Parashá · Shemot · Éxodo
Mishpatim משפטים Éxodo 21:1–24:18 118 versículos 96 comentarios Haftará · Yirmiyahu 34:8–22
Capítulo 21 · Aliá Primera
1 וְאֵ֙לֶּה֙ הַמִּשְׁפָּטִ֔ים אֲשֶׁ֥ר תָּשִׂ֖ים לִפְנֵיהֶֽם׃ Ve’ele hamishpatim asher tasim lifneihem Y estas son las leyes que pondrás delante de ellos. 2 כִּ֤י תִקְנֶה֙ עֶ֣בֶד עִבְרִ֔י שֵׁ֥שׁ שָׁנִ֖ים יַעֲבֹ֑ד וּבַ֨שְּׁבִעִ֔ת יֵצֵ֥א לַֽחׇפְשִׁ֖י חִנָּֽם׃ Ki tikne éved ivrí shesh shanim ya’avod uvashevi’it yetsé lajofshí jinam Cuando compres un siervo hebreo, seis años servirá, y en el séptimo saldrá libre gratuitamente. 3 אִם־בְּגַפּ֥וֹ יָבֹ֖א בְּגַפּ֣וֹ יֵצֵ֑א אִם־בַּ֤עַל אִשָּׁה֙ ה֔וּא וְיָצְאָ֥ה אִשְׁתּ֖וֹ עִמּֽוֹ׃ Im-begapó yavó begapó yetsé im-bá’al isha hu veyats’á ishtó imó Si solo vino, solo saldrá; si era casado, saldrá su mujer con él. 4 אִם־אֲדֹנָיו֙ יִתֶּן־ל֣וֹ אִשָּׁ֔ה וְיָלְדָה־ל֥וֹ בָנִ֖ים א֣וֹ בָנ֑וֹת הָאִשָּׁ֣ה וִילָדֶ֗יהָ תִּהְיֶה֙ לַֽאדֹנֶ֔יהָ וְה֖וּא יֵצֵ֥א בְגַפּֽוֹ׃ Im-adonav yiten-lo ishá veyalda-lo vanim o vanot ha’ishá viladeiha tihye ladoneiha vehú yetsé vegapó Si su amo le diere mujer, y ella le diere a luz hijos o hijas, la mujer y sus hijos serán de su amo, y él saldrá solo. 5 וְאִם־אָמֹ֤ר יֹאמַר֙ הָעֶ֔בֶד אָהַ֙בְתִּי֙ אֶת־אֲדֹנִ֔י אֶת־אִשְׁתִּ֖י וְאֶת־בָּנָ֑י לֹ֥א אֵצֵ֖א חׇפְשִֽׁי׃ Ve’im-amor yomar ha’éved ahavti et-Adonai et-ishtí ve’et-banái lo etsé jofshí Pero si el siervo declara: «Amo a mi amo, a mi mujer y a mis hijos; no saldré libre», 6 וְהִגִּישׁ֤וֹ אֲדֹנָיו֙ אֶל־הָ֣אֱלֹהִ֔ים וְהִגִּישׁוֹ֙ אֶל־הַדֶּ֔לֶת א֖וֹ אֶל־הַמְּזוּזָ֑ה וְרָצַ֨ע אֲדֹנָ֤יו אֶת־אׇזְנוֹ֙ בַּמַּרְצֵ֔עַ וַעֲבָד֖וֹ לְעֹלָֽם׃ Vehigishó adonav el-ha’elohim vehigisho el-hadélet o el-hamezuzá veratsá adonav et-ozno bamartséa va’avadó le’olam entonces lo acercará su amo ante los jueces, y lo acercará a la puerta o a la jamba, y su amo le horadará la oreja con el punzón, y lo servirá para siempre. 7 וְכִֽי־יִמְכֹּ֥ר אִ֛ישׁ אֶת־בִּתּ֖וֹ לְאָמָ֑ה לֹ֥א תֵצֵ֖א כְּצֵ֥את הָעֲבָדִֽים׃ Veji-yimkor ish et-bitó le’amá lo tetsé ketset ha’avadim Y cuando un hombre vendiere a su hija por sierva, no saldrá como salen los siervos. 8 אִם־רָעָ֞ה בְּעֵינֵ֧י אֲדֹנֶ֛יהָ אֲשֶׁר־[ל֥וֹ] (לא) יְעָדָ֖הּ וְהֶפְדָּ֑הּ לְעַ֥ם נׇכְרִ֛י לֹא־יִמְשֹׁ֥ל לְמׇכְרָ֖הּ בְּבִגְדוֹ־בָֽהּ׃ Im-ra’á be’einéi adoneiha asher-lo ye’adah vehefdah le’am nojrí lo-yimshol lemojrah bevigdo-vah Si fuere mala a los ojos de su amo, que la había destinado para sí, permitirá que sea rescatada; a pueblo extranjero no tendrá poder para venderla, por haber obrado con engaño contra ella. 9 וְאִם־לִבְנ֖וֹ יִֽיעָדֶ֑נָּה כְּמִשְׁפַּ֥ט הַבָּנ֖וֹת יַעֲשֶׂה־לָּֽהּ׃ Ve’im-livnó yi’adena kemishpat habanot ya’ase-lah Y si a su hijo la destinare, conforme al derecho de las hijas hará con ella. 10 אִם־אַחֶ֖רֶת יִֽקַּֽח־ל֑וֹ שְׁאֵרָ֛הּ כְּסוּתָ֥הּ וְעֹנָתָ֖הּ לֹ֥א יִגְרָֽע׃ Im-ajéret yikaj-lo she’erah kesutah ve’onatah lo yigrá Si tomare otra para sí, su alimento, su vestimenta y su derecho conyugal no le disminuirá. 11 וְאִ֨ם־שְׁלׇשׁ־אֵ֔לֶּה לֹ֥א יַעֲשֶׂ֖ה לָ֑הּ וְיָצְאָ֥ה חִנָּ֖ם אֵ֥ין כָּֽסֶף׃ Ve’im-shelosh-ele lo ya’asé lah veyats’á jinam ein kásef Y si estas tres cosas no hiciere con ella, saldrá gratuitamente, sin dinero. 12 מַכֵּ֥ה אִ֛ישׁ וָמֵ֖ת מ֥וֹת יוּמָֽת׃ Maké ish vamet mot yumat El que golpee a un hombre y muera, ciertamente morirá. 13 וַאֲשֶׁר֙ לֹ֣א צָדָ֔ה וְהָאֱלֹהִ֖ים אִנָּ֣ה לְיָד֑וֹ וְשַׂמְתִּ֤י לְךָ֙ מָק֔וֹם אֲשֶׁ֥ר יָנ֖וּס שָֽׁמָּה׃ Va’asher lo tsadá veha’elohim iná leyadó vesamtí leja makom asher yanús shama Pero si no lo acechaba, sino que Elohim lo puso en su mano, yo te señalaré un lugar adonde podrá huir. 14 וְכִֽי־יָזִ֥ד אִ֛ישׁ עַל־רֵעֵ֖הוּ לְהׇרְג֣וֹ בְעׇרְמָ֑ה מֵעִ֣ם מִזְבְּחִ֔י תִּקָּחֶ֖נּוּ לָמֽוּת׃ Veji-yazid ish al-re’ehu lehorgó ve’ormá me’im mizbejí tikajenu lamut Y cuando un hombre obrare con premeditación contra su prójimo para matarlo con astucia, de junto a mi altar lo tomarás para morir. 15 וּמַכֵּ֥ה אָבִ֛יו וְאִמּ֖וֹ מ֥וֹת יוּמָֽת׃ Umaké aviv ve’imó mot yumat Y el que golpee a su padre o a su madre, ciertamente morirá. 16 וְגֹנֵ֨ב אִ֧ישׁ וּמְכָר֛וֹ וְנִמְצָ֥א בְיָד֖וֹ מ֥וֹת יוּמָֽת׃ Vegonev ish umejaró venimtsá veyadó mot yumat Y el que robe a un hombre y lo venda, o sea hallado en su mano, ciertamente morirá. 17 וּמְקַלֵּ֥ל אָבִ֛יו וְאִמּ֖וֹ מ֥וֹת יוּמָֽת׃ Umekalel aviv ve’imó mot yumat Y el que maldiga a su padre o a su madre, ciertamente morirá. 18 וְכִֽי־יְרִיבֻ֣ן אֲנָשִׁ֔ים וְהִכָּה־אִישׁ֙ אֶת־רֵעֵ֔הוּ בְּאֶ֖בֶן א֣וֹ בְאֶגְרֹ֑ף וְלֹ֥א יָמ֖וּת וְנָפַ֥ל לְמִשְׁכָּֽב׃ Veji-yerivún anashim vehika-ish et-re’ehu be’even o ve’egrof veló yamut venafal lemishkav Y cuando riñeren hombres, y golpeare un hombre a su prójimo con piedra o con puño, y no muriere, pero cayere en cama, 19 אִם־יָק֞וּם וְהִתְהַלֵּ֥ךְ בַּח֛וּץ עַל־מִשְׁעַנְתּ֖וֹ וְנִקָּ֣ה הַמַּכֶּ֑ה רַ֥ק שִׁבְתּ֛וֹ יִתֵּ֖ן וְרַפֹּ֥א יְרַפֵּֽא׃ Im-yakum vehithalej bajúts al-mish’antó veniká hamaké rak shivtó yitén verapó yerapé si se levantare y anduviere por fuera sobre su bastón, será absuelto el que golpeó; solo pagará por su inactividad y ciertamente lo hará curar. Aliá · Segunda
