תנ״ך
Tanaj (Biblia)
Portada
Apoyar
Biblioteca
beneyisrael.com
Inicio
OPCIONES DE LECTURA
Capas de lectura
עברית
Fonética
Español
Hebreo
Taamim
Nikud
Letras
Tamaño de letra
A−
100%
A+
Comentarios
Mostrar
Ocultar
Torá · Números
במדבר לה
Números · Capítulo 35
34 versículos
23 comentarios
1
וַיְדַבֵּ֧ר יְהוָ֛ה אֶל־מֹשֶׁ֖ה בְּעַֽרְבֹ֣ת מוֹאָ֑ב עַל־יַרְדֵּ֥ן יְרֵח֖וֹ לֵאמֹֽר׃
Vaydaber Adonai el-Moshé be’arvot Moav al-Yardén yerejó lemor
Y habló HaShem a Moshé en las llanuras de Moav, junto al Yardén de Yerijó, diciendo:
2
צַו֮ אֶת־בְּנֵ֣י יִשְׂרָאֵל֒ וְנָתְנ֣וּ לַלְוִיִּ֗ם מִֽנַּחֲלַ֛ת אֲחֻזָּתָ֖ם עָרִ֣ים לָשָׁ֑בֶת וּמִגְרָ֗שׁ לֶֽעָרִים֙ סְבִיבֹ֣תֵיהֶ֔ם תִּתְּנ֖וּ לַלְוִיִּֽם׃
Tsav et-benéi Yisrael venatnú lalviyim minajalat ajuzatam arim lashávet umigrash le’arim sevivoteihem titenú lalviyim
«Ordena a los hijos de Yisrael que den a los leviím, de la heredad de su posesión, ciudades para habitar; y campo abierto para las ciudades, alrededor de ellas, darán a los leviím.
3
וְהָי֧וּ הֶֽעָרִ֛ים לָהֶ֖ם לָשָׁ֑בֶת וּמִגְרְשֵׁיהֶ֗ם יִהְי֤וּ לִבְהֶמְתָּם֙ וְלִרְכֻשָׁ֔ם וּלְכֹ֖ל חַיָּתָֽם׃
Vehayú he’arim lahem lashávet umigresheihem yihyú livhemtam velirjusham ulejol jayatam
Y serán las ciudades para ellos para habitar, y sus campos abiertos serán para sus bestias y para sus bienes y para todos sus animales.
4
וּמִגְרְשֵׁי֙ הֶֽעָרִ֔ים אֲשֶׁ֥ר תִּתְּנ֖וּ לַלְוִיִּ֑ם מִקִּ֤יר הָעִיר֙ וָח֔וּצָה אֶ֥לֶף אַמָּ֖ה סָבִֽיב׃
Umigreshei he’arim asher titenú lalviyim mikir ha’ir vajutsa élef amá saviv
Y los campos abiertos de las ciudades que darán a los leviím, desde el muro de la ciudad y hacia afuera, mil codos alrededor.
5
וּמַדֹּתֶ֞ם מִח֣וּץ לָעִ֗יר אֶת־פְּאַת־קֵ֣דְמָה אַלְפַּ֪יִם בָּֽאַמָּ֟ה וְאֶת־פְּאַת־נֶגֶב֩ אַלְפַּ֨יִם בָּאַמָּ֜ה וְאֶת־פְּאַת־יָ֣ם ׀ אַלְפַּ֣יִם בָּֽאַמָּ֗ה וְאֵ֨ת פְּאַ֥ת צָפ֛וֹן אַלְפַּ֥יִם בָּאַמָּ֖ה וְהָעִ֣יר בַּתָּ֑וֶךְ זֶ֚ה יִהְיֶ֣ה לָהֶ֔ם מִגְרְשֵׁ֖י הֶעָרִֽים׃
Umadotem mijúts la’ir et-pe’at-kedma alpáyim ba’amá ve’et-pe’at-negev alpáyim ba’amá ve’et-pe’at-yam alpáyim ba’amá ve’et pe’at tsafón alpáyim ba’amá veha’ir batávej ze yihyé lahem migreshéi he’arim
Y medirán desde fuera de la ciudad el lado oriental dos mil codos, y el lado del sur dos mil codos, y el lado del mar dos mil codos, y el lado del norte dos mil codos, y la ciudad en el centro; esto será para ellos los campos abiertos de las ciudades.
