תנ״ך
Tanaj (Biblia)
beneyisrael.com
Inicio
Portada
Apoyar
Biblioteca
Opciones de lectura
עברית
Fonética
Español
Taamim
Nikud
Letras
A−
100%
A+
Comentarios
Torá · Levítico
ויקרא טז
Levítico · Capítulo 16
34 versículos
23 comentarios
1
וַיְדַבֵּ֤ר יְהוָה֙ אֶל־מֹשֶׁ֔ה אַחֲרֵ֣י מ֔וֹת שְׁנֵ֖י בְּנֵ֣י אַהֲרֹ֑ן בְּקָרְבָתָ֥ם לִפְנֵי־יְהוָ֖ה וַיָּמֻֽתוּ׃
Vaydaber Adonai el-Moshé ajaréi mot shenéi benéi Aharón bekorvatam lifnei-Adonai vayamutu
Habló Adonai a Moshéh después de la muerte de los dos hijos de Aharón que al acercarse ellos ante Adonai perecieron.
2
וַיֹּ֨אמֶר יְהוָ֜ה אֶל־מֹשֶׁ֗ה דַּבֵּר֮ אֶל־אַהֲרֹ֣ן אָחִיךָ֒ וְאַל־יָבֹ֤א בְכָל־עֵת֙ אֶל־הַקֹּ֔דֶשׁ מִבֵּ֖ית לַפָּרֹ֑כֶת אֶל־פְּנֵ֨י הַכַּפֹּ֜רֶת אֲשֶׁ֤ר עַל־הָאָרֹן֙ וְלֹ֣א יָמ֔וּת כִּ֚י בֶּֽעָנָ֔ן אֵרָאֶ֖ה עַל־הַכַּפֹּֽרֶת׃
Vayómer Adonai el-Moshé daber el-Aharón ajijá ve’al-yavó vejol-et el-hakódesh mibeit laparójet el-penéi hakapóret asher al-ha’aron veló yamut ki be’anán era’é al-hakapóret
Dijo Adonai a Moshéh: Habla a Aharón tu hermano para que no entre en todo momento al Santuario, más allá del velo, delante del propiciatorio que está sobre el Arca, para que no muera; ya que por medio de la nube Yo me revelaré sobre el propiciatorio.
3
בְּזֹ֛את יָבֹ֥א אַהֲרֹ֖ן אֶל־הַקֹּ֑דֶשׁ בְּפַ֧ר בֶּן־בָּקָ֛ר לְחַטָּ֖את וְאַ֥יִל לְעֹלָֽה׃
Bezot yavó Aharón el-hakódesh befar ben-bakar lejatat ve’áyil le’olá
Con esto habrá de entrar Aharón al Santuario: con un novillo para el sacrificio expiatorio y un carnero para el holocausto.
4
כְּתֹֽנֶת־בַּ֨ד קֹ֜דֶשׁ יִלְבָּ֗שׁ וּמִֽכְנְסֵי־בַד֮ יִהְי֣וּ עַל־בְּשָׂרוֹ֒ וּבְאַבְנֵ֥ט בַּד֙ יַחְגֹּ֔ר וּבְמִצְנֶ֥פֶת בַּ֖ד יִצְנֹ֑ף בִּגְדֵי־קֹ֣דֶשׁ הֵ֔ם וְרָחַ֥ץ בַּמַּ֛יִם אֶת־בְּשָׂר֖וֹ וּלְבֵשָֽׁם׃
Ketonet-bad kódesh yilbash umijnesei-vad yihyú al-besaró uve’avnet bad yajgor uvemitsnéfet bad yitsnof bigdei-kódesh hem verajáts bamáyim et-besaró ulevesham
Una túnica de lino sacra habrá de vestir y calzones de lino llevará sobre su carne; con un cinturón de lino se habrá de ceñir y con un turbante de lino se envolverá (la cabeza); ropajes sacros son -hará una ablución de su cuerpo en el agua- y los vestirá.
