Jumash
Bereshit
Shemot
Vaikra
Bamidbar
Devarim
Opciones de lectura
עברית
Fonética
Español
Taamim
Nikud
Letras
A−
100%
A+
Portada
Apoyar
beneyisrael.com
Inicio
Bereshit · Génesis
Capítulo 24
Parashá
Hajei Sará
67 versículos
24 comentarios
1
וְאַבְרָהָ֣ם זָקֵ֔ן בָּ֖א בַּיָּמִ֑ים וַֽיהֹוָ֛ה בֵּרַ֥ךְ אֶת־אַבְרָהָ֖ם בַּכֹּֽל׃
Ve’avraham zakén ba bayamim vaAdonai beraj et-Avraham bakol
GÉNESIS Abraham era anciano, entrado en años y Adonai había bendecido a Abraham en todo.
2
וַיֹּ֣אמֶר אַבְרָהָ֗ם אֶל־עַבְדּוֹ֙ זְקַ֣ן בֵּית֔וֹ הַמֹּשֵׁ֖ל בְּכׇל־אֲשֶׁר־ל֑וֹ שִֽׂים־נָ֥א יָדְךָ֖ תַּ֥חַת יְרֵכִֽי׃
Vayómer Avraham el-avdo zekán beitó hamoshel bejol-asher-lo sim-na yadjá tájat yerejí
Dijo Abraham a su servidor, el mayordomo de su casa, el cual regía todo lo que él poseía: Pon ahora tu mano bajo mi muslo.
3
וְאַשְׁבִּ֣יעֲךָ֔ בַּֽיהֹוָה֙ אֱלֹהֵ֣י הַשָּׁמַ֔יִם וֵֽאלֹהֵ֖י הָאָ֑רֶץ אֲשֶׁ֨ר לֹֽא־תִקַּ֤ח אִשָּׁה֙ לִבְנִ֔י מִבְּנוֹת֙ הַֽכְּנַעֲנִ֔י אֲשֶׁ֥ר אָנֹכִ֖י יוֹשֵׁ֥ב בְּקִרְבּֽוֹ׃
Ve’ashbi’ajá baAdonai Elohéi hashamáyim velohéi ha’arets asher lo-tikaj isha livní mibenot hakena’aní asher anojí yoshev bekirbó
Y te juramentaré en nombre de Adonai, D’s de los cielos y D’s de la tierra: Que no habrás de tomar esposa para mi hijo, de entre las hijas de los Quenahan en medio de los cuales yo estoy asentado.
4
כִּ֧י אֶל־אַרְצִ֛י וְאֶל־מוֹלַדְתִּ֖י תֵּלֵ֑ךְ וְלָקַחְתָּ֥ אִשָּׁ֖ה לִבְנִ֥י לְיִצְחָֽק׃
Ki el-artsí ve’el-moladtí telej velakajtá ishá livní leyitsjak
Sino a mi tierra, donde nací, habrás de ir y habrás de tomar de allí una esposa para mi hijo, para Itshak.
5
וַיֹּ֤אמֶר אֵלָיו֙ הָעֶ֔בֶד אוּלַי֙ לֹא־תֹאבֶ֣ה הָֽאִשָּׁ֔ה לָלֶ֥כֶת אַחֲרַ֖י אֶל־הָאָ֣רֶץ הַזֹּ֑את הֶֽהָשֵׁ֤ב אָשִׁיב֙ אֶת־בִּנְךָ֔ אֶל־הָאָ֖רֶץ אֲשֶׁר־יָצָ֥אתָ מִשָּֽׁם׃
Vayómer elav ha’éved ulai lo-tové ha’ishá laléjet ajarái el-ha’arets hazot hehashev ashiv et-binjá el-ha’arets asher-yatsata misham
Díjole el servidor: Tal vez no desee la mujer ir en pos de mí a esta tierra, ¿Retornar habré de hacer retornar a tu hijo a la tierra de donde tú habías salido?
6
וַיֹּ֥אמֶר אֵלָ֖יו אַבְרָהָ֑ם הִשָּׁ֣מֶר לְךָ֔ פֶּן־תָּשִׁ֥יב אֶת־בְּנִ֖י שָֽׁמָּה׃
Vayómer elav Avraham hishámer lejá pen-tashiv et-bení shama
Díjole Abraham: ¡Guárdate, no hagas retornar a mi hijo allí!
7
יְהֹוָ֣ה ׀ אֱלֹהֵ֣י הַשָּׁמַ֗יִם אֲשֶׁ֨ר לְקָחַ֜נִי מִבֵּ֣ית אָבִי֮ וּמֵאֶ֣רֶץ מֽוֹלַדְתִּי֒ וַאֲשֶׁ֨ר דִּבֶּר־לִ֜י וַאֲשֶׁ֤ר נִֽשְׁבַּֽע־לִי֙ לֵאמֹ֔ר לְזַ֨רְעֲךָ֔ אֶתֵּ֖ן אֶת־הָאָ֣רֶץ הַזֹּ֑את ה֗וּא יִשְׁלַ֤ח מַלְאָכוֹ֙ לְפָנֶ֔יךָ וְלָקַחְתָּ֥ אִשָּׁ֛ה לִבְנִ֖י מִשָּֽׁם׃
Adonai Elohéi hashamáyim asher lekajani mibeit avi ume’erets moladtí va’asher diber-li va’asher nishba-li lemor lezar’ajá etén et-ha’arets hazot hu yishlaj mal’ajo lefaneja velakajtá ishá livní misham
Adonai, D’s de los cielos, que me tomó desde la casa de mi padre y desde la tierra de mi nacimiento y que me habló a mí y que me juró, a mí, diciendo: A tu descendencia daré esta tierra, Él enviará Su emisario delante de tí y tomarás una esposa para mi hijo, de allí.
