תנ״ך
Tanaj (Biblia)
beneyisrael.com
Inicio
Portada
Apoyar
Biblioteca
Opciones de lectura
עברית
Fonética
Español
Taamim
Nikud
Letras
A−
100%
A+
Comentarios
Neviim · Josué
יהושע ד
Josué · Capítulo 4
24 versículos
19 comentarios
1
וַיְהִי֙ כַּאֲשֶׁר־תַּ֣מּוּ כָל־הַגּ֔וֹי לַעֲב֖וֹר אֶת־הַיַּרְדֵּ֑ן (פ) וַיֹּ֣אמֶר יְהוָ֔ה אֶל־יְהוֹשֻׁ֖עַ לֵאמֹֽר׃
Vayhi ka’asher-tamu jol-hagói la’avor et-hayardén vayómer Adonai el-yehoshúa lemor
Y ocurrió cuando acabó todo el pueblo de cruzar el Jordán, habló el Eterno a Yehoshua diciendo:
2
קְח֤וּ לָכֶם֙ מִן־הָעָ֔ם שְׁנֵ֥ים עָשָׂ֖ר אֲנָשִׁ֑ים אִישׁ־אֶחָ֥ד אִישׁ־אֶחָ֖ד מִשָּֽׁבֶט׃
Kejú lajem min-ha’am sheneim asar anashim ish-ejad ish-ejad mishávet
Tomad para ustedes de entre el pueblo doce personas. Un hombre, un hombre por cada tribu.
3
וְצַוּ֣וּ אוֹתָם֮ לֵאמֹר֒ שְׂאֽוּ־לָכֶ֨ם מִזֶּ֜ה מִתּ֣וֹךְ הַיַּרְדֵּ֗ן מִמַּצַּב֙ רַגְלֵ֣י הַכֹּהֲנִ֔ים הָכִ֖ין שְׁתֵּים־עֶשְׂרֵ֣ה אֲבָנִ֑ים וְהַעֲבַרְתֶּ֤ם אוֹתָם֙ עִמָּכֶ֔ם וְהִנַּחְתֶּ֣ם אוֹתָ֔ם בַּמָּל֕וֹן אֲשֶׁר־תָּלִ֥ינוּ ב֖וֹ הַלָּֽיְלָה׃ (ס)
Vetsavú otam lemor seu-lajem mizé mitoje hayardén mimatsav ragléi hakohanim hajín sheteim-esré avanim veha’avartem otam imajem vehinajtem otam bamalón asher-talinu vo halayla
Y les ordenarán diciendo: Recoged, de entre medio del Jordán, de donde se encuentran los pies de los sacerdotes, doce piedras, y las cargarán con ustedes y las colocarán en el lugar en donde reposarán esta noche.
4
וַיִּקְרָ֣א יְהוֹשֻׁ֗עַ אֶל־שְׁנֵ֤ים הֶֽעָשָׂר֙ אִ֔ישׁ אֲשֶׁ֥ר הֵכִ֖ין מִבְּנֵ֣י יִשְׂרָאֵ֑ל אִישׁ־אֶחָ֥ד אִישׁ־אֶחָ֖ד מִשָּֽׁבֶט׃
Vayikrá yehoshúa el-sheneim he’asar ish asher hejín mibenéi Yisrael ish-ejad ish-ejad mishávet
Y llamó Yehoshua a los doce hombres que había designado anteriormente de entre el pueblo de Israel. Un hombre, un hombre por cada tribu.
