a todos los magos de Mitsráyim y a todos sus sabios; y les contó Paró su sueño, pero no había quien lo interpretara para Paró.
9
וַיְדַבֵּר֙ שַׂ֣ר הַמַּשְׁקִ֔ים אֶת־פַּרְעֹ֖ה לֵאמֹ֑ר אֶת־חֲטָאַ֕י אֲנִ֖י מַזְכִּ֥יר הַיּֽוֹם׃
Vaydaber sar hamashkim et-par’ó lemor et-jata’ái aní mazkir hayom
Y habló el jefe de los coperos a Paró, diciendo: «Mis faltas recuerdo yo hoy.
10
פַּרְעֹ֖ה קָצַ֣ף עַל־עֲבָדָ֑יו וַיִּתֵּ֨ן אֹתִ֜י בְּמִשְׁמַ֗ר בֵּ֚ית שַׂ֣ר הַטַּבָּחִ֔ים אֹתִ֕י וְאֵ֖ת שַׂ֥ר הָאֹפִֽים׃
Par’ó katsaf al-avadav vayitén otí bemishmar beit sar hatabajim otí ve’et sar ha’ofim
Paró se airó contra sus siervos, y me puso en custodia en la casa del jefe de los guardias, a mí y al jefe de los panaderos.
11
וַנַּֽחַלְמָ֥ה חֲל֛וֹם בְּלַ֥יְלָה אֶחָ֖ד אֲנִ֣י וָה֑וּא אִ֛ישׁ כְּפִתְר֥וֹן חֲלֹמ֖וֹ חָלָֽמְנוּ׃
Vanajalmá jalom belayla ejad aní vahú ish kefitrón jalomó jalamnu
Y soñamos un sueño en una misma noche, yo y él; cada uno conforme a la interpretación de su sueño soñamos.
12
וְשָׁ֨ם אִתָּ֜נוּ נַ֣עַר עִבְרִ֗י עֶ֚בֶד לְשַׂ֣ר הַטַּבָּחִ֔ים וַנְּ֨סַפֶּר־ל֔וֹ וַיִּפְתָּר־לָ֖נוּ אֶת־חֲלֹמֹתֵ֑ינוּ אִ֥ישׁ כַּחֲלֹמ֖וֹ פָּתָֽר׃
Vesham itanu ná’ar ivrí éved lesar hatabajim vanesaper-lo vayiftor-lanu et-jalomoteinu ish kajalomó patar
Y allí estaba con nosotros un joven hebreo, siervo del jefe de los guardias, y le contamos, y nos interpretó nuestros sueños; a cada uno conforme a su sueño interpretó.
13
וַיְהִ֛י כַּאֲשֶׁ֥ר פָּֽתַר־לָ֖נוּ כֵּ֣ן הָיָ֑ה אֹתִ֛י הֵשִׁ֥יב עַל־כַּנִּ֖י וְאֹת֥וֹ תָלָֽה׃
Vayhí ka’asher patar-lanu ken hayá otí heshiv al-kaní ve’otó talá
Y sucedió que tal como nos interpretó, así fue: a mí me restituyó a mi puesto, y a él lo colgó».
14
וַיִּשְׁלַ֤ח פַּרְעֹה֙ וַיִּקְרָ֣א אֶת־יוֹסֵ֔ף וַיְרִיצֻ֖הוּ מִן־הַבּ֑וֹר וַיְגַלַּח֙ וַיְחַלֵּ֣ף שִׂמְלֹתָ֔יו וַיָּבֹ֖א אֶל־פַּרְעֹֽה׃
Vayishlaj par’o vayikrá et-Yosef vayritsuhu min-habor vaygalaj vayjalef simlotav vayavó el-par’ó
Y envió Paró y llamó a Yosef, y lo hicieron correr desde la fosa; y se afeitó y cambió sus vestiduras, y vino ante Paró.
