תנ״ך
Tanaj (Biblia)
beneyisrael.com
Inicio
Portada
Apoyar
Biblioteca
Opciones de lectura
עברית
Fonética
Español
Taamim
Nikud
Letras
A−
100%
A+
Comentarios
Neviim · Josué
יהושע י
Josué · Capítulo 10
43 versículos
41 comentarios
1
וַיְהִי֩ כִשְׁמֹ֨עַ אֲדֹֽנִי־צֶ֜דֶק מֶ֣לֶךְ יְרוּשָׁלִַ֗ם כִּֽי־לָכַ֨ד יְהוֹשֻׁ֣עַ אֶת־הָעַי֮ וַיַּחֲרִימָהּ֒ כַּאֲשֶׁ֨ר עָשָׂ֤ה לִֽירִיחוֹ֙ וּלְמַלְכָּ֔הּ כֵּן־עָשָׂ֥ה לָעַ֖י וּלְמַלְכָּ֑הּ וְכִ֨י הִשְׁלִ֜ימוּ יֹשְׁבֵ֤י גִבְעוֹן֙ אֶת־יִשְׂרָאֵ֔ל וַיִּֽהְי֖וּ בְּקִרְבָּֽם׃
Vayhi jishmóa Adonai-tsédek mélej Yerushaláyim ki-lajad yehoshúa et-ha’ai vayajarimah ka’asher asá lirijo ulemalkah ken-asá la’ái ulemalkah vejí hishlimu yoshvéi givon et-Yisrael vayihyú bekirbam
Y ocurrió cuando oyó, Adoni Tzedek, rey de Jerusalem, que Yehoshua conquistó a Hai y la destruyó, tal como le había hecho a Yerijó y a su rey, así le hizo a Hai y a su rey, y que los habitantes de Guibón se rindieron ante Israel, y ya habitaban con ellos.
2
וַיִּֽירְא֣וּ מְאֹ֔ד כִּ֣י עִ֤יר גְּדוֹלָה֙ גִּבְע֔וֹן כְּאַחַ֖ת עָרֵ֣י הַמַּמְלָכָ֑ה וְכִ֨י הִ֤יא גְדוֹלָה֙ מִן־הָעַ֔י וְכָל־אֲנָשֶׁ֖יהָ גִּבֹּרִֽים׃
Vayirú me’od ki ir gedola givón ke’ajat aréi hamamlajá vejí hi gedola min-ha’ái vejol-anasheiha giborim
Temieron mucho, pues Guibón era una ciudad grande, tal como una de las ciudades reales, que era más grande que Yerijó y Hai, y todos sus hombres eran fuertes.
3
וַיִּשְׁלַ֨ח אֲדֹנִי־צֶ֜דֶק מֶ֣לֶךְ יְרוּשָׁלִַ֗ם אֶל־הוֹהָ֣ם מֶֽלֶךְ־חֶ֠בְרוֹן וְאֶל־פִּרְאָ֨ם מֶֽלֶךְ־יַרְמ֜וּת וְאֶל־יָפִ֧יעַ מֶֽלֶךְ־לָכִ֛ישׁ וְאֶל־דְּבִ֥יר מֶֽלֶךְ־עֶגְל֖וֹן לֵאמֹֽר׃
Vayishlaj Adonai-tsédek mélej Yerushaláyim el-hoham melej-jevron ve’el-pir’am melej-yarmut ve’el-yafía melej-lajish ve’el-devir melej-eglón lemor
Adoni Tzedek, rey de Jerusalem envió (mensajeros) a Hohan, rey de Jebrón, y a Pirham, rey de Iarmut, y a Yafia, rey de Lajish y a Debir, rey de Eglón diciendo:
4
עֲלֽוּ־אֵלַ֣י וְעִזְרֻ֔נִי וְנַכֶּ֖ה אֶת־גִּבְע֑וֹן כִּֽי־הִשְׁלִ֥ימָה אֶת־יְהוֹשֻׁ֖עַ וְאֶת־בְּנֵ֥י יִשְׂרָאֵֽל׃
Alu-elái ve’izruni venaké et-givón ki-hishlima et-yehoshúa ve’et-benéi Yisrael
“Venid a mí y ayudadme a herir a Guibón pues se han rendido ante Yehoshua y ante los hijos de Israel”
5
וַיֵּאָסְפ֨וּ וַֽיַּעֲל֜וּ חֲמֵ֣שֶׁת ׀ מַלְכֵ֣י הָאֱמֹרִ֗י מֶ֣לֶךְ יְרוּשָׁלִַ֜ם מֶֽלֶךְ־חֶבְר֤וֹן מֶֽלֶךְ־יַרְמוּת֙ מֶֽלֶךְ־לָכִ֣ישׁ מֶֽלֶךְ־עֶגְל֔וֹן הֵ֖ם וְכָל־מַֽחֲנֵיהֶ֑ם וַֽיַּחֲנוּ֙ עַל־גִּבְע֔וֹן וַיִּֽלָּחֲמ֖וּ עָלֶֽיהָ׃
Vaye’asfú vaya’alú jaméshet maljéi ha’emorí mélej Yerushaláyim melej-jevrón melej-yarmut melej-lajish melej-eglón hem vejol-majaneihem vayajanu al-givón vayilajamú aleiha
Y se juntaron y subieron los cinco reyes emoreos: el rey de Jerusalem, el rey de Jebrón, el rey de Iarmut, el rey de Lajish y el rey de Eglón; ellos junto con todos sus ejércitos y acamparon frente a Guibón y lucharon contra ella.
