תנ״ך
Tanaj (Biblia)
beneyisrael.com
Inicio
Portada
Apoyar
Biblioteca
Opciones de lectura
עברית
Fonética
Español
Taamim
Nikud
Letras
A−
100%
A+
Comentarios
Neviim · Hageo
חגי ב
Hageo · Capítulo 2
23 versículos
22 comentarios
1
בַּשְּׁבִיעִ֕י בְּעֶשְׂרִ֥ים וְאֶחָ֖ד לַחֹ֑דֶשׁ הָיָה֙ דְּבַר־יְהוָ֔ה בְּיַד־חַגַּ֥י הַנָּבִ֖יא לֵאמֹֽר׃
Bashevi’í be’esrim ve’ejad lajódesh haya devar-Adonai beyad-jagái hanaví lemor
El día veintiuno del mes séptimo, vino la palabra del Señor por medio del profeta Jagai, diciendo:
2
אֱמָר־נָ֗א אֶל־זְרֻבָּבֶ֤ל בֶּן־שַׁלְתִּיאֵל֙ פַּחַ֣ת יְהוּדָ֔ה וְאֶל־יְהוֹשֻׁ֥עַ בֶּן־יְהוֹצָדָ֖ק הַכֹּהֵ֣ן הַגָּד֑וֹל וְאֶל־שְׁאֵרִ֥ית הָעָ֖ם לֵאמֹֽר׃
Emor-na el-zerubavel ben-shalti’el pajat Yehudá ve’el-yehoshúa ben-yehotsadak hakohén hagadol ve’el-she’erit ha’am lemor
Habla ahora a Zerubabel, hijo de Shealtiel, gobernador de Yehudá, y al sumo sacerdote Ieshúa, hijo de Iotzadac, y al remanente del pueblo, diciendo:
3
מִ֤י בָכֶם֙ הַנִּשְׁאָ֔ר אֲשֶׁ֤ר רָאָה֙ אֶת־הַבַּ֣יִת הַזֶּ֔ה בִּכְבוֹד֖וֹ הָרִאשׁ֑וֹן וּמָ֨ה אַתֶּ֜ם רֹאִ֤ים אֹתוֹ֙ עַ֔תָּה הֲל֥וֹא כָמֹ֛הוּ כְּאַ֖יִן בְּעֵינֵיכֶֽם׃
Mi vajem hanish’ar asher ra’a et-habáyit hazé bijvodó harishón umá atem ro’im oto ata haló jamohu ke’ayin be’eineijem
¿Quién ha quedado entre vosotros que haya visto este templo en su gloria primera? ¿Y cómo lo veis ahora? Tal como está, ¿no es como nada a vuestros ojos?
4
וְעַתָּ֣ה חֲזַ֣ק זְרֻבָּבֶ֣ל ׀ נְאֻם־יְהוָ֡ה וַחֲזַ֣ק יְהוֹשֻׁ֣עַ בֶּן־יְהוֹצָדָק֩ הַכֹּהֵ֨ן הַגָּד֜וֹל וַחֲזַ֨ק כָּל־עַ֥ם הָאָ֛רֶץ נְאֻם־יְהוָ֖ה וַֽעֲשׂ֑וּ כִּֽי־אֲנִ֣י אִתְּכֶ֔ם נְאֻ֖ם יְהוָ֥ה צְבָאֽוֹת׃
Ve’atá jazak zerubavel ne’um-Adonai vajazak yehoshúa ben-yehotsadak hakohén hagadol vajazak kol-am ha’arets ne’um-Adonai va’asú ki-aní itejem ne’um Adonai tsevaot
Pero ahora, esfuérzate, Zerubabel palabra del Señor, esfuérzate tú también, Ieshúa, hijo de Iotzadac, sumo sacerdote, y esforzaos todos vosotros, pueblo de la tierra palabra del Señor y haced, porque Yo estoy con vosotros palabra del Señor de los Ejércitos.
5
אֶֽת־הַדָּבָ֞ר אֲשֶׁר־כָּרַ֤תִּי אִתְּכֶם֙ בְּצֵאתְכֶ֣ם מִמִּצְרַ֔יִם וְרוּחִ֖י עֹמֶ֣דֶת בְּתוֹכְכֶ֑ם אַל־תִּירָֽאוּ׃ (ס)
Et-hadavar asher-karati itejem betsetjem mimitsráyim verují omédet betojejem al-tiráu
Conforme a la promesa que os hice cuando salisteis de Egipto, Mi Espíritu permanece en medio de vosotros; no temáis.