8
וְאִם־לֹ֨א תֹאבֶ֤ה הָֽאִשָּׁה֙ לָלֶ֣כֶת אַחֲרֶ֔יךָ וְנִקִּ֕יתָ מִשְּׁבֻעָתִ֖י זֹ֑את רַ֣ק אֶת־בְּנִ֔י לֹ֥א תָשֵׁ֖ב שָֽׁמָּה׃
Ve’im-lo tové ha’isha laléjet ajareja venikita mishevu’atí zot rak et-bení lo tashev shama
Mas si no deseare la mujer ir en pos de tí, quedarás absuelto de éste, mi juramento. Pero a mi hijo no harás retornar allí
9
וַיָּ֤שֶׂם הָעֶ֙בֶד֙ אֶת־יָד֔וֹ תַּ֛חַת יֶ֥רֶךְ אַבְרָהָ֖ם אֲדֹנָ֑יו וַיִּשָּׁ֣בַֽע ל֔וֹ עַל־הַדָּבָ֖ר הַזֶּֽה׃
Vayásem ha’eved et-yadó tájat yérej Avraham adonav vayishava lo al-hadavar hazé
Puso el servidor su mano bajo el muslo de Abraham, su señor y le prestó juramento, respecto a esta cosa. Tercera
10
וַיִּקַּ֣ח הָ֠עֶ֠בֶד עֲשָׂרָ֨ה גְמַלִּ֜ים מִגְּמַלֵּ֤י אֲדֹנָיו֙ וַיֵּ֔לֶךְ וְכׇל־ט֥וּב אֲדֹנָ֖יו בְּיָד֑וֹ וַיָּ֗קׇם וַיֵּ֛לֶךְ אֶל־אֲרַ֥ם נַֽהֲרַ֖יִם אֶל־עִ֥יר נָחֽוֹר׃
Vayikaj ha’eved asará gemalim migemaléi adonav vayélej vejol-tuv adonav beyadó vayákom vayélej el-aram naharáyim el-ir najor
Tomó, pues, el servidor diez camellos - de los camellos de su señor - y partió y en su poder, lo mejor de los bienes de su señor. Se encaminó y partió hacia Aram-Naharaim, hacia la ciudad de Nahor.
11
וַיַּבְרֵ֧ךְ הַגְּמַלִּ֛ים מִח֥וּץ לָעִ֖יר אֶל־בְּאֵ֣ר הַמָּ֑יִם לְעֵ֣ת עֶ֔רֶב לְעֵ֖ת צֵ֥את הַשֹּׁאֲבֹֽת׃
Vayavrej hagemalim mijúts la’ir el-be’er hamáyim le’et érev le’et tset hasho’avot
Hizo arrodillar los camellos, en las afueras de la ciudad, junto a un pozo de agua, al atardecer, a la hora en que las mozas solían ir por agua.
12
וַיֹּאמַ֓ר ׀ יְהֹוָ֗ה אֱלֹהֵי֙ אֲדֹנִ֣י אַבְרָהָ֔ם הַקְרֵה־נָ֥א לְפָנַ֖י הַיּ֑וֹם וַעֲשֵׂה־חֶ֕סֶד עִ֖ם אֲדֹנִ֥י אַבְרָהָֽם׃
Vayomar Adonai Elohei Adonai Avraham hakre-na lefanái hayom va’ase-jésed im Adonai Avraham
Dijo: Adonai, D’s de mi señor Abraham, depárame un suceso hoy, te lo ruego y manifiesta benevolencia para con mi señor Abraham.
13
הִנֵּ֛ה אָנֹכִ֥י נִצָּ֖ב עַל־עֵ֣ין הַמָּ֑יִם וּבְנוֹת֙ אַנְשֵׁ֣י הָעִ֔יר יֹצְאֹ֖ת לִשְׁאֹ֥ב מָֽיִם׃
Hiné anojí nitsav al-ein hamáyim uvenot anshéi ha’ir yots’ot lish’ov máyim
He aquí que yo estoy de pie a la vera del manantial de agua y las hijas de los habitantes de la ciudad están saliendo por agua.
14
וְהָיָ֣ה הַֽנַּעֲרָ֗ אֲשֶׁ֨ר אֹמַ֤ר אֵלֶ֙יהָ֙ הַטִּי־נָ֤א כַדֵּךְ֙ וְאֶשְׁתֶּ֔ה וְאָמְרָ֣ה שְׁתֵ֔ה וְגַם־גְּמַלֶּ֖יךָ אַשְׁקֶ֑ה אֹתָ֤הּ הֹכַ֙חְתָּ֙ לְעַבְדְּךָ֣ לְיִצְחָ֔ק וּבָ֣הּ אֵדַ֔ע כִּי־עָשִׂ֥יתָ חֶ֖סֶד עִם־אֲדֹנִֽי׃
Vehayá hana’ará asher omar eleiha hati-na jadej ve’eshté ve’amrá sheté vegam-gemaleja ashké otah hojajta le’avdejá leyitsjak uvah edá ki-asita jésed im-Adonai
Que sea que la moza a la cual yo diga: Inclina, por favor, tu cántaro para que yo beba y que ella diga: Bebe y también a tus camellos abrevaré - que sea ella la que has indicado para tu servidor, para Itshak - por ella habré de saber que has manifestado benevolencia, para con mi señor.