15
וַיֹּ֤אמֶר פַּרְעֹה֙ אֶל־יוֹסֵ֔ף חֲל֣וֹם חָלַ֔מְתִּי וּפֹתֵ֖ר אֵ֣ין אֹת֑וֹ וַאֲנִ֗י שָׁמַ֤עְתִּי עָלֶ֙יךָ֙ לֵאמֹ֔ר תִּשְׁמַ֥ע חֲל֖וֹם לִפְתֹּ֥ר אֹתֽוֹ׃
Vayómer par’o el-Yosef jalom jalamti ufoter ein otó va’aní shamati aleja lemor tishmá jalom liftor otó
Y dijo Paró a Yosef: «Un sueño he soñado, y no hay quien lo interprete; y yo he oído decir de ti que escuchas un sueño para interpretarlo».
16
וַיַּ֨עַן יוֹסֵ֧ף אֶת־פַּרְעֹ֛ה לֵאמֹ֖ר בִּלְעָדָ֑י אֱלֹהִ֕ים יַעֲנֶ֖ה אֶת־שְׁל֥וֹם פַּרְעֹֽה׃
Vaya’an Yosef et-par’ó lemor bil’adái Elohim ya’ané et-shelom par’ó
Y respondió Yosef a Paró diciendo: «No está en mí; Elohim responderá la paz de Paró».
17
וַיְדַבֵּ֥ר פַּרְעֹ֖ה אֶל־יוֹסֵ֑ף בַּחֲלֹמִ֕י הִנְנִ֥י עֹמֵ֖ד עַל־שְׂפַ֥ת הַיְאֹֽר׃
Vaydaber par’ó el-Yosef bajalomí hinení omed al-sefat hay’or
Y habló Paró a Yosef: «En mi sueño, heme aquí de pie sobre la orilla del río.
18
וְהִנֵּ֣ה מִן־הַיְאֹ֗ר עֹלֹת֙ שֶׁ֣בַע פָּר֔וֹת בְּרִיא֥וֹת בָּשָׂ֖ר וִיפֹ֣ת תֹּ֑אַר וַתִּרְעֶ֖ינָה בָּאָֽחוּ׃
Vehiné min-hay’or olot sheva parot beriot basar vifot tó’ar vatir’eina ba’aju
Y he aquí que del río subían siete vacas gordas de carne y hermosas de aspecto, y pacían en el juncal.
19
וְהִנֵּ֞ה שֶֽׁבַע־פָּר֤וֹת אֲחֵרוֹת֙ עֹל֣וֹת אַחֲרֵיהֶ֔ן דַּלּ֨וֹת וְרָע֥וֹת תֹּ֛אַר מְאֹ֖ד וְרַקּ֣וֹת בָּשָׂ֑ר לֹֽא־רָאִ֧יתִי כָהֵ֛נָּה בְּכָל־אֶ֥רֶץ מִצְרַ֖יִם לָרֹֽעַ׃
Vehiné sheva-parot ajerot olot ajareihén dalot veraot tó’ar me’od verakot basar lo-ra’iti jahena bejol-erets Mitsraim laróa
Y he aquí que siete vacas otras subían tras ellas, flacas y muy malas de aspecto y enjutas de carne; no he visto como ellas en toda la tierra de Mitsráyim en fealdad.
20
וַתֹּאכַ֙לְנָה֙ הַפָּר֔וֹת הָרַקּ֖וֹת וְהָרָע֑וֹת אֵ֣ת שֶׁ֧בַע הַפָּר֛וֹת הָרִאשֹׁנ֖וֹת הַבְּרִיאֹֽת׃
Vatojalna haparot harakot veharaot et sheva haparot harishonot haberi’ot
Y devoraron las vacas enjutas y malas a las siete vacas primeras, las gordas.
21
וַתָּבֹ֣אנָה אֶל־קִרְבֶּ֗נָה וְלֹ֤א נוֹדַע֙ כִּי־בָ֣אוּ אֶל־קִרְבֶּ֔נָה וּמַרְאֵיהֶ֣ן רַ֔ע כַּאֲשֶׁ֖ר בַּתְּחִלָּ֑ה וָאִיקָֽץ׃
Vatavona el-kirbena veló noda ki-vau el-kirbena umar’eihén ra ka’asher batejilá va’ikáts
Y entraron en sus entrañas, y no se supo que habían entrado en sus entrañas, y su aspecto era malo como al principio. Y desperté.
