תנ״ך
Tanaj (Biblia)
beneyisrael.com
Inicio
Portada
Apoyar
Biblioteca
Opciones de lectura
עברית
Fonética
Español
Taamim
Nikud
Letras
A−
100%
A+
Comentarios
Torá · Números
במדבר כב
Números · Capítulo 22
41 versículos
21 comentarios
1
וַיִּסְע֖וּ בְּנֵ֣י יִשְׂרָאֵ֑ל וַֽיַּחֲנוּ֙ בְּעַֽרְב֣וֹת מוֹאָ֔ב מֵעֵ֖בֶר לְיַרְדֵּ֥ן יְרֵחֽוֹ׃ (ס)
Vayisú benéi Yisrael vayajanu be’arvot Moav me’éver leyardén yerejó
Se trasladaron los hijos de Israel, y acamparon en las llanuras de Moab, allende el Iardén a la altura de Ierijó
2
וַיַּ֥רְא בָּלָ֖ק בֶּן־צִפּ֑וֹר אֵ֛ת כָּל־אֲשֶׁר־עָשָׂ֥ה יִשְׂרָאֵ֖ל לָֽאֱמֹרִֽי׃
Vayar balak ben-tsipor et kol-asher-asá Yisrael la’emorí
Había visto Balák, hijo de Tsippór, todo lo que hizo Israel al Emorí.
3
וַיָּ֨גָר מוֹאָ֜ב מִפְּנֵ֥י הָעָ֛ם מְאֹ֖ד כִּ֣י רַב־ה֑וּא וַיָּ֣קָץ מוֹאָ֔ב מִפְּנֵ֖י בְּנֵ֥י יִשְׂרָאֵֽל׃
Vayágor Moav mipenéi ha’am me’od ki rav-hu vayakots Moav mipenéi benéi Yisrael
Temió Moab ante el pueblo, mucho, ya que numeroso era, y se fastidió Moab de ante los hijos de Israel.
4
וַיֹּ֨אמֶר מוֹאָ֜ב אֶל־זִקְנֵ֣י מִדְיָ֗ן עַתָּ֞ה יְלַחֲכ֤וּ הַקָּהָל֙ אֶת־כָּל־סְבִ֣יבֹתֵ֔ינוּ כִּלְחֹ֣ךְ הַשּׁ֔וֹר אֵ֖ת יֶ֣רֶק הַשָּׂדֶ֑ה וּבָלָ֧ק בֶּן־צִפּ֛וֹר מֶ֥לֶךְ לְמוֹאָ֖ב בָּעֵ֥ת הַהִֽוא׃
Vayómer Moav el-ziknéi midyán atá yelajajú hakahal et-kol-sevivoteinu kiljoj hashor et yérek hasadé uvalak ben-tsipor mélej lemo’av ba’et hahiv
Dijo Moab a los ancianos de Midián: “Ahora va a lamiscar esta multitud todos nuestros alrededores, como lamisca el buey la hierba del campo”. Y Balák, hijo de Tsippór, era rey de Moab en aquel tiempo.
5
וַיִּשְׁלַ֨ח מַלְאָכִ֜ים אֶל־בִּלְעָ֣ם בֶּן־בְּע֗וֹר פְּ֠תוֹרָה אֲשֶׁ֧ר עַל־הַנָּהָ֛ר אֶ֥רֶץ בְּנֵי־עַמּ֖וֹ לִקְרֹא־ל֑וֹ לֵאמֹ֗ר הִ֠נֵּה עַ֣ם יָצָ֤א מִמִּצְרַ֙יִם֙ הִנֵּ֤ה כִסָּה֙ אֶת־עֵ֣ין הָאָ֔רֶץ וְה֥וּא יֹשֵׁ֖ב מִמֻּלִֽי׃
Vayishlaj mal’ajim el-bil’am ben-be’or petora asher al-hanahar erets benei-amó likro-lo lemor hine am yatsá mimitsrayim hiné jisa et-ein ha’arets vehú yoshev mimulí
Envió mensajeros a Bilhám, hijo de Behór, a Petór, que está sobre el Río, a la tierra de los hijos de su pueblo, para llamarlo, diciendo: “He aquí que el pueblo que ha salido de Egipto; he aquí que ha tapado la vista de la tierra, y él está asentado frente a mí.