5
וּמֵאֵ֗ת עֲדַת֙ בְּנֵ֣י יִשְׂרָאֵ֔ל יִקַּ֛ח שְׁנֵֽי־שְׂעִירֵ֥י עִזִּ֖ים לְחַטָּ֑את וְאַ֥יִל אֶחָ֖ד לְעֹלָֽה׃
Ume’et adat benéi Yisrael yikaj shenei-se’iréi izim lejatat ve’áyil ejad le’olá
y de la congregación, de los hijos de Israel, habrá de tomar dos machos cabríos, para el sacrificio expiatorio y un carnero para el holocausto.
6
וְהִקְרִ֧יב אַהֲרֹ֛ן אֶת־פַּ֥ר הַחַטָּ֖את אֲשֶׁר־ל֑וֹ וְכִפֶּ֥ר בַּעֲד֖וֹ וּבְעַ֥ד בֵּיתֽוֹ׃
Vehikriv Aharón et-par hajatat asher-lo vejiper ba’adó uve’ad beitó
Ofrecerá Aharón su novillo expiatorio Y hará la expiación por él Y por su familia.
7
וְלָקַ֖ח אֶת־שְׁנֵ֣י הַשְּׂעִירִ֑ם וְהֶעֱמִ֤יד אֹתָם֙ לִפְנֵ֣י יְהוָ֔ה פֶּ֖תַח אֹ֥הֶל מוֹעֵֽד׃
Velakaj et-shenéi hase’irim vehe’emid otam lifnéi Adonai pétaj óhel mo’ed
Tomará los dos machos cabríos Y los colocará ante Adonai: a la entrada de la Tienda de Reunión.
8
וְנָתַ֧ן אַהֲרֹ֛ן עַל־שְׁנֵ֥י הַשְּׂעִירִ֖ם גּוֹרָל֑וֹת גּוֹרָ֤ל אֶחָד֙ לַיהוָ֔ה וְגוֹרָ֥ל אֶחָ֖ד לַעֲזָאזֵֽל׃
Venatán Aharón al-shenéi hase’irim goralot goral ejad laAdonai vegoral ejad la’azazel
y echará Aharón, sobre los dos machos cabríos, suertes. Una suerte para Adonai y una suerte para Hazazél.
9
וְהִקְרִ֤יב אַהֲרֹן֙ אֶת־הַשָּׂעִ֔יר אֲשֶׁ֨ר עָלָ֥ה עָלָ֛יו הַגּוֹרָ֖ל לַיהוָ֑ה וְעָשָׂ֖הוּ חַטָּֽאת׃
Vehikriv Aharón et-hasa’ir asher alá alav hagoral laAdonai ve’asahu jatat
Ofrecerá Aharón el macho cabrío sobre el que había recaído la suerte para Adonai, y lo hará como sacrificio expiatorio.
10
וְהַשָּׂעִ֗יר אֲשֶׁר֩ עָלָ֨ה עָלָ֤יו הַגּוֹרָל֙ לַעֲזָאזֵ֔ל יָֽעֳמַד־חַ֛י לִפְנֵ֥י יְהוָ֖ה לְכַפֵּ֣ר עָלָ֑יו לְשַׁלַּ֥ח אֹת֛וֹ לַעֲזָאזֵ֖ל הַמִּדְבָּֽרָה׃
Vehasa’ir asher alá alav hagoral la’azazel yo’omad-jai lifnéi Adonai lejaper alav leshalaj otó la’azazel hamidbara
Empero el macho cabrío sobre el que había recaído la suerte para Hazazél, será colocado vivo ante Adonai para expiar sobre él: para enviarle a Hazazél, al desierto.