22
וָאֵ֖רֶא בַּחֲלֹמִ֑י וְהִנֵּ֣ה ׀ שֶׁ֣בַע שִׁבֳּלִ֗ים עֹלֹ֛ת בְּקָנֶ֥ה אֶחָ֖ד מְלֵאֹ֥ת וְטֹבֽוֹת׃
Va’ere bajalomí vehiné sheva shibolim olot bekané ejad mele’ot vetovot
Y vi en mi sueño, y he aquí siete espigas que subían en una sola caña, llenas y buenas.
23
וְהִנֵּה֙ שֶׁ֣בַע שִׁבֳּלִ֔ים צְנֻמ֥וֹת דַּקּ֖וֹת שְׁדֻפ֣וֹת קָדִ֑ים צֹמְח֖וֹת אַחֲרֵיהֶֽם׃
Vehine sheva shibolim tsenumot dakot shedufot kadim tsomjot ajareihem
Y he aquí siete espigas marchitas, delgadas, abatidas por el viento del este, que brotaban tras ellas.
24
וַתִּבְלַ֙עְןָ֙ הָשִׁבֳּלִ֣ים הַדַּקֹּ֔ת אֵ֛ת שֶׁ֥בַע הַֽשִׁבֳּלִ֖ים הַטֹּב֑וֹת וָֽאֹמַר֙ אֶל־הַֽחַרְטֻמִּ֔ים וְאֵ֥ין מַגִּ֖יד לִֽי׃
Vativlana hashibolim hadakot et sheva hashibolim hatovot va’omar el-hajartumim ve’éin magid li
Y tragaron las espigas delgadas a las siete espigas buenas. Y lo dije a los magos, y no hay quien me lo declare».
25
וַיֹּ֤אמֶר יוֹסֵף֙ אֶל־פַּרְעֹ֔ה חֲל֥וֹם פַּרְעֹ֖ה אֶחָ֣ד ה֑וּא אֵ֣ת אֲשֶׁ֧ר הָאֱלֹהִ֛ים עֹשֶׂ֖ה הִגִּ֥יד לְפַרְעֹֽה׃
Vayómer Yosef el-par’ó jalom par’ó ejad hu et asher ha’elohim osé higid lefar’ó
Y dijo Yosef a Paró: «El sueño de Paró uno es; lo que Elohim hace, lo ha declarado a Paró.
26
שֶׁ֧בַע פָּרֹ֣ת הַטֹּבֹ֗ת שֶׁ֤בַע שָׁנִים֙ הֵ֔נָּה וְשֶׁ֤בַע הַֽשִּׁבֳּלִים֙ הַטֹּבֹ֔ת שֶׁ֥בַע שָׁנִ֖ים הֵ֑נָּה חֲל֖וֹם אֶחָ֥ד הֽוּא׃
Sheva parot hatovot sheva shanim hena vesheva hashibolim hatovot sheva shanim hena jalom ejad hu
Las siete vacas buenas siete años son, y las siete espigas buenas siete años son; un solo sueño es.
27
וְשֶׁ֣בַע הַ֠פָּרוֹת הָֽרַקּ֨וֹת וְהָרָעֹ֜ת הָעֹלֹ֣ת אַחֲרֵיהֶ֗ן שֶׁ֤בַע שָׁנִים֙ הֵ֔נָּה וְשֶׁ֤בַע הַֽשִׁבֳּלִים֙ הָרֵק֔וֹת שְׁדֻפ֖וֹת הַקָּדִ֑ים יִהְי֕וּ שֶׁ֖בַע שְׁנֵ֥י רָעָֽב׃
Vesheva haparot harakot vehara’ot ha’olot ajareihén sheva shanim hena vesheva hashibolim harekot shedufot hakadim yihyú sheva shenéi ra’av
Y las siete vacas enjutas y malas que subían tras ellas siete años son, y las siete espigas vacías abatidas por el viento del este serán siete años de hambre.
