תנ״ך
Tanaj (Biblia)
Portada
Apoyar
Biblioteca
beneyisrael.com
Inicio
OPCIONES DE LECTURA
Capas de lectura
עברית
Fonética
Español
Hebreo
Taamim
Nikud
Letras
Tamaño de letra
A−
100%
A+
Comentarios
Mostrar
Ocultar
Neviim · Jueces
שופטים ט
Jueces · Capítulo 9
57 versículos
56 comentarios
1
וַיֵּ֨לֶךְ אֲבִימֶ֤לֶךְ בֶּן־יְרֻבַּ֙עַל֙ שְׁכֶ֔מָה אֶל־אֲחֵ֖י אִמּ֑וֹ וַיְדַבֵּ֣ר אֲלֵיהֶ֔ם וְאֶל־כָּל־מִשְׁפַּ֛חַת בֵּית־אֲבִ֥י אִמּ֖וֹ לֵאמֹֽר׃
Vayélej avimélej ben-yeruba’al shejema el-ajéi imó vaydaber aleihem ve’el-kol-mishpájat beit-aví imó lemor
Y fue Avimélej hijo de Yerubaal a Shejém, a los hermanos de su madre, y les habló, a ellos y a toda la familia de la casa del padre de su madre, diciendo:
2
דַּבְּרוּ־נָ֞א בְּאָזְנֵ֨י כָל־בַּעֲלֵ֣י שְׁכֶם֮ מַה־טּ֣וֹב לָכֶם֒ הַמְשֹׁ֨ל בָּכֶ֜ם שִׁבְעִ֣ים אִ֗ישׁ כֹּ֚ל בְּנֵ֣י יְרֻבַּ֔עַל אִם־מְשֹׁ֥ל בָּכֶ֖ם אִ֣ישׁ אֶחָ֑ד וּזְכַרְתֶּ֕ם כִּֽי־עַצְמֵכֶ֥ם וּבְשַׂרְכֶ֖ם אָנִֽי׃
Daberu-na be’oznéi jol-ba’aléi shejem ma-tov lajem hamshol bajem shiv’im ish kol benéi yerubá’al im-meshol bajem ish ejad uzejartem ki-atsmejem uvesarjem ani
«Hablen, por favor, a oídos de todos los señores de Shejém: ¿Qué es mejor para ustedes: que gobiernen sobre ustedes setenta hombres, todos los hijos de Yerubaal, o que gobierne sobre ustedes un solo hombre? Y recuerden que hueso suyo y carne suya soy yo».
3
וַיְדַבְּר֨וּ אֲחֵֽי־אִמּ֜וֹ עָלָ֗יו בְּאָזְנֵי֙ כָּל־בַּעֲלֵ֣י שְׁכֶ֔ם אֵ֥ת כָּל־הַדְּבָרִ֖ים הָאֵ֑לֶּה וַיֵּ֤ט לִבָּם֙ אַחֲרֵ֣י אֲבִימֶ֔לֶךְ כִּ֥י אָמְר֖וּ אָחִ֥ינוּ הֽוּא׃
Vaydaberú ajei-imó alav be’oznei kol-ba’aléi shejem et kol-hadevarim ha’ele vayet libam ajaréi avimélej ki amrú ajinu hu
Y hablaron los hermanos de su madre acerca de él a oídos de todos los señores de Shejém todas estas palabras; y se inclinó el corazón de ellos tras Avimélej, porque dijeron: «Nuestro hermano es».
4
וַיִּתְּנוּ־לוֹ֙ שִׁבְעִ֣ים כֶּ֔סֶף מִבֵּ֖יתּ בַ֣עַל בְּרִ֑ית וַיִּשְׂכֹּ֨ר בָּהֶ֜ם אֲבִימֶ֗לֶךְ אֲנָשִׁ֤ים רֵיקִים֙ וּפֹ֣חֲזִ֔ים וַיֵּלְכ֖וּ אַחֲרָֽיו׃
Vayitenu-lo shiv’im késef mibeit bá’al berit vayiskor bahem avimélej anashim reikim ufojazim vayeljú ajarav
Y le dieron setenta piezas de plata de la casa de Baal Berit, y con ellas contrató Avimélej a hombres ociosos y temerarios, que fueron tras él.
5
וַיָּבֹ֤א בֵית־אָבִיו֙ עָפְרָ֔תָה וַֽיַּהֲרֹ֞ג אֶת־אֶחָ֧יו בְּנֵֽי־יְרֻבַּ֛עַל שִׁבְּעִ֥ים אִ֖ישׁ עַל־אֶ֣בֶן אֶחָ֑ת וַיִּוָּתֵ֞ר יוֹתָ֧ם בֶּן־יְרֻבַּ֛עַל הַקָּטֹ֖ן כִּ֥י נֶחְבָּֽא׃ (ס)
Vayavó veit-aviv ofrata vayaharog et-ejav benei-yerubá’al shiv’im ish al-even ejat vayivater yotam ben-yerubá’al hakatón ki nejbá
Y vino a la casa de su padre, a Ofrá, y mató a sus hermanos, los hijos de Yerubaal, setenta hombres sobre una misma piedra; pero quedó Yotam, el hijo menor de Yerubaal, porque se escondió.