11
וְהִקְרִ֨יב אַהֲרֹ֜ן אֶת־פַּ֤ר הַֽחַטָּאת֙ אֲשֶׁר־ל֔וֹ וְכִפֶּ֥ר בַּֽעֲד֖וֹ וּבְעַ֣ד בֵּית֑וֹ וְשָׁחַ֛ט אֶת־פַּ֥ר הַֽחַטָּ֖את אֲשֶׁר־לֽוֹ׃
Vehikriv Aharón et-par hajatat asher-lo vejiper ba’adó uve’ad beitó veshajat et-par hajatat asher-lo
Acercará Aharón su novillo expiatorio y hará la expiación por él y por su familia e inmolará su novillo expiatorio.
12
וְלָקַ֣ח מְלֹֽא־הַ֠מַּחְתָּה גַּֽחֲלֵי־אֵ֞שׁ מֵעַ֤ל הַמִּזְבֵּ֙חַ֙ מִלִּפְנֵ֣י יְהוָ֔ה וּמְלֹ֣א חָפְנָ֔יו קְטֹ֥רֶת סַמִּ֖ים דַּקָּ֑ה וְהֵבִ֖יא מִבֵּ֥ית לַפָּרֹֽכֶת׃
Velakaj melo-hamajta gajalei-esh me’al hamizbeaj milifnéi Adonai umeló jofnav ketóret samim daká veheví mibeit laparójet
Tomará un incensario lleno de brasas de fuego del altar de ante Adonai, Y sus dos puños llenará de esencias en polvo para el incienso y lo traerá al interior del velo.
13
וְנָתַ֧ן אֶֽת־הַקְּטֹ֛רֶת עַל־הָאֵ֖שׁ לִפְנֵ֣י יְהוָ֑ה וְכִסָּ֣ה ׀ עֲנַ֣ן הַקְּטֹ֗רֶת אֶת־הַכַּפֹּ֛רֶת אֲשֶׁ֥ר עַל־הָעֵד֖וּת וְלֹ֥א יָמֽוּת׃
Venatán et-haketóret al-ha’esh lifnéi Adonai vejisá anán haketóret et-hakapóret asher al-ha’edut veló yamut
Echará el incienso sobre el fuego ante Adonai, y cubrirá la nube de incienso el propiciatorio que está sobre el Arca del Testimonio, y no habrá de morir.
14
וְלָקַח֙ מִדַּ֣ם הַפָּ֔ר וְהִזָּ֧ה בְאֶצְבָּע֛וֹ עַל־פְּנֵ֥י הַכַּפֹּ֖רֶת קֵ֑דְמָה וְלִפְנֵ֣י הַכַּפֹּ֗רֶת יַזֶּ֧ה שֶֽׁבַע־פְּעָמִ֛ים מִן־הַדָּ֖ם בְּאֶצְבָּעֽוֹ׃
Velakaj midam hapar vehizá ve’etsbaó al-penéi hakapóret kedma velifnéi hakapóret yazé sheva-pe’amim min-hadam be’etsbaó
Tomará de la sangre del novillo y rociará con su dedo al frente del propiciatorio hacia el este y delante del propiciatorio- rociará siete veces -de la sangre- con su dedo.
15
וְשָׁחַ֞ט אֶת־שְׂעִ֤יר הַֽחַטָּאת֙ אֲשֶׁ֣ר לָעָ֔ם וְהֵבִיא֙ אֶת־דָּמ֔וֹ אֶל־מִבֵּ֖ית לַפָּרֹ֑כֶת וְעָשָׂ֣ה אֶת־דָּמ֗וֹ כַּאֲשֶׁ֤ר עָשָׂה֙ לְדַ֣ם הַפָּ֔ר וְהִזָּ֥ה אֹת֛וֹ עַל־הַכַּפֹּ֖רֶת וְלִפְנֵ֥י הַכַּפֹּֽרֶת׃
Veshajat et-se’ir hajatat asher la’am vehevi et-damó el-mibeit laparójet ve’asá et-damó ka’asher asa ledam hapar vehizá otó al-hakapóret velifnéi hakapóret
Inmolará el macho cabrío, expiatorio por el pueblo, y traerá su sangre al recinto que está en el interior del velo, y hará con su sangre como lo que había hecho con la sangre del novillo: la rociará sobre el propiciatorio, y delante del propiciatorio.