6
וְעַתָּה֩ לְכָה־נָּ֨א אָֽרָה־לִּ֜י אֶת־הָעָ֣ם הַזֶּ֗ה כִּֽי־עָצ֥וּם הוּא֙ מִמֶּ֔נִּי אוּלַ֤י אוּכַל֙ נַכֶּה־בּ֔וֹ וַאֲגָרְשֶׁ֖נּוּ מִן־הָאָ֑רֶץ כִּ֣י יָדַ֗עְתִּי אֵ֤ת אֲשֶׁר־תְּבָרֵךְ֙ מְבֹרָ֔ךְ וַאֲשֶׁ֥ר תָּאֹ֖ר יוּאָֽר׃
Ve’ata leja-na ara-li et-ha’am hazé ki-atsum hu mimeni ulái ujal nake-bo va’agarshenu min-ha’arets ki yadati et asher-tevarej mevoraj va’asher ta’or yu’ar
Y ahora ven por favor, maldíceme este pueblo, pues es más poderoso que yo, tal vez pueda, y lo derrotemos y lo expulse de la tierra; pues yo sé que a quien bendices es bendecido y a quien maldices es maldecido”.
7
וַיֵּ֨לְכ֜וּ זִקְנֵ֤י מוֹאָב֙ וְזִקְנֵ֣י מִדְיָ֔ן וּקְסָמִ֖ים בְּיָדָ֑ם וַיָּבֹ֙אוּ֙ אֶל־בִּלְעָ֔ם וַיְדַבְּר֥וּ אֵלָ֖יו דִּבְרֵ֥י בָלָֽק׃
Vayeljú ziknéi Moav veziknéi midyán ukesamim beyadam vayavou el-bil’am vaydaberú elav divréi valak
Partieron los ancianos de Moab y los ancianos de Midián, yen sus manos elementos para sortilegio; se allegaron hasta Bilhám, y le hablaron las palabras de Balák.
8
וַיֹּ֣אמֶר אֲלֵיהֶ֗ם לִ֤ינוּ פֹה֙ הַלַּ֔יְלָה וַהֲשִׁבֹתִ֤י אֶתְכֶם֙ דָּבָ֔ר כַּאֲשֶׁ֛ר יְדַבֵּ֥ר יְהוָ֖ה אֵלָ֑י וַיֵּשְׁב֥וּ שָׂרֵֽי־מוֹאָ֖ב עִם־בִּלְעָֽם׃
Vayómer aleihem linu fo halayla vahashivotí etjem davar ka’asher yedaber Adonai elái vayeshvú sarei-Moav im-bil’am
Les dijo a ellos: “Pernoctad aquí esta noche, y os responderé a vosotros alguna cosa, como me hable Adonai a mí”; y permanecieron los dignatarios de Moab con Bilhám:
9
וַיָּבֹ֥א אֱלֹהִ֖ים אֶל־בִּלְעָ֑ם וַיֹּ֕אמֶר מִ֛י הָאֲנָשִׁ֥ים הָאֵ֖לֶּה עִמָּֽךְ׃
Vayavó Elohim el-bil’am vayómer mi ha’anashim ha’ele imaj
Le sobrevino la palabra de Elohim a Bilhám, y dijo: “.Quiénes son estos hombres que están contigo?”