6
וַיֵּאָ֨סְפ֜וּ כָּל־בַּעֲלֵ֤י שְׁכֶם֙ וְכָל־בֵּ֣ית מִלּ֔וֹא וַיֵּ֣לְכ֔וּ וַיַּמְלִ֥יכוּ אֶת־אֲבִימֶ֖לֶךְ לְמֶ֑לֶךְ עִם־אֵל֥וֹן מֻצָּ֖ב אֲשֶׁ֥ר בִּשְׁכֶֽם׃
Vaye’asfú kol-ba’aléi shejem vejol-beit miló vayeljú vayamliju et-avimélej lemélej im-elón mutsav asher bishjem
Y se reunieron todos los señores de Shejém y toda Bet Miló, y fueron y proclamaron rey a Avimélej junto a la encina de la estela que está en Shejém.
7
וַיַּגִּ֣דוּ לְיוֹתָ֗ם וַיֵּ֙לֶךְ֙ וַֽיַּעֲמֹד֙ בְּרֹ֣אשׁ הַר־גְּרִזִ֔ים וַיִּשָּׂ֥א קוֹל֖וֹ וַיִּקְרָ֑א וַיֹּ֣אמֶר לָהֶ֗ם שִׁמְע֤וּ אֵלַי֙ בַּעֲלֵ֣י שְׁכֶ֔ם וְיִשְׁמַ֥ע אֲלֵיכֶ֖ם אֱלֹהִֽים׃
Vayagidu leiotam vayelej vaya’amod berosh har-gerizim vayisá koló vayikrá vayómer lahem shimú elai ba’aléi shejem veyishmá aleijem Elohim
Y se lo contaron a Yotam, y fue y se puso en pie en la cumbre del monte Guerizim, y alzó su voz y clamó, y les dijo: «Escúchenme, señores de Shejém, y que los escuche Elohim.
8
הָל֤וֹךְ הָֽלְכוּ֙ הָעֵצִ֔ים לִמְשֹׁ֥חַ עֲלֵיהֶ֖ם מֶ֑לֶךְ וַיֹּאמְר֥וּ לַזַּ֖יִת מלוכה [מָלְכָ֥ה] עָלֵֽינוּ׃
Haloje halju ha’etsim limshoaj aleihem mélej vayomrú lazáyit moljá aleinu
Fueron una vez los árboles a ungir rey sobre ellos, y dijeron al olivo: "Reina sobre nosotros".
9
וַיֹּ֤אמֶר לָהֶם֙ הַזַּ֔יִת הֶחֳדַ֙לְתִּי֙ אֶת־דִּשְׁנִ֔י אֲשֶׁר־בִּ֛י יְכַבְּד֥וּ אֱלֹהִ֖ים וַאֲנָשִׁ֑ים וְהָ֣לַכְתִּ֔י לָנ֖וּעַ עַל־הָעֵצִֽים׃
Vayómer lahem hazáyit hejodalti et-dishní asher-bi yejabedú Elohim va’anashim vehalajtí lanúa al-ha’etsim
Y les dijo el olivo: "¿He de dejar mi aceite, con el cual por mí se honra a Elohim y a los hombres, para ir a mecerme sobre los árboles?"
10
וַיֹּאמְר֥וּ הָעֵצִ֖ים לַתְּאֵנָ֑ה לְכִי־אַ֖תְּ מָלְכִ֥י עָלֵֽינוּ׃
Vayomrú ha’etsim late’ená leji-ate moljí aleinu
Y dijeron los árboles a la higuera: "Ven tú, reina sobre nosotros".
11
וַתֹּ֤אמֶר לָהֶם֙ הַתְּאֵנָ֔ה הֶחֳדַ֙לְתִּי֙ אֶת־מָתְקִ֔י וְאֶת־תְּנוּבָתִ֖י הַטּוֹבָ֑ה וְהָ֣לַכְתִּ֔י לָנ֖וּעַ עַל־הָעֵצִֽים׃
Vatómer lahem hate’ená hejodalti et-motkí ve’et-tenuvatí hatová vehalajtí lanúa al-ha’etsim
Y les dijo la higuera: "¿He de dejar mi dulzura y mi buen fruto, para ir a mecerme sobre los árboles?"
12
וַיֹּאמְר֥וּ הָעֵצִ֖ים לַגָּ֑פֶן לְכִי־אַ֖תְּ מלוכי [מָלְכִ֥י] עָלֵֽינוּ׃
Vayomrú ha’etsim lagafen leji-ate moljí aleinu
Y dijeron los árboles a la vid: "Ven tú, reina sobre nosotros".
13
וַתֹּ֤אמֶר לָהֶם֙ הַגֶּ֔פֶן הֶחֳדַ֙לְתִּי֙ אֶת־תִּ֣ירוֹשִׁ֔י הַֽמְשַׂמֵּ֥חַ אֱלֹהִ֖ים וַאֲנָשִׁ֑ים וְהָ֣לַכְתִּ֔י לָנ֖וּעַ עַל־הָעֵצִֽים׃
Vatómer lahem hagefen hejodalti et-tiroshí hamsameaj Elohim va’anashim vehalajtí lanúa al-ha’etsim
Y les dijo la vid: "¿He de dejar mi mosto, que alegra a Elohim y a los hombres, para ir a mecerme sobre los árboles?"
14
וַיֹּאמְר֥וּ כָל־הָעֵצִ֖ים אֶל־הָאָטָ֑ד לֵ֥ךְ אַתָּ֖ה מְלָךְ־עָלֵֽינוּ׃
Vayomrú jol-ha’etsim el-ha’atad lej atá meloj-aleinu
Y dijeron todos los árboles a la zarza: "Ven tú, reina sobre nosotros".
