תנ״ך
Tanaj (Biblia)
Portada
Apoyar
Biblioteca
beneyisrael.com
Inicio
OPCIONES DE LECTURA
Capas de lectura
עברית
Fonética
Español
Hebreo
Taamim
Nikud
Letras
Tamaño de letra
A−
100%
A+
Comentarios
Mostrar
Ocultar
Torá · Números
במדבר לא
Números · Capítulo 31
54 versículos
19 comentarios
1
וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃
Vaydaber Adonai el-Moshé lemor
Y habló HaShem a Moshé, diciendo:
2
נְקֹ֗ם נִקְמַת֙ בְּנֵ֣י יִשְׂרָאֵ֔ל מֵאֵ֖ת הַמִּדְיָנִ֑ים אַחַ֖ר תֵּאָסֵ֥ף אֶל־עַמֶּֽיךָ׃
Nekom nikmat benéi Yisrael me’et hamidyanim ajar te’asef el-ameja
«Toma la venganza de los hijos de Yisrael contra los midyanitas; después serás reunido a tu pueblo».
3
וַיְדַבֵּ֤ר מֹשֶׁה֙ אֶל־הָעָ֣ם לֵאמֹ֔ר הֵחָלְצ֧וּ מֵאִתְּכֶ֛ם אֲנָשִׁ֖ים לַצָּבָ֑א וְיִהְיוּ֙ עַל־מִדְיָ֔ן לָתֵ֥ת נִקְמַת־יְהוָ֖ה בְּמִדְיָֽן׃
Vaydaber Moshé el-ha’am lemor hejaltsú me’itejem anashim latsavá veyihyu al-midyán latet nikmat-Adonai bemidyán
Y habló Moshé al pueblo, diciendo: «Ármense de entre ustedes hombres para la milicia, y vayan contra Midyán para ejecutar la venganza de HaShem contra Midyán.
4
אֶ֚לֶף לַמַּטֶּ֔ה אֶ֖לֶף לַמַּטֶּ֑ה לְכֹל֙ מַטּ֣וֹת יִשְׂרָאֵ֔ל תִּשְׁלְח֖וּ לַצָּבָֽא׃
Élef lamaté élef lamaté lejol matot Yisrael tishlejú latsavá
Mil por tribu, mil por tribu, de todas las tribus de Yisrael enviarán a la milicia».
5
וַיִּמָּֽסְרוּ֙ מֵאַלְפֵ֣י יִשְׂרָאֵ֔ל אֶ֖לֶף לַמַּטֶּ֑ה שְׁנֵים־עָשָׂ֥ר אֶ֖לֶף חֲלוּצֵ֥י צָבָֽא׃
Vayimasru me’alféi Yisrael élef lamaté sheneim-asar élef jalutséi tsavá
Y fueron entregados de los millares de Yisrael, mil por tribu, doce mil armados para la milicia.
6
וַיִּשְׁלַ֨ח אֹתָ֥ם מֹשֶׁ֛ה אֶ֥לֶף לַמַּטֶּ֖ה לַצָּבָ֑א אֹ֠תָם וְאֶת־פִּ֨ינְחָ֜ס בֶּן־אֶלְעָזָ֤ר הַכֹּהֵן֙ לַצָּבָ֔א וּכְלֵ֥י הַקֹּ֛דֶשׁ וַחֲצֹצְר֥וֹת הַתְּרוּעָ֖ה בְּיָדֽוֹ׃
Vayishlaj otam Moshé élef lamaté latsavá otam ve’et-pinjás ben-el’azar hakohen latsavá ujeléi hakódesh vajatsotsrot hateru’á beyadó
Y los envió Moshé, mil por tribu, a la milicia, a ellos y a Pinjás hijo de Elazar el cohén, a la milicia, con los utensilios sagrados y las trompetas de la teruá en su mano.
7
וַֽיִּצְבְּאוּ֙ עַל־מִדְיָ֔ן כַּאֲשֶׁ֛ר צִוָּ֥ה יְהוָ֖ה אֶת־מֹשֶׁ֑ה וַיַּֽהַרְג֖וּ כָּל־זָכָֽר׃
Vayitsbeu al-midyán ka’asher tsivá Adonai et-Moshé vayahargú kol-zajar
Y pelearon contra Midyán, como HaShem había ordenado a Moshé, y mataron a todo varón.