6
וַיִּשְׁלְח֣וּ אַנְשֵׁי֩ גִבְע֨וֹן אֶל־יְהוֹשֻׁ֤עַ אֶל־הַֽמַּחֲנֶה֙ הַגִּלְגָּ֣לָה לֵאמֹ֔ר אַל־תֶּ֥רֶף יָדֶ֖יךָ מֵֽעֲבָדֶ֑יךָ עֲלֵ֧ה אֵלֵ֣ינוּ מְהֵרָ֗ה וְהוֹשִׁ֤יעָה לָּ֙נוּ֙ וְעָזְרֵ֔נוּ כִּ֚י נִקְבְּצ֣וּ אֵלֵ֔ינוּ כָּל־מַלְכֵ֥י הָאֱמֹרִ֖י יֹשְׁבֵ֥י הָהָֽר׃
Vayishlejú anshei givón el-yehoshúa el-hamajane hagilgala lemor al-téref yadeja me’avadeja alé eleinu meherá vehoshi’a lanu ve’ozrenu ki nikbetsú eleinu kol-maljéi ha’emorí yoshvéi hahar
Y los de Guibón, enviaron (mensajeros) a Yehoshua en el campamento de Guilgal diciendo: “No apartéis tu mano de tus siervos, subid presto hacia nosotros, salvadnos y ayudadnos, pues se han reunido contra nosotros todos los reyes emoreos que habitan en las montañas”.
7
וַיַּ֨עַל יְהוֹשֻׁ֜עַ מִן־הַגִּלְגָּ֗ל ה֚וּא וְכָל־עַ֤ם הַמִּלְחָמָה֙ עִמּ֔וֹ וְכֹ֖ל גִּבּוֹרֵ֥י הֶחָֽיִל׃ (פ)
Vayá’al yehoshúa min-hagilgal hu vejol-am hamiljama imó vejol giboréi hejáyil
Y subió Yehoshua desde Guilgal, él junto con todos los hombres de guerra y todos los hombres valientes.
8
וַיֹּ֨אמֶר יְהוָ֤ה אֶל־יְהוֹשֻׁ֙עַ֙ אַל־תִּירָ֣א מֵהֶ֔ם כִּ֥י בְיָדְךָ֖ נְתַתִּ֑ים לֹֽא־יַעֲמֹ֥ד אִ֛ישׁ מֵהֶ֖ם בְּפָנֶֽיךָ׃
Vayómer Adonai el-yehoshua al-tirá mehem ki veyadjá netatim lo-ya’amod ish mehem befaneja
Y le dijo el Eterno a Yehoshua: “No temas de ellos, pues en tu mano los he entregado, ninguno de ellos podrá mantenerse frente a ti”
9
וַיָּבֹ֧א אֲלֵיהֶ֛ם יְהוֹשֻׁ֖עַ פִּתְאֹ֑ם כָּל־הַלַּ֕יְלָה עָלָ֖ה מִן־הַגִּלְגָּֽל׃
Vayavó aleihem yehoshúa pit’om kol-halayla alá min-hagilgal
Toda la noche marchó Yehoshua desde Guilgal. Y cayó contra ellos, de pronto.
10
וַיְהֻמֵּ֤ם יְהוָה֙ לִפְנֵ֣י יִשְׂרָאֵ֔ל וַיַּכֵּ֥ם מַכָּֽה־גְדוֹלָ֖ה בְּגִבְע֑וֹן וַֽיִּרְדְּפֵ֗ם דֶּ֚רֶךְ מַעֲלֵ֣ה בֵית־חוֹרֹ֔ן וַיַּכֵּ֥ם עַד־עֲזֵקָ֖ה וְעַד־מַקֵּדָֽה׃
Vayhumem Adonai lifnéi Yisrael vayakem maka-gedolá begivón vayirdefem dérej ma’alé veit-jorón vayakem ad-azeká ve’ad-makedá
Y los apabulló el Eterno delante de Israel, y les infligieron una dura derrota en Guibón y los persiguieron por la subida de Bet Jorón, y los hirieron hasta llegar a Hazeká y hasta Makedá.
