תנ״ך
Tanaj (Biblia)
Portada
Apoyar
Biblioteca
beneyisrael.com
Inicio
OPCIONES DE LECTURA
Capas de lectura
עברית
Fonética
Español
Hebreo
Taamim
Nikud
Letras
Tamaño de letra
A−
100%
A+
Comentarios
Mostrar
Ocultar
Torá · Números
במדבר כא
Números · Capítulo 21
35 versículos
19 comentarios
1
וַיִּשְׁמַ֞ע הַכְּנַעֲנִ֤י מֶֽלֶךְ־עֲרָד֙ יֹשֵׁ֣ב הַנֶּ֔גֶב כִּ֚י בָּ֣א יִשְׂרָאֵ֔ל דֶּ֖רֶךְ הָאֲתָרִ֑ים וַיִּלָּ֙חֶם֙ בְּיִשְׂרָאֵ֔ל וַיִּ֥שְׁבְּ ׀ מִמֶּ֖נּוּ שֶֽׁבִי׃
Vayishmá hakena’aní melej-arad yoshev hanégev ki ba Yisrael dérej ha’atarim vayilajem beyisra’el vayishbe mimenu shevi
Y oyó el kenaaní, rey de Arad, que habitaba en el Néguev, que venía Yisrael por el camino de Atarim, y combatió contra Yisrael y tomó de él cautivos.
2
וַיִּדַּ֨ר יִשְׂרָאֵ֥ל נֶ֛דֶר לַֽיהוָ֖ה וַיֹּאמַ֑ר אִם־נָתֹ֨ן תִּתֵּ֜ן אֶת־הָעָ֤ם הַזֶּה֙ בְּיָדִ֔י וְהַֽחֲרַמְתִּ֖י אֶת־עָרֵיהֶֽם׃
Vayidar Yisrael néder laAdonai vayomar im-natón titén et-ha’am haze beyadí vehajaramtí et-areihem
Y formuló Yisrael un voto a HaShem y dijo: «Si ciertamente entregas a este pueblo en mi mano, consagraré al exterminio sus ciudades».
3
וַיִּשְׁמַ֨ע יְהוָ֜ה בְּק֣וֹל יִשְׂרָאֵ֗ל וַיִּתֵּן֙ אֶת־הַֽכְּנַעֲנִ֔י וַיַּחֲרֵ֥ם אֶתְהֶ֖ם וְאֶת־עָרֵיהֶ֑ם וַיִּקְרָ֥א שֵׁם־הַמָּק֖וֹם חָרְמָֽה׃ (פ)
Vayishmá Adonai bekol Yisrael vayiten et-hakena’aní vayajarem ethem ve’et-areihem vayikrá shem-hamakom jormá
Y escuchó HaShem la voz de Yisrael, y entregó al kenaaní, y los consagró al exterminio a ellos y a sus ciudades; y llamó el nombre del lugar Jormá.
4
וַיִּסְע֞וּ מֵהֹ֤ר הָהָר֙ דֶּ֣רֶךְ יַם־ס֔וּף לִסְבֹ֖ב אֶת־אֶ֣רֶץ אֱד֑וֹם וַתִּקְצַ֥ר נֶֽפֶשׁ־הָעָ֖ם בַּדָּֽרֶךְ׃
Vayisú mehor hahar dérej yam-suf lisvov et-erets Edom vatiktsar nefesh-ha’am badárej
Y partieron del monte Hor por el camino del mar de Suf, para rodear la tierra de Edom; y se impacientó el alma del pueblo en el camino.