10
וַיֹּ֥אמֶר בִּלְעָ֖ם אֶל־הָאֱלֹהִ֑ים בָּלָ֧ק בֶּן־צִפֹּ֛ר מֶ֥לֶךְ מוֹאָ֖ב שָׁלַ֥ח אֵלָֽי׃
Vayómer bil’am el-ha’elohim balak ben-tsipor mélej Moav shalaj elái
Dijo Bilhám a Elohim: “Balák, hijo de Tsippór, rey de Moab me ha enviado...
11
הִנֵּ֤ה הָעָם֙ הַיֹּצֵ֣א מִמִּצְרַ֔יִם וַיְכַ֖ס אֶת־עֵ֣ין הָאָ֑רֶץ עַתָּ֗ה לְכָ֤ה קָֽבָה־לִּי֙ אֹת֔וֹ אוּלַ֥י אוּכַ֛ל לְהִלָּ֥חֶם בּ֖וֹ וְגֵרַשְׁתִּֽיו׃
Hiné ha’am hayotsé mimitsráyim vayjás et-ein ha’arets atá lejá kava-li otó ulái ujal lehilájem bo vegerashtiv
He aquí que el pueblo, el que ha salido de Egipto, ha tapado la vista de la tierra, y ahora ven y maldícemelo, tal vez pueda luchar contra él y lo expulse”.
12
וַיֹּ֤אמֶר אֱלֹהִים֙ אֶל־בִּלְעָ֔ם לֹ֥א תֵלֵ֖ךְ עִמָּהֶ֑ם לֹ֤א תָאֹר֙ אֶת־הָעָ֔ם כִּ֥י בָר֖וּךְ הֽוּא׃
Vayómer Elohim el-bil’am lo telej imahem lo ta’or et-ha’am ki varuje hu
Dijo Elohim a Bilhám: “No vayas con ellos; no maldigas al pueblo, ya que bendito es”.
13
וַיָּ֤קָם בִּלְעָם֙ בַּבֹּ֔קֶר וַיֹּ֙אמֶר֙ אֶל־שָׂרֵ֣י בָלָ֔ק לְכ֖וּ אֶֽל־אַרְצְכֶ֑ם כִּ֚י מֵאֵ֣ן יְהוָ֔ה לְתִתִּ֖י לַהֲלֹ֥ךְ עִמָּכֶֽם׃
Vayákom bil’am babóker vayomer el-saréi valak lejú el-artsejem ki me’én Adonai letití lahaloj imajem
Se levanto Bilhám por la mañana, y dijo a los dignatarios de Balák: “Partid a vuestra tierra; pues ha rehusado Adonai permitirme ir con vosotros”.
14
וַיָּק֙וּמוּ֙ שָׂרֵ֣י מוֹאָ֔ב וַיָּבֹ֖אוּ אֶל־בָּלָ֑ק וַיֹּ֣אמְר֔וּ מֵאֵ֥ן בִּלְעָ֖ם הֲלֹ֥ךְ עִמָּֽנוּ׃
Vayakumu saréi Moav vayavóu el-balak vayomrú me’én bil’am haloj imanu
Se levantaron los dignatarios de Moab y se allegaron hasta Balák y dijeron: “Se ha negado Bilhám partir con nosotros”.
15
וַיֹּ֥סֶף ע֖וֹד בָּלָ֑ק שְׁלֹ֣חַ שָׂרִ֔ים רַבִּ֥ים וְנִכְבָּדִ֖ים מֵאֵֽלֶּה׃
Vayósef od balak sheloaj sarim rabim venijbadim me’ele
Y volvió otra vez Balák a enviar dignatarios más numerosos y más honorables que estos.
16
וַיָּבֹ֖אוּ אֶל־בִּלְעָ֑ם וַיֹּ֣אמְרוּ ל֗וֹ כֹּ֤ה אָמַר֙ בָּלָ֣ק בֶּן־צִפּ֔וֹר אַל־נָ֥א תִמָּנַ֖ע מֵהֲלֹ֥ךְ אֵלָֽי׃
Vayavóu el-bil’am vayomru lo ko amar balak ben-tsipor al-na timaná mehaloj elái
Se allegaron ellos a Bilhám y le dijeron: “Así ha dicho Balák, hijo de Tsippór: “Por favor, no te abstengas de venir hacia mí”.