8
וְאֶת־מַלְכֵ֨י מִדְיָ֜ן הָרְג֣וּ עַל־חַלְלֵיהֶ֗ם אֶת־אֱוִ֤י וְאֶת־רֶ֙קֶם֙ וְאֶת־צ֤וּר וְאֶת־חוּר֙ וְאֶת־רֶ֔בַע חֲמֵ֖שֶׁת מַלְכֵ֣י מִדְיָ֑ן וְאֵת֙ בִּלְעָ֣ם בֶּן־בְּע֔וֹר הָרְג֖וּ בֶּחָֽרֶב׃
Ve’et-maljéi midyán hargú al-jaleleihem et-eví ve’et-rekem ve’et-Tsur ve’et-jur ve’et-reva jaméshet maljéi midyán ve’et bil’am ben-beor hargú bejárev
Y a los reyes de Midyán mataron junto con sus caídos: a Eví, y a Rékem, y a Tsur, y a Jur, y a Réva, cinco reyes de Midyán; y a Bilam hijo de Beor mataron a espada.
9
וַיִּשְׁבּ֧וּ בְנֵי־יִשְׂרָאֵ֛ל אֶת־נְשֵׁ֥י מִדְיָ֖ן וְאֶת־טַפָּ֑ם וְאֵ֨ת כָּל־בְּהֶמְתָּ֧ם וְאֶת־כָּל־מִקְנֵהֶ֛ם וְאֶת־כָּל־חֵילָ֖ם בָּזָֽזוּ׃
Vayishbú venei-Yisrael et-neshéi midyán ve’et-tapam ve’et kol-behemtam ve’et-kol-miknehem ve’et-kol-jeilam bazazu
Y los hijos de Yisrael tomaron cautivas a las mujeres de Midyán y a sus pequeños, y todo su ganado y todo su rebaño y toda su riqueza saquearon.
10
וְאֵ֤ת כָּל־עָרֵיהֶם֙ בְּמ֣וֹשְׁבֹתָ֔ם וְאֵ֖ת כָּל־טִֽירֹתָ֑ם שָׂרְפ֖וּ בָּאֵֽשׁ׃
Ve’et kol-areihem bemoshevotam ve’et kol-tirotam sarfú ba’esh
Y todas sus ciudades en sus asentamientos y todos sus campamentos quemaron con fuego.
11
וַיִּקְחוּ֙ אֶת־כָּל־הַשָּׁלָ֔ל וְאֵ֖ת כָּל־הַמַּלְק֑וֹחַ בָּאָדָ֖ם וּבַבְּהֵמָֽה׃
Vayikju et-kol-hashalal ve’et kol-hamalkoaj ba’adam uvabehemá
Y tomaron todo el botín y todo el despojo, tanto de hombres como de bestias.
12
וַיָּבִ֡אוּ אֶל־מֹשֶׁה֩ וְאֶל־אֶלְעָזָ֨ר הַכֹּהֵ֜ן וְאֶל־עֲדַ֣ת בְּנֵֽי־יִשְׂרָאֵ֗ל אֶת־הַשְּׁבִ֧י וְאֶת־הַמַּלְק֛וֹחַ וְאֶת־הַשָּׁלָ֖ל אֶל־הַֽמַּחֲנֶ֑ה אֶל־עַֽרְבֹ֣ת מוֹאָ֔ב אֲשֶׁ֖ר עַל־יַרְדֵּ֥ן יְרֵחֽוֹ׃ (ס)
Vayavíu el-Moshé ve’el-el’azar hakohén ve’el-adat benei-Yisrael et-hasheví ve’et-hamalkoaj ve’et-hashalal el-hamajané el-arvot Moav asher al-Yardén yerejó
Y trajeron a Moshé y a Elazar el cohén y a la congregación de los hijos de Yisrael los cautivos y el despojo y el botín, al campamento, a las llanuras de Moav, que están junto al Yardén de Yerijó.