28
ה֣וּא הַדָּבָ֔ר אֲשֶׁ֥ר דִּבַּ֖רְתִּי אֶל־פַּרְעֹ֑ה אֲשֶׁ֧ר הָאֱלֹהִ֛ים עֹשֶׂ֖ה הֶרְאָ֥ה אֶת־פַּרְעֹֽה׃
Hu hadavar asher dibarti el-par’ó asher ha’elohim osé her’á et-par’ó
Es la cosa que he hablado a Paró: lo que Elohim hace, lo ha mostrado a Paró.
29
הִנֵּ֛ה שֶׁ֥בַע שָׁנִ֖ים בָּא֑וֹת שָׂבָ֥ע גָּד֖וֹל בְּכָל־אֶ֥רֶץ מִצְרָֽיִם׃
Hiné sheva shanim baot savá gadol bejol-erets Mitsraim
He aquí que siete años vienen, abundancia grande en toda la tierra de Mitsráyim.
30
וְ֠קָמוּ שֶׁ֨בַע שְׁנֵ֤י רָעָב֙ אַחֲרֵיהֶ֔ן וְנִשְׁכַּ֥ח כָּל־הַשָּׂבָ֖ע בְּאֶ֣רֶץ מִצְרָ֑יִם וְכִלָּ֥ה הָרָעָ֖ב אֶת־הָאָֽרֶץ׃
Vekamu sheva shenéi ra’av ajareihén venishkaj kol-hasavá be’erets Mitsraim vejilá hara’av et-ha’arets
Y se levantarán siete años de hambre tras ellos, y será olvidada toda la abundancia en la tierra de Mitsráyim, y el hambre consumirá la tierra.
31
וְלֹֽא־יִוָּדַ֤ע הַשָּׂבָע֙ בָּאָ֔רֶץ מִפְּנֵ֛י הָרָעָ֥ב הַה֖וּא אַחֲרֵי־כֵ֑ן כִּֽי־כָבֵ֥ד ה֖וּא מְאֹֽד׃
Velo-yivadá hasava ba’arets mipenéi hara’av hahú ajarei-jen ki-javed hu me’od
Y no se conocerá la abundancia en la tierra a causa de aquel hambre que vendrá después, pues será muy grave.
32
וְעַ֨ל הִשָּׁנ֧וֹת הַחֲל֛וֹם אֶל־פַּרְעֹ֖ה פַּעֲמָ֑יִם כִּֽי־נָכ֤וֹן הַדָּבָר֙ מֵעִ֣ם הָאֱלֹהִ֔ים וּמְמַהֵ֥ר הָאֱלֹהִ֖ים לַעֲשֹׂתֽוֹ׃
Ve’al hishanot hajalom el-par’ó pa’amáyim ki-najón hadavar me’im ha’elohim umemaher ha’elohim la’asotó
Y en cuanto a que el sueño se repitió a Paró dos veces, es porque la cosa está firme de parte de Elohim, y Elohim se apresura a hacerlo.
33
וְעַתָּה֙ יֵרֶ֣א פַרְעֹ֔ה אִ֖ישׁ נָב֣וֹן וְחָכָ֑ם וִישִׁיתֵ֖הוּ עַל־אֶ֥רֶץ מִצְרָֽיִם׃
Ve’ata yeré far’ó ish navón vejajam vishitehu al-erets Mitsraim
Y ahora, provéase Paró de un hombre entendido y sabio, y lo ponga sobre la tierra de Mitsráyim.
34
יַעֲשֶׂ֣ה פַרְעֹ֔ה וְיַפְקֵ֥ד פְּקִדִ֖ים עַל־הָאָ֑רֶץ וְחִמֵּשׁ֙ אֶת־אֶ֣רֶץ מִצְרַ֔יִם בְּשֶׁ֖בַע שְׁנֵ֥י הַשָּׂבָֽע׃
Ya’asé far’ó veyafked pekidim al-ha’arets vejimesh et-erets Mitsraim besheva shenéi hasavá
Haga Paró y nombre supervisores sobre la tierra, y tome la quinta parte de la tierra de Mitsráyim en los siete años de abundancia.
