תנ״ך
Tanaj (Biblia)
beneyisrael.com
Inicio
Portada
Apoyar
Biblioteca
Opciones de lectura
עברית
Fonética
Español
Taamim
Nikud
Letras
A−
100%
A+
Comentarios
Neviim · Zacarías
זכריה ג
Zacarías · Capítulo 3
10 versículos
9 comentarios
1
וַיַּרְאֵ֗נִי אֶת־יְהוֹשֻׁ֙עַ֙ הַכֹּהֵ֣ן הַגָּד֔וֹל עֹמֵ֕ד לִפְנֵ֖י מַלְאַ֣ךְ יְהוָ֑ה וְהַשָּׂטָ֛ן עֹמֵ֥ד עַל־יְמִינ֖וֹ לְשִׂטְנֽוֹ׃
Vayar’eni et-yehoshua hakohén hagadol omed lifnéi mal’aj Adonai vehasatán omed al-yeminó lesitnó
Entonces me mostró al sumo sacerdote Yehoshua, que estaba delante del ángel del Señor; y el Satán estaba a su derecha para acusarlo.
2
וַיֹּ֨אמֶר יְהוָ֜ה אֶל־הַשָּׂטָ֗ן יִגְעַ֨ר יְהוָ֤ה בְּךָ֙ הַשָּׂטָ֔ן וְיִגְעַ֤ר יְהוָה֙ בְּךָ֔ הַבֹּחֵ֖ר בִּירֽוּשָׁלִָ֑ם הֲל֧וֹא זֶ֦ה א֖וּד מֻצָּ֥ל מֵאֵֽשׁ׃
Vayómer Adonai el-hasatán yig’ar Adonai beja hasatán veyig’ar Adonai bejá habojer birushalam haló ze ud mutsal me’esh
Y el Señor dijo al Satán: El Señor te reprenda, Satán. Repréndate el Señor que ha escogido a Jerusalem. ¿No es éste un tizón arrebatado del fuego?
3
וִיהוֹשֻׁ֕עַ הָיָ֥ה לָבֻ֖שׁ בְּגָדִ֣ים צוֹאִ֑ים וְעֹמֵ֖ד לִפְנֵ֥י הַמַּלְאָֽךְ׃
Vihoshúa hayá lavush begadim tso’im ve’omed lifnéi hamal’aj
Y Yehoshua estaba vestido de ropas sucias, en pie delante del ángel.
4
וַיַּ֣עַן וַיֹּ֗אמֶר אֶל־הָעֹמְדִ֤ים לְפָנָיו֙ לֵאמֹ֔ר הָסִ֛ירוּ הַבְּגָדִ֥ים הַצֹּאִ֖ים מֵעָלָ֑יו וַיֹּ֣אמֶר אֵלָ֗יו רְאֵ֨ה הֶעֱבַ֤רְתִּי מֵעָלֶ֙יךָ֙ עֲוֺנֶ֔ךָ וְהַלְבֵּ֥שׁ אֹתְךָ֖ מַחֲלָצֽוֹת׃
Vaya’an vayómer el-ha’omdim lefanav lemor hasiru habegadim hatso’im me’alav vayómer elav re’é he’evarti me’aleja aoneja vehalbesh otjá majalatsot
Y éste habló, y dijo a los que estaban delante de él: Quitadle las ropas sucias. Y le dijo a él: Mira, he quitado de ti tu iniquidad y te vestiré de ropas de gala.
5
וָאֹמַ֕ר יָשִׂ֛ימוּ צָנִ֥יף טָה֖וֹר עַל־רֹאשׁ֑וֹ וַיָּשִׂימוּ֩ הַצָּנִ֨יף הַטָּה֜וֹר עַל־רֹאשׁ֗וֹ וַיַּלְבִּשֻׁ֙הוּ֙ בְּגָדִ֔ים וּמַלְאַ֥ךְ יְהוָ֖ה עֹמֵֽד׃
Va’omar yasimu tsanif tahor al-roshó vayasimu hatsanif hatahor al-roshó vayalbishuhu begadim umal’aj Adonai omed
Después dijo: Que le pongan un turbante limpio en la cabeza. Y le pusieron un turbante limpio en la cabeza y le vistieron con ropas de gala; y el ángel del Señor estaba parado allí.