6
וְאֵ֣ת הֶֽעָרִ֗ים אֲשֶׁ֤ר תִּתְּנוּ֙ לַלְוִיִּ֔ם אֵ֚ת שֵׁשׁ־עָרֵ֣י הַמִּקְלָ֔ט אֲשֶׁ֣ר תִּתְּנ֔וּ לָנֻ֥ס שָׁ֖מָּה הָרֹצֵ֑חַ וַעֲלֵיהֶ֣ם תִּתְּנ֔וּ אַרְבָּעִ֥ים וּשְׁתַּ֖יִם עִֽיר׃
Ve’et he’arim asher titenu lalviyim et shesh-aréi hamiklat asher titenú lanús shama harotseaj va’aleihem titenú arba’im ushetáyim ir
Y de las ciudades que darán a los leviím, las seis ciudades de refugio que darán para que huya allí el homicida, y además de ellas darán cuarenta y dos ciudades.
7
כָּל־הֶעָרִ֗ים אֲשֶׁ֤ר תִּתְּנוּ֙ לַלְוִיִּ֔ם אַרְבָּעִ֥ים וּשְׁמֹנֶ֖ה עִ֑יר אֶתְהֶ֖ן וְאֶת־מִגְרְשֵׁיהֶֽן׃
Kol-he’arim asher titenu lalviyim arba’im ushemoné ir ethén ve’et-migresheihén
Todas las ciudades que darán a los leviím serán cuarenta y ocho ciudades, ellas y sus campos abiertos.
8
וְהֶֽעָרִ֗ים אֲשֶׁ֤ר תִּתְּנוּ֙ מֵאֲחֻזַּ֣ת בְּנֵי־יִשְׂרָאֵ֔ל מֵאֵ֤ת הָרַב֙ תַּרְבּ֔וּ וּמֵאֵ֥ת הַמְעַ֖ט תַּמְעִ֑יטוּ אִ֗ישׁ כְּפִ֤י נַחֲלָתוֹ֙ אֲשֶׁ֣ר יִנְחָ֔לוּ יִתֵּ֥ן מֵעָרָ֖יו לַלְוִיִּֽם׃ (פ)
Vehe’arim asher titenu me’ajuzat benei-Yisrael me’et harav tarbú ume’et ham’at tam’itu ish kefí najalato asher yinjalu yitén me’arav lalviyim
Y las ciudades que darán de la posesión de los hijos de Yisrael: del que tiene mucho tomarán mucho, y del que tiene poco tomarán poco; cada uno conforme a su heredad que heredare dará de sus ciudades a los leviím».
9
וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃
Vaydaber Adonai el-Moshé lemor
Y habló HaShem a Moshé, diciendo:
10
דַּבֵּר֙ אֶל־בְּנֵ֣י יִשְׂרָאֵ֔ל וְאָמַרְתָּ֖ אֲלֵהֶ֑ם כִּ֥י אַתֶּ֛ם עֹבְרִ֥ים אֶת־הַיַּרְדֵּ֖ן אַ֥רְצָה כְּנָֽעַן׃
Daber el-benéi Yisrael ve’amartá Alehem ki atem ovrim et-hayardén artsa Kena’an
«Habla a los hijos de Yisrael y diles: Cuando ustedes crucen el Yardén hacia la tierra de Kenáan,
11
וְהִקְרִיתֶ֤ם לָכֶם֙ עָרִ֔ים עָרֵ֥י מִקְלָ֖ט תִּהְיֶ֣ינָה לָכֶ֑ם וְנָ֥ס שָׁ֙מָּה֙ רֹצֵ֔חַ מַכֵּה־נֶ֖פֶשׁ בִּשְׁגָגָֽה׃
Vehikritem lajem arim aréi miklat tihyeina lajem venás shama rotseaj make-néfesh bishgagá
designarán para ustedes ciudades; ciudades de refugio serán para ustedes, y huirá allí el homicida que hiera alma por inadvertencia.
12
וְהָי֨וּ לָכֶ֧ם הֶעָרִ֛ים לְמִקְלָ֖ט מִגֹּאֵ֑ל וְלֹ֤א יָמוּת֙ הָרֹצֵ֔חַ עַד־עָמְד֛וֹ לִפְנֵ֥י הָעֵדָ֖ה לַמִּשְׁפָּֽט׃
Vehayú lajem he’arim lemiklat migo’el veló yamut harotseaj ad-omdó lifnéi ha’edá lamishpat
Y serán para ustedes las ciudades como refugio del vengador, y no morirá el homicida hasta que se presente ante la congregación para el juicio.
13
וְהֶעָרִ֖ים אֲשֶׁ֣ר תִּתֵּ֑נוּ שֵׁשׁ־עָרֵ֥י מִקְלָ֖ט תִּהְיֶ֥ינָה לָכֶֽם׃
Vehe’arim asher titenu shesh-aréi miklat tihyeina lajem
Y las ciudades que darán, seis ciudades de refugio serán para ustedes.