15
וַֽיְהִי־ה֗וּא טֶ֘רֶם֮ כִּלָּ֣ה לְדַבֵּר֒ וְהִנֵּ֧ה רִבְקָ֣ה יֹצֵ֗את אֲשֶׁ֤ר יֻלְּדָה֙ לִבְתוּאֵ֣ל בֶּן־מִלְכָּ֔ה אֵ֥שֶׁת נָח֖וֹר אֲחִ֣י אַבְרָהָ֑ם וְכַדָּ֖הּ עַל־שִׁכְמָֽהּ׃
Vayhi-hu térem kilá ledaber vehiné rivká yotset asher yuleda livtu’el ben-milká éshet najor ají Avraham vejadah al-shijmah
Y ocurrió que él todavía no había concluído de hablar y he aquí que Rivkáh salía - la que le había nacido a Betuel, hijo de Milcáh, esposa de Nahor, hermano de Abraham - con su cántaro sobre su hombro.
16
וְהַֽנַּעֲרָ֗ טֹבַ֤ת מַרְאֶה֙ מְאֹ֔ד בְּתוּלָ֕ה וְאִ֖ישׁ לֹ֣א יְדָעָ֑הּ וַתֵּ֣רֶד הָעַ֔יְנָה וַתְּמַלֵּ֥א כַדָּ֖הּ וַתָּֽעַל׃
Vehana’ará tovat mar’e me’od betulá ve’ish lo yeda’ah vatéred ha’ayna vatemalé jadah vatá’al
Y la moza era de muy hermoso parecer, virgen y ningún hombre la había conocido. Bajó hasta el manantial, llenó su cántaro y subió.
17
וַיָּ֥רׇץ הָעֶ֖בֶד לִקְרָאתָ֑הּ וַיֹּ֕אמֶר הַגְמִיאִ֥ינִי נָ֛א מְעַט־מַ֖יִם מִכַּדֵּֽךְ׃
Vayarots ha’éved likratah vayómer hagmi’ini na me’at-máyim mikadej
Corrió el servidor a su encuentro y dijo: Dame de sorber ahora - un poco de agua de tu cántaro.
18
וַתֹּ֖אמֶר שְׁתֵ֣ה אֲדֹנִ֑י וַתְּמַהֵ֗ר וַתֹּ֧רֶד כַּדָּ֛הּ עַל־יָדָ֖הּ וַתַּשְׁקֵֽהוּ׃
Vatómer sheté Adonai vatemaher vatóred kadah al-yadah vatashkehu
Dijo ella: bebe señor mío y apresuróse y bajó su cántaro hasta su mano y le dió de beber.
19
וַתְּכַ֖ל לְהַשְׁקֹת֑וֹ וַתֹּ֗אמֶר גַּ֤ם לִגְמַלֶּ֙יךָ֙ אֶשְׁאָ֔ב עַ֥ד אִם־כִּלּ֖וּ לִשְׁתֹּֽת׃
Vatejal lehashkotó vatómer gam ligmaleja esh’av ad im-kilú lishtot
Cuando hubo concluído de darle de beber ella dijo: También para tus camellos traeré agua, hasta que hayan concluído de beber.
20
וַתְּמַהֵ֗ר וַתְּעַ֤ר כַּדָּהּ֙ אֶל־הַשֹּׁ֔קֶת וַתָּ֥רׇץ ע֛וֹד אֶֽל־הַבְּאֵ֖ר לִשְׁאֹ֑ב וַתִּשְׁאַ֖ב לְכׇל־גְּמַלָּֽיו׃
Vatemaher vate’ar kadah el-hashóket vatarots od el-habe’er lish’ov vatish’av lejol-gemalav
Apresuróse y yació su cántaro en el abrevadero y corrió otra vez al pozo por agua y sacó agua para todos sus camellos.
21
וְהָאִ֥ישׁ מִשְׁתָּאֵ֖ה לָ֑הּ מַחֲרִ֕ישׁ לָדַ֗עַת הַֽהִצְלִ֧יחַ יְהֹוָ֛ה דַּרְכּ֖וֹ אִם־לֹֽא׃
Veha’ish mishta’é lah majarish ladá’at hahitsliaj Adonai darkó im-lo
Y el hombre la miraba con asombro, sumido en silencio; para saber si Adonai le había conducido por la senda del éxito o no.
22
וַיְהִ֗י כַּאֲשֶׁ֨ר כִּלּ֤וּ הַגְּמַלִּים֙ לִשְׁתּ֔וֹת וַיִּקַּ֤ח הָאִישׁ֙ נֶ֣זֶם זָהָ֔ב בֶּ֖קַע מִשְׁקָל֑וֹ וּשְׁנֵ֤י צְמִידִים֙ עַל־יָדֶ֔יהָ עֲשָׂרָ֥ה זָהָ֖ב מִשְׁקָלָֽם׃
Vayhí ka’asher kilú hagemalim lishtot vayikaj ha’ish nézem zahav beka mishkaló ushenéi tsemidim al-yadeiha asará zahav mishkalam
Ocurrió que cuando hubieron concluído los camellos de beber tomó el hombre un zarcillo de oro - un Bekah era su peso - y dos brazaletes para sus manos - diez shekalim de oro era su peso.
23
וַיֹּ֙אמֶר֙ בַּת־מִ֣י אַ֔תְּ הַגִּ֥ידִי נָ֖א לִ֑י הֲיֵ֧שׁ בֵּית־אָבִ֛יךְ מָק֥וֹם לָ֖נוּ לָלִֽין׃
Vayomer bat-mi ate hagidi na li hayesh beit-avij makom lanu lalín
Dijo él: ¿Hija de quién eres? Dime, por favor, ¿Hay en casa de tu padre lugar para nosotros, para pernoctar?