16
וְכִפֶּ֣ר עַל־הַקֹּ֗דֶשׁ מִטֻּמְאֹת֙ בְּנֵ֣י יִשְׂרָאֵ֔ל וּמִפִּשְׁעֵיהֶ֖ם לְכָל־חַטֹּאתָ֑ם וְכֵ֤ן יַעֲשֶׂה֙ לְאֹ֣הֶל מוֹעֵ֔ד הַשֹּׁכֵ֣ן אִתָּ֔ם בְּת֖וֹךְ טֻמְאֹתָֽם׃
Vejiper al-hakódesh mitum’ot benéi Yisrael umipish’eihem lejol-jatotam vején ya’ase le’óhel mo’ed hashojén itam betoje tum’otam
y así expiará por el Santuario, de las impurezas de los hijos de Israel, y de sus transgresiones, y de todos sus errores, y lo mismo habrá de hacer para la Tienda de Reunión, que reside con ellos, en medio de sus impurezas.
17
וְכָל־אָדָ֞ם לֹא־יִהְיֶ֣ה ׀ בְּאֹ֣הֶל מוֹעֵ֗ד בְּבֹא֛וֹ לְכַפֵּ֥ר בַּקֹּ֖דֶשׁ עַד־צֵאת֑וֹ וְכִפֶּ֤ר בַּעֲדוֹ֙ וּבְעַ֣ד בֵּית֔וֹ וּבְעַ֖ד כָּל־קְהַ֥ל יִשְׂרָאֵֽל׃
Vejol-adam lo-yihyé be’óhel mo’ed bevoó lejaper bakódesh ad-tsetó vejiper ba’ado uve’ad beitó uve’ad kol-kehal Yisrael
Mas ninguna persona deberá hallarse en la Tienda de Reunión, desde que él entre para expiar en el Santuario, hasta su salida. y expiará por él y por su familia, y por toda la congregación de Israel.
18
וְיָצָ֗א אֶל־הַמִּזְבֵּ֛חַ אֲשֶׁ֥ר לִפְנֵֽי־יְהוָ֖ה וְכִפֶּ֣ר עָלָ֑יו וְלָקַ֞ח מִדַּ֤ם הַפָּר֙ וּמִדַּ֣ם הַשָּׂעִ֔יר וְנָתַ֛ן עַל־קַרְנ֥וֹת הַמִּזְבֵּ֖חַ סָבִֽיב׃
Veyatsá el-hamizbeaj asher lifnei-Adonai vejiper alav velakaj midam hapar umidam hasa’ir venatán al-karnot hamizbeaj saviv
y habrá de salir e irá hasta el altar -que está ante Adonai- y expiará sobre él. Tomará de la sangre del novillo y de la sangre del macho cabrío y untará con ella los cuernos del altar en derredor.
19
וְהִזָּ֨ה עָלָ֧יו מִן־הַדָּ֛ם בְּאֶצְבָּע֖וֹ שֶׁ֣בַע פְּעָמִ֑ים וְטִהֲר֣וֹ וְקִדְּשׁ֔וֹ מִטֻּמְאֹ֖ת בְּנֵ֥י יִשְׂרָאֵֽל׃
Vehizá alav min-hadam be’etsbaó sheva pe’amim vetiharó vekideshó mitum’ot benéi Yisrael
y rociará sobre él de la sangre, con su dedo, siete veces; lo purificará y lo consagrará por las impurezas de los hilos de Israel.