14
אֵ֣ת ׀ שְׁלֹ֣שׁ הֶעָרִ֗ים תִּתְּנוּ֙ מֵעֵ֣בֶר לַיַּרְדֵּ֔ן וְאֵת֙ שְׁלֹ֣שׁ הֶֽעָרִ֔ים תִּתְּנ֖וּ בְּאֶ֣רֶץ כְּנָ֑עַן עָרֵ֥י מִקְלָ֖ט תִּהְיֶֽינָה׃
Et shelosh he’arim titenu me’éver layardén ve’et shelosh he’arim titenú be’erets Kena’an aréi miklat tihyeina
Las tres ciudades darán del otro lado del Yardén, y las tres ciudades darán en la tierra de Kenáan; ciudades de refugio serán.
15
לִבְנֵ֣י יִשְׂרָאֵ֗ל וְלַגֵּ֤ר וְלַתּוֹשָׁב֙ בְּתוֹכָ֔ם תִּהְיֶ֛ינָה שֵׁשׁ־הֶעָרִ֥ים הָאֵ֖לֶּה לְמִקְלָ֑ט לָנ֣וּס שָׁ֔מָּה כָּל־מַכֵּה־נֶ֖פֶשׁ בִּשְׁגָגָֽה׃
Livnéi Yisrael velager velatoshav betojam tihyeina shesh-he’arim ha’ele lemiklat lanús shama kol-make-néfesh bishgagá
Para los hijos de Yisrael y para el forastero y para el residente entre ellos serán estas seis ciudades como refugio, para huir allí todo el que hiera alma por inadvertencia.
16
וְאִם־בִּכְלִ֨י בַרְזֶ֧ל ׀ הִכָּ֛הוּ וַיָּמֹ֖ת רֹצֵ֣חַֽ ה֑וּא מ֥וֹת יוּמַ֖ת הָרֹצֵֽחַ׃
Ve’im-bijlí varzel hikahu vayamot rotseaj hu mot yumat harotseaj
Y si con instrumento de hierro lo hirió y murió, homicida es; morir morirá el homicida.
17
וְאִ֡ם בְּאֶ֣בֶן יָד֩ אֲשֶׁר־יָמ֨וּת בָּ֥הּ הִכָּ֛הוּ וַיָּמֹ֖ת רֹצֵ֣חַֽ ה֑וּא מ֥וֹת יוּמַ֖ת הָרֹצֵֽחַ׃
Ve’im be’even yad asher-yamut bah hikahu vayamot rotseaj hu mot yumat harotseaj
Y si con piedra de mano con la que se puede morir lo hirió y murió, homicida es; morir morirá el homicida.
18
א֡וֹ בִּכְלִ֣י עֵֽץ־יָד֩ אֲשֶׁר־יָמ֨וּת בּ֥וֹ הִכָּ֛הוּ וַיָּמֹ֖ת רֹצֵ֣חַֽ ה֑וּא מ֥וֹת יוּמַ֖ת הָרֹצֵֽחַ׃
O bijlí ets-yad asher-yamut bo hikahu vayamot rotseaj hu mot yumat harotseaj
O con instrumento de madera de mano con el que se puede morir lo hirió y murió, homicida es; morir morirá el homicida.
19
גֹּאֵ֣ל הַדָּ֔ם ה֥וּא יָמִ֖ית אֶת־הָרֹצֵ֑חַ בְּפִגְעוֹ־ב֖וֹ ה֥וּא יְמִיתֶֽנּוּ׃
Go’el hadam hu yamit et-harotseaj befigo-vo hu yemitenu
El vengador de la sangre, él matará al homicida; al encontrarlo, él lo matará.
20
וְאִם־בְּשִׂנְאָ֖ה יֶהְדָּפֶ֑נּוּ אֽוֹ־הִשְׁלִ֥יךְ עָלָ֛יו בִּצְדִיָּ֖ה וַיָּמֹֽת׃
Ve’im-besin’á yehdofenu o-hishlij alav bitsdiyá vayamot
Y si con odio lo empujó, o arrojó sobre él con acecho y murió,
21
א֣וֹ בְאֵיבָ֞ה הִכָּ֤הוּ בְיָדוֹ֙ וַיָּמֹ֔ת מֽוֹת־יוּמַ֥ת הַמַּכֶּ֖ה רֹצֵ֣חַֽ ה֑וּא גֹּאֵ֣ל הַדָּ֗ם יָמִ֛ית אֶת־הָרֹצֵ֖חַ בְּפִגְעוֹ־בֽוֹ׃
O ve’eivá hikahu veyado vayamot mot-yumat hamaké rotseaj hu go’el hadam yamit et-harotseaj befigo-vo
o con enemistad lo hirió con su mano y murió, morir morirá el que hirió, homicida es; el vengador de la sangre matará al homicida al encontrarlo.