15
וַיֹּ֣אמֶר הָאָטָד֮ אֶל־הָעֵצִים֒ אִ֡ם בֶּאֱמֶ֣ת אַתֶּם֩ מֹשְׁחִ֨ים אֹתִ֤י לְמֶ֙לֶךְ֙ עֲלֵיכֶ֔ם בֹּ֖אוּ חֲס֣וּ בְצִלִּ֑י וְאִם־אַ֕יִן תֵּ֤צֵא אֵשׁ֙ מִן־הָ֣אָטָ֔ד וְתֹאכַ֖ל אֶת־אַרְזֵ֥י הַלְּבָנֽוֹן׃
Vayómer ha’atad el-ha’etsim im be’emet atem moshjim otí lemelej aleijem bou jasú vetsilí ve’im-ayin tetse esh min-ha’atad vetojal et-arzéi halevanón
Y dijo la zarza a los árboles: "Si en verdad me ungen por rey sobre ustedes, vengan, refúgiense en mi sombra; y si no, salga fuego de la zarza y devore los cedros del Levanón".
16
וְעַתָּ֗ה אִם־בֶּאֱמֶ֤ת וּבְתָמִים֙ עֲשִׂיתֶ֔ם וַתַּמְלִ֖יכוּ אֶת־אֲבִימֶ֑לֶךְ וְאִם־טוֹבָ֤ה עֲשִׂיתֶם֙ עִם־יְרֻבַּ֣עַל וְעִם־בֵּית֔וֹ וְאִם־כִּגְמ֥וּל יָדָ֖יו עֲשִׂ֥יתֶם לֽוֹ׃
Ve’atá im-be’emet uvetamim asitem vatamliju et-avimélej ve’im-tová asitem im-yerubá’al ve’im-beitó ve’im-kigmul yadav asítem lo
Ahora pues, si con verdad y con integridad han obrado al proclamar rey a Avimélej, y si han hecho bien con Yerubaal y con su casa, y si le han pagado conforme a la obra de sus manos
17
אֲשֶׁר־נִלְחַ֥ם אָבִ֖י עֲלֵיכֶ֑ם וַיַּשְׁלֵ֤ךְ אֶת־נַפְשׁוֹ֙ מִנֶּ֔גֶד וַיַּצֵּ֥ל אֶתְכֶ֖ם מִיַּ֥ד מִדְיָֽן׃
Asher-niljam aví aleijem vayashlej et-nafsho minéged vayatsel etjem miyad midyán
—porque mi padre combatió por ustedes, y arriesgó su vida, y los libró de mano de Midyán;
18
וְאַתֶּ֞ם קַמְתֶּ֨ם עַל־בֵּ֤ית אָבִי֙ הַיּ֔וֹם וַתַּהַרְג֧וּ אֶת־בָּנָ֛יו שִׁבְעִ֥ים אִ֖ישׁ עַל־אֶ֣בֶן אֶחָ֑ת וַתַּמְלִ֜יכוּ אֶת־אֲבִימֶ֤לֶךְ בֶּן־אֲמָתוֹ֙ עַל־בַּעֲלֵ֣י שְׁכֶ֔ם כִּ֥י אֲחִיכֶ֖ם הֽוּא׃
Ve’atem kamtem al-beit avi hayom vatahargú et-banav shiv’im ish al-even ejat vatamliju et-avimélej ben-amato al-ba’aléi shejem ki ajijem hu
pero ustedes se han levantado hoy contra la casa de mi padre, y han matado a sus hijos, setenta hombres sobre una misma piedra, y han proclamado rey a Avimélej, hijo de su sierva, sobre los señores de Shejém, porque es su hermano—;
19
וְאִם־בֶּאֱמֶ֨ת וּבְתָמִ֧ים עֲשִׂיתֶ֛ם עִם־יְרֻבַּ֥עַל וְעִם־בֵּית֖וֹ הַיּ֣וֹם הַזֶּ֑ה שִׂמְחוּ֙ בַּאֲבִימֶ֔לֶךְ וְיִשְׂמַ֥ח גַּם־ה֖וּא בָּכֶֽם׃
Ve’im-be’emet uvetamim asitem im-yerubá’al ve’im-beitó hayom hazé simju ba’avimélej veyismaj gam-hu bajem
si con verdad y con integridad han obrado con Yerubaal y con su casa en este día, alégrense con Avimélej, y que también él se alegre con ustedes.
20
וְאִם־אַ֕יִן תֵּ֤צֵא אֵשׁ֙ מֵאֲבִימֶ֔לֶךְ וְתֹאכַ֛ל אֶת־בַּעֲלֵ֥י שְׁכֶ֖ם וְאֶת־בֵּ֣ית מִלּ֑וֹא וְתֵצֵ֨א אֵ֜שׁ מִבַּעֲלֵ֤י שְׁכֶם֙ וּמִבֵּ֣ית מִלּ֔וֹא וְתֹאכַ֖ל אֶת־אֲבִימֶֽלֶךְ׃
Ve’im-ayin tetse esh me’avimélej vetojal et-ba’aléi shejem ve’et-beit miló vetetsé esh miba’aléi shejem umibeit miló vetojal et-avimélej
Y si no, salga fuego de Avimélej y devore a los señores de Shejém y a Bet Miló; y salga fuego de los señores de Shejém y de Bet Miló y devore a Avimélej».