20
וְכִלָּה֙ מִכַּפֵּ֣ר אֶת־הַקֹּ֔דֶשׁ וְאֶת־אֹ֥הֶל מוֹעֵ֖ד וְאֶת־הַמִּזְבֵּ֑חַ וְהִקְרִ֖יב אֶת־הַשָּׂעִ֥יר הֶחָֽי׃
Vejila mikaper et-hakódesh ve’et-óhel mo’ed ve’et-hamizbeaj vehikriv et-hasa’ir hejái
Cuando haya concluido de expiar el Santuario, la Tienda de Reunión Y el altar, acercará el macho cabrío que está vivo.
21
וְסָמַ֨ךְ אַהֲרֹ֜ן אֶת־שְׁתֵּ֣י ידו [יָדָ֗יו] עַ֨ל רֹ֣אשׁ הַשָּׂעִיר֮ הַחַי֒ וְהִתְוַדָּ֣ה עָלָ֗יו אֶת־כָּל־עֲוֺנֹת֙ בְּנֵ֣י יִשְׂרָאֵ֔ל וְאֶת־כָּל־פִּשְׁעֵיהֶ֖ם לְכָל־חַטֹּאתָ֑ם וְנָתַ֤ן אֹתָם֙ עַל־רֹ֣אשׁ הַשָּׂעִ֔יר וְשִׁלַּ֛ח בְּיַד־אִ֥ישׁ עִתִּ֖י הַמִּדְבָּֽרָה׃
Vesamaj Aharón et-shetéi yadav al rosh hasa’ir hajaí vehitvadá alav et-kol-aonot benéi Yisrael ve’et-kol-pish’eihem lejol-jatotam venatán otam al-rosh hasa’ir veshilaj beyad-ish ití hamidbara
y apoyará Aharón sus dos manos sobre la cabeza del macho cabrío que está vivo y confesará sobre él todas las iniquidades de los hijos de Israel, todas sus transgresiones y todos sus errores; y los transferirá sobre la cabeza del macho cabrío y lo enviará -por medio de un hombre ya designado-al desierto.
22
וְנָשָׂ֨א הַשָּׂעִ֥יר עָלָ֛יו אֶת־כָּל־עֲוֺנֹתָ֖ם אֶל־אֶ֣רֶץ גְּזֵרָ֑ה וְשִׁלַּ֥ח אֶת־הַשָּׂעִ֖יר בַּמִּדְבָּֽר׃
Venasá hasa’ir alav et-kol-aonotam el-erets gezerá veshilaj et-hasa’ir bamidbar
Llevará el macho cabrío sobre sí todas sus iniquidades hasta un paraje deshabitado, y soltará el macho cabrío en el desierto.
23
וּבָ֤א אַהֲרֹן֙ אֶל־אֹ֣הֶל מוֹעֵ֔ד וּפָשַׁט֙ אֶת־בִּגְדֵ֣י הַבָּ֔ד אֲשֶׁ֥ר לָבַ֖שׁ בְּבֹא֣וֹ אֶל־הַקֹּ֑דֶשׁ וְהִנִּיחָ֖ם שָֽׁם׃
Uvá Aharón el-óhel mo’ed ufashat et-bigdéi habad asher lavash bevoó el-hakódesh vehinijam sham
y entrará Aharón a la Tienda de Reunión y se quitará las vestiduras de lino que había vestido cuando entró al Santuario, y las dejará allí.
24
וְרָחַ֨ץ אֶת־בְּשָׂר֤וֹ בַמַּ֙יִם֙ בְּמָק֣וֹם קָד֔וֹשׁ וְלָבַ֖שׁ אֶת־בְּגָדָ֑יו וְיָצָ֗א וְעָשָׂ֤ה אֶת־עֹֽלָתוֹ֙ וְאֶת־עֹלַ֣ת הָעָ֔ם וְכִפֶּ֥ר בַּעֲד֖וֹ וּבְעַ֥ד הָעָֽם׃
Verajáts et-besaró vamayim bemakom kadosh velavash et-begadav veyatsá ve’asá et-olato ve’et-olat ha’am vejiper ba’adó uve’ad ha’am
y hará una ablución de su cuerpo en el agua -en lugar sacro-y se revestirá con sus ropajes; saldrá y ofrecerá su holocausto y el holocausto del pueblo y expiará por él y por el pueblo.