5
וַיֹּ֤אמֶר לָהֶם֙ יְהוֹשֻׁ֔עַ עִ֠בְרוּ לִפְנֵ֨י אֲר֧וֹן יְהוָ֛ה אֱלֹֽהֵיכֶ֖ם אֶל־תּ֣וֹךְ הַיַּרְדֵּ֑ן וְהָרִ֨ימוּ לָכֶ֜ם אִ֣ישׁ אֶ֤בֶן אַחַת֙ עַל־שִׁכְמ֔וֹ לְמִסְפַּ֖ר שִׁבְטֵ֥י בְנֵי־יִשְׂרָאֵֽל׃
Vayómer lahem yehoshúa ivru lifnéi arón Adonai Eloheijem el-toje hayardén veharimu lajem ish even ajat al-shijmó lemispar shivtéi venei-Yisrael
Y les dijo Yehoshua: Pasad delante del arca del Eterno vuestro Dios, dentro del Jordán, y cada hombre tomará una piedra sobre su hombro, acorde al número de las tribus de Israel.
6
לְמַ֗עַן תִּֽהְיֶ֛ה זֹ֥את א֖וֹת בְּקִרְבְּכֶ֑ם כִּֽי־יִשְׁאָל֨וּן בְּנֵיכֶ֤ם מָחָר֙ לֵאמֹ֔ר מָ֛ה הָאֲבָנִ֥ים הָאֵ֖לֶּה לָכֶֽם׃
Lema’an tihyé zot ot bekirbejem ki-yish’alún beneijem majar lemor ma ha’avanim ha’ele lajem
Para que sean ellas testimonio entre ustedes, cuando vuestros hijos el día de mañana os pregunten: “¿Qué significado tienen estas piedras para ustedes?”
7
וַאֲמַרְתֶּ֣ם לָהֶ֗ם אֲשֶׁ֨ר נִכְרְת֜וּ מֵימֵ֤י הַיַּרְדֵּן֙ מִפְּנֵי֙ אֲר֣וֹן בְּרִית־יְהוָ֔ה בְּעָבְרוֹ֙ בַּיַּרְדֵּ֔ן נִכְרְת֖וּ מֵ֣י הַיַּרְדֵּ֑ן וְ֠הָיוּ הָאֲבָנִ֨ים הָאֵ֧לֶּה לְזִכָּר֛וֹן לִבְנֵ֥י יִשְׂרָאֵ֖ל עַד־עוֹלָֽם׃
Va’amartem lahem asher nijretú meiméi hayarden mipenei arón berit-Adonai be’ovro bayardén nijretú mei hayardén vehayu ha’avanim ha’ele lezikarón livnéi Yisrael ad-olam
Les responderéis a ellos: Porque se partieron las aguas del Jordán ante el arca de la alianza del Eterno cuando cruzó el Jordán, las aguas del Jordán se cortaron. Y serán estas piedras un recuerdo para los hijos de Israel por siempre.
8
וַיַּעֲשׂוּ־כֵ֣ן בְּנֵי־יִשְׂרָאֵ֘ל כַּאֲשֶׁ֣ר צִוָּ֣ה יְהוֹשֻׁעַ֒ וַיִּשְׂא֡וּ שְׁתֵּֽי־עֶשְׂרֵ֨ה אֲבָנִ֜ים מִתּ֣וֹךְ הַיַּרְדֵּ֗ן כַּאֲשֶׁ֨ר דִּבֶּ֤ר יְהוָה֙ אֶל־יְהוֹשֻׁ֔עַ לְמִסְפַּ֖ר שִׁבְטֵ֣י בְנֵֽי־יִשְׂרָאֵ֑ל וַיַּעֲבִר֤וּם עִמָּם֙ אֶל־הַמָּל֔וֹן וַיַּנִּח֖וּם שָֽׁם׃
Vaya’asu-jen benei-Yisrael ka’asher tsivá yehoshuá vayisú shetei-esré avanim mitoje hayardén ka’asher diber Adonai el-yehoshúa lemispar shivtéi venei-Yisrael vaya’avirum imam el-hamalón vayanijum sham
E hicieron así los hijos de Israel, tal como ordenó Yehoshua, y cargaron las doce piedras del Jordán, tal como dijo el Eterno a Yehoshua, acorde al número de las tribus de Israel. Y pasaron con ellas hasta llegar al lugar donde reposaron y las pusieron allí.