21
וַיָּ֣נָס יוֹתָ֔ם וַיִּבְרַ֖ח וַיֵּ֣לֶךְ בְּאֵ֑רָה וַיֵּ֣שֶׁב שָׁ֔ם מִפְּנֵ֖י אֲבִימֶ֥לֶךְ אָחִֽיו׃ (פ)
Vayanos yotam vayivraj vayélej be’era vayéshev sham mipenéi avimélej ajiv
Y escapó Yotam, y huyó y se fue a Beer, y habitó allí, lejos de Avimélej su hermano.
22
וַיָּ֧שַׂר אֲבִימֶ֛לֶךְ עַל־יִשְׂרָאֵ֖ל שָׁלֹ֥שׁ שָׁנִֽים׃
Vayásar avimélej al-Yisrael shalosh shanim
Y dominó Avimélej sobre Yisrael tres años.
23
וַיִּשְׁלַ֤ח אֱלֹהִים֙ ר֣וּחַ רָעָ֔ה בֵּ֣ין אֲבִימֶ֔לֶךְ וּבֵ֖ין בַּעֲלֵ֣י שְׁכֶ֑ם וַיִּבְגְּד֥וּ בַעֲלֵי־שְׁכֶ֖ם בַּאֲבִימֶֽלֶךְ׃
Vayishlaj Elohim ruaj ra’á bein avimélej uvéin ba’aléi shejem vayivgedú va’alei-shejem ba’avimélej
Y envió Elohim un espíritu malo entre Avimélej y los señores de Shejém, y los señores de Shejém traicionaron a Avimélej,
24
לָב֕וֹא חֲמַ֖ס שִׁבְעִ֣ים בְּנֵֽי־יְרֻבָּ֑עַל וְדָמָ֗ם לָשׂ֞וּם עַל־אֲבִימֶ֤לֶךְ אֲחִיהֶם֙ אֲשֶׁ֣ר הָרַ֣ג אוֹתָ֔ם וְעַל֙ בַּעֲלֵ֣י שְׁכֶ֔ם אֲשֶׁר־חִזְּק֥וּ אֶת־יָדָ֖יו לַהֲרֹ֥ג אֶת־אֶחָֽיו׃
Lavó jamás shiv’im benei-yerubá’al vedamam lasum al-avimélej ajihem asher harag otam ve’al ba’aléi shejem asher-jizekú et-yadav laharog et-ejav
para que viniera la violencia hecha a los setenta hijos de Yerubaal, y su sangre recayera sobre Avimélej su hermano, que los mató, y sobre los señores de Shejém, que fortalecieron sus manos para matar a sus hermanos.
25
וַיָּשִׂ֣ימוּ לוֹ֩ בַעֲלֵ֨י שְׁכֶ֜ם מְאָרְבִ֗ים עַ֚ל רָאשֵׁ֣י הֶהָרִ֔ים וַיִּגְזְל֗וּ אֵ֛ת כָּל־אֲשֶׁר־יַעֲבֹ֥ר עֲלֵיהֶ֖ם בַּדָּ֑רֶךְ וַיֻּגַּ֖ד לַאֲבִימֶֽלֶךְ׃ (פ)
Vayasimu lo va’aléi shejem me’arvim al rashéi heharim vayigzelú et kol-asher-ya’avor aleihem badárej vayugad la’avimélej
Y le pusieron los señores de Shejém emboscadas sobre las cumbres de los montes, y robaban a todo el que pasaba junto a ellos por el camino; y le fue contado a Avimélej.
26
וַיָּבֹ֞א גַּ֤עַל בֶּן־עֶ֙בֶד֙ וְאֶחָ֔יו וַיַּעַבְר֖וּ בִּשְׁכֶ֑ם וַיִּבְטְחוּ־ב֖וֹ בַּעֲלֵ֥י שְׁכֶֽם׃
Vayavó gá’al ben-eved ve’ejav vaya’avrú bishjem vayivteju-vo ba’aléi shejem
Y vino Gáal hijo de Éved con sus hermanos, y pasaron a Shejém; y confiaron en él los señores de Shejém.
27
וַיֵּצְא֨וּ הַשָּׂדֶ֜ה וַֽיִּבְצְר֤וּ אֶת־כַּרְמֵיהֶם֙ וַֽיִּדְרְכ֔וּ וַֽיַּעֲשׂ֖וּ הִלּוּלִ֑ים וַיָּבֹ֙אוּ֙ בֵּ֣ית אֱֽלֹֽהֵיהֶ֔ם וַיֹּֽאכְלוּ֙ וַיִּשְׁתּ֔וּ וַֽיְקַלְל֖וּ אֶת־אֲבִימֶֽלֶךְ׃
Vayetsú hasadé vayivtserú et-karmeihem vayidrejú vaya’asú hilulim vayavou beit Eloheihem vayojlu vayishtú vaykalelú et-avimélej
Y salieron al campo y vendimiaron sus viñas y pisaron la uva, e hicieron fiesta; y entraron en la casa de su dios, y comieron y bebieron, y maldijeron a Avimélej.
28
וַיֹּ֣אמֶר ׀ גַּ֣עַל בֶּן־עֶ֗בֶד מִֽי־אֲבִימֶ֤לֶךְ וּמִֽי־שְׁכֶם֙ כִּ֣י נַעַבְדֶ֔נּוּ הֲלֹ֥א בֶן־יְרֻבַּ֖עַל וּזְבֻ֣ל פְּקִיד֑וֹ עִבְד֗וּ אֶת־אַנְשֵׁ֤י חֲמוֹר֙ אֲבִ֣י שְׁכֶ֔ם וּמַדּ֖וּעַ נַעַבְדֶ֥נּוּ אֲנָֽחְנוּ׃
Vayómer gá’al ben-éved mi-avimélej umi-shejem ki na’avdenu haló ven-yerubá’al uzevul pekidó ivdú et-anshéi jamor aví shejem umadúa na’avdenu anajnu
Y dijo Gáal hijo de Éved: «¿Quién es Avimélej, y quién es Shejém, para que le sirvamos? ¿No es hijo de Yerubaal, y Zevul su gobernador? Sirvan a los hombres de Jamor, padre de Shejém. ¿Y por qué hemos de servirle nosotros?