13
וַיֵּ֨צְא֜וּ מֹשֶׁ֨ה וְאֶלְעָזָ֧ר הַכֹּהֵ֛ן וְכָל־נְשִׂיאֵ֥י הָעֵדָ֖ה לִקְרָאתָ֑ם אֶל־מִח֖וּץ לַֽמַּחֲנֶֽה׃
Vayetsú Moshé ve’el’azar hakohén vejol-nesi’éi ha’edá likratam el-mijúts lamajané
Y salieron Moshé y Elazar el cohén y todos los príncipes de la congregación a recibirlos, afuera del campamento.
14
וַיִּקְצֹ֣ף מֹשֶׁ֔ה עַ֖ל פְּקוּדֵ֣י הֶחָ֑יִל שָׂרֵ֤י הָאֲלָפִים֙ וְשָׂרֵ֣י הַמֵּא֔וֹת הַבָּאִ֖ים מִצְּבָ֥א הַמִּלְחָמָֽה׃
Vayiktsof Moshé al pekudéi hejáyil saréi ha’alafim vesaréi hameot haba’im mitsevá hamiljamá
Y se airó Moshé contra los oficiales del ejército, los jefes de millares y los jefes de centenas, que venían de la campaña de guerra.
15
וַיֹּ֥אמֶר אֲלֵיהֶ֖ם מֹשֶׁ֑ה הַֽחִיִּיתֶ֖ם כָּל־נְקֵבָֽה׃
Vayómer aleihem Moshé hajiyitem kol-nekevá
Y les dijo Moshé: «¿Han dejado con vida a toda mujer?
16
הֵ֣ן הֵ֜נָּה הָי֨וּ לִבְנֵ֤י יִשְׂרָאֵל֙ בִּדְבַ֣ר בִּלְעָ֔ם לִמְסָר־מַ֥עַל בַּיהוָ֖ה עַל־דְּבַר־פְּע֑וֹר וַתְּהִ֥י הַמַּגֵּפָ֖ה בַּעֲדַ֥ת יְהוָֽה׃
Hen hena hayú livnéi Yisrael bidvar bil’am limsor-má’al baAdonai al-devar-peor vatehí hamagefá ba’adat Adonai
He aquí que ellas fueron las que causaron a los hijos de Yisrael, por consejo de Bilam, cometer infidelidad contra HaShem en el asunto de Peor, y hubo la plaga en la congregación de HaShem.
17
וְעַתָּ֕ה הִרְג֥וּ כָל־זָכָ֖ר בַּטָּ֑ף וְכָל־אִשָּׁ֗ה יֹדַ֥עַת אִ֛ישׁ לְמִשְׁכַּ֥ב זָכָ֖ר הֲרֹֽגוּ׃
Ve’atá hirgú jol-zajar bataf vejol-ishá yodá’at ish lemishkav zajar harogu
Y ahora, maten a todo varón entre los niños, y a toda mujer que haya conocido varón en acostarse con varón, mátenla.
18
וְכֹל֙ הַטַּ֣ף בַּנָּשִׁ֔ים אֲשֶׁ֥ר לֹא־יָדְע֖וּ מִשְׁכַּ֣ב זָכָ֑ר הַחֲי֖וּ לָכֶֽם׃
Vejol hataf banashim asher lo-yadú mishkav zajar hajayú lajem
Y a todas las niñas entre las mujeres que no hayan conocido acostarse con varón, déjenlas con vida para ustedes.
19
וְאַתֶּ֗ם חֲנ֛וּ מִח֥וּץ לַֽמַּחֲנֶ֖ה שִׁבְעַ֣ת יָמִ֑ים כֹּל֩ הֹרֵ֨ג נֶ֜פֶשׁ וְכֹ֣ל ׀ נֹגֵ֣עַ בֶּֽחָלָ֗ל תִּֽתְחַטְּא֞וּ בַּיּ֤וֹם הַשְּׁלִישִׁי֙ וּבַיּ֣וֹם הַשְּׁבִיעִ֔י אַתֶּ֖ם וּשְׁבִיכֶֽם׃
Ve’atem janú mijúts lamajané shiv’at yamim kol horeg néfesh vejol nogéa bejalal titjateú bayom hashelishi uvayom hashevi’í atem ushevijem
Y ustedes, acampen fuera del campamento siete días; todo el que haya matado persona y todo el que haya tocado cadáver, se purificarán al tercer día y al séptimo día, ustedes y sus cautivos.