9
וּשְׁתֵּ֧ים עֶשְׂרֵ֣ה אֲבָנִ֗ים הֵקִ֣ים יְהוֹשֻׁעַ֮ בְּת֣וֹךְ הַיַּרְדֵּן֒ תַּ֗חַת מַצַּב֙ רַגְלֵ֣י הַכֹּהֲנִ֔ים נֹשְׂאֵ֖י אֲר֣וֹן הַבְּרִ֑ית וַיִּ֣הְיוּ שָׁ֔ם עַ֖ד הַיּ֥וֹם הַזֶּֽה׃
Usheteim esré avanim hekim yehoshúa betoje hayarden tájat matsav ragléi hakohanim nos’éi arón haberit vayihyu sham ad hayom hazé
Y doce piedras erigió Yehoshua dentro del Jordán, debajo de los pies de los sacerdotes que portaban el arca de la alianza y quedaron allí hasta el día de hoy.
10
וְהַכֹּהֲנִ֞ים נֹשְׂאֵ֣י הָאָר֗וֹן עֹמְדִים֮ בְּת֣וֹךְ הַיַּרְדֵּן֒ עַ֣ד תֹּ֣ם כָּֽל־הַ֠דָּבָר אֲשֶׁר־צִוָּ֨ה יְהוָ֤ה אֶת־יְהוֹשֻׁ֙עַ֙ לְדַבֵּ֣ר אֶל־הָעָ֔ם כְּכֹ֛ל אֲשֶׁר־צִוָּ֥ה מֹשֶׁ֖ה אֶת־יְהוֹשֻׁ֑עַ וַיְמַהֲר֥וּ הָעָ֖ם וַֽיַּעֲבֹֽרוּ׃
Vehakohanim nos’éi ha’arón omdim betoje hayarden ad tom kol-hadavar asher-tsivá Adonai et-yehoshua ledaber el-ha’am kejol asher-tsivá Moshé et-yehoshúa vaymaharú ha’am vaya’avoru
y los sacerdotes que portaban el arca estaban parados en medio del Jordán hasta que finalizaron todas estas cosas que ordenó el Eterno a Yehoshua que dijese al pueblo conforme a todo lo que le instruyó Moshé a Yehoshua, y se apresuró el pueblo a cruzar.
11
וַיְהִ֛י כַּֽאֲשֶׁר־תַּ֥ם כָּל־הָעָ֖ם לַֽעֲב֑וֹר וַיַּעֲבֹ֧ר אֲרוֹן־יְהוָ֛ה וְהַכֹּהֲנִ֖ים לִפְנֵ֥י הָעָֽם׃
Vayhí ka’asher-tam kol-ha’am la’avor vaya’avor aron-Adonai vehakohanim lifnéi ha’am
Y fue cuando todo el pueblo hubo cruzado, pasó el arca del Eterno y los sacerdotes, delante del pueblo.
12
וַ֠יַּעַבְרוּ בְּנֵי־רְאוּבֵ֨ן וּבְנֵי־גָ֜ד וַחֲצִ֨י שֵׁ֤בֶט הַֽמְנַשֶּׁה֙ חֲמֻשִׁ֔ים לִפְנֵ֖י בְּנֵ֣י יִשְׂרָאֵ֑ל כַּאֲשֶׁ֛ר דִּבֶּ֥ר אֲלֵיהֶ֖ם מֹשֶֽׁה׃
Vaya’avru benei-Reuven uvenei-Gad vajatsí shévet hamnashe jamushim lifnéi benéi Yisrael ka’asher diber aleihem Moshé
Y cruzaron los hijos de Rubén y los hijos de Gad y la media tribu de Menashé, armados, delante de los hijos de Israel, tal como les había dicho Moshé.