24
וַתֹּ֣אמֶר אֵלָ֔יו בַּת־בְּתוּאֵ֖ל אָנֹ֑כִי בֶּן־מִלְכָּ֕ה אֲשֶׁ֥ר יָלְדָ֖ה לְנָחֽוֹר׃
Vatómer elav bat-betu’el anoji ben-milká asher yaldá lenajor
Díjole: Hija de Betuel soy yo, el hijo que Milcáh dió a Nahor
25
וַתֹּ֣אמֶר אֵלָ֔יו גַּם־תֶּ֥בֶן גַּם־מִסְפּ֖וֹא רַ֣ב עִמָּ֑נוּ גַּם־מָק֖וֹם לָלֽוּן׃
Vatómer elav gam-teven gam-mispó rav imanu gam-makom lalún
Dijole Tanto paja como forraje tenemos en abundancia y también lugar para pernoctar.
26
וַיִּקֹּ֣ד הָאִ֔ישׁ וַיִּשְׁתַּ֖חוּ לַֽיהֹוָֽה׃
Vayikod ha’ish vayishtaju laAdonai
Se inclinó el hombre y se prosternó a Adonai.
Aliá · Cuarta
27
וַיֹּ֗אמֶר בָּר֤וּךְ יְהֹוָה֙ אֱלֹהֵי֙ אֲדֹנִ֣י אַבְרָהָ֔ם אֲ֠שֶׁ֠ר לֹֽא־עָזַ֥ב חַסְדּ֛וֹ וַאֲמִתּ֖וֹ מֵעִ֣ם אֲדֹנִ֑י אָנֹכִ֗י בַּדֶּ֙רֶךְ֙ נָחַ֣נִי יְהֹוָ֔ה בֵּ֖ית אֲחֵ֥י אֲדֹנִֽי׃
Vayómer baruje Adonai Elohei Adonai Avraham asher lo-azav jasdó va’amitó me’im Adonai anojí baderej najani Adonai beit ajéi Adonai
Dijo: Bendito sea Adonai - D’s de Abraham, mi señor - que no ha dejado Su benevolencia y Su verdad de con mi señor; yo estoy en la senda, pues Adonai me ha conducido hasta la casa de los hermanos de mi señor.
28
וַתָּ֙רׇץ֙ הַֽנַּעֲרָ֔ וַתַּגֵּ֖ד לְבֵ֣ית אִמָּ֑הּ כַּדְּבָרִ֖ים הָאֵֽלֶּה׃
Vatarots hana’ará vataged leveit imah kadevarim ha’ele
Corrió la moza a la casa de su madre y relató de acuerdo a estos eventos.
29
וּלְרִבְקָ֥ה אָ֖ח וּשְׁמ֣וֹ לָבָ֑ן וַיָּ֨רׇץ לָבָ֧ן אֶל־הָאִ֛ישׁ הַח֖וּצָה אֶל־הָעָֽיִן׃
Ulerivká aj ushemó laván vayarots laván el-ha’ish hajutsa el-ha’ayin
Empero, Rivkáh tenía un hermano que se llamaba Labán, corrió pues Labán hasta el hombre, afuera, hasta la fuente.
30
וַיְהִ֣י ׀ כִּרְאֹ֣ת אֶת־הַנֶּ֗זֶם וְֽאֶת־הַצְּמִדִים֮ עַל־יְדֵ֣י אֲחֹתוֹ֒ וּכְשׇׁמְע֗וֹ אֶת־דִּבְרֵ֞י רִבְקָ֤ה אֲחֹתוֹ֙ לֵאמֹ֔ר כֹּֽה־דִבֶּ֥ר אֵלַ֖י הָאִ֑ישׁ וַיָּבֹא֙ אֶל־הָאִ֔ישׁ וְהִנֵּ֛ה עֹמֵ֥ד עַל־הַגְּמַלִּ֖ים עַל־הָעָֽיִן׃
Vayhí kir’ot et-hanézem ve’et-hatsemidim al-yedéi ajotó ujeshomó et-divréi rivká ajoto lemor ko-diber elái ha’ish vayavo el-ha’ish vehiné omed al-hagemalim al-ha’ayin
Y fue que al mirar él el zarcillo y los brazaletes sobre las manos de su hermana y al haber oído las palabras de Rivkáh, su hermana diciendo: Así me ha hablado el hombre... Entonces se allegó hasta el hombre que estaba de pie cerca de los camellos, a la vera del manantial.
31
וַיֹּ֕אמֶר בּ֖וֹא בְּר֣וּךְ יְהֹוָ֑ה לָ֤מָּה תַעֲמֹד֙ בַּח֔וּץ וְאָנֹכִי֙ פִּנִּ֣יתִי הַבַּ֔יִת וּמָק֖וֹם לַגְּמַלִּֽים׃
Vayómer bo beruje Adonai lama ta’amod bajúts ve’anoji piniti habáyit umakom lagemalim
Dijo: Ven, bendecido por Adonai, ¿por qué habrás de permanecer afuera? ya que yo he despejado la casa y hecho lugar para los camellos.
32
וַיָּבֹ֤א הָאִישׁ֙ הַבַּ֔יְתָה וַיְפַתַּ֖ח הַגְּמַלִּ֑ים וַיִּתֵּ֨ן תֶּ֤בֶן וּמִסְפּוֹא֙ לַגְּמַלִּ֔ים וּמַ֙יִם֙ לִרְחֹ֣ץ רַגְלָ֔יו וְרַגְלֵ֥י הָאֲנָשִׁ֖ים אֲשֶׁ֥ר אִתּֽוֹ׃
Vayavó ha’ish habayta vayfataj hagemalim vayitén teven umispo lagemalim umayim lirjóts raglav veragléi ha’anashim asher itó
Vino pues el hombre hasta la casa, desaparejó los camellos y dió paja y forraje para los camellos y agua para lavar sus pies y los pies de los hombres que estaban con él.