20 וְכִֽי־יַכֶּה֩ אִ֨ישׁ אֶת־עַבְדּ֜וֹ א֤וֹ אֶת־אֲמָתוֹ֙ בַּשֵּׁ֔בֶט וּמֵ֖ת תַּ֣חַת יָד֑וֹ נָקֹ֖ם יִנָּקֵֽם׃ Veji-yake ish et-avdó o et-amato bashévet umet tájat yadó nakom yinakem Y cuando golpeare un hombre a su siervo o a su sierva con la vara, y muriere bajo su mano, ciertamente será vengado. 21 אַ֥ךְ אִם־י֛וֹם א֥וֹ יוֹמַ֖יִם יַעֲמֹ֑ד לֹ֣א יֻקַּ֔ם כִּ֥י כַסְפּ֖וֹ הֽוּא׃ Aj im-yom o yomáyim ya’amod lo yukam ki jaspó hu Pero si un día o dos días sobreviviere, no será vengado, pues su dinero es. 22 וְכִֽי־יִנָּצ֣וּ אֲנָשִׁ֗ים וְנָ֨גְפ֜וּ אִשָּׁ֤ה הָרָה֙ וְיָצְא֣וּ יְלָדֶ֔יהָ וְלֹ֥א יִהְיֶ֖ה אָס֑וֹן עָנ֣וֹשׁ יֵעָנֵ֗שׁ כַּֽאֲשֶׁ֨ר יָשִׁ֤ית עָלָיו֙ בַּ֣עַל הָֽאִשָּׁ֔ה וְנָתַ֖ן בִּפְלִלִֽים׃ Veji-yinatsú anashim venagfú ishá hara veyatsú yeladeiha veló yihyé asón anosh ye’anesh ka’asher yashit alav bá’al ha’ishá venatán biflilim Y cuando riñeren hombres y golpearen a una mujer encinta, y ella perdiere su criatura sin que hubiere otra desgracia, ciertamente será penado conforme a lo que le impusiere el esposo de la mujer, y pagará ante los jueces. 23 וְאִם־אָס֖וֹן יִהְיֶ֑ה וְנָתַתָּ֥ה נֶ֖פֶשׁ תַּ֥חַת נָֽפֶשׁ׃ Ve’im-asón yihyé venatatá néfesh tájat náfesh Y si hubiere desgracia, darás alma por alma, 24 עַ֚יִן תַּ֣חַת עַ֔יִן שֵׁ֖ן תַּ֣חַת שֵׁ֑ן יָ֚ד תַּ֣חַת יָ֔ד רֶ֖גֶל תַּ֥חַת רָֽגֶל׃ Ayin tájat ayin shen tájat shen yad tájat yad régel tájat rágel ojo por ojo, diente por diente, mano por mano, pie por pie, 25 כְּוִיָּה֙ תַּ֣חַת כְּוִיָּ֔ה פֶּ֖צַע תַּ֣חַת פָּ֑צַע חַבּוּרָ֕ה תַּ֖חַת חַבּוּרָֽה׃ Keviya tájat keviyá petsa tájat patsa jaburá tájat jaburá quemadura por quemadura, herida por herida, contusión por contusión.
26 וְכִֽי־יַכֶּ֨ה אִ֜ישׁ אֶת־עֵ֥ין עַבְדּ֛וֹ אֽוֹ־אֶת־עֵ֥ין אֲמָת֖וֹ וְשִֽׁחֲתָ֑הּ לַֽחׇפְשִׁ֥י יְשַׁלְּחֶ֖נּוּ תַּ֥חַת עֵינֽוֹ׃ Veji-yaké ish et-ein avdó o-et-ein amató veshijatah lajofshí yeshalejenu tájat einó Y cuando golpeare un hombre el ojo de su siervo o el ojo de su sierva, y lo destruyere, en libertad lo enviará a cambio de su ojo. 27 וְאִם־שֵׁ֥ן עַבְדּ֛וֹ אֽוֹ־שֵׁ֥ן אֲמָת֖וֹ יַפִּ֑יל לַֽחׇפְשִׁ֥י יְשַׁלְּחֶ֖נּוּ תַּ֥חַת שִׁנּֽוֹ׃ Ve’im-shen avdó o-shen amató yapil lajofshí yeshalejenu tájat shinó Y si el diente de su siervo o el diente de su sierva hiciere caer, en libertad lo enviará a cambio de su diente.
28 וְכִֽי־יִגַּ֨ח שׁ֥וֹר אֶת־אִ֛ישׁ א֥וֹ אֶת־אִשָּׁ֖ה וָמֵ֑ת סָק֨וֹל יִסָּקֵ֜ל הַשּׁ֗וֹר וְלֹ֤א יֵאָכֵל֙ אֶת־בְּשָׂר֔וֹ וּבַ֥עַל הַשּׁ֖וֹר נָקִֽי׃ Veji-yigaj shor et-ish o et-ishá vamet sakol yisakel hashor veló ye’ajel et-besaró uvá’al hashor nakí Y cuando acorneare un buey a un hombre o a una mujer, y muriere, ciertamente será apedreado el buey, y no se comerá su carne, y el dueño del buey será inocente. 29 וְאִ֡ם שׁוֹר֩ נַגָּ֨ח ה֜וּא מִתְּמֹ֣ל שִׁלְשֹׁ֗ם וְהוּעַ֤ד בִּבְעָלָיו֙ וְלֹ֣א יִשְׁמְרֶ֔נּוּ וְהֵמִ֥ית אִ֖ישׁ א֣וֹ אִשָּׁ֑ה הַשּׁוֹר֙ יִסָּקֵ֔ל וְגַם־בְּעָלָ֖יו יוּמָֽת׃ Ve’im shor nagaj hu mitemol shilshom vehu’ad biv’alav veló yishmerenu vehemit ish o ishá hashor yisakel vegam-be’alav yumat Y si el buey era acorneador desde ayer y anteayer, y fue advertido su dueño y no lo guardó, y mató a un hombre o a una mujer, el buey será apedreado, y también su dueño será muerto. 30 אִם־כֹּ֖פֶר יוּשַׁ֣ת עָלָ֑יו וְנָתַן֙ פִּדְיֹ֣ן נַפְשׁ֔וֹ כְּכֹ֥ל אֲשֶׁר־יוּשַׁ֖ת עָלָֽיו׃ Im-kófer yushat alav venatan pidyón nafshó kejol asher-yushat alav Si rescate le fuere impuesto, dará la redención de su alma conforme a todo lo que le fuere impuesto.
31 אוֹ־בֵ֥ן יִגָּ֖ח אוֹ־בַ֣ת יִגָּ֑ח כַּמִּשְׁפָּ֥ט הַזֶּ֖ה יֵעָ֥שֶׂה לּֽוֹ׃ O-ven yigaj o-vat yigaj kamishpat hazé ye’ase lo Ya sea que a un hijo acorneare o a una hija acorneare, conforme a este juicio se le hará.
32 אִם־עֶ֛בֶד יִגַּ֥ח הַשּׁ֖וֹר א֣וֹ אָמָ֑ה כֶּ֣סֶף ׀ שְׁלֹשִׁ֣ים שְׁקָלִ֗ים יִתֵּן֙ לַֽאדֹנָ֔יו וְהַשּׁ֖וֹר יִסָּקֵֽל׃ Im-éved yigaj hashor o amá késef sheloshim shekalim yiten ladonav vehashor yisakel Si a un siervo acorneare el buey o a una sierva, treinta siclos de plata dará a su amo, y el buey será apedreado.