5
וַיְדַבֵּ֣ר הָעָ֗ם בֵּֽאלֹהִים֮ וּבְמֹשֶׁה֒ לָמָ֤ה הֶֽעֱלִיתֻ֙נוּ֙ מִמִּצְרַ֔יִם לָמ֖וּת בַּמִּדְבָּ֑ר כִּ֣י אֵ֥ין לֶ֙חֶם֙ וְאֵ֣ין מַ֔יִם וְנַפְשֵׁ֣נוּ קָ֔צָה בַּלֶּ֖חֶם הַקְּלֹקֵֽל׃
Vaydaber ha’am belohim uvemoshé lamá he’elitunu mimitsráyim lamut bamidbar ki ein lejem ve’éin máyim venafshenu katsa baléjem hakelokel
Y habló el pueblo contra Elohim y contra Moshé: «¿Por qué nos hicieron subir de Mitsráyim para morir en el desierto? Porque no hay pan ni hay agua, y nuestra alma está hastiada de este pan miserable».
6
וַיְשַׁלַּ֨ח יְהוָ֜ה בָּעָ֗ם אֵ֚ת הַנְּחָשִׁ֣ים הַשְּׂרָפִ֔ים וַֽיְנַשְּׁכ֖וּ אֶת־הָעָ֑ם וַיָּ֥מָת עַם־רָ֖ב מִיִּשְׂרָאֵֽל׃
Vayshalaj Adonai ba’am et hanejashim haserafim vaynashejú et-ha’am vayámot am-rav miyisra’el
Y envió HaShem contra el pueblo las serpientes serafim, y mordieron al pueblo; y murió mucho pueblo de Yisrael.
7
וַיָּבֹא֩ הָעָ֨ם אֶל־מֹשֶׁ֜ה וַיֹּאמְר֣וּ חָטָ֗אנוּ כִּֽי־דִבַּ֤רְנוּ בַֽיהוָה֙ וָבָ֔ךְ הִתְפַּלֵּל֙ אֶל־יְהוָ֔ה וְיָסֵ֥ר מֵעָלֵ֖ינוּ אֶת־הַנָּחָ֑שׁ וַיִּתְפַּלֵּ֥ל מֹשֶׁ֖ה בְּעַ֥ד הָעָֽם׃
Vayavo ha’am el-Moshé vayomrú jatanu ki-dibarnu baAdonai vavaj hitpalel el-Adonai veyaser me’aleinu et-hanajash vayitpalel Moshé be’ad ha’am
Y vino el pueblo a Moshé y dijeron: «Hemos pecado, porque hablamos contra HaShem y contra ti; ora a HaShem para que aparte de sobre nosotros la serpiente». Y oró Moshé por el pueblo.
8
וַיֹּ֨אמֶר יְהוָ֜ה אֶל־מֹשֶׁ֗ה עֲשֵׂ֤ה לְךָ֙ שָׂרָ֔ף וְשִׂ֥ים אֹת֖וֹ עַל־נֵ֑ס וְהָיָה֙ כָּל־הַנָּשׁ֔וּךְ וְרָאָ֥ה אֹת֖וֹ וָחָֽי׃
Vayómer Adonai el-Moshé asé leja saraf vesim otó al-nes vehaya kol-hanashuje vera’á otó vajái
Y dijo HaShem a Moshé: «Hazte un saraf y ponlo sobre un asta; y será que todo el que haya sido mordido y lo mire, vivirá».
9
וַיַּ֤עַשׂ מֹשֶׁה֙ נְחַ֣שׁ נְחֹ֔שֶׁת וַיְשִׂמֵ֖הוּ עַל־הַנֵּ֑ס וְהָיָ֗ה אִם־נָשַׁ֤ךְ הַנָּחָשׁ֙ אֶת־אִ֔ישׁ וְהִבִּ֛יט אֶל־נְחַ֥שׁ הַנְּחֹ֖שֶׁת וָחָֽי׃
Vaya’as Moshé nejash nejóshet vaysimehu al-hanés vehayá im-nashaj hanajash et-ish vehibit el-nejash hanejóshet vajái
Y Moshé hizo una serpiente de cobre y la puso sobre el asta; y fue que si la serpiente mordía a un hombre, y él miraba hacia la serpiente de cobre, vivía.
10
וַיִּסְע֖וּ בְּנֵ֣י יִשְׂרָאֵ֑ל וַֽיַּחֲנ֖וּ בְּאֹבֹֽת׃
Vayisú benéi Yisrael vayajanú be’ovot
Y partieron los hijos de Yisrael, y acamparon en Ovot.