35
וְיִקְבְּצ֗וּ אֶת־כָּל־אֹ֙כֶל֙ הַשָּׁנִ֣ים הַטֹּבֹ֔ת הַבָּאֹ֖ת הָאֵ֑לֶּה וְיִצְבְּרוּ־בָ֞ר תַּ֧חַת יַד־פַּרְעֹ֛ה אֹ֥כֶל בֶּעָרִ֖ים וְשָׁמָֽרוּ׃
Veyikbetsú et-kol-ojel hashanim hatovot haba’ot ha’ele veyitsberu-var tájat yad-par’ó ójel be’arim veshamaru
Y recojan todo el alimento de estos años buenos que vienen, y acumulen grano bajo la mano de Paró, alimento en las ciudades, y lo guarden.
36
וְהָיָ֨ה הָאֹ֤כֶל לְפִקָּדוֹן֙ לָאָ֔רֶץ לְשֶׁ֙בַע֙ שְׁנֵ֣י הָרָעָ֔ב אֲשֶׁ֥ר תִּהְיֶ֖יןָ בְּאֶ֣רֶץ מִצְרָ֑יִם וְלֹֽא־תִכָּרֵ֥ת הָאָ֖רֶץ בָּרָעָֽב׃
Vehayá ha’ójel lefikadon la’arets lesheva shenéi hara’av asher tihyeina be’erets Mitsraim velo-tikaret ha’arets bara’av
Y será el alimento como reserva para la tierra, para los siete años de hambre que habrá en la tierra de Mitsráyim, y no será cortada la tierra por el hambre».
37
וַיִּיטַ֥ב הַדָּבָ֖ר בְּעֵינֵ֣י פַרְעֹ֑ה וּבְעֵינֵ֖י כָּל־עֲבָדָֽיו׃
Vayitav hadavar be’einéi far’ó uve’einéi kol-avadav
Y fue buena la cosa a los ojos de Paró y a los ojos de todos sus siervos.
38
וַיֹּ֥אמֶר פַּרְעֹ֖ה אֶל־עֲבָדָ֑יו הֲנִמְצָ֣א כָזֶ֔ה אִ֕ישׁ אֲשֶׁ֛ר ר֥וּחַ אֱלֹהִ֖ים בּֽוֹ׃
Vayómer par’ó el-avadav hanimtsá jazé ish asher ruaj Elohim bo
Y dijo Paró a sus siervos: «¿Acaso se hallará como este, un hombre en quien esté el espíritu de Elohim?».
39
וַיֹּ֤אמֶר פַּרְעֹה֙ אֶל־יוֹסֵ֔ף אַחֲרֵ֨י הוֹדִ֧יעַ אֱלֹהִ֛ים אוֹתְךָ֖ אֶת־כָּל־זֹ֑את אֵין־נָב֥וֹן וְחָכָ֖ם כָּמֽוֹךָ׃
Vayómer par’o el-Yosef ajaréi hodía Elohim otejá et-kol-zot ein-navón vejajam kamoja
Y dijo Paró a Yosef: «Después que Elohim te ha dado a conocer todo esto, no hay entendido ni sabio como tú.
40
אַתָּה֙ תִּהְיֶ֣ה עַל־בֵּיתִ֔י וְעַל־פִּ֖יךָ יִשַּׁ֣ק כָּל־עַמִּ֑י רַ֥ק הַכִּסֵּ֖א אֶגְדַּ֥ל מִמֶּֽךָּ׃
Ata tihyé al-beití ve’al-pija yishak kol-amí rak hakisé egdal mimeka
Tú estarás sobre mi casa, y por tu boca se gobernará todo mi pueblo; solo en el trono seré mayor que tú».
