Jumash
Bereshit
Shemot
Vaikra
Bamidbar
Devarim
Opciones de lectura
עברית
Fonética
Español
Taamim
Nikud
Letras
A−
100%
A+
Portada
Apoyar
beneyisrael.com
Inicio
Bereshit · Génesis
Capítulo 5
Parashá
Bereshit
32 versículos
2 comentarios
Aliá · Sexta
1
זֶ֣ה סֵ֔פֶר*(בספרי תימן סֵ֔פֶר בסמ״ך גדולה) תּוֹלְדֹ֖ת אָדָ֑ם בְּי֗וֹם בְּרֹ֤א אֱלֹהִים֙ אָדָ֔ם בִּדְמ֥וּת אֱלֹהִ֖ים עָשָׂ֥ה אֹתֽוֹ׃
Ze séfer toledot adam beiom beró Elohim adam bidmut Elohim asá otó
Este es el relato de las generaciones de Adam. Cuando creó Elohim a Adam, en apariencia de Elohim le hizo.
2
זָכָ֥ר וּנְקֵבָ֖ה בְּרָאָ֑ם וַיְבָ֣רֶךְ אֹתָ֗ם וַיִּקְרָ֤א אֶת־שְׁמָם֙ אָדָ֔ם בְּי֖וֹם הִבָּֽרְאָֽם׃
Zajar unekevá bera’am vayvárej otam vayikrá et-shemam adam beiom hibar’am
Macho y hembra los creó y los bendijo y los llamó con el nombre de Adam, cuando fueron creados.
3
וַיְחִ֣י אָדָ֗ם שְׁלֹשִׁ֤ים וּמְאַת֙ שָׁנָ֔ה וַיּ֥וֹלֶד בִּדְמוּת֖וֹ כְּצַלְמ֑וֹ וַיִּקְרָ֥א אֶת־שְׁמ֖וֹ שֵֽׁת׃
Vayjí adam sheloshim ume’at shaná vayóled bidmutó ketsalmó vayikrá et-shemó shet
Vivió Adam ciento treinta años y engendró un hijo a su imagen, similar a él y le nombró Shet.
4
וַיִּֽהְי֣וּ יְמֵי־אָדָ֗ם אַֽחֲרֵי֙ הוֹלִיד֣וֹ אֶת־שֵׁ֔ת שְׁמֹנֶ֥ה מֵאֹ֖ת שָׁנָ֑ה וַיּ֥וֹלֶד בָּנִ֖ים וּבָנֽוֹת׃
Vayihyú yemei-adam ajarei holidó et-shet shemoné me’ot shaná vayóled banim uvanot
Vivió Adam después de engendrar a Shet, ochocientos años y engendró hijos e hijas.
5
וַיִּֽהְי֞וּ כׇּל־יְמֵ֤י אָדָם֙ אֲשֶׁר־חַ֔י תְּשַׁ֤ע מֵאוֹת֙ שָׁנָ֔ה וּשְׁלֹשִׁ֖ים שָׁנָ֑ה וַיָּמֹֽת׃
Vayihyú kol-yeméi adam asher-jai teshá meot shaná usheloshim shaná vayamot
Todos los días que Adam vivió fueron: novecientos treinta años, después murió.
6
וַֽיְחִי־שֵׁ֕ת חָמֵ֥שׁ שָׁנִ֖ים וּמְאַ֣ת שָׁנָ֑ה וַיּ֖וֹלֶד אֶת־אֱנֽוֹשׁ׃
Vayji-shet jamesh shanim ume’at shaná vayóled et-enosh
Vivió Shet ciento cinco años y engendró a Enosh.
7
וַֽיְחִי־שֵׁ֗ת אַֽחֲרֵי֙ הוֹלִיד֣וֹ אֶת־אֱנ֔וֹשׁ שֶׁ֣בַע שָׁנִ֔ים וּשְׁמֹנֶ֥ה מֵא֖וֹת שָׁנָ֑ה וַיּ֥וֹלֶד בָּנִ֖ים וּבָנֽוֹת׃
Vayji-shet ajarei holidó et-enosh sheva shanim ushemoné meot shaná vayóled banim uvanot
Vivió Shet después de engendrar a Enosh, ochocientos siete años y engendró hijos e hijas.