33 וְכִֽי־יִפְתַּ֨ח אִ֜ישׁ בּ֗וֹר א֠וֹ כִּֽי־יִכְרֶ֥ה אִ֛ישׁ בֹּ֖ר וְלֹ֣א יְכַסֶּ֑נּוּ וְנָֽפַל־שָׁ֥מָּה שּׁ֖וֹר א֥וֹ חֲמֽוֹר׃ Veji-yiftaj ish bor o ki-yijré ish bor veló yejasenu venafal-shama shor o jamor Y cuando abriere un hombre un pozo, o cuando cavare un hombre un pozo y no lo cubriere, y cayere allí un buey o un asno, 34 בַּ֤עַל הַבּוֹר֙ יְשַׁלֵּ֔ם כֶּ֖סֶף יָשִׁ֣יב לִבְעָלָ֑יו וְהַמֵּ֖ת יִֽהְיֶה־לּֽוֹ׃ Bá’al habor yeshalem késef yashiv liv’alav vehamet yihye-lo el dueño del pozo pagará; plata devolverá a su dueño, y el muerto será para él. 35 וְכִֽי־יִגֹּ֧ף שֽׁוֹר־אִ֛ישׁ אֶת־שׁ֥וֹר רֵעֵ֖הוּ וָמֵ֑ת וּמָ֨כְר֜וּ אֶת־הַשּׁ֤וֹר הַחַי֙ וְחָצ֣וּ אֶת־כַּסְפּ֔וֹ וְגַ֥ם אֶת־הַמֵּ֖ת יֶֽחֱצֽוּן׃ Veji-yigof shor-ish et-shor re’ehu vamet umajrú et-hashor hajai vejatsú et-kaspó vegam et-hamet yejetsún Y cuando el buey de un hombre hiriere al buey de su prójimo, y muriere, venderán al buey vivo y partirán su dinero, y también al muerto partirán.
36 א֣וֹ נוֹדַ֗ע כִּ֠י שׁ֣וֹר נַגָּ֥ח הוּא֙ מִתְּמ֣וֹל שִׁלְשֹׁ֔ם וְלֹ֥א יִשְׁמְרֶ֖נּוּ בְּעָלָ֑יו שַׁלֵּ֨ם יְשַׁלֵּ֥ם שׁוֹר֙ תַּ֣חַת הַשּׁ֔וֹר וְהַמֵּ֖ת יִֽהְיֶה־לּֽוֹ׃ O nodá ki shor nagaj hu mitemol shilshom veló yishmerenu be’alav shalem yeshalem shor tájat hashor vehamet yihye-lo O si era sabido que el buey era acorneador desde ayer y anteayer, y no lo guardó su dueño, ciertamente pagará buey por el buey, y el muerto será para él.
37 כִּ֤י יִגְנֹֽב־אִישׁ֙ שׁ֣וֹר אוֹ־שֶׂ֔ה וּטְבָח֖וֹ א֣וֹ מְכָר֑וֹ חֲמִשָּׁ֣ה בָקָ֗ר יְשַׁלֵּם֙ תַּ֣חַת הַשּׁ֔וֹר וְאַרְבַּע־צֹ֖אן תַּ֥חַת הַשֶּֽׂה׃ Ki yignov-ish shor o-se utevajó o mejaró jamishá vakar yeshalem tájat hashor ve’arba-tson tájat hasé Cuando robare un hombre un buey o una oveja, y lo degollare o lo vendiere, cinco reses de ganado mayor pagará a cambio del buey, y cuatro de ganado menor a cambio de la oveja. Capítulo 22
1 אִם־בַּמַּחְתֶּ֛רֶת יִמָּצֵ֥א הַגַּנָּ֖ב וְהֻכָּ֣ה וָמֵ֑ת אֵ֥ין ל֖וֹ דָּמִֽים׃ Im-bamajtéret yimatsé haganav vehuká vamet ein lo damim Si en el boquete fuere hallado el ladrón, y fuere golpeado y muriere, no hay para él culpa de sangre. 2 אִם־זָרְחָ֥ה הַשֶּׁ֛מֶשׁ עָלָ֖יו דָּמִ֣ים ל֑וֹ שַׁלֵּ֣ם יְשַׁלֵּ֔ם אִם־אֵ֣ין ל֔וֹ וְנִמְכַּ֖ר בִּגְנֵבָתֽוֹ׃ Im-zarjá hashémesh alav damim lo shalem yeshalem im-ein lo venimkar bignevató Si hubiere salido el sol sobre él, culpa de sangre hay por él; ciertamente pagará, y si no tiene, será vendido por su hurto.
3 אִֽם־הִמָּצֵא֩ תִמָּצֵ֨א בְיָד֜וֹ הַגְּנֵבָ֗ה מִשּׁ֧וֹר עַד־חֲמ֛וֹר עַד־שֶׂ֖ה חַיִּ֑ים שְׁנַ֖יִם יְשַׁלֵּֽם׃ Im-himatse timatsé veyadó hagenevá mishor ad-jamor ad-se jayim shenáyim yeshalem Si ciertamente fuere hallado en su mano lo robado, desde buey hasta asno hasta oveja, vivos, el doble pagará. Aliá · Tercera
4 כִּ֤י יַבְעֶר־אִישׁ֙ שָׂדֶ֣ה אוֹ־כֶ֔רֶם וְשִׁלַּח֙ אֶת־בְּעִירֹ֔ה וּבִעֵ֖ר בִּשְׂדֵ֣ה אַחֵ֑ר מֵיטַ֥ב שָׂדֵ֛הוּ וּמֵיטַ֥ב כַּרְמ֖וֹ יְשַׁלֵּֽם׃ Ki yav’er-ish sadé o-jérem veshilaj et-be’iró uvi’er bisdé ajer meitav sadehu umeitav karmó yeshalem Cuando un hombre hiciere pastar un campo o una viña, y enviare a su bestia y esta pastare en campo ajeno, de lo mejor de su campo y de lo mejor de su viña pagará. 5 כִּֽי־תֵצֵ֨א אֵ֜שׁ וּמָצְאָ֤ה קֹצִים֙ וְנֶאֱכַ֣ל גָּדִ֔ישׁ א֥וֹ הַקָּמָ֖ה א֣וֹ הַשָּׂדֶ֑ה שַׁלֵּ֣ם יְשַׁלֵּ֔ם הַמַּבְעִ֖ר אֶת־הַבְּעֵרָֽה׃ Ki-tetsé esh umats’á kotsim vene’ejal gadish o hakamá o hasadé shalem yeshalem hamav’ir et-habe’erá Cuando saliere fuego y hallare espinos, y fuere consumida una parva, o la mies en pie, o el campo, pagar pagará el que encendió el fuego. 6 כִּֽי־יִתֵּן֩ אִ֨ישׁ אֶל־רֵעֵ֜הוּ כֶּ֤סֶף אֽוֹ־כֵלִים֙ לִשְׁמֹ֔ר וְגֻנַּ֖ב מִבֵּ֣ית הָאִ֑ישׁ אִם־יִמָּצֵ֥א הַגַּנָּ֖ב יְשַׁלֵּ֥ם שְׁנָֽיִם׃ Ki-yiten ish el-re’ehu késef o-jelim lishmor vegunav mibeit ha’ish im-yimatsé haganav yeshalem shenáyim Cuando un hombre diere a su prójimo plata o utensilios para guardar, y fuere robado de la casa del hombre, si fuere hallado el ladrón, pagará el doble. 7 אִם־לֹ֤א יִמָּצֵא֙ הַגַּנָּ֔ב וְנִקְרַ֥ב בַּֽעַל־הַבַּ֖יִת אֶל־הָֽאֱלֹהִ֑ים אִם־לֹ֥א שָׁלַ֛ח יָד֖וֹ בִּמְלֶ֥אכֶת רֵעֵֽהוּ׃ Im-lo yimatse haganav venikrav ba’al-habáyit el-ha’elohim im-lo shalaj yadó bimléjet re’ehu Si no fuere hallado el ladrón, se acercará el dueño de la casa a los jueces, a jurar si no extendió su mano sobre la propiedad de su prójimo. 8 עַֽל־כׇּל־דְּבַר־פֶּ֡שַׁע עַל־שׁ֡וֹר עַל־חֲ֠מ֠וֹר עַל־שֶׂ֨ה עַל־שַׂלְמָ֜ה עַל־כׇּל־אֲבֵדָ֗ה אֲשֶׁ֤ר יֹאמַר֙ כִּי־ה֣וּא זֶ֔ה עַ֚ד הָֽאֱלֹהִ֔ים יָבֹ֖א דְּבַר־שְׁנֵיהֶ֑ם אֲשֶׁ֤ר יַרְשִׁיעֻן֙ אֱלֹהִ֔ים יְשַׁלֵּ֥ם שְׁנַ֖יִם לְרֵעֵֽהוּ׃ Al-kol-devar-pesha al-shor al-jamor al-se al-Shlomoh al-kol-avedá asher yomar ki-hu ze ad ha’elohim yavó devar-sheneihem asher yarshi’un Elohim yeshalem shenáyim lere’ehu Sobre toda cuestión de transgresión, sobre buey, sobre asno, sobre oveja, sobre vestido, sobre toda cosa perdida de la cual dijere: «esto es», ante los jueces llegará el asunto de ambos; a quien declararen culpable los jueces, pagará el doble a su prójimo. 9 כִּֽי־יִתֵּן֩ אִ֨ישׁ אֶל־רֵעֵ֜הוּ חֲמ֨וֹר אוֹ־שׁ֥וֹר אוֹ־שֶׂ֛ה וְכׇל־בְּהֵמָ֖ה לִשְׁמֹ֑ר וּמֵ֛ת אוֹ־נִשְׁבַּ֥ר אוֹ־נִשְׁבָּ֖ה אֵ֥ין רֹאֶֽה׃ Ki-yiten ish el-re’ehu jamor o-shor o-se vejol-behemá lishmor umet o-nishbar o-nishbá ein ro’é Cuando un hombre diere a su prójimo un asno, o un buey, o una oveja, o cualquier bestia para guardar, y muriere, o se quebrare, o fuere llevada cautiva, sin que nadie lo vea, 10 שְׁבֻעַ֣ת יְהֹוָ֗ה תִּהְיֶה֙ בֵּ֣ין שְׁנֵיהֶ֔ם אִם־לֹ֥א שָׁלַ֛ח יָד֖וֹ בִּמְלֶ֣אכֶת רֵעֵ֑הוּ וְלָקַ֥ח בְּעָלָ֖יו וְלֹ֥א יְשַׁלֵּֽם׃ Shevu’at Adonai tihye bein sheneihem im-lo shalaj yadó bimléjet re’ehu velakaj be’alav veló yeshalem juramento de HaShem habrá entre ambos, de que no extendió su mano sobre la propiedad de su prójimo; y el dueño lo aceptará, y no pagará. 11 וְאִם־גָּנֹ֥ב יִגָּנֵ֖ב מֵעִמּ֑וֹ יְשַׁלֵּ֖ם לִבְעָלָֽיו׃ Ve’im-ganov yiganev me’imó yeshalem liv’alav Pero si de veras le fue robada, pagará a su dueño.