33
(ויישם) [וַיּוּשַׂ֤ם] לְפָנָיו֙ לֶאֱכֹ֔ל וַיֹּ֙אמֶר֙ לֹ֣א אֹכַ֔ל עַ֥ד אִם־דִּבַּ֖רְתִּי דְּבָרָ֑י וַיֹּ֖אמֶר דַּבֵּֽר׃
Vayusam lefanav le’ejol vayomer lo ojal ad im-dibarti devarái vayómer daber
Le fue servida comida, mas él dijo: No comeré hasta que haya hablado mis palabras. Y dijo: ¡Habla!
34
וַיֹּאמַ֑ר עֶ֥בֶד אַבְרָהָ֖ם אָנֹֽכִי׃
Vayomar éved Avraham anoji
Dijo él. Yo soy servidor de Abraham.
35
וַיהֹוָ֞ה בֵּרַ֧ךְ אֶת־אֲדֹנִ֛י מְאֹ֖ד וַיִּגְדָּ֑ל וַיִּתֶּן־ל֞וֹ צֹ֤אן וּבָקָר֙ וְכֶ֣סֶף וְזָהָ֔ב וַעֲבָדִם֙ וּשְׁפָחֹ֔ת וּגְמַלִּ֖ים וַחֲמֹרִֽים׃
VaAdonai beraj et-Adonai me’od vayigdal vayiten-lo tson uvakar vejésef vezahav va’avadim ushefajot ugemalim vajamorim
Y Adonai ha bendecido a mi señor, mucho y se acrecentó: Le dió ganado ovino y bovino, plata y oro, escalavos y esclavas, camellos y asnos.
36
וַתֵּ֡לֶד שָׂרָה֩ אֵ֨שֶׁת אֲדֹנִ֥י בֵן֙ לַֽאדֹנִ֔י אַחֲרֵ֖י זִקְנָתָ֑הּ וַיִּתֶּן־ל֖וֹ אֶת־כׇּל־אֲשֶׁר־לֽוֹ׃
Vatéled sara éshet Adonai ven ladoní ajaréi ziknatah vayiten-lo et-kol-asher-lo
Y dió a luz Saráh - esposa de mi señor - un hijo para mi señor, después de haber envejecido y él le ha dado todos sus bienes.
37
וַיַּשְׁבִּעֵ֥נִי אֲדֹנִ֖י לֵאמֹ֑ר לֹא־תִקַּ֤ח אִשָּׁה֙ לִבְנִ֔י מִבְּנוֹת֙ הַֽכְּנַעֲנִ֔י אֲשֶׁ֥ר אָנֹכִ֖י יֹשֵׁ֥ב בְּאַרְצֽוֹ׃
Vayashbi’eni Adonai lemor lo-tikaj isha livní mibenot hakena’aní asher anojí yoshev be’artsó
Me juramentó mi señor, diciendo: No habrás de tomar esposa para mi hijo, de entre las hijas de los Quenahanim, en cuya tierra yo estoy asentado.
38
אִם־לֹ֧א אֶל־בֵּית־אָבִ֛י תֵּלֵ֖ךְ וְאֶל־מִשְׁפַּחְתִּ֑י וְלָקַחְתָּ֥ אִשָּׁ֖ה לִבְנִֽי׃
Im-lo el-beit-aví telej ve’el-mishpajtí velakajtá ishá livní
Sino que a la casa de mi padre habrás de ir y a mi familia y habrás de tomar una esposa para mi hijo.
39
וָאֹמַ֖ר אֶל־אֲדֹנִ֑י אֻלַ֛י לֹא־תֵלֵ֥ךְ הָאִשָּׁ֖ה אַחֲרָֽי׃
Va’omar el-Adonai ulái lo-telej ha’ishá ajarái
Mas yo dije a mi señor: ¡Tal vez la mujer no quiera venir en pos de mí!
40
וַיֹּ֖אמֶר אֵלָ֑י יְהֹוָ֞ה אֲשֶׁר־הִתְהַלַּ֣כְתִּי לְפָנָ֗יו יִשְׁלַ֨ח מַלְאָכ֤וֹ אִתָּךְ֙ וְהִצְלִ֣יחַ דַּרְכֶּ֔ךָ וְלָקַחְתָּ֤ אִשָּׁה֙ לִבְנִ֔י מִמִּשְׁפַּחְתִּ֖י וּמִבֵּ֥ית אָבִֽי׃
Vayómer elái Adonai asher-hithalajti lefanav yishlaj mal’ajó itaj vehitsliaj darkeja velakajtá isha livní mimishpajtí umibeit aví
Díjome él: Adonai, ante quien me he encaminado, enviará Su emisario junto a tí, dará éxito a tu senda y tomarás una esposa para mi hijo, de mi familia y de la casa de mi padre.
41
אָ֤ז תִּנָּקֶה֙ מֵאָ֣לָתִ֔י כִּ֥י תָב֖וֹא אֶל־מִשְׁפַּחְתִּ֑י וְאִם־לֹ֤א יִתְּנוּ֙ לָ֔ךְ וְהָיִ֥יתָ נָקִ֖י מֵאָלָתִֽי׃
Az tinake me’alatí ki tavó el-mishpajtí ve’im-lo yitenu laj vehayita nakí me’alatí
Sólo entonces quedarás absuelto de mi imprecación: Si vinieres hasta mi familia y si ellos no te lo concedieren quedarás absuelto de mi imprecación.
42
וָאָבֹ֥א הַיּ֖וֹם אֶל־הָעָ֑יִן וָאֹמַ֗ר יְהֹוָה֙ אֱלֹהֵי֙ אֲדֹנִ֣י אַבְרָהָ֔ם אִם־יֶשְׁךָ־נָּא֙ מַצְלִ֣יחַ דַּרְכִּ֔י אֲשֶׁ֥ר אָנֹכִ֖י הֹלֵ֥ךְ עָלֶֽיהָ׃
Va’avó hayom el-ha’ayin va’omar Adonai Elohei Adonai Avraham im-yeshja-na matsliaj darkí asher anojí holej aleiha
Me allegué hoy hasta el manantial y dije: Adonai, D’s de mi señor Abraham: Si has de conceder ahora, éxito a mi senda por la cual yo estoy encaminado...