20
וְכָל־בֶּ֧גֶד וְכָל־כְּלִי־ע֛וֹר וְכָל־מַעֲשֵׂ֥ה עִזִּ֖ים וְכָל־כְּלִי־עֵ֑ץ תִּתְחַטָּֽאוּ׃ (ס)
Vejol-béged vejol-keli-or vejol-ma’asé izim vejol-keli-ets titjatáu
Y toda vestidura y todo utensilio de cuero y toda obra de pelo de cabra y todo utensilio de madera, los purificarán».
21
וַיֹּ֨אמֶר אֶלְעָזָ֤ר הַכֹּהֵן֙ אֶל־אַנְשֵׁ֣י הַצָּבָ֔א הַבָּאִ֖ים לַמִּלְחָמָ֑ה זֹ֚את חֻקַּ֣ת הַתּוֹרָ֔ה אֲשֶׁר־צִוָּ֥ה יְהוָ֖ה אֶת־מֹשֶֽׁה׃
Vayómer el’azar hakohen el-anshéi hatsavá haba’im lamiljamá zot jukat hatorá asher-tsivá Adonai et-Moshé
Y dijo Elazar el cohén a los hombres del ejército que venían a la guerra: «Esta es la norma de la Torá que ordenó HaShem a Moshé:
22
אַ֥ךְ אֶת־הַזָּהָ֖ב וְאֶת־הַכָּ֑סֶף אֶֽת־הַנְּחֹ֙שֶׁת֙ אֶת־הַבַּרְזֶ֔ל אֶֽת־הַבְּדִ֖יל וְאֶת־הָעֹפָֽרֶת׃
Aj et-hazahav ve’et-hakásef et-hanejoshet et-habarzel et-habedil ve’et-ha’ofáret
Solo el oro y la plata, el cobre, el hierro, el estaño y el plomo,
23
כָּל־דָּבָ֞ר אֲשֶׁר־יָבֹ֣א בָאֵ֗שׁ תַּעֲבִ֤ירוּ בָאֵשׁ֙ וְטָהֵ֔ר אַ֕ךְ בְּמֵ֥י נִדָּ֖ה יִתְחַטָּ֑א וְכֹ֨ל אֲשֶׁ֧ר לֹֽא־יָבֹ֛א בָּאֵ֖שׁ תַּעֲבִ֥ירוּ בַמָּֽיִם׃
Kol-davar asher-yavó va’esh ta’aviru va’esh vetaher aj beméi nidá yitjatá vejol asher lo-yavó ba’esh ta’aviru vamáyim
todo objeto que entre en el fuego, lo pasarán por el fuego y quedará puro, pero con aguas de purificación será purificado; y todo lo que no entre en el fuego, lo pasarán por el agua.
24
וְכִבַּסְתֶּ֧ם בִּגְדֵיכֶ֛ם בַּיּ֥וֹם הַשְּׁבִיעִ֖י וּטְהַרְתֶּ֑ם וְאַחַ֖ר תָּבֹ֥אוּ אֶל־הַֽמַּחֲנֶֽה׃ (פ)
Vejibastem bigdeijem bayom hashevi’í utehartem ve’ajar tavóu el-hamajané
Y lavarán sus vestiduras al séptimo día y quedarán puros, y después entrarán al campamento».
25
וַיֹּ֥אמֶר יְהוָ֖ה אֶל־מֹשֶׁ֥ה לֵּאמֹֽר׃
Vayómer Adonai el-Moshé lemor
Y habló HaShem a Moshé, diciendo:
26
שָׂ֗א אֵ֣ת רֹ֤אשׁ מַלְק֙וֹחַ֙ הַשְּׁבִ֔י בָּאָדָ֖ם וּבַבְּהֵמָ֑ה אַתָּה֙ וְאֶלְעָזָ֣ר הַכֹּהֵ֔ן וְרָאשֵׁ֖י אֲב֥וֹת הָעֵדָֽה׃
Sa et rosh malkoaj hasheví ba’adam uvabehemá ata ve’el’azar hakohén verashéi avot ha’edá
«Levanta la cuenta del botín de los cautivos, en personas y en bestias, tú y Elazar el cohén y las cabezas de los padres de la congregación.