25
וְאֵ֛ת חֵ֥לֶב הַֽחַטָּ֖את יַקְטִ֥יר הַמִּזְבֵּֽחָה׃
Ve’et jélev hajatat yaktir hamizbeja
El sebo del sacrificio expiatorio hará consumir en el altar.
26
וְהַֽמְשַׁלֵּ֤חַ אֶת־הַשָּׂעִיר֙ לַֽעֲזָאזֵ֔ל יְכַבֵּ֣ס בְּגָדָ֔יו וְרָחַ֥ץ אֶת־בְּשָׂר֖וֹ בַּמָּ֑יִם וְאַחֲרֵי־כֵ֖ן יָב֥וֹא אֶל־הַֽמַּחֲנֶֽה׃
Vehamshaleaj et-hasa’ir la’azazel yejabés begadav verajáts et-besaró bamáyim ve’ajarei-jen yavó el-hamajané
Y el que transportare el macho cabrío a Hazazél, habrá de lavar sus ropas, y hará una ablución de su cuerpo en el agua, y después podrá ingresar al campamento.
27
וְאֵת֩ פַּ֨ר הַֽחַטָּ֜את וְאֵ֣ת ׀ שְׂעִ֣יר הַֽחַטָּ֗את אֲשֶׁ֨ר הוּבָ֤א אֶת־דָּמָם֙ לְכַפֵּ֣ר בַּקֹּ֔דֶשׁ יוֹצִ֖יא אֶל־מִח֣וּץ לַֽמַּחֲנֶ֑ה וְשָׂרְפ֣וּ בָאֵ֔שׁ אֶת־עֹרֹתָ֥ם וְאֶת־בְּשָׂרָ֖ם וְאֶת־פִּרְשָֽׁם׃
Ve’et par hajatat ve’et se’ir hajatat asher huvá et-damam lejaper bakódesh yotsí el-mijúts lamajané vesarfú va’esh et-orotam ve’et-besaram ve’et-pirsham
Y el novillo del jattát (sacrificio expiatorio por error) y el macho cabrío del jattát, cuya sangre había sido introducida al Santuario para hacer la expiación, habrá de sacar afuera del campamento. Y quemarán con fuego sus pieles, su carne y sus excrementos.
28
וְהַשֹּׂרֵ֣ף אֹתָ֔ם יְכַבֵּ֣ס בְּגָדָ֔יו וְרָחַ֥ץ אֶת־בְּשָׂר֖וֹ בַּמָּ֑יִם וְאַחֲרֵי־כֵ֖ן יָב֥וֹא אֶל־הַֽמַּחֲנֶֽה׃
Vehasoref otam yejabés begadav verajáts et-besaró bamáyim ve’ajarei-jen yavó el-hamajané
y quien los haya quemado lavará sus ropas, y hará una ablución de su cuerpo en el agua, y después podrá ingresar al campamento.
29
וְהָיְתָ֥ה לָכֶ֖ם לְחֻקַּ֣ת עוֹלָ֑ם בַּחֹ֣דֶשׁ הַ֠שְּׁבִיעִי בֶּֽעָשׂ֨וֹר לַחֹ֜דֶשׁ תְּעַנּ֣וּ אֶת־נַפְשֹֽׁתֵיכֶ֗ם וְכָל־מְלָאכָה֙ לֹ֣א תַעֲשׂ֔וּ הָֽאֶזְרָ֔ח וְהַגֵּ֖ר הַגָּ֥ר בְּתוֹכְכֶֽם׃
Vehaytá lajem lejukat olam bajódesh hashevi’i be’asor lajódesh te’anú et-nafshoteijem vejol-melaja lo ta’asú ha’ezraj vehager hagar betojejem
Será esto para vosotros una ley perpetua; en el séptimo mes, en el día diez del mes, habréis de afligir vuestro ser, y no habréis de hacer trabajo alguno, ni el nativo, ni el extranjero que habita entre vosotros.
