תנ״ך
Tanaj (Biblia)
beneyisrael.com
Inicio
Portada
Apoyar
Biblioteca
Opciones de lectura
עברית
Fonética
Español
Taamim
Nikud
Letras
A−
100%
A+
Comentarios
Neviim · Zacarías
זכריה יד
Zacarías · Capítulo 14
21 versículos
20 comentarios
1
הִנֵּ֥ה יֽוֹם־בָּ֖א לַֽיהוָ֑ה וְחֻלַּ֥ק שְׁלָלֵ֖ךְ בְּקִרְבֵּֽךְ׃
Hiné yom-ba laAdonai vejulak shelalej bekirbej
He aquí, viene el día del Señor cuando serán repartidos tus despojos en medio de ti.
2
וְאָסַפְתִּ֨י אֶת־כָּל־הַגּוֹיִ֥ם ׀ אֶֽל־יְרוּשָׁלִַם֮ לַמִּלְחָמָה֒ וְנִלְכְּדָ֣ה הָעִ֗יר וְנָשַׁ֙סּוּ֙ הַבָּ֣תִּ֔ים וְהַנָּשִׁ֖ים תשגלנה [תִּשָּׁכַ֑בְנָה] וְיָצָ֞א חֲצִ֤י הָעִיר֙ בַּגּוֹלָ֔ה וְיֶ֣תֶר הָעָ֔ם לֹ֥א יִכָּרֵ֖ת מִן־הָעִֽיר׃
Ve’asaftí et-kol-hagoyim el-Yerushaláyim lamiljamá venilkedá ha’ir venashasu habatim vehanashim tishajavna veyatsá jatsí ha’ir bagolá veyéter ha’am lo yikaret min-ha’ir
Y Yo reuniré a todas las naciones en batalla contra Jerusalem; y será tomada la ciudad y serán saqueadas las casas y violadas las mujeres; la mitad de la ciudad será desterrada, pero el resto del pueblo no serán exiliados de la ciudad.
3
וְיָצָ֣א יְהוָ֔ה וְנִלְחַ֖ם בַּגּוֹיִ֣ם הָהֵ֑ם כְּי֥וֹם הִֽלָּחֲמ֖ו בְּי֥וֹם קְרָֽב׃
Veyatsá Adonai veniljam bagoyim hahem keiom hilajamó beiom kerav
Entonces saldrá el Señor y guerreará contra aquellas naciones, como cuando El peleó el día de la lucha.
4
וְעָמְד֣וּ רַגְלָ֣יו בַּיּוֹם־הַ֠הוּא עַל־הַ֨ר הַזֵּתִ֜ים אֲשֶׁ֨ר עַל־פְּנֵ֥י יְרוּשָׁלִַם֮ מִקֶּדֶם֒ וְנִבְקַע֩ הַ֨ר הַזֵּיתִ֤ים מֵֽחֶצְיוֹ֙ מִזְרָ֣חָה וָיָ֔מָּה גֵּ֖יא גְּדוֹלָ֣ה מְאֹ֑ד וּמָ֨שׁ חֲצִ֥י הָהָ֛ר צָפ֖וֹנָה וְחֶצְיוֹ־נֶֽגְבָּה׃
Ve’amdú raglav bayom-hahu al-har hazeitim asher al-penéi Yerushaláyim mikédem venivka har hazeitim mejetsyo mizraja vayama gei gedolá me’od umash jatsí hahar tsafona vejetsyo-negba
Sus pies se posarán aquel día en el monte de los Olivos, que está frente a Jerusalem, al oriente; y el monte de los Olivos se hendirá por el medio, de oriente a occidente, formando un enorme valle, y una mitad del monte se apartará hacia el norte y la otra mitad hacia el sur.
5
וְנַסְתֶּ֣ם גֵּֽיא־הָרַ֗י כִּֽי־יַגִּ֣יעַ גֵּי־הָרִים֮ אֶל־אָצַל֒ וְנַסְתֶּ֗ם כַּאֲשֶׁ֤ר נַסְתֶּם֙ מִפְּנֵ֣י הָרַ֔עַשׁ בִּימֵ֖י עֻזִּיָּ֣ה מֶֽלֶךְ־יְהוּדָ֑ה וּבָא֙ יְהוָ֣ה אֱלֹהַ֔י כָּל־קְדֹשִׁ֖ים עִמָּֽךְ׃
Venastem gei-harái ki-yagía gei-harim el-atsal venastem ka’asher nastem mipenéi hará’ash biméi uziyá melej-Yehudá uva Adonai Elohái kol-kedoshim imaj
Y huiréis al valle de Mis montes, porque el valle de los montes llegará hasta Atzal; huiréis tal como huisteis a causa del terremoto en los días de Uziá, rey de Yehudá. Y vendrá el Señor mi Dios, y todos los santos con Él.