12 אִם־טָרֹ֥ף יִטָּרֵ֖ף יְבִאֵ֣הוּ עֵ֑ד הַטְּרֵפָ֖ה לֹ֥א יְשַׁלֵּֽם׃ Im-tarof yitaref yevi’ehu ed haterefá lo yeshalem Si de veras fue despedazada, traerá testimonio de ello; lo despedazado no lo pagará. 13 וְכִֽי־יִשְׁאַ֥ל אִ֛ישׁ מֵעִ֥ם רֵעֵ֖הוּ וְנִשְׁבַּ֣ר אוֹ־מֵ֑ת בְּעָלָ֥יו אֵין־עִמּ֖וֹ שַׁלֵּ֥ם יְשַׁלֵּֽם׃ Veji-yish’al ish me’im re’ehu venishbar o-met be’alav ein-imó shalem yeshalem Y cuando un hombre pidiere prestado de su prójimo, y se quebrare o muriere, no estando su dueño con él, pagar pagará. 14 אִם־בְּעָלָ֥יו עִמּ֖וֹ לֹ֣א יְשַׁלֵּ֑ם אִם־שָׂכִ֣יר ה֔וּא בָּ֖א בִּשְׂכָרֽוֹ׃ Im-be’alav imó lo yeshalem im-sajir hu ba bisjaró Si su dueño estuviere con él, no pagará; si es cosa alquilada, viene incluido en su alquiler. 15 וְכִֽי־יְפַתֶּ֣ה אִ֗ישׁ בְּתוּלָ֛ה אֲשֶׁ֥ר לֹא־אֹרָ֖שָׂה וְשָׁכַ֣ב עִמָּ֑הּ מָהֹ֛ר יִמְהָרֶ֥נָּה לּ֖וֹ לְאִשָּֽׁה׃ Veji-yefaté ish betulá asher lo-orasa veshajav imah mahor yimharena lo le’ishá Y cuando un hombre sedujere a una doncella que no estuviere desposada, y se acostare con ella, le pagará la dote sin falta y la tomará por esposa. 16 אִם־מָאֵ֧ן יְמָאֵ֛ן אָבִ֖יהָ לְתִתָּ֣הּ ל֑וֹ כֶּ֣סֶף יִשְׁקֹ֔ל כְּמֹ֖הַר הַבְּתוּלֹֽת׃ Im-ma’én yema’én aviha letitah lo késef yishkol kemóhar habetulot Si rehusando rehusare su padre dársela, plata pesará conforme a la dote de las doncellas.
17 מְכַשֵּׁפָ֖ה לֹ֥א תְחַיֶּֽה׃ Mejashefá lo tejayé A la hechicera no dejarás con vida. 18 כׇּל־שֹׁכֵ֥ב עִם־בְּהֵמָ֖ה מ֥וֹת יוּמָֽת׃ Kol-shojev im-behemá mot yumat Todo el que se acostare con bestia, ciertamente morirá. 19 זֹבֵ֥חַ לָאֱלֹהִ֖ים יׇֽחֳרָ֑ם בִּלְתִּ֥י לַיהֹוָ֖ה לְבַדּֽוֹ׃ Zoveaj la’elohim yojoram biltí laAdonai levadó El que sacrificare a dioses será destruido; solamente a HaShem, a Él solo.
20 וְגֵ֥ר לֹא־תוֹנֶ֖ה וְלֹ֣א תִלְחָצֶ֑נּוּ כִּֽי־גֵרִ֥ים הֱיִיתֶ֖ם בְּאֶ֥רֶץ מִצְרָֽיִם׃ Veger lo-toné veló tiljatsenu ki-gerim heyitem be’erets Mitsraim Y al forastero no maltratarás ni lo oprimirás, porque forasteros fueron ustedes en la tierra de Mitsráyim. 21 כׇּל־אַלְמָנָ֥ה וְיָת֖וֹם לֹ֥א תְעַנּֽוּן׃ Kol-almaná veyatom lo te’anún A ninguna viuda ni huérfano afligirán. 22 אִם־עַנֵּ֥ה תְעַנֶּ֖ה אֹת֑וֹ כִּ֣י אִם־צָעֹ֤ק יִצְעַק֙ אֵלַ֔י שָׁמֹ֥עַ אֶשְׁמַ֖ע צַעֲקָתֽוֹ׃ Im-ané te’ané otó ki im-tsa’ok yits’ak elái shamóa eshmá tsa’akató Si llegas a afligirlo, y él clama a mí, ciertamente oiré su clamor. 23 וְחָרָ֣ה אַפִּ֔י וְהָרַגְתִּ֥י אֶתְכֶ֖ם בֶּחָ֑רֶב וְהָי֤וּ נְשֵׁיכֶם֙ אַלְמָנ֔וֹת וּבְנֵיכֶ֖ם יְתֹמִֽים׃ Vejará apí veharagtí etjem bejárev vehayú nesheijem almanot uveneijem yetomim Y se encenderá mi ira, y los mataré a espada, y sus mujeres serán viudas, y sus hijos huérfanos. 24 אִם־כֶּ֣סֶף ׀ תַּלְוֶ֣ה אֶת־עַמִּ֗י אֶת־הֶֽעָנִי֙ עִמָּ֔ךְ לֹא־תִהְיֶ֥ה ל֖וֹ כְּנֹשֶׁ֑ה לֹֽא־תְשִׂימ֥וּן עָלָ֖יו נֶֽשֶׁךְ׃ Im-késef talvé et-amí et-he’ani imaj lo-tihyé lo kenoshé lo-tesimún alav néshej Si plata prestares a mi pueblo, al pobre que está contigo, no serás para él como acreedor; no le impondrán interés. 25 אִם־חָבֹ֥ל תַּחְבֹּ֖ל שַׂלְמַ֣ת רֵעֶ֑ךָ עַד־בֹּ֥א הַשֶּׁ֖מֶשׁ תְּשִׁיבֶ֥נּוּ לֽוֹ׃ Im-javol tajbol salmat re’eja ad-bo hashémesh teshivenu lo Si tomar en prenda tomares el vestido de tu prójimo, antes de ponerse el sol se lo devolverás. 26 כִּ֣י הִ֤וא כְסוּתֹה֙ לְבַדָּ֔הּ הִ֥וא שִׂמְלָת֖וֹ לְעֹר֑וֹ בַּמֶּ֣ה יִשְׁכָּ֔ב וְהָיָה֙ כִּֽי־יִצְעַ֣ק אֵלַ֔י וְשָׁמַעְתִּ֖י כִּֽי־חַנּ֥וּן אָֽנִי׃ Ki hiv jesuto levadah hiv simlató le’oró bamé yishkav vehaya ki-yits’ak elái veshamatí ki-janún ani Porque ella es su única cubierta, ella es su vestido para su piel; ¿en qué se acostará? Y será que cuando clamare a mí, yo oiré, porque compasivo soy yo. Aliá · Cuarta