43
הִנֵּ֛ה אָנֹכִ֥י נִצָּ֖ב עַל־עֵ֣ין הַמָּ֑יִם וְהָיָ֤ה הָֽעַלְמָה֙ הַיֹּצֵ֣את לִשְׁאֹ֔ב וְאָמַרְתִּ֣י אֵלֶ֔יהָ הַשְׁקִֽינִי־נָ֥א מְעַט־מַ֖יִם מִכַּדֵּֽךְ׃
Hiné anojí nitsav al-ein hamáyim vehayá ha’alma hayotset lish’ov ve’amartí eleiha hashkini-na me’at-máyim mikadej
Heme aquí que yo estoy de pie a la vera del manantial de agua, que sea: que la moza que sale por agua y a la que yo le diga: Dame de beber un poco de agua de tu cántaro.
44
וְאָמְרָ֤ה אֵלַי֙ גַּם־אַתָּ֣ה שְׁתֵ֔ה וְגַ֥ם לִגְמַלֶּ֖יךָ אֶשְׁאָ֑ב הִ֣וא הָֽאִשָּׁ֔ה אֲשֶׁר־הֹכִ֥יחַ יְהֹוָ֖ה לְבֶן־אֲדֹנִֽי׃
Ve’amrá elai gam-atá sheté vegam ligmaleja esh’av hiv ha’ishá asher-hojiaj Adonai leven-Adonai
Y que ella me diga Bebe tu y también para tus camellos sacaré agua, que sea ella la mujer que ha indicado Adonai para el hijo de mi señor.
45
אֲנִי֩ טֶ֨רֶם אֲכַלֶּ֜ה לְדַבֵּ֣ר אֶל־לִבִּ֗י וְהִנֵּ֨ה רִבְקָ֤ה יֹצֵאת֙ וְכַדָּ֣הּ עַל־שִׁכְמָ֔הּ וַתֵּ֥רֶד הָעַ֖יְנָה וַתִּשְׁאָ֑ב וָאֹמַ֥ר אֵלֶ֖יהָ הַשְׁקִ֥ינִי נָֽא׃
Ani térem ajalé ledaber el-libí vehiné rivká yotset vejadah al-shijmah vatéred ha’ayna vatish’av va’omar eleiha hashkini na
Antes de concluir yo de meditar - en mi corazón - y he aquí que Rivkáh salía con su cántaro sobre su hombro y bajó hasta el manantial y sacó agua. Y yo le dije a ella: Dame de beber, te ruego.
46
וַתְּמַהֵ֗ר וַתּ֤וֹרֶד כַּדָּהּ֙ מֵֽעָלֶ֔יהָ וַתֹּ֣אמֶר שְׁתֵ֔ה וְגַם־גְּמַלֶּ֖יךָ אַשְׁקֶ֑ה וָאֵ֕שְׁתְּ וְגַ֥ם הַגְּמַלִּ֖ים הִשְׁקָֽתָה׃
Vatemaher vatóred kadah me’aleiha vatómer sheté vegam-gemaleja ashké va’eshte vegam hagemalim hishkata
Apresuróse ella y bajó su cántaro de sobre sí y dijo: Bebe y también a tus camellos habré de abrevar Y bebí y también a los camellos abrevo
47
וָאֶשְׁאַ֣ל אֹתָ֗הּ וָאֹמַר֮ בַּת־מִ֣י אַתְּ֒ וַתֹּ֗אמֶר בַּת־בְּתוּאֵל֙ בֶּן־נָח֔וֹר אֲשֶׁ֥ר יָֽלְדָה־לּ֖וֹ מִלְכָּ֑ה וָאָשִׂ֤ם הַנֶּ֙זֶם֙ עַל־אַפָּ֔הּ וְהַצְּמִידִ֖ים עַל־יָדֶֽיהָ׃
Va’esh’al otah va’omar bat-mi até vatómer bat-betu’el ben-najor asher yalda-lo milká va’asim hanezem al-apah vehatsemidim al-yadeiha
Y yo le pregunte y dije: ¿Hija de quien eres tú? Dijo ella: Hija de Betuel - hijo de Nahor - que Milcah dió a luz para él - entonces puse el zarcillo sobre su nariz y los brazaletes sobre sus manos.
48
וָאֶקֹּ֥ד וָֽאֶשְׁתַּחֲוֶ֖ה לַיהֹוָ֑ה וָאֲבָרֵ֗ךְ אֶת־יְהֹוָה֙ אֱלֹהֵי֙ אֲדֹנִ֣י אַבְרָהָ֔ם אֲשֶׁ֤ר הִנְחַ֙נִי֙ בְּדֶ֣רֶךְ אֱמֶ֔ת לָקַ֛חַת אֶת־בַּת־אֲחִ֥י אֲדֹנִ֖י לִבְנֽוֹ׃
Va’ekod va’eshtajavé laAdonai va’avarej et-Adonai Elohei Adonai Avraham asher hinjani bedérej emet lakájat et-bat-ají Adonai livnó
Me incliné y me prosterné ante Adonai y bendije a Adonai, D’s de mi señor Abraham; que me había conducidopor una senda de verdad, para tomar a la hija del hermano de mi señor para su hijo
49
וְ֠עַתָּ֠ה אִם־יֶשְׁכֶ֨ם עֹשִׂ֜ים חֶ֧סֶד וֶֽאֱמֶ֛ת אֶת־אֲדֹנִ֖י הַגִּ֣ידוּ לִ֑י וְאִם־לֹ֕א הַגִּ֣ידוּ לִ֔י וְאֶפְנֶ֥ה עַל־יָמִ֖ין א֥וֹ עַל־שְׂמֹֽאל׃
Ve’ata im-yeshjem osim jésed ve’emet et-Adonai hagidu li ve’im-lo hagidu li ve’efné al-yamín o al-semol
Ahora, pues, si habréis de obrar con bondad y verdad para con mi señor, decídmelo y si no, decídmelo y tornaré hacia la derecha o hacia la izquierda
50
וַיַּ֨עַן לָבָ֤ן וּבְתוּאֵל֙ וַיֹּ֣אמְר֔וּ מֵיְהֹוָ֖ה יָצָ֣א הַדָּבָ֑ר לֹ֥א נוּכַ֛ל דַּבֵּ֥ר אֵלֶ֖יךָ רַ֥ע אוֹ־טֽוֹב׃
Vaya’an laván uvetu’el vayomrú meAdonai yatsá hadavar lo nujal daber eleja ra o-tov
Respondió Labán y también Betuel y dijeron: De Adonai ha salido la cosa. No podremos decirte: Malo ó bueno.