22
וְאִם־בְּפֶ֥תַע בְּלֹא־אֵיבָ֖ה הֲדָפ֑וֹ אוֹ־הִשְׁלִ֥יךְ עָלָ֛יו כָּל־כְּלִ֖י בְּלֹ֥א צְדִיָּֽה׃
Ve’im-befeta belo-eivá hadafó o-hishlij alav kol-kelí beló tsediyá
Y si de repente, sin enemistad, lo empujó, o arrojó sobre él cualquier instrumento sin acecho,
23
א֣וֹ בְכָל־אֶ֜בֶן אֲשֶׁר־יָמ֥וּת בָּהּ֙ בְּלֹ֣א רְא֔וֹת וַיַּפֵּ֥ל עָלָ֖יו וַיָּמֹ֑ת וְהוּא֙ לֹא־אוֹיֵ֣ב ל֔וֹ וְלֹ֥א מְבַקֵּ֖שׁ רָעָתֽוֹ׃
O vejol-even asher-yamut bah beló reot vayapel alav vayamot vehu lo-oyev lo veló mevakesh ra’ató
o con cualquier piedra con la que se puede morir, sin ver, la dejó caer sobre él y murió, y él no era enemigo suyo ni buscaba su mal,
24
וְשָֽׁפְטוּ֙ הָֽעֵדָ֔ה בֵּ֚ין הַמַּכֶּ֔ה וּבֵ֖ין גֹּאֵ֣ל הַדָּ֑ם עַ֥ל הַמִּשְׁפָּטִ֖ים הָאֵֽלֶּה׃
Veshaftu ha’edá bein hamaké uvéin go’el hadam al hamishpatim ha’ele
entonces juzgará la congregación entre el que hirió y el vengador de la sangre conforme a estos juicios.
25
וְהִצִּ֨ילוּ הָעֵדָ֜ה אֶת־הָרֹצֵ֗חַ מִיַּד֮ גֹּאֵ֣ל הַדָּם֒ וְהֵשִׁ֤יבוּ אֹתוֹ֙ הָֽעֵדָ֔ה אֶל־עִ֥יר מִקְלָט֖וֹ אֲשֶׁר־נָ֣ס שָׁ֑מָּה וְיָ֣שַׁב בָּ֗הּ עַד־מוֹת֙ הַכֹּהֵ֣ן הַגָּדֹ֔ל אֲשֶׁר־מָשַׁ֥ח אֹת֖וֹ בְּשֶׁ֥מֶן הַקֹּֽדֶשׁ׃
Vehitsilu ha’edá et-harotseaj miyad go’el hadam veheshivu oto ha’edá el-ir miklató asher-nas shama veyáshav bah ad-mot hakohén hagadol asher-mashaj otó beshemen hakódesh
Y librará la congregación al homicida de mano del vengador de la sangre, y lo hará volver la congregación a su ciudad de refugio adonde huyó, y habitará en ella hasta la muerte del cohén grande que fue ungido con el aceite sagrado.
26
וְאִם־יָצֹ֥א יֵצֵ֖א הָרֹצֵ֑חַ אֶת־גְּבוּל֙ עִ֣יר מִקְלָט֔וֹ אֲשֶׁ֥ר יָנ֖וּס שָֽׁמָּה׃
Ve’im-yatsó yetsé harotseaj et-gevul ir miklató asher yanús shama
Y si salir saliere el homicida del límite de su ciudad de refugio adonde huyó,
27
וּמָצָ֤א אֹתוֹ֙ גֹּאֵ֣ל הַדָּ֔ם מִח֕וּץ לִגְב֖וּל עִ֣יר מִקְלָט֑וֹ וְרָצַ֞ח גֹּאֵ֤ל הַדָּם֙ אֶת־הָ֣רֹצֵ֔חַ אֵ֥ין ל֖וֹ דָּֽם׃
Umatsá oto go’el hadam mijúts ligvul ir miklató veratsaj go’el hadam et-harotseaj ein lo dam
y lo hallare el vengador de la sangre fuera del límite de su ciudad de refugio, y matare el vengador de la sangre al homicida, no tendrá culpa de sangre.