27 אֱלֹהִ֖ים לֹ֣א תְקַלֵּ֑ל וְנָשִׂ֥יא בְעַמְּךָ֖ לֹ֥א תָאֹֽר׃ Elohim lo tekalel venasí ve’amejá lo ta’or No maldecirás a Elohim, y a un príncipe en tu pueblo no maldecirás. 28 מְלֵאָתְךָ֥ וְדִמְעֲךָ֖ לֹ֣א תְאַחֵ֑ר בְּכ֥וֹר בָּנֶ֖יךָ תִּתֶּן־לִֽי׃ Mele’atjá vedim’ajá lo te’ajer bejor baneja titen-li No demorarás la ofrenda de tu cosecha ni la de tu lagar; el primogénito de tus hijos me darás. 29 כֵּֽן־תַּעֲשֶׂ֥ה לְשֹׁרְךָ֖ לְצֹאנֶ֑ךָ שִׁבְעַ֤ת יָמִים֙ יִהְיֶ֣ה עִם־אִמּ֔וֹ בַּיּ֥וֹם הַשְּׁמִינִ֖י תִּתְּנוֹ־לִֽי׃ Ken-ta’asé leshorjá letsoneja shiv’at yamim yihyé im-imó bayom hasheminí titeno-li Así harás con tu buey y con tu oveja: siete días estará con su madre, y al día octavo me lo darás. 30 וְאַנְשֵׁי־קֹ֖דֶשׁ תִּהְי֣וּן לִ֑י וּבָשָׂ֨ר בַּשָּׂדֶ֤ה טְרֵפָה֙ לֹ֣א תֹאכֵ֔לוּ לַכֶּ֖לֶב תַּשְׁלִכ֥וּן אֹתֽוֹ׃ Ve’anshei-kódesh tihyún li uvasar basadé terefa lo tojelu lakélev tashlijún otó Y hombres de santidad serán para mí; y carne desgarrada en el campo no comerán, al perro la arrojarán. Capítulo 23
1 לֹ֥א תִשָּׂ֖א שֵׁ֣מַע שָׁ֑וְא אַל־תָּ֤שֶׁת יָֽדְךָ֙ עִם־רָשָׁ֔ע לִהְיֹ֖ת עֵ֥ד חָמָֽס׃ Lo tisá shema shav al-táshet yadja im-rashá lihyot ed jamás No levantarás rumor falso; no pongas tu mano con el malvado para ser testigo de violencia. 2 לֹֽא־תִהְיֶ֥ה אַחֲרֵֽי־רַבִּ֖ים לְרָעֹ֑ת וְלֹא־תַעֲנֶ֣ה עַל־רִ֗ב לִנְטֹ֛ת אַחֲרֵ֥י רַבִּ֖ים לְהַטֹּֽת׃ Lo-tihyé ajarei-rabim lera’ot velo-ta’ané al-riv lintot ajaréi rabim lehatot No seguirás a la multitud para hacer el mal, y no responderás en un pleito inclinándote tras la multitud para torcer la justicia. 3 וְדָ֕ל לֹ֥א תֶהְדַּ֖ר בְּרִיבֽוֹ׃ Vedal lo tehdar berivó Y al pobre no favorecerás en su pleito. 4 כִּ֣י תִפְגַּ֞ע שׁ֧וֹר אֹֽיִבְךָ֛ א֥וֹ חֲמֹר֖וֹ תֹּעֶ֑ה הָשֵׁ֥ב תְּשִׁיבֶ֖נּוּ לֽוֹ׃ Ki tifgá shor oyivjá o jamoró to’é hashev teshivenu lo Cuando encuentres el buey de tu enemigo o su asno extraviado, ciertamente se lo devolverás. 5 כִּֽי־תִרְאֶ֞ה חֲמ֣וֹר שֹׂנַאֲךָ֗ רֹבֵץ֙ תַּ֣חַת מַשָּׂא֔וֹ וְחָדַלְתָּ֖ מֵעֲזֹ֣ב ל֑וֹ עָזֹ֥ב תַּעֲזֹ֖ב עִמּֽוֹ׃ Ki-tir’é jamor sona’ajá rovets tájat masaó vejadaltá me’azov lo azov ta’azov imó Cuando veas el asno de quien te aborrece caído bajo su carga, no lo dejes sin ayuda: ciertamente lo ayudarás junto con él. Aliá · Quinta
6 לֹ֥א תַטֶּ֛ה מִשְׁפַּ֥ט אֶבְיֹנְךָ֖ בְּרִיבֽוֹ׃ Lo taté mishpat evyonjá berivó No torcerás el juicio de tu pobre en su pleito. 7 מִדְּבַר־שֶׁ֖קֶר תִּרְחָ֑ק וְנָקִ֤י וְצַדִּיק֙ אַֽל־תַּהֲרֹ֔ג כִּ֥י לֹא־אַצְדִּ֖יק רָשָֽׁע׃ Midevar-shéker tirjak venakí vetsadik al-taharog ki lo-atsdik rashá De palabra de falsedad te alejarás, y al inocente y al justo no matarás, pues yo no justificaré al malvado. 8 וְשֹׁ֖חַד לֹ֣א תִקָּ֑ח כִּ֤י הַשֹּׁ֙חַד֙ יְעַוֵּ֣ר פִּקְחִ֔ים וִֽיסַלֵּ֖ף דִּבְרֵ֥י צַדִּיקִֽים׃ Veshójad lo tikaj ki hashojad ye’aver pikjim visalef divréi tsadikim Y soborno no tomarás, pues el soborno ciega a los perspicaces y pervierte las palabras de los justos. 9 וְגֵ֖ר לֹ֣א תִלְחָ֑ץ וְאַתֶּ֗ם יְדַעְתֶּם֙ אֶת־נֶ֣פֶשׁ הַגֵּ֔ר כִּֽי־גֵרִ֥ים הֱיִיתֶ֖ם בְּאֶ֥רֶץ מִצְרָֽיִם׃ Veger lo tiljáts ve’atem yedatem et-néfesh hager ki-gerim heyitem be’erets Mitsraim Y al forastero no oprimirás; y ustedes conocen el alma del forastero, pues forasteros fueron en la tierra de Mitsráyim. 10 וְשֵׁ֥שׁ שָׁנִ֖ים תִּזְרַ֣ע אֶת־אַרְצֶ֑ךָ וְאָסַפְתָּ֖ אֶת־תְּבוּאָתָֽהּ׃ Veshesh shanim tizrá et-artseja ve’asaftá et-tevu’atah Y seis años sembrarás tu tierra y recogerás su cosecha. 11 וְהַשְּׁבִיעִ֞ת תִּשְׁמְטֶ֣נָּה וּנְטַשְׁתָּ֗הּ וְאָֽכְלוּ֙ אֶבְיֹנֵ֣י עַמֶּ֔ךָ וְיִתְרָ֕ם תֹּאכַ֖ל חַיַּ֣ת הַשָּׂדֶ֑ה כֵּֽן־תַּעֲשֶׂ֥ה לְכַרְמְךָ֖ לְזֵיתֶֽךָ׃ Vehashevi’it tishmetena unetashtah ve’ajlu evyonéi ameja veyitram tojal jayat hasadé ken-ta’asé lejarmejá lezeiteja Y el séptimo la soltarás y la abandonarás, y comerán los pobres de tu pueblo, y lo que reste de ellos comerá la bestia del campo; así harás con tu viña y con tu olivar.