27
וְחָצִ֙יתָ֙ אֶת־הַמַּלְק֔וֹחַ בֵּ֚ין תֹּפְשֵׂ֣י הַמִּלְחָמָ֔ה הַיֹּצְאִ֖ים לַצָּבָ֑א וּבֵ֖ין כָּל־הָעֵדָֽה׃
Vejatsita et-hamalkoaj bein tofséi hamiljamá hayots’im latsavá uvéin kol-ha’edá
Y dividirás el botín entre los que tomaron la guerra, los que salieron al ejército, y entre toda la congregación.
28
וַהֲרֵמֹתָ֨ מֶ֜כֶס לַֽיהוָ֗ה מֵאֵ֞ת אַנְשֵׁ֤י הַמִּלְחָמָה֙ הַיֹּצְאִ֣ים לַצָּבָ֔א אֶחָ֣ד נֶ֔פֶשׁ מֵחֲמֵ֖שׁ הַמֵּא֑וֹת מִן־הָאָדָם֙ וּמִן־הַבָּקָ֔ר וּמִן־הַחֲמֹרִ֖ים וּמִן־הַצֹּֽאן׃
Vaharemotá mejes laAdonai me’et anshéi hamiljama hayots’im latsavá ejad néfesh mejamesh hameot min-ha’adam umin-habakar umin-hajamorim umin-hatsón
Y apartarás un tributo para HaShem de los hombres de guerra que salieron al ejército: un alma de cada quinientos, de las personas, y del ganado vacuno, y de los asnos, y del ganado menor.
29
מִמַּֽחֲצִיתָ֖ם תִּקָּ֑חוּ וְנָתַתָּ֛ה לְאֶלְעָזָ֥ר הַכֹּהֵ֖ן תְּרוּמַ֥ת יְהוָֽה׃
Mimajatsitam tikaju venatatá le’el’azar hakohén terumat Adonai
De su mitad tomarán, y lo darás a Elazar el cohén como terumá de HaShem.
30
וּמִמַּחֲצִ֨ת בְּנֵֽי־יִשְׂרָאֵ֜ל תִּקַּ֣ח ׀ אֶחָ֣ד ׀ אָחֻ֣ז מִן־הַחֲמִשִּׁ֗ים מִן־הָאָדָ֧ם מִן־הַבָּקָ֛ר מִן־הַחֲמֹרִ֥ים וּמִן־הַצֹּ֖אן מִכָּל־הַבְּהֵמָ֑ה וְנָתַתָּ֤ה אֹתָם֙ לַלְוִיִּ֔ם שֹׁמְרֵ֕י מִשְׁמֶ֖רֶת מִשְׁכַּ֥ן יְהוָֽה׃
Umimajatsit benei-Yisrael tikaj ejad ajuz min-hajamishim min-ha’adam min-habakar min-hajamorim umin-hatsón mikol-habehemá venatatá otam lalviyim shomréi mishméret mishkán Adonai
Y de la mitad de los hijos de Yisrael tomarás uno tomado de cada cincuenta, de las personas, del ganado vacuno, de los asnos y del ganado menor, de toda bestia, y los darás a los leviim, los guardianes de la guardia del mishkán de HaShem».
31
וַיַּ֣עַשׂ מֹשֶׁ֔ה וְאֶלְעָזָ֖ר הַכֹּהֵ֑ן כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃
Vaya’as Moshé ve’el’azar hakohén ka’asher tsivá Adonai et-Moshé
Y lo hizo Moshé y Elazar el cohén, como ordenó HaShem a Moshé.