41
וַיֹּ֥אמֶר פַּרְעֹ֖ה אֶל־יוֹסֵ֑ף רְאֵה֙ נָתַ֣תִּי אֹֽתְךָ֔ עַ֖ל כָּל־אֶ֥רֶץ מִצְרָֽיִם׃
Vayómer par’ó el-Yosef re’e natati otjá al kol-erets Mitsraim
Y dijo Paró a Yosef: «Mira, te he puesto sobre toda la tierra de Mitsráyim».
42
וַיָּ֨סַר פַּרְעֹ֤ה אֶת־טַבַּעְתּוֹ֙ מֵעַ֣ל יָד֔וֹ וַיִּתֵּ֥ן אֹתָ֖הּ עַל־יַ֣ד יוֹסֵ֑ף וַיַּלְבֵּ֤שׁ אֹתוֹ֙ בִּגְדֵי־שֵׁ֔שׁ וַיָּ֛שֶׂם רְבִ֥ד הַזָּהָ֖ב עַל־צַוָּארֽוֹ׃
Vayásar par’ó et-tabato me’al yadó vayitén otah al-yad Yosef vayalbesh oto bigdei-shesh vayásem revid hazahav al-tsavaró
Y quitó Paró su anillo de sobre su mano y lo puso sobre la mano de Yosef, y lo vistió con vestiduras de lino fino, y puso el collar de oro sobre su cuello.
43
וַיַּרְכֵּ֣ב אֹת֗וֹ בְּמִרְכֶּ֤בֶת הַמִּשְׁנֶה֙ אֲשֶׁר־ל֔וֹ וַיִּקְרְא֥וּ לְפָנָ֖יו אַבְרֵ֑ךְ וְנָת֣וֹן אֹת֔וֹ עַ֖ל כָּל־אֶ֥רֶץ מִצְרָֽיִם׃
Vayarkev otó bemirkévet hamishne asher-lo vayikreú lefanav avrej venatón otó al kol-erets Mitsraim
Y lo hizo montar en el segundo carro que tenía, y proclamaron delante de él: «Avréj», y lo puso sobre toda la tierra de Mitsráyim.
44
וַיֹּ֧אמֶר פַּרְעֹ֛ה אֶל־יוֹסֵ֖ף אֲנִ֣י פַרְעֹ֑ה וּבִלְעָדֶ֗יךָ לֹֽא־יָרִ֨ים אִ֧ישׁ אֶת־יָד֛וֹ וְאֶת־רַגְל֖וֹ בְּכָל־אֶ֥רֶץ מִצְרָֽיִם׃
Vayómer par’ó el-Yosef aní far’ó uvil’adeja lo-yarim ish et-yadó ve’et-ragló bejol-erets Mitsraim
Y dijo Paró a Yosef: «Yo soy Paró, y sin ti no alzará hombre su mano ni su pie en toda la tierra de Mitsráyim».
45
וַיִּקְרָ֨א פַרְעֹ֣ה שֵׁם־יוֹסֵף֮ צָֽפְנַ֣ת פַּעְנֵחַ֒ וַיִּתֶּן־ל֣וֹ אֶת־אָֽסְנַ֗ת בַּת־פּ֥וֹטִי פֶ֛רַע כֹּהֵ֥ן אֹ֖ן לְאִשָּׁ֑ה וַיֵּצֵ֥א יוֹסֵ֖ף עַל־אֶ֥רֶץ מִצְרָֽיִם׃
Vayikrá far’ó shem-Yosef tsafnat paneaj vayiten-lo et-asnat bat-poti fera kohén on le’ishá vayetsé Yosef al-erets Mitsraim
Y llamó Paró el nombre de Yosef Tsafnat Panéaj, y le dio a Asnat, hija de Potí Féra, sacerdote de On, por mujer; y salió Yosef sobre la tierra de Mitsráyim.