17
כִּֽי־כַבֵּ֤ד אֲכַבֶּדְךָ֙ מְאֹ֔ד וְכֹ֛ל אֲשֶׁר־תֹּאמַ֥ר אֵלַ֖י אֶֽעֱשֶׂ֑ה וּלְכָה־נָּא֙ קָֽבָה־לִּ֔י אֵ֖ת הָעָ֥ם הַזֶּֽה׃
Ki-jabed ajabedja me’od vejol asher-tomar elái e’esé uleja-na kava-li et ha’am hazé
Pues honrar habré de honrarte, mucho, y todo lo que tu me digas yo haré. Pero ven ahora y maldíceme a este pueblo”.
18
וַיַּ֣עַן בִּלְעָ֗ם וַיֹּ֙אמֶר֙ אֶל־עַבְדֵ֣י בָלָ֔ק אִם־יִתֶּן־לִ֥י בָלָ֛ק מְלֹ֥א בֵית֖וֹ כֶּ֣סֶף וְזָהָ֑ב לֹ֣א אוּכַ֗ל לַעֲבֹר֙ אֶת־פִּי֙ יְהוָ֣ה אֱלֹהָ֔י לַעֲשׂ֥וֹת קְטַנָּ֖ה א֥וֹ גְדוֹלָֽה׃
Vaya’an bil’am vayomer el-avdéi valak im-yiten-li valak meló veitó késef vezahav lo ujal la’avor et-pi Adonai Elohái la’asot ketaná o gedolá
Respondió Bilhám: “Aún si me diere Balák su casa llena de plata y oro, no puedo transgredir el Mandato de Adonai, mi D’s, para hacer cosa pequeña o grande.
19
וְעַתָּ֗ה שְׁב֨וּ נָ֥א בָזֶ֛ה גַּם־אַתֶּ֖ם הַלָּ֑יְלָה וְאֵ֣דְעָ֔ה מַה־יֹּסֵ֥ף יְהוָ֖ה דַּבֵּ֥ר עִמִּֽי׃
Ve’atá shevú na vazé gam-atem halayla ve’ed’á ma-yosef Adonai daber imí
y ahora permaneced por favor aquí, también vosotros esta noche, hasta que haya de saber, qué va a volver Adonai a hablar conmigo”.
20
וַיָּבֹ֨א אֱלֹהִ֥ים ׀ אֶל־בִּלְעָם֮ לַיְלָה֒ וַיֹּ֣אמֶר ל֗וֹ אִם־לִקְרֹ֤א לְךָ֙ בָּ֣אוּ הָאֲנָשִׁ֔ים ק֖וּם לֵ֣ךְ אִתָּ֑ם וְאַ֗ךְ אֶת־הַדָּבָ֛ר אֲשֶׁר־אֲדַבֵּ֥ר אֵלֶ֖יךָ אֹת֥וֹ תַעֲשֶֽׂה׃
Vayavó Elohim el-bil’am laylá vayómer lo im-likró leja bau ha’anashim kum lej itam ve’aj et-hadavar asher-adaber eleja otó ta’asé
Le vino Elohim a Bilhám por la noche, y le dijo: “Si para llamarte han venido estos hombres, levántate y vé con ellos; empero solamente la palabra que Yo hable contigo, eso habrás de hacer”.
21
וַיָּ֤קָם בִּלְעָם֙ בַּבֹּ֔קֶר וַֽיַּחֲבֹ֖שׁ אֶת־אֲתֹנ֑וֹ וַיֵּ֖לֶךְ עִם־שָׂרֵ֥י מוֹאָֽב׃
Vayákom bil’am babóker vayajavosh et-atonó vayélej im-saréi Moav
Se levantó Bilhám por la mañana, y aparejó su asna, y partió con los dignatarios de Moab.