51
הִנֵּֽה־רִבְקָ֥ה לְפָנֶ֖יךָ קַ֣ח וָלֵ֑ךְ וּתְהִ֤י אִשָּׁה֙ לְבֶן־אֲדֹנֶ֔יךָ כַּאֲשֶׁ֖ר דִּבֶּ֥ר יְהֹוָֽה׃
Hine-rivká lefaneja kaj valej utehí isha leven-adoneja ka’asher diber Adonai
He aquí Rivkáh, ante tí, tómala y parte y que sea la esposa del hijo de tu señor, como Adonai lo ha manifestado.
52
וַיְהִ֕י כַּאֲשֶׁ֥ר שָׁמַ֛ע עֶ֥בֶד אַבְרָהָ֖ם אֶת־דִּבְרֵיהֶ֑ם וַיִּשְׁתַּ֥חוּ אַ֖רְצָה לַֽיהֹוָֽה׃
Vayhí ka’asher shamá éved Avraham et-divreihem vayishtaju artsa laAdonai
Y fué que al oir el servidor de Abraham sus palabras, se prosternó a tierra, ante Adonai. Quinta
53
וַיּוֹצֵ֨א הָעֶ֜בֶד כְּלֵי־כֶ֨סֶף וּכְלֵ֤י זָהָב֙ וּבְגָדִ֔ים וַיִּתֵּ֖ן לְרִבְקָ֑ה וּמִ֨גְדָּנֹ֔ת נָתַ֥ן לְאָחִ֖יהָ וּלְאִמָּֽהּ׃
Vayotsé ha’éved kelei-jésef ujeléi zahav uvegadim vayitén lerivká umigdanot natán le’ajiha ule’imah
Sacó el servidor objetos de plata y objetos de oro y ropajes y se los dió a Rivkáh y dió presentes a su hermano ya su madre.
54
וַיֹּאכְל֣וּ וַיִּשְׁתּ֗וּ ה֛וּא וְהָאֲנָשִׁ֥ים אֲשֶׁר־עִמּ֖וֹ וַיָּלִ֑ינוּ וַיָּק֣וּמוּ בַבֹּ֔קֶר וַיֹּ֖אמֶר שַׁלְּחֻ֥נִי לַֽאדֹנִֽי׃
Vayojlú vayishtú hu veha’anashim asher-imó vayalinu vayakumu vabóker vayómer shalejuni ladoní
Comieron y bebieron, él y los hombres que estaban con él y pernoctaron. Se levantaron por la mañana y dijo: Permitidme volver a mi señor.
55
וַיֹּ֤אמֶר אָחִ֙יהָ֙ וְאִמָּ֔הּ תֵּשֵׁ֨ב הַנַּעֲרָ֥ אִתָּ֛נוּ יָמִ֖ים א֣וֹ עָשׂ֑וֹר אַחַ֖ר תֵּלֵֽךְ׃
Vayómer ajiha ve’imah teshev hana’ará itanu yamim o asor ajar telej
Dijo su hermano, también su madre: Que permanezca la moza con nosotros unos días, ó una decena ¹ y después partirá..: ¹ Otros: Un año o diez meses.
56
וַיֹּ֤אמֶר אֲלֵהֶם֙ אַל־תְּאַחֲר֣וּ אֹתִ֔י וַֽיהֹוָ֖ה הִצְלִ֣יחַ דַּרְכִּ֑י שַׁלְּח֕וּנִי וְאֵלְכָ֖ה לַֽאדֹנִֽי׃
Vayómer Alehem al-te’ajarú otí vaAdonai hitsliaj darkí shalejuni ve’eljá ladoní
Les dijo él: No me retraséis, ya que Adonai ha dado éxito a mi senda. Enviadme y partiré hacia mi señor.
57
וַיֹּאמְר֖וּ נִקְרָ֣א לַֽנַּעֲרָ֑ וְנִשְׁאֲלָ֖ה אֶת־פִּֽיהָ׃
Vayomrú nikrá lana’ará venish’alá et-piha
Dijeron ellos: Habremos de llamar a la moza y le preguntaremos su palabra.
58
וַיִּקְרְא֤וּ לְרִבְקָה֙ וַיֹּאמְר֣וּ אֵלֶ֔יהָ הֲתֵלְכִ֖י עִם־הָאִ֣ישׁ הַזֶּ֑ה וַתֹּ֖אמֶר אֵלֵֽךְ׃
Vayikreú lerivka vayomrú eleiha hateljí im-ha’ish hazé vatómer elej
Llamaron a Rivkáh y le dijeron: ¿Irás con este hombre? Dijo ella: Voy.