29
וּמִ֨י יִתֵּ֜ן אֶת־הָעָ֤ם הַזֶּה֙ בְּיָדִ֔י וְאָסִ֖ירָה אֶת־אֲבִימֶ֑לֶךְ וַיֹּ֙אמֶר֙ לַאֲבִימֶ֔לֶךְ רַבֶּ֥ה צְבָאֲךָ֖ וָצֵֽאָה׃
Umí yitén et-ha’am haze beyadí ve’asira et-avimélej vayomer la’avimélej rabé tseva’ajá vatse’a
¡Quién pusiera a este pueblo en mi mano, y yo quitaría a Avimélej!» Y dijo a Avimélej: «Aumenta tu ejército y sal».
30
וַיִּשְׁמַ֗ע זְבֻל֙ שַׂר־הָעִ֔יר אֶת־דִּבְרֵ֖י גַּ֣עַל בֶּן־עָ֑בֶד וַיִּ֖חַר אַפּֽוֹ׃
Vayishmá zevul sar-ha’ir et-divréi gá’al ben-áved vayíjar apó
Y oyó Zevul, príncipe de la ciudad, las palabras de Gáal hijo de Éved, y se encendió su ira.
31
וַיִּשְׁלַ֧ח מַלְאָכִ֛ים אֶל־אֲבִימֶ֖לֶךְ בְּתָרְמָ֣ה לֵאמֹ֑ר הִנֵּה֩ גַ֨עַל בֶּן־עֶ֤בֶד וְאֶחָיו֙ בָּאִ֣ים שְׁכֶ֔מָה וְהִנָּ֛ם צָרִ֥ים אֶת־הָעִ֖יר עָלֶֽיךָ׃
Vayishlaj mal’ajim el-avimélej betormá lemor hine gá’al ben-éved ve’ejav ba’im shejema vehinam tsarim et-ha’ir aleja
Y envió mensajeros a Avimélej con astucia, diciendo: «He aquí que Gáal hijo de Éved y sus hermanos han venido a Shejém, y he aquí que incitan la ciudad contra ti.
32
וְעַתָּה֙ ק֣וּם לַ֔יְלָה אַתָּ֖ה וְהָעָ֣ם אֲשֶׁר־אִתָּ֑ךְ וֶאֱרֹ֖ב בַּשָּׂדֶֽה׃
Ve’ata kum layla atá veha’am asher-itaj ve’erov basadé
Ahora pues, levántate de noche, tú y el pueblo que está contigo, y pon emboscada en el campo.
33
וְהָיָ֤ה בַבֹּ֙קֶר֙ כִּזְרֹ֣חַ הַשֶּׁ֔מֶשׁ תַּשְׁכִּ֖ים וּפָשַׁטְתָּ֣ עַל־הָעִ֑יר וְהִנֵּה־ה֞וּא וְהָעָ֤ם אֲשֶׁר־אִתּוֹ֙ יֹצְאִ֣ים אֵלֶ֔יךָ וְעָשִׂ֣יתָ לּ֔וֹ כַּאֲשֶׁ֖ר תִּמְצָ֥א יָדֶֽךָ׃ (ס)
Vehayá vaboker kizroaj hashémesh tashkim ufashattá al-ha’ir vehine-hu veha’am asher-ito yots’im eleja ve’asita lo ka’asher timtsá yadeja
Y será que por la mañana, al salir el sol, madrugarás y te lanzarás contra la ciudad; y he aquí que cuando él y el pueblo que está con él salgan contra ti, harás con él conforme halle tu mano».
34
וַיָּ֧קָם אֲבִימֶ֛לֶךְ וְכָל־הָעָ֥ם אֲשֶׁר־עִמּ֖וֹ לָ֑יְלָה וַיֶּאֶרְב֣וּ עַל־שְׁכֶ֔ם אַרְבָּעָ֖ה רָאשִֽׁים׃
Vayákom avimélej vejol-ha’am asher-imó layla vaye’ervú al-shejem arba’á rashim
Y se levantó Avimélej, y todo el pueblo que estaba con él, de noche, y pusieron emboscada contra Shejém en cuatro escuadrones.
35
וַיֵּצֵא֙ גַּ֣עַל בֶּן־עֶ֔בֶד וַיַּעֲמֹ֕ד פֶּ֖תַח שַׁ֣עַר הָעִ֑יר וַיָּ֧קָם אֲבִימֶ֛לֶךְ וְהָעָ֥ם אֲשֶׁר־אִתּ֖וֹ מִן־הַמַּאְרָֽב׃
Vayetse gá’al ben-éved vaya’amod pétaj shá’ar ha’ir vayákom avimélej veha’am asher-itó min-hamarav
Y salió Gáal hijo de Éved y se puso en pie a la entrada de la puerta de la ciudad; y se levantó Avimélej, y el pueblo que estaba con él, de la emboscada.