11
וַיִּסְע֖וּ מֵאֹבֹ֑ת וַֽיַּחֲנ֞וּ בְּעִיֵּ֣י הָֽעֲבָרִ֗ים בַּמִּדְבָּר֙ אֲשֶׁר֙ עַל־פְּנֵ֣י מוֹאָ֔ב מִמִּזְרַ֖ח הַשָּֽׁמֶשׁ׃
Vayisú me’ovot vayajanú be’iyéi ha’avarim bamidbar asher al-penéi Moav mimizraj hashámesh
Y partieron de Ovot, y acamparon en Iyé Haavarím, en el desierto que está frente a Moav, hacia la salida del sol.
12
מִשָּׁ֖ם נָסָ֑עוּ וַֽיַּחֲנ֖וּ בְּנַ֥חַל זָֽרֶד׃
Misham nasáu vayajanú benájal záred
De allí partieron, y acamparon en el arroyo de Zéred.
13
מִשָּׁם֮ נָסָעוּ֒ וַֽיַּחֲנ֗וּ מֵעֵ֤בֶר אַרְנוֹן֙ אֲשֶׁ֣ר בַּמִּדְבָּ֔ר הַיֹּצֵ֖א מִגְּב֣וּל הָֽאֱמֹרִ֑י כִּ֤י אַרְנוֹן֙ גְּב֣וּל מוֹאָ֔ב בֵּ֥ין מוֹאָ֖ב וּבֵ֥ין הָאֱמֹרִֽי׃
Misham nasaú vayajanú me’éver arnon asher bamidbar hayotsé migevul ha’emorí ki arnon gevul Moav bein Moav uvéin ha’emorí
De allí partieron, y acamparon al otro lado de Arnón, que está en el desierto, el que sale del territorio del emorí; porque Arnón es frontera de Moav, entre Moav y el emorí.
14
עַל־כֵּן֙ יֵֽאָמַ֔ר בְּסֵ֖פֶר מִלְחֲמֹ֣ת יְהוָ֑ה אֶת־וָהֵ֣ב בְּסוּפָ֔ה וְאֶת־הַנְּחָלִ֖ים אַרְנֽוֹן׃
Al-ken ye’amar beséfer miljamot Adonai et-vahev besufá ve’et-hanejalim arnón
Por eso se dice en el libro de las guerras de HaShem: «A Vahev en Sufá, y los arroyos de Arnón,
15
וְאֶ֙שֶׁד֙ הַנְּחָלִ֔ים אֲשֶׁ֥ר נָטָ֖ה לְשֶׁ֣בֶת עָ֑ר וְנִשְׁעַ֖ן לִגְב֥וּל מוֹאָֽב׃
Ve’eshed hanejalim asher natá leshévet ar venish’án ligvul Moav
y la pendiente de los arroyos que se inclina hacia la morada de Ar, y se apoya en la frontera de Moav».
16
וּמִשָּׁ֖ם בְּאֵ֑רָה הִ֣וא הַבְּאֵ֗ר אֲשֶׁ֨ר אָמַ֤ר יְהוָה֙ לְמֹשֶׁ֔ה אֱסֹף֙ אֶת־הָעָ֔ם וְאֶתְּנָ֥ה לָהֶ֖ם מָֽיִם׃ (ס)
Umisham be’era hiv habe’er asher amar Adonai lemoshé esof et-ha’am ve’etená lahem máyim
Y de allí a Beerá; este es el pozo del cual dijo HaShem a Moshé: «Reúne al pueblo, y les daré agua».
17
אָ֚ז יָשִׁ֣יר יִשְׂרָאֵ֔ל אֶת־הַשִּׁירָ֖ה הַזֹּ֑את עֲלִ֥י בְאֵ֖ר עֱנוּ־לָֽהּ׃
Az yashir Yisrael et-hashirá hazot alí ve’er enu-lah
Entonces cantó Yisrael este cántico: «¡Sube, oh pozo! ¡Cántenle!