12 שֵׁ֤שֶׁת יָמִים֙ תַּעֲשֶׂ֣ה מַעֲשֶׂ֔יךָ וּבַיּ֥וֹם הַשְּׁבִיעִ֖י תִּשְׁבֹּ֑ת לְמַ֣עַן יָנ֗וּחַ שֽׁוֹרְךָ֙ וַחֲמֹרֶ֔ךָ וְיִנָּפֵ֥שׁ בֶּן־אֲמָתְךָ֖ וְהַגֵּֽר׃ Shéshet yamim ta’asé ma’aseja uvayom hashevi’í tishbot lema’an yanuaj shoreja vajamoreja veyinafesh ben-amatjá vehager Seis días harás tus labores, y en el día séptimo cesarás, para que descanse tu buey y tu asno, y tome aliento el hijo de tu sierva y el forastero. 13 וּבְכֹ֛ל אֲשֶׁר־אָמַ֥רְתִּי אֲלֵיכֶ֖ם תִּשָּׁמֵ֑רוּ וְשֵׁ֨ם אֱלֹהִ֤ים אֲחֵרִים֙ לֹ֣א תַזְכִּ֔ירוּ לֹ֥א יִשָּׁמַ֖ע עַל־פִּֽיךָ׃ Uvejol asher-amarti aleijem tishameru veshem Elohim ajerim lo tazkiru lo yishamá al-pija Y en todo lo que les he dicho serán cuidadosos; y nombre de elohim ajenos no mencionarán, no se oirá sobre tu boca.
14 שָׁלֹ֣שׁ רְגָלִ֔ים תָּחֹ֥ג לִ֖י בַּשָּׁנָֽה׃ Shalosh regalim tajog li bashaná Tres veces celebrarás fiesta para mí en el año. 15 אֶת־חַ֣ג הַמַּצּוֹת֮ תִּשְׁמֹר֒ שִׁבְעַ֣ת יָמִים֩ תֹּאכַ֨ל מַצּ֜וֹת כַּֽאֲשֶׁ֣ר צִוִּיתִ֗ךָ לְמוֹעֵד֙ חֹ֣דֶשׁ הָֽאָבִ֔יב כִּי־ב֖וֹ יָצָ֣אתָ מִמִּצְרָ֑יִם וְלֹא־יֵרָא֥וּ פָנַ֖י רֵיקָֽם׃ Et-jag hamatsot tishmor shiv’at yamim tojal matsot ka’asher tsivitija lemo’ed jódesh ha’aviv ki-vo yatsata mimitsráyim velo-yeraú fanái reikam La fiesta de las matsot guardarás: siete días comerás matsot, como te mandé, en el tiempo señalado del mes de aviv, pues en él saliste de Mitsráyim; y no se verán ante mí con las manos vacías.
16 וְחַ֤ג הַקָּצִיר֙ בִּכּוּרֵ֣י מַעֲשֶׂ֔יךָ אֲשֶׁ֥ר תִּזְרַ֖ע בַּשָּׂדֶ֑ה וְחַ֤ג הָֽאָסִף֙ בְּצֵ֣את הַשָּׁנָ֔ה בְּאׇסְפְּךָ֥ אֶֽת־מַעֲשֶׂ֖יךָ מִן־הַשָּׂדֶֽה׃ Vejag hakatsir bikuréi ma’aseja asher tizrá basadé vejag ha’asif betset hashaná be’ospejá et-ma’aseja min-hasadé Y la fiesta de la siega, de las primicias de tus labores que sembrares en el campo; y la fiesta de la recolección, a la salida del año, cuando recojas tus labores del campo.
17 שָׁלֹ֥שׁ פְּעָמִ֖ים בַּשָּׁנָ֑ה יֵרָאֶה֙ כׇּל־זְכ֣וּרְךָ֔ אֶל־פְּנֵ֖י הָאָדֹ֥ן ׀ יְהֹוָֽה׃ Shalosh pe’amim bashaná yera’e kol-zejurejá el-penéi ha’adón Adonai Tres veces en el año se presentará todo varón tuyo ante el Señor, HaShem. 18 לֹֽא־תִזְבַּ֥ח עַל־חָמֵ֖ץ דַּם־זִבְחִ֑י וְלֹֽא־יָלִ֥ין חֵֽלֶב־חַגִּ֖י עַד־בֹּֽקֶר׃ Lo-tizbaj al-jaméts dam-zivjí velo-yalín jelev-jagí ad-bóker No sacrificarás con pan leudado la sangre de mi sacrificio, y no quedará la grasa de mi festividad hasta la mañana. 19 רֵאשִׁ֗ית בִּכּוּרֵי֙ אַדְמָ֣תְךָ֔ תָּבִ֕יא בֵּ֖ית יְהֹוָ֣ה אֱלֹהֶ֑יךָ לֹֽא־תְבַשֵּׁ֥ל גְּדִ֖י בַּחֲלֵ֥ב אִמּֽוֹ׃ Reshit bikurei admatjá taví beit Adonai Eloheja lo-tevashel gedí bajalev imó Lo primero de las primicias de tu tierra traerás a la casa de HaShem tu Elohim. No cocerás el cabrito en la leche de su madre. Aliá · Sexta
20 הִנֵּ֨ה אָנֹכִ֜י שֹׁלֵ֤חַ מַלְאָךְ֙ לְפָנֶ֔יךָ לִשְׁמׇרְךָ֖ בַּדָּ֑רֶךְ וְלַהֲבִ֣יאֲךָ֔ אֶל־הַמָּק֖וֹם אֲשֶׁ֥ר הֲכִנֹֽתִי׃ Hiné anojí sholeaj mal’aj lefaneja lishmorjá badárej velahavi’ajá el-hamakom asher hajinoti He aquí que Yo envío un ángel delante de ti para guardarte en el camino y para llevarte al lugar que he preparado. 21 הִשָּׁ֧מֶר מִפָּנָ֛יו וּשְׁמַ֥ע בְּקֹל֖וֹ אַל־תַּמֵּ֣ר בּ֑וֹ כִּ֣י לֹ֤א יִשָּׂא֙ לְפִשְׁעֲכֶ֔ם כִּ֥י שְׁמִ֖י בְּקִרְבּֽוֹ׃ Hishámer mipanav ushemá bekoló al-tamer bo ki lo yisa lefish’ajem ki shemí bekirbó Guárdate de su presencia y escucha su voz; no te rebeles contra él, pues no perdonará la transgresión de ustedes, porque Mi nombre está en su interior. 22 כִּ֣י אִם־שָׁמ֤וֹעַ תִּשְׁמַע֙ בְּקֹל֔וֹ וְעָשִׂ֕יתָ כֹּ֖ל אֲשֶׁ֣ר אֲדַבֵּ֑ר וְאָֽיַבְתִּי֙ אֶת־אֹ֣יְבֶ֔יךָ וְצַרְתִּ֖י אֶת־צֹרְרֶֽיךָ׃ Ki im-shamóa tishma bekoló ve’asita kol asher adaber ve’ayavti et-oyveja vetsartí et-tsorereja Porque si escuchar escuchas su voz y haces todo lo que Yo hable, entonces seré enemigo de tus enemigos y afligiré a los que te aflijan. 23 כִּֽי־יֵלֵ֣ךְ מַלְאָכִי֮ לְפָנֶ֒יךָ֒ וֶהֱבִֽיאֲךָ֗ אֶל־הָֽאֱמֹרִי֙ וְהַ֣חִתִּ֔י וְהַפְּרִזִּי֙ וְהַֽכְּנַעֲנִ֔י הַחִוִּ֖י וְהַיְבוּסִ֑י וְהִכְחַדְתִּֽיו׃ Ki-yelej mal’aji lefanejá vehevi’ajá el-ha’emori vehajití vehaperizi vehakena’aní hajiví vehayvusí vehijjadtiv Porque irá Mi ángel delante de ti y te llevará al emori y al jití y al perizí y al kenaaní, al jiví y al yevusí, y los aniquilaré. 24 לֹֽא־תִשְׁתַּחֲוֶ֤ה לֵאלֹֽהֵיהֶם֙ וְלֹ֣א תׇֽעׇבְדֵ֔ם וְלֹ֥א תַעֲשֶׂ֖ה כְּמַֽעֲשֵׂיהֶ֑ם כִּ֤י הָרֵס֙ תְּהָ֣רְסֵ֔ם וְשַׁבֵּ֥ר תְּשַׁבֵּ֖ר מַצֵּבֹתֵיהֶֽם׃ Lo-tishtajavé leloheihem veló to’ovdem veló ta’asé kema’aseihem ki hares teharsem veshaber teshaber matsevoteihem No te postrarás ante sus dioses ni los servirás, ni harás conforme a sus obras, sino que los destruirás por completo y quebrarás del todo sus estelas. 25 וַעֲבַדְתֶּ֗ם אֵ֚ת יְהֹוָ֣ה אֱלֹֽהֵיכֶ֔ם וּבֵרַ֥ךְ אֶֽת־לַחְמְךָ֖ וְאֶת־מֵימֶ֑יךָ וַהֲסִרֹתִ֥י מַחֲלָ֖ה מִקִּרְבֶּֽךָ׃ Va’avadtem et Adonai Eloheijem uveraj et-lajmejá ve’et-meimeja vahasirotí majalá mikirbeja Y servirán a HaShem, su Elohim, y Él bendecirá tu pan y tus aguas, y Yo apartaré la enfermedad de tu medio. Aliá · Séptima