59
וַֽיְשַׁלְּח֛וּ אֶת־רִבְקָ֥ה אֲחֹתָ֖ם וְאֶת־מֵנִקְתָּ֑הּ וְאֶת־עֶ֥בֶד אַבְרָהָ֖ם וְאֶת־אֲנָשָֽׁיו׃
Vayshalejú et-rivká ajotam ve’et-meniktah ve’et-éved Avraham ve’et-anashav
Despidieron pues, a Rivkáh - su hermana - y a su aya, así como al servidor de Abraham y a sus hombres.
60
וַיְבָרְכ֤וּ אֶת־רִבְקָה֙ וַיֹּ֣אמְרוּ לָ֔הּ אֲחֹתֵ֕נוּ אַ֥תְּ הֲיִ֖י לְאַלְפֵ֣י רְבָבָ֑ה וְיִירַ֣שׁ זַרְעֵ֔ךְ אֵ֖ת שַׁ֥עַר שֹׂנְאָֽיו׃
Vayvarjú et-rivka vayomru lah ajotenu ate hayí le’alféi revavá veyirash zar’ej et shá’ar son’av
Bendijeron a Rivkáh y le dijeron: Hermana nuestra, puedas tú ser, millares de miríadas ¡y que pueda poseer tu descendencia las ciudades de sus adversarios!
61
וַתָּ֨קׇם רִבְקָ֜ה וְנַעֲרֹתֶ֗יהָ וַתִּרְכַּ֙בְנָה֙ עַל־הַגְּמַלִּ֔ים וַתֵּלַ֖כְנָה אַחֲרֵ֣י הָאִ֑ישׁ וַיִּקַּ֥ח הָעֶ֛בֶד אֶת־רִבְקָ֖ה וַיֵּלַֽךְ׃
Vatákom rivká vena’aroteiha vatirkavna al-hagemalim vatelajna ajaréi ha’ish vayikaj ha’éved et-rivká vayelaj
Se aprestó Rivkáh y sus mozas, montaron sobre los camellos y se encaminaron en pos del hombre. Tomó el servidor a Rivkáh y partió.
62
וְיִצְחָק֙ בָּ֣א מִבּ֔וֹא בְּאֵ֥ר לַחַ֖י רֹאִ֑י וְה֥וּא יוֹשֵׁ֖ב בְּאֶ֥רֶץ הַנֶּֽגֶב׃
Veyitsjak ba mibó be’er lajái ro’í vehú yoshev be’erets hanégev
Itshak venía regresando de Beer-Lahai-Roí, pues él estaba asentado en la comarca de Neguev (Sur).
63
וַיֵּצֵ֥א יִצְחָ֛ק לָשׂ֥וּחַ בַּשָּׂדֶ֖ה לִפְנ֣וֹת עָ֑רֶב וַיִּשָּׂ֤א עֵינָיו֙ וַיַּ֔רְא וְהִנֵּ֥ה גְמַלִּ֖ים בָּאִֽים׃
Vayetsé Itzjak lasuaj basadé lifnot árev vayisá einav vayar vehiné gemalim ba’im
Había salido Itshak para meditar, en el campo, hacia el atardecer y alzó sus ojos y vió y he aquí que había camellos que se aproximaban.
64
וַתִּשָּׂ֤א רִבְקָה֙ אֶת־עֵינֶ֔יהָ וַתֵּ֖רֶא אֶת־יִצְחָ֑ק וַתִּפֹּ֖ל מֵעַ֥ל הַגָּמָֽל׃
Vatisá rivka et-eineiha vatere et-Itzjak vatipol me’al hagamal
Alzó Rivkáh sus ojos y divisó a Itshak y se apeó del camello.
65
וַתֹּ֣אמֶר אֶל־הָעֶ֗בֶד מִֽי־הָאִ֤ישׁ הַלָּזֶה֙ הַהֹלֵ֤ךְ בַּשָּׂדֶה֙ לִקְרָאתֵ֔נוּ וַיֹּ֥אמֶר הָעֶ֖בֶד ה֣וּא אֲדֹנִ֑י וַתִּקַּ֥ח הַצָּעִ֖יף וַתִּתְכָּֽס׃
Vatómer el-ha’éved mi-ha’ish halaze haholej basade likratenu vayómer ha’éved hu Adonai vatikaj hatsa’if vatitkás
Dijo al servidor: ¿Quién es el hombre, aquél, que camina por el campo, a nuestro encuentro? Dijo el servidor: Es mi señor. Entonces ella tomó el velo y se cubrió.
66
וַיְסַפֵּ֥ר הָעֶ֖בֶד לְיִצְחָ֑ק אֵ֥ת כׇּל־הַדְּבָרִ֖ים אֲשֶׁ֥ר עָשָֽׂה׃
Vaysaper ha’éved leyitsjak et kol-hadevarim asher asá
Relató el servidor a Itshak, todas las cosas que él había hecho.
67
וַיְבִאֶ֣הָ יִצְחָ֗ק הָאֹ֙הֱלָה֙ שָׂרָ֣ה אִמּ֔וֹ וַיִּקַּ֧ח אֶת־רִבְקָ֛ה וַתְּהִי־ל֥וֹ לְאִשָּׁ֖ה וַיֶּאֱהָבֶ֑הָ וַיִּנָּחֵ֥ם יִצְחָ֖ק אַחֲרֵ֥י אִמּֽוֹ׃
Vayvi’eha Itzjak ha’ohela sará imó vayikaj et-rivká vatehi-lo le’ishá vaye’ehaveha vayinajem Itzjak ajaréi imó
Itshak la condujo hasta la tienda de Saráh - su madre. Desposó a Rivkáh y ella fue esposa para él. Y él la amó y así se reconfortó Itshak, después del deceso de su madre.
Capítulo
23
Capítulo
25