22
וַיִּֽחַר־אַ֣ף אֱלֹהִים֮ כִּֽי־הוֹלֵ֣ךְ הוּא֒ וַיִּתְיַצֵּ֞ב מַלְאַ֧ךְ יְהוָ֛ה בַּדֶּ֖רֶךְ לְשָׂטָ֣ן ל֑וֹ וְהוּא֙ רֹכֵ֣ב עַל־אֲתֹנ֔וֹ וּשְׁנֵ֥י נְעָרָ֖יו עִמּֽוֹ׃
Vayijar-af Elohim ki-holej hu vayityatsev mal’aj Adonai badérej lesatán lo vehu rojev al-atonó ushenéi ne’arav imó
Empero se encendió el furor de Elohim, ya que él estaba yendo, y se apostó el Emisario de Adonai en el camino, como obstáculo ante él. Empero él estaba montado sobre su asna y sus dos mozos estaban con él.
23
וַתֵּ֣רֶא הָאָתוֹן֩ אֶת־מַלְאַ֨ךְ יְהוָ֜ה נִצָּ֣ב בַּדֶּ֗רֶךְ וְחַרְבּ֤וֹ שְׁלוּפָה֙ בְּיָד֔וֹ וַתֵּ֤ט הָֽאָתוֹן֙ מִן־הַדֶּ֔רֶךְ וַתֵּ֖לֶךְ בַּשָּׂדֶ֑ה וַיַּ֤ךְ בִּלְעָם֙ אֶת־הָ֣אָת֔וֹן לְהַטֹּתָ֖הּ הַדָּֽרֶךְ׃
Vatere ha’aton et-mal’aj Adonai nitsav badérej vejarbó shelufa beyadó vatet ha’aton min-hadérej vatélej basadé vayaj bil’am et-ha’atón lehatotah hadárej
Percibió el asna al Emisario de Adonai apostado en el camino, y su espada desenvainada en su mano; se desvió el asna del camino y anduvo por el campo; empero golpeó Bilhám al asna para hacerla volver al camino.
24
וַֽיַּעֲמֹד֙ מַלְאַ֣ךְ יְהוָ֔ה בְּמִשְׁע֖וֹל הַכְּרָמִ֑ים גָּדֵ֥ר מִזֶּ֖ה וְגָדֵ֥ר מִזֶּֽה׃
Vaya’amod mal’aj Adonai bemishol hakeramim gader mizé vegader mizé
Empero se irguió el Emisario de Adonai, en si sendero de las viñas, un vallado por aquí y un vallado por aquí.
25
וַתֵּ֨רֶא הָאָת֜וֹן אֶת־מַלְאַ֣ךְ יְהוָ֗ה וַתִּלָּחֵץ֙ אֶל־הַקִּ֔יר וַתִּלְחַ֛ץ אֶת־רֶ֥גֶל בִּלְעָ֖ם אֶל־הַקִּ֑יר וַיֹּ֖סֶף לְהַכֹּתָֽהּ׃
Vatere ha’atón et-mal’aj Adonai vatilajets el-hakir vatiljáts et-régel bil’am el-hakir vayósef lehakotah
Vio el asna al Emisario de Adonai, apretose contra la pared y oprimió el pie de Bilhám contra la pared, empero volvió a golpearla.
26
וַיּ֥וֹסֶף מַלְאַךְ־יְהוָ֖ה עֲב֑וֹר וַֽיַּעֲמֹד֙ בְּמָק֣וֹם צָ֔ר אֲשֶׁ֛ר אֵֽין־דֶּ֥רֶךְ לִנְט֖וֹת יָמִ֥ין וּשְׂמֹֽאול׃
Vayósef mal’aj-Adonai avor vaya’amod bemakom tsar asher ein-dérej lintot yamín usemovl
Volvió el Emisario de Adonai a pasar y se detuvo en un lugar angosto donde no había camino para desviarse a derecha o a izquierda.