11
וַיְהִ֞י בְּנֻסָ֣ם ׀ מִפְּנֵ֣י יִשְׂרָאֵ֗ל הֵ֞ם בְּמוֹרַ֤ד בֵּית־חוֹרֹן֙ וַֽיהוָ֡ה הִשְׁלִ֣יךְ עֲלֵיהֶם֩ אֲבָנִ֨ים גְּדֹל֧וֹת מִן־הַשָּׁמַ֛יִם עַד־עֲזֵקָ֖ה וַיָּמֻ֑תוּ רַבִּ֗ים אֲשֶׁר־מֵ֙תוּ֙ בְּאַבְנֵ֣י הַבָּרָ֔ד מֵאֲשֶׁ֥ר הָרְג֛וּ בְּנֵ֥י יִשְׂרָאֵ֖ל בֶּחָֽרֶב׃ (ס)
Vayhí benusam mipenéi Yisrael hem bemorad beit-joron vaAdonai hishlij aleihem avanim gedolot min-hashamáyim ad-azeká vayamutu rabim asher-metu be’avnéi habarad me’asher hargú benéi Yisrael bejárev
Y ocurrió que cuando huían de Israel, por la bajada de Bet Jorón, el Eterno envió contra ellos piedras grandes desde el cielo, hasta Hazeká y murieron. Fueron más los que murieron a causa del granizo, que los que cayeron bajo la espada de los hijos de Israel.
12
אָ֣ז יְדַבֵּ֤ר יְהוֹשֻׁעַ֙ לַֽיהוָ֔ה בְּי֗וֹם תֵּ֤ת יְהוָה֙ אֶת־הָ֣אֱמֹרִ֔י לִפְנֵ֖י בְּנֵ֣י יִשְׂרָאֵ֑ל וַיֹּ֣אמֶר ׀ לְעֵינֵ֣י יִשְׂרָאֵ֗ל שֶׁ֚מֶשׁ בְּגִבְע֣וֹן דּ֔וֹם וְיָרֵ֖חַ בְּעֵ֥מֶק אַיָּלֽוֹן׃
Az yedaber yehoshua laAdonai beiom tet Adonai et-ha’emorí lifnéi benéi Yisrael vayómer le’einéi Yisrael shémesh begivón dom veyareaj be’émek ayalón
Entonces habló Yehoshua al Eterno en el día que entregó el Eterno al (pueblo) Emorí delante de los hijos de Israel y dijo a la vista de todo Israel: “Sol, detente en Guibón, y tú luna en el valle del Hayalón”
13
וַיִּדֹּ֨ם הַשֶּׁ֜מֶשׁ וְיָרֵ֣חַ עָמָ֗ד עַד־יִקֹּ֥ם גּוֹי֙ אֹֽיְבָ֔יו הֲלֹא־הִ֥יא כְתוּבָ֖ה עַל־סֵ֣פֶר הַיָּשָׁ֑ר וַיַּעֲמֹ֤ד הַשֶּׁ֙מֶשׁ֙ בַּחֲצִ֣י הַשָּׁמַ֔יִם וְלֹא־אָ֥ץ לָב֖וֹא כְּי֥וֹם תָּמִֽים׃
Vayidom hashémesh veyareaj amad ad-yikom goi oyvav halo-hi jetuvá al-séfer hayashar vaya’amod hashemesh bajatsí hashamáyim velo-ats lavó keiom tamim
Y se paralizó el sol y la luna se detuvo hasta que el pueblo se vengó de sus enemigos, ¿acaso no está escrito esto en el libro Haiashar? Y se detuvo el sol en el medio del cielo y se demoró en ponerse como un día entero.
14
וְלֹ֨א הָיָ֜ה כַּיּ֤וֹם הַהוּא֙ לְפָנָ֣יו וְאַחֲרָ֔יו לִשְׁמֹ֥עַ יְהוָ֖ה בְּק֣וֹל אִ֑ישׁ כִּ֣י יְהוָ֔ה נִלְחָ֖ם לְיִשְׂרָאֵֽל׃ (פ)
Veló hayá kayom hahu lefanav ve’ajarav lishmóa Adonai bekol ish ki Adonai niljam leyisra’el
Y no hubo día como ese ni antes ni después de él, en el que el Eterno escuchó (obedeció) la voz de un hombre, pues el Eterno peleaba por Israel.
15
וַיָּ֤שָׁב יְהוֹשֻׁ֙עַ֙ וְכָל־יִשְׂרָאֵ֣ל עִמּ֔וֹ אֶל־הַֽמַּחֲנֶ֖ה הַגִּלְגָּֽלָה׃
Vayáshov yehoshua vejol-Yisrael imó el-hamajané hagilgala
Y regresó Yehoshua y todo Israel con él, al campamento de Guilgal.