13
כְּאַרְבָּעִ֥ים אֶ֖לֶף חֲלוּצֵ֣י הַצָּבָ֑א עָבְר֞וּ לִפְנֵ֤י יְהוָה֙ לַמִּלְחָמָ֔ה אֶ֖ל עַֽרְב֥וֹת יְרִיחֽוֹ׃ (ס)
Ke’arba’im élef jalutséi hatsavá avrú lifnéi Adonai lamiljamá el arvot yerijó
Como cuarenta mil guerreros pasaron delante del Eterno para la guerra a la llanura de Jericó.
14
בַּיּ֣וֹם הַה֗וּא גִּדַּ֤ל יְהוָה֙ אֶת־יְהוֹשֻׁ֔עַ בְּעֵינֵ֖י כָּל־יִשְׂרָאֵ֑ל וַיִּֽרְא֣וּ אֹת֔וֹ כַּאֲשֶׁ֛ר יָרְא֥וּ אֶת־מֹשֶׁ֖ה כָּל־יְמֵ֥י חַיָּֽיו׃ (פ)
Bayom hahú gidal Adonai et-yehoshúa be’einéi kol-Yisrael vayirú otó ka’asher yarú et-Moshé kol-yeméi jayav
En ese día engrandeció el Eterno a Yehoshua a los ojos de todo Israel, y le temieron tal como temieron a Moshé todos los días de su vida.
15
וַיֹּ֣אמֶר יְהוָ֔ה אֶל־יְהוֹשֻׁ֖עַ לֵאמֹֽר׃
Vayómer Adonai el-yehoshúa lemor
Y habló el Eterno a Yehoshua diciendo:
16
צַוֵּה֙ אֶת־הַכֹּ֣הֲנִ֔ים נֹשְׂאֵ֖י אֲר֣וֹן הָעֵד֑וּת וְיַעֲל֖וּ מִן־הַיַּרְדֵּֽן׃
Tsave et-hakohanim nos’éi arón ha’edut veya’alú min-hayardén
Ordena a los sacerdotes portadores del arca del testimonio y que salgan del Jordán.
17
וַיְצַ֣ו יְהוֹשֻׁ֔עַ אֶת־הַכֹּהֲנִ֖ים לֵאמֹ֑ר עֲל֖וּ מִן־הַיַּרְדֵּֽן׃
Vaytsav yehoshúa et-hakohanim lemor alú min-hayardén
Y ordenó Yehoshua a los sacerdotes diciendo: salid del Jordán.
18
וַ֠יְהִי בעלות [כַּעֲל֨וֹת] הַכֹּהֲנִ֜ים נֹשְׂאֵ֨י אֲר֤וֹן בְּרִית־יְהוָה֙ מִתּ֣וֹךְ הַיַּרְדֵּ֔ן נִתְּק֗וּ כַּפּוֹת֙ רַגְלֵ֣י הַכֹּהֲנִ֔ים אֶ֖ל הֶחָרָבָ֑ה וַיָּשֻׁ֤בוּ מֵֽי־הַיַּרְדֵּן֙ לִמְקוֹמָ֔ם וַיֵּלְכ֥וּ כִתְמוֹל־שִׁלְשׁ֖וֹם עַל־כָּל־גְּדוֹתָֽיו׃
Vayhi ka’alot hakohanim nos’éi arón berit-Adonai mitoje hayardén nitekú kapot ragléi hakohanim el hejaravá vayashuvu mei-hayarden limkomam vayeljú jitmol-shilshom al-kol-gedotav
Y ocurrió cuando salieron los sacerdotes portadores del arca de la alianza del Eterno de en medio del Jordán y posaron las plantas de sus pies en tierra firme, regresaron las aguas del Jordán a su lugar, hasta el borde de sus orillas y continuaron su curso como los días anteriores.
19
וְהָעָ֗ם עָלוּ֙ מִן־הַיַּרְדֵּ֔ן בֶּעָשׂ֖וֹר לַחֹ֣דֶשׁ הָרִאשׁ֑וֹן וַֽיַּחֲנוּ֙ בַּגִּלְגָּ֔ל בִּקְצֵ֖ה מִזְרַ֥ח יְרִיחֽוֹ׃
Veha’am alu min-hayardén be’asor lajódesh harishón vayajanu bagilgal biktsé mizraj yerijó
Y el pueblo salió del Jordán el diez del mes primero (Nisán) y acamparon en Guilgal sobre al este de Jericó.