27
וַתֵּ֤רֶא הָֽאָתוֹן֙ אֶת־מַלְאַ֣ךְ יְהוָ֔ה וַתִּרְבַּ֖ץ תַּ֣חַת בִּלְעָ֑ם וַיִּֽחַר־אַ֣ף בִּלְעָ֔ם וַיַּ֥ךְ אֶת־הָאָת֖וֹן בַּמַּקֵּֽל׃
Vatere ha’aton et-mal’aj Adonai vatirbáts tájat bil’am vayijar-af bil’am vayaj et-ha’atón bamakel
Vio el asna al Emisario de Adonai y yació bajo Bilhám; empero se encendió el furor de Bilhám y golpeó al asna con la vara.
28
וַיִּפְתַּ֥ח יְהוָ֖ה אֶת־פִּ֣י הָאָת֑וֹן וַתֹּ֤אמֶר לְבִלְעָם֙ מֶה־עָשִׂ֣יתִֽי לְךָ֔ כִּ֣י הִכִּיתַ֔נִי זֶ֖ה שָׁלֹ֥שׁ רְגָלִֽים׃
Vayiftaj Adonai et-pi ha’atón vatómer levil’am me-asiti lejá ki hikitani ze shalosh regalim
Abrió Adonai la boca del asna y le dijo a Bilhám: “¿Qué te he hecho? ¡Pues me has golpeado ya, tres veces!”.
29
וַיֹּ֤אמֶר בִּלְעָם֙ לָֽאָת֔וֹן כִּ֥י הִתְעַלַּ֖לְתְּ בִּ֑י ל֤וּ יֶשׁ־חֶ֙רֶב֙ בְּיָדִ֔י כִּ֥י עַתָּ֖ה הֲרַגְתִּֽיךְ׃
Vayómer bil’am la’atón ki hit’alalte bi lu yesh-jerev beyadí ki atá haragtij
Dijo Bilhám al asna: "Pues te has mofado de mí; ojalá tuviera una espada en mi mano pues ahora te hubiera matado”.
30
וַתֹּ֨אמֶר הָאָת֜וֹן אֶל־בִּלְעָ֗ם הֲלוֹא֩ אָנֹכִ֨י אֲתֹֽנְךָ֜ אֲשֶׁר־רָכַ֣בְתָּ עָלַ֗י מֵעֽוֹדְךָ֙ עַד־הַיּ֣וֹם הַזֶּ֔ה הַֽהַסְכֵּ֣ן הִסְכַּ֔נְתִּי לַעֲשׂ֥וֹת לְךָ֖ כֹּ֑ה וַיֹּ֖אמֶר לֹֽא׃
Vatómer ha’atón el-bil’am halo anojí atonjá asher-rajavta alái meodeja ad-hayom hazé hahaskén hiskanti la’asot lejá ko vayómer lo
Dijo el asna a Bilhám: “Ciertamente yo soy tu asna, y has montado sobre mí desde tu existir hasta el día de hoy. ¿Acaso acostumbrar he acostumbrado a hacerte así?” Dijo él: “No”.
31
וַיְגַ֣ל יְהוָה֮ אֶת־עֵינֵ֣י בִלְעָם֒ וַיַּ֞רְא אֶת־מַלְאַ֤ךְ יְהוָה֙ נִצָּ֣ב בַּדֶּ֔רֶךְ וְחַרְבּ֥וֹ שְׁלֻפָ֖ה בְּיָד֑וֹ וַיִּקֹּ֥ד וַיִּשְׁתַּ֖חוּ לְאַפָּֽיו׃
Vaygal Adonai et-einéi vil’am vayar et-mal’aj Adonai nitsav badérej vejarbó shelufá beyadó vayikod vayishtaju le’apav
Develó Adonai los ojos de Bilhám que percibió al Emisario de Adonai apostado en el camino, con su espada desenvainada en su mano, entonces se inclinó y se prosternó sobre su rostro.