6
וְהָיָ֖ה בַּיּ֣וֹם הַה֑וּא לֹֽא־יִהְיֶ֣ה א֔וֹר יְקָר֖וֹת יקפאון [וְקִפָּאֽוֹן׃]
Vehayá bayom hahú lo-yihyé or yekarot vekipaón
Y sucederá que en aquel día no habrá luz; las luminarias se oscurecerán.
7
וְהָיָ֣ה יוֹם־אֶחָ֗ד ה֛וּא יִוָּדַ֥ע לַֽיהוָ֖ה לֹא־י֣וֹם וְלֹא־לָ֑יְלָה וְהָיָ֥ה לְעֵֽת־עֶ֖רֶב יִֽהְיֶה־אֽוֹר׃
Vehayá yom-ejad hu yivadá laAdonai lo-yom velo-layla vehayá le’et-érev yihye-or
Será un día único, conocido sólo del Señor, ni día ni noche; y sucederá que a la hora de la tarde habrá luz.
8
וְהָיָ֣ה ׀ בַּיּ֣וֹם הַה֗וּא יֵצְא֤וּ מַֽיִם־חַיִּים֙ מִיר֣וּשָׁלִַ֔ם חֶצְיָ֗ם אֶל־הַיָּם֙ הַקַּדְמוֹנִ֔י וְחֶצְיָ֖ם אֶל־הַיָּ֣ם הָאַחֲר֑וֹן בַּקַּ֥יִץ וּבָחֹ֖רֶף יִֽהְיֶֽה׃
Vehayá bayom hahú yetsú mayim-jayim mirushalam jetsyam el-hayam hakadmoní vejetsyam el-hayam ha’ajarón bakayits uvajóref yihyé
En aquel día sucederá que brotarán aguas vivas de Jerusalem, una mitad hacia el mar oriental y la otra mitad hacia el mar occidental, será lo mismo en verano que en invierno.
9
וְהָיָ֧ה יְהוָ֛ה לְמֶ֖לֶךְ עַל־כָּל־הָאָ֑רֶץ בַּיּ֣וֹם הַה֗וּא יִהְיֶ֧ה יְהוָ֛ה אֶחָ֖ד וּשְׁמ֥וֹ אֶחָֽד׃
Vehayá Adonai lemélej al-kol-ha’arets bayom hahú yihyé Adonai ejad ushemó ejad
Y el Señor será rey sobre toda la tierra; aquel día el Señor será uno, y uno Su Nombre.
10
יִסּ֨וֹב כָּל־הָאָ֤רֶץ כָּעֲרָבָה֙ מִגֶּ֣בַע לְרִמּ֔וֹן נֶ֖גֶב יְרֽוּשָׁלִָ֑ם וְֽרָאֲמָה֩ וְיָשְׁבָ֨ה תַחְתֶּ֜יהָ לְמִשַּׁ֣עַר בִּנְיָמִ֗ן עַד־מְק֞וֹם שַׁ֤עַר הָֽרִאשׁוֹן֙ עַד־שַׁ֣עַר הַפִּנִּ֔ים וּמִגְדַּ֣ל חֲנַנְאֵ֔ל עַ֖ד יִקְבֵ֥י הַמֶּֽלֶךְ׃
Yisov kol-ha’arets ka’arava migeva lerimón négev Yerushaláyim vera’ama veyashvá tajteiha lemishá’ar binyamín ad-mekom shá’ar harishon ad-shá’ar hapinim umigdal janan’el ad yikvéi hamélej
Toda la tierra se volverá como una llanura desde Gueba hasta Rimón, al sur de Jerusalem; pero ésta se levantará y será habitada en su lugar desde la puerta de Biniamín hasta el lugar de la puerta Primera, hasta la puerta del Interior, y desde la torre de Jananel hasta los jardines del rey.
11
וְיָ֣שְׁבוּ בָ֔הּ וְחֵ֖רֶם לֹ֣א יִֽהְיֶה־ע֑וֹד וְיָשְׁבָ֥ה יְרוּשָׁלִַ֖ם לָבֶֽטַח׃
Veyashvu vah vejérem lo yihye-od veyashvá Yerushaláyim lavétaj
Y habitarán en ella y no habrá más maldición; y Jerusalem habitará en seguridad.