20
וְאֵת֩ שְׁתֵּ֨ים עֶשְׂרֵ֤ה הָֽאֲבָנִים֙ הָאֵ֔לֶּה אֲשֶׁ֥ר לָקְח֖וּ מִן־הַיַּרְדֵּ֑ן הֵקִ֥ים יְהוֹשֻׁ֖עַ בַּגִּלְגָּֽל׃
Ve’et sheteim esré ha’avanim ha’ele asher lakjú min-hayardén hekim yehoshúa bagilgal
Y las doce piedras que tomaron del Jordán, las erigió Yehoshua en Guilgal.
21
וַיֹּ֛אמֶר אֶל־בְּנֵ֥י יִשְׂרָאֵ֖ל לֵאמֹ֑ר אֲשֶׁר֩ יִשְׁאָל֨וּן בְּנֵיכֶ֤ם מָחָר֙ אֶת־אֲבוֹתָ֣ם לֵאמֹ֔ר מָ֖ה הָאֲבָנִ֥ים הָאֵֽלֶּה׃
Vayómer el-benéi Yisrael lemor asher yish’alún beneijem majar et-avotam lemor ma ha’avanim ha’ele
Y les habló a los hijos de Israel diciendo: Cuando preguntaren el día de mañana vuestros hijos a sus padres: ¿Qué son estas piedras?
22
וְהוֹדַעְתֶּ֖ם אֶת־בְּנֵיכֶ֣ם לֵאמֹ֑ר בַּיַּבָּשָׁה֙ עָבַ֣ר יִשְׂרָאֵ֔ל אֶת־הַיַּרְדֵּ֖ן הַזֶּֽה׃
Vehodatem et-beneijem lemor bayabasha avar Yisrael et-hayardén hazé
Les haréis saber a vuestros hijos que por tierra seca cruzó Israel este río Jordán.
23
אֲשֶׁר־הוֹבִישׁ֩ יְהוָ֨ה אֱלֹהֵיכֶ֜ם אֶת־מֵ֧י הַיַּרְדֵּ֛ן מִפְּנֵיכֶ֖ם עַֽד־עָבְרְכֶ֑ם כַּאֲשֶׁ֣ר עָשָׂה֩ יְהוָ֨ה אֱלֹהֵיכֶ֧ם לְיַם־ס֛וּף אֲשֶׁר־הוֹבִ֥ישׁ מִפָּנֵ֖ינוּ עַד־עָבְרֵֽנוּ׃
Asher-hovish Adonai Eloheijem et-mei hayardén mipeneijem ad-ovrejem ka’asher asa Adonai Eloheijem leyam-suf asher-hovish mipaneinu ad-ovrenu
Pues el Eterno vuestro Dios ha secado las aguas del Jordán delante de vosotros hasta que habéis cruzado, tal como hizo el Eterno vuestro Dios con el mar Rojo que secó delante nuestro hasta que cruzamos.
24
לְ֠מַעַן דַּ֜עַת כָּל־עַמֵּ֤י הָאָ֙רֶץ֙ אֶת־יַ֣ד יְהוָ֔ה כִּ֥י חֲזָקָ֖ה הִ֑יא לְמַ֧עַן יְרָאתֶ֛ם אֶת־יְהוָ֥ה אֱלֹהֵיכֶ֖ם כָּל־הַיָּמִֽים׃ (ס)
Lema’an dá’at kol-améi ha’arets et-yad Adonai ki jazaká hi lema’an yeratem et-Adonai Eloheijem kol-hayamim
Para que todos los pueblos de la tierra conozcan la mano de Dios, que es poderosa, para que temáis al Eterno vuestro Dios todos los días.
Josué
3
Josué
5