32
וַיֹּ֤אמֶר אֵלָיו֙ מַלְאַ֣ךְ יְהוָ֔ה עַל־מָ֗ה הִכִּ֙יתָ֙ אֶת־אֲתֹ֣נְךָ֔ זֶ֖ה שָׁל֣וֹשׁ רְגָלִ֑ים הִנֵּ֤ה אָנֹכִי֙ יָצָ֣אתִי לְשָׂטָ֔ן כִּֽי־יָרַ֥ט הַדֶּ֖רֶךְ לְנֶגְדִּֽי׃
Vayómer elav mal’aj Adonai al-ma hikita et-atonjá ze shalosh regalim hiné anoji yatsati lesatán ki-yarat hadérej lenegdí
Le dijo a él, el Emisario de Adonai: “Por qué has golpeado a tu asna ya tres veces? He aquí que yo he salido, como obstáculo, porque ha torcido el camino contra mí.
33
וַתִּרְאַ֙נִי֙ הָֽאָת֔וֹן וַתֵּ֣ט לְפָנַ֔י זֶ֖ה שָׁלֹ֣שׁ רְגָלִ֑ים אוּלַי֙ נָטְתָ֣ה מִפָּנַ֔י כִּ֥י עַתָּ֛ה גַּם־אֹתְכָ֥ה הָרַ֖גְתִּי וְאוֹתָ֥הּ הֶחֱיֵֽיתִי׃
Vatir’ani ha’atón vatet lefanái ze shalosh regalim ulai nattá mipanái ki atá gam-otjá haragti veotah hejeyeiti
Me percibió el asna y se desvió de ante mí ya tres veces; si no se hubiese desviado de ante mí, pues ahora también a ti te hubiese matado y a ella hubiera dejado vivir”.
34
וַיֹּ֨אמֶר בִּלְעָ֜ם אֶל־מַלְאַ֤ךְ יְהוָה֙ חָטָ֔אתִי כִּ֚י לֹ֣א יָדַ֔עְתִּי כִּ֥י אַתָּ֛ה נִצָּ֥ב לִקְרָאתִ֖י בַּדָּ֑רֶךְ וְעַתָּ֛ה אִם־רַ֥ע בְּעֵינֶ֖יךָ אָשׁ֥וּבָה לִּֽי׃
Vayómer bil’am el-mal’aj Adonai jatati ki lo yadati ki atá nitsav likratí badárej ve’atá im-ra be’eineja ashuva li
Dijo Bilhám al Emisario de Adonai: “He errado; pues no supe que tú estás apostado frente a mí en el camino; y ahora si es malo a tus ojos, yo me volveré”
35
וַיֹּאמֶר֩ מַלְאַ֨ךְ יְהוָ֜ה אֶל־בִּלְעָ֗ם לֵ֚ךְ עִם־הָ֣אֲנָשִׁ֔ים וְאֶ֗פֶס אֶת־הַדָּבָ֛ר אֲשֶׁר־אֲדַבֵּ֥ר אֵלֶ֖יךָ אֹת֣וֹ תְדַבֵּ֑ר וַיֵּ֥לֶךְ בִּלְעָ֖ם עִם־שָׂרֵ֥י בָלָֽק׃
Vayomer mal’aj Adonai el-bil’am lej im-ha’anashim ve’efes et-hadavar asher-adaber eleja otó tedaber vayélej bil’am im-saréi valak
Dijo el Emisario de Adonai a Bilhám: “Vé con los hombres, pero sólo la palabra que yo hable contigo, habrás de hablar”. Y partió Bilhám con los dignatarios de Balák.