6
כִּ֣י כֹ֤ה אָמַר֙ יְהוָ֣ה צְבָא֔וֹת ע֥וֹד אַחַ֖ת מְעַ֣ט הִ֑יא וַאֲנִ֗י מַרְעִישׁ֙ אֶת־הַשָּׁמַ֣יִם וְאֶת־הָאָ֔רֶץ וְאֶת־הַיָּ֖ם וְאֶת־הֶחָרָבָֽה׃
Ki jo amar Adonai tsevaot od ajat me’at hi va’aní mar’ish et-hashamáyim ve’et-ha’arets ve’et-hayam ve’et-hejaravá
Porque así dice el Señor de los Ejércitos: un poco más, Yo haré temblar los cielos y la tierra, el mar y la tierra firme.
7
וְהִרְעַשְׁתִּי֙ אֶת־כָּל־הַגּוֹיִ֔ם וּבָ֖אוּ חֶמְדַּ֣ת כָּל־הַגּוֹיִ֑ם וּמִלֵּאתִ֞י אֶת־הַבַּ֤יִת הַזֶּה֙ כָּב֔וֹד אָמַ֖ר יְהוָ֥ה צְבָאֽוֹת׃
Vehir’ashti et-kol-hagoyim uváu jemdat kol-hagoyim umiletí et-habáyit haze kavod amar Adonai tsevaot
Y haré temblar a todas las naciones; vendrán entonces los tesoros de todas las naciones, y Yo llenaré de gloria esta casa dice el Señor de los Ejércitos.
8
לִ֥י הַכֶּ֖סֶף וְלִ֣י הַזָּהָ֑ב נְאֻ֖ם יְהוָ֥ה צְבָאֽוֹת׃
Li hakésef velí hazahav ne’um Adonai tsevaot
Mía es la plata y Mío es el oro declara el Señor de los Ejércitos.
9
גָּד֣וֹל יִֽהְיֶ֡ה כְּבוֹד֩ הַבַּ֨יִת הַזֶּ֤ה הָאַֽחֲרוֹן֙ מִן־הָ֣רִאשׁ֔וֹן אָמַ֖ר יְהוָ֣ה צְבָא֑וֹת וּבַמָּק֤וֹם הַזֶּה֙ אֶתֵּ֣ן שָׁל֔וֹם נְאֻ֖ם יְהוָ֥ה צְבָאֽוֹת׃ (פ)
Gadol yihyé kevod habáyit hazé ha’ajaron min-harishón amar Adonai tsevaot uvamakom haze etén shalom ne’um Adonai tsevaot
La gloria postrera de esta casa será mayor que la primera dice el Señor de los Ejércitos y en este lugar daré paz declara el Señor de los Ejércitos.
10
בְּעֶשְׂרִ֤ים וְאַרְבָּעָה֙ לַתְּשִׁיעִ֔י בִּשְׁנַ֥ת שְׁתַּ֖יִם לְדָרְיָ֑וֶשׁ הָיָה֙ דְּבַר־יְהוָ֔ה אֶל־חַגַּ֥י הַנָּבִ֖יא לֵאמֹֽר׃
Be’esrim ve’arba’a lateshi’í bishnat shetáyim ledaryávesh haya devar-Adonai el-jagái hanaví lemor
El día veinticuatro del mes noveno, en el año segundo de Darío, vino la palabra del Señor al profeta Jagai, diciendo:
11
כֹּ֥ה אָמַ֖ר יְהוָ֣ה צְבָא֑וֹת שְׁאַל־נָ֧א אֶת־הַכֹּהֲנִ֛ים תּוֹרָ֖ה לֵאמֹֽר׃
Ko amar Adonai tsevaot she’al-na et-hakohanim torá lemor
Así dice el Señor de los Ejércitos: Pide ahora instrucción a los sacerdotes:
12
הֵ֣ן ׀ יִשָּׂא־אִ֨ישׁ בְּשַׂר־קֹ֜דֶשׁ בִּכְנַ֣ף בִּגְד֗וֹ וְנָגַ֣ע בִּ֠כְנָפוֹ אֶל־הַלֶּ֨חֶם וְאֶל־הַנָּזִ֜יד וְאֶל־הַיַּ֧יִן וְאֶל־שֶׁ֛מֶן וְאֶל־כָּל־מַאֲכָ֖ל הֲיִקְדָּ֑שׁ וַיַּעֲנ֧וּ הַכֹּהֲנִ֛ים וַיֹּאמְר֖וּ לֹֽא׃
Hen yisa-ish besar-kódesh bijnaf bigdó venagá bijnafo el-haléjem ve’el-hanazid ve’el-hayayin ve’el-shemen ve’el-kol-ma’ajal hayikdash vaya’anú hakohanim vayomrú lo
Si alguno lleva carne consagrada en la falda de su vestidura, y toca con su falda pan, alimento cocido, vino, aceite o cualquier otro alimento, ¿quedará éste consagrado? Y los sacerdotes respondieron, y dijeron: No.