8
וַיִּֽהְיוּ֙ כׇּל־יְמֵי־שֵׁ֔ת שְׁתֵּ֤ים עֶשְׂרֵה֙ שָׁנָ֔ה וּתְשַׁ֥ע מֵא֖וֹת שָׁנָ֑ה וַיָּמֹֽת׃
Vayihyu kol-yemei-shet sheteim esre shaná uteshá meot shaná vayamot
Todos los días que Shet vivió fueron: novecientos doce años, después murió.
9
וַיְחִ֥י אֱנ֖וֹשׁ תִּשְׁעִ֣ים שָׁנָ֑ה וַיּ֖וֹלֶד אֶת־קֵינָֽן׃
Vayjí enosh tish’im shaná vayóled et-keinán
Vivió Enosh noventa años y engendró a Kenán.
10
וַיְחִ֣י אֱנ֗וֹשׁ אַֽחֲרֵי֙ הוֹלִיד֣וֹ אֶת־קֵינָ֔ן חֲמֵ֤שׁ עֶשְׂרֵה֙ שָׁנָ֔ה וּשְׁמֹנֶ֥ה מֵא֖וֹת שָׁנָ֑ה וַיּ֥וֹלֶד בָּנִ֖ים וּבָנֽוֹת׃
Vayjí enosh ajarei holidó et-keinán jamesh esre shaná ushemoné meot shaná vayóled banim uvanot
Vivió Enosh después de engendrar a Kenán ochocientos quince años y engendró hijos e hijas.
11
וַיִּֽהְיוּ֙ כׇּל־יְמֵ֣י אֱנ֔וֹשׁ חָמֵ֣שׁ שָׁנִ֔ים וּתְשַׁ֥ע מֵא֖וֹת שָׁנָ֑ה וַיָּמֹֽת׃
Vayihyu kol-yeméi enosh jamesh shanim uteshá meot shaná vayamot
Todos los días que Enosh vivió fueron: novecientos cinco años, después murió.
12
וַיְחִ֥י קֵינָ֖ן שִׁבְעִ֣ים שָׁנָ֑ה וַיּ֖וֹלֶד אֶת־מַֽהֲלַלְאֵֽל׃
Vayjí keinán shiv’im shaná vayóled et-mahalal’el
Vivió Kenán setenta años y engendró a Mahalalel.
13
וַיְחִ֣י קֵינָ֗ן אַחֲרֵי֙ הוֹלִיד֣וֹ אֶת־מַֽהֲלַלְאֵ֔ל אַרְבָּעִ֣ים שָׁנָ֔ה וּשְׁמֹנֶ֥ה מֵא֖וֹת שָׁנָ֑ה וַיּ֥וֹלֶד בָּנִ֖ים וּבָנֽוֹת׃
Vayjí keinán ajarei holidó et-mahalal’el arba’im shaná ushemoné meot shaná vayóled banim uvanot
Vivió Kenán después de engendrar a Mahalalel ochocientos cuarenta años y engendró hijos e hijas.
14
וַיִּֽהְיוּ֙ כׇּל־יְמֵ֣י קֵינָ֔ן עֶ֣שֶׂר שָׁנִ֔ים וּתְשַׁ֥ע מֵא֖וֹת שָׁנָ֑ה וַיָּמֹֽת׃
Vayihyu kol-yeméi keinán éser shanim uteshá meot shaná vayamot
Todos los días que Kenán vivió fueron: novecientos diez años, después murió.
15
וַיְחִ֣י מַֽהֲלַלְאֵ֔ל חָמֵ֥שׁ שָׁנִ֖ים וְשִׁשִּׁ֣ים שָׁנָ֑ה וַיּ֖וֹלֶד אֶת־יָֽרֶד׃
Vayjí mahalal’el jamesh shanim veshishim shaná vayóled et-yáred
Vivió Mahalalel sesenta y cinco años y engendró a Iáred.
16
וַיְחִ֣י מַֽהֲלַלְאֵ֗ל אַֽחֲרֵי֙ הוֹלִיד֣וֹ אֶת־יֶ֔רֶד שְׁלֹשִׁ֣ים שָׁנָ֔ה וּשְׁמֹנֶ֥ה מֵא֖וֹת שָׁנָ֑ה וַיּ֥וֹלֶד בָּנִ֖ים וּבָנֽוֹת׃
Vayjí mahalal’el ajarei holidó et-yéred sheloshim shaná ushemoné meot shaná vayóled banim uvanot
Vivió Mahalalel después de engendrar a Iéred ochocientos treinta años, y engendró hijos e hijas.