36
וַיִּשְׁמַ֥ע בָּלָ֖ק כִּ֣י בָ֣א בִלְעָ֑ם וַיֵּצֵ֨א לִקְרָאת֜וֹ אֶל־עִ֣יר מוֹאָ֗ב אֲשֶׁר֙ עַל־גְּב֣וּל אַרְנֹ֔ן אֲשֶׁ֖ר בִּקְצֵ֥ה הַגְּבֽוּל׃
Vayishmá balak ki va vil’am vayetsé likrató el-ir Moav asher al-gevul arnón asher biktsé hagevul
Oyó Balák que había llegado Bilhám; él salió a su encuentro a la ciudad de Moab, que está cita en el límite del Arnón, que está en el confín del territorio.
37
וַיֹּ֨אמֶר בָּלָ֜ק אֶל־בִּלְעָ֗ם הֲלֹא֩ שָׁלֹ֨חַ שָׁלַ֤חְתִּי אֵלֶ֙יךָ֙ לִקְרֹא־לָ֔ךְ לָ֥מָּה לֹא־הָלַ֖כְתָּ אֵלָ֑י הַֽאֻמְנָ֔ם לֹ֥א אוּכַ֖ל כַּבְּדֶֽךָ׃
Vayómer balak el-bil’am halo shaloaj shalajti eleja likro-laj lama lo-halajta elái ha’umnam lo ujal kabedeja
Dijo Balák a Bilhám: “Ciertamente mandas he mandado por ti, a llamarte. ¿Por qué no viniste hacia mí? ¿En verdad no puedo yo honrarte?”
38
וַיֹּ֨אמֶר בִּלְעָ֜ם אֶל־בָּלָ֗ק הִֽנֵּה־בָ֙אתִי֙ אֵלֶ֔יךָ עַתָּ֕ה הֲיָכ֥וֹל אוּכַ֖ל דַּבֵּ֣ר מְא֑וּמָה הַדָּבָ֗ר אֲשֶׁ֨ר יָשִׂ֧ים אֱלֹהִ֛ים בְּפִ֖י אֹת֥וֹ אֲדַבֵּֽר׃
Vayómer bil’am el-balak hine-vati eleja atá hayajol ujal daber meuma hadavar asher yasim Elohim befí otó adaber
Dijo Bilhám a Balák: “He aquí que he venido a ti, ahora, acaso poder voy a poder hablar nada... La palabra que ponga Elohim en mi boca, ella habré de hablar”
39
וַיֵּ֥לֶךְ בִּלְעָ֖ם עִם־בָּלָ֑ק וַיָּבֹ֖אוּ קִרְיַ֥ת חֻצֽוֹת׃
Vayélej bil’am im-balak vayavóu kiryat jutsot
Fué Bilhám con Balák y llegaron a Kiriat-Jutsot.
40
וַיִּזְבַּ֥ח בָּלָ֖ק בָּקָ֣ר וָצֹ֑אן וַיְשַׁלַּ֣ח לְבִלְעָ֔ם וְלַשָּׂרִ֖ים אֲשֶׁ֥ר אִתּֽוֹ׃
Vayizbaj balak bakar vatsón vayshalaj levil’am velasarim asher itó
Sacrificó Balák bovinos y ovinos y le envió a Bilhám y a los dignatarios que estaban con él.
41
וַיְהִ֣י בַבֹּ֔קֶר וַיִּקַּ֤ח בָּלָק֙ אֶת־בִּלְעָ֔ם וַֽיַּעֲלֵ֖הוּ בָּמ֣וֹת בָּ֑עַל וַיַּ֥רְא מִשָּׁ֖ם קְצֵ֥ה הָעָֽם׃
Vayhí vabóker vayikaj balak et-bil’am vaya’alehu bamot bá’al vayar misham ketsé ha’am
Ocurrió que por la mañana, tomó Balák a Bilhám y lo hizo subir hasta Bamót-Báhal y divisó desde allí el confín del pueblo.
Números
21
Números
23