12
וְזֹ֣את ׀ תִּֽהְיֶ֣ה הַמַּגֵּפָ֗ה אֲשֶׁ֨ר יִגֹּ֤ף יְהוָה֙ אֶת־כָּל־הָ֣עַמִּ֔ים אֲשֶׁ֥ר צָבְא֖וּ עַל־יְרוּשָׁלִָ֑ם הָמֵ֣ק ׀ בְּשָׂר֗וֹ וְהוּא֙ עֹמֵ֣ד עַל־רַגְלָ֔יו וְעֵינָיו֙ תִּמַּ֣קְנָה בְחֹֽרֵיהֶ֔ן וּלְשׁוֹנ֖וֹ תִּמַּ֥ק בְּפִיהֶֽם׃
Vezot tihyé hamagefá asher yigof Adonai et-kol-ha’amim asher tsavú al-Yerushaláyim hamek besaró vehu omed al-raglav ve’einav timakna vejoreihén uleshonó timak befihem
Esta será la plaga con que el Señor herirá a todos los pueblos que han hecho guerra contra Jerusalem: se pudrirá su carne estando ellos aún de pie, y se pudrirán sus ojos en sus cavidades, y su lengua se pudrirá en su boca.
13
וְהָיָה֙ בַּיּ֣וֹם הַה֔וּא תִּֽהְיֶ֧ה מְהֽוּמַת־יְהוָ֛ה רַבָּ֖ה בָּהֶ֑ם וְהֶחֱזִ֗יקוּ אִ֚ישׁ יַ֣ד רֵעֵ֔הוּ וְעָלְתָ֥ה יָד֖וֹ עַל־יַ֥ד רֵעֵֽהוּ׃
Vehaya bayom hahú tihyé mehumat-Adonai rabá bahem vehejeziku ish yad re’ehu ve’altá yadó al-yad re’ehu
Y sucederá aquel día que habrá entre ellos un gran pánico del Señor; y cada uno agarrará la mano de su prójimo, y levantará su mano contra la mano de su prójimo.
14
וְגַ֨ם־יְהוּדָ֔ה תִּלָּחֵ֖ם בִּירֽוּשָׁלִָ֑ם וְאֻסַּף֩ חֵ֨יל כָּל־הַגּוֹיִ֜ם סָבִ֗יב זָהָ֥ב וָכֶ֛סֶף וּבְגָדִ֖ים לָרֹ֥ב מְאֹֽד׃
Vegam-Yehudá tilajem birushalam ve’usaf jeil kol-hagoyim saviv zahav vajésef uvegadim larov me’od
También Yehudá peleará en Jerusalem; y se amontonarán las riquezas de todas las naciones circunvecinas: oro, plata y vestidos en gran abundancia.
15
וְכֵ֨ן תִּֽהְיֶ֜ה מַגֵּפַ֣ת הַסּ֗וּס הַפֶּ֙רֶד֙ הַגָּמָ֣ל וְהַחֲמ֔וֹר וְכָ֨ל־הַבְּהֵמָ֔ה אֲשֶׁ֥ר יִהְיֶ֖ה בַּמַּחֲנ֣וֹת הָהֵ֑מָּה כַּמַּגֵּפָ֖ה הַזֹּֽאת׃
Vején tihyé magefat hasús hapered hagamal vehajamor vejol-habehemá asher yihyé bamajanot hahema kamagefá hazot
Como aquella plaga así será la plaga del caballo, del mulo, del camello, del asno y de todos los animales que haya en aquellos campamentos.
16
וְהָיָ֗ה כָּל־הַנּוֹתָר֙ מִכָּל־הַגּוֹיִ֔ם הַבָּאִ֖ים עַל־יְרֽוּשָׁלִָ֑ם וְעָל֞וּ מִדֵּ֧י שָׁנָ֣ה בְשָׁנָ֗ה לְהִֽשְׁתַּחֲוֺת֙ לְמֶ֙לֶךְ֙ יְהוָ֣ה צְבָא֔וֹת וְלָחֹ֖ג אֶת־חַ֥ג הַסֻּכּֽוֹת׃
Vehayá kol-hanotar mikol-hagoyim haba’im al-Yerushaláyim ve’alú midéi shaná veshaná lehishtajaot lemelej Adonai tsevaot velajog et-jag hasukot
Y sucederá que todo sobreviviente de todas las naciones que fueron contra Jerusalem subirán de año en año para prosternarse ante el Rey, el Señor de los ejércitos, y para celebrar la fiesta de Sucot.