17
וַיִּהְיוּ֙ כׇּל־יְמֵ֣י מַהֲלַלְאֵ֔ל חָמֵ֤שׁ וְתִשְׁעִים֙ שָׁנָ֔ה וּשְׁמֹנֶ֥ה מֵא֖וֹת שָׁנָ֑ה וַיָּמֹֽת׃
Vayihyu kol-yeméi mahalal’el jamesh vetish’im shaná ushemoné meot shaná vayamot
todos los días que Mahalalel vivió fueron: ochocientos noventa y cinco años, después murió.
18
וַֽיְחִי־יֶ֕רֶד שְׁתַּ֧יִם וְשִׁשִּׁ֛ים שָׁנָ֖ה וּמְאַ֣ת שָׁנָ֑ה וַיּ֖וֹלֶד אֶת־חֲנֽוֹךְ׃
Vayji-yéred shetáyim veshishim shaná ume’at shaná vayóled et-janoje
Vivió Iéred ciento sesenta y dos años y engendró a Hanoj.
19
וַֽיְחִי־יֶ֗רֶד אַֽחֲרֵי֙ הוֹלִיד֣וֹ אֶת־חֲנ֔וֹךְ שְׁמֹנֶ֥ה מֵא֖וֹת שָׁנָ֑ה וַיּ֥וֹלֶד בָּנִ֖ים וּבָנֽוֹת׃
Vayji-yéred ajarei holidó et-janoje shemoné meot shaná vayóled banim uvanot
Vivió Iéred después de engendrar a Hanoj ochocientos años y engendró hijos e hijas.
20
וַיִּֽהְיוּ֙ כׇּל־יְמֵי־יֶ֔רֶד שְׁתַּ֤יִם וְשִׁשִּׁים֙ שָׁנָ֔ה וּתְשַׁ֥ע מֵא֖וֹת שָׁנָ֑ה וַיָּמֹֽת׃
Vayihyu kol-yemei-yéred shetáyim veshishim shaná uteshá meot shaná vayamot
Todos los días que Iéred vivió fueron: novecientos sesenta y dos años; después murió.
21
וַיְחִ֣י חֲנ֔וֹךְ חָמֵ֥שׁ וְשִׁשִּׁ֖ים שָׁנָ֑ה וַיּ֖וֹלֶד אֶת־מְתוּשָֽׁלַח׃
Vayjí janoje jamesh veshishim shaná vayóled et-metushálaj
Vivió Hanoj sesenta y cinco años y engendró a Metushalab.
22
וַיִּתְהַלֵּ֨ךְ חֲנ֜וֹךְ אֶת־הָֽאֱלֹהִ֗ים אַֽחֲרֵי֙ הוֹלִיד֣וֹ אֶת־מְתוּשֶׁ֔לַח שְׁלֹ֥שׁ מֵא֖וֹת שָׁנָ֑ה וַיּ֥וֹלֶד בָּנִ֖ים וּבָנֽוֹת׃
Vayithalej janoje et-ha’elohim ajarei holidó et-metushélaj shelosh meot shaná vayóled banim uvanot
Se encaminó Hanoj con Elohim, después de engendrar a Metushelah, trescientos años y engendró hijos e hijas.
23
וַיְהִ֖י כׇּל־יְמֵ֣י חֲנ֑וֹךְ חָמֵ֤שׁ וְשִׁשִּׁים֙ שָׁנָ֔ה וּשְׁלֹ֥שׁ מֵא֖וֹת שָׁנָֽה׃
Vayhí kol-yeméi janoje jamesh veshishim shaná ushelosh meot shaná
Todos los días que Hanoj vivió fueron: trescientos sesenta y cinco años.
24
וַיִּתְהַלֵּ֥ךְ חֲנ֖וֹךְ אֶת־הָֽאֱלֹהִ֑ים וְאֵינֶ֕נּוּ כִּֽי־לָקַ֥ח אֹת֖וֹ אֱלֹהִֽים׃
Vayithalej janoje et-ha’elohim ve’einenu ki-lakaj otó Elohim
Se encaminó Hanoj con Elohim, hasta que no estuvo más, cuando Elohim se lo hubo llevado.
Aliá · Séptima
25
וַיְחִ֣י מְתוּשֶׁ֔לַח שֶׁ֧בַע וּשְׁמֹנִ֛ים שָׁנָ֖ה וּמְאַ֣ת שָׁנָ֑ה וַיּ֖וֹלֶד אֶת־לָֽמֶךְ׃
Vayjí metushélaj sheva ushemonim shaná ume’at shaná vayóled et-lámej
Vivió Metushelah ciento ochenta y siete años y engendró a Lámej.