32
וַיְהִי֙ הַמַּלְק֔וֹחַ יֶ֣תֶר הַבָּ֔ז אֲשֶׁ֥ר בָּזְז֖וּ עַ֣ם הַצָּבָ֑א צֹ֗אן שֵׁשׁ־מֵא֥וֹת אֶ֛לֶף וְשִׁבְעִ֥ים אֶ֖לֶף וַחֲמֵֽשֶׁת־אֲלָפִֽים׃
Vayhi hamalkoaj yéter habaz asher bazezú am hatsavá tson shesh-meot élef veshiv’im élef vajaméshet alafim
Y fue el botín, el resto del despojo que despojaron los hombres del ejército: ganado menor, seiscientos mil y setenta mil y cinco mil;
33
וּבָקָ֕ר שְׁנַ֥יִם וְשִׁבְעִ֖ים אָֽלֶף׃
Uvakar shenáyim veshiv’im álef
y ganado vacuno, setenta y dos mil;
34
וַחֲמֹרִ֕ים אֶחָ֥ד וְשִׁשִּׁ֖ים אָֽלֶף׃
Vajamorim ejad veshishim álef
y asnos, sesenta y un mil;
35
וְנֶ֣פֶשׁ אָדָ֔ם מִן־הַ֨נָּשִׁ֔ים אֲשֶׁ֥ר לֹֽא־יָדְע֖וּ מִשְׁכַּ֣ב זָכָ֑ר כָּל־נֶ֕פֶשׁ שְׁנַ֥יִם וּשְׁלֹשִׁ֖ים אָֽלֶף׃
Venéfesh adam min-hanashim asher lo-yadú mishkav zajar kol-néfesh shenáyim usheloshim álef
y almas de personas, de las mujeres que no habían conocido lecho de varón, todas las almas, treinta y dos mil.
36
וַתְּהִי֙ הַֽמֶּחֱצָ֔ה חֵ֕לֶק הַיֹּצְאִ֖ים בַּצָּבָ֑א מִסְפַּ֣ר הַצֹּ֗אן שְׁלֹשׁ־מֵא֥וֹת אֶ֙לֶף֙ וּשְׁלֹשִׁ֣ים אֶ֔לֶף וְשִׁבְעַ֥ת אֲלָפִ֖ים וַחֲמֵ֥שׁ מֵאֽוֹת׃
Vatehi hamejetsá jélek hayots’im batsavá mispar hatsón shelosh-meot elef usheloshim élef veshiv’at alafim vajamesh meot
Y fue la mitad, la porción de los que salieron al ejército: el número del ganado menor, trescientos mil y treinta mil y siete mil quinientos.
37
וַיְהִ֛י הַמֶּ֥כֶס לַֽיהוָ֖ה מִן־הַצֹּ֑אן שֵׁ֥שׁ מֵא֖וֹת חָמֵ֥שׁ וְשִׁבְעִֽים׃
Vayhí hamejes laAdonai min-hatsón shesh meot jamesh veshiv’im
Y fue el tributo para HaShem del ganado menor: seiscientos setenta y cinco.
38
וְהַ֨בָּקָ֔ר שִׁשָּׁ֥ה וּשְׁלֹשִׁ֖ים אָ֑לֶף וּמִכְסָ֥ם לַיהוָ֖ה שְׁנַ֥יִם וְשִׁבְעִֽים׃
Vehabakar shishá usheloshim álef umijsam laAdonai shenáyim veshiv’im
Y el ganado vacuno, treinta y seis mil; y su tributo para HaShem, setenta y dos.
39
וַחֲמֹרִ֕ים שְׁלֹשִׁ֥ים אֶ֖לֶף וַחֲמֵ֣שׁ מֵא֑וֹת וּמִכְסָ֥ם לַֽיהוָ֖ה אֶחָ֥ד וְשִׁשִּֽׁים׃
Vajamorim sheloshim élef vajamesh meot umijsam laAdonai ejad veshishim
Y asnos, treinta mil quinientos; y su tributo para HaShem, sesenta y uno.
40
וְנֶ֣פֶשׁ אָדָ֔ם שִׁשָּׁ֥ה עָשָׂ֖ר אָ֑לֶף וּמִכְסָם֙ לַֽיהוָ֔ה שְׁנַ֥יִם וּשְׁלֹשִׁ֖ים נָֽפֶשׁ׃
Venéfesh adam shishá asar álef umijsam laAdonai shenáyim usheloshim náfesh
Y almas de personas, dieciséis mil; y su tributo para HaShem, treinta y dos almas.