13
וַיֹּ֣אמֶר חַגַּ֔י אִם־יִגַּ֧ע טְמֵא־נֶ֛פֶשׁ בְּכָל־אֵ֖לֶּה הֲיִטְמָ֑א וַיַּעֲנ֧וּ הַכֹּהֲנִ֛ים וַיֹּאמְר֖וּ יִטְמָֽא׃
Vayómer jagái im-yigá teme-néfesh bejol-ele hayitmá vaya’anú hakohanim vayomrú yitmá
Y dijo Jagai: Si alguno, que estuviera impuro por el contacto con un cadáver, toca cualquiera de estas cosas, ¿quedará impura? Respondieron los sacerdotes, y dijeron: Quedará impura.
14
וַיַּ֨עַן חַגַּ֜י וַיֹּ֗אמֶר כֵּ֣ן הָֽעָם־הַ֠זֶּה וְכֵן־הַגּ֨וֹי הַזֶּ֤ה לְפָנַי֙ נְאֻם־יְהוָ֔ה וְכֵ֖ן כָּל־מַעֲשֵׂ֣ה יְדֵיהֶ֑ם וַאֲשֶׁ֥ר יַקְרִ֛יבוּ שָׁ֖ם טָמֵ֥א הֽוּא׃
Vaya’an jagái vayómer ken ha’am-haze vejen-hagói hazé lefanai ne’um-Adonai vején kol-ma’asé yedeihem va’asher yakrivu sham tamé hu
Entonces volvió a hablar Jagai y dijo: Así es este pueblo y así es esta nación delante de Mí declara el Señor y así es toda obra de sus manos; y lo que allí ofrecen, impuro es.
15
וְעַתָּה֙ שִֽׂימוּ־נָ֣א לְבַבְכֶ֔ם מִן־הַיּ֥וֹם הַזֶּ֖ה וָמָ֑עְלָה מִטֶּ֧רֶם שֽׂוּם־אֶ֛בֶן אֶל־אֶ֖בֶן בְּהֵיכַ֥ל יְהוָֽה׃
Ve’ata simu-na levavjem min-hayom hazé vamala mitérem sum-even el-even beheijal Adonai
Ahora pues, de hoy en adelante prestad atención bien en esto: antes que se pusieran piedra sobre piedra en el Templo del Señor,
16
מִֽהְיוֹתָ֥ם בָּא֙ אֶל־עֲרֵמַ֣ת עֶשְׂרִ֔ים וְהָיְתָ֖ה עֲשָׂרָ֑ה בָּ֣א אֶל־הַיֶּ֗קֶב לַחְשֹׂף֙ חֲמִשִּׁ֣ים פּוּרָ֔ה וְהָיְתָ֖ה עֶשְׂרִֽים׃
Mihyotam ba el-aremat esrim vehaytá asará ba el-hayékev lajsof jamishim purá vehaytá esrim
en aquel tiempo, venía alguno a un fardo de veinte medidas, y había solo diez; venía alguno al lagar para sacar cincuenta cántaros, y había solo veinte.
17
הִכֵּ֨יתִי אֶתְכֶ֜ם בַּשִּׁדָּפ֤וֹן וּבַיֵּֽרָקוֹן֙ וּבַבָּרָ֔ד אֵ֖ת כָּל־מַעֲשֵׂ֣ה יְדֵיכֶ֑ם וְאֵין־אֶתְכֶ֥ם אֵלַ֖י נְאֻם־יְהוָֽה׃
Hikeiti etjem bashidafón uvayerakon uvabarad et kol-ma’asé yedeijem ve’ein-etjem elái ne’um-Adonai
Os herí con viento abrasador, con sequedad y con granizo en toda obra de vuestras manos; pero ninguno de vosotros se volvió a Mí declara el Señor.