18
בְּאֵ֞ר חֲפָר֣וּהָ שָׂרִ֗ים כָּר֙וּהָ֙ נְדִיבֵ֣י הָעָ֔ם בִּמְחֹקֵ֖ק בְּמִשְׁעֲנֹתָ֑ם וּמִמִּדְבָּ֖ר מַתָּנָֽה׃
Be’er jafaruha sarim karuha nedivéi ha’am bimjokek bemish’anotam umimidbar mataná
Pozo que cavaron los príncipes, que excavaron los nobles del pueblo, con el legislador, con sus bastones». Y del desierto, a Mataná.
19
וּמִמַּתָּנָ֖ה נַחֲלִיאֵ֑ל וּמִנַּחֲלִיאֵ֖ל בָּמֽוֹת׃
Umimataná najali’el uminajali’el bamot
Y de Mataná, a Najaliel; y de Najaliel, a Bamot.
20
וּמִבָּמ֗וֹת הַגַּיְא֙ אֲשֶׁר֙ בִּשְׂדֵ֣ה מוֹאָ֔ב רֹ֖אשׁ הַפִּסְגָּ֑ה וְנִשְׁקָ֖פָה עַל־פְּנֵ֥י הַיְשִׁימֹֽן׃ (פ)
Umibamot hagay asher bisdé Moav rosh hapisgá venishkafa al-penéi hayshimón
Y de Bamot, al valle que está en el campo de Moav, en la cumbre del Pisgá, y que mira hacia la faz del yeshimón.
21
וַיִּשְׁלַ֤ח יִשְׂרָאֵל֙ מַלְאָכִ֔ים אֶל־סִיחֹ֥ן מֶֽלֶךְ־הָאֱמֹרִ֖י לֵאמֹֽר׃
Vayishlaj Yisrael mal’ajim el-sijón melej-ha’emorí lemor
Y envió Yisrael mensajeros a Sijón, rey del emorí, diciendo:
22
אֶעְבְּרָ֣ה בְאַרְצֶ֗ךָ לֹ֤א נִטֶּה֙ בְּשָׂדֶ֣ה וּבְכֶ֔רֶם לֹ֥א נִשְׁתֶּ֖ה מֵ֣י בְאֵ֑ר בְּדֶ֤רֶךְ הַמֶּ֙לֶךְ֙ נֵלֵ֔ךְ עַ֥ד אֲשֶֽׁר־נַעֲבֹ֖ר גְּבֻלֶֽךָ׃
Eberá ve’artseja lo nite besadé uvejérem lo nishté mei ve’er bedérej hamelej nelej ad asher-na’avor gevuleja
«Pasaré por tu tierra; no nos desviaremos por campo ni por viña; no beberemos aguas de pozo; por el camino del rey iremos, hasta que hayamos cruzado tu territorio».
23
וְלֹא־נָתַ֨ן סִיחֹ֣ן אֶת־יִשְׂרָאֵל֮ עֲבֹ֣ר בִּגְבֻלוֹ֒ וַיֶּאֱסֹ֨ף סִיחֹ֜ן אֶת־כָּל־עַמּ֗וֹ וַיֵּצֵ֞א לִקְרַ֤את יִשְׂרָאֵל֙ הַמִּדְבָּ֔רָה וַיָּבֹ֖א יָ֑הְצָה וַיִּלָּ֖חֶם בְּיִשְׂרָאֵֽל׃
Velo-natán sijón et-Yisrael avor bigvuló vaye’esof sijón et-kol-amó vayetsé likrat Yisrael hamidbara vayavó yahtsa vayilájem beyisra’el
Y no permitió Sijón a Yisrael pasar por su territorio, y reunió Sijón a todo su pueblo, y salió al encuentro de Yisrael al desierto, y llegó a Yahats, y combatió contra Yisrael.