16
וַיָּנֻ֕סוּ חֲמֵ֖שֶׁת הַמְּלָכִ֣ים הָאֵ֑לֶּה וַיֵּחָבְא֥וּ בַמְּעָרָ֖ה בְּמַקֵּדָֽה׃
Vayanusu jaméshet hamelajim ha’ele vayejavú vame’ará bemakedá
Y huyeron los cinco reyes y se escondieron en la cueva que está en Makedá.
17
וַיֻּגַּ֖ד לִיהוֹשֻׁ֣עַ לֵאמֹ֑ר נִמְצְאוּ֙ חֲמֵ֣שֶׁת הַמְּלָכִ֔ים נֶחְבְּאִ֥ים בַּמְּעָרָ֖ה בְּמַקֵּדָֽה׃
Vayugad lihoshúa lemor nimtseu jaméshet hamelajim nejbe’im bame’ará bemakedá
Y le fue dicho a Yehoshua: “Fueron encontrados los cinco reyes, están escondidos en la cueva que está en Makedá”.
18
וַיֹּ֣אמֶר יְהוֹשֻׁ֔עַ גֹּ֛לּוּ אֲבָנִ֥ים גְּדֹל֖וֹת אֶל־פִּ֣י הַמְּעָרָ֑ה וְהַפְקִ֧ידוּ עָלֶ֛יהָ אֲנָשִׁ֖ים לְשָׁמְרָֽם׃
Vayómer yehoshúa golu avanim gedolot el-pi hame’ará vehafkidu aleiha anashim leshomram
Y Dijo Yehoshua: “Haced rodar grandes piedras en la entrada de la cueva (para cerrarla) y apostad hombres para que vigilen la entrada.
19
וְאַתֶּם֙ אַֽל־תַּעֲמֹ֔דוּ רִדְפוּ֙ אַחֲרֵ֣י אֹֽיְבֵיכֶ֔ם וְזִנַּבְתֶּ֖ם אוֹתָ֑ם אַֽל־תִּתְּנ֗וּם לָבוֹא֙ אֶל־עָ֣רֵיהֶ֔ם כִּ֧י נְתָנָ֛ם יְהוָ֥ה אֱלֹהֵיכֶ֖ם בְּיֶדְכֶֽם׃
Ve’atem al-ta’amodu ridfu ajaréi oyveijem vezinavtem otam al-titenum lavo el-areihem ki netanam Adonai Eloheijem beyedjem
En cuanto a vosotros, no os detengáis, perseguid a vuestros enemigos y herid su retaguardia. No los dejéis entrar en sus ciudades, pues el Eterno, vuestro Dios, los ha entregado en vuestras manos.
20
וַיְהִי֩ כְּכַלּ֨וֹת יְהוֹשֻׁ֜עַ וּבְנֵ֣י יִשְׂרָאֵ֗ל לְהַכּוֹתָ֛ם מַכָּ֥ה גְדוֹלָֽה־מְאֹ֖ד עַד־תֻּמָּ֑ם וְהַשְּׂרִידִים֙ שָׂרְד֣וּ מֵהֶ֔ם וַיָּבֹ֖אוּ אֶל־עָרֵ֥י הַמִּבְצָֽר׃
Vayhi kejalot yehoshúa uvenéi Yisrael lehakotam maká gedola-me’od ad-tumam vehaseridim sardú mehem vayavóu el-aréi hamivtsar
Y fue cuando Yehoshua y los hijos de Israel acabaron de golpearlos de gran manera, hasta destruirlos completamente, los que lograron escapar, huyeron y entraron en las ciudades amuralladas.
21
וַיָּשֻׁבוּ֩ כָל־הָעָ֨ם אֶל־הַמַּחֲנֶ֧ה אֶל־יְהוֹשֻׁ֛עַ מַקֵּדָ֖ה בְּשָׁל֑וֹם לֹֽא־חָרַ֞ץ לִבְנֵ֧י יִשְׂרָאֵ֛ל לְאִ֖ישׁ אֶת־לְשֹׁנֽוֹ׃
Vayashuvu jol-ha’am el-hamajané el-yehoshúa makedá beshalom lo-jaráts livnéi Yisrael le’ish et-leshonó
Y regresó en paz todo el pueblo al campamento, con Yehoshua en Makedá y nadie se atrevió ni siquiera a mover su lengua contra los hijos de Israel.