6
וַיָּ֙עַד֙ מַלְאַ֣ךְ יְהוָ֔ה בִּיהוֹשֻׁ֖עַ לֵאמֹֽר׃
Vaya’ad mal’aj Adonai bihoshúa lemor
Entonces el ángel del Señor amonestó a Yehoshua, diciendo:
7
כֹּה־אָמַ֞ר יְהוָ֣ה צְבָא֗וֹת אִם־בִּדְרָכַ֤י תֵּלֵךְ֙ וְאִ֣ם אֶת־מִשְׁמַרְתִּ֣י תִשְׁמֹ֔ר וְגַם־אַתָּה֙ תָּדִ֣ין אֶת־בֵּיתִ֔י וְגַ֖ם תִּשְׁמֹ֣ר אֶת־חֲצֵרָ֑י וְנָתַתִּ֤י לְךָ֙ מַהְלְכִ֔ים בֵּ֥ין הָעֹמְדִ֖ים הָאֵֽלֶּה׃
Ko-amar Adonai tsevaot im-bidrajái telej ve’im et-mishmartí tishmor vegam-ata tadín et-beití vegam tishmor et-jatserái venatatí leja mahlejim bein ha’omdim ha’ele
Así dice el Señor de los ejércitos: “Si anduviereis en Mis caminos, y si guardareis Mis ordenanzas, también tú gobernarás Mi casa; además tendrás a tu cargo Mis atrios y te daré libre acceso entre éstos que están aquí parados.
8
שְֽׁמַֽע־נָ֞א יְהוֹשֻׁ֣עַ ׀ הַכֹּהֵ֣ן הַגָּד֗וֹל אַתָּה֙ וְרֵעֶ֙יךָ֙ הַיֹּשְׁבִ֣ים לְפָנֶ֔יךָ כִּֽי־אַנְשֵׁ֥י מוֹפֵ֖ת הֵ֑מָּה כִּֽי־הִנְנִ֥י מֵבִ֛יא אֶת־עַבְדִּ֖י צֶֽמַח׃
Shema-na yehoshúa hakohén hagadol ata vere’eja hayoshvim lefaneja ki-anshéi mofet hema ki-hinení meví et-avdí tsémaj
Escucha ahora, Yehoshua, sumo sacerdote, tú y tus compañeros que se sientan ante ti, todos son hombres dignos, pues he aquí que Yo voy a traer a Mi siervo, el retoño.
9
כִּ֣י ׀ הִנֵּ֣ה הָאֶ֗בֶן אֲשֶׁ֤ר נָתַ֙תִּי֙ לִפְנֵ֣י יְהוֹשֻׁ֔עַ עַל־אֶ֥בֶן אַחַ֖ת שִׁבְעָ֣ה עֵינָ֑יִם הִנְנִ֧י מְפַתֵּ֣חַ פִּתֻּחָ֗הּ נְאֻם֙ יְהוָ֣ה צְבָא֔וֹת וּמַשְׁתִּ֛י אֶת־עֲוֺ֥ן הָאָֽרֶץ־הַהִ֖יא בְּי֥וֹם אֶחָֽד׃
Ki hiné ha’even asher natati lifnéi yehoshúa al-even ajat shiv’á eináyim hinení mefateaj pitujah ne’um Adonai tsevaot umashtí et-aon ha’arets-hahí beiom ejad
Porque he aquí la piedra que he puesto delante de Yehoshua, sobre esta única piedra hay siete ojos. He aquí, Yo tallaré sobre ella adornos, declara el Señor de los ejércitos, y quitaré la iniquidad de esta tierra en un solo día.
10
בַּיּ֣וֹם הַה֗וּא נְאֻם֙ יְהוָ֣ה צְבָא֔וֹת תִּקְרְא֖וּ אִ֣ישׁ לְרֵעֵ֑הוּ אֶל־תַּ֥חַת גֶּ֖פֶן וְאֶל־תַּ֥חַת תְּאֵנָֽה׃
Bayom hahú ne’um Adonai tsevaot tikreú ish lere’ehu el-tájat gefen ve’el-tájat te’ená
Aquel día, declara el Señor de los ejércitos, invitaréis cada uno a su prójimo bajo su parra y bajo su higuera."
Zacarías
2
Zacarías
4