24
וַיַּכֵּ֥הוּ יִשְׂרָאֵ֖ל לְפִי־חָ֑רֶב וַיִּירַ֨שׁ אֶת־אַרְצ֜וֹ מֵֽאַרְנֹ֗ן עַד־יַבֹּק֙ עַד־בְּנֵ֣י עַמּ֔וֹן כִּ֣י עַ֔ז גְּב֖וּל בְּנֵ֥י עַמּֽוֹן׃
Vayakehu Yisrael lefi-járev vayirash et-artsó me’arnón ad-yabok ad-benéi Amón ki az gevul benéi Amón
Y lo hirió Yisrael a filo de espada, y tomó posesión de su tierra desde Arnón hasta Yaboc, hasta los hijos de Amón, porque fuerte era la frontera de los hijos de Amón.
25
וַיִּקַּח֙ יִשְׂרָאֵ֔ל אֵ֥ת כָּל־הֶעָרִ֖ים הָאֵ֑לֶּה וַיֵּ֤שֶׁב יִשְׂרָאֵל֙ בְּכָל־עָרֵ֣י הָֽאֱמֹרִ֔י בְּחֶשְׁבּ֖וֹן וּבְכָל־בְּנֹתֶֽיהָ׃
Vayikaj Yisrael et kol-he’arim ha’ele vayéshev Yisrael bejol-aréi ha’emorí bejeshbón uvejol-benoteiha
Y tomó Yisrael todas estas ciudades, y habitó Yisrael en todas las ciudades del emorí, en Jeshbón y en todas sus aldeas.
26
כִּ֣י חֶשְׁבּ֔וֹן עִ֗יר סִיחֹ֛ן מֶ֥לֶךְ הָאֱמֹרִ֖י הִ֑וא וְה֣וּא נִלְחַ֗ם בְּמֶ֤לֶךְ מוֹאָב֙ הָֽרִאשׁ֔וֹן וַיִּקַּ֧ח אֶת־כָּל־אַרְצ֛וֹ מִיָּד֖וֹ עַד־אַרְנֹֽן׃
Ki jeshbón ir sijón mélej ha’emorí hiv vehú niljam bemélej Moav harishón vayikaj et-kol-artsó miyadó ad-arnón
Porque Jeshbón era la ciudad de Sijón, rey del emorí, y él había combatido contra el primer rey de Moav, y había tomado toda su tierra de su mano hasta Arnón.
27
עַל־כֵּ֛ן יֹאמְר֥וּ הַמֹּשְׁלִ֖ים בֹּ֣אוּ חֶשְׁבּ֑וֹן תִּבָּנֶ֥ה וְתִכּוֹנֵ֖ן עִ֥יר סִיחֽוֹן׃
Al-ken yomrú hamoshlim bou jeshbón tibané vetikonén ir sijón
Por eso dicen los que componen proverbios: «Vengan a Jeshbón; que sea edificada y establecida la ciudad de Sijón.
28
כִּי־אֵשׁ֙ יָֽצְאָ֣ה מֵֽחֶשְׁבּ֔וֹן לֶהָבָ֖ה מִקִּרְיַ֣ת סִיחֹ֑ן אָֽכְלָה֙ עָ֣ר מוֹאָ֔ב בַּעֲלֵ֖י בָּמ֥וֹת אַרְנֹֽן׃
Ki-esh yats’á mejeshbón lehavá mikiryat sijón ajla ar Moav ba’aléi bamot arnón
Porque fuego salió de Jeshbón, llama de la villa de Sijón; devoró a Ar de Moav, a los señores de las alturas de Arnón.
29
אוֹי־לְךָ֣ מוֹאָ֔ב אָבַ֖דְתָּ עַם־כְּמ֑וֹשׁ נָתַ֨ן בָּנָ֤יו פְּלֵיטִם֙ וּבְנֹתָ֣יו בַּשְּׁבִ֔ית לְמֶ֥לֶךְ אֱמֹרִ֖י סִיחֽוֹן׃
Oi-lejá Moav avadta am-kemosh natán banav peleitim uvenotav bashevit lemélej emorí sijón
¡Ay de ti, Moav! Pereciste, pueblo de Kemosh; entregó a sus hijos como fugitivos y a sus hijas en cautiverio, al rey del emorí, Sijón.