28
כִּ֣י בְעִ֤יר מִקְלָטוֹ֙ יֵשֵׁ֔ב עַד־מ֖וֹת הַכֹּהֵ֣ן הַגָּדֹ֑ל וְאַחֲרֵ֥י מוֹת֙ הַכֹּהֵ֣ן הַגָּדֹ֔ל יָשׁוּב֙ הָרֹצֵ֔חַ אֶל־אֶ֖רֶץ אֲחֻזָּתֽוֹ׃
Ki ve’ir miklato yeshev ad-mot hakohén hagadol ve’ajaréi mot hakohén hagadol yashuv harotseaj el-erets ajuzató
Porque en su ciudad de refugio habitará hasta la muerte del cohén grande, y después de la muerte del cohén grande volverá el homicida a la tierra de su posesión.
29
וְהָי֨וּ אֵ֧לֶּה לָכֶ֛ם לְחֻקַּ֥ת מִשְׁפָּ֖ט לְדֹרֹתֵיכֶ֑ם בְּכֹ֖ל מוֹשְׁבֹתֵיכֶֽם׃
Vehayú ele lajem lejukat mishpat ledoroteijem bejol moshevoteijem
Y serán estas cosas para ustedes como estatuto de juicio por sus generaciones, en todas sus moradas.
30
כָּל־מַ֨כֵּה־נֶ֔פֶשׁ לְפִ֣י עֵדִ֔ים יִרְצַ֖ח אֶת־הָרֹצֵ֑חַ וְעֵ֣ד אֶחָ֔ד לֹא־יַעֲנֶ֥ה בְנֶ֖פֶשׁ לָמֽוּת׃
Kol-make-néfesh lefí edim yirtsaj et-harotseaj ve’ed ejad lo-ya’ané venéfesh lamut
Todo el que hiera alma, conforme a la boca de testigos se matará al homicida; mas un solo testigo no declarará contra alma para morir.
31
וְלֹֽא־תִקְח֥וּ כֹ֙פֶר֙ לְנֶ֣פֶשׁ רֹצֵ֔חַ אֲשֶׁר־ה֥וּא רָשָׁ֖ע לָמ֑וּת כִּי־מ֖וֹת יוּמָֽת׃
Velo-tikjú jofer lenéfesh rotseaj asher-hu rashá lamut ki-mot yumat
Y no tomarán rescate por la vida del homicida que es culpable de muerte, pues morir morirá.
32
וְלֹא־תִקְח֣וּ כֹ֔פֶר לָנ֖וּס אֶל־עִ֣יר מִקְלָט֑וֹ לָשׁוּב֙ לָשֶׁ֣בֶת בָּאָ֔רֶץ עַד־מ֖וֹת הַכֹּהֵֽן׃
Velo-tikjú jófer lanús el-ir miklató lashuv lashévet ba’arets ad-mot hakohén
Y no tomarán rescate para que huya a su ciudad de refugio, para volver a habitar en la tierra hasta la muerte del cohén.
33
וְלֹֽא־תַחֲנִ֣יפוּ אֶת־הָאָ֗רֶץ אֲשֶׁ֤ר אַתֶּם֙ בָּ֔הּ כִּ֣י הַדָּ֔ם ה֥וּא יַחֲנִ֖יף אֶת־הָאָ֑רֶץ וְלָאָ֣רֶץ לֹֽא־יְכֻפַּ֗ר לַדָּם֙ אֲשֶׁ֣ר שֻׁפַּךְ־בָּ֔הּ כִּי־אִ֖ם בְּדַ֥ם שֹׁפְכֽוֹ׃
Velo-tajanifu et-ha’arets asher atem bah ki hadam hu yajanif et-ha’arets vela’arets lo-yejupar ladam asher shupaj-bah ki-im bedam shofjó
Y no profanarán la tierra en la que ustedes están, porque la sangre, ella profana la tierra; y la tierra no será expiada de la sangre que fue derramada en ella sino con la sangre del que la derramó.
34
וְלֹ֧א תְטַמֵּ֣א אֶת־הָאָ֗רֶץ אֲשֶׁ֤ר אַתֶּם֙ יֹשְׁבִ֣ים בָּ֔הּ אֲשֶׁ֥ר אֲנִ֖י שֹׁכֵ֣ן בְּתוֹכָ֑הּ כִּ֚י אֲנִ֣י יְהוָ֔ה שֹׁכֵ֕ן בְּת֖וֹךְ בְּנֵ֥י יִשְׂרָאֵֽל׃ (פ)
Veló tetamé et-ha’arets asher atem yoshvim bah asher aní shojén betojah ki aní Adonai shojén betoje benéi Yisrael
Y no contaminarán la tierra en la que ustedes habitan, en cuyo medio Yo habito, porque Yo soy HaShem, que habito en medio de los hijos de Yisrael».
Números
34
Números
36