22
וַיֹּ֣אמֶר יְהוֹשֻׁ֔עַ פִּתְח֖וּ אֶת־פִּ֣י הַמְּעָרָ֑ה וְהוֹצִ֣יאוּ אֵלַ֗י אֶת־חֲמֵ֛שֶׁת הַמְּלָכִ֥ים הָאֵ֖לֶּה מִן־הַמְּעָרָֽה׃
Vayómer yehoshúa pitjú et-pi hame’ará vehotsíu elái et-jaméshet hamelajim ha’ele min-hame’ará
Y dijo Yehoshua: “Abrid la entrada de la cueva y traed a mí a esos cinco reyes de la cueva”
23
וַיַּ֣עֲשׂוּ כֵ֔ן וַיֹּצִ֣יאוּ אֵלָ֗יו אֶת־חֲמֵ֛שֶׁת הַמְּלָכִ֥ים הָאֵ֖לֶּה מִן־הַמְּעָרָ֑ה אֵ֣ת ׀ מֶ֣לֶךְ יְרוּשָׁלִַ֗ם אֶת־מֶ֤לֶךְ חֶבְרוֹן֙ אֶת־מֶ֣לֶךְ יַרְמ֔וּת אֶת־מֶ֥לֶךְ לָכִ֖ישׁ אֶת־מֶ֥לֶךְ עֶגְלֽוֹן׃
Vayá’asu jen vayotsíu elav et-jaméshet hamelajim ha’ele min-hame’ará et mélej Yerushaláyim et-mélej jevron et-mélej yarmut et-mélej lajish et-mélej eglón
Y así lo hicieron, y trajeron ante él a los cinco reyes de la cueva, al rey de Jerusalem, al rey de Jebrón, al rey de Iarmut, al rey de Lajish y al rey de Eglón.
24
וַ֠יְהִי כְּֽהוֹצִיאָ֞ם אֶת־הַמְּלָכִ֣ים הָאֵלֶּה֮ אֶל־יְהוֹשֻׁעַ֒ וַיִּקְרָ֨א יְהוֹשֻׁ֜עַ אֶל־כָּל־אִ֣ישׁ יִשְׂרָאֵ֗ל וַ֠יֹּאמֶר אֶל־קְצִינֵ֞י אַנְשֵׁ֤י הַמִּלְחָמָה֙ הֶהָלְכ֣וּא אִתּ֔וֹ קִרְב֗וּ שִׂ֚ימוּ אֶת־רַגְלֵיכֶ֔ם עַֽל־צַוְּארֵ֖י הַמְּלָכִ֣ים הָאֵ֑לֶּה וַֽיִּקְרְב֔וּ וַיָּשִׂ֥ימוּ אֶת־רַגְלֵיהֶ֖ם עַל־צַוְּארֵיהֶֽם׃
Vayhi kehotsi’am et-hamelajim ha’ele el-yehoshuá vayikrá yehoshúa el-kol-ish Yisrael vayomer el-ketsinéi anshéi hamiljama hehaljú itó kirvú simu et-ragleijem al-tsaveréi hamelajim ha’ele vayikrevú vayasimu et-ragleihem al-tsavereihem
Y fue que al traer a los reyes ante Yehoshua, llamó Yehoshua a todos los hombres de Israel y les dijo a los oficiales de los hombres de guerra que vinieron a él: “Acercaos, poned vuestro pie sobre los cuellos de estos reyes”. Se acercaron y pusieron sus pies sobre sus cuellos.
25
וַיֹּ֤אמֶר אֲלֵיהֶם֙ יְהוֹשֻׁ֔עַ אַל־תִּֽירְא֖וּ וְאַל־תֵּחָ֑תּוּ חִזְק֣וּ וְאִמְצ֔וּ כִּ֣י כָ֗כָה יַעֲשֶׂ֤ה יְהוָה֙ לְכָל־אֹ֣יְבֵיכֶ֔ם אֲשֶׁ֥ר אַתֶּ֖ם נִלְחָמִ֥ים אוֹתָֽם׃
Vayómer aleihem yehoshúa al-tirú ve’al-tejatu jizkú ve’imtsú ki jaja ya’asé Adonai lejol-oyveijem asher atem niljamim otam
Y les dijo Yehoshua: “No temáis, ni desfallezcáis, fortaleceos y sed valientes, pues así hará el Eterno a todos vuestros enemigos contra los que vosotros lucháis”.
26
וַיַּכֵּ֨ם יְהוֹשֻׁ֤עַ אַֽחֲרֵי־כֵן֙ וַיְמִיתֵ֔ם וַיִּתְלֵ֕ם עַ֖ל חֲמִשָּׁ֣ה עֵצִ֑ים וַיִּֽהְי֛וּ תְּלוּיִ֥ם עַל־הָעֵצִ֖ים עַד־הָעָֽרֶב׃
Vayakem yehoshúa ajarei-jen vaymitem vayitlem al jamishá etsim vayihyú teluyim al-ha’etsim ad-ha’árev
Y después de eso, hirió Yehoshua (a los reyes) hasta que murieron, y los colgó sobre cinco árboles. Y permanecieron colgados de los arboles hasta el atardecer.