36
וַיַּרְא־גַּעַל֮ אֶת־הָעָם֒ וַיֹּ֣אמֶר אֶל־זְבֻ֔ל הִנֵּה־עָ֣ם יוֹרֵ֔ד מֵרָאשֵׁ֖י הֶהָרִ֑ים וַיֹּ֤אמֶר אֵלָיו֙ זְבֻ֔ל אֵ֣ת צֵ֧ל הֶהָרִ֛ים אַתָּ֥ה רֹאֶ֖ה כָּאֲנָשִֽׁים׃ (ס)
Vayar-gá’al et-ha’am vayómer el-zevul hine-am yored merashéi heharim vayómer elav zevul et tsel heharim atá ro’é ka’anashim
Y vio Gáal al pueblo y dijo a Zevul: «He aquí pueblo que desciende de las cumbres de los montes». Y le dijo Zevul: «La sombra de los montes ves tú como hombres».
37
וַיֹּ֨סֶף ע֣וֹד גַּעַל֮ לְדַבֵּר֒ וַיֹּ֕אמֶר הִנֵּה־עָם֙ יֽוֹרְדִ֔ים מֵעִ֖ם טַבּ֣וּר הָאָ֑רֶץ וְרֹאשׁ־אֶחָ֣ד בָּ֔א מִדֶּ֖רֶךְ אֵל֥וֹן מְעוֹנְנִֽים׃
Vayósef od gá’al ledaber vayómer hine-am yoredim me’im tabur ha’arets verosh-ejad ba midérej elón meonenim
Y volvió Gáal a hablar aún, y dijo: «He aquí pueblo que desciende del ombligo de la tierra, y un escuadrón viene por el camino de la encina de los adivinos».
38
וַיֹּ֨אמֶר אֵלָ֜יו זְבֻ֗ל אַיֵּ֨ה אֵפ֥וֹא פִ֙יךָ֙ אֲשֶׁ֣ר תֹּאמַ֔ר מִ֥י אֲבִימֶ֖לֶךְ כִּ֣י נַעַבְדֶ֑נּוּ הֲלֹ֨א זֶ֤ה הָעָם֙ אֲשֶׁ֣ר מָאַ֣סְתָּה בּ֔וֹ צֵא־נָ֥א עַתָּ֖ה וְהִלָּ֥חֶם בּֽוֹ׃ (ס)
Vayómer elav zevul ayé efó fija asher tomar mi avimélej ki na’avdenu haló ze ha’am asher ma’asta bo tse-na atá vehilájem bo
Y le dijo Zevul: «¿Dónde está ahora tu boca, con la que decías: "¿Quién es Avimélej para que le sirvamos?"? ¿No es este el pueblo que despreciaste? Sal, pues, ahora y combate contra él».
39
וַיֵּ֣צֵא גַ֔עַל לִפְנֵ֖י בַּעֲלֵ֣י שְׁכֶ֑ם וַיִּלָּ֖חֶם בַּאֲבִימֶֽלֶךְ׃
Vayetse gá’al lifnéi ba’aléi shejem vayilájem ba’avimélej
Y salió Gáal al frente de los señores de Shejém, y combatió contra Avimélej.
40
וַיִּרְדְּפֵ֣הוּ אֲבִימֶ֔לֶךְ וַיָּ֖נָס מִפָּנָ֑יו וַֽיִּפְּל֛וּ חֲלָלִ֥ים רַבִּ֖ים עַד־פֶּ֥תַח הַשָּֽׁעַר׃
Vayirdefehu avimélej vayanos mipanav vayipelú jalalim rabim ad-pétaj hashá’ar
Y lo persiguió Avimélej, y huyó delante de él; y cayeron muchos muertos hasta la entrada de la puerta.
41
וַיֵּ֥שֶׁב אֲבִימֶ֖לֶךְ בָּארוּמָ֑ה וַיְגָ֧רֶשׁ זְבֻ֛ל אֶת־גַּ֥עַל וְאֶת־אֶחָ֖יו מִשֶּׁ֥בֶת בִּשְׁכֶֽם׃
Vayéshev avimélej barumá vaygáresh zevul et-gá’al ve’et-ejav mishévet bishjem
Y se quedó Avimélej en Arumá; y expulsó Zevul a Gáal y a sus hermanos, para que no habitaran en Shejém.
42
וַֽיְהִי֙ מִֽמָּחֳרָ֔ת וַיֵּצֵ֥א הָעָ֖ם הַשָּׂדֶ֑ה וַיַּגִּ֖דוּ לַאֲבִימֶֽלֶךְ׃
Vayhi mimojorat vayetsé ha’am hasadé vayagidu la’avimélej
Y aconteció al día siguiente que salió el pueblo al campo, y se lo contaron a Avimélej.
43
וַיִּקַּ֣ח אֶת־הָעָ֗ם וַֽיֶּחֱצֵם֙ לִשְׁלֹשָׁ֣ה רָאשִׁ֔ים וַיֶּאֱרֹ֖ב בַּשָּׂדֶ֑ה וַיַּ֗רְא וְהִנֵּ֤ה הָעָם֙ יֹצֵ֣א מִן־הָעִ֔יר וַיָּ֥קָם עֲלֵיהֶ֖ם וַיַּכֵּֽם׃
Vayikaj et-ha’am vayejetsem lishloshá rashim vaye’erov basadé vayar vehiné ha’am yotsé min-ha’ir vayákom aleihem vayakem
Y tomó a su gente y la dividió en tres escuadrones, y puso emboscada en el campo; y miró, y he aquí que el pueblo salía de la ciudad, y se levantó contra ellos y los hirió.