46
וְיוֹסֵף֙ בֶּן־שְׁלֹשִׁ֣ים שָׁנָ֔ה בְּעָמְד֕וֹ לִפְנֵ֖י פַּרְעֹ֣ה מֶֽלֶךְ־מִצְרָ֑יִם וַיֵּצֵ֤א יוֹסֵף֙ מִלִּפְנֵ֣י פַרְעֹ֔ה וַֽיַּעְבֹ֖ר בְּכָל־אֶ֥רֶץ מִצְרָֽיִם׃
Veiosef ben-sheloshim shaná be’omdó lifnéi par’ó melej-Mitsraim vayetsé Yosef milifnéi far’ó vaya’avor bejol-erets Mitsraim
Y Yosef tenía treinta años cuando se presentó ante Paró, rey de Mitsráyim; y salió Yosef de ante Paró y recorrió toda la tierra de Mitsráyim.
47
וַתַּ֣עַשׂ הָאָ֔רֶץ בְּשֶׁ֖בַע שְׁנֵ֣י הַשָּׂבָ֑ע לִקְמָצִֽים׃
Vata’as ha’arets besheva shenéi hasavá likmatsim
Y produjo la tierra en los siete años de la abundancia a manojos.
48
וַיִּקְבֹּ֞ץ אֶת־כָּל־אֹ֣כֶל ׀ שֶׁ֣בַע שָׁנִ֗ים אֲשֶׁ֤ר הָיוּ֙ בְּאֶ֣רֶץ מִצְרַ֔יִם וַיִּתֶּן־אֹ֖כֶל בֶּעָרִ֑ים אֹ֧כֶל שְׂדֵה־הָעִ֛יר אֲשֶׁ֥ר סְבִיבֹתֶ֖יהָ נָתַ֥ן בְּתוֹכָֽהּ׃
Vayikbóts et-kol-ójel sheva shanim asher hayu be’erets Mitsraim vayiten-ójel be’arim ójel sede-ha’ir asher sevivoteiha natán betojah
Y reunió todo el alimento de los siete años que hubo en la tierra de Mitsráyim, y puso alimento en las ciudades; el alimento del campo de cada ciudad que estaba en sus alrededores lo puso dentro de ella.
49
וַיִּצְבֹּ֨ר יוֹסֵ֥ף בָּ֛ר כְּח֥וֹל הַיָּ֖ם הַרְבֵּ֣ה מְאֹ֑ד עַ֛ד כִּי־חָדַ֥ל לִסְפֹּ֖ר כִּי־אֵ֥ין מִסְפָּֽר׃
Vayitsbor Yosef bar kejol hayam harbé me’od ad ki-jadal lispor ki-ein mispar
Y acumuló Yosef grano como la arena del mar, muchísimo, hasta que dejó de contar, porque no tenía número.
50
וּלְיוֹסֵ֤ף יֻלַּד֙ שְׁנֵ֣י בָנִ֔ים בְּטֶ֥רֶם תָּב֖וֹא שְׁנַ֣ת הָרָעָ֑ב אֲשֶׁ֤ר יָֽלְדָה־לּוֹ֙ אָֽסְנַ֔ת בַּת־פּ֥וֹטִי פֶ֖רַע כֹּהֵ֥ן אֽוֹן׃
Uleiosef yulad shenéi vanim betérem tavó shenat hara’av asher yalda-lo asnat bat-poti fera kohén on
Y a Yosef le nacieron dos hijos antes de que viniera el año del hambre, los cuales le dio a luz Asnat, hija de Potí Féra, sacerdote de On.
51
וַיִּקְרָ֥א יוֹסֵ֛ף אֶת־שֵׁ֥ם הַבְּכ֖וֹר מְנַשֶּׁ֑ה כִּֽי־נַשַּׁ֤נִי אֱלֹהִים֙ אֶת־כָּל־עֲמָלִ֔י וְאֵ֖ת כָּל־בֵּ֥ית אָבִֽי׃
Vayikrá Yosef et-shem habejor Menashé ki-nashani Elohim et-kol-amalí ve’et kol-beit aví
Y llamó Yosef el nombre del primogénito Menashé, «porque me hizo olvidar Elohim todo mi trabajo y toda la casa de mi padre».