27
וַיְהִ֞י לְעֵ֣ת ׀ בּ֣וֹא הַשֶּׁ֗מֶשׁ צִוָּ֤ה יְהוֹשֻׁ֙עַ֙ וַיֹּֽרִידוּם֙ מֵעַ֣ל הָעֵצִ֔ים וַיַּ֨שְׁלִכֻ֔ם אֶל־הַמְּעָרָ֖ה אֲשֶׁ֣ר נֶחְבְּאוּ־שָׁ֑ם וַיָּשִׂ֜מוּ אֲבָנִ֤ים גְּדֹלוֹת֙ עַל־פִּ֣י הַמְּעָרָ֔ה עַד־עֶ֖צֶם הַיּ֥וֹם הַזֶּֽה׃ (פ)
Vayhí le’et bo hashémesh tsivá yehoshua vayoridum me’al ha’etsim vayashlijum el-hame’ará asher nejbeu-sham vayasimu avanim gedolot al-pi hame’ará ad-étsem hayom hazé
y fue en el momento en que el sol se ponía que ordenó Yehoshua y fueron bajados de los árboles y fueron arrojados dentro de la cueva en donde se habían escondido y colocaron grandes piedras en la entrada de la cueva hasta el día de hoy.
28
וְאֶת־מַקֵּדָה֩ לָכַ֨ד יְהוֹשֻׁ֜עַ בַּיּ֣וֹם הַה֗וּא וַיַּכֶּ֣הָ לְפִי־חֶרֶב֮ וְאֶת־מַלְכָּהּ֒ הֶחֱרִ֣ם אוֹתָ֗ם וְאֶת־כָּל־הַנֶּ֙פֶשׁ֙ אֲשֶׁר־בָּ֔הּ לֹ֥א הִשְׁאִ֖יר שָׂרִ֑יד וַיַּ֙עַשׂ֙ לְמֶ֣לֶךְ מַקֵּדָ֔ה כַּאֲשֶׁ֥ר עָשָׂ֖ה לְמֶ֥לֶךְ יְרִיחֽוֹ׃
Ve’et-makeda lajad yehoshúa bayom hahú vayakeha lefi-jérev ve’et-malkah hejerim otam ve’et-kol-hanefesh asher-bah lo hish’ir sarid vaya’as lemélej makedá ka’asher asá lemélej yerijó
Y a (la ciudad de) Makedá tomó Yehoshua ese día y la hirió a filo de espada junto con su rey, destruyéndolos completamente junto con toda alma que había allí, no dejó a nadie. Y le hizo al rey de Makedá, tal como le hizo al rey de Yerijó.
29
וַיַּעֲבֹ֣ר יְ֠הוֹשֻׁעַ וְכָֽל־יִשְׂרָאֵ֥ל עִמּ֛וֹ מִמַּקֵּדָ֖ה לִבְנָ֑ה וַיִּלָּ֖חֶם עִם־לִבְנָֽה׃
Vaya’avor yehoshua vejol-Yisrael imó mimakedá livná vayilájem im-livná
Y pasó Yehoshua junto con todo Israel desde Makedá hacia Livná y luchó contra Livná.
30
וַיִּתֵּן֩ יְהוָ֨ה גַּם־אוֹתָ֜הּ בְּיַ֣ד יִשְׂרָאֵ֘ל וְאֶת־מַלְכָּהּ֒ וַיַּכֶּ֣הָ לְפִי־חֶ֗רֶב וְאֶת־כָּל־הַנֶּ֙פֶשׁ֙ אֲשֶׁר־בָּ֔הּ לֹֽא־הִשְׁאִ֥יר בָּ֖הּ שָׂרִ֑יד וַיַּ֣עַשׂ לְמַלְכָּ֔הּ כַּאֲשֶׁ֥ר עָשָׂ֖ה לְמֶ֥לֶךְ יְרִיחֽוֹ׃ (ס)
Vayiten Adonai gam-otah beyad Yisrael ve’et-malkah vayakeha lefi-jérev ve’et-kol-hanefesh asher-bah lo-hish’ir bah sarid vaya’as lemalkah ka’asher asá lemélej yerijó
Y el Eterno también se la entregó en mano de Israel junto con su rey y la hirieron a filo de espada junto con toda alma que allí había, no dejó a nadie, e hizo con su rey tal como había hecho con el rey de Yerijó.
31
וַיַּעֲבֹ֣ר יְ֠הוֹשֻׁעַ וְכָל־יִשְׂרָאֵ֥ל עִמּ֛וֹ מִלִּבְנָ֖ה לָכִ֑ישָׁה וַיִּ֣חַן עָלֶ֔יהָ וַיִּלָּ֖חֶם בָּֽהּ׃
Vaya’avor yehoshua vejol-Yisrael imó milivná lajisha vayijan aleiha vayilájem bah
Y pasó Yehoshua junto con todo Israel, desde Livná hasta Lajish y acampó contra ella y peleó contra ella.