41
וַיִּתֵּ֣ן מֹשֶׁ֗ה אֶת־מֶ֙כֶס֙ תְּרוּמַ֣ת יְהוָ֔ה לְאֶלְעָזָ֖ר הַכֹּהֵ֑ן כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃
Vayitén Moshé et-mejes terumat Adonai le’el’azar hakohén ka’asher tsivá Adonai et-Moshé
Y dio Moshé el tributo de la terumá de HaShem a Elazar el cohén, como ordenó HaShem a Moshé.
42
וּמִֽמַּחֲצִ֖ית בְּנֵ֣י יִשְׂרָאֵ֑ל אֲשֶׁר֙ חָצָ֣ה מֹשֶׁ֔ה מִן־הָאֲנָשִׁ֖ים הַצֹּבְאִֽים׃
Umimajatsit benéi Yisrael asher jatsá Moshé min-ha’anashim hatsov’im
Y de la mitad de los hijos de Yisrael, que apartó Moshé de los hombres que habían salido a la guerra:
43
וַתְּהִ֛י מֶחֱצַ֥ת הָעֵדָ֖ה מִן־הַצֹּ֑אן שְׁלֹשׁ־מֵא֥וֹת אֶ֙לֶף֙ וּשְׁלֹשִׁ֣ים אֶ֔לֶף שִׁבְעַ֥ת אֲלָפִ֖ים וַחֲמֵ֥שׁ מֵאֽוֹת׃
Vatehí mejetsat ha’edá min-hatsón shelosh-meot elef usheloshim élef shiv’at alafim vajamesh meot
Y fue la mitad de la congregación, del ganado menor: trescientos treinta y siete mil quinientos.
44
וּבָקָ֕ר שִׁשָּׁ֥ה וּשְׁלֹשִׁ֖ים אָֽלֶף׃
Uvakar shishá usheloshim álef
Y de ganado vacuno: treinta y seis mil.
45
וַחֲמֹרִ֕ים שְׁלֹשִׁ֥ים אֶ֖לֶף וַחֲמֵ֥שׁ מֵאֽוֹת׃
Vajamorim sheloshim élef vajamesh meot
Y de asnos: treinta mil quinientos.
46
וְנֶ֣פֶשׁ אָדָ֔ם שִׁשָּׁ֥ה עָשָׂ֖ר אָֽלֶף׃
Venéfesh adam shishá asar álef
Y de personas humanas: dieciséis mil.
47
וַיִּקַּ֨ח מֹשֶׁ֜ה מִמַּחֲצִ֣ת בְּנֵֽי־יִשְׂרָאֵ֗ל אֶת־הָֽאָחֻז֙ אֶחָ֣ד מִן־הַחֲמִשִּׁ֔ים מִן־הָאָדָ֖ם וּמִן־הַבְּהֵמָ֑ה וַיִּתֵּ֨ן אֹתָ֜ם לַלְוִיִּ֗ם שֹֽׁמְרֵי֙ מִשְׁמֶ֙רֶת֙ מִשְׁכַּ֣ן יְהוָ֔ה כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃
Vayikaj Moshé mimajatsit benei-Yisrael et-ha’ajuz ejad min-hajamishim min-ha’adam umin-habehemá vayitén otam lalviyim shomrei mishmeret mishkán Adonai ka’asher tsivá Adonai et-Moshé
Y tomó Moshé de la mitad de los hijos de Yisrael, uno tomado de cada cincuenta, de las personas y de las bestias, y los dio a los leviim, guardadores de la guardia del mishkán de HaShem, como había ordenado HaShem a Moshé.
48
וַֽיִּקְרְבוּ֙ אֶל־מֹשֶׁ֔ה הַפְּקֻדִ֕ים אֲשֶׁ֖ר לְאַלְפֵ֣י הַצָּבָ֑א שָׂרֵ֥י הָאֲלָפִ֖ים וְשָׂרֵ֥י הַמֵּאֽוֹת׃
Vayikrevu el-Moshé hapekudim asher le’alféi hatsavá saréi ha’alafim vesaréi hameot
Y se acercaron a Moshé los oficiales que estaban sobre los millares del ejército, los jefes de millares y los jefes de centenas.