44
וַאֲבִימֶ֗לֶךְ וְהָרָאשִׁים֙ אֲשֶׁ֣ר עִמּ֔וֹ פָּשְׁט֕וּ וַיַּ֣עַמְד֔וּ פֶּ֖תַח שַׁ֣עַר הָעִ֑יר וּשְׁנֵ֣י הָֽרָאשִׁ֗ים פָּֽשְׁט֛וּ עַֽל־כָּל־אֲשֶׁ֥ר בַּשָּׂדֶ֖ה וַיַּכּֽוּם׃
Va’avimélej veharashim asher imó pashtú vaya’amdú pétaj shá’ar ha’ir ushenéi harashim pashtú al-kol-asher basadé vayakum
Y Avimélej y los escuadrones que estaban con él se lanzaron y se apostaron a la entrada de la puerta de la ciudad; y los otros dos escuadrones se lanzaron sobre todos los que estaban en el campo, y los hirieron.
45
וַאֲבִימֶ֜לֶךְ נִלְחָ֣ם בָּעִ֗יר כֹּ֚ל הַיּ֣וֹם הַה֔וּא וַיִּלְכֹּד֙ אֶת־הָעִ֔יר וְאֶת־הָעָ֥ם אֲשֶׁר־בָּ֖הּ הָרָ֑ג וַיִּתֹּץ֙ אֶת־הָעִ֔יר וַיִּזְרָעֶ֖הָ מֶֽלַח׃ (פ)
Va’avimélej niljam ba’ir kol hayom hahú vayilkod et-ha’ir ve’et-ha’am asher-bah harag vayitots et-ha’ir vayizra’eha mélaj
Y Avimélej combatió contra la ciudad todo aquel día, y tomó la ciudad, y mató al pueblo que había en ella; y derribó la ciudad y la sembró de sal.
46
וַֽיִּשְׁמְע֔וּ כָּֽל־בַּעֲלֵ֖י מִֽגְדַּל־שְׁכֶ֑ם וַיָּבֹ֣אוּ אֶל־צְרִ֔יחַ בֵּ֖ית אֵ֥ל בְּרִֽית׃
Vayishmeú kol-ba’aléi migdal-shejem vayavóu el-tseriaj beit El berit
Y lo oyeron todos los señores de la torre de Shejém, y entraron en la cripta de la casa de El Berit.
47
וַיֻּגַּ֖ד לַאֲבִימֶ֑לֶךְ כִּ֣י הִֽתְקַבְּצ֔וּ כָּֽל־בַּעֲלֵ֖י מִֽגְדַּל־שְׁכֶֽם׃
Vayugad la’avimélej ki hitkabetsú kol-ba’aléi migdal-shejem
Y le fue contado a Avimélej que se habían reunido todos los señores de la torre de Shejém.
48
וַיַּ֨עַל אֲבִימֶ֜לֶךְ הַר־צַלְמ֗וֹן הוּא֮ וְכָל־הָעָ֣ם אֲשֶׁר־אִתּוֹ֒ וַיִּקַּח֩ אֲבִימֶ֨לֶךְ אֶת־הַקַּרְדֻּמּ֜וֹת בְּיָד֗וֹ וַיִּכְרֹת֙ שׂוֹכַ֣ת עֵצִ֔ים וַיִּ֨שָּׂאֶ֔הָ וַיָּ֖שֶׂם עַל־שִׁכְמ֑וֹ וַיֹּ֜אמֶר אֶל־הָעָ֣ם אֲשֶׁר־עִמּ֗וֹ מָ֤ה רְאִיתֶם֙ עָשִׂ֔יתִי מַהֲר֖וּ עֲשׂ֥וּ כָמֽוֹנִי׃
Vayá’al avimélej har-tsalmón hu vejol-ha’am asher-itó vayikaj avimélej et-hakardumot beyadó vayijrot sojat etsim vayisa’eha vayásem al-shijmó vayómer el-ha’am asher-imó ma re’item asiti maharú asú jamoni
Y subió Avimélej al monte Tsalmón, él y todo el pueblo que estaba con él; y tomó Avimélej las hachas en su mano, y cortó una rama de los árboles, y la alzó y la puso sobre su hombro, y dijo al pueblo que estaba con él: «Lo que me han visto hacer, apresúrense, hagan como yo».
49
וַיִּכְרְת֨וּ גַם־כָּל־הָעָ֜ם אִ֣ישׁ שׂוֹכֹ֗ה וַיֵּ֨לְכ֜וּ אַחֲרֵ֤י אֲבִימֶ֙לֶךְ֙ וַיָּשִׂ֣ימוּ עַֽל־הַצְּרִ֔יחַ וַיַּצִּ֧יתוּ עֲלֵיהֶ֛ם אֶֽת־הַצְּרִ֖יחַ בָּאֵ֑שׁ וַיָּמֻ֜תוּ גַּ֣ם כָּל־אַנְשֵׁ֧י מִֽגְדַּל־שְׁכֶ֛ם כְּאֶ֖לֶף אִ֥ישׁ וְאִשָּֽׁה׃ (פ)
Vayijretú gam-kol-ha’am ish sojó vayeljú ajaréi avimelej vayasimu al-hatseriaj vayatsitu aleihem et-hatseriaj ba’esh vayamutu gam kol-anshéi migdal-shejem ke’élef ish ve’ishá
Y cortó también todo el pueblo cada uno su rama, y fueron tras Avimélej, y las pusieron sobre la cripta, y prendieron fuego sobre ellos a la cripta; y murieron también todos los hombres de la torre de Shejém, como mil hombres y mujeres.