26 לֹ֥א תִהְיֶ֛ה מְשַׁכֵּלָ֥ה וַעֲקָרָ֖ה בְּאַרְצֶ֑ךָ אֶת־מִסְפַּ֥ר יָמֶ֖יךָ אֲמַלֵּֽא׃ Lo tihyé meshakelá va’akará be’artseja et-mispar yameja amalé No habrá mujer que pierda sus crías ni estéril en tu tierra; el número de tus días yo colmaré. 27 אֶת־אֵֽימָתִי֙ אֲשַׁלַּ֣ח לְפָנֶ֔יךָ וְהַמֹּתִי֙ אֶת־כׇּל־הָעָ֔ם אֲשֶׁ֥ר תָּבֹ֖א בָּהֶ֑ם וְנָתַתִּ֧י אֶת־כׇּל־אֹיְבֶ֛יךָ אֵלֶ֖יךָ עֹֽרֶף׃ Et-eimati ashalaj lefaneja vehamoti et-kol-ha’am asher tavó bahem venatatí et-kol-oyveja eleja óref Mi terror enviaré delante de ti, y turbaré a todo el pueblo al que llegues, y haré que todos tus enemigos te den la espalda. 28 וְשָׁלַחְתִּ֥י אֶת־הַצִּרְעָ֖ה לְפָנֶ֑יךָ וְגֵרְשָׁ֗ה אֶת־הַחִוִּ֧י אֶת־הַֽכְּנַעֲנִ֛י וְאֶת־הַחִתִּ֖י מִלְּפָנֶֽיךָ׃ Veshalajtí et-hatsir’á lefaneja vegershá et-hajiví et-hakena’aní ve’et-hajití milefaneja Y enviaré la avispa delante de ti, y expulsará al jiví, al kenaaní y al jití de delante de ti. 29 לֹ֧א אֲגָרְשֶׁ֛נּוּ מִפָּנֶ֖יךָ בְּשָׁנָ֣ה אֶחָ֑ת פֶּן־תִּהְיֶ֤ה הָאָ֙רֶץ֙ שְׁמָמָ֔ה וְרַבָּ֥ה עָלֶ֖יךָ חַיַּ֥ת הַשָּׂדֶֽה׃ Lo agarshenu mipaneja beshaná ejat pen-tihyé ha’arets shemamá verabá aleja jayat hasadé No lo expulsaré de delante de ti en un solo año, para que la tierra no quede desolada y se multiplique contra ti la bestia del campo. 30 מְעַ֥ט מְעַ֛ט אֲגָרְשֶׁ֖נּוּ מִפָּנֶ֑יךָ עַ֚ד אֲשֶׁ֣ר תִּפְרֶ֔ה וְנָחַלְתָּ֖ אֶת־הָאָֽרֶץ׃ Me’at me’at agarshenu mipaneja ad asher tifré venajaltá et-ha’arets Poco a poco lo expulsaré de delante de ti, hasta que fructifiques y heredes la tierra. 31 וְשַׁתִּ֣י אֶת־גְּבֻלְךָ֗ מִיַּם־סוּף֙ וְעַד־יָ֣ם פְּלִשְׁתִּ֔ים וּמִמִּדְבָּ֖ר עַד־הַנָּהָ֑ר כִּ֣י ׀ אֶתֵּ֣ן בְּיֶדְכֶ֗ם אֵ֚ת יֹשְׁבֵ֣י הָאָ֔רֶץ וְגֵרַשְׁתָּ֖מוֹ מִפָּנֶֽיךָ׃ Veshatí et-gevuljá miyam-suf ve’ad-yam pelishtim umimidbar ad-hanahar ki etén beyedjem et yoshvéi ha’arets vegerashtamo mipaneja Y pondré tu frontera desde el mar de Suf hasta el mar de los pelishtim, y desde el desierto hasta el río, pues entregaré en mano de ustedes a los habitantes de la tierra, y los expulsarás de delante de ti. 32 לֹֽא־תִכְרֹ֥ת לָהֶ֛ם וְלֵאלֹֽהֵיהֶ֖ם בְּרִֽית׃ Lo-tijrot lahem veleloheihem berit No pactarás con ellos ni con sus dioses alianza. 33 לֹ֤א יֵשְׁבוּ֙ בְּאַרְצְךָ֔ פֶּן־יַחֲטִ֥יאוּ אֹתְךָ֖ לִ֑י כִּ֤י תַעֲבֹד֙ אֶת־אֱלֹ֣הֵיהֶ֔ם כִּֽי־יִהְיֶ֥ה לְךָ֖ לְמוֹקֵֽשׁ׃ Lo yeshvu be’artsejá pen-yajatíu otjá li ki ta’avod et-Eloheihem ki-yihyé lejá lemokesh No habitarán en tu tierra, para que no te hagan pecar contra mí, pues si sirvieras a sus dioses, será para ti trampa. Capítulo 24
1 וְאֶל־מֹשֶׁ֨ה אָמַ֜ר עֲלֵ֣ה אֶל־יְהֹוָ֗ה אַתָּה֙ וְאַהֲרֹן֙ נָדָ֣ב וַאֲבִיה֔וּא וְשִׁבְעִ֖ים מִזִּקְנֵ֣י יִשְׂרָאֵ֑ל וְהִשְׁתַּחֲוִיתֶ֖ם מֵרָחֹֽק׃ Ve’el-Moshé amar alé el-Adonai ata ve’aharon nadav va’avihú veshiv’im miziknéi Yisrael vehishtajavitem merajok Y a Moshé dijo: «Sube hacia HaShem, tú y Aharón, Nadav y Avihú, y setenta de los ancianos de Yisrael, y se prosternarán desde lejos. 2 וְנִגַּ֨שׁ מֹשֶׁ֤ה לְבַדּוֹ֙ אֶל־יְהֹוָ֔ה וְהֵ֖ם לֹ֣א יִגָּ֑שׁוּ וְהָעָ֕ם לֹ֥א יַעֲל֖וּ עִמּֽוֹ׃ Venigash Moshé levado el-Adonai vehem lo yigashu veha’am lo ya’alú imó Y se acercará Moshé solo hacia HaShem, pero ellos no se acercarán, y el pueblo no subirá con él». 3 וַיָּבֹ֣א מֹשֶׁ֗ה וַיְסַפֵּ֤ר לָעָם֙ אֵ֚ת כׇּל־דִּבְרֵ֣י יְהֹוָ֔ה וְאֵ֖ת כׇּל־הַמִּשְׁפָּטִ֑ים וַיַּ֨עַן כׇּל־הָעָ֜ם ק֤וֹל אֶחָד֙ וַיֹּ֣אמְר֔וּ כׇּל־הַדְּבָרִ֛ים אֲשֶׁר־דִּבֶּ֥ר יְהֹוָ֖ה נַעֲשֶֽׂה׃ Vayavó Moshé vaysaper la’am et kol-divréi Adonai ve’et kol-hamishpatim vaya’an kol-ha’am kol ejad vayomrú kol-hadevarim asher-diber Adonai na’asé Y vino Moshé y relató al pueblo todas las palabras de HaShem y todos los estatutos, y respondió todo el pueblo a una sola voz y dijeron: «Todas las palabras que ha hablado HaShem haremos». 4 וַיִּכְתֹּ֣ב מֹשֶׁ֗ה אֵ֚ת כׇּל־דִּבְרֵ֣י יְהֹוָ֔ה וַיַּשְׁכֵּ֣ם בַּבֹּ֔קֶר וַיִּ֥בֶן מִזְבֵּ֖חַ תַּ֣חַת הָהָ֑ר וּשְׁתֵּ֤ים עֶשְׂרֵה֙ מַצֵּבָ֔ה לִשְׁנֵ֥ים עָשָׂ֖ר שִׁבְטֵ֥י יִשְׂרָאֵֽל׃ Vayijtov Moshé et kol-divréi Adonai vayashkem babóker vayiven mizbeaj tájat hahar usheteim esre matsevá lishneim asar shivtéi Yisrael Y escribió Moshé todas las palabras de HaShem, y se levantó temprano por la mañana y edificó un altar al pie del monte, y doce estelas para las doce tribus de Yisrael. 