52
וְאֵ֛ת שֵׁ֥ם הַשֵּׁנִ֖י קָרָ֣א אֶפְרָ֑יִם כִּֽי־הִפְרַ֥נִי אֱלֹהִ֖ים בְּאֶ֥רֶץ עָנְיִֽי׃
Ve’et shem hashení kará Efraim ki-hifrani Elohim be’erets onyí
Y el nombre del segundo llamó Efráyim, «porque me hizo fructificar Elohim en la tierra de mi aflicción».
53
וַתִּכְלֶ֕ינָה שֶׁ֖בַע שְׁנֵ֣י הַשָּׂבָ֑ע אֲשֶׁ֥ר הָיָ֖ה בְּאֶ֥רֶץ מִצְרָֽיִם׃
Vatijleina sheva shenéi hasavá asher hayá be’erets Mitsraim
Y se acabaron los siete años de la abundancia que hubo en la tierra de Mitsráyim.
54
וַתְּחִלֶּ֜ינָה שֶׁ֣בַע שְׁנֵ֤י הָרָעָב֙ לָב֔וֹא כַּאֲשֶׁ֖ר אָמַ֣ר יוֹסֵ֑ף וַיְהִ֤י רָעָב֙ בְּכָל־הָ֣אֲרָצ֔וֹת וּבְכָל־אֶ֥רֶץ מִצְרַ֖יִם הָ֥יָה לָֽחֶם׃
Vatejileina sheva shenéi hara’av lavó ka’asher amar Yosef vayhí ra’av bejol-ha’aratsot uvejol-erets Mitsraim haya lájem
Y comenzaron los siete años del hambre a venir, tal como había dicho Yosef; y hubo hambre en todas las tierras, pero en toda la tierra de Mitsráyim había pan.
55
וַתִּרְעַב֙ כָּל־אֶ֣רֶץ מִצְרַ֔יִם וַיִּצְעַ֥ק הָעָ֛ם אֶל־פַּרְעֹ֖ה לַלָּ֑חֶם וַיֹּ֨אמֶר פַּרְעֹ֤ה לְכָל־מִצְרַ֙יִם֙ לְכ֣וּ אֶל־יוֹסֵ֔ף אֲשֶׁר־יֹאמַ֥ר לָכֶ֖ם תַּעֲשֽׂוּ׃
Vatir’av kol-erets Mitsraim vayits’ak ha’am el-par’ó lalájem vayómer par’ó lejol-Mitsraim lejú el-Yosef asher-yomar lajem ta’asú
Y tuvo hambre toda la tierra de Mitsráyim, y clamó el pueblo a Paró por pan; y dijo Paró a todo Mitsráyim: «Vayan a Yosef; lo que él les diga, hagan».
56
וְהָרָעָ֣ב הָיָ֔ה עַ֖ל כָּל־פְּנֵ֣י הָאָ֑רֶץ וַיִּפְתַּ֨ח יוֹסֵ֜ף אֶֽת־כָּל־אֲשֶׁ֤ר בָּהֶם֙ וַיִּשְׁבֹּ֣ר לְמִצְרַ֔יִם וַיֶּחֱזַ֥ק הָֽרָעָ֖ב בְּאֶ֥רֶץ מִצְרָֽיִם׃
Vehara’av hayá al kol-penéi ha’arets vayiftaj Yosef et-kol-asher bahem vayishbor lemitsráyim vayejezak hara’av be’erets Mitsraim
Y el hambre estaba sobre toda la faz de la tierra; y abrió Yosef todo lo que había en ellos, y vendió grano a Mitsráyim; y se fortaleció el hambre en la tierra de Mitsráyim.
57
וְכָל־הָאָ֙רֶץ֙ בָּ֣אוּ מִצְרַ֔יְמָה לִשְׁבֹּ֖ר אֶל־יוֹסֵ֑ף כִּֽי־חָזַ֥ק הָרָעָ֖ב בְּכָל־הָאָֽרֶץ׃
Vejol-ha’arets bau mitsrayma lishbor el-Yosef ki-jazak hara’av bejol-ha’arets
Y toda la tierra vino a Mitsráyim a comprar grano, a Yosef, porque se había fortalecido el hambre en toda la tierra.
Génesis
40
Génesis
42