30
וַנִּירָ֛ם אָבַ֥ד חֶשְׁבּ֖וֹן עַד־דִּיב֑וֹן וַנַּשִּׁ֣ים עַד־נֹ֔פַח אֲשֶׁ֖רׄ עַד־מֵֽידְבָֽא׃
Vaniram avad jeshbón ad-divón vanashim ad-nófaj asher ad-meidvá
Y los derribamos; pereció Jeshbón hasta Divón, y asolamos hasta Nófaj, que llega hasta Meidvá».
31
וַיֵּ֙שֶׁב֙ יִשְׂרָאֵ֔ל בְּאֶ֖רֶץ הָאֱמֹרִֽי׃
Vayeshev Yisrael be’erets ha’emorí
Y habitó Yisrael en la tierra del emorí.
32
וַיִּשְׁלַ֤ח מֹשֶׁה֙ לְרַגֵּ֣ל אֶת־יַעְזֵ֔ר וַֽיִּלְכְּד֖וּ בְּנֹתֶ֑יהָ ויירש [וַיּ֖וֹרֶשׁ] אֶת־הָאֱמֹרִ֥י אֲשֶׁר־שָֽׁם׃
Vayishlaj Moshé leragel et-yazer vayilkedú benoteiha vayóresh et-ha’emorí asher-sham
Y envió Moshé a explorar Yazér, y tomaron sus aldeas, y despojó al emorí que estaba allí.
33
וַיִּפְנוּ֙ וַֽיַּעֲל֔וּ דֶּ֖רֶךְ הַבָּשָׁ֑ן וַיֵּצֵ֣א עוֹג֩ מֶֽלֶךְ־הַבָּשָׁ֨ן לִקְרָאתָ֜ם ה֧וּא וְכָל־עַמּ֛וֹ לַמִּלְחָמָ֖ה אֶדְרֶֽעִי׃
Vayifnu vaya’alú dérej habashán vayetsé og melej-habashán likratam hu vejol-amó lamiljamá edre’i
Y se volvieron y subieron por el camino del Bashán, y salió Og, rey del Bashán, a su encuentro, él y todo su pueblo, a la batalla en Edreí.
34
וַיֹּ֨אמֶר יְהוָ֤ה אֶל־מֹשֶׁה֙ אַל־תִּירָ֣א אֹת֔וֹ כִּ֣י בְיָדְךָ֞ נָתַ֧תִּי אֹת֛וֹ וְאֶת־כָּל־עַמּ֖וֹ וְאֶת־אַרְצ֑וֹ וְעָשִׂ֣יתָ לּ֔וֹ כַּאֲשֶׁ֣ר עָשִׂ֗יתָ לְסִיחֹן֙ מֶ֣לֶךְ הָֽאֱמֹרִ֔י אֲשֶׁ֥ר יוֹשֵׁ֖ב בְּחֶשְׁבּֽוֹן׃
Vayómer Adonai el-Moshé al-tirá otó ki veyadjá natati otó ve’et-kol-amó ve’et-artsó ve’asita lo ka’asher asita lesijon mélej ha’emorí asher yoshev bejeshbón
Y dijo HaShem a Moshé: «No le temas, porque en tu mano he entregado a él y a todo su pueblo y a su tierra; y harás con él como hiciste con Sijón, rey del emorí, que habitaba en Jeshbón».
35
וַיַּכּ֨וּ אֹת֤וֹ וְאֶת־בָּנָיו֙ וְאֶת־כָּל־עַמּ֔וֹ עַד־בִּלְתִּ֥י הִשְׁאִֽיר־ל֖וֹ שָׂרִ֑יד וַיִּֽירְשׁ֖וּ אֶת־אַרְצֽוֹ׃
Vayakú otó ve’et-banav ve’et-kol-amó ad-biltí hish’ir-lo sarid vayirshú et-artsó
Y lo hirieron a él y a sus hijos y a todo su pueblo, hasta no dejarle sobreviviente, y tomaron posesión de su tierra.
Números
20
Números
22