49
וַיֹּֽאמְרוּ֙ אֶל־מֹשֶׁ֔ה עֲבָדֶ֣יךָ נָֽשְׂא֗וּ אֶת־רֹ֛אשׁ אַנְשֵׁ֥י הַמִּלְחָמָ֖ה אֲשֶׁ֣ר בְּיָדֵ֑נוּ וְלֹא־נִפְקַ֥ד מִמֶּ֖נּוּ אִֽישׁ׃
Vayomru el-Moshé avadeja nasú et-rosh anshéi hamiljamá asher beyadenu velo-nifkad mimenu ish
Y dijeron a Moshé: «Tus siervos han hecho el recuento de los hombres de guerra que estaban bajo nuestro mando, y no falta de nosotros ni un hombre.
50
וַנַּקְרֵ֞ב אֶת־קָרְבַּ֣ן יְהוָ֗ה אִישׁ֩ אֲשֶׁ֨ר מָצָ֤א כְלִֽי־זָהָב֙ אֶצְעָדָ֣ה וְצָמִ֔יד טַבַּ֖עַת עָגִ֣יל וְכוּמָ֑ז לְכַפֵּ֥ר עַל־נַפְשֹׁתֵ֖ינוּ לִפְנֵ֥י יְהוָֽה׃
Vanakrev et-korbán Adonai ish asher matsá jeli-zahav ets’adá vetsamid tabá’at agil vejumaz lejaper al-nafshoteinu lifnéi Adonai
Y ofrecemos la ofrenda de HaShem, cada hombre lo que halló: objetos de oro, brazaletes y pulseras, anillos, pendientes y collares, para expiar por nuestras almas delante de HaShem».
51
וַיִּקַּ֨ח מֹשֶׁ֜ה וְאֶלְעָזָ֧ר הַכֹּהֵ֛ן אֶת־הַזָּהָ֖ב מֵֽאִתָּ֑ם כֹּ֖ל כְּלִ֥י מַעֲשֶֽׂה׃
Vayikaj Moshé ve’el’azar hakohén et-hazahav me’itam kol kelí ma’asé
Y tomó Moshé y Elazar el cohén el oro de ellos, todo objeto de artesanía.
52
וַיְהִ֣י ׀ כָּל־זְהַ֣ב הַתְּרוּמָ֗ה אֲשֶׁ֤ר הֵרִ֙ימוּ֙ לַֽיהוָ֔ה שִׁשָּׁ֨ה עָשָׂ֥ר אֶ֛לֶף שְׁבַע־מֵא֥וֹת וַחֲמִשִּׁ֖ים שָׁ֑קֶל מֵאֵת֙ שָׂרֵ֣י הָֽאֲלָפִ֔ים וּמֵאֵ֖ת שָׂרֵ֥י הַמֵּאֽוֹת׃
Vayhí kol-zehav haterumá asher herimu laAdonai shishá asar élef sheva-meot vajamishim shákel me’et saréi ha’alafim ume’et saréi hameot
Y fue todo el oro de la terumá que elevaron a HaShem: dieciséis mil setecientos cincuenta siclos, de parte de los jefes de millares y de parte de los jefes de centenas.
53
אַנְשֵׁי֙ הַצָּבָ֔א בָּזְז֖וּ אִ֥ישׁ לֽוֹ׃
Anshei hatsavá bazezú ish lo
Los hombres del ejército habían tomado botín, cada hombre para sí.
54
וַיִּקַּ֨ח מֹשֶׁ֜ה וְאֶלְעָזָ֤ר הַכֹּהֵן֙ אֶת־הַזָּהָ֔ב מֵאֵ֛ת שָׂרֵ֥י הָאֲלָפִ֖ים וְהַמֵּא֑וֹת וַיָּבִ֤אוּ אֹתוֹ֙ אֶל־אֹ֣הֶל מוֹעֵ֔ד זִכָּר֥וֹן לִבְנֵֽי־יִשְׂרָאֵ֖ל לִפְנֵ֥י יְהוָֽה׃ (פ)
Vayikaj Moshé ve’el’azar hakohen et-hazahav me’et saréi ha’alafim vehameot vayavíu oto el-óhel mo’ed zikarón livnei-Yisrael lifnéi Adonai
Y tomó Moshé y Elazar el cohén el oro de parte de los jefes de millares y de centenas, y lo trajeron al Ohel Moéd, como memorial para los hijos de Yisrael delante de HaShem.
Números
30
Números
32