17
וְ֠הָיָה אֲשֶׁ֨ר לֹֽא־יַעֲלֶ֜ה מֵאֵ֨ת מִשְׁפְּח֤וֹת הָאָ֙רֶץ֙ אֶל־יְר֣וּשָׁלִַ֔ם לְהִֽשְׁתַּחֲוֺ֔ת לְמֶ֖לֶךְ יְהוָ֣ה צְבָא֑וֹת וְלֹ֥א עֲלֵיהֶ֖ם יִהְיֶ֥ה הַגָּֽשֶׁם׃
Vehaya asher lo-ya’alé me’et mishpejot ha’arets el-Yerushaláyim lehishtajaot lemélej Adonai tsevaot veló aleihem yihyé hagáshem
Y sucederá que los de las familias de la tierra que no suban a Jerusalem para prosternarse ante el Rey, el Señor de los ejércitos, no recibirán lluvia sobre ellos.
18
וְאִם־מִשְׁפַּ֨חַת מִצְרַ֧יִם לֹֽא־תַעֲלֶ֛ה וְלֹ֥א בָאָ֖ה וְלֹ֣א עֲלֵיהֶ֑ם תִּֽהְיֶ֣ה הַמַּגֵּפָ֗ה אֲשֶׁ֨ר יִגֹּ֤ף יְהוָה֙ אֶת־הַגּוֹיִ֔ם אֲשֶׁר֙ לֹ֣א יַֽעֲל֔וּ לָחֹ֖ג אֶת־חַ֥ג הַסֻּכּֽוֹת׃
Ve’im-mishpájat Mitsraim lo-ta’alé veló va’á veló aleihem tihyé hamagefá asher yigof Adonai et-hagoyim asher lo ya’alú lajog et-jag hasukot
Y si la familia de Egipto no sube ni viene, entonces sobre ellos no habrá lluvia; será la plaga con la cual el Señor herirá a las naciones que no suban a celebrar la fiesta de los Tabernáculos.
19
זֹ֥את תִּהְיֶ֖ה חַטַּ֣את מִצְרָ֑יִם וְחַטַּאת֙ כָּל־הַגּוֹיִ֔ם אֲשֶׁר֙ לֹ֣א יַֽעֲל֔וּ לָחֹ֖ג אֶת־חַ֥ג הַסֻּכּֽוֹת׃
Zot tihyé jatat Mitsraim vejatat kol-hagoyim asher lo ya’alú lajog et-jag hasukot
Este será el castigo de Egipto y el castigo de todas las naciones que no suban a celebrar la fiesta de los Tabernáculos.
20
בַּיּ֣וֹם הַה֗וּא יִֽהְיֶה֙ עַל־מְצִלּ֣וֹת הַסּ֔וּס קֹ֖דֶשׁ לַֽיהוָ֑ה וְהָיָ֤ה הַסִּירוֹת֙ בְּבֵ֣ית יְהוָ֔ה כַּמִּזְרָקִ֖ים לִפְנֵ֥י הַמִּזְבֵּֽחַ׃
Bayom hahú yihye al-metsilot hasús kódesh laAdonai vehayá hasirot beveit Adonai kamizrakim lifnéi hamizbeaj
En aquel día estará grabado en los cascabeles de los caballos: “Santidad al Señor”. Y serán las ollas en la casa del Señor como los tazones delante del altar.
21
וְ֠הָיָה כָּל־סִ֨יר בִּירוּשָׁלִַ֜ם וּבִֽיהוּדָ֗ה קֹ֚דֶשׁ לַיהוָ֣ה צְבָא֔וֹת וּבָ֙אוּ֙ כָּל־הַזֹּ֣בְחִ֔ים וְלָקְח֥וּ מֵהֶ֖ם וּבִשְּׁל֣וּ בָהֶ֑ם וְלֹא־יִהְיֶ֨ה כְנַעֲנִ֥י ע֛וֹד בְּבֵית־יְהוָ֥ה צְבָא֖וֹת בַּיּ֥וֹם הַהֽוּא׃
Vehaya kol-sir birushalam uvihudá kódesh laAdonai tsevaot uvau kol-hazovjim velakjú mehem uvishelú vahem velo-yihyé jena’aní od beveit-Adonai tsevaot bayom hahú
Y toda olla en Jerusalem y en Yehudá será consagrada al Señor de los ejércitos; todos los que ofrezcan sacrificios vendrán y tomarán de ellas y en ellas cocerán; y no habrá más Cnaanim en la casa del Señor de los Ejércitos en aquel día.
Zacarías
13
Malaquías
1