18
שִׂימוּ־נָ֣א לְבַבְכֶ֔ם מִן־הַיּ֥וֹם הַזֶּ֖ה וָמָ֑עְלָה מִיּוֹם֩ עֶשְׂרִ֨ים וְאַרְבָּעָ֜ה לַתְּשִׁיעִ֗י לְמִן־הַיּ֛וֹם אֲשֶׁר־יֻסַּ֥ד הֵֽיכַל־יְהוָ֖ה שִׂ֥ימוּ לְבַבְכֶֽם׃
Simu-na levavjem min-hayom hazé vamala miom esrim ve’arba’á lateshi’í lemin-hayom asher-yusad heijal-Adonai simu levavjem
Pero considerad bien esto desde hoy en adelante, desde el día veinticuatro del mes noveno; desde el día en que se pusieron los cimientos del Templo del Señor, considerad bien:
19
הַע֤וֹד הַזֶּ֙רַע֙ בַּמְּגוּרָ֔ה וְעַד־הַגֶּ֨פֶן וְהַתְּאֵנָ֧ה וְהָרִמּ֛וֹן וְעֵ֥ץ הַזַּ֖יִת לֹ֣א נָשָׂ֑א מִן־הַיּ֥וֹם הַזֶּ֖ה אֲבָרֵֽךְ׃ (ס)
Haod hazera bamegurá ve’ad-hagefen vehate’ená veharimón ve’éts hazáyit lo nasá min-hayom hazé avarej
¿Acaso hay aun semilla en el granero? Todavía la vid, la higuera, la granada y el olivo no han dado fruto; pero desde hoy Yo os bendeciré.
20
וַיְהִ֨י דְבַר־יְהוָ֤ה ׀ שֵׁנִית֙ אֶל־חַגַּ֔י בְּעֶשְׂרִ֧ים וְאַרְבָּעָ֛ה לַחֹ֖דֶשׁ לֵאמֹֽר׃
Vayhí devar-Adonai shenit el-jagái be’esrim ve’arba’á lajódesh lemor
Y la palabra del Señor vino por segunda vez a Jagai, el día veinticuatro del mes, diciendo:
21
אֱמֹ֕ר אֶל־זְרֻבָּבֶ֥ל פַּֽחַת־יְהוּדָ֖ה לֵאמֹ֑ר אֲנִ֣י מַרְעִ֔ישׁ אֶת־הַשָּׁמַ֖יִם וְאֶת־הָאָֽרֶץ׃
Emor el-zerubavel pajat-Yehudá lemor aní mar’ish et-hashamáyim ve’et-ha’arets
Habla a Zerubabel, gobernador de Yehudá, diciendo: Yo haré temblar los cielos y la tierra,
22
וְהָֽפַכְתִּי֙ כִּסֵּ֣א מַמְלָכ֔וֹת וְהִ֨שְׁמַדְתִּ֔י חֹ֖זֶק מַמְלְכ֣וֹת הַגּוֹיִ֑ם וְהָפַכְתִּ֤י מֶרְכָּבָה֙ וְרֹ֣כְבֶ֔יהָ וְיָרְד֤וּ סוּסִים֙ וְרֹ֣כְבֵיהֶ֔ם אִ֖ישׁ בְּחֶ֥רֶב אָחִֽיו׃
Vehafajti kisé mamlajot vehishmadtí józek mamlejot hagoyim vehafajtí merkava verojveiha veyardú susim verojveihem ish bejérev ajiv
y volcaré el trono de los reinos y destruiré el poder de los reinos de las naciones; y volcaré el carro y a los que montan en él, y caerán los caballos y sus jinetes, cada uno por la espada de su hermano.
23
בַּיּ֣וֹם הַה֣וּא נְאֻם־יְהוָ֣ה צְבָא֡וֹת אֶ֠קָּחֲךָ זְרֻבָּבֶ֨ל בֶּן־שְׁאַלְתִּיאֵ֤ל עַבְדִּי֙ נְאֻם־יְהוָ֔ה וְשַׂמְתִּ֖יךָ כַּֽחוֹתָ֑ם כִּֽי־בְךָ֣ בָחַ֔רְתִּי נְאֻ֖ם יְהוָ֥ה צְבָאֽוֹת׃
Bayom hahú ne’um-Adonai tsevaot ekajaja zerubavel ben-she’alti’el avdi ne’um-Adonai vesamtija kajotam ki-vejá vajarti ne’um Adonai tsevaot
En aquel día declara el Señor de los Ejércitos te tomaré a ti, Zerubabel, hijo de Shealtiel, siervo mío declara el Señor y te pondré como anillo de sello, porque Yo te he escogido declara el Señor de los Ejército.
Hageo
1
Zacarías
1