5 וַיִּשְׁלַ֗ח אֶֽת־נַעֲרֵי֙ בְּנֵ֣י יִשְׂרָאֵ֔ל וַֽיַּעֲל֖וּ עֹלֹ֑ת וַֽיִּזְבְּח֞וּ זְבָחִ֧ים שְׁלָמִ֛ים לַיהֹוָ֖ה פָּרִֽים׃ Vayishlaj et-na’arei benéi Yisrael vaya’alú olot vayizbejú zevajim shelamim laAdonai parim Y envió a los jóvenes de los hijos de Yisrael, y ofrecieron ofrendas de ascensión y sacrificaron toros como sacrificios de paz a HaShem. 6 וַיִּקַּ֤ח מֹשֶׁה֙ חֲצִ֣י הַדָּ֔ם וַיָּ֖שֶׂם בָּאַגָּנֹ֑ת וַחֲצִ֣י הַדָּ֔ם זָרַ֖ק עַל־הַמִּזְבֵּֽחַ׃ Vayikaj Moshé jatsí hadam vayásem ba’aganot vajatsí hadam zarak al-hamizbeaj Y tomó Moshé la mitad de la sangre y la puso en vasijas, y la otra mitad de la sangre roció sobre el altar. 7 וַיִּקַּח֙ סֵ֣פֶר הַבְּרִ֔ית וַיִּקְרָ֖א בְּאׇזְנֵ֣י הָעָ֑ם וַיֹּ֣אמְר֔וּ כֹּ֛ל אֲשֶׁר־דִּבֶּ֥ר יְהֹוָ֖ה נַעֲשֶׂ֥ה וְנִשְׁמָֽע׃ Vayikaj séfer haberit vayikrá be’oznéi ha’am vayomrú kol asher-diber Adonai na’asé venishmá Y tomó el libro de la alianza y leyó en los oídos del pueblo, y dijeron: «Todo lo que ha hablado HaShem haremos y escucharemos». 8 וַיִּקַּ֤ח מֹשֶׁה֙ אֶת־הַדָּ֔ם וַיִּזְרֹ֖ק עַל־הָעָ֑ם וַיֹּ֗אמֶר הִנֵּ֤ה דַֽם־הַבְּרִית֙ אֲשֶׁ֨ר כָּרַ֤ת יְהֹוָה֙ עִמָּכֶ֔ם עַ֥ל כׇּל־הַדְּבָרִ֖ים הָאֵֽלֶּה׃ Vayikaj Moshé et-hadam vayizrok al-ha’am vayómer hiné dam-haberit asher karat Adonai imajem al kol-hadevarim ha’ele Y tomó Moshé la sangre y roció sobre el pueblo, y dijo: «He aquí la sangre de la alianza que ha pactado HaShem con ustedes sobre todas estas palabras». 9 וַיַּ֥עַל מֹשֶׁ֖ה וְאַהֲרֹ֑ן נָדָב֙ וַאֲבִיה֔וּא וְשִׁבְעִ֖ים מִזִּקְנֵ֥י יִשְׂרָאֵֽל׃ Vayá’al Moshé ve’aharón nadav va’avihú veshiv’im miziknéi Yisrael Y subieron Moshé y Aharón, Nadav y Avihú, y setenta de los ancianos de Yisrael.
10 וַיִּרְא֕וּ אֵ֖ת אֱלֹהֵ֣י יִשְׂרָאֵ֑ל וְתַ֣חַת רַגְלָ֗יו כְּמַעֲשֵׂה֙ לִבְנַ֣ת הַסַּפִּ֔יר וּכְעֶ֥צֶם הַשָּׁמַ֖יִם לָטֹֽהַר׃ Vayirú et Elohéi Yisrael vetájat raglav kema’ase livnat hasapir uje’étsem hashamáyim latóhar Y vieron al Elohim de Yisrael, y debajo de sus pies como obra de ladrillo de zafiro, y como la esencia del cielo en pureza. 11 וְאֶל־אֲצִילֵי֙ בְּנֵ֣י יִשְׂרָאֵ֔ל לֹ֥א שָׁלַ֖ח יָד֑וֹ וַיֶּֽחֱזוּ֙ אֶת־הָ֣אֱלֹהִ֔ים וַיֹּאכְל֖וּ וַיִּשְׁתּֽוּ׃ Ve’el-atsilei benéi Yisrael lo shalaj yadó vayejezu et-ha’elohim vayojlú vayishtú Y contra los nobles de los hijos de Yisrael no extendió su mano; y contemplaron a Elohim, y comieron y bebieron. 12 וַיֹּ֨אמֶר יְהֹוָ֜ה אֶל־מֹשֶׁ֗ה עֲלֵ֥ה אֵלַ֛י הָהָ֖רָה וֶהְיֵה־שָׁ֑ם וְאֶתְּנָ֨ה לְךָ֜ אֶת־לֻחֹ֣ת הָאֶ֗בֶן וְהַתּוֹרָה֙ וְהַמִּצְוָ֔ה אֲשֶׁ֥ר כָּתַ֖בְתִּי לְהוֹרֹתָֽם׃ Vayómer Adonai el-Moshé alé elái hahara vehye-sham ve’etená lejá et-lujot ha’even vehatora vehamitsvá asher katavti lehorotam Y dijo HaShem a Moshé: «Sube hacia mí al monte y permanece allí, y te daré las tablas de piedra y la Torá y el mandamiento que he escrito para instruirlos». 13 וַיָּ֣קׇם מֹשֶׁ֔ה וִיהוֹשֻׁ֖עַ מְשָׁרְת֑וֹ וַיַּ֥עַל מֹשֶׁ֖ה אֶל־הַ֥ר הָאֱלֹהִֽים׃ Vayákom Moshé vihoshúa meshartó vayá’al Moshé el-har ha’elohim Y se levantó Moshé, y Yehoshúa su servidor, y subió Moshé al monte de Elohim. 14 וְאֶל־הַזְּקֵנִ֤ים אָמַר֙ שְׁבוּ־לָ֣נוּ בָזֶ֔ה עַ֥ד אֲשֶׁר־נָשׁ֖וּב אֲלֵיכֶ֑ם וְהִנֵּ֨ה אַהֲרֹ֤ן וְחוּר֙ עִמָּכֶ֔ם מִי־בַ֥עַל דְּבָרִ֖ים יִגַּ֥שׁ אֲלֵהֶֽם׃ Ve’el-hazekenim amar shevu-lanu vazé ad asher-nashuv aleijem vehiné Aharón vejur imajem mi-vá’al devarim yigash Alehem Y a los ancianos dijo: «Aguárdennos aquí hasta que volvamos a ustedes; y he aquí que Aharón y Jur están con ustedes; quien tenga asuntos que se acerque a ellos». 15 וַיַּ֥עַל מֹשֶׁ֖ה אֶל־הָהָ֑ר וַיְכַ֥ס הֶעָנָ֖ן אֶת־הָהָֽר׃ Vayá’al Moshé el-hahar vayjás he’anán et-hahar Y subió Moshé al monte, y la nube cubrió el monte.
16 וַיִּשְׁכֹּ֤ן כְּבוֹד־יְהֹוָה֙ עַל־הַ֣ר סִינַ֔י וַיְכַסֵּ֥הוּ הֶעָנָ֖ן שֵׁ֣שֶׁת יָמִ֑ים וַיִּקְרָ֧א אֶל־מֹשֶׁ֛ה בַּיּ֥וֹם הַשְּׁבִיעִ֖י מִתּ֥וֹךְ הֶעָנָֽן׃ Vayishkón kevod-Adonai al-har Sinaí vayjasehu he’anán shéshet yamim vayikrá el-Moshé bayom hashevi’í mitoje he’anán Y reposó la gloria de HaShem sobre el monte Sinay, y lo cubrió la nube seis días; y llamó a Moshé el día séptimo desde el medio de la nube. 17 וּמַרְאֵה֙ כְּב֣וֹד יְהֹוָ֔ה כְּאֵ֥שׁ אֹכֶ֖לֶת בְּרֹ֣אשׁ הָהָ֑ר לְעֵינֵ֖י בְּנֵ֥י יִשְׂרָאֵֽל׃ Umar’e kevod Adonai ke’esh ojélet berosh hahar le’einéi benéi Yisrael Y la apariencia de la gloria de HaShem era como fuego consumidor en la cima del monte, ante los ojos de los hijos de Yisrael.
18 וַיָּבֹ֥א מֹשֶׁ֛ה בְּת֥וֹךְ הֶעָנָ֖ן וַיַּ֣עַל אֶל־הָהָ֑ר וַיְהִ֤י מֹשֶׁה֙ בָּהָ֔ר אַרְבָּעִ֣ים י֔וֹם וְאַרְבָּעִ֖ים לָֽיְלָה׃ Vayavó Moshé betoje he’anán vayá’al el-hahar vayhí Moshé bahar arba’im yom ve’arba’im layla Y entró Moshé en medio de la nube y subió al monte; y estuvo Moshé en el monte cuarenta días y cuarenta noches. 