30
כִּֽי־בַיּ֥וֹם הַזֶּ֛ה יְכַפֵּ֥ר עֲלֵיכֶ֖ם לְטַהֵ֣ר אֶתְכֶ֑ם מִכֹּל֙ חַטֹּ֣אתֵיכֶ֔ם לִפְנֵ֥י יְהוָ֖ה תִּטְהָֽרוּ׃
Ki-vayom hazé yejaper aleijem letaher etjem mikol jatoteijem lifnéi Adonai titharu
Ya que en este día hará expiación por vosotros para purificaros. De todos vuestros errores, ante Adonai habréis de purificaros.
31
שַׁבַּ֨ת שַׁבָּת֥וֹן הִיא֙ לָכֶ֔ם וְעִנִּיתֶ֖ם אֶת־נַפְשֹׁתֵיכֶ֑ם חֻקַּ֖ת עוֹלָֽם׃
Shabat shabatón hi lajem ve’initem et-nafshoteijem jukat olam
Shabbat, día de descanso es para vosotros, y habréis de afligir vuestro ser, ley eterna.
32
וְכִפֶּ֨ר הַכֹּהֵ֜ן אֲשֶׁר־יִמְשַׁ֣ח אֹת֗וֹ וַאֲשֶׁ֤ר יְמַלֵּא֙ אֶת־יָד֔וֹ לְכַהֵ֖ן תַּ֣חַת אָבִ֑יו וְלָבַ֛שׁ אֶת־בִּגְדֵ֥י הַבָּ֖ד בִּגְדֵ֥י הַקֹּֽדֶשׁ׃
Vejiper hakohén asher-yimshaj otó va’asher yemale et-yadó lejahén tájat aviv velavash et-bigdéi habad bigdéi hakódesh
Habrá de expiar el cohén-que hubiere sido ungido y que hubiere sido investido para servir sucediendo a su padre-, él vestirá los ropajes de lino, vestimentas sacras.
33
וְכִפֶּר֙ אֶת־מִקְדַּ֣שׁ הַקֹּ֔דֶשׁ וְאֶת־אֹ֧הֶל מוֹעֵ֛ד וְאֶת־הַמִּזְבֵּ֖חַ יְכַפֵּ֑ר וְעַ֧ל הַכֹּהֲנִ֛ים וְעַל־כָּל־עַ֥ם הַקָּהָ֖ל יְכַפֵּֽר׃
Vejiper et-mikdash hakódesh ve’et-óhel mo’ed ve’et-hamizbeaj yejaper ve’al hakohanim ve’al-kol-am hakahal yejaper
y hará la expiación del recinto sacrosanto y de la Tienda de Reunión y por el altar habrá de expiar y por los cohaním y por toda la gente de la congregación habrá de expiar.
34
וְהָֽיְתָה־זֹּ֨את לָכֶ֜ם לְחֻקַּ֣ת עוֹלָ֗ם לְכַפֵּ֞ר עַל־בְּנֵ֤י יִשְׂרָאֵל֙ מִכָּל־חַטֹּאתָ֔ם אַחַ֖ת בַּשָּׁנָ֑ה וַיַּ֕עַשׂ כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ (פ)
Vehayta-zot lajem lejukat olam lejaper al-benéi Yisrael mikol-jatotam ajat bashaná vaya’as ka’asher tsivá Adonai et-Moshé
Será esto para vosotros ley perpetua: para expiar por los hijos de Israel de todos sus errores, una vez al año. E hizo como había prescripto Adonai a Moshéh.
Levítico
15
Levítico
17