32
וַיִּתֵּן֩ יְהוָ֨ה אֶת־לָכִ֜ישׁ בְּיַ֣ד יִשְׂרָאֵ֗ל וַֽיִּלְכְּדָהּ֙ בַּיּ֣וֹם הַשֵּׁנִ֔י וַיַּכֶּ֣הָ לְפִי־חֶ֔רֶב וְאֶת־כָּל־הַנֶּ֖פֶשׁ אֲשֶׁר־בָּ֑הּ כְּכֹ֥ל אֲשֶׁר־עָשָׂ֖ה לְלִבְנָֽה׃ (פ)
Vayiten Adonai et-lajish beyad Yisrael vayilkedah bayom hashení vayakeha lefi-jérev ve’et-kol-hanéfesh asher-bah kejol asher-asá lelivná
Y el Eterno entregó a Lajish en manos de Israel y la tomaron al segundo día, y la hirieron a filo de espada junto con toda alma que allí había, tal como había hecho con Livná.
33
אָ֣ז עָלָ֗ה הֹרָם֙ מֶ֣לֶךְ גֶּ֔זֶר לַעְזֹ֖ר אֶת־לָכִ֑ישׁ וַיַּכֵּ֤הוּ יְהוֹשֻׁ֙עַ֙ וְאֶת־עַמּ֔וֹ עַד־בִּלְתִּ֥י הִשְׁאִֽיר־ל֖וֹ שָׂרִֽיד׃
Az alá horam mélej gézer lazor et-lajish vayakehu yehoshua ve’et-amó ad-biltí hish’ir-lo sarid
Entonces subió Horam, rey de Guezer, a ayudar a Lajish, y lo hirió Yehoshua, a él y a su pueblo hasta no dejarle ninguno.
34
וַיַּעֲבֹ֣ר יְ֠הוֹשֻׁעַ וְכָל־יִשְׂרָאֵ֥ל עִמּ֛וֹ מִלָּכִ֖ישׁ עֶגְלֹ֑נָה וַיַּחֲנ֣וּ עָלֶ֔יהָ וַיִּֽלָּחֲמ֖וּ עָלֶֽיהָ׃
Vaya’avor yehoshua vejol-Yisrael imó milajish eglona vayajanú aleiha vayilajamú aleiha
Y pasó Yehoshua junto con todo Israel desde Lajish a Eglón y acamparon contra ella y pelearon contra ella.
35
וַֽיִּלְכְּד֜וּהָ בַּיּ֤וֹם הַהוּא֙ וַיַּכּ֣וּהָ לְפִי־חֶ֔רֶב וְאֵת֙ כָּל־הַנֶּ֣פֶשׁ אֲשֶׁר־בָּ֔הּ בַּיּ֥וֹם הַה֖וּא הֶחֱרִ֑ים כְּכֹ֥ל אֲשֶׁר־עָשָׂ֖ה לְלָכִֽישׁ׃ (פ)
Vayilkeduha bayom hahu vayakuha lefi-jérev ve’et kol-hanéfesh asher-bah bayom hahú hejerim kejol asher-asá lelajish
Y fue tomada ese día y la hirieron a filo de espada junto con toda alma que allí había ese día fue destruida, tal como le hizo a Lajish.
36
וַיַּ֣עַל יְ֠הוֹשֻׁעַ וְכָֽל־יִשְׂרָאֵ֥ל עִמּ֛וֹ מֵעֶגְל֖וֹנָה חֶבְר֑וֹנָה וַיִּֽלָּחֲמ֖וּ עָלֶֽיהָ׃
Vayá’al yehoshua vejol-Yisrael imó me’eglona jevrona vayilajamú aleiha
Y subió Yehoshua junto con todo Israel desde Eglón hasta Jebrón y lucharon contra ella.
37
וַיִּלְכְּד֣וּהָ וַיַּכּֽוּהָ־לְפִי־חֶ֠רֶב וְאֶת־מַלְכָּ֨הּ וְאֶת־כָּל־עָרֶ֜יהָ וְאֶת־כָּל־הַנֶּ֤פֶשׁ אֲשֶׁר־בָּהּ֙ לֹֽא־הִשְׁאִ֣יר שָׂרִ֔יד כְּכֹ֥ל אֲשֶׁר־עָשָׂ֖ה לְעֶגְל֑וֹן וַיַּחֲרֵ֣ם אוֹתָ֔הּ וְאֶת־כָּל־הַנֶּ֖פֶשׁ אֲשֶׁר־בָּֽהּ׃ (ס)
Vayilkeduha vayakuha-lefi-jerev ve’et-malkah ve’et-kol-areiha ve’et-kol-hanéfesh asher-bah lo-hish’ir sarid kejol asher-asá le’eglón vayajarem otah ve’et-kol-hanéfesh asher-bah
Y la tomaron y la hirieron a filo de espada a su rey y a todas sus ciudades junto con toda alma que allí había, no dejó a nadie, tal como le hizo a Eglón y la destruyó junto con toda alma que allí había.