50
וַיֵּ֥לֶךְ אֲבִימֶ֖לֶךְ אֶל־תֵּבֵ֑ץ וַיִּ֥חַן בְּתֵבֵ֖ץ וַֽיִּלְכְּדָֽהּ׃
Vayélej avimélej el-tevéts vayijan betevéts vayilkedah
Y fue Avimélej a Tevets, y acampó contra Tevets, y la tomó.
51
וּמִגְדַּל־עֹז֮ הָיָ֣ה בְתוֹךְ־הָעִיר֒ וַיָּנֻ֨סוּ שָׁ֜מָּה כָּל־הָאֲנָשִׁ֣ים וְהַנָּשִׁ֗ים וְכֹל֙ בַּעֲלֵ֣י הָעִ֔יר וַֽיִּסְגְּר֖וּ בַּעֲדָ֑ם וַֽיַּעֲל֖וּ עַל־גַּ֥ג הַמִּגְדָּֽל׃
Umigdal-oz hayá vetoje-ha’ir vayanusu shama kol-ha’anashim vehanashim vejol ba’aléi ha’ir vayisgerú ba’adam vaya’alú al-gag hamigdal
Y había una torre fuerte en medio de la ciudad, y huyeron allá todos los hombres y las mujeres, y todos los señores de la ciudad, y cerraron tras sí, y subieron al techo de la torre.
52
וַיָּבֹ֤א אֲבִימֶ֙לֶךְ֙ עַד־הַמִּגְדָּ֔ל וַיִּלָּ֖חֶם בּ֑וֹ וַיִּגַּ֛שׁ עַד־פֶּ֥תַח הַמִּגְדָּ֖ל לְשָׂרְפ֥וֹ בָאֵֽשׁ׃
Vayavó avimelej ad-hamigdal vayilájem bo vayigash ad-pétaj hamigdal lesorfó va’esh
Y llegó Avimélej hasta la torre y combatió contra ella; y se acercó hasta la entrada de la torre para prenderle fuego.
53
וַתַּשְׁלֵ֞ךְ אִשָּׁ֥ה אַחַ֛ת פֶּ֥לַח רֶ֖כֶב עַל־רֹ֣אשׁ אֲבִימֶ֑לֶךְ וַתָּ֖רִץ אֶת־גֻּלְגָּלְתּֽוֹ׃
Vatashlej ishá ajat pélaj réjev al-rosh avimélej vatarits et-gulgoltó
Y arrojó una mujer una piedra de molino sobre la cabeza de Avimélej, y le quebró el cráneo.
54
וַיִּקְרָ֨א מְהֵרָ֜ה אֶל־הַנַּ֣עַר ׀ נֹשֵׂ֣א כֵלָ֗יו וַיֹּ֤אמֶר לוֹ֙ שְׁלֹ֤ף חַרְבְּךָ֙ וּמ֣וֹתְתֵ֔נִי פֶּן־יֹ֥אמְרוּ לִ֖י אִשָּׁ֣ה הֲרָגָ֑תְהוּ וַיִּדְקְרֵ֥הוּ נַעֲר֖וֹ וַיָּמֹֽת׃
Vayikrá meherá el-haná’ar nosé jelav vayómer lo shelof jarbeja umoteteni pen-yomru li ishá haragathu vayidkerehu na’aró vayamot
Y llamó aprisa al joven que llevaba sus armas, y le dijo: «Desenvaina tu espada y dame muerte, no sea que digan de mí: "Una mujer lo mató"». Y lo atravesó su joven, y murió.
55
וַיִּרְא֥וּ אִֽישׁ־יִשְׂרָאֵ֖ל כִּ֣י מֵ֣ת אֲבִימֶ֑לֶךְ וַיֵּלְכ֖וּ אִ֥ישׁ לִמְקֹמֽוֹ׃
Vayirú ish-Yisrael ki met avimélej vayeljú ish limkomó
Y vieron los hombres de Yisrael que había muerto Avimélej, y se fueron cada uno a su lugar.
56
וַיָּ֣שֶׁב אֱלֹהִ֔ים אֵ֖ת רָעַ֣ת אֲבִימֶ֑לֶךְ אֲשֶׁ֤ר עָשָׂה֙ לְאָבִ֔יו לַהֲרֹ֖ג אֶת־שִׁבְעִ֥ים אֶחָֽיו׃
Vayáshev Elohim et ra’at avimélej asher asa le’aviv laharog et-shiv’im ejav
Y devolvió Elohim el mal de Avimélej, el que hizo a su padre al matar a sus setenta hermanos.
57
וְאֵ֗ת כָּל־רָעַת֙ אַנְשֵׁ֣י שְׁכֶ֔ם הֵשִׁ֥יב אֱלֹהִ֖ים בְּרֹאשָׁ֑ם וַתָּבֹ֣א אֲלֵיהֶ֔ם קִֽלֲלַ֖ת יוֹתָ֥ם בֶּן־יְרֻבָּֽעַל׃ (פ)
Ve’et kol-ra’at anshéi shejem heshiv Elohim berosham vatavó aleihem kilelat yotam ben-yerubá’al
Y todo el mal de los hombres de Shejém lo devolvió Elohim sobre sus cabezas; y vino sobre ellos la maldición de Yotam hijo de Yerubaal.
Jueces
8
Jueces
10