26
וַיְחִ֣י מְתוּשֶׁ֗לַח אַֽחֲרֵי֙ הוֹלִיד֣וֹ אֶת־לֶ֔מֶךְ שְׁתַּ֤יִם וּשְׁמוֹנִים֙ שָׁנָ֔ה וּשְׁבַ֥ע מֵא֖וֹת שָׁנָ֑ה וַיּ֥וֹלֶד בָּנִ֖ים וּבָנֽוֹת׃
Vayjí metushélaj ajarei holidó et-lémej shetáyim ushemonim shaná ushevá meot shaná vayóled banim uvanot
Vivió Metushelah después de engendrar a Lémej, setecientos ochenta y dos años y engendró hijos e hijas.
27
וַיִּהְיוּ֙ כׇּל־יְמֵ֣י מְתוּשֶׁ֔לַח תֵּ֤שַׁע וְשִׁשִּׁים֙ שָׁנָ֔ה וּתְשַׁ֥ע מֵא֖וֹת שָׁנָ֑ה וַיָּמֹֽת׃
Vayihyu kol-yeméi metushélaj tesha veshishim shaná uteshá meot shaná vayamot
Todos los días que Metushelah vivió fueron: novecientos sesenta y nueve años, después murió.
28
וַֽיְחִי־לֶ֕מֶךְ שְׁתַּ֧יִם וּשְׁמֹנִ֛ים שָׁנָ֖ה וּמְאַ֣ת שָׁנָ֑ה וַיּ֖וֹלֶד בֵּֽן׃
Vayji-lémej shetáyim ushemonim shaná ume’at shaná vayóled ben
Vivió Lémej ciento ochenta y dos años y engendró un hijo.
29
וַיִּקְרָ֧א אֶת־שְׁמ֛וֹ נֹ֖חַ לֵאמֹ֑ר זֶ֞֠ה יְנַחֲמֵ֤נוּ מִֽמַּעֲשֵׂ֙נוּ֙ וּמֵעִצְּב֣וֹן יָדֵ֔ינוּ מִן־הָ֣אֲדָמָ֔ה אֲשֶׁ֥ר אֵֽרְרָ֖הּ יְהֹוָֽה׃
Vayikrá et-shemó noaj lemor ze yenajamenu mima’asenu ume’itsevón yadeinu min-ha’adamá asher ererah Adonai
Le puso el nombre de Noah, diciendo: Este nos traerá consuelo de nuestro trabajo y del esfuerzo de nuestras manos, por causa de la tierra que Adonai ha maldecido.
30
וַֽיְחִי־לֶ֗מֶךְ אַֽחֲרֵי֙ הוֹלִיד֣וֹ אֶת־נֹ֔חַ חָמֵ֤שׁ וְתִשְׁעִים֙ שָׁנָ֔ה וַחֲמֵ֥שׁ מֵאֹ֖ת שָׁנָ֑ה וַיּ֥וֹלֶד בָּנִ֖ים וּבָנֽוֹת׃
Vayji-lémej ajarei holidó et-noaj jamesh vetish’im shaná vajamesh me’ot shaná vayóled banim uvanot
Vivió Lémej despu'és de engendrar a Noah, quinientos noventa y cinco años y engendró hijos e hijas.
31
וַֽיְהִי֙ כׇּל־יְמֵי־לֶ֔מֶךְ שֶׁ֤בַע וְשִׁבְעִים֙ שָׁנָ֔ה וּשְׁבַ֥ע מֵא֖וֹת שָׁנָ֑ה וַיָּמֹֽת׃
Vayhi kol-yemei-lémej sheva veshiv’im shaná ushevá meot shaná vayamot
Todos los días que Lémej vivió fueron: setecientos setenta y siete años, después murió.
32
וַֽיְהִי־נֹ֕חַ בֶּן־חֲמֵ֥שׁ מֵא֖וֹת שָׁנָ֑ה וַיּ֣וֹלֶד נֹ֔חַ אֶת־שֵׁ֖ם אֶת־חָ֥ם וְאֶת־יָֽפֶת׃
Vayhi-noaj ben-jamesh meot shaná vayóled noaj et-shem et-jam ve’et-yáfet
Era Noah de edad de quinientos años, y engendró Noah a Shem, a Ham y a Iáfet.
Capítulo
4
Capítulo
6