38
וַיָּ֧שָׁב יְהוֹשֻׁ֛עַ וְכָל־יִשְׂרָאֵ֥ל עִמּ֖וֹ דְּבִ֑רָה וַיִּלָּ֖חֶם עָלֶֽיהָ׃
Vayáshov yehoshúa vejol-Yisrael imó devira vayilájem aleiha
Y volvió Yehoshua junto con todo Israel hasta Dibrá y luchó contra ella.
39
וַֽיִּלְכְּדָ֞הּ וְאֶת־מַלְכָּ֤הּ וְאֶת־כָּל־עָרֶ֙יהָ֙ וַיַּכּ֣וּם לְפִי־חֶ֔רֶב וַֽיַּחֲרִ֙ימוּ֙ אֶת־כָּל־נֶ֣פֶשׁ אֲשֶׁר־בָּ֔הּ לֹ֥א הִשְׁאִ֖יר שָׂרִ֑יד כַּאֲשֶׁ֨ר עָשָׂ֜ה לְחֶבְר֗וֹן כֵּן־עָשָׂ֤ה לִדְבִ֙רָה֙ וּלְמַלְכָּ֔הּ וְכַאֲשֶׁ֥ר עָשָׂ֛ה לְלִבְנָ֖ה וּלְמַלְכָּֽהּ׃
Vayilkedah ve’et-malkah ve’et-kol-areiha vayakum lefi-jérev vayajarimu et-kol-néfesh asher-bah lo hish’ir sarid ka’asher asá lejevrón ken-asá lidvira ulemalkah veja’asher asá lelivná ulemalkah
Y la tomaron, a su rey y todas sus ciudades y los pasaron a filo de espada, y destruyeron a toda alma que allí había, no dejó a nadie, tal como le hizo a Jebrón, así le hizo a Dibrá y a su rey, y así le hizo a Livná y a su rey.
40
וַיַּכֶּ֣ה יְהוֹשֻׁ֣עַ אֶת־כָּל־הָאָ֡רֶץ הָהָר֩ וְהַנֶּ֨גֶב וְהַשְּׁפֵלָ֜ה וְהָאֲשֵׁד֗וֹת וְאֵת֙ כָּל־מַלְכֵיהֶ֔ם לֹ֥א הִשְׁאִ֖יר שָׂרִ֑יד וְאֵ֤ת כָּל־הַנְּשָׁמָה֙ הֶחֱרִ֔ים כַּאֲשֶׁ֣ר צִוָּ֔ה יְהוָ֖ה אֱלֹהֵ֥י יִשְׂרָאֵֽל׃
Vayaké yehoshúa et-kol-ha’arets hahar vehanégev vehashefelá veha’ashedot ve’et kol-maljeihem lo hish’ir sarid ve’et kol-haneshama hejerim ka’asher tsivá Adonai Elohéi Yisrael
Así hirió Yehoshua toda la tierra: la zona montañosa y el Neguev (desierto del sur), la planicie y los acantilados (que bajan al mar muerto) y a sus reyes, no dejó a nadie, destruyó a toda alma, tal como lo ordenó el Eterno, Dios de Israel.
41
וַיַּכֵּ֧ם יְהוֹשֻׁ֛עַ מִקָּדֵ֥שׁ בַּרְנֵ֖עַ וְעַד־עַזָּ֑ה וְאֵ֛ת כָּל־אֶ֥רֶץ גֹּ֖שֶׁן וְעַד־גִּבְעֽוֹן׃
Vayakem yehoshúa mikadesh barnéa ve’ad-azá ve’et kol-erets goshen ve’ad-givón
Y los hirió Yehoshua desde Kadesh Barnea hasta Gaza, toda la tierra de Goshen hasta Guibón.
42
וְאֵ֨ת כָּל־הַמְּלָכִ֤ים הָאֵ֙לֶּה֙ וְאֶת־אַרְצָ֔ם לָכַ֥ד יְהוֹשֻׁ֖עַ פַּ֣עַם אֶחָ֑ת כִּ֗י יְהוָה֙ אֱלֹהֵ֣י יִשְׂרָאֵ֔ל נִלְחָ֖ם לְיִשְׂרָאֵֽל׃
Ve’et kol-hamelajim ha’ele ve’et-artsam lajad yehoshúa pá’am ejat ki Adonai Elohéi Yisrael niljam leyisra’el
A todos estos reyes y sus tierras tomó Yehoshua de una sola vez, pues el Eterno Dios de Israel luchaba por Israel.
43
וַיָּ֤שָׁב יְהוֹשֻׁ֙עַ֙ וְכָל־יִשְׂרָאֵ֣ל עִמּ֔וֹ אֶל־הַֽמַּחֲנֶ֖ה הַגִּלְגָּֽלָה׃ (פ)
Vayáshov yehoshua vejol-Yisrael imó el-hamajané hagilgala
Y regresó Yehoshua junto con todo Israel al campamento de Guilgal.
Josué
9
Josué
11
